Avyakt murli du samedi 25 novembre 2000

>

25-11-2000 om shanti avyakt baapdaadaamdhuban

baap samaan banne ke liye do baaton ki dridhta rakho - svamaan mein rehna hai aur sabko sammaan dena hai

aaj baapdaada apne pyaare te pyaare, meethe te meethe chhote se brahman parivaar kaho,brahman sansaar kaho, usko hi dekh rahe hain। yeh chhota sa sansaar kitna nyaara bhi hai to pyaara bhi hai। kyon pyaara hai? kyonki is brahman sansaar ki har aatma vishesh aatma hai। dekhne mein to ati saadhaaran aatmaayen aati hain lekin sabse bade se badi visheshta har ek brahman-aatma ki yahi hai jo param-aatma ko apne divya buddhi dvaara pahchaan liya hai। chaahe 90varsha ke bujurga hain,beemaar hain lekin paramatma ko pahchaanne ki divya buddhi,divya netra sivaae brahman aatmaon ke naameegraami vi.vi.aai.pi. mein bhi nahin hai। yeh sabhi maataayen kyon yahaan pahunchi hain?taangen chalen,nahin chalen lekin pahunch to gai hain। to pahchaana hai tab to pahunchi hain na! yeh pahchaanne ka netra, pahchaanne ki buddhi sivaae aapke kisi ko bhi praapta nahin ho sakti। sabhi maataayen yeh geet gaati ho na - hamne dekha,hamne jaana…। maataaon ko yeh nasha hai? haath hila rahi hain,bahut achha। paandavon ko nasha hai? ek do se aage hain। na shaktiyon mein kami hai, na paandavon mein kami hai। lekin baapdaada ko yahi khushi hai ki yeh chhota sa sansaar kitna pyaara hai। jab aapas mein bhi milte ho to kitni pyaari aatmaayen lagti hain!

baapdaada desh-videsh ki sarva aatmaon dvaara aaj yahi dil ka geet sun rahe the - baba, meetha baba hamne jaana, hamne dekha। yeh geet gaate-gaate chaaron or ke bachche ek taraph khushi mein, doosre taraph sneh ke saagar mein samaaye hue the। jo bhi chaaron or ke yahaan saakaar mein nahin hain lekin dil se,drishti se baapdaada ke saamne hain aur baapdaada bhi saakaar mein door baithe hue bachchon ko sammukh hi dekh rahe hain। chaahe desh hai, chaahe videsh hai, baapdaada kitne mein pahunch sakte hain? chakkar laga sakte hain?baapdaada chaaron or ke bachchon ko return mein arab-kharab se bhi jyaada yaad-pyaar de rahe hain। chaaron or ke bachchon ko dekh-dekh sabke dilon mein ek hi sankalp dekh rahe hain, sabhi naynon se yahi kah rahe hain ki humein parmaatma6 maas ka hom work yaad hai। aap sabko bhi yaad hai na? bhool to nahin gaya?paandavon ko yaad hai? achhi tarah se yaad hai?baapdaada baar baar kyon yaad dilaata hai?kaaran? samay ko dekh rahe ho,brahman aatmaayen svayan ko bhi dekh rahi hain। man javaan hota jaata hai, tan bujurga hota jaata hai। samay aur aatmaon ki pukaar achhi tarah se sunne mein aa rahi hai! to baapdaada dekh rahe the - aatmaon ki pukaar dil mein badhti ja rahi hai - ‘he sukh-deva! he shaantideva! he sachchi khushi-deva thodi si anchali humein bhi de do। socho, pukaar karne vaalon ki line kitni badi hai! aap sabhi sochte ho - baap ki pratyakshata jaldi se jaldi ho jaae lekin pratyakshata kis kaaran se rooki hui hai?jab aap sabhi bhi yahi sankalp karte ho aur dil ki chaahna bhi rakhte ho, mukh se kehte bhi ho - humein baap samaan banna hai। banna hai na? hai banna? achha,phir bante kyon nahin ho?baapdaada ne baap samaan banne ko kaha hai, kya banna hai, kaise banna hai, ‘samaan’shabd mein yeh donon question uth nahin sakte। kya banna hai?uttar hai na - baap samaan banna hai। kaise banna hai?

