Avyakt murli du dimanche 24 février 2002

>

24-02-2002 om shanti avyakt baapdaadaamdhuban

baap ko pratyaksha karne ke liye apni va doosron ki vritti ko positive banaao

aaj vishwa kalyaani baapdaada apne chaaron or ke bachchon ko dekh harshit ho rahe hain। har ek bachche ke man ke umang dekh bhi rahe hain aur sun bhi rahe hain। sabhi ke man mein lakshya ek hi hai ki jaldi se jaldi baap samaan banen। lakshya ko dekh,himmat ko dekh, shreshtha sankalp ko dekh baapdaada khush hain। saath-saath yeh bhi dekh rahe hain ki lakshya sabka bahut oonche te ooncha hai lekin pratyaksha roop mein lakshan nambarvaar hain। lakshya aur lakshan samaan hona arthaat baap samaan banna। jo seva ki stage par nimitta bachche hain, woh sada ek hi sankalp mein rehte ki baap ko pratyaksha kaise karen, kab hoga! aise sankalp chalta hai na? baap phir bachchon se poochhte hain, ki bachche aap sabhi sampanna,sampoorn swaroop mein svayan kab pratyaksha honge?baap ka question hai bachchon prati ki woh date bhi fix ki hai?ki woh date fix nahin honi hai?

double foreigners kehte hain koi bhi programme ki date ek saal pahle fix kiya jaata hai,aise kehte hain na! to baap kehte hain svayan ko pratyaksha karne ki date fix ki hai?meetings to bahut ki hain na! karte hi rehte hain। aaj phalaani meeting hai, kal phalaani। abhi bhi kitne meeting vaale aaye hain,teen meeting vaale aaj bhi baithe hain। yeh to bahut achha,lekin is meeting ki date kaun-si hai? jo sochen vahi bol ho, vahi karma ho। sankalp, bol aur karma teenon shreshtha lakshya pramaan ho। baapdaada dekhte hain ki yeh sarva vishwa kalyaan ke nimitta bane hue bachche, sarva aatmaon ke kalyaankaari pratyaksha roop mein stage par kab aayenge?har ek gupta purooshaartha mein hain, lagan mein hain, yeh bhi baapdaada dekhte hain। lekin is vishesh sankalp ki lagan mein magan kab honge?lagan to 67 hai lekin nirantar is sankalp ko sampanna karne mein magan rehna arthaat nirantar isi sankalp ko poorn karne ke practical swaroop mein ho। abhi sankalp aur pratyaksha karma mein antar hai। hona to hai hi aur karna bhi bachchon ko hi hai। baap to backbone hai hi।

