Avyakt murli du mardi 31 octobre 2006

> 31-10-06 om shanti avyakt baapdaadaamdhuban

“sada snehi ke saath akhanda mahaadaani bano to vighna-vinaashak,samaadhaan swaroop ban jaayenge”

aaj prem ke saagar apne parmaatma prem ke paatra bachchon se milne aaye hain। aap sab bhi sneh ke alaukik vimaan se yahaan pahunch gaye ho na! saadhaaran plen mein aaye ho va sneh ke plen mein udkar pahunch gaye ho? sabhi ke dil mein sneh ki lahren lahra rahi hain aur sneh hi is brahman jeevan ka foundation hai। to aap sabhi bhi jab aaye to sneh ne kheencha na! gyaan to peechhe suna,lekin sneh ne parmaatma snehi bana diya। kabhi svapna mein bhi nahin hoga ki ham parmaatma sneh ke paatra banenge। lekin ab kya kehte ho? ban gaye। sneh bhi saadhaaran sneh nahin hai, dil ka sneh hai। aatmik sneh hai, sachcha sneh hai, nihsvaartha sneh hai। yeh parmaatma sneh bahut sahaj yaad ka anubhav karaata hai। snehi ko bhoolna mushkil hota hai, yaad karna mushkil nahin, bhoolna mushkil hota hai। sneh ek alaukik chumbak hai। sneh sahaj yogi bana deta hai। mehnat se chhuda deta hai। sneh se yaad karne mein mehnat nahin lagti। muhabbat ka phal khaate hain। sneh ki nishaani vishesh chaaron or ke bachche to hain hi lekin double videshi sneh mein daud-daud kar pahunch gaye hain। dekho, 90 deshon se kaise bhaagkar pahunch gaye hain! desh ke bachche to hain hi prabhu prem ke paatra, lekin aaj vishesh double videshiyon ko golden chance hai। aap sabka bhi vishesh pyaar hai na! sneh hai na। sneh hai kitna! kitna?tulna kar sakte ho kisse! koi tulna nahin ho sakti।

aap sabka ek geet hai na - na aasmaan mein itne taare hain, na saagar mein itna jal hai…, behad ka pyaar, behad ka sneh hai। baapdaada bhi snehi bachchon se milne pahunch gaye hain। aap sab bachchon ne sneh se yaad kiya aur baapdaada aapke pyaar mein pahunch gaye hain। jaise is samay har ek ke chehre par sneh ki rekha chamak rahi hai। aise hi ab addition kya karna hai?sneh to hai,yeh to pakka hai। baapdaada bhi certificate dete hain ki sneh hai। abhi kya karna hai?samajh to gaye ho। abhi sirf underline karna hai - sada snehi rehna hai, sada। sometime nahin। sneh hai atoot lekin percentage mein antar pad jaata hai। to antar mitaane ke liye kya mantra hai? har samay mahaadaani, akhandadaani bano। sada daata ke bachche vishwa sevaadhaari samaan। koi bhi samay master daata banne ke bina nahin rahen kyonki kaarya vishwa kalyaan ka baap ke saath-saath aapne bhi madadgaar banne ka sankalp kiya hai। chaahe mansa dvaara shaktiyon ka daan va sahayog do। vaacha dvaara gyaan ka daan do, sahayog do, karma dvaara gunon ka daan do aur sneh samparka dvaara khushi ka daan do, kitne akhanda khazaanon ke maalik, richest in di world ho। akhut aur akhanda khazaane hain। jitne denge utne badhte jaate hain। kam nahin honge, badhenge kyonki vartamaan samay in khazaanon ke majority aap sabke aatmik bhaai aur bahnen pyaasi hain। to kya apne bhaai bahinon ke oopar taras nahin padta! kya pyaasi aatmaon ki pyaas nahin bujhaayenge?kaanon mein aavaaj nahin aata‘‘he hamaare dev deviyaan humein shakti do,sachcha pyaar do’’। aapke bhakta aur duhkhi aatmaayen donon hi daya karo, kripa karo, he kripa ke dev aur deviyaan kahkar chilla rahe hain। samay ki pukaar sunaai deti hai na! aur samay bhi dene ka ab hai। phir kab denge?itna akhut akhanda khazaane jo aapke paas jama hain, to kab denge? kya last time,antim samay denge? us samay sirf anchali de sakenge।

