Avyakt murli du samedi 25 février 2006

25-02-06om shanti avyakt baapdaadaamdhuban (20-07-25)

“aaj utsav ke din man ke umang-utsaah dvaara maaya se mukta rahne ka vrat lo, merciful ban master muktidaata bano, saath chalna hai to samaan bano''

aaj chaaron or ke ati snehi bachchon ki umang-utsaah bhari meethi-meethi yaadapyaar aur badhaaeeyaan pahunch rahi hain। har ek ke man mein baapdaada ke janma din ki umang bhari badhaaeeyaan samaai hui hain। aap sabhi bhi vishesh aaj badhaaeeyaan dene aaye ho va lene aaye ho? baapdaada bhi har ek sikeeldhe laadle bachchon ko, bachchon ke janma din ki padam-padam-padamguna badhaaeeyaan de rahe hain। aaj ke din ki visheshta jo saare kalpa mein nahin hai woh aaj hai jo baap aur bachchon ka janma din saath-saath hai। isko kaha jaata hai vichitra jayanti। saare kalpa mein chakra lagaake dekho aisi jayanti kabhi manaai hai! lekin aaj baapdaada bachchon ki jayanti mana rahe hain aur bachche baapdaada ki jayanti mana rahe hain। naam to shiv jayanti kehte hain lekin yeh aisi jayanti hai jo is ek jayanti mein bahut jayanti samaai hui hain। aap sabhi ko bhi bahut khushi ho rahi hai na ki ham baap ko mubaarak dene aaye hain aur baap hamko mubaarak dene aaye hain kyonki baap aur bachchon ka ikattha janma din hona yeh ati pyaar ki nishaani hai। baap bachchon ke sivaae kuchh kar nahin sakte aur bachche baap ke sivaae nahin kar sakte। janma bhi ikattha hai aur sangamayug mein rehna bhi ikattha hai kyonki baap aur bachche combined hain। vishwa kalyaan ka kaarya bhi ikattha hai, akela baap bhi nahin kar sakta, bachche bhi nahin kar sakte, saath-saath hai aur baap ka vaayda hai - saath rahenge, saath chalenge। saath chalenge na! vaayda hai na! itna pyaar baap aur bachchon ka dekha hai? dekha hai va anubhav kar rahe ho? isliye is sangamayug ka mahatva hai aur isi milan ka yaadgaar bhinna-bhinna melon mein banaaya hua hai। is shiv jayanti ke din bhakta pukaar rahe hain - aao। kab aayenge, kaise aayenge… yahi soch rahe hain aur aap mana rahe hain।

baapdaada ko bhakton ke oopar sneh bhi hai, raham bhi aata hai, kitna kuchh prayatna karte hain, dhoondhate rehte। aapne dhoondha? ya baap ne aapko dhoondha? kisne dhoondha? aapne dhoondha? aap to phere hi pahante rahe। lekin baap ne dekho bachchon ko dhoondh liya, bhal bachche kisi bhi konon mein kho gaye। aaj bhi dekho bhaarat ke anek raajyon se to aaye ho lekin videsh bhi kam nahin hai, 100 deshon se aa gaye hain। aur mehnat kya ki? baap ka banne mein mehnat kya ki? mehnat ki? ki hai mehnat? haath uthaao jisne baap ko dhoondhane mein mehnat ki hai। bhakti mein kiya lekin jab baap ne dhoondh liya, phir mehnat ki? ki mehnat? second mein sauda kar diya। ek shabd mein sauda ho gaya। woh ek shabd kya? “mera''। bachchon ne kaha “mera baba'', baap ne kaha “mere bachche''। ho gaye। sasta sauda hai ya mushkil? sasta hai na! jo samajhte hain thoda-thoda mushkil hai woh haath uthaao। kabhi-kabhi to mushkil lagta hai na! ya nahin? hai sahaj lekin apni kamjoriyaan mushkil anubhav karaati hain।

