Avyakt murli du samedi 18 janvier 1997

>

18-01-97 om shanti avyakt baapdaadaamdhuban

apni soorat se baap ki seerat ko pratyaksha karo tab pratyakshata ka nagaada bajega

aaj baapdaada do vishaal sabhaayen dekh rahe hain। ek to saakaar roop mein aap sabhi sammukh ho aur doosri avyakt roop ki vishaal sabha dekh rahe hain। chaaron or ke anek bachche is samay avyakt roop mein baap ko sammukh dekh rahe hain, sun rahe hain। donon hi sabha ek do se priy hain। aaj vishesh sabhi ke dil mein brahma baap ki yaad emerge hai kyonki brahma baap ka is drama mein vishesh part hai। sabhi ka brahma baap se dil ka sneh hai kyonki brahma baap ka bhi ek-ek bachche se ati pyaar hai। jaise aap bachche yahaan saakaar mein brahma baap ke gun aur kartavya yaad karte ho vaise brahma baap bhi aap bachchon ki visheshtaaon ka, seva ka gungaan karte hain। to brahma ka avyakt aavaaz aap sabko pahunchta hai?aap sab vishesh amritvele se lekar jo meethi-meethi baaten karte ho va meethe-meethe ulhanen bhi dete ho,woh brahma baap sunkar muskuraate rehte hain aur kya gun gaate hain? vaah mere sikeeldhe,laadle baap ko pratyaksha karne vaale bachche vaah! brahma baap ab bachchon se kya shubh aashaayen rakhte hain, woh jaante ho?

baap yahi chaahte hain ki mera har ek bachcha apni moorta se baap ki seerat dikhaayen। soorat bhinna-bhinna ho lekin sabki soorat se baap ki seerat dikhaai de। jo bhi dekhe, jo bhi sambandh mein aaye - woh aapko dekhkar aapko bhool jaaye,lekin aap mein baap dikhaai de tab hi samay ki samaapti hogi। sabke dil se yeh aavaaz nikle hamaara baap aa gaya hai,mera baap hai। brahmaakumaariyon ka baap nahin,mera baap hai। jab sabhi ke dilon se aavaaz nikle ki mera baap hai, tab hi yeh aavaaz chaaron or nagaade ke maaphik goonjega। jo bhi science ke saadhan hain, un saadhnon mein yeh nagaada bajta rahega - mera baap aa gaya। abhi jo bhi kar rahe ho, bahut achha kiya hai aur kar rahe ho। lekin abhi sabka ikaththa nagaada bajna hai। jahaan bhi sunenge,ek hi aavaaz sunenge। aane vaale aa gaye - isko kaha jaata hai baap ki spashta pratyakshata। abhi naam prasiddha hua hai। pahlaakdam naam pratyaksha hua hai ki brahmaakumaariyaan - brahmaakumaar achha kaam kar rahe hain। vidyaalay va kaarya ki, knowledge ki abhi mahima karte hain, khush hote hain। yeh bhi samajhte hain ki aisa kaarya aur koi kar nahin sakta, itne tak pahunche hain। yeh baat spashta hui hai,chaaron or is baat ki mahima hai। lekin is baat ka abhi spashteekran nahin hua hai ki baapdaada aa gaye hain। abhi thoda-thoda parda khulne laga hai lekin spashta nahin hai। jaante bhi hain ki inhon ka backbone koi authority hai lekin vahi baapdaada hai aur humein bhi baap se varsa lena hai, yeh deevaar abhi umang-utsaah mein aage aa rahi hai, vo abhi hona hai। ek kadam uthaate hain,vo ek kadam hai - sahayog ka। ek kadam uthne laga hai, sahayog dene ki prerna andar aane lagi hai, abhi doosra kadam hai - svayan varsa lene ki umang mein aaye। jab donon hi kadam mil jaayenge to chaaron or baaje bajenge। kaun se baaje? -mera baba। tera baba nahin, mera baba। jaise kaarya ki mahima karte hain,aise karan-karaavanhaar baap ki mahima jhoom-jhoom kar gaayen। hone vaala hi hai। aapko bhi yeh nazaara aankhon ke samaane dil mein,dimaag mein aa raha hai na! kyonki baap aur daada aaye hain - sab bachchon ko varsa dene ke liye। chaahe mukti ka,chaahe jeevanmukti ka, lekin varsa milna zaroor hai। koi bhi vanchit nahin rahega kyonki baap behad ka maalik hai, behad ka baap hai। to behad ko varsa lena hi hai। bhal yogbal se apne janma-janma ke paap nahin bhi kaat saken lekin sirf itna bhi jaan liya ki baap aaye hain, to kuchh na kuchh pahchaan se varse ke adhikaari ban hi jaayenge। to jaise baap ko behad ka varsa dene ka sankalp hai aur nishchit hona hi hai। aise aap sabke dil mein ye shubh bhaavna,shubh kaamna utpanna hoti hai ki hamaare sab bhaai-behen behad ke varse ke adhikaari ban jaayen? to ye shubh bhaavna aur shubh kaamna kab tak pratyaksha roop mein karenge? uski date pahle se apne dil mein fix karo, sangathan se pahle dil mein karo phir sangathan mein karo to vinaash ki date aape hi spashta ho jaayegi, uski chinta nahin karo। raham aata hai ya isi mauj mein rehte ho ki ham to adhikaari ban gaye?mauj mein raho,yeh to bahut achha hai lekin merciful baap ke bachche abhi behad par raham karo। jab doosre par raham aayega to apne oopar raham pahle aayega,phir jo ek hi chhoti si baat par aapko purooshaartha karna padta hai, woh karne ki aavashyakta nahin hogi। master merciful,master dayaalu, mercy- full ban jaao। is gun ko emerge karo। to auron ke oopar raham karne se svayan par raham aape hi aayega।

