Avyakt murli du vendredi 28 février 2003

>

28-02-03 om shanti avyakt baapdaadaamdhuban

“seva ke saath-saath ab sampanna banne ka plan banaao,karmaateet banne ki dhun lagaao”

aaj shiv baap apne saaligraam bachchon ke saath apni aur bachchon ke avatran ki jayanti manaane aaye hain। yeh avatran ki jayanti kitni wonderful hai। chaaron taraph ke sabhi bachche bhaag-bhaag kar aaye hain baap ki jayanti aur apni jayanti manaane ke liye। baap aur bachchon ki jayanti arthaat avatran divas ek hi hai। baap aur bachchon ka ek divas janma yahi wonder hai। to aaj aap sabhi saaligraam bachche baap ko mubaarak dene aaye ho va baap se mubaarak lene aaye ho?dene bhi aaye ho, lene bhi aaye ho। saath-saath ki nishaani hai ki aap bachchon ka aur baap ka aapas mein bahut-bahut-bahut sneh hai। isliye janma bhi saath-saath hai aur rehte bhi saara janma combined arthaat saath hain। itna pyaar dekha hai! agar occupation bhi hai to baap aur bachchon ka ek hi vishwa parivartan karne ka occupation hai aur vaayda kya hai? ki paramdham, sweet hom mein bhi saath-saath chalenge ya aage peechhe chalenge?saath-saath chalna hai na! to aisa sneh aapka aur baap ka hai। na baap akela kuchh kar sakta, na bachche akele kuchh kar sakte। kar sakte ho?sivaae baap ke kuchh kar sakte ho! aur baap bhi kuchh nahin kar sakta। iseelie brahma baap ka aadhaar liya aap braahmanon ko rachne ke liye। sivaae braahmanon ke baap bhi kuchh nahin kar sakte। isliye is alaukik avatran ke janma divas par baap bachchon ko aur bachche baap ko padmaapdam baar mubaarak de rahe hain। aap baap ko de rahe hain,baap aapko de rahe hain।

amritvele se lekar, usse bhi pahle se bachchon ki mubaarken, card,patra, dil ke meethe-meethe geet baap ko mile aur abhi bhi baapdaada dekh rahe hain ki chaaron or ke desh-videsh ke bachche sookshm mein baapdaada ko mubaarak de rahe hain। pahunch rahi hain। bachchon ke paas aavaaj pahunch raha hai aur bachchon ke dil ka aavaaj baap ko pahunch raha hai। chaaron or bachche khushi mein jhoom rahe hain। vaah! baba, vaah! ham saaligraam aatmaayen! vaah! vaah! ke geet ga rahe hain। isi aapke janma divas ki yaadgaar dvaapar se ab tak bhakta bhi manaate rehte hain। bhakta bhi bhaavna mein kam nahin hain। lekin bhagat hain,bachche nahin hain। woh har varsha manaate hain aur aap saare kalpa mein ek baar avatran ka mahattva manaate ho। woh har varsha vrat rakhte hain, vrat rakhte bhi hain aur vrat lete bhi hain। aap ek hi baar vrat le lete ho,kaapi aapki hi ki hai lekin aapka mahattva aur unke yaadgaar ke mahattva mein antar hai। woh bhi pavitrata ka vrat lete hain lekin har varsha vrat lete hain ek din ke liye। aap sabhi ne bhi janma lete ek baar pavitrata ka vrat liya hai na! liya hai ki lena hai? le liya hai। ek baar liya, woh varsha-varsha lete hain। sabhi ne liya hai?sirf brahmacharya nahin, sampoorn pavitrata ka vrat liya hai। paandav, sampoorn pavitrata ka vrat liya hai?ya sirf brahmacharya mein theek hain! brahmacharya to foundation hai lekin sirf brahmacharya nahin saath mein aur chaar bhi hain। chaar ka bhi vrat liya hai ki sirf ek ka liya hai?check karo।

