Avyakt murli du dimanche 31 décembre 2000

>

31-12-2000 om shanti avyakt baapdaadaamdhuban

bachat ka khaata jama kar akhanda mahaadaani bano

aaj nav yug rachta apne nav yug adhikaari bachchon ko dekh rahe hain। aaj puraane yug mein saadhaaran hain aur kal naye yug mein raajya adhikaari poojya hain। aaj aur kal ka khel hai। aaj kya aur kal kya! jo ananya gyaani tu aatma bachche hain,unhon ke saamne aane vaala kal bhi itna hi spashta hai jitna aaj spashta hai। aap sabhi to naya varsha manaane aaye ho lekin baapdaada naya yug dekh rahe hain। naye varsha mein to har ek ne apna-apna naya plan banaaya hi hoga। aaj puraane ki samaapti hai,samaapti mein saare varsha ki result dekhi jaati hai। to aaj baapdaada ne bhi har ek bachchon ka varsha ka result dekha। baapdaada ko to dekhne mein samay nahin lagta hai। to aaj vishesh sabhi bachchon ke jama ka khaata dekha। purooshaartha to sabhi bachchon ne kiya, yaad mein bhi rahe,seva bhi ki,sambandh-samparka mein bhi laukik ya alaukik parivaar mein nibhaaya,lekin in teenon baaton mein jama ka khaata kitna hua?

aaj vatan mein baapdaada ne jagat amba maa ko emerge kiya। (khaansi aai) aaj baaja thoda kharaab hai,bajaana to padega na। to baapdaada aur mama ne milkar sabhi ke bachat ka khaata dekha। bachat karke jama kitna hua! to kya dekha? nambarvaar to sabhi hain hi lekin jitna jama ka khaata hona chaahiye utna khaate mein jama kam tha। to jagat amba maa ne prashn poochha - yaad ki subject mein kai bachchon ka lakshya bhi achha hai, purooshaartha bhi achha hai,phir jama ka khaata jitna hona chaahiye utna kam kyon?baaten,rooh-roohaan chalte-chalte yahi result nikli ki yog ka abhyaas to kar hi rahe hain lekin yog ke stage ki percentage saadhaaran hone ke kaaran jama ka khaata saadhaaran hi hai। yog ka lakshya achhi tarah se hai lekin yog ki result hai- yogayukta,yuktiyukta bol aur chalan। usmein kami hone ke kaaran yog lagaane ke samay yog mein achhe hain, lekin yogi arthaat yogi ka jeevan mein prabhaav। isliye jama ka khaata koi koi samay ka jama hota hai, lekin saara samay jama nahin hota। chalte-chalte yaad ki percentage saadhaaran ho jaati hai। usmein bahut kam jama khaata banta hai।

