Avyakt murli du dimanche 15 décembre 2002

>

15-12-02 om shanti avyakt baapdaadaamdhuban

“samay pramaan lakshya aur lakshan ki samaanta dvaara baap samaan bano”

aaj chaaron or ke sarva svamaandhaari bachchon ko dekh haarshit ho rahe hain। is sangam par jo aap bachchon ko svamaan milta hai usse bada svamaan saare kalpa mein kisi bhi aatma ko praapta nahin ho sakta hai। kitna bada svamaan hai,isko jaante ho? svamaan ka nasha kitna bada hai, yeh smriti mein rehta hai? svamaan ki maala bahut badi hai। ek ek daana ginte jaao aur svamaan ke nashe mein lavleen ho jaao। yeh svamaan arthaat titles svayan baapdaada dvaara mile hain। paramatma dvaara svamaan praapta hai। isliye is svamaan ke roohaani nashe ko koi authority nahin jo hila sake kyonki almighty authority dvaara praapti hai।

to baapdaada ne aaj amritvele saare vishwa ke sarva bachchon ke taraph chakkar lagaate dekha ki har ek bachche ki smriti mein kitne svamaanon ki maala padi hui hai। maala ko dhaaran karna arthaat smriti dvaara usi sthiti mein sthit rehna। to apne ko check karo - yeh smriti ki sthiti kahaan tak rehti hai?baapdaada dekh rahe the ki svamaan ka nishchay aur uska roohaani nasha donon ka balance kitna rehta hai?nishchay hai - knowledgeful banna aur roohaani nasha hai - powerful banna। to knowledgeful mein bhi do prakaar dekhe - ek hainolejphul। doosre hain knowledgeable (gyaan swaroop) to apne se poochho –main kaun?baapdaada jaante hain ki bachchon ka lakshya bahut ooncha hai। lakshya ooncha hai na, kya ooncha hai? sabhi kehte hain baap samaan banenge। to jaise baap oonche te ooncha hai to baap samaan banne ka lakshya kitna ooncha hai! to lakshya ko dekh baapdaada bahut khush hote hain lekin… lekin bataayen kya?lekin kya…woh teachers va double foreigners sunenge? samajh to gaye honge। baapdaada lakshya aur lakshan samaan chaahte hain। abhi apne se poochho ki lakshya aur lakshan arthaat practical sthiti samaan hai? kyonki lakshya aur lakshan ka samaan hona - yahi baap samaan banna hai। samay pramaan is samaanta ko sameep laao।

vartamaan samay baapdaada bachchon ki ek baat dekh nahin sakte। kai bachche bhinna-bhinna prakaar ki baap samaan banne ki mehnat karte hain, baap ki mohabbat ke aage mehnat karne ki aavashyakta hi nahin hai, jahaan mohabbat hai vahaan mehnat nahin। jab ulta nasha deh-abhimaan ka nature ban gai,natural ban gaya। kya deh-abhimaan mein aane mein purooshaartha karna padta? ya 63 janma purooshaartha kiya? nature ban gai, natural ban gaya। jo abhi bhi kabhi-kabhi hi kehte ho ki dehi ke bajaae deh mein aa jaate hain। to jaise deh-abhimaan,nature aur natural raha vaise abhi dehi-abhimaani sthiti bhi natural aur nature ho, nature badalna mushkil hoti hai। abhi bhi kabhi-kabhi kehte ho na ki mera bhaav nahin hai,nature hai। to us nature ko natural banaaya hai aur baap samaan nature ko natural nahin bana sakte! ulti nature ke vash ho jaate hain aur yathaartha nature baap samaan banne ki, ismen mehnat kyon?to baapdaada abhi sabhi bachchon ki dehi-abhimaani rahne ki natural nature dekhne chaahte hain। brahma baap ko dekha chalte-phirte koi bhi kaarya karte dehi-abhimaani sthiti natural nature thi।