baapdaada dekhte hain bhakta bhi jo sachche bhakta hain, svaarthi bhakta nahin, sachche bhakta, aaj ke din bade pyaar se vrat rakhte hain। aap sabne bhi vrat to liya hai, woh thode dinon ka vrat rakhte hain aur aap sabne aisa vrat rakha hai jo abhi ka yeh ek vrat 21 janma kaayam rehta hai। woh har varsha manaate hain, vrat rakhte hain, aap kalpa mein ek baar vrat lete ho jo 21 janma na man se vrat rakhna padta, na tan se vrat rakhna padta hai। vrat to aap bhi lete ho, kaun sa vrat liya hai? pavitra vritti, drishti, kriti, pavitra jeevan ka vrat liya hai। jeevan hi pavitra ban gai। pavitrata sirf brahmacharya vrat ki nahin, lekin jeevan mein aahaar, vyavhaar, sansaar, sanskaar sab pavitra। aisa vrat liya hai na? liya hai? kaandh hilaao। liya hai? pakka liya hai? pakka ya thoda-thoda kachcha? achha, ek mahaabhoot kaam, uska vrat liya hai ya aur chaar ka bhi liya hai? brahmachaari to bane lekin chaar jo peechhe hain, uska bhi vrat liya hai? krodh ka vrat liya hai ki woh chhoot hai? krodh karne ki chhutti mili hai? doosra number hai na to koi harja nahin, aise to nahin? jaise maha bhoot ko, mahaabhoot samajhkar man-vaani-karma mein vrat pakka liya hai, aise hi krodh ka bhi vrat liya hai? jo samajhte hain hamne krodh ka bhi vrat liya hai, baal bachche peechhe bhi hain, lobh moh ahankaar lekin baapdaada aaj krodh ka poochh rahe hain, jisne krodh vikaar ka poorn vrat liya hai, mansa mein bhi krodh nahin, dil mein bhi krodh ki feeling nahin, aisa hai? aaj shiv jayanti hai na! to bhakta vrat rakhenge to baapdaada bhi vrat to poochhenge na! jo samajhte hain ki svapna mein bhi krodh ka ansh aa nahin sakta, woh haath uthaao। aa nahin sakta। hai? aata nahin hai? nahin aata hai? (kuchhek ne haath uthaaya) achha, jinhonne haath uthaaya unka photo nikaalo, kyonki baapdaada aapke haath uthaane se nahin maanega, aapke saathiyon se bhi certificate lenge phir prize denge। achhi baat hai kyonki baapdaada ne dekha ki krodh ka ansh bhi hota hai, eershya, jealousy yeh bhi krodh ke baal bachche hain। lekin achha hai himmat jinhonne rakhi hai, unko baapdaada abhi to mubaarak de rahe hain lekin certificate ke baad mein phir prize denge kyonki baap-daada ne jo homework diya, uski result bhi baapdaada dekh rahe hain।

aaj birth de mana rahe ho, to birth de par kya kiya jaata hai? ek to cake kaatte hain, to abhi do maas to ho gaye, abhi ek maas raha hai, is do maas mein aapne vyartha sankalp ka cake kaata? woh cake to bahut sahaj kaat lete ho na, aaj bhi kaatenge। lekin vesta thoughts ka cake kaata? kaatna to padega na! kyonki saath chalna hai, yeh to pakka vaayda hai na! ki saath hain, saath chalenge। saath chalna hai to samaan to banna padega na! agar thoda bahut rah bhi gaya ho, do maas to poore ho gaye, to aaj ke din birth de manaane kahaan-kahaan se aaye ho। plen mein bhi aaye ho, train mein bhi aaye ho, car mein bhi aaye ho, baapdaada ko khushi hai ki bhaag-bhaag karke aaye ho। lekin birth de par pahle gift bhi dete hain, to jo ek maas raha hua hai, holi bhi aane vaali hai। holi mein bhi kuchh jalaaya hi jaata hai। to thoda bahut jo vesta thoughts beej hain, agar beej raha hua hoga to kabhi tana bhi nikal aayega, kabhi shaakha bhi nikal aayegi, to kya aaj ke utsav ke din man ke umang-utsaah se, (man ka umang-utsaah, mukh ka nahin man ka, man ke umang-utsaah se) jo thoda bahut rah gaya hai, chaahe mansa mein, chaahe vaani mein, chaahe sambandh-samparka mein, kya aaj baap ke birth de par baap ko yeh gift de sakte ho? de sakte ho man ke umang-utsaah se? phaayda to aapka hai, baap ko to dekhna hai। jo umang utsaah se, himmat rakhte hain, karke hi dikhaayenge, best banke dikhaayenge, woh haath uthaao। chhodna padega, soch lo। bol mein bhi nahin। sambandh-samparka mein bhi nahin। hai himmat? himmat hai? madhuban vaalon mein bhi hai, foreign vaalon mein bhi hai, bhaaratvaasiyon mein bhi hai kyonki baapdaada ka pyaar hai na, to baapdaada samajhte hain sab ikatthe chalen, koi rah nahin jaaye। jab vaayda kiya hai, saath chalenge, to samaan to banna hi padega। pyaar hai na! mushkil se to nahin haath uthaaya?