doosra - seva ki rooh-roohaan chali। seva to bahut karte hain,dinraat busy bhi rehte hain। plan bhi bahut achhe-achhe banaate hain aur seva mein vriddhi bhi bahut achhi ho rahi hai। phir bhi majority ka jama ka khaata kam kyon?to rooh-roohaan mein yeh nikla ki seva to sab kar rahe hain, apne ko busy rakhne ka purooshaartha bhi achha kar rahe hain। phir kaaran kya hai? to yahi kaaran nikla seva ka bal bhi milta hai, phal bhi milta hai। bal hai svayan ke dil ki santushtata aur phal hai sarva ki santushtata। agar seva ki, mehnat aur samay lagaaya to dil ki santushtata aur sarva ki santushtata,chaahe saathi,chaahe jinhon ki seva ki dil mein santushtata anubhav karen, bahut achha, bahut achha kahke chale jaayen, nahin। dil mein santushtata ki lahar anubhav ho। kuchh mila,bahut achha suna, woh alag baat hai। kuchh mila, kuchh paaya, jisko baapdaada ne pahle bhi sunaaya - ek hai dimaag tak teer lagna aur doosra hai dil par teer lagna। agar seva ki aur sva ki santushtata,apne ko khush karne ki santushtata nahin, bahut achha hua, bahut achha hua, nahin। dil maane sva ki bhi aur sarva ki bhi। aur doosri baat hai ki seva ki aur uski result apni mehnat ya mainne kiya… mainne kiya yeh sveekaar kiya arthaat seva ka phal kha liya। jama nahin hua। baapdaada ne karaaya, baapdaada ke taraph attention dilaaya,apne aatma ki taraph nahin। yeh behen bahut achhi, yeh bhaai bahut achha, nahin। baapdaada inhon ka bahut achha, yeh anubhav karaana - yeh hai jama khaata badhaana। isliye dekha gaya total result mein mehnat jyaada,samay energy jyaada aur thoda-thoda show jyaada। isliye jama ka khaata kam ho jaata hai। jama ke khaate ki chaabi bahut sahaj hai,woh diamond chaabi hai, golden chaabi lagaate ho lekin jama ki diamond chaabi hai ‘‘nimitta bhaav aur nirmaan bhaav’’। agar har ek aatma ke prati, chaahe saathi, chaahe seva jis aatma ki karte ho, donon mein seva ke samay, aage peechhe nahin seva karne ke samay nimitta bhaav, nirmaan bhaav, nihsvaartha shubh bhaavna aur shubh snehaimarja ho to jama ka khaata badhta jaayega।

baapdaada ne jagat amba maa ko dikhaaya ki is vidhi se seva karne vaale ka jama ka khaata kaise badhta jaata hai। bas, second mein anek ghanton ka jama khaata jama ho jaata hai। jaise tik-tik-tik jor se jaldi-jaldi karo, aise masheen chalti hai। to jagat amba badi khush ho rahi thi ki jama ka khaata, jama karna to bahut sahaj hai। to donon ki (baapdaada aur jagat amba ki) raay hui ki ab naya varsha shuru ho raha hai to jama ka khaata check karo, saare din mein galti nahin ki lekin samay, sankalp,seva, sambandh-samparka mein sneh, santushtata dvaara jama kitna kiya?kai bachche sirf yeh check kar lete hain - aaj bura kuchh nahin hua। koi ko duhkh nahin diya। lekin ab yeh check karo ki saare din mein shreshtha sankalpon ka khaata kitna jama kiya? shreshtha sankalp dvaara seva ka khaata kitna jama hua? kitni aatmaon ko kisi bhi kaarya se sukh kitnon ko diya? yog lagaaya lekin yog ki percentage kis prakaar ki rahi?aaj ke din duaaon ka khaata kitna jama kiya?

is naye varsha mein kya karna hai?kuchh bhi karte ho chaahe mansa,chaahe vaacha,chaahe karmana lekin samay pramaan man mein yeh dhun lagi rahe - mujhe akhanda mahaadaani banna hi hai। akhanda mahaadaani, mahaadaani nahin, akhanda। mansa se shaktiyon ka daan, vaacha se gyaan ka daan aur apne karma se gun daan। aajkal duniya mein,chaahe brahman parivaar ki duniya, chaahe agyaaniyon ki duniya mein sunne ke bajaae dekhna chaahte hain। dekhkar karna chaahte hain। aap logon ko sahaj kyon hua?brahma baap ko karma mein gun daan moorta dekha। gyaan daan to karte hi ho lekin is varsha ka vishesh dhyaan rakho - har aatma ko gun daan arthaat apne jeevan ke gun dvaara sahayog dena hai। braahmanon ko daan to nahin karenge na, sahayog do। kuchh bhi ho jaae, koi kitne bhi avgundhaari ho, lekin mujhe apne jeevan dvaara,karma dvaara, samparka dvaara gundaan arthaat sahayogi banna hai। ismen doosre ko nahin dekhna, yeh nahin karta hai to main kaise karoon,yeh bhi to aisa hi hai। brahma baap ne si (See) shiv baap kiya। agar dekhna hai to brahma baap ko dekho। ismen doosre ko na dekh yeh lakshya rakho jaise brahma baap ka slogan tha ‘‘ote so arjun’’ arthaat jo svayan ko nimitta banaayega woh number one arjun ho jaayega। brahma baap arjun number one bana। agar doosre ko dekh karke karenge to number one nahin banenge। nambarvaar mein aayenge, number one nahin banenge। aur jab haath uthvaate hain to sab nambarvaar mein haath uthaate hain ya number one mein uthaate hain?to kya lakshya rakhenge? akhanda gundaani, atal,koi kitna bhi hilaave, hilna nahin। harek ek do ko kehte hain, sabhi aise hain, tum aise kyon apne ko maarta hai, tum bhi mil jaao। kamzor banaane vaale saathi bahut milte hain। lekin baapdaada ko chaahiye himmat, umang badhaane vaale saathi। to samjha kya karna hai?seva karo lekin jama ka khaata badhaate hue karo, khoob seva karo। pahle svayan ki seva, phir sarva ki seva। aur bhi ek baat baapdaada ne note ki, sunaayen?