to baapdaada dekh rahe the ki sabse teevragti ki seva hai - ‘‘vritti dvaara vibration phailaana’’।vritti bahut teevra rocket se bhi tej hai। vritti dvaara vaayumandal ko parivartan kar sakte ho। jahaan chaaho, jitni aatmaon ke prati chaaho vritti dvaara yahaan baithe-baithe pahunch sakte ho। vritti dvaara drishti aur srishti parivartan kar sakte ho। lekin ek baat vritti dvaara seva karne mein rookaavat daal rahi hai, vritti dvaara vibration phailta hai। aapke jad chitra ab tak, last janma tak vibration dvaara seva kar rahe hain na! dekha hai na! mandir dekhe hain na! double foreigners ne mandir dekhe hain? nahin dekhe hon to dekh lena kyonki aapke hi mandir hain na! kumaariyaan aapke mandir hain ya India vaalon ke mandir hain?sabhi ke mandir hain,achha। mubaarak ho। mandir ki moortiyaan pratyaksha roop mein vibration dvaara seva kar rahe hain arthaat aap aatmaayen mandir ki moortiyaan seva kar rahi hain। kitne bhakta vibration dvaara apni sarva ichchhaayen poorn kar rahe hain। to he chaitanya moortiyaan,ab apne shubh bhaavna ki vritti, shubh kaamnaaon ki vritti se vaayumandal mein vibration phailaao। lekin,lekin kehna achha nahin lagta lekin kehna padta hai। paandav lekin shabd achha lagta hai? nahin achha lagta। lekin, lekin hai ya khatma ho gaya? iske liye sabse sahaj vidhi hai pahle har ek apne andar check karo - ek second mein check kar sakte ho। abhi-abhi karo। second deven kya?ki bolne mein second mil gaya। abhi apne andar check karo - meri vritti mein kisi aatma ke prati bhi koi negative vibration hai?agar vishwa ka vaayumandal parivartan karna hai, lekin apne man mein kisi ek aatma ke prati bhi agar vyartha vibration va sachcha vibration bhi negative hai to woh vishwa parivartan kar nahin sakega। baadha padta rahega,samay lag jaayega। vaayumandal mein power nahin aayegi। kai bachche kehte hain woh hai hi aisa na! hai hi na! to vibration to hoga na! baap ko bhi gyaan dete hain, baba aapko pata nahin hai, woh aatma hai hi aisi। lekin baap poochhte hain ki woh kharaab hai,wrong hai,hona nahin chaahiye lekin kharaab ko apne vritti mein rakho, kya yeh baap ki chhutti hai? jo samajhte hain yeh baap ki chhutti nahin hai, woh ek haath uthaana। T.vi. mein dikhaao। (daadi ko) aap dekh rahi ho na! achha। yaad rakhna haath uthaaya tha। double foreigners ne haath uthaaya! baapdaada ki T.vi. mein to aa hi raha hai। jab tak har brahman aatma ke svayan ki vritti mein kaisi bhi aatma ke prati vibration negative hai to vishwa kalyaan prati vritti se vaayumandal mein vibration phaila nahin sakenge। yeh pakka samajh lo। kitni bhi seva kar lo, roz aath-aath bhaashan kar lo, yog shivir kara lo,kai prakaar ke course kara lo lekin kisi ke prati bhi apni vritti mein koi puraana negative vibration nahin rakho। achha woh kharaab hai, bahut galtiyaan karta hai, bahuton ko duhkh deta hai, to kya aap uske duhkh dene mein jimmevaar banne ke bajaae,usko parivartan karne mein madadgaar nahin ban sakte! duhkh mein madad nahin karna hai, usko parivartan karne mein aap madadgaar bano। agar koi aisi bhi aatma hai jo aap samajhte hain, badalna nahin hai। chalo,aapki judgement mein woh badalne vaali nahin hai, lekin nambarvaar to hain na! to aap kyon sochte ho yeh to badalne vaali hai hi nahin। aap kyon judgement dete ho, woh to baap judge hai na। aap sab ek do ke judge ban gaye ho। baap bhi to dekh raha hai, yeh aise hain, yeh aise hain, yeh aise hain…। brahma baap ko pratyaksha mein dekha kaisi bhi baar-baar galti karne vaali aatma rahi lekin baapdaada (vishesh saakaar roop mein brahma baap) ne sarva bachchon prati yaad-pyaar dete, sarva bachchon ko meethe-meethe kaha। do chaar kaduve aur baaki meethe…kya aise kaha? phir bhi aisi aatmaon ke prati bhi sada merciful bane। kshama ke saagar bane। lekin achha aapne apni vritti mein kisi ke prati bhi agar negative bhaav rakha,to isse aapko kya phaayda hai? agar aapko ismen phaayda hai, phir to bhale rakho,chhutti hai। agar phaayda nahin hai, pareshaani hoti hai…, woh baat saamne aayegi। baapdaada dekhte hain, us samay usko aaina dikhaana chaahiye। to jis baat mein apna koi phaayda nahin hai, knowledgeful banna alag cheez hai, knowledge hai - yeh wrong hai,yeh right hai। knowledgeful banna wrong nahin hai, lekin vritti mein dhaaran karna yeh wrong hai kyonki apne mein hi mood aaph, vyartha sankalp, yaad ki power kam,nuksaan hota hai। jab prakriti ko bhi aap paavan banaane vaale ho to yeh to aatmaayen hain। vritti,vibration aur vaayumandal teenon ka sambandh hai। vritti se vibration hote hain, vibration se vaayumandal banta hai। lekin mool hai vritti। agar aap samajhte ho ki jaldi-jaldi baap ki pratyakshata ho to teevragti ka prayatna hai sab apni vritti ko apne liye,doosron ke liye positive dhaaran karo। knowledgeful bhale bano lekin apne man mein negative dhaaran nahin karo। negative ka arth hai kichda। abhi-abhi vritti powerful karo,vibration powerful banaao,vaayumandal powerful banaao kyonki sabhi ne anubhav kar liya hai, vaani se parivartan,shiksha se parivartan bahut dheemi gati se hota hai,hota hai lekin bahut dheemi gati se। agar aap fast gati chaahte ho to knowledgeful ban, kshama swaroop ban, merciful ban,shubh bhaavna,shubh kaamna dvaara vaayumandal ko parivartan karo। dekho, pratyaksha dekha hai aap sabne, madhuban mein jo bhi aate hain,sabse jyaada prabhaav kis baat ka padta hai? vaayumandal ka। yahaan bhi chaahe sabhi nambarvaar hain lekin brahma baap ki karmabhoomi hai, baapdaada ki vardaan bhoomi hai, woh vaayumandal parivartan kar deta hai। anubhav hai na! to vibration dvaara vaayumandal banaana, yeh hai teevragti ka dil ka chhaap। vaayumandal dil mein chhap jaata hai। suni hui baaten bhool sakti hain lekin vaayumandal ka dil par chhaap lag jaata hai, woh bhool nahin sakta। aise hai?to baapdaada sunte rehte hain, pratyakshata kab hogi, aapas mein roohroohaan to achhi karte ho। achha hai। bolo, paandav abhi kya karenge? vaayumandal powerful banaana। chaahe sevaakendra hain, chaahe jo bhi sthaan hain, pravritti mein ho to bhi vaayumandal powerful। chaaron or ka vaayumandal agar sampoorn nirvighna,merciful, shubh bhaavna, shubh kaamna vaala ban jaayega to pratyakshata mein koi deri nahin।

