Avyakt murli du vendredi 31 décembre 1993

>

31-12-93 om shanti avyakt baapdaadaamdhuban

naye varsha mein sada umang-utsaah mein udna aur sarva ke prati mahaadaani, vardaani ban vyartha ko samaapta karna

nav jeevan de udti kala mein udaane vaale, nav yug ke rachayita shivbaaba apne aadhaarmoorta bachchon prati bole-

aaj nav yug nai srishti ke rachta baapdaada apne navayug ke aadhaarmoorta bachchon ko dekh rahe hain। baapdaada ke saath-saath aap sabhi bachche sada sahayogi ho, isliye aap hi aadhaarmoorta ho। duniya ke hisaab se aaj ka din varsha ka sangam hai। puraana varsha ja raha hai aur naya varsha aa raha hai। ye hai varsha ka sangam din aur aap baithe ho behad ke sangamayug par। aap sabhi nav varsha ke saath-saath nav yug ki sabhi ko mubaarak dete ho। ek din ki mubaarak nahin, lekin nav yug ke anek janmon ki mubaarak dete ho। is sangam par achhi tarah se anubhav karte ho ki is samay ham brahman aatmaon ki nai jeevan hai। nai jeevan mein aa gaye ho na। braahmanon ka sansaar hi naya hai। amritvele se dekho to nai reet, nai preet hai। puraani duniya ki dincharya aur naye jeevan brahman jeevan ki dincharya mein kitna antar hai! sab naya ho gaya-smriti nai, vritti nai, drishti nai, sab badal gaya na। aur nai jeevan kitni pyaari lagti hai! vaise bhi nai cheezsabko pyaari lagti hai। puraani cheezchhodna chaahte hain aur naeecheez lena chaahte hain। to is samay ka yeh chhota-sa naya sansaar hai। sansaar bhi naya aur sanskaar bhi naye। isliye duniya vaale bhi naye varsha ko dhoomdhaam se manaate hain।

manaane ka arth hai umang-utsaah mein aana। utsaah hota hai, iseeliye manaane ke din ko utsav kaha jaata hai। utsaah se hi ek-do ko badhaaiyaan va mubaarak dete hain va greetings dete hain। aap brahman aatmaon ke liye har din utsav hai। sada utsav arthaat umang-utsaah mein rehte ho। yeh umang-utsaah hi brahman jeevan hai। duniya ki reeti pramaan vishesh din ko manaate ho, aaj manaane ke liyeikaththe hue ho na। lekin aapka nav yug nai jeevan ka umang-utsaah sada hi hai। aise nahin ki 2 taareekh ho jaayegi to umang-utsaah khalaas ho jaayega, ek maas ho gaya to aur khatma ho jaayega। har din umang-utsaah badhta jaata hai, kam nahin hota। aise hai na? ki apne-apne sthaan par jaayenge to utsaah khatma ho jaayega? har ghadi umang-utsaah ki hai। kyonki umang-utsaah hi aap braahmanon ki udti kala ke pankh hai। is umang-utsaah ke pankhon se sada udte rehte ho। agar kaarya arth karma mein bhi aate ho phir bhi udti kala ki sthiti se karmayogi ban karma mein aate ho। to udti kala vaale ho na, to bina pankhon ke to ud nahin sakte। yeh umang-utsaah udti kala ke pankh sada saath hain। yeh umang-utsaah aap braahmanon ke liye bade se badi shakti hai। neeras jeevan nahin hai। duniya vaale to kahenge ki kya karen, ras nahin hai, neeras hai, beras hai aur aap kya kahenge umang-utsaah ka ras hai hi hai। kabhi dilshikasta nahin ho sakte ho। sada dil khush। kaisi bhi mushkil baat ho, lekin umang-utsaah mushkil ko sahaj kar deta hai। utsaah toofaan ko bhi tohpha bana deta hai, pahaad ko bhi raai nahin lekin rooi bana deta hai। utsaah kisi bhi pareeksha va samasya ko manoranjan anubhav karaata hai। isliye umang-utsaah mein rahne vaale nav yug ke aadhaarmoorta nav jeevan vaale brahman aatmaayen ho। apne ko jaante ho। maante bhi ho ya sirf jaante ho? kya kahenge? jaante bhi hain, maante bhi hain aur usi mein chalte bhi hain। sada yeh utsaah rehta hai ki kalpa pahle bhi ham hi the, ab bhi hain aur anek baar ham hi banenge। to avinaashi utsaah ho gaya na। the, hain aur sada honge-teenon kaal ka ho gaya na। past, present aur future-teen kaal ho gaye। to avinaashi ho gaya na। baapdaada dekh rahe the ki avinaashi umang-utsaah mein rahne vaali aatmaayen nambarvaar hain ya sab number one hain?jab hain hi nishchaybuddhi vijayi to vijayi to zaroor number one honge na, nambarvaar thode hi honge।

to sada nav jeevan ke is utsaah mein udte chalo kyonki aap aadhaarmoorta ho। sirf apne jeevan ke liye aadhaar nahin ho lekin vishwa ke sarva aatmaon ke aadhaarmoorta ho। aapki shreshtha vritti se vishwa ka vaataavran parivartan ho raha hai। aapke pavitra drishti se vishwa ki aatmaayen aur prakriti - donon pavitra ban rahi hain। aapke drishti se srishti badal rahi hai। aapke shreshtha karmon se shreshthaachaari duniya ban rahi hai। to kitni jimmevaari hai! vishwa ki jimmevaari ka taaj pahna hua hai na? ki kabhi bhaari lagta hai to utaar dete ho? kya karte ho? jo double light rehte hain unko ye jimmevaari ka taaj bhi sada light (halka) anubhav hoga, bhaari nahin lagega। is samay ke taajdhaari bhavishya ke taajdhaari bante hain। to naye varsha mein kya karenge? avyakt varsha bhi manaaya, avyakt varsha arthaat pharishta ban gaye, ki abhi banna hai? pharishte kya karte hain?

