Avyakt murli du mardi 31 décembre 1996

> 31-12-96 om shanti avyakt baapdaadaamdhuban

naye varsha mein anubhvi moorta ban, sabko anubhvi banaao

(shaantivan diamond jubilee haal ke udghaatan avsar par) aaj nazar se nihaal karne vaale baapdaada aap sabhi ati snehi, sahayogi,sneh mein lavleen bachchon ko dekh rahe hain। har ek bachche ke mastak mein, dil mein sneh ka saboot dikhaai de raha hai। (haal mein peechhe vaale bhaai bahinon se) aap sochenge ki ham peechhe vaale to dikhaai nahin dete hain lekin baapdaada ke naynon mein aisi anokhi T.vi. hai jisse door ki cheez bhi saamne dikhaai de rahi hai। chaahe kahaan bhi kone mein baithe ho lekin baap ke saamne ho। abhi to phir bhi aaraam se baithe to ho na। (taaliyaan bajaai) aaj bahut umang-utsaah aur khushi hai na to taaliyon se dikha rahe hain। lekin baapdaada aapke dil ki khushi ko jaante hain। baapdaada dekh rahe hain ki har ek bachche ko sahayog ka saboot dene mein bahut khushi hoti hai isliye hajaaron bhujaayen dikhaai hain। to bhujaayen sahayog ki nishaani hain। baapdaada jaante hain ek-ek bachche ne chaaron or chaahe desh mein,chaahe videsh mein sabhi ne chaahe dhan se,chaahe man se,chaahe tan se sahayog avashya diya hai। aur aaj aap sabke sahayog ka saboot aap aaraam se baith dekh bhi rahe ho,sun bhi rahe ho। abhi jyaada taali nahin bajaao। aapke khushi ki,man ki taaliyaan baapdaada ke paas pahunch gai hain।

dekho aaj do visheshtaayen hain। ek is shaantivan ko jo sabhi ne umang- utsaah se banaaya hai uska baapdaada ke saath-saath aap bachche bhi udghaatan kar rahe hain aur aaj draamaanusaar naya varsha bhi shuru hone vaala hi hai isliye baapdaada sabhi bachchon ko apni donon baahon mein samaate hue donon baaton ki mubaarak de rahe hain। aur jaise abhi is samay saakaar roop mein baap ke saath umang-utsaah aur khushi mein jhoom rahe ho aise hi naye varsha mein sada avyakt roop mein saathi samajhna,anubhav karna - yeh saath ka anubhav bahut pyaara hai। baapdaada ko bhi bachchon ke bina achha nahin lagta hai। (mike band ho gaya) pahla-pahla anubhav hai na isliye yeh bhi drama mein khel samajhna,koi bhi baat neeche oopar nahin samajhna। achha hai aur achha hi rahega। bahut achha, bahut achha karte-karte aap bhi achhe ban jaayenge aur drama ki har scene bhi achhi ban jaayegi kyonki aapke achhe banne ke vibration kaisi bhi scene ho negetiv ko positive mein badal degi, itni shakti aap bachchon mein hai sirf use karo। shaktiyaan bahut hain, samay par use karke dekho to bahut achhe-achhe anubhav karenge।