baapdaada ne pahle bhi sunaaya hai ki baap-daada ko bachchon ki kaun si baat achhi nahin lagti hai,jaante ho?baapdaada ko bachchon ka mehnat karna va baarbaar yuddha karna, yeh achha nahin lagta hai। baap kehte bhi hain - he mere yogi bachche,yoddhe bachche nahin kehte hain, yogi bachche। to yogi bachchon ka kya kaam hai? yuddha karna। yuddha karna achha lagta hai? pareshaan bhi hote ho aur phir yuddha bhi karte ho। aaj pratigya karte ho ki yuddha nahin karenge aur kuchh samay ke baad phir yogi ke bajaae yoddhe ban jaate ho। yeh kyon? baapdaada samajhte hain ki bachchon ko yog se pyaar kam hai,yuddha se pyaar jyaada hai। to aaj se kya karenge?yoddhe banenge va nirantar yogi banenge?

baapdaada ne dekha - kitni 18January bhi beet gai! aur vishesh brahma baap aap bachchon ka aahvaan kar raha hai ki mere bachche samaan ban vatan mein aa jaao। vatan achha nahin lagta? kya yuddha karna hi achha lagta hai? yuddha nahin karo। aaj se yuddha karna banda karo। kar sakte ho? bolo haan ji। phir vahaan jaakar patra nahin likhna ki maaya aa gai, yuddha karke bhaga diya। kisi ko apni maaya aati hai aur koi-koi doosron ki maaya ko dekh khud maaya ke asar mein aa jaate hain। yeh kyon,yeh kya… yeh doosron ki maaya apne andar le aate hain। yeh bhi nahin karna। maaya se chhudaana baap ka kaam hai, aap sva purooshaartha mein teevra bano,to aapke vibration se,vritti se,shubh bhaavna se doosre ki maaya sahaj bhaag jaayegi। agar kyon, kya mein jaayenge,to na aapki maaya jaayegi na doosre ki jaayegi। isliye jaise naye varsha mein puraane varsha ko vidaai di। abhi 96 nahin kahenge, 97ke kahenge na! agar koi galti se kah de to aap kahenge 96nahin hai, 97hai। aise aaj kyon-kya,aise-vaise,in shabdon ko vidaai de do। question mark nahin karo। bindi lagaao, nahin to question mark hua aur vyartha ka khaata aarambha hua। aur jab vyartha ka khaata aarambha ho jaata hai to samarthi samaapta ho jaati hai। aur jahaan samarthi samaapta hui,vahaan maaya bhinna-bhinna roop se, bhinna-bhinna circumstance se apna graahak bana deti hai। phir kya ban jaate? yogi ya yoddhe? yoddhe nahin banna। pakka promise kiya? ya baapdaada kehta hai to haan kiya? pakka kiya? baahar jab apne desh mein jaayenge to thoda kachcha hoga? shaktiyaan kya kehti hain?hoga ya nahin? sab haan nahin karte,maana thoda apne mein shak hai। (sabne haan ji kaha) dekhna T.vi. mein photo nikal raha hai! phir baapdaada T.vi. ki cassette bhejenge kyonki baap ka har bachche ke saath - chaahe naye hain, chaahe puraane hain lekin jisne dil se kaha mera baba, sirf kaha nahin lekin maana aur maankar chal rahe hain,us ek-ek ke saath baap ka dil ka pyaar hai, kahne vaala pyaar nahin।