avyakt ka arth hi hai pharishta। varsha poora kiya to pharishta bane na, ki nahin? avyakt varsha abhi lamba kar den? do varsha ka ek varsha bana den? abhi aur aage badhna hai na। avyakt varsha manaaya, ab pharishta bankar kya karenge?

sada har din, har samay mahaadaani aur vardaani banna hai। to yeh varsha mahaadaani vardaani varsha manaao। jo bhi sambandh-samparka mein aaye us aatma ko mahaadaani ban koi na koi shakti ka, gyaan ka, gun ka daan dena hi hai। teenon khazaanekitne bharpoor ho gaye hain! gyaan ka khazaana bharpoor hai, ki thoda kam hai? master knowledgeful ho na। to gyaan ka khazaana bhi hai, shaktiyon ka khazaana bhi hai aur gunon ka khazaana bhi hai। teenon mein sampanna ho, ki ek mein sampanna ho, do mein nahin? vartamaan samay aatmaon ko teenon ki bahut aavashyakta hai। saare din mein koi na koi daan dena hi hai, chaahe gyaan ka, chaahe shaktiyon ka, chaahe gunon ka, lekin dena hi hai। mahaadaani aatmaon ka bina daan diye hue koi bhi din na ho। aise nahin, varsha poora ho jaaye aur kaho humein to chance nahin mila। chance lena bhi apne oopar hai ki chance dene vaala de tab chance le sakte hain ya svayan bhi chance le sakte hain lena aata hai? ki koi deve to lena aata hai? koi chance nahin dega to kya karenge? dekhte, sochte rahenge? saare din mein chaahe brahman aatmaon ke, chaahe agyaani aatmaon ke sambandh-samparka mein to aate hi ho na, jiske bhi sambandh-samparka mein aao unko koi na koi daan arthaat sahayog do। daan shabd ka roohaani arth hai sahayog dena। to roj mahaadaani va vardaani ban vardaan kaise denge? vardaan dene ki vidhi kya hai? aapke jad chitra to abhi tak vardaan de rahe hain। to vardaan dene ki vidhi hai-jo bhi aatma sambandh-samparka mein aaye unko apne sthiti ke vaayumandal dvaara aur apne vritti ke vibrations dvaara sahayog dena arthaat vardaan dena। kaisi bhi aatma ho, gaali dene vaali bhi ho, ninda karne vaali ho lekin apni shubh bhaavna, shubh kaamna dvaara, vritti dvaara, sthiti dvaara aisi aatma ko bhi gun daan ya sahansheelta ki shakti ka vardaan do। agar koi krodh agni mein jalta hua aapke saamne aaye to aag mein tel daalenge ya paani daalenge? paani daalenge na ki thoda tel ka bhi chheenta daalenge? agar krodhi ke aage aapne mukh se krodh nahin kiya, mukh se to shant rahe lekin aankhon dvaara, chehre dvaara krodh ki bhaavna rakhi to bhi tel ke chheente daale। krodhi aatma parvash hai, raham ke sheetal jal dvaara vardaan do। to aise vardaani bane ho? ki jis samay aavashyakta hai us samay sahanshakti ka teer nahin chalta hai? agar samay par koi bhi amoolya vastu kaarya mein nahin lagi to usko amoolya kaha jaayega? amoolya arthaat samay par moolya kaarya mein lage। to is varsha kya karenge? mahaadaani, vardaani bano। chaitanya mein sanskaar bharte ho tab to jad chitron dvaara bhi vardaani moorta bante ho। sanskaar to abhi bharne hai na, ki jis samay moorti banegi us samay bharenge?

mahaadaani-vardaani moorta banne se vyartha svatah hi khatma ho jaayega। kyonki jo mahaadaani hain, vardaani hain, doosre ko dene vaale daata hain to daata ka arth hi hai samartha। samartha hoga tab to dega। to jahaan samartha hai vahaan vyartha svatah hi khatma ho jaata hai। samartha sthiti hai switch on hona। jaise is sthool light ka switch on karna arthaat andhakaar ko samaapta karna, aise samartha sthiti arthaat switch on karna। to switch theek hai ya kabhi theek, kabhi loose ho jaata hai ya phyooj ho jaata hai? on karna to aata hai na। aajkal to chhote-chhote bachche bhi switch on karne mein hoshiyaar hote hain। T.vi. ka switch on kar dete hain na। to switch on hone se ek-ek vyartha sankalp ko samaapta karne ki mehnat se chhoot jaayenge। avyakt pharishton ka yahi shreshtha kaarya hai। aur kya naveenta karenge? avyakt varsha mein apna chart rakha tha ki kabhi rakha, kabhi nahin rakha? kabhi-kabhi vaale bane ya sada vaale banen? kabhi-kabhi vaale jyaada hain।