yeh naya haal aur naya varsha to ismen kya karenge? naye varsha mein kuchh naveenta karenge na। to yeh varsha anubhvi moorta ban auron ko bhi anubhav karaane ka varsha hai। samjha - kya karna hai?anubhav karna hai। vaani dvaara varnan to karte hi ho lekin har bachche ko har shakti ka,har gun ka anubhav karna hai। anubhvi moorta ho na! anubhvi moorta ho ya vaani moorta ho? anubhvi ho bhi lekin is varsha mein koi bhi aisa bachcha nahin kahe ki mujhe in baaton ka to anubhav hai, lekin is baat ka anubhav bahut kam hai। aisa koi bachcha na rahe kyonki gyaan ka arth hi hai sirf samajhna nahin lekin anubhav karna aur jab tak anubhav nahin kiya hai to auron ko bhi anubhvi nahin bana sakte। agar vaani tak hai,anubhav tak nahin hai to jin aatmaon ki seva ke nimitta bante ho woh bhi vaani dvaara bahut achha,bahut achha,kamaal hai-yahaan tak aate hain। anubhvi ho jaaen - woh koton mein koi, koi mein bhi koi hain aur pratyakshata ka aadhaar anubhav hai। anubhav vaali aatmaayen kabhi bhi vaayumandal va sang ke rang mein nahin aa sakti hain। sirf vaani ke prabhaav vaale kabhi naachenge aur kabhi soch mein pad jaayenge,anubhav arthaat pakka foundation। aadha anubhav hai to aadha foundation pakka hai, uski nishaani hai woh chhoti badi baaton mein hilega, achal nahin hoga kyonki aane vaali baaten va samasyaayen prabal ho jaati hain, isliye adhoore foundation vaale ladakhdaate hain, girte nahin hain lekin ladakhdaate hain to pahle is varsha mein apne anubhvi moorta ke foundation ko pakka karo। kai bachche aaj bahut fast chalte hain aur kal thoda sa chehra badla hua hota hai, kaaran?anubhav ka foundation pakka nahin hai। anubhav vaali aatmaayen kitni bhi badi samasya ko aise hal karengi jaise kuchh hua hi nahin। aaya aur apna part bajaaya lekin saakshi hokar, nyaare aur pyaare hokar khel samaan dekhenge। baat nahin khel, manoranjan। manoranjan achha lagta hai na? to koi bhi baat ho, aap ke liye badi baat tab lagti hai jab foundation jara bhi kachcha hai। chaahe 75 percent pakka hai, chaahe90 percent pakka hai to bhi hilne ka chance sambhav hai। baapdaada ko bachchon ki mehnat arthaat yuddha karna achha nahin lagta। mehnat kyon?yuddha kyon? kya yogi ke bajaae yoddhe banne vaale ho ya yogi aatmaayen ho?yuddha karne vaale sanskaar chandravansh mein le jaayenge aur yogi tu aatma ke sanskaar sooryavansh mein le jaayenge। to kya banna hai sooryavanshi ya chandravanshi banna hai? sooryavanshi banna hai to yuddha khatma। is varsha mein yuddha khatma hui? ismen haan nahin kehte ho? kahne se kehte ho?baapdaada to na dekhte hue bhi bachchon ki result dekh lete hain, har samay ki result naynon ke saamne nahin lekin dil mein aa hi jaati hai। yahaan saakaar vatan mein jab aap thoda-thoda ya bahut hilte ho to baap ko vahaan vatan mein anubhav hota hai ki koi hil raha hai। isliye jaise shaantivan ki khushi hai, haal ki khushi hai aise baapdaada aur itne bade sangathan ke beech yeh vaayda karo ki is varsha mein halchal se pare ho achal-adol banna hi hai,banenge nahin,banna hi hai। aise hai? aise jo samajhte hain banna hi hai,sochenge, karenge, dekhenge - yeh nahin, woh haath uthaao। achha-mubaarak ho aur jinhonne kisi bhi kaaran se nahin uthaaya,aise nahin ho sakta ki nahin banenge lekin koi kaaran se nahin uthaaya ho to woh uthaao। sharma aata hai uthaane mein, to socho jab haath uthaane mein sharma aata hai to karne ke time bhi sharma karna। sochna ki yeh sharma karne ki baat hai, to nahin hogi। pakke ho jaayenge kyonki kai bachche baarbaar poochhte hain, chaahe nimitta bachchon se ya roohrihaan mein baapdaada se ek hi question karte hain, baba vinaash ki date bata do। sabhi ka question hai na? achha baapdaada kehte hain date bata dete hain - chalo do hazaar mein poora hoga to kya karenge?yeh koi date nahin de rahe hain, misaandarastainda nahin karna। baapdaada poochh rahe hain ki samjho 2 hazaar tak aapko bataate hain to kya karenge? albele banege ya teevra purushaarthi banenge? teevra purushaarthi banenge! aur baapdaada kehte hain ki is varsha mein halchal hogi to phir kya karenge?aur teevra purooshaartha kar lenge? ya thoda-thoda date konses ho jaayenge, ginti karte rahenge ki itna samay poora hua, ek maas poora hua,ek varsha poora hua, baaki itne maas hain! … to date konses banenge ya soul konses banenge? kya karenge? albele nahin banenge?yeh to nahin sochenge ki abhi to 4varsha pade hain?kya hua,last varsha mein kar lenge - aise albele nahin banenge ya thoda-thoda ban jaayenge? aap nahin bhi banenge to maaya sun rahi hai, woh aisi baaten aapke aage laayegi jo albelaapan, aalasya beech-beech mein aayega,phir kya karenge? iseelie baapdaada ne pahle bhi sunaaya hai ki date konses nahin bano lekin har samay antim ghadi hai,itna har ghadi mein ever ready raho। achha maanon baapdaada kehte hain 2 hajaar ke baad hoga,chalo aapne maan liya, real nahin hai lekin maan liya to aap do hajaar mein sampoorn banenge aur doosron ko kab banaayenge? satayug mein banaayenge kya? banaane vaale thode hain aur banne vaale bahut hain, unhon ke liye bhi samay chaahiye ya nahin?agli season mein bhi poochha tha ki kam se kam satayug aadi ke 9laakh bane hain?nahin bane hain to vinaash kaise ho? kis par raajya karenge? puraani aatmaon ke oopar raajya karenge?nai aatmaayen to taiyaar hui nahin aur vinaash ho jaae to kya karenge?isliye baapdaada ne yeh kaam apne bachche jo jyotishi hain na, unhon ke oopar hi rakha hai। jo jyotishi kar sakte hain, woh baap kyon karega! phir bhi baap ke bachche hain, unhon ko kamaane do। unhon ki kamaai ka saadhan yahi hai। agar kisko bahut jaldi ho to un bachchon se poochho। baap nahin bataayega।