baapdaada bahut bachchon ki rangat dekhte hain - aaj kahenge baba, O mere baba, O meetha baba,kya kahoon,kya nahin kahoon … aap hi mera sansaar ho,bahut meethi-meethi baaten karte hain aur do chaar ghante ke baad agar koi baat aa gai to bhoot aa jaata hai। baat nahin aati, bhoot aata hai। baapdaada ke paas sabhi ka bhoot vaala photo bhi hai। dekho,ek yaadgaar bhi bhootnaath ka hai। to bhooton ko bhi baapdaada dekhte hain - kahaan se aaya,kaise aaya aur kaise bhaga rahe hain। yeh khel bhi dekhte rehte hain। koi to ghabraakar, dilshikasta bhi ho jaate hain। phir baapdaada ko yahi shubh sankalp aata hai ki inko koi dvaara sanjeevni booti khilaakar surjeet karen lekin ve moorchha mein itne masta hote hain jo sanjeevni booti ko dekhte hi nahin hain। aise nahin karna। saara hosh nahin ganvaana,thoda rakhna। thoda bhi hosh hoga na to bach jaayenge।

to aaj vishesh brahma baap har bachche ki result ko dekh rahe the kyonki aaj ke din ko aap sabhi smriti divas so samartha divas kehte hain। to brahma baap dekh rahe the ki kitne samarthi divas mana chuke hain, lekin samarthi sadaakaal ki kahaan tak aai hai?to kya dekha hoga? abhi ki result anusaar baap ki knowledge se knowledgeful aur maaya ke bhi knowledgeful,aise knowledgeful kitne nikle honge! maaya ki knowledge se bhi knowledgeful banna pade, jo maaya ko door se hi pahchaan len,catch kar len ki aaj kuchh paper hone vaala hai aur pahle se hi samartha ho jaaen। samaachaar mein kya likhte hain? maaya aai, mainne bhagaaya phir bhaag gai। lekin aai kyon? maaya ko aane ki chhutti de di hai kya ki bhale kabhi-kabhi aaya karo? yadi bina chhutti koi aata hai,to usko aane diya jaata hai kya? maaya par raham to nahin karte ho ki bichaari aadhaakalpa ki saathi hai! maaya par raham nahin karna। itni saari aatmaon par to raham kar lo। to result mein first aur second number mein 50-50dekha। sirf first nahin,first aur second donon milaakar 50, lekin baapdaada ko ek baat ki bahut khushi hai ki bachchon ko baap ke sneh se vijayi ban hi jaana hai। abhi sabhi ke mastak par vijay ka tilak aisa spashta dikhaai de jo doosre bhi anubhav karen ki sachmuch yahi vijayi ratna hain।