is naye varsha mein naya chart rakhna। kya naya chart rakhenge? chaar subject ko to achhi tarah se jaante ho। to is varsha ka yahi chart rakhna ki chaaron hi subject mein-chaahe gyaan mein, chaahe yog mein, dhaarna mein, seva mein, har subject mein har roj koi na koi naveenta laani hai। gyaan arthaat samajhdaar banna, samajh dena aur samajhdaar ban chalna। gyaan mein bhi naveenta ka arth hai jo apne mein kami hai usko dhaaran kiya to naveenta hui na। na se haan hui to naya hua na। isi reeti se yog ke prayog mein har roj koi na koi naya anubhav karo। yog mein bahut achhe baithe, bahut achha yog laga, lekin naveenta kya hui? percentage badhna bhi naveenta hai। aaj agar aapki percentage yog ki 50% hai aur kal 50 se vriddhi ho gai to naveenta ho gai। aise nahin ki ek hi maas mein 50-50 lagaate jaao। to chaaron hi subject mein sva ke pragti mein naveenta, vidhi mein naveenta, prayog mein naveenta, auron ko sahaj yogi banaane mein aur percentage badhna maana naveenta। kisko duhkh diya, kisko krodh kiya-yeh to common chart hai। yeh to aapki jo royal praja hai woh bhi rakhti hai। aap royal praja ho va raaja ho? to naveenta se svatah hi teevra purooshaartha ke sameepta ki anubhooti hoti rahegi। samjha kya chart rakhna hai? aur har teen maas mein roj ka nahin yahaan bhejna, kaam badh jaayega। is varsha to aapko economy bhi karni hai na। yeh varsha vishesh economy ka hai। ek naami aur economy। gyaan sarovar bana rahe ho to sabmen economy karna। sab khazaanon mein, samay mein bhi, sankalp mein bhi, sampatti mein bhi, sabmen economy। to har teen maas ka svayan hi saakshi ho kar chart check karke short mein apna samaachaar dena। har teen maas mein dekhna-pragti hai ya jaise hain vaise hi hain? girti kala mein to jaana nahin। lekin aisa bhi nahin ki jaisa hai, vaisa hi ho। purooshaartha mein midget nahin banna। midget achha lagega! aise nahin kehna ki chaahte to the lekin kya karen. . .! kya-kya nahin kehna। braahmanon ki yeh bhaasha hai-kya karen, kaise karen, aisa karen to kya. . . lekin doosron ko bhi sahayog do ki aise karo। samjha kya chart rakhna hai? ab dekhenge kaun-kaun kya-kya karta hai?

baapdaada sneh ke kaaran naam announce nahin karte hain। kisne kya-kya kiya, jaante to hain na। aajkal T.vi. ka fashion hai baapdaada ke paas bhi T.vi. hai। baapdaada jaante hain jo pichhle varsha kaam diya vo kisne kitna kiya?naam announce karen-half caste kitne rahe, full kosta kitne rahe?

to is varsha mahaadaani-vardaani moorta svayan prati bhi aur sarva prati bhi bano aur har roj koi na koi naveenta arthaat progress avashya karo। to ye hua sva ke purooshaartha ke prati। seva mein kya karenge? seva mein bhi naveenta laani hai na। mele bhi bahut kar liye, pradarshaniyaan to anginat kar leen, seminar-konpherensabhi bahut ki, abhi aavaaj bulanda karne vaale mike to taiyaar karne hi hain lekin uski vidhi kya hai? vaise pahle bhi sunaaya hai lekin kiya kam hai। seva ki result mein dekha gaya hai ki bade nimitta aatmaon ko sameep laane ke pahle chaahe koi neta hai, chaahe koi bade indastriylista hain, chaahe koi bade officer hain, lekin unhon ko sameep laane ka saadhan hai unhon ke secretary ko achhi tarah se sameep laao। aap log badon ke oopar time dete ho। vo achha-achha kahkar phir so jaate hain। unhon ko phir jagaane ke liye itna time to milta nahin, na vo dete hain, na aap ja sakte ho, isliye secretary jo hote hain vo badalte bhi nahin hain, bade to sab badal bhi jaate hain। aaj ek minister ki seva karte ho aur kal vo praja ban jaata hai। secretary kaaphi sahayogi ban sakte hain। to kisi bhi varga ki seva mein is varsha vishesh secretary, managers ya private asistenta jo bhi shaktishaali hon, badon ke sameep hon, un aatmaon ki seva vishesh karo।

doosri baat, pahle bhi ishaara diya hai ki vartamaan samay ‘kam kharcha aur naam baala’ uski vidhi hai ki jo bhi chhoti ya badi sansthaayen hain, esosieshansa hain unhon se sambandh-samparka rakho, bani-banaai stage par naam baala karo। kam kharcha, naam baala। karte ho lekin aur teevra gati se। har desh mein ya har gaanv mein ya har jile mein jo bhi bhinna-bhinna prakaar ke esosieshansa hain ya bahut varga ke kaarya karne vaale hain, konpherensakarne vaale hain ya sammelan karte hain to bani-banaai stage par sandesh do। to samay aur mehnat, donon bach jaayengi। abhi isko teevra gati mein laao। check karo ki jis desh ke ya jis sthaan ke nimitta bane hain us sthaan ki koi bhi sanstha vanchit nahin rah jaaye। kyonki vartamaan samay vaayumandal parivartan ho gaya hai। abhi dar kam hai, sneh jyaada hai, achha maante hain। achha bante nahin hain lekin achha maante hain। isliye is do prakaar ki seva ko aur underline karo to sahaj mike taiyaar ho jaayenge। naya varsha shuru kiya hai to naya vidhi aur vidhaan bhi chaahiye na।

is naye varsha ka amritvele sada yeh slogan emerge karna ki ‘‘sada umang-utsaah mein udna hai aur doosron ko bhi udaana hai।’’ beech-beech mein check karna। aise nahin ki amritvele check karo aur saara din merge kar do। phir raat ko socho ki aaj ka din to aise hi raha। nahin, beech-beech mein check karo, emerge karo ki umang-utsaah ke bajaay koi aur raaste par to nahin chale gaye? udti kala ke bajaay aur kisi kala ne to apne taraph aakarshit nahin kiya? achha!