krodh karne ki to chhutti hai na?nahin chhutti hai? thoda-thoda to krodh karna padta hai na?nahin karna padta hai? bolo paandav, krodh nahin karna padta hai? karna to padta hai! chalo, baapdaada ne dekha ki krodh aur sabhi saathi jo hain,mahaabhoot ka to tyaag kiya hai lekin jaise maataaon ko, pravritti vaalon ko bade bachchon se itna pyaar nahin hota, moh nahin hota lekin potron dhotron se bahut hota hai। chhote-chhote bachche bahut pyaare lagte hain। to baapdaada ne dekha ki bachchon ko bhi yeh 5vikaaron ke mahaabhoot jo hain,mahaaroop unse to pyaar kam ho gaya hai lekin in vikaaron ke jo baal bachche hain na,chhote-chhote ansh maatra, vansh maatra,usse abhi bhi thoda-thoda pyaar hai। hai pyaar! kabhi-kabhi to pyaar ho jaata hai। ho jaata hai? maataayen?double foreigners, krodh nahin aata? kai bachche badi chaturaai ki baaten karte hain, sunaayen kya kehte hain?sunaayen?agar sunaayen to aaj chhodna padega। taiyaar hain? taiyaar hain chhodenge?ya sirf file mein kaagaj jama karenge?jaise har saal karte ho na,pratigya ke file baap ke paas bahut-bahut bade ho gaye hain,to abhi bhi aise to nahin ki ek pratigya ka kaagaj file mein add kar denge,aise to nahin! final karenge ya file mein daalenge? kya karenge? bolo,teachers kya karenge?final?haath uthaao। aise hi vaayda nahin karna। baapdaada phir thoda sa roop dhaaran karega। theek hai। double foreigners - karenge final? jo final karenge woh haath uthaao। T.vi. mein nikaalo। chhota,tretaayugi haath bada uthaao। achha, theek hai। suno - baap aur bachchon ki baaten kya hoti hain? baapdaada muskaraate rehte hain। baap kehte hain krodh kyon kiya?kehte hain mainne nahin kiya, lekin krodh karaaya gaya। kiya nahin, mujhe karaaya gaya। abhi baap kya kahe? phir kya kehte hain,agar aap bhi hote na to aapko bhi aa jaata। meethi-meethi baaten karte hain na! phir kehte hain niraakaar se saakaar tan leke dekho। abhi bataao aise meethe bachchon ko baap kya kahe! baap ko phir bhi merciful banna hi padta hai। kehte hain achha, abhi maaph kar rahe hain lekin aage nahin karna। lekin javaab bahut achhe-achhe dete hain।

to pavitrata aap braahmanon ka sabse bade se bada shrringaar hai,iseelie aapke chitron ka kitna shrringaar karte hain। yeh pavitrata ka yaadgaar shrringaar hai। pavitrata, sampoorn pavitrata, kaam chalaau pavitrata nahin। sampoorn pavitrata aap brahman jeevan ki sabse bade te badi property hai,royalty hai,personality hai। iseelie bhakta log bhi ek din pavitrata ka vrat rakhte hain। yeh aapki copy ki hai। doosra vrat lete hain - khaane-peene ka। khaane peene ka vrat bhi aavashyak hota hai। kyon? aap braahmanon ne bhi khaane-peene ka vrat pakka liya hai na! jab madhuban aane ka form sabse bharaate ho, to yeh bhi form mein bharaate ho na - khaana-peena shuddh hai? bharaate ho na! to khaane-peene ka vrat pakka hai?hai pakka ki kabhi-kabhi kachcha ho jaata hai?double videshiyon ka to double pakka hoga na! double videshiyon ka double pakka hai ya kabhi thak jaate ho to kehte ho achha aaj thoda kha lete hain। thoda dheela kar dete hain, nahin। khaane-peene ka pakka hai, iseelie bhakta log bhi khaane-peene ka vrat lete hain। teesra vrat lete hain jaagran ka - raat jaagte hain na! to aap brahman bhi agyaan neend se jaagne ka vrat lete ho। beech-beech mein agyaan ki neend to nahin aati hai na! bhakta log aapko copy kar rahe hain, to aap pakke hain tabhi to copy karte hain। kabhi bhi agyaan arthaat kamzori ki, albelepan ki, aalasya ki neend nahin aaye। ya thoda-thoda jhutka aave to harja nahin hai?jhutka khaate ho? aise amritvele bhi kai jhutke khaate hain। lekin yeh socho ki hamaare yaadgaar mein bhakta log kya-kya copy kar rahe hain! woh itne pakke rehte hain, kuchh bhi ho jaae, lekin vrat nahin todte hain। aaj ke din bhakta log vrat rakhenge khaane-peene ka bhi aur aap kya karenge aaj? picnic karenge? woh vrat rakhenge aap picnic karenge, cake kaatenge na! picnic karenge kyonki aapne janma se vrat le liya hai iseelie aaj ke din picnic karenge।