aaj chandrama aur soorya ka milan tha na। to jagat amba maa boli advance party kab tak intajaar kare?kyonki jab aap advance stage par jaao tab advance party ka kaarya poora ho। to jagat amba maa ne aaj baapdaada ko bahut dheere se,bade tareeke se ek baat sunaai,woh ek kaun si baat sunaai?baapdaada to jaante hain, phir bhi aaj rooh-roohaan thi na। to kya kaha ki main bhi chakkar lagaati hoon, madhuban mein bhi lagaati hoon to centre par bhi lagaati hoon। to hansate-hansate,jinhonne jagat amba ko dekha hai unhon ko maaloom hai ki hansate, hansate ishaare mein bolti hai, seedha nahin bolti hai। to boli ki aajkal ek visheshta dikhaai deti hai,kaun-si visheshta? to kaha ki aajkal albelaapan bahut prakaar ka aa gaya hai। koi ke andar kis prakaar ka albelaapan hai,koi ke andar kis prakaar ka albelaapan hai। ho jaayega, kar lenge… aur bhi to kar rahe hain, ham bhi kar lenge… yeh to hota hi hai,chalta hi hai… yeh bhaasha albelepan ki sankalp mein to hai hi lekin bol mein bhi hai। to baapdaada ne kaha ki iske liye naye varsha mein aap koi yukti bachchon ko sunaao। to aap sabko pata hai jagat amba maa ka ek sada dhaarna ka slogan raha hai,yaad hai?kisko yaad hai? (hukmi hukm chalaae raha…) to jagat amba boli agar yeh dhaarna sab kar len ki humein baapdaada chala raha hai,uske hukm se har kadam chala rahe hain। agar yeh smriti rahe to hamaare ko chalaane vaala direct baap hai। to kahaan najar jaayegi? chalne vaale ki, chalaane vaale ke taraph hi najar jaayegi,doosre taraph nahin। to yeh karaavanhaar nimitta banaae kara rahe hain, chala rahe hain। jimmevaar karaavanhaar hai। phir seva mein jo maatha bhaari ho jaata hai na,woh sada halka rahega,jaise roohe gulaab। samjha,kya karna hai?akhanda mahaadaani। achha।

naya varsha manaane ke liye sabhi bhaag-bhaag karke pahunch gaye hain। achha hai house full ho gaya hai। achha paani to mila na! mila paani?phir bhi paani ki mehnat karne vaalon ko mubaarak hai। itne hajaaron ko paani pahunchaana,koi do-chaar baalti to nahin hai na! chalo kal se to chalaachli ka mela hoga। sab aaraam se rahe! thoda-sa toofaan ne paper liya। thodi hava lagi। sab theek rahe? paandav theek rahe? achha hai kumbha ke mele se to achha hai na! achha teen pair prithvi to mili na। khatiya nahin mili lekin teen pair prithvi to mili na!