chaaron or ke nav jeevan anubhav karne vaale sarva brahman bachchon ko, sada nav yug ke aadhaarmoorta shreshtha aatmaon ko, sada sankalp, bol aur karma dvaara mahaadaani-vardaani aatmaon ko, sada svayan ki sthiti dvaara auron ki paristhiti ko bhi sahaj banaane vaali samartha aatmaon ko, sada har din svayan mein pragti arthaat naveenta anubhav karne vaale sameep aatmaon ko, sada eknaami aur economy karne vaale baap samaan sameep aatmaon ko baapdaada ka yaad-pyaar aur namaste।

daadiyon se mulaakaatah -

nimitta aatmaayen har samay pratyakshaphal khaane vaali। bhavishya to aapke liye nishchit hai hi , woh to hona hi hai। lekin pratyaksha phal kitna pyaara hai! abhi-abhi kiya aur abhi-abhi shreshtha praapti ki anubhooti karte hi rehte ho। sabse shreshtha pratyaksha phal hai-sameepta ka anubhav hona aur sameepta ki nishaani hai-samaan banna। pratyaksha phal khaane vaale ho iseeliye sada healthy, wealthy aur happy ho। koi bhi poochhega kaise ho to kya kahenge? kahenge healthy bhi hain, wealthy bhi hain aur happy bhi hain। to jaise saakaar duniya mein aajkal kehte hain na ki phal khaao to tandaroosta rahenge। healthy rahne ka saadhan phal bataate hain। aur aap to har second pratyaksha phal khaate hi rehte ho, milta hi rehta hai। to sada ever healthy hain hi। baapdaada ne sunaaya tha na agar brahman bachchon se koi poochhe-kya haal hai to kya kahenge? khushhaal hai। aur chaal kya hai? pharishton ki chaal। pharishton ki chaal hai aur khushhaal hai। (sabha se poochhte hue) sabhi aise ho na ya kabhi koi haalchaal mein pharka pad jaata hai? ek-do se milte hain to kya poochhte hain? ‘kya haalchaal hai?’ to brahman arthaat khushhaal aur pharishton ki chaal mein sada udne vaale। to naye varsha mein har second, har sankalp mein khushhaal rehna hai। behaal nahin, khushhaal। naacho, gaao। naachna, gaana aata hai na। to gaao aur naacho aur kya karna hai? brahma bhojan khaao aur naacho aur gaao। kahaan bhi ho lekin yaad mein banaate ho, yaad mein khaate ho to brahma bhojan hai। to theek hai? sab achhe se achha hai।

achha, double videshi double khush hote hain kya? aise nahin-khush bhi bahut ho aur phir kabhi udaas bhi bahut ho jaao, aise nahin karna। is varsha mein udaas ya akelaapan ya vyartha bhaav laana hi nahin hai। tab to nai duniya ko sameep laayenge na। achha! naye varsha mein naya umang hai, naya utsaah hai। abhi sabhi ko aise nachaate-gaate rehna। achha! har samay mubaarak hai na। avinaashi mubaarak। achha!

mahaadaani-vardaani

moorta banne se vyartha svatah hi khatma ho jaayega। kyonki daata ka arth hi hai samartha। jo mahaadaani hain, vardaani hain, doosre ko dene vaale daata hain vo samartha hogen। jahaan samartha hai vahaan vyartha svatah hi khatma ho jaata hai।