to apne jama hue khazaane kab kaarya mein lagaayenge?check karo har samay koi na koi khazaana saphal kar rahe hain! ismen double phaayda hai,khazaane ko saphal karne se aatmaon ka kalyaan bhi hoga aur saath mein aap sab bhi mahaadaani banne ke kaaran vighna-vinaashak,samasya swaroop nahin,samaadhaan swaroop sahaj ban jaayenge। double phaayda hai। aaj yeh aaya, kal yeh aaya, aaj yeh ho gaya, kal woh ho gaya। vighna-mukta,samasya mukta sada ke liye ban jaayenge। jo samasya ke peechhe samay dete ho, mehnat bhi karte ho,kabhi udaas ban jaate, kabhi ulhaas mein aa jaate, usse bach jaayenge kyonki baapdaada ko bhi bachchon ki mehnat achhi nahin lagti। jab baapdaada dekhte hain, bachche mehnat mein hain,to bachchon ki mehnat baap se dekhi nahin jaati। to mehnat mukta, purooshaartha karna hai lekin kaun sa purooshaartha?kya abhi tak apni chhoti-chhoti samasyaaon mein purooshaarthi rahenge! ab purooshaartha karo akhanda mahaadaani, akhanda sahayogi, braahmanon mein sahayogi bano aur duhkhi aatmaayen, pyaasi aatmaon ke liye mahaadaani bano। ab is purooshaartha ki aavashyakta hai। pasanda hai na! pasanda hai! peechhe vaale pasanda hai! to abhi kuchh change bhi karna chaahiye na, vahi sva prati purooshaartha bahut time kiya। kaise paandav! pasanda hai? to kal se kya karenge? kal se hi shuru karenge ya ab se? ab se sankalp karo - mera samay, sankalp vishwa prati,vishwa ki seva prati। ismen sva ka automatic ho hi jaayega, rahega nahin, badhega। kyon? kisi ko bhi aap uski aashaayen poori karenge, duhkh ke bajaae sukh denge, nirbal aatmaon ko shakti denge,gun denge,to woh kitni duaayen denge। aur duaayen lena sabse lena sabse sahaj saadhan hai, aage badhne ka। chaahe bhaashan nahin karo,programme jyaada nahin kar sakte ho,koi harja nahin, kar sakte ho to aur hi karo। lekin nahin bhi kar sakte ho to koi harja nahin, saphal karo khazaanon ko। sunaaya na - mansa se shaktiyon ka khazaana dete jaao। vaani se gyaan ka khazaana, karma se gunon ka khazaana aur buddhi se samay ka khazaana,sambandh-samparka se khushi ka khazaana saphal karo। to saphal karne se saphalta moorta ban hi jaayenge,sahaj। udte rahenge kyonki duaayen ek lift ka kaam karti hain, seedhi ka nahin। samasya aai, mitaaya, kabhi do din lagaaya,kabhi do ghanta lagaaya,yeh seedhi chadhna hai। duaayen saphal karo, saphalta moorta bano, to lift mein second mein pahunch jaayenge, jahaan chaaho। chaahe sookshm vatan mein pahunchon,chaahe paramdham mein pahuncho, chaahe apne raajya mein pahuncho,second mein। london mein programme kiya tha na one minute। baapdaada to kehte hain one second। one second mein duaaon ki lift mein chadh jaao। sirf smriti ka switch dabaao bas,mehnat mukta।

to baapdaada aaj double videshiyon ka din hai na to pahle double videshiyon ko kis swaroop mein dekhne chaahte hain? mehnat mukta, saphalta moorta, duaaon ke paatra। banenge na? kyonki double videshiyon ka baap se pyaar achha hai, shakti chaahiye lekin pyaar achha hai। kamaal to ki hai na? dekho90 deshon se alag-alag desh,alag-alag rasam-rivaaj lekin 5 hi khandon ke ek chandan ke vriksha ban gaye hain। ek vriksha mein aa gaye hain। ek hi brahman culture ho gaya,abhi hai kya english hai, culture hamaara english hai, nahin na। brahman hai na? jo samajhte hain abhi to hamaara brahman culture hai woh haath uthaao। brahman culture aur addition nahin। ek ho gaye na। iski mubaarak de rahe hain baapdaada ki sabhi ek vriksha ke ban gaye। kitna achha lagta hai! kisi se bhi poochho,America se poochho, Europe se poochho, aap kaun ho? to kya kahenge?brahman hai na! ki nahin,yu.ke. ke hain, African hain, American hain nahin, sab ek brahman ho gaye। ek mat ho gaye, ek swaroop ke ho gaye brahman aur ek mat shreemat। maja aata hai na ismen। maja hai?ki mushkil hai? mushkil to nahin hai na! kaandh hila rahe hain, achha hai।