samjha - is varsha kya karna hai? anubhvi moorta। kai bachche roohrihaan mein bahut hi meethi-meethi roohrihaan karte, kehte hain - kya karen baba, itna to ho gaya hai, baaki itna aap kar lo। raajya ham karenge lekin sampoorn aap bana do। aise hoga? baap madadgaar zaroor hai aur ant tak rahenge, yeh guarantee hai lekin kiske madadgaar? jo pahle himmat ka paanv aage karte hain, phir baap madad ka doosra paanv uthaane mein sampoorn madad karte hain। himmat ka paanv uthaao nahin aur sirf kaho baba aap kar lo, baba aap kar lo। to baapdaada bhi kahega dekhenge,pahle paanv to rakho। ek paanv bhi nahin rakhenge to kaise hoga! isliye is varsha mein har samay yeh check karo ki himmat ke paanv majboot hain? baap ko kahne ke pahle yeh check karo। himmat ka paanv badhaaya aur madad nahin mile, yeh asambhav hai। sirf thoda sa himmat ka paanv badhaao, iseelie gaaya hua hai pahla shabd kya aata hai? himmate bachche madde baap ,isko ulta nahin karo - madde baap aur phir himmat bachchon ki। baap to muskuraate rehte hain, vaah mere laadle bachche vaah! nishchay se himmat ka paanv jara bhi aage karenge to baap padamguna madad ke liye har ek bachche ke liye har samay taiyaar hai।