avyakt baapdaada ki personal mulaakaat

group nan. 1

yaad ki chhatrachhaaya mein raho to maayaajeet ban jaayenge

sabhi sada apne ko baap ki chhatrachhaaya mein rahne vaale anubhav karte ho? baap ki yaad hi chhatrachhaaya hai। jitna yaad mein rehte hain utna hi saath ka bhi anubhav hota hai। chhatrachhaaya mein rahne vaale arthaat sada safe rahne vaale। jab sankalp se bhi chhatrachhaaya se baahar nikalte ho tab maaya ka vaar hota hai। chhatrachhaaya mein rehna arthaat maayaajeet vijayi banna। to sabhi maayaajeet ho ya kabhi haar, kabhi jeet hai? maataayen kya samajhti ho? haar jeet ka khel to nahin karte ho na? sabhi chhatrachhaaya mein rahne vaale sada maayaajeet hain। ye aapka hi yaadgaar hai। maryaada arthaat yaad ki lakeer ke andar rahne se koi ki himmat nahin-andar aane ki। yaad ki lakeer se nikle to maaya to hai hi hoshiyaar। aap hoshiyaar ho ya maaya hoshiyaar hai? kabhi haar nahin hoti? sada vijayi aatmaon ka yaadgaar kya hai? vijay maala vijayi ratnon ki yaadgaar hai। anek baar vijayi bane hain tab to yaadgaar bana hai na। anek baar ke vijayi hain-is smriti se sada samartha rahenge। jab anek baar kiya hua kaarya hai to question nahin uthega ki kaise karen, kya karen। koi nai baat to hai hi nahin। koi nai baat suni jaati hai ya karni hoti hai to question uthta hai-aise karen, kaise karen…। to aapki aatma mein anginat baar karne ke sanskaar bhare hue hain। kya hoga-ye sankalp nahin, lekin achha hi hua pada hai। baba kaha aur baap ke saath ka anubhav usi second, usi sankalp mein hota hi hai। second ki baat hai। itni shakti hai na। maastarsarvashaktimaan ka arth hi hai ki shaktiyaan jama hain tab maastarsarvashaktimaan ho। kya bhi ho jaaye, kaisi bhi paristhiti aa jaaye lekin maastarsarvashaktimaan hain aur sada rahenge ki aise kahenge ki itni baat to sochi nahin thi, aisa bhi hota hai kya! aise to nahin kahenge? kyonki maaya bhi jaanti hai ki koi aise naye roop se aayen jo vichlit hon lekin kisi bhi roop mein, kaisi bhi paristhiti aaye, master sarvashaktimaanakbhi halchal mein nahin aa sakte। baat badi nahin, aap bade se bade ho। yeh nasha hai na? sirf badhte rehna, na thaharna, na peechhe rehna। aage- aage udte jaana। udti kala vaale ho na ya kabhi-kabhi thodi thaharti kala bhi achhi lagti hai? chalte-chalte, udte-udte thak jaate ho to thahar jaate ho! to sada udne vaale, koi maaya ki station par rookne vaale nahin। kabhi kuchh maaya ki vastuaakarshit kare aur station par utar jaao to! sabhi pakke ho? himmat achhi hai। himmat rakhenge to madad milegi। apna raajya to nahin hai na ki order karo aur chalo। doosre ke raajya mein apna raajya sthaapan kar rahe ho। ye to nasha hai na ki apna raajya aaya ki aaya! lakshmi-naaraayan ka raajya aayega ki aapka raajya aayega? aap sabhi ka raajya hoga। jo apni cheez hoti hai uska nasha zaroor rehta hai। ye apna raajya hai। kabhi bhi dil mein aisa sankalp nahin aayega ki pata nahin, raaja banoonga ya praja banoonga? raaja to banenge lekin praja banaai hai? itne saare raaja banenge to praja bhi to itni chaahiye। to baapdaada bhi bachchon ka nishchay aur nasha dekh khush hote hain। is naye saal mein kuchh bhi ho jaae lekin yeh teevra purooshaartha nahin chhodna। aise pakke rehna। yeh patra nahin likhna ki kya karen… maaya aa gai… ye ho gaya… ye kar liya…kya patra likhenge? bas, do akshar hi likho-dh.kh. lambe-chaude patra nahin likho। main bhi khush aur sabhi mere se khush, bas yahi line likho। kyonki aur bhi certificate de na, ya sirf svayan hi kaho ki main theek hoon! achha!

group nan. 2

parmaatma pyaar hi brahman jeevan ka aadhaar hai, nyaare bano to is pyaar ke paatra ban jaayenge

sabhi apne ko pravritti mein rehte nyaare aur pyaare anubhav karte ho? ki pravritti mein rahne se pravritti ke pyaare ho jaate ho, nyaare nahin ho sakte ho? jo nyaara rehta hai vahi har karma mein prabhu pyaar arthaat baap ke pyaar ka anubhav karta hai। agar nyaare nahin rehte to parmaatma pyaar ka anubhav bhi nahin karte aur parmaatma pyaar hi brahman jeevan ka vishesh aadhaar hai। vaise bhi kaha jaata hai ki pyaar hai to jeevan hai, pyaar nahin to jeevan nahin। to brahman jeevan ka aadhaar hai hi parmaatma pyaar aur woh tab milega jab nyaare rahenge। lagaav hai to parmaatma pyaar nahin। nyaara hai to pyaar milega। iseeliye gaayan hai jitna nyaara utna pyaara। vaise sthool roop mein laukik jeevan mein agar koi nyaara ho jaaye to kahenge ki ye pyaar ka paatra nahin hai। lekin yahaan jitna nyaara utna pyaara। jara bhi lagaav nahin, lekin sevaadhaari। agar pravritti mein rehte ho to seva ke liye rehte ho। kabhi bhi yeh nahin samjho ki hisaab-kitaab hai, karma bandhan hai … lekin seva hai। seva ke bandhan mein bandhane se karma-bandhan khatma ho jaata hai। jab tak seva bhaav nahin hota to karmabandhan kheenchata rehta hai। baap ne direction diya hai usi shreemat par rahe hue ho, apne hisaab kitaab se nahin। karmabandhan hai ya seva ka bandhan hai … uski nishaani hai agar karma bandhan hoga to duhkh ki lahar aayegi aur seva ka bandhan hoga to duhkh ki lahar nahin aayegi, khushi hogi। to kabhi bhi kisi bhi samay agar duhkh ki lahar aati hai to samjho karmabandhan hai। karmabandhan ko badalkar seva ka bandhan nahin banaaya hai। parivartan karna nahin aaya hai। vishwa sevaadhaari hain, to vishwa mein jahaan bhi ho to vishwa seva arth ho। yeh pakka yaad rehta hai ya kabhi karmabandhan mein phans bhi jaate ho? sevaadhaari kabhi phansega nahin। vo nyaara aur pyaara rahega। samajhte to ho ki nyaare rehna hai lekin jab koi paristhiti aati hai to us samay nyaare raho। koi paristhiti nahin hai, us samay to laukik mein bhi nyaare rehte ho। lekin alaukik jeevan mein sada hi nyaare। kabhi-kabhi nyaare nahin, sada hi nyaare। kabhi-kabhi vaale to raajya bhi kabhi-kabhi karenge। sada raajya karna hai to sada nyaara bhi rehna hai na। isliye sada shabd ko underline karo। sab sanskaar abhi bharne hain। agar abhi kabhi-kabhi ke sanskaar bhare to vahi bhare hue sanskaar hi kaam karenge। jaise record bharte hain to agar thoda bhi neeche oopar bhar diya to vaise hi bhar jaayega na। to sangam par hi 84 janmon ke shreshtha raajya karne ke oonche pad ke sanskaar bharte ho isliye abhi se har purooshaartha ki subject mein sada shabd dekho। chal rahe hain, kar rahe hain… nahin, chal rahe hain lekin kis gati se chal rahe hain, kar rahe hain lekin kaisa karma kar rahe hain? yeh to check karna hai na।