to naye varsha mein chaaron or ke bachche bhi videsh mein bhi,desh mein bhi naye varsha ki ceremony buddhi dvaara dekh rahe hain, kaanon dvaara sun rahe hain। madhuban mein bhi dekh rahe hain। madhuban vaalon ne bhi yagya rakshak ban seva ka part bajaaya hai, bahut achha। baapdaada videsh va desh vaalon ke saath madhubanvaasiyon ko bhi jo seva ke nimitta hain,unhon ko bhi mubaarak de rahe hain। achha। baaki to card bahut aaye hain। aap sab bhi dekh rahe ho na bahut card aaye hain। card to koi badi baat nahin hai lekin ismen chhipa hua dil ka sneh hai। to baapdaada card ki shobha nahin dekhte lekin kitne keemti dil ka sneh bhara hua hai, to sabhi ne apne-apne dil ka sneh bheja hai। to aise snehi aatmaon ko vishesh ek ek ka naam to nahin lenge na! lekin baapdaada card ke badle aise bachchon ko sneh bhara regard de rahe hain। yaad patra, telephone,computer,ee-mel, jo bhi saadhan hain un sabhi saadhnon se pahle sankalp dvaara hi baapdaada ke paas pahunch jaata hai phir aapke computer aur ee-mel mein aata hai। bachchon ka sneh baapdaada ke paas har samay pahunchta hi hai। lekin aaj vishesh naye varsha ke kaeeyon ne plan bhi likhe hain, pratigyaayen bhi ki hain, beeti ko beeti kar aage badhne ki himmat bhi rakhi hai। sabhi ko baapdaada kah rahe hain bahut-bahut shaabaas bachche,shaabaas!

aap sabhi khush ho rahe hain na! to woh bhi khush ho rahe hain। abhi baapdaada ki yahi dil ki aash hai ki - ‘‘daata ka bachcha har ek daata ban jaao।’’ maango nahin yeh milna chaahiye,yeh hona chaahiye, yeh karna chaahiye। daata bano, ek do ko aage badhaane mein phreekhdil bano। baapdaada ko chhote kehte hain ki hamko badon ka pyaar chaahiye aur baap chhoton ko kehte hain ki badon ka regard rakho to pyaar milega। regard dena hi regard lena hai। regard aise nahin milta hai। dena hi lena hai। jab aapke jad chitra dete hain। devta ka arth hi hai dene vaala। devi ka arth hi hai dene vaali। to aap chaitanya devi devtaayen daata bano, do। agar sabhi dene vaale daata ban jaayenge, to lene vaale to khatma ho jaayenge na! phir chaaron or santushtata ki, roohaani gulaab ki khushbu phail jaayegi। suna!

to naye varsha mein na puraani bhaasha bolna, jo puraani bhaasha kai-kai bolte hain jo achhi nahin lagti hai,to puraane bol, puraani chaal, puraani koi bhi aadat se majboor nahin banna। har baat mein apne se poochhna ki naya hai! kya naya kiya? bas sirf 21 veen sadi manaana hai, 21 janma ka sampoorn varsa 21veen sadi mein paana hi hai। paana hai na! achha।

seva mein gujraat ka tarna hai -gujraat ki seva to mashhoor hai na? achha hai gujraat ki visheshta hai ki jitna paas mein hai, utna har kaarya mein sahayog dene mein ever ready ban jaate hain। gujraat vaalon ko sirf baapdaada ek ulhana dete hain,bataayen kya?jitna paas hai na, utne koi maaiksa paas mein nahin aaye hain। gujraat ki ministry bahut achhi hai। gujraat ko ministry mein se koi group taiyaar karna chaahiye,ho sakta hai। jo milkar ek haidraabaad, ek gujraat, kanaartak mein bhi hain,koi aise sambandh-samparka mein laayen, hain sambandh-samparka mein lekin seva mein lagen। jab kaam padta hai tab usi thode time ke liye to madadgaar ban jaate hain, lekin seva mein nimitta bante rahen, itne sameep aur bedhdak ho। baapdaada ne jo pahle kaha hai, abhi varsha poora ho raha hai lekin baapdaada ke paas woh result aai nahin hai। jagah-jagah par bikhre hue achhe-achhe aai.pi. hain। madhuban mein bhi bahut aaye hain,sevaakendron par bhi bahut aate rehte hain lekin unhon ka sangathan nahin hua hai। zone-zone mein bhi sangathan ho jaae, unhon mein himmat aave aage badhne ki। indeevijyual to seva karte rehte ho lekin aavaaj tab hoga jab ek-do ke sangathan mein aayenge। jaise foreign se group banke aaya na! chaahe chhota aaya, chaahe bada aaya lekin group banke aaya। aur group banne mein taakat,himmat aati hai। achha। gujraat vaalon ko seva ki mubaarak hai।