achha - naye varsha mein aur kya karenge? abhi tak seva ki ek baat rahi hui hai, kaun si?geeta ka bhagwan to ho jaayega, lekin baapdaada ne agle varsha har zone ko kaha tha ki snehi, sahayogi,samparka vaale to bahut bane hain aur banenge lekin abhi vaaris nikaalo। vaaris kam nikaalte hain kyonki baapdaada har sevaakendra ki roz ki result dekhte hain। to chaaron or ki result mein vaaris kam hain। snehi, sahayogi achhe hain lekin unhon ko aage badhaao ya koi bhi nayon ko, last vaalon ko fast karke vaaris quality baap ke saamne laao। koi-koi nikalte hain lekin ginti karne vaale hain। jab chaahte ho ki 2000 tak parivartan ho,chaahte to sabhi aise hi ho to vaaris kitne banaaye hain?satayug ki praja bhi royal chaahiye। woh kam hai। praja bani hai, yeh jo abhi anek prakaar ki conference ki hai va baahar ki stage par jo bhi programmes mile hain, is varsha mein prabhaav aur praja - yeh result achhi hai। lekin baapdaada kya chaahte hain? abhi vaaris quality taiyaar karo। yahaan vaaris taiyaar karenge tab advance party bhi pratyaksha hogi aur baap ke naam ka, pratyakshata ka nagaada chaaron or bajega। abhi tak ki result mein kehte hain ki yeh bhi achha kaam kar rahe hain ya koi-koi kehte hain ki yahi kar sakte hain, lekin param aatma ki taraph attention jaae, param aatma ka yeh kaarya chal raha hai, woh abhi incognito (gupta) hai। bachche apni shakti se, sneh se baap ko pratyaksha karne ka achha purooshaartha kar rahe hain lekin abhi jab tak snehi hain,sahayogi hain tab tak baap ki pratyakshata maidaan par nahin aai hai। achha hai - yahaan tak hua hai, lekin sabke mukh se yeh nikle ki bas abhi samay aa gaya, baap aa gaya, tab vinaash bhi aayega। to baap kehte hain ki baap se nahin poochho ki vinaash kab hoga? baap aapse poochhte hain ki aap kab taiyaar hoge?parda kholen,taiyaar ho?ki parda khulega aur taiyaar hote rahenge? kam se kam 16108pakke-pakke ratna to pratyaksha karo, maala to banaao। baap bhi dekhe taiyaar hain? itni margin hai,jyaada nahin kah rahe hain। 9 laakh nahin kah rahe hain, 16108ki maala banaao। to is varsha banaana, dekhenge ki 16108 ki nirvighna,achal maala taiyaar hai ya abhi thoda-thoda ladakhdaate hain?thoda-thoda khel dikhaate hain? paandav kya samajhte ho?bolo, taiyaar ho? daadiyaan to bolti hain - haan। sabhi shaktiyon ki haan hai? 16108 taiyaar hain? achha18 taareekh ko maala banaakar dena। haath uthvaayenge to aadhi sabha kahegi 16 hazaar mein hain। jo samajhte hain ki ham 16 hajaar mein hain, vo daadiyon ko apni chitki likhkar dena ki main 16 hazaar mein hoon ya 108 mein? phir daadiyaan paas karengi। aise nahin samajhna ki chitki de di hai,pahle yeh paas karengi phir baapdaada paas karenge, phir final result bataayenge। achha।

is varsha mein aur kya karenge?baapdaada ne ek result sabhi bachchon ki dekhi। sirf yahaan vaalon ki nahin, chaaron or ke bachchon ki ek baat ki result dekhi,woh kaun si baat? jama ka khaata kisne kitna jama kiya hai? chaahe mansa mein, chaahe vaacha se, chaahe karmana se, chaahe sambandh-samparka se - aap sabhi ka challenge hai, apne ko hi nahin lekin vishwa ke aage bolte ho ki ek janma mein 21 janma ka jama karna hai। yeh bolte ho na! jaante ho na? to ek janma mein 21 janmon ka jama karna hai to kitna karna pade?