baapdaada abhi bachchon se kya chaahte hain? jaante to ho। sankalp bahut achhe karte ho, itne achhe sankalp karte hain jo sun-sun khush ho jaate hain। sankalp karte ho lekin baad mein kya hota hai? sankalp kamzor kyon ho jaate hain?jab chaahte bhi ho kyonki baap se pyaar bahut hai, baap bhi jaante hain ki baapdaada se sabhi bachchon ka dil se pyaar hai aur pyaar mein sabhi haath uthaate hain ki 100percent to kya lekin 100 percent se bhi jyaada pyaar hai aur baap bhi maante hain pyaar mein sab paas hain। lekin kya hai?lekin hai ki nahin hai? lekin aata hai ki nahin aata hai?paandav, beech-beech mein lekin aa jaata hai? na nahin karte hain,to haan hai। baapdaada ne majority bachchon ki ek baat note ki hai, pratigya kamzor hone ka ek hi kaaran hai,ek hi shabd hai। socho, woh ek shabd kya hai? teachers bolo ek shabd kya hai? paandav bolo ek shabd kya hai? yaad to aa gaya na! ek shabd hai - `main'। abhimaan ke roop mein bhi`main' aata hai aur kamzor karne mein bhi `main' aata hai। mainne jo kaha, mainne jo kiya, mainne jo samjha, vahi right hai। vahi hona chaahiye। yeh abhimaan ka `main'। main jab poora nahin hota hai to phir dilshikasta mein bhi aata hai, main kar nahin sakta,chal nahin sakta, bahut mushkil hai। ek bodeekonsesnes ka `main'badal jaae, `main'svamaan bhi yaad dilaata hai aur `main'deh-abhimaan mein bhi laata hai। `main'dilshikasta bhi karta hai aur `main' dilkhush bhi karta hai aur abhimaan ki nishaani jaante ho kya hoti hai?kabhi bhi kisi mein bhi agar bodeekonses ka abhimaan ansh maatra bhi hai,uski nishaani kya hogi? woh apna apmaan sahan nahin kar sakega। abhimaan apmaan sahan nahin karaayega। jara bhi koi kahega na - yeh theek nahin hai, thoda nirmaan ban jaao, to apmaan lagega,yeh abhimaan ki nishaani hai।

baapdaada vatan mein muskara rahe the - yeh bachche shivraatri par yahaan-vahaan bhaashan karte hain na, abhi bahut bhaashan kar rahe hain na। usmein kehte hain, baapdaada ko bachchon ki point yaad aai। to usmein kehte hain ki shivraatri par bakre ki bali chadhaate hain - woh bakra mein-mein bahut karta hai na, to aise shivraatri par yeh "main" "main" ki bali chadha do। to baap sun-sunkar muskara rahe the। to is 'main'ki aap bhi bali chadha do। surrender kar sakte ho? kar sakte hain? paandav kar sakte ho?double foreigners kar sakte ho? full surrender ya surrender? full surrender। aaj baapdaada jhande par aise hi pratigya nahin karaayega। aaj pratigya karo aur file mein kaagaj jama karna pade, aisi pratigya nahin karaayega। kya sochte ho,daadiyaan aaj bhi aisi pratigya karaayen? final karenge ya file mein jama karenge? bolo, (final karaao) himmat hai? himmat hai? sunne mein magan ho gaye hain, haath nahin utha rahe hain। kal to kuchh nahin ho jaayega! nahin na! kal maaya chakkar lagaane aayegi। maaya ka bhi aapse pyaar hai na kyonki aajkal to sabhi dhoomdhaam se seva ka plan bana rahe hain na। jab seva jor-shor se kar rahe ho to seva jor-shor se karna arthaat sampoorn samaapti ke samay ko sameep laana hai। aise nahin samjho bhaashan karke aaye lekin samay ko sameep la rahe ho। seva achhi kar rahe ho। baapdaada khush hai। lekin baapdaada dekhte hain ki samay sameep aa raha hai,la rahe ho aap, aise hi laakh dedh laakh ikattha nahin kiya, yeh samay ko sameep laaya। abhi gujraat ne kiya, bombe karega aur bhi kar rahe hain। chalo laakh nahin to50 hajaar hi sahi lekin sandesh de rahe ho to sandesh ke saath-saath sampannata ki bhi taiyaari hai?taiyaari hai?vinaash ko bula rahe ho to taiyaari hai?daadi ne question kiya tha ki abhi kya aisa plan banaayen jo jaldeejaldi pratyakshata ho jaae? to baapdaada kehte hain - pratyakshata to second ki baat hai lekin pratyakshata ke pahle baapdaada poochhte hain sthaapna vaale ever ready hain?parda kholen? ki koi kaan ka shringaar kar raha hoga, koi maathe ka? taiyaar hain? ho jaayenge, kab?date bataao। jaise abhi date fix ki na! is maas ke andar sandesh dena hai, aise sabhi ever ready,kam se kam 16 hajaar to ever ready hon, 9 laakh chhodo,usko bhi chhod do। 16 hajaar to taiyaar hon?hain taiyaar?bajaayen taali? aise hi haan nahin karna। ever ready ho jaao to baapdaada touch karega, taali bajaayega, prakriti apna kaam shuru karegi। science vaale apna kaam shuru kar denge। kya deri hai, sab ready hain। 16 hajaar taiyaar hain? hain taiyaar? ho jaayenge। (aapko jyaada pata hai) yeh javaab to chhudaane ka hai। 16hajaar ki report aani chaahiye ever ready, sampoorn pavitrata se sampanna ho gaye।