baapdaada seva mein naveenta kya chaahta hai?jo bhi seva kar rahe ho - bahut-bahut-bahut achhi kar rahe ho, uski to mubaarak hai hi। lekin aage addition kya karna hai? aap logon ke man mein hai na koi naveenta chaahiye। to baapdaada ne dekha, jo bhi programme kiye hain, samay bhi diya hai,aur muhabbat se hi kiya hai,mehnat bhi muhabbat se ki hai aur agar sthool dhan bhi lagaaya hai to woh to padamguna hoke aapke parmaatma bank mein jama ho gaya hai। woh lagaaya kya,jama kiya hai। result mein dekha gaya ki sandesh pahunchaane ka kaarya, parichay dene ka kaarya sabhi ne bahut achha kiya hai। chaahe kahaan bhi kiya, abhi dilli mein ho raha hai, london mein hua aur baapdaada ko double foreigners ka call oph time karte hain,pees oph mind karte hain, yeh sab programme bahut achhe lagte ho। jo bhi aur kaam kar sako karte raho,lekin sandesh milta hai, snehi bhi bante hain,sahayogi bhi bante hain, sambandh mein bhi koi-koi aa jaate hain lekin abhi addition chaahiye- ki jab bhi koi bada programme karte ho usmein sandesh to milta hai, anubhav karke jaayen kuchh, anubhav bahut jaldi aage badhaata hai। jaise yeh call oph time mein, ya pees oph mind mein thoda-thoda anubhav jyaada karte hain। lekin jo bade programme hote hain usmein sandesh to achha mil jaata hai, lekin jo bhi aave uske peeth karke kuchh na kuchh anubhav kare, kyonki anubhav kabhi bhoolta nahin hai aur anubhav aisi cheez hai jo na chaahte hue bhi us taraph kheechenge। to pahle baapdaada kehte hain jo sabhi brahman bhi hain, jo bhi gyaan ki points hain,unka svayan anubhvi bane ho?har shakti ka anubhav kiya hai,har gun ka anubhav kiya hai?aatmik sthiti ka anubhav kiya hai?parmaatma pyaar ka anubhav kiya hai?gyaan samajhna ismen to paas ho, knowledgeful to ban gaye ho,ismen to baapdaada bhi rimaarksa dete hain, theek hai। aatma kya, paramatma kya, drama kya, gyaan to samajh liya hai, lekin jab chaahe jitna samay chaahen, jis bhi paristhiti mein ho, us paristhiti mein aatmik bal ka anubhav ho,parmaatma shakti ka anubhav ho, woh hota hai? jis samay, jitna samay, jaise anubhav karne chaaho vaise hota hai? ki kabhi kaise kabhi kaise? socho aatma hoon, aur phir baar-baar dehbhaan aa jaae,to kya anubhav kaam mein aaya? anubhvi moorta har subject ke anubhvi moorta,har shaktiyon ke anubhvi moorta। to svayan mein bhi anubhav ko aur badhaao, hai,aise nahin ki nahin hai, lekin kabhi-kabhi hai,sometime। to baapdaada sometime nahin chaahte hain, something ho jaata hai, to sometime bhi ho jaata hai kyonki aap sabka lakshya hai, poochhte hain kya banne ka lakshya hai?to kehte ho baap samaan। ek hi javaab sabhi dete ho। to baap samaan, to baap sometime aur something nahin tha, brahma baap sada raazayukta,yogayukta,har shakti mein sada, kabhi-kabhi nahin। anubhav jo hota hai,woh sadaakaal chalta hai, woh sam time nahin hota hai। to svayan anubhvi moorta ban har baat mein, har subject mein anubhvi, gyaan swaroop mein anubhvi, yogayukta mein anubhvi,dhaarna swaroop mein anubhvi। all-round seva mansa vaacha karmana,sambandh-samparka sabmen anubhvi,tab kahenge paas with honour। to kya banne chaahte ho? paas hone chaahte ho ya paas with honour banne chaahte ho? paas karne vaale to peechhe bhi aayenge, aap to toolate se pahle aa gaye ho,chaahe abhi naye bhi aaye hain lekin toolate ka board nahin laga hai। let ka laga hai, toolate ka nahin laga hai। iseelie chaahe koi naye bhi hain lekin abhi bhi teevra purooshaartha kare, purooshaartha nahin teevra,to aage ja sakta hai। kyonki number out nahin hua hai। sirf do number out hue hain, baap aur maa। abhi koi bhi bhaai behen ka teesraanambar out nahin hua hai। bhale aap kahenge daadiyon se bahut pyaar hai,baap ka bhi daadiyon se pyaar hai, lekin number out nahin hua hai। iseelie aap bahut-bahut sikeeldhe, laadle bhaagyavaan ho,jitna udne chaaho udo kyonki dekho jo chhote bachche hote hain na usko baap apni anguli deke chalaata hai, extra pyaar karta hai,aur bade ko anguli se nahin chalaata hai,apne paanv se chalta hai। to naya bhi koi make up kar sakta hai। golden chance hai। lekin jaldi mein jaldi toolate ka board lagna hai,isliye pahle hi kar lo। naye jo aaye hain pahli baari, woh haath uthaao। achha। mubaarak ho। pahle baari apne ghar madhuban mein pahunch gaye ho,isliye baapdaada aur saare parivaar chaahe desh vaale,chaahe videsh vaale sabki taraph se padam-padamguna mubaarak ho।