baapdaada ne samaachaar suna ki aajkal vishesh daadiyaan yeh roohroohaan karti hain - pharishta avastha, karmaateet avastha, baap samaan avastha natural kaise banen? nature ban jaae, yeh roohroohaan karte ho na! daadi ko bhi yahi baar-baar aata hai na - pharishta ban jaaen, karmaateet ban jaaen, baap pratyaksha ho jaae। to pharishta banna va niraakaari karmaateet avastha banne ka vishesh saadhan hai - nirhankaari banna। niranhakaari hi niraakaari ban sakta hai।

isliye baap ne brahma dvaara last mantra niraakaari ke saath nirhankaari kaha। sirf apni deh ya doosre ki deh mein phansana,isko hi deh ahankaar ya deh- bhaan nahin kaha jaata hai। deh ahankaar bhi hai, deh bhaan bhi hai। apni deh ya doosre ki deh ke bhaan mein rehna, lagaav mein rehna - usmein to majority paas hain। jo purooshaartha ki lagan mein rehte hain, sachche purooshaarthi hain, woh is mote roop se pare hain। lekin deh-bhaan ke sookshm anek roop hain,iski list aapas mein nikaalna। baapdaada aaj nahin sunaate hain। aaj itna hi ishaara bahut hai kyonki sabhi samajhdaar hain। aap sab jaante ho na,agar sabhi se poochhenge na,to sab bahut hoshiyaari se sunaayenge। lekin baapdaada sirf chhota-sa sahaj purooshaartha bataate hain ki sada man-vachan-karma,sambandh-samparka mein last mantra teen shabdon ka (niraakaari, nirhankaari,nirvikaari) sada yaad rakho। sankalp karte ho to check karo - mahaamantra sampanna hai? aise hi bol, karma sabmen sirf teen shabd yaad rakho aur samaanta karo। yeh to sahaj hai na? saari murli nahin kehte hain yaad karo, teen shabd। yeh mahaamantra sankalp ko bhi shreshtha bana dega। vaani mein nirmaanta laayega। karma mein seva bhaav laayega। sambandh-samparka mein sada shubh bhaavna, shreshtha kaamna ki vritti banaayega।

baapdaada seva ka samaachaar bhi sunte hain,seva mein aajkal bhinna-bhinna course karaate ho, lekin abhi ek course rah gaya hai। woh hai har aatma mein jo shakti chaahiye, woh force ka course karaana। shakti bharne ka course, vaani dvaara sunaane ka course nahin,vaani ke saath-saath shakti bharne ka course bhi ho। jisse achha-achha kahen nahin lekin achha ban jaaen। yeh varnan karen ki aaj mujhe shakti ki anchali mili। anchali bhi anubhav ho to un aatmaon ke liye bahut hai। course karaao lekin pahle apne ko karaake phir kaho। to suna baapdaada kya chaahte hain? lakshya aur lakshan ko samaan banaao। lakshya sabhi ka dekhkar baapdaada bahut-bahut khush hote hain। ab sirf samaan banaao, to baap samaan bahut sahaj ban jaayenge।

baapdaada to bachchon ko samaan se bhi ooncha, apne se bhi ooncha dekhte hain। sada baapdaada bachchon ko sir ka taaj kehte hain। to taaj to sir se bhi ooncha hota hai na! teachers - sir ke taaj ho?