abhi baapdaada ne jo date di, woh baapdaada ko yaad hai। hisaab to poochhenge na! har ek ne apna account to rakha hai na! to account mein baapdaada yahi check karenge - vritti mein,drishti mein,bol mein merciful, shubh bhaavna aur shubh kaamna vaali aatma kitne percent mein rahi? abhi bhi 15 din to honge na! jyaada hain। achha, jisne nahin bhi kiya ho to 15 din bhi kar lena, to bhi paas kar lenge। beeti ko bindi lagaana aur raham ke sindhu ban jaana। kshama ke sindhu ban jaana।

(baapdaada ne drill karaai) suna sabhi ne! achha। teen meeting vaale jo aaye hain,SpARC vaale ek haath uthaao। achha। bahut achha। abhi isi vishay par research karo,vaayumandal kaise practical mein shreshtha te shreshtha bana sakte hain! research kar rahe ho na! aisa vaayumandal banaane ke liye kya-kya buddhi mein rakhna hai, kya-kya karma mein karna hai, sambandh-samparka mein karna hai। achha hai apne aapko busy rakhte ho, achhi baat hai। lekin baapdaada yeh practical anubhav dekhne chaahte hain ki kaise practical kiya aur uska parinaam kya nikla? agar beech mein kuchh bhi rookaavat aai to kya aai?yeh anubhav practical karke dekho, sirf points nahin nikaalna,yeh karna hai,yeh karna hai। nahin। karo। anubhav karke example bankar dikhaao aur woh example auron ko bhi sahayog dega। theek hai na! yeh (ramesh bhaai) nimitta hai na! achha hai। abhi bhi 15 din pada hai, abhi last nahin hua hai। abhi bahut gaya, lekin thoda raha hai to SpARC vaale aisa practical karke dekho aur auron ko dikhaao। theek hai?kar sakenge?ho sakega?achha, theek hai, bahut achha। achha।