abhi suna - jitna ho sake yogya aatmaayen dekh karke anubhvi moorta banaao। phir aapko kehna nahin padega,aate raho। aap kahenge nahin aao, to bhi aayenge। anubhav aisi cheez hai। svayan ko bhi anubhav mein badhaao, jitna-jitna anubhav mein aur mahaadaani banke seva mein busy rahenge na, to yeh jo time vesta hota hai na samasyaaon mein,daadiyon ko bhi samay dena padta hai aur apne ko bhi samay dena padta hai,woh samay bach jaayega kyonki samay ke mahatva ko bhi jaante ho,achaanak hona hai। kai bhaai bahinen sochte hain thoda sa ishaara mil jaae na, 10 saal hain, 20 saal hai, kitna hai, lekin baapdaada ne kah diya hai, achaanak hona hai। ever ready rehna hai। fast gati karo abhi - svayan ki bhi,auron ko bhi yogya banaane ki। achha hai,foreign ki seva bhi achhi vriddhi ko praapta kar rahi hai। 90deshon tak pahunch gaye ho,baaki kya raha! 10 to aur badhaao, 100 to ho jaayen। (jayanti behen ne sunaaya, 129 country tak pahunch gaye hain, 100 mein rajistri bhi ho chuki hai,baaki mein kuchh na kuchh baba ka kaarya chal raha hai) achha hai, baapdaada ne aphreeka ka bhi samaachaar suna, woh bhi thode time mein achhi vriddhi kar li hai। achha hai। baapdaada khush hote hain, ki merciful aatmaayen hain। aatmaon ke prati pyaar hai, aur dekho kahaan-kahaan se bachche pahunche hue hain chaahe aur dharma mein bhi chale gaye hain, kitne bikhar gaye hain। to apne parivaarko to dhoondhakar nikaalna hai na। achha kar rahe hain sabhi। abhi dilli mein bhi bada programme,hai to mela common, lekin naye roop se karne se logon ko bhi roochi hoti hai। london ka programme bhi bahut achha kiya,aur itne logon ko parichay bhi mila,abhi jo edresej hain usse kaantaikta karke, jahaan se bhi aaye, jis programme mein bhi koi aate hain to address aur phone zaroor likhaao,chaahe 8-10jagah par rakho,kyonki tabhi unhon ko bula karke, samay de karke phir unko aage badha sakenge। baaki samay ka bigul to achaanak bajna hai,uske pahle apne bhaai bahinon ka kalyaan to karna hai na। taras aata hai na?ab chhoti-chhoti baaton mein time nahin lagaao। jaise dekho makkhi aati hai,machchhar aata hai, thaharne dete ho, phauran uda dete ho,ki baithne denge। achha machchhar bhale aao। koi bhi samasya kya hai? machchhar aur makkhi to hai। phauran bhagaao। unhon ka kaam hai aana,maaya aane ka kaam nahin chhodti hai, lekin brahman bhagaane ke kaam mein kabhi kabhi thodi deri laga dete hain। baaki baapdaada ne sabhi deshon ka kuchh-kuchh parivartan kiya hai, woh likhat dekhi, 5-6 khandon ka dekha। lekin parivartan kiya aur likha hai, uski mubaarak to hai lekin isko avinaashi banaana। aise nahin ki koi chhoti si baat aa gai, parivartan badal jaaye, yeh nahin karna। amarbhav ka vardaan lo। jo parivartan kiya hai, baapdaada ne suna, koi koi ne parivartan achha kiya hai lekin sada shabd ko kabhi nahin bhoolna kyonki maaya bhi sun rahi hai to yeh pratigya kar rahe hain, woh bhi to apna ajmaais karegi na, lekin aap to maayaajeet ho na, maayaajeet tab to jagatjeet banenge। to maaya ko dekh karke,maaya ka aana dekh karke aap yaad karo mera kaam bhagaana hai। woh bhi aapko sikhlaati hai,ki main aana nahin chhodoongi,aap vijay paana nahin chhodo, to kya? abhi chhote-chhote machchhar aur makkhi ko aane nahin dena। sampoorn sthiti ke aage yeh chhoti-chhoti cheezen kya hain!