to nyaare rahne ki nishaani hai-prabhu pyaar ki anubhooti aur jitna pyaar hota hai utna alag nahin honge, sada saath rahenge, pyaar usko hi kaha jaata hai jo saath rahe। to parmaatma pyaar arthaat sada parmaatma saath ho। kabhi apne ko akele to nahin samajhte ho? baap saath hai na। jab baap saath hai to bojh apne oopar nahin uthaao। bojh baap ko dekar halke ho jaao। bojh rakhte ho to pareshaan hote ho। halke raho to udte rahenge। sab-kuchh baap ke havaale kar do। jab kuchh hai hi nahin to bojh kaahe ka? kuchh rakha hai tabhi bojh hai, tabhi pareshaani hai। baap ke havaale nahin kiya hai, thoda chhipaakar, jebkharcha rakh liya hai kya? jeb kharcha hota hai to kabhi-kabhi kaam mein aa jaata hai। to maataaon ne jebkharcha rakha hai? vaise bhi maataaon ki aadat hoti hai-saadi mein gathri baandh kar rakh leti hain। saadi ke kone mein bhi baandh leti hain। to achhi tarah se dekho kahaan chhipaakar rakha to nahin hai? baap ke havaale kar liya arthaat nashtomoha ho gaye? paandav nashtomoha hain? achha nashto krodh hain? nashto rob hain ya thoda-thoda rob aa jaata hai? adhikaari samajhte hain to rob aa jaata hai। to sirf nashtomoha nahin, nashtokrodh bhi hona hai। rob bhi nahin। nirmaan। to is varsha kya karenge? thoda-thoda rob ko chhutti denge? saal poora hua, rob bhi poora hua ki kabhi-kabhi usko dosta bana lenge? kaam ki cheezanheen hai na। aise to nahin rob to karna padega na!

to nashtomoha arthaat nyaara aur pyaara। rehte hue bhi nyaara। to maataayen sabhi himmat vaali ho? is varsha mein moh nahin aayega? moh to aadha kalpa ka saathi hai, aise kaise chala jaayega! dekh liya na nashtomoha banne se kya hota aur moh rakhne se kya hota? to dekhenge abhi is naye varsha mein kya kamaal karte hain?

group nan. 3

title ki smriti se usi sthiti mein sthit hone ka anubhav karo

apne ko sada svadarshan chakradhaari aatma anubhav karte ho? sva ka darshan arthaat sva ki pahchaan। achhi tarah se sva ko pahchaan liya ki main kaun hoon? apne ko achhi tarah se pahchaana hai? sirf main aatma hoon-yeh jaanna hi jaanna nahin hai lekin main kaun-si aatma hoon? ye smriti rehti hai? aapke kitne title hain? (bahut hain) to title yaad rehte hain ya bhool jaate hain? kabhi yaad rehte hain, kabhi bhool jaate hain? maaya haar bhi khilaati rahe aur kehte raho ki main mahaaveer hoon, aise to nahin? kyonki jo title baap dvaara mile hain woh hain hi sthiti mein sthit hone ke liye। to jaise title yaad aaye vaisi sthiti ban jaaye। vaisi sthiti banti hai ya hilti rehti hai? jaise laukik duniya mein agar koi title milta hai to title ke saath-saath woh seat bhi milti hai na। samjho judge ka title mila, to woh judge ki seat bhi milegi na। agar judge ki seat par nahin baithe to kaun maanega ki ye judge hai। agar sthiti nahin hai aur sirf buddhi mein varnan karte rehte ho ki main svadarshan chakradhaari hoon, main svadarshan chakradhaari hoon aur pardarshan bhi ho raha hai to seat par set nahin hue na। to jo title smriti mein laate ho vaisi samartha sthiti avashya chaahiye-tab kahenge ki haan yeh svadarshan chakradhaari hai, yeh hero actor hai। act saadhaaran ho aur kahe ki yeh hero actor hai to kaun maanega? aur sada ye yaad rakho ki ye title dene vaala kaun? duniya mein kitna bhi bada title ho lekin aatma, aatma ko degi। chaahe president hai ya prime minister hai, lekin hai kaun? aatma hai na। sangam par svayan baap bachchon ko title dete hain। kitna nasha chaahiye! yeh roohaani nasha rehta hai? dehbhaan ka nasha nahin। krodh kar rahe hain aur kahe ki main to hoon hi noore ratna, aisa nasha nahin। aise to nahin karte ho? maataayen kya karti hain? ghar mein khitkhit kar rahe ho aur kaho ki ham to hain hi baba ki achal-adol aatmaayen! aise to nahin karte? to sada apne bhinna-bhinna titles ko smriti mein rakho aur us sthiti mein sthit hokar chalo phir dekho kitna maja aata hai।