abhi mansa mein jo jama karte ho usse ek to aadhaakalpa aapko mansa se vritti ya vibration phailaane ki aavashyakta nahin hai, 21 janma yeh purooshaartha karne ki aavashyakta nahin hai aur doosra dvaapar se lekar jo aapke chitra bhinna-bhinna roop mein pooje jaate hain, aapko pata nahin hai ki ham kis roop mein pooje jaate hain lekin poojya to ho na! 33 karod devtaaon ki maanyata hai to aadhaakalpa maanneey aur poojyaneey bante ho। un jad chitron dvaara bhi aapki mansa seva automatic hoti rahegi। koi bhi bhagat aapke jad chitra ke saamne aayenge to unko mansa vibration se shanti, khushi,shakti ki anubhooti hogi,yeh mansa ke jama ka prabhaav hoga। aur jo vaani mein jama karte hain, khaata achha hai, unhon ka phir vaani dvaara gaayan aur poojan jyaada hota hai। vaani dvaara unhon ki mahima aur pooja yuktiyukta hoti hai। kaam chalaau pooja nahin, yuktiyukta pooja hoti hai,kyonki vaani dvaara aap sabhi unhon ko sukh dete ho, shanti dete ho to aadhaakalpa aapka vaani se bahut yuktiyukta gaayan hoga। ek gaayan hoga aur doosra yuktiyukta poojya banenge। aur karma dvaara jo sada karne vaali aatmaayen hain,aadha din kiya, aadha din nahin kiya,kabhi kiya,kabhi nahin kiya, nahin। lekin sada aur har karma mein agar aapne jama kiya hai, to aapke har karma ki pooja hogi। bahut thode devtaaon ki har karma ki pooja hoti hai। kabhi-kabhi vaalon ki saare din mein kabhi-kabhi hogi। aur sneh, sahayog vaali jo aatmaayen hain,sneh se sahayog se jo jama karte hain unhon ki chaahe chhoti si moorti bhi ho,mandir bhale chhota ho lekin us moorti se sneh aur sahayog ka vardaan practical mein anubhav hoga। samjha। abhi apne ko check karna ki chaaron baaton mein mera jama ka khaata kitna hai?teen mein jyaada hai, ek mein kam hai,ya ek mein jyaada hai, teen mein kam hai?

baapdaada ne jo result dekhi to baapdaada ko pasanda nahin aai। abhi baithkar kya bataayen,isliye short mein hi kehte hain ki vinaash ko jaldi laana hai to is varsha se in chaaron hi baaton mein jama ka khaata badhaao। kam kharcha baalaansheen bano। vaani se bhi jyaada vyartha jaata hai, jo jaroorat bhi nahin hogi usmein bhi time laga dete hain। mansa mein jo sochne ki baat nahin hai, woh bhi sochne lag jaate hain to jama ka khaata kam ho jaata hai। vesta jaata hai,jama nahin hota। to vinaash ke pahle jama ka khaata badhaao। to baapdaada ko vinaash ka order dene mein kya deri lagegi, taali bajaai aur hua। yeh taali to baja li na। abhi taiyaari ki taali bajaao। (sabhi baar-baar taaliyaan baja rahe hain) aaj taaliyon ki mahphil jyaada hai। baapdaada bachchon ko dekh karke khush hain। samjha is varsha mein kya karna hai?