baapdaada is sangathan ka, brahman parivaar ka baap samaan mukhda dekhne chaahte hain। sirf dridh sankalp ki himmat karo, badi baat nahin hai lekin sahanshakti chaahiye, samaane ki shakti chaahiye। yeh do shaktiyaan, jismen sahanshakti hai, samaane ki shakti hai, woh krodhmukta sahaj ho sakta hai। to aap brahman bachchon ko to baapdaada ne sarva shaktiyaan vardaan mein di hain, title hi hai master sarvashaktivaan। bas ek slogan yaad rakhna, agar ek maas mein samaan banna hi hai to ek slogan yaad rakhna, vaayde ka hai - na duhkh dena hai, na duhkh lena hai। kai yeh check karte hain ki aaj ke din kisko duhkh diya nahin hai, lekin lete bahut sahaj hain kyonki lene mein doosra deta hai na, to apne ko chhuda dete hain, mainne thode hi kuchh kiya, doosre ne diya, lekin liya kyon? lene vaale aap ho ya dene vaale? dene vaale ne galti ki, woh baap aur drama jaane uska hisaab-kitaab, lekin aapne liya kyon? baapdaada ne result mein dekha hai ki dene mein phir bhi sochte hain lekin le bahut jaldi lete hain isliye samaan ban nahin sakenge। lena nahin hai kitna bhi koi de, nahin to feeling ki beemaari badh jaati hai isliye agar chhoti-chhoti baaton mein feeling badhti hai to vesta thoughts khatma nahin ho sakte phir baap ke saath kaise chalenge! baap ka pyaar hai, baap aapko chhod nahin sakta, saath leke hi jaana hai। manjoor hai? pasanda hai na? pasanda hai to haath uthaao। peechhe-peechhe to nahin aana hai na! agar saath chalna hai to gift deni hi padegi। ek maas sab abhyaas karo, na duhkh lena hai na duhkh dena hai। yeh nahin kehna mainne diya nahin, usne le liya, kuchh to hota hai। pardarshan nahin karna, sva-darshan। he arjun mujhe banna hai।