baapdaada ko taali bajaane mein koi deri nahin hai। date bataao। (aap date do) sabhi se poochho। dekho hona to hai hi lekin jo sunaaya ek `main' shabd ka sampoorn parivartan, tab baap ke saath chalenge। nahin to peechhe-peechhe chalna padega। baapdaada iseelie abhi get nahin kholte hain kyonki saath chalna hai। brahma baap sabhi bachchon se poochhte hain ki get kholne ki date bataao। get kholna hai na! chalna hai na! aaj manaana arthaat banna। sirf cake nahin kaatenge lekin main ko samaapta karenge। soch rahe hain ya soch liya hai? kyonki baapdaada ke paas amritvele sabke bahut variety sankalp pahunchte hain। to aapas mein raay karna aur date baap ko bataana। jab tak date nahin fix ki hai na, tab tak koi kaarya nahin hota। pahle aapas mein mahaarthi date fix karo phir sab follow karenge। follow karne vaale taiyaar hain aur aapki himmat se aur bal mil jaayega। jaise dekho abhi umang ulhaas dilaaya to taiyaar ho gaye na! aise sampanna banne ka plan banaao। dhun lagaao, karmaateet banna hi hai। kuchh bhi ho jaae banna hi hai,karna hi hai,hona hi hai। science vaalon ka bhi aavaaj,vinaash karne vaalon ka bhi aavaaj baap ke kaanon mein aata hai, woh bhi kehte hain kyon rokte hain, kyon rokte hain…। advance party bhi kehti hai date fix karo,date fix karo। brahma baap bhi kehte hain date fix karo। to yeh meeting karo। baaki seva jo kar rahe hain,baapdaada santushta hain। har ek kar raha hai, foreign bhi kar raha hai,bhaarat mein sab zone vaale bhi kar rahe hain,pravritti vaale bhi kar rahe hain, sab kar rahe hain। iski mubaarak ho, seva ki mubaarak ho,mubaarak ho। ab yeh kamaal karke dikhaao। daadiyon ko khaas kah rahe hain, bade bhaaeeyon ko khaas kah rahe hain। ab doosri shivraatri mein dhamaal aur kamaal donon saath-saath hon। theek hai। aage line vaali teachers theek hai?meeting karenge na! baapdaada ko abhi date chaahiye,aise nahin ho jaayega, kar rahe hain, yeh nahin। yeh bahut ho gaya। pahle bachche date deven phir baap final karenge। baapdaada to kehte hain doosri shivraatri par kamaal aur dhamaal donon saath hon। abhi karo taiyaari। teachers manjoor hai? double videshi manjoor hai? pahli line manjoor hai?paandav manjoor hai? (haan ji) mubaarak ho। bahut duhkhi hain। baapdaada ko abhi itna duhkh dekha nahin jaata hai। pahle to aap shaktiyon ko,devta roop paandavon ko raham aana chaahiye। kitnaapukaar rahe hain। abhi aavaaj pukaar ka aapke kaanon mein goonjana chaahiye।