videsh ke youth ki retreat gyaan sarovar mein chal rahi hai

achha hai, youth group ka bhi baapdaada ne samaachaar suna। achha purooshaartha aur vidhi bahut achhi apnaate hain। foreign ke youth khade ho jaao। achha। jo yahaan abhyaas pakka kiya hai,woh vahaan bhi kaayam rahega na! ya thoda kam ho jaayega? bolo! apne desh mein jaake bhi yeh abhyaas jo 5second ka kiya woh rahega? (haath hila rahe hain) achha,programme bahut achha banaaya hai। attention bhi achha rakha hai। abhi sirf isko badhaate rehna, kam nahin karna। doosre varsha aao to yahi result le aao ki aage se aage hain। kam nahin hua hai। baaki achha hai,aate bhi himmat se hain,pyaar se hain। itna door-door se aate hain to yeh pyaar hai tabhi aate hain। baapdaada ne to kaha hi hai ki al world se youth group ko ikattha kar government ke saamne laana hai ki yeh youth sva-parivartan se vishwa-parivartan kar rahe hain। aisa sangathan bhi taiyaar ho jaayega। foreign mein kitne deshon mein seva hai? (75)aur India mein? India ke ek ek state ka ho aur ek-ek desh ka ek ho। to ek-ek desh ka youth, chaahe videsh, chaahe desh sabhi ka ek-ek hi ho bhale। lekin itne sab deshon ke youth apne youth group ka jo oth lete hain, promise karte hain woh le aaven aur government ke aage rakhen to kitni achhi seva ho sakti hai। gaanv vaale bhi hon,desh vaale bhi ho to foreign vaale bhi hon। sab taraph ke youth ikatthe hon, to kitni achhi seva ho jaayegi। aise hi har desh ka apne hisaab se achha prasiddha aai.pi. ho, vi.aai.Ps ki to baat chhodo। jo himmat vaala ho aur sabhi deshon ke ikatthe hon। government ko bataayen ki hamaare desh mein kitni aatmaon ko phaayda hai। achha।

videsh ke chhote bachchon ki bhi retreat hai -chhote-chhote bachche bhi aaye hain। haan khade ho jaao। achhi training li?achhi training hui? achhe bachche banenge na!

teachers se - sabhi teachers ne ‘culture aaph pees’ ki mehnat ki hai। achhi seva ki hai। aatmaon ko parichay mila,koi sambandh-samparka mein bhi aaye,sandesh bhi kai aatmaon ko mila। chaahe abhi aaye ya nahin aaye lekin samay aane par yaad aayega to humein bhi parcha mila tha aur dhoondhenge aapko ki woh saphed vastra vaali bahinen,kaun si thi jinhonne parche diye the lekin hamne nahin suna। woh bhi samay aayega, jin aatmaon mein beej daala hai, unka phal niklega। prize to thodon ko di jaati hai, umang-utsaah badhaane ke liye। lekin jinhonne ne bhi jitnon ki bhi seva ki hai,un sabki seva aatmaon tak bhi pahunchi aur baap ke paas to jama hoti hi hai। prize to ek ko milegi lekin sahayog to bahuton ne, teachers ne stoodentas ne bahut diya hai,isliye sabhi seva karne vaalon ko baapdaada ki taraph se sneh ki saugaat hai hi hai। aise nahin samajhna hamko to gift mili nahin, hamko dil ka sneh mila। achha।