baapdaada ne pahle bhi sunaaya hai ki is final padhaai mein har ek bachche ko teen certificate lene hain - ek svayan, svayan se santushta - yeh certificate aur doosra baapdaada dvaara certificate aur teesra parivaar ke sambandh-samparka mein aane vaalon dvaara certificate। yeh teen certificate jab milen tab samjho padhaai poori hui। aise nahin samajhna ki baapdaada to hamaare se santushta hain। lekin teenon hi certificate chaahiye, ek nahin chalega। to check karo teen certificate se kitne certificate mile hain? baap ke bina bhi kuchh nahin milta। lekin parivaar ki santushtata ka certificate isse bhi bahut kuchh milta hai। parivaar ki jitni aatmaon se certificate jisko milta hai, jitne brahman santushta hain utne hi bhagat bhi aapki pooja santushtata se karenge, kaam chalaau nahin, dil se karenge। to yahaan brahman jeevan mein jitne braahmanon ka aapke prati sneh, sammaan arthaat regard hoga, dil se santushta honge, utna hi poojya banenge। poojya ke liye sneh aur sammaan hota hai। to jab jab jad chitron ki pooja hogi, tab itna hi sneh aur regard milega। saare kalpa ki praarabdha abhi banaani hai। sirf aadhaakalpa raajya ki praarabdha nahin, poojya ki praarabdha bhi abhi banti hai। aise nahin samjho-hamaara to baap se hi kaam chal jaayega। nahin। baap ka parivaar se kitna pyaar hai। to follow father karo। brahma baap ko dekha, kaisa bhi bachcha ho,shikshaadaata ban shiksha bhi dete lekin shiksha ke saath pyaar bhi dil mein rakhte। aur pyaar koi baahon ka nahin, lekin pyaar ki nishaani hai - apni shubh bhaavna se, shubh kaamna se kaisi bhi maaya ke vash aatma ko parivartan karna। koi bhi hai, kaisi bhi hai, ghrina bhaav nahin aave,yeh to badalne vaale hi nahin hain, yeh to hain hi aise। nahin। abhi aavashyakta hai merciful banne ki kyonki kai bachche kamjor hone ke kaaran apni shakti se koi badi samasya se paar nahin ho sakte,to aap sahayogi bano। kisse?sirf shiksha se nahin, aajkal shiksha, sivaae pyaar ya shubh bhaavna ke koi nahin sun sakta। yeh to final result hai, shiksha kaam nahin karti lekin shiksha ke saath shubh bhaavna, merciful yeh sahaj kaam karta hai। jaise brahma baap ko dekha, maaloom bhi hota ki aaj is bachche ne bhool ki hai, to bhi us bachche ko shiksha bhi tareeke se, yukti se deta aur phir usko bahut pyaar bhi karta,jisse woh samajh jaate ki baba ka pyaar hai aur pyaar mein galti ke mahsoosta ki shakti usmein aa jaati। to brahma baap ko aaj bahut yaad kiya na! to follow father। baap samaan banne ki himmat hai? mubaarak ho himmat ki। baapdaada aapke dil ki taaliyaan pahle hi sun leta hai aap khushi se taaliyaan bajaate ho lekin baap ko dil ki taaliyaan pahle pahunchti hain।