teachers se - dekho, kitni teachers hain। ek group mein itni teachers to har group mein kitni teachers hongi! teachers ne baapdaada ki ek aash poori karne ka sankalp kiya hai lekin saamne nahin laaya hai। jaante ho kaun-si?ek to baapdaada ne kaha hai ki abhi vaarison ki maala banaao। vaarison ki maala, general maala nahin। doosra - sambandh-samparka vaalon ko mike banaao। aap nahin bhaashan karo lekin woh aapki taraph se media ban jaayen। apni media banaao। media kya karta hai?ulta ya sulta aavaaj phailaata hai na! to mike aise taiyaar hon jo media samaan pratyakshata ka aavaaj phailaaye। aap kahenge bhagwan aa gaya, bhagwan aa gaya… woh to common samajhte hain lekin aapki taraph se doosre kahen,authority vaale kahen, pahle aap logon ko shaktiyon ke roop mein pratyaksha karen। jab shaktiyaan pratyaksha hongi tab baap pratyaksha hoga। to banaao,media taiyaar karo। dekhenge। kiya hai? chalo kangan hi sahi,maala chhodo,taiyaar kiya hai? haath uthaao jisne aise taiyaar kiya hai? baapdaada dekhenge kaun se taiyaar kiye hain, achha himmat to rakhi hai। suna - teachers ko kya karna hai! shivraatri par vaaris quality taiyaar karo। mike taiyaar karo,tab phir doosre varsha shivraatri par sabke mukh se shiv baap aa gaya, yeh aavaaj nikle। aisi shivraatri manaao। programme to bahut achhe banaaye hain। programme sabko bheje hain na। programme to theek banaaya hai lekin har programme se koi mike taiyaar ho, koi vaaris taiyaar ho। yeh purooshaartha karo, bhaashan kiya chale gaye,aisa nahin। yeh to 66varsha ho gaye aur 50 varsha seva ke bhi mana liye। abhi shivraatri ki diamond jubilee manaao। yeh do prakaar ki aatmaayen taiyaar karo, phir dekho nagaada bajta hai ya nahin। nagaade aap thode hi bajaayenge। aap to deviyaan ho saakshaatkaar karaayengi। nagaade bajaane vaale taiyaar karo। jo practical geet gaayen shiv shaktiyaan aa gai।

suna - shivraatri par kya karengi! aise hi bhaashan karke poora nahin karna। phir likhengi baba500-1000,laakh aadmi aa gaye, aa to gaye sandesh diya, lekin vaaris kitne nikle, mike kitne nikle,abhi woh samaachaardena। jo abhi tak kiya dharni banaai, sandesh diya, usko baba achha kehte hain, woh seva vyartha nahin gai hai,samartha hui hai। praja to bani hai, royal family to bani hai lekin raaja raani bhi to chaahiye। raaja raani takhta vaale nahin, raaja raani ke saath vahaan darbaar mein bhi raaje samaan baithte hain, aise to banaao। raajya darbaar shobha vaali ho jaae। suna, shivraatri par kya karna hai। paandav sun rahe ho। haath uthaao। dhyaan diya। achha। bade-bade mahaarthi baithe hain। baapdaada khush hote hain, yeh bhi dil ka pyaar hai, kyonki aap sabka sankalp chalta hai na, pratyakshata kab hogi, kab hogi… to baapdaada sunta rehta hai। kya suna madhuban vaalon ne? madhuban vaalon ne suna। madhuban,shaantivan,gyaan sarovar vaale, sabhi madhuban nivaasi hain। achha।

madhuban se nagaada bajega,kahaan se nagaada bajega? (dilli se) madhuban se nahin?kaho chaaron or se। ek taraph se nahin bajega। madhuban se bhi bajega,to chaaron or se bajega tabhi kumbhakran jaagenge। madhuban vaale jaise seva mein athak hokar seva ka part baja rahe ho na, aise yeh bhi mansa seva karte raho। sirf karmana nahin, mansa,vaacha, karmana teenon seva,karte bhi ho aur jyaada karna। achha। madhuban vaale bhoole nahin hain। madhuban vaale sochte hain baapdaada aate madhuban mein hai lekin madhuban ka naam nahin lete। madhuban to sada yaad hai hi। madhuban nahin hota to yeh aate kahaan! aap sevaadhaari seva nahin karte to yeh khaate, rehte kaise! to madhuban vaalon ko baapdaada bhi dil se yaad karte aur dil se duaayen dete hain। achha। madhuban se bhi pyaar,teachers se bhi pyaar, meethi-meethi maataaon se bhi pyaar aur saath mein mahaaveer paandavon se bhi pyaar। paandavon ke bina bhi gati nahin hai। iseelie chaturbhuj roop ki mahima jyaada hai। paandav aur shaktiyaan donon ka combined roop vishnu chaturbhuj hai।