baapdaada ke paas har ek bachche ki T.vi. hai aur baapdaada kabhi-kabhi achaanak har bachche ki T.vi. ka switch on karte hain to bahut ramneek drishya hota hai। achaanak karte hain,programme se karenge to theek baithenge,theek karenge lekin achaanak ka khel dekhte hain to abhi bhi majority ka vesta khaata bahut hai। baapdaada ne pahle ek slogan diya tha -kam bolo,meetha bolo। yaad hai? sabhi ne yeh slogan chaaron or likhkar bhi lagaaya tha, lekin deevaaron mein to lag gaya, abhi dil mein lagaao। advance party ka sab poochhte hain, kahaan hain, kya karte hain? kyon nahin pratyaksha hote hain? to woh aatmaayen kehti hain ham pratyaksha honge to kya ham akele pratyaksha honge ki saath-saath honge? agar maanon advance party ka part pratyaksha hota hai to kaun hain, yeh kya hai, usmein aap nahin honge?kya sirf advance party pratyaksha hogi? woh bhi aapka intajaar kar rahe hain ki ek saath taali bajaayen। doosre taraph vinaash ka samay aapka intajaar kar raha hai, aap intajaar nahin karo woh kar raha hai। samay to aapki rachna hai,aap order karo to woh to sada taiyaar hai। to abhi apne ko achal-adol banaane ki, banne ki taiyaari karo। jo bhi aapke samparka-sambandh mein aate hain,maanon teachers hain ya nimitta bade bhaai ya bahnen hain, unhon ko apne sambandh-samparka vaale group ko is varsha mein aisa taiyaar karna hai jo har ek ke mukh se nikle ki ham anubhvi moorta hain। chaahe centre par saathi hain,chaahe pravritti mein rahne vaale hain, lekin har ek ke sahayog se, vritti se aisa group taiyaar karo jo koi ke bhi mukh se, koi ki bhi vritti se aisa anubhav nahin ho ki yeh anubhvi moorta banne vaali hai,bani nahin hai। samjha? aise nahin samajhna ki jo centres ke bade hain,woh bane, ham to bane nahin। sabki anguli chaahiye। chaahe bhandaare ka kaarya karne vaale bhi hain lekin sabhi zimmevaar hain।

abhi is varsha ki end mein yeh result poochhenge kyonki diamond jubilee ho gai,abhi samaapti ke nazdeek hain। diamond jubilee mein bhi diamond nahin banenge to kaun si jubilee aur manaayenge? aur manaani hai ki samaapti karni hai? 100 varsha ki manaani hai?manaani ho to phir bhale dheele-dhaale chalo। agar jaldi karna hai to is varsha mein pahle aap to bano। jo roz aane vaale hain ya kabhi-kabhi ki list mein hain, brahman ki list mein hain woh sab to taiyaar ho jaao,jab aap taiyaar ho jaayenge tab taali bajaayenge। agar kal taiyaar ho jaao to kal bajaayenge। to sabhi taiyaar hain ya hone hi hain? centre par rahne vaale va centre par aane vaale har bachche ki result dekhenge ki number kaun leta hai, theek hai? paandav theek hai? paandav chup hain, soch mein hain kya?

dekho,baapdaada ne to apna vaayda poora kiya, date par aa gaye na। abhi aap bhi date par poora taiyaar ho jaana। yeh bada haal pasanda hai ki chhota haal theek hai? abhi to aur vriddhi honi hi hai। is haal mein bhi peechhe khada hona padega, aap bhaagyavaan ho jo aaraam se baithe ho। jitna bada banaayenge na utna chhota hota jaayega। achha-jo is sthaan ki seva ke nimitta bane hain, baapdaada un sabko bahut-bahut mubaarak dete hain। kuchh bhi thoda bahut rah gaya hai to sochna nahin, taiyaar hi hai। phir bhi dekho baapdaada dekh rahe the ki thode samay mein jitna fast kaam kiya hai,usi pramaan samay ko dekhte hue bahut achha progress kiya hai aur baaki thoda sa hai, woh ho jaayega। baapdaada ko pasanda hai। daadi ne aap logon ko ulhana diya lekin baapdaada mubaarak de rahe hain। daadi nimitta hai banaane ke,agar nahin kehti to aap aaj bana nahin paate। to unka kaam hai kehna aur baapdaada ka kaam hai mubaarak dena। naam to nahin le sakte,bahut hain lekin jo mukhya construction ke nimitta hain, woh khade ho jaao।