baapdaada bhi hansi ki baat sunaate hain। brahma baba ki roohrihaan chali! to brahma baap kehte hain ki mere ko ek baat ke liye date conscious-ness hai। bachchon ko to kehte hain dedkonses nahin bano lekin brahma baap ek baat mein date conscious hain,kaun si date?ki kab mera ek-ek bachcha jeevan mukta ban jaae! aise nahin samajhna ki ant mein jeevanmukta banenge, nahin। bahutkaal se jeevanmukta sthiti ka abhyaas, bahutkaal jeevanmukta raajya bhaagya ka adhikaari banaayega। uske pahle jab aap abhi jeevanmukta bano to aap jeevanmukta sthiti vaalon ka prabhaav jeevanbandh vaali aatmaon ka bandhan samaapta karega। to yeh seva nahin karni hai kya? karni hai na! to aap brahma baap ko detkaanses ka javaab do। woh date kab hogi jab sab jeevanmukta hon? koi bandhan nahin। bandhanon ki lambi list varnan karte ho,classes karaate ho to bandhanon ki badi lambi list nikaalte ho lekin baap kehte hain sab bandhanon mein pahla ek bandhan hai-deh bhaan ka bandhan। usse mukta bano। deh nahin to doosre bandhan svatah hi khatma ho jaayenge। apne ko vartamaan samay main teacher hoon, main student hoon,main sevaadhaari hoon,is samajhne ke bajaae amritvele se yeh abhyaas karo ki main shreshtha aatma oopar se aai hoon - is puraani duniya mein,puraane shareer mein seva ke liye। main aatma hoon-yeh paath abhi aur pakka karo। aap aatma ka bhaan dhaaran karo to yeh aatmik bhaan,maaya ke bhaan ko sada ke liye samaapta kar dega। lekin aatma ka bhaan - yeh abhi chalte phirte smriti mein rahe, woh abhi aur hona chaahiye। brahma baap ne aatma ka paath aadi se kitna pakka kiya! deevaaron par bhi main aatma hoon, parivaar vaale aatma hain, ek-ek ke naam se deevaaron mein bhi yeh paath pakka kiya। diary bhar di-main aatma hoon, yeh bhi aatma hai, yeh bhi aatma hai। aapne aatma ka paath itna pakka kiya hai? main sevaadhaari hoon,yeh paath kuchh pakka lagta hai lekin aatma sevaadhaari hoon,to jeevanmukta ban jaayenge। roz shareer mein oopar se avatrit ho, main avtaar hoon, is shareer mein avatrit aatma hoon,phir yuddha nahin karni padegi। aatma bindu hai na?to sab baaton ko bindu lag jaayega। kaun si aatma hoon? roj ek naya-naya title smriti mein rakho। aapke paas bahut se title ki list to hai na। roz naya title smriti mein rakho ki main aisi shreshtha aatma hoon। sahaj hai ya mushkil hai?aatma bindu roop mein rahegi, to drama bindu bhi kaam mein aayega aur samasyaaon ko bhi second mein bindu laga sakenge aur bindu ban paramdham mein bindu jaayegi। jaana hai ya seedha svarga mein jaayenge?kahaan jaayenge? pahle ghar jaayege ya raajya mein jaayenge? baap ke saath ghar tak to chalna hai na ki seedha raajya mein chale jaayenge,baap ko poochhenge nahin! to bindu baap ke saath bindu ban pahle ghar jaana hai। vaise raajya ka passport nahin milega। paramdham se raajdhaani mein jaane ka passport automatic mil jaayega, kisko dene ki aavashyakta nahin। jitna najdeek honge,utna nambarvaar paramdham se raajya mein aayenge, paramdham se pahli aatma kaun si jaayegi?kiske saath jaayenge? brahma baap ke saath jaayenge! sabhi raajya mein bhi saath mein jaayenge ya doosre teesre janma mein aayenge?jaana hai na?pyaar hai na?brahma baap ko chhodenge to nahin, saath jaayenge? to baapdaada ko date bataayenge ya nahin? (baapdaada bataayen) baapdaada to kehte hain abhi bano। to baap bhi date konses se badal jaayega। dekho,brahma baap ne kal ko dekha? turat daan mahaadaan kiya। teevra purooshaartha,pahla purooshaartha kiya। kal ko nahin dekha। kal kya hoga! parivaar kaise chalega! socha? jo aaj ho raha hai woh achha aur jo kal hoga woh bhi achha। tabhi to turat daan mahaapunya aur pahla number ka mahaan bana। abhi bachchon ko turat daani banna chaahiye। sankalp kiya aur turat daan mahaabli banen। jab haath uthvaate hain ki pahle division mein kaun aayega? to sabhi haath uthaate hain। abhi bhi uthvaayenge to sab uthaayenge। baapdaada jaante hain ki koi bhi haath neeche nahin karenge। jab pahle division mein aana hai to pahle number ko follow to karo। follow karna sahaj hai - bas brahma baap ke kadam par kadam rakho। copy karo। copy karna aata hai ki nahin aata hai! follow karna aata hai? to follow karo aur kya karna hai!

vishaal sabha ko dekh khushi ho rahi hai na! (sabhi ne jor se taaliyaan bajaai) sabhi ko ek haath ki taali sikhaao (sabhi ne ek haath hilaaya) yeh achhi hai। achha।

is baari sabhi zone ke aaye hain na! majority sabhi taraph se aaye hain।

mahaaraashtra aur baambe :-haath uthaao। mahaaraashtra seva ke nimitta hain na। achhi seva ka saboot de rahe hain। sabhi khushi se seva kar rahe hain। neend aati hai ki raat bhi seva mein guzar jaati hai? raat din seva yeh maha punya ban raha hai। raat bhi ho to sevaadhaari seva ke liye haajir hain। aise hai na mahaaraashtra?achhi result hai। pahle gujraat ne kiya, abhi mahaaraashtra kar raha hai। har sevaadhaari group ki apni- apni visheshta hai। gujraat ko bhi tarna mila na। achha hai। dekho seva ke kaaran aapko double chance mila hai। apne tarna mein bhi aa sakte ho aur sevaadhaari bankar bhi aaye to sevaadhaariyon ko double chance hai। achha।