aaj baapdaada ko jo railway mein jaakar receive karte hain raat ko thandak mein,garmi mein woh yaad aa rahe hain, woh baithe hain? jo railway station par jaakar receive karte hain woh yahaan hain ya abhi bhi station par hain?seva mein busy rehte hain। unhon ki bhi seva athak hai। aap sabko achhi tarah se laate hain na! pahunch jaate ho na! vishesh majority sabhi sangam bhavan mein rehte hain na। to un sabhi athak sevaadhaariyon ko bhi baapdaada yaad karte hain। vaise to sabhi madhuban ki department mehnat to bahut karte hain। iseelie sabhi madhuban department vaalon ko, chaahe shaantivan vaalon ko, chaahe paandav bhavan vaalon ko, chaahe aas-paas rahne vaalon ko, gyaan sarovar vaalon ko, hospital vaalon ko sabhi sevaadhaariyon ko baapdaada mubaarak dete hain। achha। yeh bhi (saamne cabin mein baithe hue bhaaeeyon ko dekhkar) dekho kitni seva kar rahe hain। bahut achha hai। (eyarporta vaale, aavaas nivaas vaale bhi bahut athak seva karte hain) iseelie kaha sabhi department vaalon ko। har ek ki seva bahut achhi hai। jo svachchhata rakhte hain, unhon ka bhi kaam kam nahin hai। sab dipaartamenntsa ka kaam apna-apna hai। aur dipaartamenntas nahin hoti to aap itne sabhi kaise achhi tarah rehte। isliye baapdaada naam nahin le rahe hain lekin har ek department number one apne ko samjhe। achha।

chaaron or ke nav yug adhikaari shreshtha aatmaon ko,sarva bachchon ko, jo sada har kadam mein padam jama karne vaali aatmaayen hain,sada apne ko brahma baap samaan sarva ke aage sample ban simple banaane vaali aatmaayen,sada apne jeevan mein gunon ko pratyaksha kar auron ko gunvaan banaane vaale, sada akhanda mahaadaani, maha sahayogi aatmaon ko baapdaada ka yaadapyaar aur namaste।

jagdeesh bhaai se - theek hai। (chalti ka naam gaadi hai) jeevan ko baap havaale to aadi se kar hi liya hai। jeevan mein jab tak bhi hai tak tak seva to kar rahe ho aur karte hi rahenge। jama ho raha hai। abhi baapdaada jo bhi mahaarthi hain, sabhi mahaarthi baithe hain na,un mahaarthiyon ko kaun si seva karni hai, woh bataate hain। sevaayen to sab kar rahe hain aur aap sabne to abhi tak jo doosre sevaayen kar rahe hain,woh bahut kar li hai, abhi to doosre bhi aap logon dvaara bahut hoshiyaar ho gaye hain, abhi mahaarthiyon ko aur nai seva karni chaahiye। theek hai na! abhi aap logon ko jo seva karni hai unmein inki (kaanon ki) jaroorat nahin hai। (kam sun raha hai) ab aap logon ki seva hai, vibrations dvaara aatmaon ko sameep laana। aapas mein to hona hi hai। aapsi sneh auron ko vibration dvaara kheenchega। abhi aap logon ko yeh saadhaaran seva karne ki aavashyakta nahin hai। bhaashan karne vaale to bahut hain, lekin aap log har ek aatma ko aisi bhaasna do jo woh samjhen ki hamko kuchh mila। brahman parivaar mein bhi aapke sangathan ke vibration dvaara nirvighna banaana hai। mansa seva ki vidhi ko aur teevra karo। vaacha vaale bahut hain। mansa dvaara koi na koi shakti ka anubhav ho। woh samjhen ki in aatmaon dvaara yeh yeh shakti ka anubhav hua। chaahe shanti ka ho, chaahe khushi ka ho,chaahe sukh ka ho, chaahe apne-pan ka। to jo bhi apne ko mahaarthi samajhte hain unhon ko abhi yeh seva karni hai। sabhi apne ko mahaarthi samajhte ho?mahaarthi hain?achha hai। (jagdeesh bhaai ne ek geet gaaya)