(nirvair bhaai) yeh aapka backbone hai na। sabhi dil se bolo mubaarak ho,mubaarak ho।

is baari ki result mein baapdaada ko saboot mila ki har bachche ka baap se kitna sneh hai। baap ne kaha aur bachchon ne ji hazoor,ji haajir kiya। (kaantraiktarsa prati) inhon ko samay kam mila hai, samay ke anusaar kaam bahut kiya, achha kiya aur aap sabne bhi sahayog diya iseelie baapdaada ek ek ka dil mein naam le raha hai, mukh se nahin dil se। desh-videsh ke sabhi bachchon ko sneh ke saboot ki mubaarak de rahe hain। har bachche ne apne dil se anguli di hai, chaahe kis bhi roop mein, lekin sarva ke sahayog se yeh shaantivan samay par taiyaar ho gaya। baithne ke yogya to hai na। achha hai। behad ka haal hai lekin aage kya karenge?bas itna hi theek hai? kai bachchon ne baapdaada ko meetha-meetha ulhana bhi diya ki hamne samjha tha ki abhi sankhya nahin milegi, jo aana chaahe vo aaye। lekin sankhya to aur kam ho gai, bahut thodi sankhya mili hai। to abhi kya karna pade,sochna। achha।

teachers samajhti hain na ki aur sankhya milni chaahiye। teachers haath uthaao। teachers ko to chance achha mil jaata hai ek group mein aate to doosre mein bhi aa jaate। abhi sabhi teachers kya karengi? result dengi na? centre ko taiyaar karengi? jo samajhti hain ho sakta hai, woh haath uthaao। sabhi nimitta hain,chaahe chhoti si kumaari rehti hai, kumaar rehte hain, bhaai rehte hain, sab zimmevaar hain। ek saal diya hai, ek maas nahin diya hai, ek saal diya hai। madhuban bhi taiyaar hoga na।

madhuban vaale haath uthaao। to pahla example kaun banega?madhuban ya sabhi saath banenge? baapdaada ne dekha hai ki madhuban ko copy karna sabko aata hai। chaahe achhi baat ho,chaahe koi bhi baat ho lekin madhuban ko copy karna bahut sahaj aata hai। aur ek slogan ban gaya hai - madhuban mein bhi to hota hai! abhi is varsha mein yeh slogan nahin kehna, is varsha ka slogan hai, mujhe karna hai। yeh bhi hota hai,yeh bhi hota hai, nahin। karna hi hai। mujhe karna hai। arjun main hoon। doosra arjun nahin hai, jisko dekhna hai। main arjun hoon,main nimitta hoon।

achha-is mele mein jo prabandha mila hai usmein sab santushta ho?santushta abhi bhi hain aur aage bhi ho jaayenge। to is varsha ka ant aur doosre varsha ka aadi to sangam ho gaya na। to sangam ka baapdaada sabhi ko title dete hain - santushta aatmaayen,santushta maniyaan। chaahe bhaai hain, chaahe bahinen hain lekin aatma mani hai isliye sabhi santushta maniyaan hain,aur sada rahengi। dekhna santushtata ko chhodna nahin। kitna bhi koi aapke aage koshish kare, aapki santushtata hilaane ke liye aaye lekin aap hilna nahin,sada santushta। sada mukhda muskuraata rahe। kabhi kaisa,kabhi kaisa nahin। sada muskuraata hua chehra, agar chehre mein kabhi thoda pharka aaye to apne poojne vaale chitra ko saamne rakho to mera chitra to muskura raha hai aur main soch rahi hoon। to muskuraana santushtata ki nishaani hai। to kya banenge? kya karenge? santushtamni। chehre par kabhi bhi aur rekhaayen nahin hon, sivaae muskuraane ke। udaasi ko apni daasi bana do। apne chehre par usko laane nahin dena। order se chalaao, nahin aa sakti। achha।

is group mein to sab zone aaye hain na। sabse badi sankhya kiski hai? (gujraat) gujraat vaalon ne himmat achhi ki hai। (mahaaraashtra,karnaatak,eastern, panjaab, dilli,nepaal,yu.pi. aadi sabhi zone se baapdaada haath uthvaakar mil rahe hain) taamilnaadu kahaan hai? taamilnaadu mein bhi bahut achhi vriddhi hai।