dekho, baapdaada ne report mein dekha, santushtata ki report abhi majority ki nahin thi, iseelie baapdaada phir ek maas ke liye underline karaate hain। agar ek maas abhyaas kar liya to aadat pad jaayegi। aadat daalni hai। halka nahin chhodna, yeh to hota hi hai, itna to chalega, nahin। agar baapdaada se pyaar hai to pyaar ke peechhe kya sirf ek krodh vikaar ko kurbaan nahin kar sakte? kurbaan ki nishaani hai - pharmaan maanne vaala। vyartha sankalp antim ghadi mein bahut dhokha de sakta hai kyonki chaaron or apne taraph duhkh ka vaayumandal, prakriti ka vaayumandal aur aatmaon ka vaayumandal aakarshan karne vaala hoga। agar vesta thoughts ki aadat hogi to vesta mein hi ulajh jaayenge। to baapdaada ka aaj vishesh yeh himmat ka sankalp hai, chaahe videsh mein rehte, chaahe bhaarat mein rehte, hain to baapdaada ek ke bachche। to chaaron or ke bachche himmat aur dridhta rakh, saphal moorta ban vishwa mein yeh announce karen ki kaam nahin, krodh nahin, ham parmaatma bachche hain। doosron se sharaab chhudaate, beedi chhudaate, lekin baapdaada aaj har ek bachche se krodhmukta, kaam vikaar mukta in do ki himmat dilaake stage par vishwa ko dikhaane chaahte hain। pasanda hai? daadiyon ko pasanda hai? pahli line vaalon ko pasanda hai? madhuban vaalon ko pasanda hai? madhuban vaalon ko bhi pasanda hai। foreign vaalon ko bhi pasanda hai? to jo pasanda cheez hoti hai use karne mein kya badi baat hai। baapdaada bhi extra kirnen dega। aisa naksha dikhaai de ki yeh duaayen dene vaala aur duaayen lene vaala brahman parivaar hai kyonki samay bhi pukaar raha hai, baapdaada ke paas to advance party vaalon ki bhi dil ki pukaar hai। maaya bhi abhi thak gai hai। woh bhi chaahti hai ki abhi humein bhi mukti de do। mukti dete hain lekin beech-beech mein thodi dosti kar dete hain kyonki 63 janma dosta rahi hai na! to baapdaada kehte hain he master muktidaata abhi sabko mukti de do kyonki saare vishwa ko kuchh na kuchh praapti ki anchali deni hai, kitna kaam karna hai kyonki is samay, samay aapka saathi hai, sarva aatmaon ko mukti mein jaana hi hai, samay hai। doosre samay mein agar aap purushaartha bhi karo, to samay nahin hai, isliye aap de nahin sakte। ab samay hai isliye baapdaada kehte hain pahle sva ko mukti do, phir vishwa ki sarva aatmaon ko mukti dene ki anchali do। woh pukaar rahe hain, aapko kya duhkhiyon ki pukaar ka aavaaj nahin aata? agar apne mein hi busy honge to aavaaj sunne nahin aata। baar-baar geet ga rahe hain - duhkhiyon par kuchh raham karo…। abhi se dayaalu, kripaalu, merciful sanskaar bahutkaal se nahin bharenge to aapke jad chitra mein merciful ka, kripa ka, raham ka, daya ka vibration kaise bharega।

double foreigners samajhte hain, aap bhi dvaapar mein merciful banke apne jad chitron dvaara sabko mercy denge na! aapke chitra hain na ya India vaalon ke hi hain? foreigners samajhte hain ki hamaare chitra hain? to chitra kya dete hain? chitron ke paas jaake kya maangate hain? mercy, mercy ki dhun laga dete hain। to abhi sangam par aap apne dvaapar kaliyug ke samay ke liye jad chitron mein vaayumandal bharenge tab aapke jad chitron ke dvaara anubhav karenge। bhakton ka kalyaan to hoga na! bhakta bhi hain to aapki vanshaavli na। aap sabhi great great grand father ki santaan ho। to bhakta hain, chaahe duhkhi hain, lekin hain to aapki hi vanshaavli। to aapko raham nahin aata? aata to hai lekin thoda-thoda aur kahaan busy ho jaate ho। abhi apne purushaartha mein samay jyaada nahin lagaao। dene mein lagaao, to dena lena ho jaayega। chhoti-chhoti baaten nahin, mukti din manaao। aaj ka din mukti divas manaao। theek hai? haan pahli line theek hai? madhuban vaale theek hai?