samay ki pukaar ka programme karte ho na! abhi bhakton ki pukaar bhi suno,duhkhiyon ki pukaar bhi suno। seva mein number achha hai, yeh to baapdaada bhi certificate dete hain, umang-utsaah achha hai, gujraat ne number one liya, to number one ki mubaarak hai। abhi thodi-thodi pukaar suno to sahi, bichaare bahut pukaar rahe hain, jigar se pukaar rahe hain, tadaph rahe hain। science vaale bhi bahut chilla rahe hain, kab karen, kab karen, kab karen, pukaar rahe hain। aaj bhale cake kaat lo, lekin kal se pukaar sunna। manaana to sangamayug ke svahej hain। ek taraph manaana doosre taraph aatmaon ko banaana। achha। to kya suna?

aapka geet hai - duhkhiyon par kuchh raham karo। sivaae aapke koi raham nahin kar sakta। isliye abhi samay pramaan raham ke master saagar bano। svayan par bhi raham, anya aatmaon prati bhi raham। abhi apna yahi swaroop light house ban bhinna-bhinna lights ki kirnen do। saare vishwa ki apraapta aatmaon ko praapti ki anchali ki kirnen do। achha।

double videshi - double videshiyon ko dekhkarke baapdaada ko double khushi hoti hai kyon?double kyon khushi hoti hai?baapdaada ko is baat ki vishesh khushi hoti hai ki double videshiyon ne double kamaal dikhaai hai। kaun si kamaal dikhaai hai? dekho abhi is group mein bhi bhinna-bhinna desh ke vriksha ki taaliyaan aai hui hain। abhi bhi 60 deshon se aaye hue hain aur aage bhi bahut hain। to bhinna-bhinna vriksha ki daaliyaan ek chandan ka vriksha ban gaye hain। yeh kamaal ki hai। ek hi vriksha ki daaliyaan ho na! ki alag-alag hain?ek hain? aur doosri kamaal - bhinna-bhinna desh ka culture ek culture bana diya। na

videsh ka culture,na bhaarat ka culture lekin ek brahman culture ban gaya। to abhi kis culture ke ho?videsh ke ya brahman culture hai? brahman culture। to ek culture, ek chandan ka vriksha ban gaye। to double kamaal par baapdaada ko double khushi hoti hai। 60 desh yaad hain ya ek hi madhuban yaad hai? madhuban nivaasi ho na! isliye baapdaada ko double khushi hai। aap sabko bahut khushi hai na! kitni khushi hai?bahut khushi hai। sada khush raho, aabaad raho, auron ko bhi khushi se aabaad karte raho। sabha achhi lagti hai,international sabha hai na! to aap sabhi ko baapdaada alaukik janma ki mubaarak de rahe hain। mubaarak ho, mubaarak ho। achha।

seva ka tarna karnaatak ka hai - achha hai,yeh golden chance seva ka,parivaar ke najdeek laane ka chance hai। dekho seva mein aaye ho to sabki najar kahaan padti hai। karnaatak vaale seva kar rahe hain। to sabko karnaatak yaad aata hai aur aapko yaad ki duaayen milti hain। abhi karnaatak mein ek baapdaada ki shreshtha aasha hai, woh abhi poori nahin ki hai। bataaoon kya? bataaoon teachers? karnaatak mein baapdaada ne dekha hai ki vaaris quality ban sakte hain। jitne vaaris quality, bhale do-chaar sthaan aur bhi hain, uski baat nahin karte hain lekin karnaatak ki dharni se vaaris bahut nikal sakte hain। (sabhi ne taali bajaai) sirf taali nahin bajaana,nikaal ke dikhaana hai। achhe achhe hain, baapdaada ki najar padti hai lekin teachers ki najar nahin padi hai। suna। paandav,suna। bahut nikal sakte hain। baapdaada ko kone-kone mein yaad aate hain। saara yagya karnaatak ke vaaris chala sakte hain। kya samjha? abhi nikaalna aur bahut sahaj nikal sakte hain। sirf attention nahin diya hai। general seva mein lag gaye hain। personal seva,mansa seva ka chamatkaar vaaris nikaal sakta hai। paalna chaahiye। uthaao,paan ki beeda uthaao। daadi ko kaho ham sahayogi banenge। banaayenge aur banenge। banenge? achha। dekhenge, 6maas mein dekhenge। (teenon daadiyaan aayen) daadiyaan to aa jaayengi, pahle aap nikaalo। daadiyaan aayengi kuchh vaaris taiyaar karo phir daadiyon ko bulaao। aayengi। jo plan banaane chaaho,banaao lekin vaaris nikal sakte hain। paalna deni padegi। teachers yeh ek class karke jaana ki vaaris quality kaise nikaali jaati hai। (daadi jaanki se) yeh class karaana। kya samajhte ho, ho sakta hai। achha, 6maas ka time de rahe hain,dekhenge। dekho kahaan se mike jyaada nikal sakte hain,kahaan se vaaris jyaada nikal sakte hain। hona hi hai। jab samay samaapta hoga to sab niklenge na। niklenge zaroor। suna। sirf kaandh nahin hilaana, karke dikhaana। karnaatak vaale kaandh bahut achha hilaate hain, aise aise karte hain। achha lagta hai। quality bahut hai। achha।