achha aap sabki pyaari-pyaari meethi daadi sammukh aa gai hai। (video kaanaphrensing se) bahut meetha muskara rahi hai | dekho sabhi haath hilaao, dekhegi vahaan dikhaai dega। achha hai। dekho, daadi ne brahma baap se bhi jyaada samay seva ka part bajaaya hai। to vishesh hero actor hai na। dekho daadi aapko dekh karke sabhi bahut-bahut khush ho rahe hain। (daadi ne sabhi double videshiyon ko khaas yaad dete deevaali ki mubaarak di) dekho,yeh bhi practical divaali hai na,aap practical itne jage hue deepak chamak rahe ho to daadi ko deevaali yaad aa rahi hai। kitni rimjhim hai, ek ek ke mastak mein aatma chamak rahi hai, to yeh deepak kitne achhe hain, avinaashi deepak hain। (daadi ne kaha - sabhi baba-baba kar rahe hain,baba aapki bahut yaad aa rahi hai) abhi jaldi aa jaayegi। dekho,beemaari kitni bhi ho lekin darda ki feeling nahin ho to woh beemaari aaraam deti hai। hero actor hai na,shanti ki devi hai। abhi jaldi aa jaayegi, milegi aap sabse। achha, london ke programme ka jasta A minute group:- bahut achha yeh visheshta achhi rahi jo ek saath aur deshon ne bhi bhaag liya ya dekha bhi, to yeh naveenta achhi rahi aur isko aur bhi refine kar ek hi samay par anek taraph ek hi seva ka aavaaj ho। to yeh achha hai। refine hota jaayega aur badhta jaayega to sabhi ko pata padega ki ek hi samay par ek hi aavaaj chaaron or goonj raha hai,to sabhi ne mehnat bahut achhi ki aur dil se kiya aur visheshta london ki yeh rahi ki badi dil se bephikra hokarke kiya। iski mubaarak ho। koi bhi programme agar badi dil se karte hain to achha hota hai। kya hoga,kaise hoga,yeh kai kai nahin aave, hona hi hai, karna hi hai, saphalta hamaara janma siddha adhikaar hai। to yeh achha result hai। badi dil london ki hai hi। janak bachchi ki badi dil number one hai kyon, kya nahin sochti। aur ho hi jaata hai। sabhi ne dekha hoga to kitna sahaj ho gaya। baapdaada ne suna ki kharcha to hua lekin aur hi bachat hui। bach gaya, aur hi badh gaya, kam nahin hua। to yeh kiski kamaal hai? bade dil ki। kabhi bhi koi bhi programme karo to pahle badi dil karenge to saphalta hogi। to mubaarak hai। badi dil ki aur bade programme ki। baaki refine to hota rahega। addition to hoti rahegi। abhi peeth karna, itne jo aaye, unse kam se kam kuchh to sambandh samparka vaale student to bane na, banenge। (America ki mohini behen ka bahut achha sahayog raha) sabheene milke kiya hai na। achha hai। bahut achha। sangathan ki shakti kamaal karti hi hai। to sangathit hokarke kiya,saphalta hai,saphalta rahegi। thakaavat nahin hui na। khushi ho gai। jab dekha sabha mein raunak ho gai to khushi ho gai। achha। mubaarak ho।