aaj madhuban vaale bahut pyaare lag rahe hain kyonki madhuban ko follow bahut jaldi karte hain। har baat mein madhuban ko follow jaldi karte hain, to madhuban vaale mukti divas manaayenge na to sabhi follow karenge। aap madhuban nivaasi sabhi master mukti daata ban jaayen। banna hai? achha bahut hain। achha, bahut achhe achhe hain। ummeendavaar hain। kyonki madhuban vaale nearest hain,to nearest vaale dearest bhi hote hain। madhuban vaale dearest ho na। nearest aur dearest bhi ho। aise nahin, aap nahin ho। aap bhi dearest ho lekin yeh nearest rehte hain। to rahne ka laabh hai to karne ka bhi to laabh lenge na। achha। teachers haath uthaao। bahut teachers hain। teachers ko to baapdaada guroobhaai kehte hain। to guroobhaai kya karenge? follow। achha।

aaj birth de ki chaaron or se aaye hue, chaahe card bheje hain, chaahe computer dvaara, email dvaara bheja hai, jinhonne bhi birth de ki mubaarak bheji hai, un sabhi ek-ek bachche ko naam sahit,koi apna naam nahin bhoolna, sabka naam baapdaada ke dil par hai। to har ek apna respond bahut bahut badi dil se sveekaar karna। saugaaten bhi chhoteemoti bheji hain, kaeeyon ne to 70-70 cheezen bheji hain, khuli dil se manaaya hai। un sabhi ko 70 baar to kya, 70 padamguna baar mubaarak ho,mubaarak ho,mubaarak ho। baapdaada ke dil ki duaayen anek baar ki,anginat baar ki sveekaar ho। achha। abhi kya karna hai?

seva ka tarna yu.pi. zone ka hai, saath mein banaaras kshetra ka nepaal bhi hai:-sabhi phaayda achha uthaate hain। zone ko tarna milta hai na to khuli dil se seva ke liye aa jaate hain aur baapdaada bhi khush hote hain ki sabhi ko time tu time golden chance milta hai। to seva mein bahut maja aaya? kamaai jama ki? kitne janmon ke liye kamaai jama ki? 21 janmon ki kamaai jama ki। achha chance lete ho। yu.pi. aadi centre mein ek hai। jab sevaakendra khule hain, to chune hue naamagraami centre mein yu.pi. ka centre tha। ek zone ban gaya। ek centre se zone ban gaya। abhi yu.pi. kya kamaal karegi?yu.pi. mein saadhu santa mahaatmaayen bahut hain, ek taraph yaatru hain, ek taraph mahaatmaayen hain, ek mahaatmaaon ka jhunda, group jaise kuchh samay pahle haridvaar ka group aaya tha,chaahe thode the, lekin mahaamandaleshvar the aise poori yu.pi. banaaras aisa group banaao jo woh group madhuban tak pahunch jaaye। (sabse pahle banaaras se hi group pahuncha tha) thode aaye na, abhi group banaake laao। saare yu.pi. ke ikatthe karke achha group banaakarke laao jo unhon ka sneh milan chale। yeh to ho sakta hai na! to kab tak laayenge?kyonki samay par to koi bharosa nahin। abhi to ek hi samay par teen prakaar ki seva karni hai। mansa bhi, vaani bhi aur sambandh-samparka dvaara arthaat chehre dvaara bhi। aisi fast seva karenge tab vishwa aapke gun gaayega। to suna yu.pi. vaalon ko kya karna hai? paandav sun rahe hain?haath uthaao paandav bahut hain। to karo koi kamaal। kamaal karke dikhaana। baaki achha,vriddhi ho rahi hai aur aage bhi vriddhi hoti rahegi। achha - sabhi ko santushta karne ka punya jama kar liya। santushtata dvaara bahut punya jama hota hai। to santushta rahe,santushta kiya, seva di aur punya jama kiya। to sab khush। fast purooshaartha hai na, slow nahin, fast। achha। baapdaada ko pasanda aaya। itne sangathan mein aaye aur santushta kiya uski mubaarak ho, mubaarak ho,mubaarak ho।