follow father - footstep father mother। niraakaar baap,saakaar brahma mother। kya follow karna bhi nahin aata? follow to aajkal ke jamaane mein andhe bhi kar lete hain। dekha hai, aajkal woh lakdi ke aavaaj par, lakdi ko follow karte-karte kahaan ke kahaan pahunch jaate hain। aap to master sarvashaktivaan hain, trinetri hain, trikaaldarshi hain। follow karna aapke liye kya badi baat hai! badi baat hai kya? bolo,badi baat hai?hai nahin lekin ho jaati hai। baapdaada sab jagah chakkar lagaate hain, centre par bhi, pravritti mein bhi। to baapdaada ne dekha hai, har ek brahman aatma ke paas,har ek centre par, har ek ki pravritti ke sthaan par jahaan-tahaan brahma baap ke chitra bahut rakhe hue hain। chaahe avyakt baap ke, chaahe brahma baap ke, jahaan tahaan chitra hi chitra dikhaai dete hain। achhi baat hai। lekin baapdaada yeh sochte hain ki chitra ko dekh charitra to yaad aate hain na! ya sirf chitra hi dekhte ho?chitra ko dekh prerna to milti hai na! to baapdaada aur to kuchh kehte nahin hain sirf ek hi shabd kehte hain - ‘follow karo’,bas। socho nahin,jyaada plan nahin banaao, yeh nahin woh karen,aisa nahin vaisa, vaisa nahin aisa। nahin। jo baap ne kiya, kaapi karna hai, bas। kaapi karna nahin aata? aajkal to science ne photo kaapi ki bhi masheenen nikaal li hain। nikaali hai na! yahaan photo kaapi hai na?to yeh brahma baap ka chitra rakhte hain। bhale rakho,achhi tarah se rakho, bade bade rakho। lekin photo kaapi to karo na!

to baapdaada aaj chaaron or ka chakkar lagaate yeh dekh rahe the,chitra se pyaar hai ya charitra se pyaar hai? sankalp bhi hai, umang bhi hai, lakshya bhi hai, baaki kya chaahiye?baapdaada ne dekha, koi bhi cheez ko achhi tarah se majboot karne ke liye chaar hi konon se usko pakka kiya jaata hai। to baapdaada ne dekha teen kone to pakke hain,ek kona aur pakka hona hai। sankalp bhi hai, umang bhi hai, lakshya bhi hai, kisi se bhi poochho kya banna hai?har ek kehta hai - baap samaan banna hai। koi bhi yeh nahin kehta hai - baap se kam banna hai, nahin। samaan banna hai। achhi baat hai। ek kona majboot karte ho lekin chalte-chalte dheela ho jaata hai, woh hai dridhta। sankalp hai, lakshya hai lekin koi par-sthiti aa jaati hai, saadhaaran shabdon mein usko aap log kehte hain baaten aa jaati hain, woh dridhta ko dheela kar deti hain। dridhta usko kaha jaata hai - ‘mar jaayen,mit jaayen lekin sankalp na jaaye’। jhukna pade, jeete ji marna pade, apne ko modna pade,sahan karna pade, sunna pade lekin sankalp nahin jaaye। isko kaha jaata hai - ‘dridhta’। jab chhote-chhote bachche om nivaas mein aaye the to brahma baba unhon ko hansi-hansi mein yaad dilaata tha, pakka banaata tha ki itna-itna paani piyenge,itni mircha khaayenge, darenge to nahin। phir haath se aise aankh ke saamne karte hain…। to brahma baap chhote-chhote bachchon ko pakka karte the,chaahe kitni bhi samasya aa jaae, sankalp ki aankh hile nahin। woh to laal mircha aur paani ka matka tha, chhote bachche the na। aap to sabhi abhi bade ho, to baapdaada aaj bhi bachchon se poochhte hain ki aapka dridh sankalp hai?sankalp mein dridhta hai ki ‘baap samaan’banna hi hai?banna hai nahin, banna hi hai। achha - ismen haath hilaao। T.vi. vaale nikaalo। T.vi. kaam mein aani chaahiye na! bada-bada haath karo। achha - maataayen bhi utha rahi hain। peechhe vaale aur ooncha haath karo। bahut achha। cabin vaale nahin utha rahe hain। cabin vaale to nimitta hain। achha। thodi ghadi ke liye to haath uthaake baapdaada ko khush kar diya।