doosri meeting hai transport ki -transport vaale to sabko sukh denge। transport vaale haath uthaao। achha। bahnen, bahnon ke bina to gati nahin hai। to transport vaale kya karenge? sirf yaatra karaayenge? transport vaale aise aapas mein programme banaao jo kisi bhi aatma ko kam se kam samay mein duhkh ki duniya se paar karke thode samay ke liye bhi shanti ki yaatra kara sako। chalo, paramdham tak to pahunchna mushkil hai lekin duhkh ke duniya ki shanti ki yaatra to kar sakte hain। woh plan to bahut banaao, chaaron prakaar ki yaatraaon vaalon ko baapdaada ka sandesh to pahuncha rahe ho,pahunchaayenge hi; kyonki koi bhi varga rah nahin jaaye na। yeh achha hai jo vargo ki invention nikaali hai, yeh achhi hai,ulahna nahin milega। koi bhi varga rah nahin jaayega,har ek apne varga ko aage badhaane ka umang to rakhte hain na! yeh bahut achha hai। lekin abhi jo bhi varga bane hain, kitne samay se varga chal rahe hain,dedh do saal ho gaye ya jyaada ho gaye? (10-12 saal) vargo ki seva ko 10-12 saal ho gaye,achha। bahut time ho gaya hai। varga vaalon ke liye baapdaada ka ek sankalp hai। baapdaada ne 2-3 baar kaha hai lekin hua nahin hai ki har varga ne jo bhi jitne samay mein bhi seva ki hai,us ek-ek varga ke vishesh serviceable chaahe sahayogi hain, chaahe half yogi hain,kabhi-kabhi aate hain, regular nahin hai, aise koi har varga vaale kam se kam 5 to sab varga ke saamne aane chaahiye। madhuban mein woh sabhi dekhen ki varga vaalon ne, chaahe 10-12 hon lekin 5 to laao pakke,achhe sahayogi, seva ke nimitta banne vaale 5-5 to nikal sakte hain ya nahin! nikal sakte hain to laao। (kab laayen?) woh daadiyon ke oopar hain। (baapdaada ke programme mein laayen?)woh phir aise baapdaada se milne ke laayak hon, 5 to nikal hi sakte hain। jyaada nahin kehte, 5 bas। to yeh daadiyaan paas karengi।

teesri meeting - injeeniyarsa ki hai, bahut achha।injeeniyarsa ka to kaam hi hai plan banaana। to teevra purooshaartha ka koi plan banaaya ki sirf seva ka banaaya? injeeniyarsa ko har maas teevra purooshaartha ka koi naya-naya plan banaana chaahiye। raay deni chaahiye phir final to daadiyaan karengi। daadiyaan aapke saathi hain, lekin injeeniyarsa aur science, vigyaan vaalon ko aisa koi plan banaana chaahiye jo jaldi-jaldi nai duniya aa jaae। bas yahi meeting karte rahenge, plan banaate rahenge,kab tak? koi teevragti ke plan banaao kyonki lakshya to aapke varga ka yahi hai ki aise plan banen jo apna raajya jaldi se jaldi aaye। to aisa bhi plan banaao aur seva mein bhi thode samay mein jyaada saphalta pratyaksha dikhaai de, aise plan banaao। aise plan banaayenge na! last tarna mein sab report sunenge ki har ek varga ne saphalta ko teevra banaane ka kya plan banaaya! sirf banaana nahin hai,15 din uska abhyaas karna hai, practical mein laana hai। theek hai na। abhi practical hona hai na! ek do mein sabhi kehte hain, baapdaada to sabki roohroohaan sunte rehte hain। sabhi kehte hain pratyaksha ho,pratyaksha ho। lekin pahle pratyaksha aap to ho jaao। baap bhi aap dvaara pratyaksha hoga na! achha।