double videshi 1500aaye hain, 100deshon se:-kamaal hai double videshiyon ki। dekho jab videsh mein sthaapna hui to kehte the jigyaasu 5 hi aate hain,jyaada nahin aate। abhi kitne phail gaye ho। total videsh mein kitne sevaakendra hain? (500) abhi to yeh sochte nahin na, jigyaasu kaise banen, vi.aai.pi. kaise aaven, ab to najar ghumaate ho to vi.aai.pi. aa jaate hain। abhi vi.aai.pi. kya hain, sambandh mein laao aur vi.aai.pi. aa jaate hain kyonki aap vi.vi.vi.aai.pi. ho gaye na to woh vi.aai.pi. kuchh bhi nahin hain। baapdaada ko khushi hai ki bhinna-bhinna desh roopi vriksha ki daaliyaan ek chandan ka vriksha ban gaye। abhi 500 culture hai kya! ek hai na! ek hi brahman culture ho gaya। parivaar ko dekhkar kitni khushi hoti hai। itne videsh se ek samay aayenge,yeh sankalp poora ho gaya hai। baapdaada seva se khush hain। mubaarak ho, mubaarak ho, mubaarak ho। aur baapdaada ne suna ki bahut bada programme bana rahe hain। topic bhi baapdaada ko pasanda hai aur jo aapas mein meetings ki hai, uska bhi saar baapdaada ne suna hai। achhi himmat rakh rahe hain,aur jahaan himmat hai vahaan saphalta to hai hi hai। plan bahut achhe-achhe banaaye hain aur yeh bhi achha karte hain dekho sabha ke beech mein saj rahi hain na kumaariyaan। (kumaariyon ne taaj pahna hua hai) aise ho jaao to sabhi dekhen। haan sabhi dekho,dekho kitne achhe lagte hain। is group ki seva bhi achhi hoti hai। lekin kumaariyaan taajdhaari to achhi lag rahi ho, abhi aisi kamaal karke dikhaao jo India mein kumaariyon ka jhunda foreign vaala, kuchh pratyakshata karke dikhaaye kyonki foreign ki kumaariyaan ya kumaar youth ho gaye na, to foreign ke bhi itni kumaariyaanaur kumaar parivartan hue hain, inka bhi aisa file banaao jo yahaan ke vi.aai.pi ko dikhaayen। jaise yahaan banaaya hai na youth ka। yahaan achha banaaya hai, woh dekhna। usse bhi badhiya banaana। lekin banaaya achha hai। spashta ho jaata hai। practical parivartan jo badle nahin, aaj parivartan ka anubhav file mein vi.aai.pi ko dikhaaven aur kal woh badal jaaye, aise nahin karna। pakke। nishchaybuddhi vijayi, aisa group banaana। aur file banaana। bahut seva karega। kyonki baapdaada ka,brahma baap ka aadi se yeh sankalp raha hai ki videsh vaale desh ko jagaayenge। to kamaal karenge। baaki baapdaada seva se khush hain aur bhi badhaao। jaise yahaan lanka vaale bana rahe hain। aise apne aas paas ki area mein bhi kalyaan karte jaao। baapdaada jo nimitta bane hain, lankaavaale,unhon ko bhi mubaarak de rahe hain। achhi seva ka plan bana rahe hain aur aage badh rahe hain। uske liye taali bajaao। achha - badh rahe hain aur sada badhte rahenge। achha।

jo pahle baari aaye hain, chaahe bhaarat vaale chaahe videsh vaale woh utho। bahut achha,apne ghar mein aaye ho, umang-utsaah se aaj ka utsaah manaane aaye ho, mana rahe ho। to sabhi bachchon ko,ek-ek ko bahut-bahut mubaarak ho, mubaarak ho। sabhi yahi lakshya rakho ki bhale aaye last hain, lekin jaana fast aur first hai, aisi kamaal karke dikhaao। achha hai। yeh group bhi achha aaya hai। (jaapaan se kuchh naye vi.aai.pi. aaye hain) foreign seva mein pahla-pahla yahaan hi shuru hua hai - jaapaan vaale lucky ho। pahle-pahle brahman parivaar jaapaan mein hi aaye hain। daadi ko yaad hai na। to jaapaan seva ka aadi sthaan raha। kitna luck hai। aapko sabhi milke mubaarav de rahe hain। bahut achha baith jaao। achha abhi kya karenge?