aai.T. group:-achha hai aap logon ke kaarya se sabhi taraph jo samaachaar milta hai to sabhi ki dil khush ho jaati hai kyonki parivaar hai na,to parivaar mein samaachaar milne se khushi hoti hai। to achha kiya hai,chalta to rehta tha kaam,lekin abhi sangathit roop mein mil karke kaayde pramaan kar rahe hain,badha rahe hain,yeh bahut achha banaaya bhi hai aur badhaaya bhi hai। ismen opposition to hogi lekin aap apni position mein dridh hain to opposition khatma ho jaayegi। opposition ho tab to aapko umang aave, yeh karen, yeh karen… to opposition position ko badha leti hai aur saphalta milti bhi hai aur milti rahegi। yeh nishchit hai। kabhi bhi kuchh bhi ho jaae ghabraana nahin, saphalta aapke saath hai। opposition ke saath nahin hai,position vaalon ke saath hai। bahut achha kar rahe hain, har ek desh mein system achhi banaai hai। (aai.T.group ki mukhya mohini behen hain) achha hai, koi kaayde pramaan nimitta banta hai na to jo bhi kaarya hota hai usmein kaayde se phaayda hota hai। achha himmat rakhkar uthaaya hai, iski bahut-bahut mubaarak ho। har ek desh se baapdaada ke paas samaachaar aate rehte hain,kaise aapas mein meeting karte ho, kaise aage ka plan banaate ho woh baapdaada ke paas pahunchte hain iseelie mubaarak ho, mubaarak ho।

aar.si.O group:-achha yeh planning buddhi vaali aatmaayen hain। naye-naye plan banaate rehte ho। chaaron or seva ki vriddhi aur brahman aatmaon mein bhi vriddhi kaise ho, vidhi kya ho, yeh aapas mein milkar jo meeting karte ho woh bahut achha hai। baapdaada ke paas sab samaachaar to usi samay hi pahunch jaate hain, kyonki baap switch on karta hai T.vi. ka to usmein sab dikhaai-sunaai deta hai, to baapdaada ko pasanda hai। aapas mein milke plan aur programme banaate ho aur practical mein laane ka achha purooshaartha karte ho। badhte chalo, badhna hai aur saphalta bachchon ke gale ka haar hai। achha hai। mukhya sabhi ikatthe ho jaate hain to plan bhi aise hi bade achhe bante hain। sabhi desh ke mil jaate hain। achha, bahut achha। badhte raho, udte raho।

seva ke nimitta aur bhi mukhya bahinen baba ke saamne khadi hui:- achha yeh bhinna-bhinna desh ki hain,aapas mein milke bhavishya seva ke plan banaate hain, chaaron or ke vaayumandal ko jaankar, vaayumandal ko bhi ek do ki raay se powerful banaate ho kyonki vaayumandal ka prabhaav bahut jaldi padta hai। to seva ke bhi plan vriddhi ke banaate ho aur phir centres ke bhi vaayumandal ko shaktishaali banaane ke plan jo aapas mein raay salaah karke banaate ho,usse dekha gaya hai ki samay prati samay vaayumandal achha hi banta jaata hai। vriddhi bhi achhi hai aur vidhi bhi achhi hai। aur vidhi ki siddhi bhi hai। to sangathan ki shakti hai na! sangathan ki shakti bahut kamaal karti hai,karna hi hai। aapas ka milna bhi ho jaata hai aur seva ki vriddhi vidhi bhi ho jaati aur ek do ke sameep bhi aa jaate hain। to yeh jo programme banaaya hai, baapdaada ko pasanda hai। aur draamaanusaar aapko madhuban ka bhi chance mil jaata hai। yeh sangathan bahut karke madhuban ke vaayumandal mein hota hai। aur bhi sangathan ki shakti ko badhaate jaao। jab shakti sena apne ko pratyaksha karegi tab baap pratyaksha hoga kyonki shakti aur paandavon ke dvaara hi baap pratyaksha hona hai। to pahle shaktiyaan ya paandav khud apne ko sampoorn pratyaksha karenge tab baap pratyaksha hoga। har ek ke chehre mein baap hi dikhaai dega। itni sangathan mein shakti hai। to achha laga। aap sabhi ko bhi achha lag raha hai na। sangathan ki shakti ko badhaate chalo। baap ko pratyaksha karte chalo। mubaarak ho। achha hai, majority bhaarat ki bahnen hain। dekho, pahle bhaarat gaya hai videsh ko jagaane, abhi videsh bhaarat mein jagaayega। majority bhaarat ki hai। to videsh bhaarat ko kab jagaayenge? yeh aai.T. group jagaayega? achha hai, connection achha ho raha hai।