abhi kumaariyon ki ceremony hai। bahut achha lag raha hai। uth jaao। guldasta hilaao। baith jaao। sabhi ne dekh liya। kumaariyon ke oopar to baapdaada ko sabse jyaada naaz hai। kumaariyaan aur double foreigners kumaariyaan 110 niklen, yeh baapdaada ko bahut achha lag raha hai। padam-padam-padam guna mubaarak hai, kumaariyon ko। achha। kumaariyon se baapdaada ka vaise personal vishesh pyaar hai। kyon? kaaran? kaaran baapdaada samajhte hain ki videsh mein rehte kumaari sukumaari ban gai, bach gai,kitni baaton se bach gai। to kumaariyon ka bachna, baapdaada ko bahut achha lagta hai aur dekho kumaariyon se vishesh pyaar hai iska pratyaksha pramaan hai ki kumaari ko pahlepahle sabse jaldi dahej milta hai centre। ismen dekho kitni teachers hain centres sambhaalne vaali, ismen jo kumaariyaan centre sambhaalne vaali hain, woh utho। aapko to var, ghar, dahej sab mil gaya। to visheshta hai na kumaariyon ki! baapdaada ko khushi hoti hai, ek-ek kumaari ko class mein apna parichay dena hai, main kaun! aur pakki stamp lag jaayegi na! to baapdaada ko kumaariyon ka sangathan bahut pyaara hai। ek-ek kumaari kitne parivaaron ka kalyaan karegi। India mein kehte hain kumaari woh jo 21 kul ka kalyaan kare। baapdaada kehte hain kumaari, brahmaakumaari woh jo aatmaon ke 21 janmon ka kalyaan kare। bahut achha kiya। inki teachers kaun hain? kumaariyon ki teacher kaun?double foreigners jo bhi hain, unhon ne seva karaai। bahut achha kiya aur baapdaada ne result dekhi hai, achhe umang-utsaah se kiya hai aur karaane vaalon ne bhi karaaya hai। iseelie paas ho,mubaarak ho। achha।

double foreigners mein jo vishesh paandav centre sambhaalne ke nimitta hain, woh utho। paandavon ko bhi bahut-bahut mubaarak ho। aise nahin ki baapdaada ko paandav pyaare nahin hain,paandav to paandavapti ke saathi hain। yeh to yaadgaar bhi bataata hai। paandavon ka yaadgaar sada hi paandavapti baapdaada ke saath raha hai। lekin baapdaada ko khushi hai ki bahut achhe example ban, sevaadhaari ban seva kar rahe hain aur sada karte rahenge। isliye baap dilaaraam dil se dhanyavaad de rahe hain। achha। double foreigners ki kamaal yeh hai ki job bhi karte,centre bhi sambhaalte, double kaarya karte hain। chaahe bahinen hain chaahe bhaai hain। jaisa naam hai double foreigners vaise kaam bhi double hai। isliye baapdaada sabhi double foreigners ko bahut-bahut-bahut-bahut yaad de rahe hain। suna। gujraat ke sevaadhaari - kahaavat hai jo sameep hai woh sada yaad rehte hain। to sabse sameep mukhya sthaan gujraat ka hai। achha gujraat vaale utho। bahut sevaadhaari hain। gujraat ki visheshta hai - jab bhi bulaao to pahunch jaate hain। aise hai na! jab bhi seva ke liye bulaao aa jaate hain। najdeek ka phaayda hai। najdeek ka phaayda yeh bhi hai ki sab murliyon mein pahunch jaate hain। achha।