svadarshan chakradhaari arthaat sada maayaajeet। svadarshan chakradhaari ke aage maaya himmat nahin rakh sakti। to kabhi-kabhi maaya aati hai ya chali gai? to maaya haar khaakar jaati hai ya haar khila kar jaati hai? maaya se haar hoti hai? svadarshan chakra ka gaayan kalpa pahle ka bhi gaaya hua hai। to svadarshan chakra ke aage koi thahar nahin saka। to kalpa pahle svadarshan chakradhaari kaun bane the? aap the ya doosre koi the? kalpa pahle bhi the, aur ab bhi hain aur sada aap hi honge। ye aapka pakka anubhav hai na?

achha, ye variety group hai। lekin is samay sabhi kaun ho? kahaan ke ho? raajasthaan ke ho, karnaatak ke ho? ya madhuban ke ho? aap sabki oreejinal address kaun-si hai? mount hai? madhuban vaale ho na। ye to seva ke kaaran alag-alag sthaan par gaye ho। aatma ke naate address hai paramdham aur brahman aatma ke naate se address hai madhuban। to khushi hai na ki ham madhuban vaale hain! kahin bhi seva arth ho lekin apna asli address bhoolte hain kya! chaahe kalkatta mein bhi rahne vaale hon lekin kahenge oreejinal ham raajasthaan ke hain। to brahman arthaat madhuban nivaasi। aur aise samajhne se kabhi bhi apne had ke seva-sthaan se lagaav nahin hoga। to sadaiv pravritti mein rehte lakshya rakho ki seva-sthaan par seva ke liye hain। jahaan bhi rehte ho vahaan ka vaataavran seva-sthaan jaisa banaaya hai ki centre ka vaataavran aur hai, ghar ka vaataavran aur hai? thoda-thoda meraapan aa jaata hai? kabhi bhi yeh grihasthi ka ghar hai, pravritti hai, aise nahin socho। pravritti ka arth hi hai par-vritti mein rahne vaale, par arthaat meraapan nahin। baap ka hai to par-vritti। aise rehte ho ki banaane ki koshish kar rahe ho! kya vinaash tak koshish karenge? koi bhi aaye to anubhav kare ki ye nyaare aur prabhu ke pyaare hain। kyonki abhi alaukik ho gaye na। to vaataavran bhi laukik nahin, alaukik। alaukik arthaat laukik se nyaara। abhi dekhenge naye varsha mein naveenta laane mein kaun number aage lete hain? sabhi number one banenge। kehna aur karna-donon hi samaan ho। aise nahin, kahe bahut aur kare thoda। kehna aur karna samaan-isi ko hi brahman kaha jaata hai।

group nan. 4

teenon kaal achhe se achha hona hi brahman jeevan ki janma-patri hai

apne ko nav jeevan arthaat brahman jeevan vaali aatmaayen anubhav karte ho? sabhi brahman aatmaayen ho? to naye jeevan mein aapki janma patri badal gayi hai ya thodi-thodi puraani bhi hai? to braahmanon ki janma patri kya hai? aadi devi-devta ho aur abhi bi.ke. ho na, pakke? to aapki roj ki janma patri kya hai? guroovaar achha hai, buddhavaar achha nahin hai, kya kahenge? (har din achha hai) to janma patri badal gayi na। braahmanon ki janma patri mein teenon hi kaal achhe se achha hai। jo hua woh bhi achha aur jo ho raha hai vo aur achha aur jo hone vaala hai woh bahut-bahut-bahut achha। sirf kahne maatra nahin lekin brahman jeevan ki janma patri sada hi achhe se achhi hai। sabhi ke mastak par shreshtha takdeer ki lakeer kheenchi hui hai। apne takdeer ki lakeer dekhi hai? achhi hai na? kitne janmon ki guarantee hai? 21 ya 84 janma? 84 janma mein to videshi ban gaye। (sarvisaartha bane) bahut achha uttar diya। double videshi isliye bane ki videsh mein seva ho rahi hai। aapko bhaarat sevaadhaari nahin kehte hain, vishwa sevaadhaari kehte hain। koi bhi sthaan nahin chhootna chaahiye। isliye alag-alag sthaan par pahunche ho। agar aap log apne desh mein nahin hote to bhaarat se kahaan tak ja sakte the? isliye seva arth pahunch gaye hain। ye nasha rehta hai? to seva karte ho na? kyonki brahman jeevan ka lakshya hi hai yaad aur seva। yaad ke bina bhi rah nahin sakte aur seva ke bina bhi rah nahin sakte। yaad aur seva aise natural ho jaaye jaise shareer mein shvaas natural hai aur kitni aavashyak hai। aise brahman jeevan mein yaad aur seva natural aur aavashyak hai।