abhi baapdaada sirf ek hi baat bachchon se karaana chaahte hain, kehna nahin chaahte,karaana chaahte hain। sirf apne man mein dridhta laao, thodi si baat mein sankalp ko dheela nahin kar do। koi insult kare,koi ghrina kare, koi apmaan kare,ninda kare, kabhi bhi koi duhkh de lekin aapki shubh bhaavna mit nahin jaae। aap challenge karte ho ki ham maaya ko, prakriti ko parivartan karne vaale vishwa parivartak hain,apna occupation to yaad hai na? vishwa parivartak to ho na! agar koi apne sanskaar ke vash aapko duhkh bhi de, chot lagaaye, hilaaye,to kya aap duhkh ki baat ko sukh mein parivartan nahin kar sakte ho? insult ko sahan nahin kar sakte ho?gaali ko gulaab nahin bana sakte ho?samasya ko baap samaan banne ke sankalp mein parivartan nahin kar sakte ho? aap sabko yaad hai - jab aap brahman janma mein aaye aur nishchay kiya,chaahe aapko ek second laga ya ek maas laga lekin jab se aapne nishchay kiya, dil ne kaha ‘‘main baba ka, baba mera।’’ sankalp kiya na, anubhav kiya na! tab se aapne maaya ko challenge kiya ki main maayaajeet banoonga, banoongi। yeh challenge maaya ko kiya tha? maayaajeet banna hai ki nahin? maayaajeet aap hi hain na ya abhi doosre aane hain? jab maaya ko challenge kiya to yeh samasyaayen,yeh baaten,yeh halchal maaya ke hi to royal roop hain। maaya aur to koi roop mein aayegi nahin। in roopon mein hi maayaajeet banna hai। baat nahin badlegi, centre nahin badlega, sthaan nahin badlega,aatmaayen nahin badlengi,humein badalna hai। aapka slogan to sabko bahut achha lagta hai - badalke dikhaana hai, badla nahin lena hai, badalna hai। yeh to puraana slogan hai। naye-naye roop,royal roop banke maaya aur bhi aane vaali hai,ghabraao nahin। baapdaada underline kar raha hai - maaya aise, aise roop mein aani hai,aa rahi hai। jo mahsoos hi nahin karenge ki yeh maaya hai, kahege nahin daadi, aap samajhti nahin ho, yeh maaya nahin hai। yeh to sachchi baat hai। aur bhi royal roop mein aane vaali hai,daro mat। kyon? dekho,koi bhi dushman chaahe haar khaata hai,chaahe jeet hoti hai, jo bhi unke paas chhote mote shastra astra honge,use karega ya nahin karega?karega na?to maaya ki bhi ant to honi hai lekin jitna ant sameep aa raha hai,utna woh naye-naye roop se apne astra shastra use kar rahi hai, karegi bhi। phir aapke paanv mein jhukegi। pahle aapko jhukaane ki koshish karegi, phir khud jhuk jaayegi। sirf ismen aaj baapdaada ek hi shabd baar-baar underline kara raha hai। ‘‘baap samaan banna hai’’ -apne is lakshya ke svamaan mein raho aur sammaan dena arthaat sammaan lena,lene se nahin milega,dena arthaat lena hai। sammaan de - yeh yathaartha nahin hai, sammaan dena hi lena hai। svamaan body conscious ka nahin, brahman jeevan ka svamaan, shreshtha aatma ka svamaan, sampannata ka svamaan। to svamaan aur sammaan lena nahin hai lekin dena hi lena hai - in do baaton mein dridhta rakho। aapki dridhta ko koi kitna bhi hilaaye, dridhta ko dheela nahin karo। majboot karo, achal bano। tab yeh jo baapdaada se promise kiya hai, 6 maas ka। promise to yaad hai na। yeh nahin dekhte rehna ki abhi to 15 din poora hua hai,saadhe paanch maas to pade hain। jab roohrihaan karte hain na - amritvele roohrihaan to karte hain, to baapdaada ko bahut achhi-achhi baaten sunaate hain। apni baaten jaante to ho na? to ab ‘dridhta’ko apnaao। ulti baaton mein dridhta nahin rakhna। krodh karna hi hai,mujhe dridh nishchay hai, aise nahin karna। kyon?aajkal baapdaada ke paas record mein majority krodh ke bhinnabhinna prakaar ki report pahunchti hai। mahaaroop mein kam hai lekin ansh roop mein bhinna-bhinna prakaar ka krodh ka roop jyaada hai।