gujraat seva mein to achha sada hi raha hai aur sada hi rahne vaale hain। sankhya bhi jyaada hai। baapdaada ne suna ki abhi tak gujraat mein ek laakh nahin banaaye hain,to yeh thoda sa raha hua hai। 9 laakh mein se jo bhi bade-bade zone hain woh ek-ek laakh banaaven to 9 laakh ho jaaen। double foreigners bhi kitne hain,50 hazaar tak hain? kitne hain? (20 hazaar) abhi 50 tak to aao। chalo India ko laakh to foreign vaalon ko 50 to laana chaahiye। (videsh mein bhi gujraati bahut hain) lekin hain to foreigners na! yeh zaroor hai ki foreign mein bhi jahaan-jahaan gujraati hain ya Indian hain vahaan-vahaan bhandaari aur bhandaara bharpoor hai। abhi-abhi baapdaada khushkhabri double foreigners ki bhi sunte hain ki double foreigners ko bhi raha hua varsa milta rehta hai। to double foreigners ko yeh bhi ek bhavishya banaane ka chance achha mil raha hai। achha hai। samaachaar to baapdaada sab sunte hain। achha hai, har ek ki bhaaratvaasi ki,chaahe double foreigners ki visheshtaayen to bahut hain lekin kahaan tak sunaayen। isliye har ek sthaan ki koi na koi visheshta hai, aisa koi sthaan nahin jahaan koi visheshta nahin ho। vishesh aatmaayen ho aur visheshta hai।

aaj foreign mein sun va dekh rahe hain ya nahin? (dekh rahe hain) achha hai। aapke yagya ki sthaapna ke baad hi science ne vriddhi ko praapta kiya hai to uska phaayda to kuchh lenge na! lekin vidhipoorvak phaayda lena hai। to jo science ke saadhnon dvaara dekh rahe hain, sun rahe hain un sabhi bachchon ko sabse pahle baapdaada sada yaad karte hain। jitna-jitna yaad ka bal shaktishaali hoga utna aise hi mahsoos karenge ya kar rahe hain jaise baapdaada hamse hi baat kar rahe hain। lekin phir bhi madhuban-madhuban hai।

achha - abhi-abhi apni vritti ko ekaagra kar sakte ho? kahaan bhi vritti halchal mein nahin aaye। achal, ekaagra,shaktishaali rahe। (baapdaada ne drill karaai) achha –

chaaron or ke sarva serviceable bachchon ko,sada apne shreshtha vibration dvaara seva karne vaale teevragti ka purooshaartha karne vaale bachchon ko sada kshama ke master saagar, sada shubh bhaavna, shubh kaamna dvaara bahut kamzor aatmaon ko bhi shaktishaali banaane vaale aise master sarvashaktivaan bachchon ko baapdaada ka bahut-bahut yaad-pyaar aur namaste।

daadi ji, daadi jaanki ji se

aap bataao sabse jyaada khush kaun hota hai?baap khush hote hain ya aap khush hoti hain? (ek do se jyaada) achha hai, baapdaada jab aap nimitta aatmaon ki seva ko dekhte hain to seva par balihaar jaate hain। sambhaalne ki vidhi achhi hai। baapdaada aap donon ka saare vishwa ke aage sneh, sahayog aur ek do mein sahaanubhooti dekh harshit hote hain। (guljaar daadi bhi hai, trimoorti hain) woh to nimitta ho gai। aapko dekh karke, ek do mein kaha aur maana। yeh maanna hi maanneey banaata hai। haan ji,haan ji karke hajoor ko bhi apna bana lete hain। (baba ne koot-koot kar bhar diya hai) 14 varsha ki paalna mein sab koot-koot kar daal diya hai। (abhi bhi chhodta nahin hai) aap chhod sakti ho to baap kyon chhodega! bahut achha। yeh saathi bhi aapke achhe hain। sabka saath hai tabhi aage badh rahe hain। ek chhoti ka bhi saath nahin ho to halchal ho jaae। sabka chaahiye na! chaahe paandav,chaahe shaktiyaan, ek- ek ka sahayog,saphalta ko praapta kara raha hai। aap yeh nahin samajhna ham to sirf dekhne vaale hain, nahin। karne vaale hain। sarva ke sahayog se behad ka kaarya chal raha hai। brahma baap ne foundation kya daala? sahayog ka foundation daala, kya akela baapdaada kar nahin sakta kya? lekin foundation sahayog ka daala। to sahayog se hi sansaar badal raha hai। achha। sabka sahayog hai,ek-ek ratan vishesh hai।

achha - om shanti।