SpARC group -achha, aisa hi plan banaao jo aapki meeting se aap hi apne-apne sthaan par samay ko sameep laane ke example ban jaao। yahi plan bana rahe ho na! ki aane vaale samay mein kya taiyaari chaahiye! baapdaada yahi ishaara dete hain - koi bhi samasya ko saamna karne ke liye sahaj vidhi hai pahle ekaagrata ki shakti। man ekaagra ho jaae, to ekaagrata ki shakti nirnay bahut achha karti hai। iseelie dekho court mein bhi taraaju dikhaate hain। nirnay ki nishaani taraaju isliye dikhaate hain - ekaagra kaanta ho jaata hai। to koi bhi samasya ko jis samay chaaron or halchal ho us samay agar man ki ekaagrata ki shakti ho, jahaan man ko chaaho vahaan ekaagra ho jaae, nirnay ho jaae kis paristhiti mein kaun si shakti kaarya mein laayen, to ekaagrata ki shakti dridhta svatah hi dilaati hai aur dridhta saphalta ki chaabi hai। to aise apne ko ek example banaake auron ko prerna dete raho। theek hai na! achha hai। har ek varga apne seva ki unnati ke umang-utsaah mein achha hai। achha hai aur achha hi hoga। achha hai, sab bhinna-bhinna centre ke achhe-achhe kaarya mein lage hue hain, plan banaane mein। saphalta to hai hi। achha।

achha - sabhi meethi-meethi maataaon ko,kumaariyon ko khaas baapdaada ki duaaon bhari yaadapyaar। maataayen to shringaar hain। maataaon ke bina shringaar nahin hota, na centre ka,na madhuban ka। khaas maataaon ko aage badhaane ke liye baap ko aana pada। agar maataaon ko uthaayenge to saara haal khada ho jaayega, isliye baithe raho।

aaj paandav bhi kam nahin hain,aadha-aadha hai। achha hai, dekho vijay ka gaayan paandavon ka hai। shaktiyon ka gaayan shakti dene ka hai। to paandav naam hi vijay ki smriti dilaate hain। iseelie har ek paandav ko apne mastak mein vijay ka tilak sada smriti mein rakhna chaahiye।

achha - bachche bhi aaye hain। bachche kehte hain ham nahin rah jaayen। bachchon se bhi shrringaar hai। chhote-chhote bachche bhi,baapdaada ne suna ki kai bachche, maa-baap ko gyaan mein le aaye hain। vaah! bachche vaah! parivaar ke kalyaan ke liye bachche nimitta ban jaate hain। to bachchon ki bhi balihaari hai।

achha। sabhi teachers to hain hi baapdaada ke right hands। paandav left hand nahin hain, paandav bhi right hand hain। left hand to doosre hain, aap sab right hands ho। teachers ko abhi saakshaatkaar moorta banna hai। abhi thoda sa yeh `main'ko aaj full surrender karenge na to saakshaatkaar hone shuru ho jaayenge। yeh main pan ka parda thoda aage aa jaata hai,yeh parda hat jaayega to har ek se baap ka saakshaatkaar hoga। tab yeh naara lagega - saakshaat baap aa gaye, aa gaye, aa gaye। saakshaatkaar divya drishti se nahin, saakshaat roop ka saakshaatkaar hoga। sabke mukh se ek hi aavaaj niklega - yeh to saakshaat baap hain। aisi taiyaari kar rahe ho na! achha।