dilli-dilli vaale diamond jubilee ki samaapti ka samaaroh mana rahe hain,achha hai। dehli se aavaaz chaaron or sahaj phailta hai। isliye achhi himmat se kaarya kar rahe hain aur diamond jubilee ki sampanna samaapti dhoomdhaam se honi hi hai। achha।

gujraat - gujraat to padosi hai taali bajaao to haajir ho jaae।

(karnaatak,aandhra,panjaab, eastern,nepaal,aasaam,udeesa, Indore,yu.pi., banaaras,bhopaal,taamilnaadu,raajasthaan,aagra, madhuban,double videshi aadi sabhi zone se baapdaada haath uthvaakar mil rahe hain)

double videshi to madhuban ki sabha ka shrringaar hain। double videshi yaadapyaar dene aur lene mein bahut hoshiyaar hain। bhaarat,bhaarat hai lekin videsh bhi kam nahin hai। har samay apni bhinna-bhinna roop mein yaad bhejte rehte hain। abhi bhi naye varsha ki yaad bahut hi bachchon ne bheji hai aur vishesh is din bahut bachche vidhipoorvak yaad karte hain। dil se bhi yaad bhejte to card aur patron dvaara bhi bhejte hain। baapdaada ke paas vishesh double videshiyon ke yaadapyaar ke patra aur card bhi mile hain। baapdaada sabhi ko padamguna yaadapyaar aur mubaarak de rahe hain। abhi bhi kai sthaanon se pharishte roop mein madhuban sabha mein pahunchen hue hain। baapdaada saamne dekh rahe hain aur result mein yaad aur seva ke ummag-utsaah ki vishesh mubaarak de rahe hain। abhi double videshi majority yaad aur seva mein anubhvi ho gaye hain aur aage bhi hote rahenge। abhi pahla natkhat ka bachpan majority ka samaapta hua hai aur aage bhi ho raha hai। isliye double videshiyon ko teevra purooshaartha ki baapdaada mubaarak ke saath yeh slogan bhi suna rahe hain -ki maaya ki nazar se sada bache rahne vaale apne nazron mein sada baap ko samaane vaale,jab baap nazron mein hai to maaya ki nazar lag nahin sakti hai। isliye sada bachche bache rahen, rehna hi hai। achha।

abhi-abhi sabhi jo bhi baithe hain ek second mein ashareeri aatmik sthiti mein sthit ho jaao। shareer bhaan mein nahin aao। aatma,param aatma se milan mana rahi hai। (baapdaada ne drill karaai)

aisa abhyaas baar-baar karma karte, karte raho। switch on kiya aur second mein ashareeri banen। yeh abhyaas karmaateet sthiti ka anubhav karaayega।

chaaron or ke sada samartha aatmaon ko,sada baapdaada ko follow karne vaale sahaj purushaarthi bachchon ko, sada ek baap,ekaagra buddhi, ekras sthiti mein sthit rahne vaale, bindu ban bindu baap ke saath chalne vaale aise sarva baap ke snehi, sahayogi, sevaadhaari bachchon ko baapdaada ka yaadapyaar aur namaste।

daadiyon se - nirvighna mele ki samaapti hui na!

(saayan7.30 baje,global hospital mein london ki shaili behen ne apna puraana shareer chhod baapdaada ki god li, yeh samaachaar baapdaada ko sunaaya gaya)koi na koi ka yaadgaar rehta hai। jiska jo part hai woh kahaan bhi kaise bhi ho, usko nibhaana hi hai। double foreigners bhi to advance party mein chaahiye na। advance party ke guldaste mein bhinna-bhinna phool jama ho rahe hain। (poori surrender thi,do maas se yahaan thi, last ke teen-chaar din silence mein thi, achaanak tabiyat kharaab hui aur 2-3din hospital mein treatment chali) aise achhe-achhe hi chaahiye na,jo vibration se kaarya kar saken। to yeh jaana nahin kahenge, seva mein aana kahenge। yeh bhi kai aatmaon ko behad ka vairaagya dilaane ke liye nimitta bani hai। itne bade vishaal mele se jaana yeh bhi behad mele mein behad ka part bajaana hai। to aap kahenge kya chali gai? nahin,chali nahin gai lekin bhinna-bhinna dress se bhinna part bajaane aai। (london mein khaas sabhi ne uske prati yog kiya) in sabhi ko bhi sunaao, sabhi use yaad ka sahayog deven,vibration deven।(nirvair bhaai ne usi samay sabhi ko samaachaar sunaaya tatha ek minute ke liye sabhi ne us aatma ko yogdaan diya)