maataaon se - maataayen to bahut hain। abhi maataayen woh kapde ka jhanda nahin avyakt uthaao। kapde ka jhanda uthaakar kehte ho na bhagwan aa gaya,jaago jaago… lekin abhi sachcha aavaaj nikaalo। sabke dil se aavaaj nikalvaao। sachchi shivraatri manaao। suna maataaon ne। dil mein baap ki pratyakshata ka jhanda lahraao। jhanda lahraana aata hai na! hoshiyaar hain। maataayen kam nahin hain। bas abhi jagaao। aapke bachche kumbhakran soye hue hain। abhi samay aa gaya hai, abhi unhon ko jagaao। unke mukh se nikaalo - baap aa gaya। maataayen aisi shivraatri manaana, kamaal dikhaana। haath to bahut achha hila rahe ho,baapdaada khush hai। is shivraatri par dekhenge kya samaachaar aata hai। function kiya, yeh nahin। function karo lekin nikaalna zaroor। achha। maataayen to bahut hain, maataaon se hi brahman parivaar ki shobha hai। maataaon ki visheshta hai, chaahe kaise bhi gaanv ki maataayen hon lekin jis sevaakendra par maataaon ki sankhya jyaada hogi vahaan bhandaari aur bhandaara bharpoor। chaahe paandav ek ho,maataayen25 hon, lekin dil badi hai। achha।

double foreigners se -double foreigners foreign se media group taiyaar karenge?haath uthaao jo media group taiyaar karenge?baapdaada ne suna ki 30deshon se aaye hain। to kam se kam 30 deshon mein to jaakar almighty media banaayenge na?kya karengi bahnen?shaktiyaan kya karengi?achha hai,dekho kitna baap se pyaar hai, kitne samudra paar karke aate hain। baapdaada ko double videshiyon par naaz hai, pyaar to sabhi se hai lekin pyaar ke saath naaz bhi hai ki baap ka sandesh kone-kone mein phailaane ke liye nimitta ban gaye। nahin to india ki bahnen pahle to laingvej seekhen phir sandesh deven। lekin aap logon ne dekho charity begins at hom karke dikhaaya hai। abhi to sirf 30desh aaye hain lekin hai to bahut deshon mein na! to bahut achha sandesh vaahak bane ho। ek-ek bachche ki visheshta dekh-dekh baapdaada bahut khush hote hain। ek baat ki double videshiyon mein visheshta hai। bhaarat ke visheshta ki list apni hai lekin abhi double videshiyon ke visheshta ki baat hai। to double videshi anubhav se kehte hain ham brahma ke bachche hain। hain videshi lekin anubhav se kehte hain sirf dimaag se nahin। dil se kehte hain ham brahmaakumaar hain, ham brahmaakumaari hain। dil se,anubhav se kehte ho na! kahne se nahin kehte, sunne se nahin kehte, anubhav se kehte hain। roohaani nasha hai na, brahmaakumaar-brahmaakumaari banne ka। hai nasha?jitna nasha hai utna jor se haath hilaao। yeh to baapdaada bhi verify karte hain ki brahmaakumaar aur brahmaakumaari ka nasha hai। abhi videsh mein shivraatri itna nahin karte, 18January manaate hain। shivraatri yahaan manaate hain aur 18January ya January mein seva ki dhoom machaate hain, yeh bhi achha hai lekin seva mein abhi baapdaada dekhenge ki vaaris aur mike pahla number kaun nikaalte hain। usko chaandi ka brahma baap denge। inaam denge। chaahe bhaarat vaala ho, chaahe videsh vaala ho। jo bhi nikaalenge,unko woh prize milegi। jitne bhi centres nikaalen,baapdaada ke paas bhandaara bharpoor hai। theek hai na!