double foreigners ko bhi double mubaarak ho। construction vaalon ne jis bhi department mein kaam kiya hai, woh uthkar khade ho jaao। construction vaalon ko baapdaada vatan mein masaaj karta hai।

jinhonne bhi kaam kiya hai woh sabhi vatan mein aana, vatan mein masaaj hota hai। achha। bahut achha kiya hai। (iske peechhe daadi ji aur daadi jaanki ji ki vishesh prerna rahi hai, sabhi ne daadiyon ko mubaarak di) sabhi ne taaliyaan to bajaai aur baapdaada unke liye taali baja rahe hain jo aap saari sabha sahayogi bani। achha।

chaaron or ke sarva umang-utsaah se aage badhne vaale, sada economy ke avtaar ban samay, sankalp,vaani aur karma ko bachat ke khaate mein jama karne vaale,saakaar va aakaar roop mein naya varsha manaane vaale sikeeldhe bachche, baapdaada dekh rahe hain ki chaaron or ke bachche, saakaar mein nahin to aakaar roop mein madhuban mein hi hain aur aakaar roop mein mana rahe hain। to sabhi ko baapdaada naye varsha ki, shaantivan ke sthaapna ki mubaarak aur yaadapyaar de rahe hain। sabhi santushta maniyon ko namaste।

(daadi ji tatha daadi jaanki ji ne sindhi sammelan ka samaachaar baapdaada ko sunaaya)

is samay jo sabhi ne milkar seva ki aur last mein sindhi sammelan bhi kiya to bhaarat ya videsh donon mein jinhonne bhi seva ki, nimitta banen, unhon ko sachchi jyot jagaane ki vishesh mubaarak hai। (sindhi sammelan mein aaye hue bhaai- bahinon se) jo abhi yahaan hain, woh khade ho jaao। beej bahut achha daala hai,phal dekhte jaana। achhi seva ki hai। mubaarak ho।

(baapdaada ne apne haston se jhanda phahraaya,mombattiyaan jalaai, cake kaati aur 12baje sabhi bachchon ko naye varsha ki badhaai ke saath yaad-pyaar di)

puraane varsha ko vidaai di aur naye varsha ka aahvaan kiya, aarambha kiya। jaise puraane varsha ko vidaai di vaise varsha ke saath jo is varsha mein koi bhi kami rah gai ho,kamjori rah gai ho usko bhi sada ke liye vidaai aur sarva gunon ka aahvaan karke nai duniya ke smriti se, teevra gati se aage badhte chalo, puraani baaton ko chhodo। puraane ko vidaai di ya kabhi-kabhi bulaayenge?nahin na? sada ke liye vidaai di? jaise yeh 96 ka varsha abhi nahin aayega। vidaai de di na! ab aage 97aayega, 96nahin। isliye puraani kamjoriyon ko svaaha karo। svaaha kiya? yeh diamond jubilee haal hai na to diamond jubilee haal arthaat yagya, to yagya mein svaaha ki hui cheez phir vaapis nahin li jaati। to aapne svaaha kiya?haan ya na?sabhi ne kar liya? thoda chhipaakar to nahin rakha? jeb kharcha ki aadat hoti hai na। to yeh kamjoriyaan jeb kharcha ki reeti se bhi nahin rakhna। kya karen, baat hi aisi thi, thoda sa karna pada,aaivel ke liye rakhna hi padta hai, aise nahin। jebkharcha bhi nahin rakhna। svaaha to poora svaaha। to beeti so beeti। aur abhi se nai baaten aarambha ho gai। abhi se kiya na? to sachcha diamond ban gaye। banna padega, dekhenge,pakka nahin - yeh puraani bhaasha khatma। abhi puraani baaten nahin bolna। pata nahin, pata nahin, nahin kehna। karna hi padta hai, nahin। ham jo karenge vo aur karege -yeh paath pakka karo। theek hai na! to mubaarak ho, badhaai ho। padamguna badhaai ho।

achha। om shanti।