sarva aphreeka group:- dekho,aphreeka vaalon ko ek baat ki bahut-bahut mubaarak hai - jo vaayda kiya woh poora nibhaaya hai। sangathan ki shakti se ek do ke sahayogi achhe bane hain aur aise desh jahaan apne parivaar ke log pahunch gaye hain, un bhaai bahinon ko dhoondhakar nikaalna, mehnat bhi ki hai, to vidhi bhi achhi ki hai aur samay par saphalta praapta kar li hai, uski bahut-bahut mubaarak ho। achha kiya hai,mehnat achhi ki hai। jo nimitta bane hain na,woh bhi aapas mein sangathit roop mein achhe chale hain aur chal rahe hain, yeh bhi hai na? (jayanti behen ko, aap bhi utho) achha kiya, ek do ka sahayog achha hai। baapdaada ko dikhaaya tha shaktiyaan bhi nimitta hain aur paandav bhi nimitta hain। bahut achha record rakha hai। bahut achha, saphalta ki maala to baapdaada pahna raha hai, woh maala to kya pahnaayenge phir utaar denge lekin saphalta ki maala ek ek ko baapdaada pahna raha hai। achha। padamguna mubaarak ho।

dilli O.aar.si. mein S.em.L ki training karne, karaane vaala group:-achha hai jitna abhyaas karte hain utna punya kamaate hain, doosron ko seva karke parivartan karaana, yeh seva ka punya jama ho jaata hai aur yeh punya vartamaanasmay khushi dilaata hai aur bhavishya mein bhi jama hota hai। jitnon ko karaayenge, kislie kiya hai? karaane ke liye na! to itne saare hand karaane ke liye taiyaar ho gaye। to kitne punya jama honge! seva arthaat punya jama karna, koi bhi group ho। jitne bhi group ne bhinna-bhinna prakaar ki sevaayen ki hain, unhon ka punya jama ho gaya aur jama karte rehna। iseelie seekhe ho na! hoshiyaar ho gaye na! auron ko bhi kara sakenge na? ek do ko aage badhaana, yeh bhi achha kiya,nimitta bane na? nimitta banne vaale ka bhi punya jama hota hai। to baapdaada khush hai, lekin jo seekha hai woh sikhaane mein number one aana। apne tak nahin rakhna। kaam mein lagaana। samay diya hai aur nimitta ka samay liya hai to aur aage badhaana। mubaarak ho, mubaarak ho। bahut achha,jo group mein nahin bhi uthe hain, unhon ko bhi bahut-bahut mubaarak hai। kisi na kisi seva mein to aapka bhi group hai, iseelie in advance mubaarak ho।

achha - abhi second mein jis sthiti mein baapdaada direction de usi sthiti mein second mein pahunch sakte ho! ki purooshaartha mein samay chala jaayega? abhi practice chaahiye second ki kyonki aage jo final samay aane vaala hai, jismen paas with honour ka certificate milna hai, uska abhyaas abhi se karna hai। second mein jahaan chaahe, jo sthiti chaahiye us sthiti mein sthit ho jaaen। to ever ready। ready ho gaye। abhi pahle ek second mein purooshottam sangamayugi shreshtha brahman hoon,is sthiti mein sthit ho jaao… abhi main pharishta roop hoon, double light hoon…, abhi vishwa kalyaankaari ban mansa dvaara chaaron or shakti ki kirnen dene ka anubhav karo। aise saare din mein second mein sthit ho sakte hain! iska anubhav karte raho kyonki achaanak kuchh bhi hona hai। jyaada samay nahin milega। halchal mein second mein achal ban saken iska abhyaas svayan hi apna samay nikaal beech-beech mein karte raho। isse man ka control sahaj ho jaayega। controlling power, ruling power badhti jaayegi। achha - chaaron or ke bachchon ke patra bhi bahut aaye hain,anubhav bhi bahut aaye hain,to baapdaada bachchon ko return mein bahut-bahut dil ki duaayen aur dil ka yaad pyaar padam-padamguna de rahe hain। baapdaada dekh rahe hain - chaaron or ke bachche sun bhi rahe hain,dekh bhi rahe hain। jo nahin bhi dekh rahe hain, woh bhi yaad mein to hain। sabki buddhi is samay madhuban mein hi hai। to chaaron or ve har ek bachche ko naam sahit yaadapyaar sveekaar ho। sabhi sada umang-utsaah ke pankhon dvaara oonchi sthiti mein udte rahne vaale shreshtha aatmaon ko,sada sneh mein lavleen rahne vaale samaaye hue bachchon ko, sada mehnat mukta,samasya mukta, vighna mukta, yogayukta,raazayukta bachchon ko, sada har paristhiti mein second mein paas hone vaale, har samay sarva shakti swaroop rahne vaale master sarvashaktivaan bachchon ko baapdaada ka yaadapyaar aur namaste। aap sabki pyaari daadi ko bhi bahut-bahut duaayen aur yaadapyaar।