is par class karaana - krodh ke kitne roop hain? phir kya kehte hain, hamaara na bhaav tha, na bhaavna thi, aise hi kah diya। is par class karaana।

teachers bahut aai hain na? (1200 teachers hain) 1200 hi dridh sankalp kar len to kal hi parivartan ho sakta hai। phir itne accident nahin honge,bach jaayenge sabhi। teachers haath uthaao। bahut hain। teacher arthaat nimitta foundation। agar foundation pakka arthaat dridh raha to jhaad to aapehi theek ho jaayega। aajkal chaahe sansaar mein, chaahe brahman sansaar mein har ek ko himmat aur sachcha pyaar chaahiye। matlab ka pyaar nahin, svaartha ka pyaar nahin। ek sachcha pyaar aur doosri himmat, maano95 percent kisne sanskaar ke vash,parvash hoke neeche-oopar kar bhi liya lekin5 percent17achha kiya,phir bhi agar aap uske 5percent achchhaai ko lekar pahle usmein himmat bharo, yeh bahut achha kiya phir usko kaho baaki yeh theek kar lena,usko feel nahin hoga। agar aap kahengi yeh kyon kiya,aisa thode hi kiya jaata hai,yeh nahin karna hota hai,to pahle hi bichaara sanskaar ke vash hai, kamzor hai, to woh nervous ho jaata hai। progress nahin kar sakta hai। 5percent ki pahle himmat dilaao,yeh baat bahut achhi hai aapmen। yeh aap bahut achha kar sakte hain, phir usko agar samay aur uske swaroop ko samajhkar baat denge to woh parivartan ho jaayega। himmat do, parvash aatma mein himmat nahin hoti hai। baap ne aapko kaise parivartan kiya? aapki kami sunaai, aap vikaari ho, aap gande ho, kaha?aapko smriti dilaai aap aatma ho aur is shreshtha smriti se aapmen samarthi aai, parivartan kiya। to himmat se smriti dilaao। smriti samarthi svatah hi dilaayegi। samjha। to abhi to samaan ban jaayenge na?sirf ek akshar yaad karo - ‘follow father-mother’। jo baap ne kiya, woh karna hai। bas। kadam par kadam rakhna hai। to samaan banna sahaj anubhav hoga।

drama chhote-chhote khel dikhaata rehta hai। aashcharya ki maatra to nahin lagaate?achha।

anek bachchon ke card, patra,dil ke geet baapdaada ke paas pahunch gaye hain। sabhi kehte hain hamaari bhi yaad dena, hamaari bhi yaad dena। to baap bhi kehte hain hamaari bhi yaadapyaar de dena। yaad to baap bhi karte, bachche bhi karte, kyonki is chhote se sansaar mein hai hi baapdaada aur bachche aur vistaar to hai hi nahin। to kaun yaad aayega?bachchon ko baap, baap ko bachche। to desh-videsh ke bachchon ko baapdaada bhi bahut-bahut-bahut bahut yaad-pyaar dete hain।

yeh maataaon ka jhunda bahut achha aaya hai। sadaiv bujurga maataayen yahi sochkar aati hain,abhi ek baar to milkar aayen,phir dekha jaayega। aise sochte-sochte bhi kai baar aa chuki hain। achha karti hain। baapdaada maataaon ki himmat dekhkar khush hote hain। taali bajaaon ha’jar ho jaati hain। (sabhi ne khoob taaliyaan bajaai) achha hai taali bajaane mein khushi hoti hai। maataaon ki bhi raunak achhi hai। dekho, drama mein maataaon se baap ka, parivaar ka pyaar hai isliye pahla chance maataaon ko hi mila hai। maataaon ke tarna mein paani bhi pahunch gaya hai। koi takleeph hui kya! nahin na! economy ki ya nahin?economy kiya? sabki dil badi hai na। jab dil badi hoti hai to sab theek chalta hai। thodi bahut khitkhit to hoti hai,woh koi badi baat nahin। theek hai na - madhuban ke, shaantivan ke paandav। majboot hain na,tod nibhaayenge na?kaho daadi agar paani nahin aaya to ham baaltiyaan bharkar bhi aayenge। paani kaise nahin haajar hoga, jab itne bachche haajar ho jaayenge to paani kaise nahin haajar hoga। achha।