abhi auron ko bhi aap dvaara aisa anubhav ho। badhta jaayega। isse hi abhi aisi anubhooti shuru karenge tab saakshaatkaar shuru ho jaayega।

daadi jaanki se -phir maano yahaan aap bhaarat mein milti ho aur foreign mein chali jaati ho to foreign mein jaane ke baad aapke pharishte roop ka saakshaatkaar hoga ki yeh kaun si devi thi jisne mere ko ek second ke liye bhi shanti ka anubhav karaaya, sukh ka karaaya… isse hi saakshaatkaar shuru ho jaayega। yeh auron ko bhi paath padhaao। har baat mein kahen baba-baba-baba, ‘main’ nahin laayen, tabhi saakshaatkaar shuru ho। yeh main pan aa jaata hai isliye log bhi brahmaakumaariyon ki mahima karte hain, baap ki kam karte hain। (naam hi brahmaakumaari hai) lekin pahle brahma naam hai। achha।

(jagdeesh bhaai se) shareer ko chala rahe hain na, chalaate chalo। achha। light rehna hi achha hai। sabhi paandav bhi madadgaar hain। paandavon ka bhi pyaar hai,daadiyon ka bhi pyaar hai। (paandavon se bhi jyaada daadiyon ka hai) koi aisi ghadi aa jaayegi jo asambhav se sambhav ho jaayega। achha। sabhi ne suna na!

(jagdeesh bhaai ki seva mein dilli ki saadhna behen hain,unse baapdaada mil rahe hain):-

seva ka bhaagya milna bhi bahut badi baat hai,dil se seva karte chalo। kar rahi ho, karte chalo।

avyakt baapdaada ne culture aaph pees ki sevaaon mein prize vinar ko gift di tatha raatri 12 baje ke pashchaat naye varsha mein sabhi bachchon ko 2001 varsha ki mubaarak di।

is samay puraane aur naye varsha ka sangam samay hai। sangam samay arthaat puraana samaapta hua aur naya aarambha hua। jaise behad ke sangamayug mein aap sabhi brahman aatmaayen vishwa-parivartan karne ke nimitta ho,aise aaj ke is puraane aur naye varsha ke sangam par bhi sva-parivartan ka sankalp dridh kiya hai aur karna hi hai। jo bataaya har second atal, akhanda mahaadaani banna hai। daata ke bachche master daata banna hai। puraane varsha ko vidaai ke saath-saath puraani duniya ke lagaav aur puraane sanskaar ko vidaai de naye shreshtha sanskaar ka aahvaan karna hai। sabhi ko arab-kharab baar mubaarak ho, mubaarak ho,mubaarak ho।

dehli bhavan prati

dehli darbaar se sabhi ko pyaar hai hi kyonki anek baar raajya kiya hai aur aaj nahin lekin kal raajya karna hai,itne najdeek pahunch gaye ho। isliye jo bhi dilli ki seva karne ke nimitta hain aur nimitta banna hi hai,un sabhi sevaadhaariyon ko aap sabhi sab prakaar ka sahayog de aage badha rahe ho aur aage badhaate rehna hai kyonki raajdhaani taiyaar karni hai isliye in advance dehli seva ke sthaan ko mubaarak ho, mubaarak ho।

engineers ya jo bhi seva ke nimitta hain achhi seva kar rahe hain iseelie baapdaada sabke mukh mein gulaabjaamun de rahe hain aur jab aap sabke sahayog se taiyaar ho jaayega to aap sabke bhi mukh mein gulaabjaamun aayega। achha। om shanti।