bahut bhaagyavaan ho jo bhaagyavidhaata ne aapke bhaagya ki rekha shreshtha bana di। bhaagyavidhaata ko apna bana liya। banaaya hai na! sabhi kya kahenge? ‘hamaara baba’। ‘mera’ to kabhi bhoolta nahin hai। baapdaada double videshiyon ko dekhkar khush hote hain ki kitna door-door rehte bhi baap ke sameep pahunch gaye। deh se to door ho lekin dil se kitne sameep ho! sada kahaan rehte ho? baap ke dil takhta par। sabse mahatva dil ka hota hai na। agar kisi se pyaar hota hai to kahenge dil mein samaaye hue ho। aur aap log bhi jab yaadapyaar bhejte ho to heart hi bhejte ho na। to sameep rehna arthaat dil takhtansheen hona। sabhi dil takhtansheen hain ki koi baanhon mein hain, koi gale mein hain? dil ko hi dil takhta kaha jaata hai। jo abhi dil takhtansheen hote hain vahi vishwa ke raajya ke takhtansheen bante hain। to double videshi bhi raajyasinhaasan par baithenge na? achha। himmat achhi hai। himmat ka pratyaksha swaroop dikhaana hai। sada himmat se aage udte rehna।

group nan. 5

sarvakhzaane saphal karna hi saphalta praapta karne ka sahaj saadhan hai

sabhi apne ko saphalta moorta anubhav karte ho? saphalta brahman jeevan ka janma siddha adhikaar hai-aise anubhav karte ho? sada saphalta sahaj rahe uska saadhan va sabse sahaj vidhi kya hai? nishchay mein bhi mehnat karni padti hai, saath nibhaane mein bhi mehnat karni padti hai। sabse sahaj saadhan hai - sarvakhzaanon ko saphal karte jaao to saphalta aapehi aapke aage aayegi। saphal karna hi saphalta praapta karna hai। to saphal karna aata hai? achha, samay ko saphal karte ho to uski saphalta aapko kya milti hai? jo yahaan samay saphal karte hain unhein satayug, treta to kya lekin saare kalpa ka samay ya to raajya adhikaari bante ho ya poojya adhikaari bante ho। yahaan ek janma ke samay ko saphal karte ho to kitne janma ke liye samay saphal ho jaata hai। vaise jo bhi khazaane mile hain un khazaanon ko saphal karte jaao। kitne khazaane hain! to saare din mein sabhi khazaane saphal karte ho ya kabhi koi karte ho, kabhi koi karte ho?

is varsha mein kya karenge? sabhi khazaane yoozakrenge na। kyonki jitna saphal karenge utna badhta jaayega। yahaan kam nahin hote hain, badhte hain। to sabhi apne ko santushta maniyaan samajhte ho? kabhi asantushta nahin hote ho? kyonki brahman jeevan ka sabse bade se bada khazaana hai santushta rehna। jahaan santushtata hai vahaan sab-kuchh hai। to jahaan sarva praaptiyaan hain vahaan santushtata hogi hi।

(raatri 12 baje baapdaada ne mombattiyaan jalaai tatha cake kaati, phir sabhi se milte hue naye varsha ki mubaarak di)

yeh group to lucky hai hi jo dil se bhi najdeek ho aur naynon ke bhi najdeek baithe ho। vaise bhi baapdaada ne kaha ki sabhi santushtata ke ratna ho। sarva praapti swaroop ho, iska geet kaun sa gaate ho? paana tha woh pa liya। achha, yu.ke.ko kya vardaan hai? O.ke.। to O.ke.hain? auron ko bhi O.ke.banaate ho ya svayan rehte ho? abhi is varsha mein har roj kisi na kisi prakaar se mahaadaani, vardaani banna hai to sada doosron ki bhi seva karte rehna। london nivaasi va yu.ke.nivaasi shreshtha bhaagyavaan hain jo vishesh aatmaon ki paalna milti rehti hai। aur sabse pahle turat daan mahaapunya murli bhi london mein pahunchti hai।

anek samaachaar aise hote hain jo bhaarat vaalon ko nahin pahunchte hain lekin London mein pahunchte hain। kyonki London foreign ka pahla-pahla centre khulne ka nimitta bana। to abhi London vaale kya karenge? sab subject mein number one।

phir bhi baapdaada sabhi videsh mein seva karne vaalon ko mubaarak dete hain ki mehnat aur umang achhi hai। himmat ke kaaran saphalta mil rahi hai aur aage badhte hi rahenge। himmat sada saath rakhna। jahaan himmat hai vahaan baap ki madad hai hi।

baapdaada ne vidaai ke samay sabhi bachchon ko naye varsha ki mubaarak di

chaaron or ke sarva bachchon ke naye varsha ke umang-utsaah ke yaad-pyaar aur achhi-achhi gift bhi paai। baapdaada sabhi bachchon ko, padmaapdambhaagyavaan aatmaon ko padmaapdamguna yaad-pyaar de rahe hain। is sangamayug ki aur nai duniya ki donon ki mubaarak de rahe hain। jaise naye varsha ke aarambha mein utsav manaate bhi hain aur saath-saath ek-do mein mukh bhi meetha karte hain। to aap sabhi kaun-si mithaai khilaayenge? har samay, har din sabhi ko dilkhush mithaai khilaate rehna। ye meetha to sabhi kha sakte hain na। khaate bhi rehna aur khilaate bhi rehna। sada jis bhi aatma se samparka-sambandh mein aao to pahle muskaraate milna aur phir dilkhush mithaai khilaakar milte rehna। aur gift kya denge? gunon ki gift dena, shaktiyon ki gift dena। aapke paas bahut gift hain na। stock hai? to khoob gift baantate rehna। sada umang-utsaah mein udte rehna aur udaate rehna। naye varsha ki goodmorning।

achha, om shanti।