paandav kya karenge?paandav kya karat bhaye? paandavon ki vijay gaai hui hai। baapdaada paandavon ke mastak mein sada victory dekhte hain aur victory ke beech mein aatma chamak rahi hai। jaise paandavon ka gaayan hai, paandavon ko draamaanusaar yaadgaar mein bhi vijay ka vardaan mila hua hai। gaayan hi hai vijayi paandav। to paandavon ko kabhi bhi kisi bhi baat mein haar nahin khaana hai। baapdaada ke gale ka haar banna, haar khaana nahin। jab bhi koi aisi baat aave na,to kaho ham baapdaada ke gale ka haar hain, haar khaane vaale nahin hain। aise pakke ho? ki thodi-thodi haar kha bhi lete ho?chalo beeti so beeti। abhi haar nahin khaana। vijay gale ka haar hai, ham baap ke gale ka haar hain। haar khaane vaale nahin। haar khaane vaale to karodon aatmaayen hain,aap nahin hain। aap to karodon mein koi, koi mein bhi koi aatma ho। madhuban vaale paandav nasha hai na? vijay ka nasha aur nasha nahin। achhe hain, paandav bhavan mein majority paandav hain,paandav nahin hote to aap sabko madhuban mein maja nahin aata isliye balihaari madhuban nivaasiyon ki jo aapko mauj se rahaate, khilaate aur udaate hain। aaj baapdaada ko madhuban nivaasi amritvele se yaad aa rahe hain। chaahe yahaan hain, chaahe oopar baithe hue hain, chaahe madhuban vaale koi yahaan bhi duty par hain lekin chaaron taraph ke madhuban nivaasiyon ko baapdaada ne amritvele se yaad diya hai।

yu.pi. ke sevaadhaariyon se - yeh (madhuban vaale) to sada ke sevaadhaari hain, aap ek tarna ke sevaadhaari hain। har ek ne apna ek tarna mein avinaashi punya ka khaata bana diya। thode samay ki seva anek janmon ke punya ki lakeer, bhaagya ki bana li। to chatursujaan nikle na! ek janma mein anek janmon ka bana diya। baapdaada sevaadhaariyon ko dekh vishesh khush hota hai,kyon? kyon khush hota hai?kyonki aap sab puraanon ko yaad hoga ki brahma baap jab sign karte the to kya karte the? world servant। sevaadhaari। aur niraakaar baap bhi kislie aaya hai? sevaadhaari bankar aaya hai na? isliye baapdaada ko sevaadhaari bahut yaad aate,pyaare lagte hain। aur yeh bhi achha hai jo majority sabhi aatmaon ko yagya seva ka punya programme pramaan mil jaata hai। yeh bhi achha hai। achha। yu.pi. ki sevaadhaari teachers theek hai na? bahut achha। baapdaada ne kaha na teachers ko sada baapdaada guroobhaai ke roop mein dekhta hai। achha।

chhote bachchon se -bachche mahaatma hai na?dekho, bachchon ko bhi kitna pyaar hai। bachche to challenge karne vaale hain। aajkal president bhi bachchon ki baat maante hain। bhaarat ka president bhi bachchon ko maante hain। to baapdaada bhi bachchon ko pyaar karte hain। theek hain sab bachche। theek hain to haath hilaao। bahut achha। sada baba, baba,baba kehte rehna। yaad mein rehna।

kumaariyon se - kumaariyaan bhi bahut hain lekin kaun si kumaariyaan hon? 21 janma taarne vaali kumaariyaan ho ya bandhan vaali kumaariyaan ho?kumaari woh jo aatmaon ke21 janma shreshtha banaaye। kumaariyon ki yeh mahima hai। agar bandhan bhi hai naukri ka ya sambandh ka,to bhi kumaari shakti hai। apne yog ki shakti se apne ko nirbandhan bana sakti hai। baapdaada yeh nahin kehte ki naukri nahin karo, lekin naukri karte hue double naukri,seva karo। foreign ki yeh visheshta hai,baapdaada ne foreign mein yeh visheshta dekhi hai job bhi karte, centre bhi sambhaalte,isliye baapdaada aise bachchon ko double mubaarak dete hain। circumstance hain to baapdaada mana nahin karte, lekin balance। to aisi kumaariyaan ho?centre kholen, centre sambhaalengi?itni kumaariyaan milengi! centre khole?haath uthaao jo haan karti hain,order karen centre kholo,jaayengi centre par? thode haath utha rahe hain। dekhna T.vi. mein aapka photo aa gaya। achha। himmat vaali hain। himmat se baap ki madad milti hai। achha, mubaarak ho। centre par aane ki mubaarak ho।