daadiyon se:- yeh mukta avastha bhi bahut kaal ki chaahiye। grahchaari ho ya vighna ho, koi bhi aisi cheez na rahe। svadarshan chalaate rahen na,to pardarshan,paraachintan khatma ho jaae। pahle double videshi karke dikhaayen,karenge na?nimitta banke dikhaana। maayaamukta,maaya ko vidaai de do,baap ki badhaaeeyaan milegi। maaya ko sada ke liye vidaai dena arthaat baap ki badhaaeeyaan lena। (daadi ki taraph se mohini behen ne bhaaki pahni) aap sabko pata hai ki aap sabki ek pardaadi bhi hai,to woh bhi bahut meetha part bajaane vaali hai। usne bhi bahut-bahut baap ke saath aap sabko bhi bahut yaad bheji hai aur baapdaada uski himmat par bahut khush hai। koi bhi doctor aata hai,to doctor ko bhi gyaan dene shuru kar deti hai। doctor usko samajhte hain patient aur woh usko gyaan dekarke patience mein rehna sikhaati hai। to woh bhi bahut achha part baja rahi hai aur yaad mein rah karke aage se aage ud rahi hai। bed mein hote bhi ud rahi hai। to sabne yaad di,pardaadi ko to bahut badi yaad chaahiye na। achha। bahut achha। (daadi ki taraph se mohni behen ne aur daadi jaanki ne baapdaada ko bhaaki pahni)aap to bhaaki mein ho, aise auron ko bhi lena padega। (munni behen, eeshu daadi ne bhi khaas yaad di hai) achha–daadi ke saath seva ke nimitta bane hue munni bachchi,doctor ji,aur bhi jo bhaai bahinen dil se seva kar rahe hain,achhi seva kar rahe hain,iseelie dil se seva karne vaalon ko baapdaada dilaaraam ki dil se duaayen bhi hain, yaadapyaar bhi hai। pardaadi ke bhi sevaadhaariyon ko yaadapyaar vishesh baapdaada de rahe hain। aap bhi de rahe ho na? munni,eeshu, paarla ki yogini aur saathi bhi seva achhi kar rahe hain aur hospital mein jo brahman aatmaayen seva kar rahi hain, un sabko yaadapyaar। (munni behen kah rahi hain - 40 saal mein baba pahli baar aisa hua hai jo aap madhuban mein ho ham bambai mein hain)baapdaada aap sabko madhuban mein dekh rahe hain, kahaan bhi ho madhuban mein baap ke saamne ho। saamne hain sirf pharishte roop mein hain। (daadi baba ko bhaaki pahan rahi hai)

videsh ki badi bahinon se:- ek do ke vichaar se,vichaar lekar sangathit roop mein seva mein chal rahe ho iski mubaarak ho। baapdaada ka janma se vardaan hai। (sab tension mukta hain) agar inhon ko tension hoga to doosron ka kya haal hoga! inhon ke peechhe to line hai na। inhon ko to tension svapna mein bhi nahin kyonki line badi hai। yeh to hain lekin vishwa ki bhi line hai,vahi lahar phailegi। health bhi achhi hai, wealth bhi bahut hai,happy bhi hai। sab healthy hain,baapdaada ko khushi hai ki bhaarat ki bahnon ne videsh sambhaal liya hai। (bambai,dilli ki kamaal hai) gujraat bhi hai,gujraat ka naam bhi to rakho na। kaarobaar bhi achhi chal rahi hai। (is baar January maas special hoga)is baar January maas aisa manaao jo vighnamukta ka certificate ho। sabhi ko certificate mile। naveenta karo। naveenta hogi to ud jaayenge। abhi udne ka hi samay hai kyonki achaanak kuchh bhi ho sakta hai,halchal ka samay hai। usmein aap achal। yahi sabko vibration aave ki ham halchal mein hain,yeh achal hain। hona hi hai। achha hai। bahut-bahut mubaarak।

daadi shaantaamni, daadi manohar indra, daadi ratnamohini:-trimoorti madhuban ke nimitta ho,madhuban arthaat usmein sab aa gaya। to nimitta samajhkar chalte chalo, udte chalo। aadi ratna to ho na। to aadi ratna mein aadi dev ke sanskaar automatically bhare hue hain,usko practical mein laao। sabhi aap logon ko dekhke kitne khush ho jaate hain। to khushi de rahe ho, khushi dete rahenge। bahut achha। (daadi shaantaamni)shaantaamni daadi to paanch chidiyaaon mein bhi hai, jo nimitta bani,usmein bhi hai।