chaaron or ke brahman sansaar ki vishesh aatmaon ko, sada dridhta dvaara saphalta praapta karne vaale saphalta ke sitaaron ko,sada svayan ko sampanna banaae aatmaon ki pukaar ko poorn karne vaali sampanna aatmaon ko,sada nirbal ko, parvash ko apne himmat ke vardaan dvaara himmat dilaane vaali, baap ke madad ke paatra aatmaon ko,sada vishwa-parivartak ban sva-parivartan se maaya, prakriti aur kamzor aatmaon ko parivartan karne vaali parivartak aatmaon ko, baapdaada ka chaaron or ke chhote se sansaar ki sarva aatmaon ko sammukh aai hui shreshtha aatmaon ko arab-kharab guna yaadapyaar aur namaste।

karnaatak ke sevaadhaari aaye hain:-achha part baja rahe hain,sabhi ko achhi salvation di hai। to karnaatak nivaasiyon ko seva ke santushtata ki bahut-bahut mubaarak ho। all-round part achha bajaaya। santushtata ka sabse sahaj aadhaar hai ‘‘pahle aap’’। pahle aap kehte jaao,saathi banaate jaao aur aage badhte jaao। pahle main nahin,pahle aap। to karnaatak vaalon ne bhi himmat achhi dikhaai hai। parivaar bhi khush,baapdaada bhi khush, sevaadhaari haath uthaao। sarva ke sahayog se santushtata ka vardaan le liya, achha।

daadi ji se - aapko baapdaada ne mehnat bahut di hai। muhabbat ke kaaran mehnat nahin lagti hai। (baba aap baithe hain ham to kathputliyaan hain) phir bhi achha, bahut achha part baja rahi ho। (sunne mein nahin aa raha hai) koi baat nahin,jab kaan dheele hote hain na to naynon ki bhaasha se jaldi catch karte hain। pyaar to sabhi se hai। aap sabhi daadiyon mein jaise sabhi ki jaan hai। achha hai। jo bhi nimitta bane hain na, chaahe gupta 19 roop mein, chaahe pratyaksha roop mein sahayog dena - yeh part bahut achha baja rahi ho, dekhne mein bhale yeh do daadiyaan aati hain lekin aap log samaaye hue hain। aap logon ka madhuban mein haajir hona hi madad hai, jo bhi nimitta bane hue hain,aap logon mein ragrag mein hajoor haajar hai। jab hajoor haajar hai, to aapka haajar hona hi sab kuchh hai। paalna li hui hai। aisa bhaagya kitne thodon ka hai। ek paalna lena aur doosra nimitta banna,yeh bhi ek drama mein hero part hai। return kar rahe ho na! to return karne ka gupta mein jama hota rehta hai। suna।

(24 taareekh ko madhuban aate samay aagra sevaakendra ki maataaon ki gaadi ek truck se takra gai, jismen kareeb 6maataayen, ek teacher tatha driver total - 8 ne apna puraana shareer chhod diya aur ek dilli ki puraani maata ne shaantivan mein shareer chhoda hai,yeh samaachaar baapdaada ko suna rahe hain)

yeh koi-koi hota hai। unhon ki dil mein us samay bhi baba hi baba tha। baabaabaaba hi kar rahe the। sabhi ko baba-baba hi yaad tha। najdeek aakar oopar chali gai। puraani-puraani thi na isliye unhon ko baba-baba hi yaad tha aur baba-baba kehte hi gai hain। avastha achhi rahi,chillaaya nahin। darda to kaaphi hua hai। phir bhi avastha achhi rahi। dekho, advance party mein sab chaahiye। abhi aap log jaayenge to advance party bhi taiyaar chaahiye na। itne saare chaahiye। to advance party ki taiyaari ho rahi hai kyonki sabhi maataayen pakki thi। saakaar baap ki paalna lene vaali, to paalna to dengi na। (ek kumaari 18saal ki thi) woh bhi lagan vaali thi। advance party mein apna part bajaayenge। samay najdeek aa raha hai to taiyaari sab chaahiye na।

achha - om shanti।