kumaaron se - kumaar - vaaris bana sakte hain। kumaar mike bhi bana sakte hain। kumaar to government ko jaga sakte hain। kumaar kamaal karke dikhaayenge। woh din bhi aana hi hai। to kumaaron ko jagaao, sameep laao। unko jagaao kaho aap bhi kumaar, ham bhi kumaar, aao to aapko kahaaniyaan sunaayen। achha।

baapdaada ne jo roohaani exercise di hai, woh saare din mein kitne baar karte ho?aur kitne samay mein karte ho? niraakaari aur pharishta। baap aur daada,abhi-abhi niraakaari, abhi-abhi pharishta swaroop। donon mein deh-bhaan nahin hai। to deh-bhaan se pare hona hai to yeh roohaani exercise karma karte bhi apni duty bajaate hue bhi ek second mein abhyaas kar sakte ho। yeh ek natural abhyaas ho jaae - abhi-abhi niraakaari, abhi-abhi pharishta। achha। (baapdaada ne drill karaai) aise nirantar bhav!

chaaron or ke baapdaada ki yaad mein magan rahne vaale baap samaan banne ke lakshya ko lakshan mein samaan banaane vaale,jo kone-kone mein science ke saadhnon se din va raat jaag karke baithe hue hain, un bachchon ko bhi baapdaada yaadapyaar, mubaarak aur dil ki duaayen de rahe hain। baapdaada jaante hain sabhi ke dil mein is samay dilaaraam baap ki yaad samaai hui hai। har ek kone-kone mein baithe hue bachchon ko baapdaada personal naam se yaadapyaar de rahe hain। naamon ki maala japen to raat poori ho jaayegi। baapdaada sabhi bachchon ko yaad dete hain, chaahe purooshaartha mein kaun sa bhi number ho lekin baapdaada sada har bachche ke shreshtha svamaan ko yaadapyaar dete hain aur namaste karte hain। yaadapyaar dene ke samay baapdaada ke saamne chaaron or ka har bachcha yaad hai। koi ek bachcha bhi kisi bhi kone mein, gaanv mein, shahar mein, desh mein, videsh mein, jahaan bhi hai, baapdaada usko svamaan yaad dilaate hue yaadapyaar dete hain। sab yaadapyaar ke adhikaari hain kyonki baba kaha to yaadapyaar ke adhikaari hain hi। aap sabhi sammukh vaalon ko bhi baapdaada svamaan ke maalaadhaari swaroop mein dekh rahe hain। sabhi ko baap samaan svamaan swaroop mein yaadapyaar aur namaste।

daadi ji se - theek ho gai, abhi koi beemaari nahin hai। bhaag gai। woh sirf dikhaane ke liye aai jo sabhi dekhen ki hamaare paas bhi aati hai to koi badi baat nahin hai। sabhi daadiyaan bahut achha part baja rahi ho। baapdaada sabke part ko dekh karke khush hote hain। (nirmalshaanta daadi se)aadi ratna ho na! anaadi roop mein bhi niraakaari baap ke sameep ho,saath-saath rehte ho aur aadi roop mein bhi raajya darbaar ke saathi ho। sada royal family ke bhi royal ho aur sangam par bhi aadi ratna banne ka bhaagya mila hai। to bahut bada bhaagya hai,hai na bhaagya?aapka haajar rehna hi sabke liye vardaan hai। bolo nahin bolo, kuchh karo nahin karo lekin aapka haajar rehna hi sabke liye vardaan hai। achha।

om shanti।