abhi baapdaada sabhi ko chaahe yahaan sammukh baithe hain, chaahe desh videsh mein door baithe sun rahe hain ya dekh rahe hain, sabhi bachchon ko drill karaate hain। sabhi ready ho gaye। sab sankalp merge kar do, abhi ek second mein man buddhi dvaara apne sweet hom mein pahunch jaao। abhi paramdham se apne sookshm vatan mein pahunch jaao। abhi sookshm vatan se sthool saakaar vatan apne raajya svarga mein pahunch jaao। abhi apne purooshottam sangamayug mein pahunch jaao। abhi madhuban mein aa jaao। aise hi baar-baar svadarshan chakradhaari ban chakra lagaate raho। achha।

chaaron or ke lovely aur lucky bachchon ko,sada svaraajya dvaara sva-parivartan karne vaale raaja bachchon ko, sada dridhta dvaara saphalta praapta karne vaale saphalta ke sitaaron ko,sada khush rahne vaale khushanseeb bachchon ko, baapdaada ka aaj ke janma din ki baap aur bachchon ke birth de ki bahut-bahut baarki, duaayen aur yaadapyaar,aise shreshtha bachchon ko namaste।

daadiyon se:- janma din ki mubaarak। (aapko sabki mubaarak) daadiyon ko dekhkar sab khush ho jaate hain। kyon daadiyaan pyaari lagti hain? kyonki aap sabko pyaar se sahayog deke aage badha rahi hain। daadiyon ki dil mein yahi sankalp rehta ki har ek baap ka bachcha baap ke aage bahut oonche te oonche dikhaai de। ek do ke sangathan ka sahayog milta hai। sahayog bhi yog hi hai। jab aapko daadiyaan umang-utsaah badhaati hain to aapko kaun yaad aa jaata hai? baba। to yog hua na। kyonki baap ki yaad aa jaati hai na। to kitni aatmaon ki duaayen milti hain aap sabko। 21 janma ki duaayen ikatthi ho gai hain। ho gai hain na? 63janma phir duaayen deni padengi। kisse dua maangenge?aapse hi to maangenge। bas drama ko dekho, baap ko dekho aur sada vaah baba ! vaah drama karte chalo! theek hain sabhi? puraane shareeron ko chala rahe hain। puraane shareer bahut valuable hain। to sabhi dekho daadiyaan,sabhi puraane shareeron ko chala rahi hain। aap logon ko bhi inhon ko dekhkar himmat to aati hai ki ham bhi chalen। achha।

baapdaada ne apne haston se jhanda phahraaya tatha sabhi bachchon ko 70 veen trimoorti shiv jayanti ki badhaaeeyaan di। yeh jo jhanda lahraaya, yeh to logon ki seva ke liye lahraaya lekin aapke dil mein baap ke pratyakshata ka jhanda lahar raha hai। jo sada hi lahraata rehta hai। aapke dil mein jo prabhu pyaar ka jhanda lahar raha hai, woh saare vishwa mein aapke dil ka vaayumandal phail raha hai। aur aisa din aana hi hai jo aapke dil ke pyaar ka vaayumandal sabko chumbak ka kaam karega aur sabhi apne mukh se kahenge, aa gaya, aa gaya, hamaara baba aa gaya। abhi to yeh jhanda lahra raha hai, abhi jaldi pratyakshata ka jhanda lahraayenge। kyonki baap ke oopar hak to sabhi bachchon ka lagta hai aur baap ko kuchh na kuchh praapti karaani bhi hai to aapko jeevanmukti,unhon ko mukti, woh mukti mein hi khush hain aap jeevanmukti mein khush hain। aap double hain,jeevan bhi hai mukti bhi hai unhon ko sirf mukti hai। to aise dil mein baap ke pyaar ka jhanda phahraane vaale chaaron or ke bachchon ko mubaarak ho, mubaarak ho।