vidaai ke samay - sabhi ko yeh shaantivan ka vishaal haal pasanda hai? (haan ji) to kisne banaaya?aap sabhi ke sahayog ke anguli se yeh vishaal haal taiyaar hua hai। baap to hai lekin bachchon ke sahayog ki anguli bhi zaroori hai। to pasanda hai na?achha isse bada banaayen?achha hai,sabhi bachchon ke sahayog se bana hai aur aage bhi jo kaarya raha hua hai,woh hona hi hai। to aap sabhi ko yeh mela, pat mein sona, khaana pasanda hai? takleeph nahin hai! takleeph hui? dekho bhakti ke mele to bahut kiye hain, usmein to khaane ke saath mitti bhi khaate hain, mitti mein sote hain,mitti mein khaate hain। aapko to brahmaabhojan achha mila na। brahmaabhojan theek mila? koi ko brahma bhojan mein takleeph hui? tabiyat kharaab to nahin hui! achha beemaar bhi theek ho gaye? to yeh shaantivan ka mela vishesh braahmanon ke liye hua aur hota rahega lekin is shaantivan ko seva mein bhi lagaao।

brahman maana sevaadhaari। to jo aapke sambandh, samparka mein hain aur chaahte hain ki humein bhi koi chance mile, lekin sthaan ke kaaran aap unhon ki seva nahin kar sake hain, abhi badi dil se itne hi hajaaron mein seva kar sakte ho kyonki oopar aapko had milti hai, yahaan ek hi haal mein do teen group banaakar yog shivir kara sakte ho, course kara sakte ho aur saath mein vaaris bana sakte ho। yahaan ki paalna se vaaris banna bahut sahaj hoga kyonki yahaan ka vaayumandal aur anubhvi daadiyon ki drishti, paalna sahaj parivartan kar sakti hai। ek programme braahmanon ke refreshment ka aur ek programme seva ka bhinna-bhinna roop se ek hi samay par group-group banaakar ek hi haal mein aur jo rahne ke achhe bade haal hain, usmein bhi rakh sakte ho। to aap jaise khud aaye hain na, vaise phir apne samparka vaalon ka programme banaate rehna। aise nahin hai ki yeh bada haal kaise kaam mein aayega,yeh bade se chhota bhi ho sakta hai, chhote se bada bhi ho sakta hai। to itni sankhya taiyaar karenge?is haal dvaara 9laakh taiyaar karo। kar sakte ho? (ich one teach one karen) yeh achhi idea hai, jitne aap baithe ho ek,ek ko laayega to kitne ho jaayenge? abhi samay ke pramaan seva bhi behad badi karo, chhote-chhote group to oopar bhi hote hain lekin yahaan jyaada sankhya mein praja bana sakte ho, royal praja bana sakte ho, vaaris bana sakte ho। pasanda hai? to doosri baari kya karenge?jitne baithe ho na-utne laana। jyaada bhale laana, kam nahin laana।

aap logon ko refreshment chaahiye! aapki bhatthiyaan rakhen? lekin yahaan bhatthi karo aur vahaan baith jaao, aise nahin karna। bhatthi maana sada ka parivartan। to aisa plan banaao jo sab khush ho jaaen। minister jo hain, prime minister, president sab aapke anubhav se prabhaavit hon। kam se kam government bhi yeh to kahe ki agar bhaarat ka kalyaan hona hai to yahaan se hi hona hai। to abhi fast seva karo। samjha। abhi baaki jo bhi raha hua hai usko theek karaate raho, karne vaale sabhi milkar pahaad uthaane chaahen to yeh kya hai! baapdaada ko bhi vishaal mela achha lagta hai। himmat bachchon ki madad baap ki।

achha। om shanti।