sarva saakshaat baap moorta shreshtha aatmaon ko,sada umang-utsaah mein rahne vaale baap ke sameep aatmaon ko,sada sarva kadam baap samaan karne vaale bachchon ko, chaaron or ke brahman janma ke mubaarak paatra bachchon ko, sada ekaagrata ki shakti sampanna aatmaon ko baapdaada ka yaadapyaar aur padmaapadmaguna janma mubaarak ho, mubaarak ho, mubaarak ho aur namaste।

daadiyon se - (gujraat ki seva ka samaachaar sunaaya-sab ekmat ho gaye jo 28 din mein itna bada programme kiya)pratyaksha swaroop to dekh liya na - ki sankalp mein kitni shakti hai। vyartha se chhutti ho gai। ekta aa gai। seva aur yog donon achhe chal rahe hain। (thake bhi nahin) seva ka chart chaaron or ka achha hai,abhi sirf sabko sampanna banaao। karnaatak bahut kuchh kar sakta hai। sirf paalna chaahiye vahaan। (karnaatak mein bahut centre hain) centre to kya lekin hastiyaan bhi hain। koi karke dikhaave, karnaatak mein koi seva karke dikhaave। kar sakte hain,plan banaao। achha hai। baaki aap (daadi) to hain hi sada bhujaaon mein। bhujaaon mein samaai hui rehti hain। baapdaada ki sahayogi bhujaayen bhi ho aur bhujaaon mein hi rehti ho। seva ke liye bhujaayen ho aur rahne ke liye bhujaaon mein ho। achha - daadiyaan kah rahi hain, ham bhujaayen bhi hain, bhujaaon mein bhi hain,tatatvam। aap kahaan rehte ho?baap ki bhujaaon mein rehte ho na,ki baahar nikal jaate ho?jo pyaare hote hain woh sada bhujaaon mein hi rehte hain। aur bhujaayen banke seva mein lag jaate hain। kitne bhaagyavaan ho,bhagwan ki bhujaayen, to bhujaaon ko hi baahubal kaha jaata hai। to baap ki bhujaayen arthaat baap ke bal ki nishaani ho। iseelie deviyon ko,devtaaon ko jyaada bhujaayen hi dikhaai hain। taange nahin dikhaai hain, bhujaayen dikhaai hain। sir bhi raavan ko dikhaaye hain। devi-devtaaon ko bhujaayen dikhaai hain kyonki bhujaayen bal ki nishaani hain। to kitni bhujaayen hain,dekho। achha। first bhujaayen hon। aadi ratnon ne ekta ka theka uthaaya hua hai। ek hai sthaapna ke aadi ratna aur doosre hain seva ke aarambha ke aadi ratna। donon aadi ratnon ka mahattva hai। hai na! seva ke aadi ratna hain na - yeh saamne baithe hain sab। achha hai। samay ko sameep laaven। pravritti vaale aur hi nivritta jyaada rehte hain। dekho, jab se pravritti vaale seva mein aage aaye hain tab se vaayumandal parivartan hua hai। nahin to aap logon se bhaagte the, abhi kehte hain aao,hamaare paas aao। yeh pravritti vaalon ki kamaal hai। aise nahin hai ki pravritti vaale 108 ki maala mein nahin aa sakte hain। man se surrender,surrender ki list mein hi hain। achha।

67veen trimoorti shiv jayanti par pyaare avyakt baapdaada ne apne haston se shiv dhvaj phahraaya aur sabko badhaaeeyaan di।

aaj ke din sabhi ne apne janma din ki mubaarak di aur li aur jhanda bhi lahraaya। lekin abhi woh din jaldi laana hai jo vishwa ke globe ke oopar sarva aatmaayen khadi hokar aap sabke face mein baap ka jhanda dekhen। kapde ka jhanda to nimitta maatra hai lekin ek-ek bachche ka face baap ka chitra dikhaave। aisa jhanda lahraana hai। woh din bhi bahut-bahut-bahut jaldi laana hai,aana hai, aana hai।

om shanti।