Avyakt murli du dimanche 31 décembre 2006

>

31-12-06 om shanti avyakt baapdaadaamdhuban

"naye varsha ki naveenta - ‘‘dridhta aur parivartan shakti se kaaran va samasya shabd ko vidaai de nivaaran va samaadhaan swaroop bano"

aaj navayug rachta baapdaada apne chaaron or ke bachchon se naya varsha aur navayug donon ki mubaarak dene aaye hain। chaaron or ke bachche bhi mubaarak dene pahunch gaye hain। kya sirf naye varsha ki mubaarak dene aaye ho va navayug ki bhi mubaarak dene aaye ho?jaise naye varsha ki khushi hoti hai aur khushiyaan dete hain। to aap brahman aatmaon ko navayug bhi itna yaad hai? navayug naynon ke saamne aa gaya hai? jaise naye varsha ke liye dil mein aa raha hai ki aaya ki aaya, aise hi apne navayug ke liye itna anubhav karte ho ki aaya ki aaya?us navayug ki smriti itni sameep aati hai?woh apne shareer roopi dress chamakti hui saamne nazar aa rahi hai? baapdaada double mubaarak dete hain। bachchon ke man mein, naynon mein navayug ki scene seenriyaan emerge hain, kitna apne navayug mein tan-man-dhan-jan shreshtha hai,sarva praaptiyon ke bhandaar hain। khushi hai ki aaj puraani duniya mein hain aur abhi-abhi apne raajya mein honge! yaad hai apna raajya?jaise aaj double kaarya ke liye aaye ho, puraane ko vidaai dene aur naye varsha ko badhaai dene aaye hain। to sirf puraane varsha ko vidaai dene aaye ho va puraani duniya ke puraane sanskaar,puraane svabhaav, puraani chaal usko bhi vidaai dene aaye ho? puraane varsha ko vidaai dena to sahaj hai, lekin puraane sanskaar ko vidaai dena bhi itna sahaj lagta hai? kya samajhte ho? maaya ko bhi vidaai dene aaye ho va varsha ko vidaai dene aaye hain? vidaai dena hai na! ki thoda pyaar hai maaya se? thoda-thoda rakhne chaahte ho?

baapdaada aaj chaaron or ke bachchon se puraane sanskaar svabhaav se vidaai dilaane chaahte hain। de sakte ho? himmat hai ki sochte ho ki vidaai dene chaahte hain lekin phir maaya aa jaati hai! kya aaj ke din dridh sankalp ki shakti se puraane sanskaar ko vidaai de naye yug ke sanskaar ko,jeevan ko badhaai dene ki himmat hai? hai himmat?jo samajhte hain ho sakta hai, ho sakta hai, va hona hi hai,hai himmat vaale? jo samajhte hain himmat hai woh haath uthaao। himmat hai? achha jinhonne nahin uthaaya hai woh soch rahe hain?double foreigners ne uthaaya haath, jismen himmat hai woh haath uthaao, sabhi nahin। achha,double foreigners to hoshiyaar hain। double nasha hai iseelie। dekhna, baapdaada har maas result dekhega। baapdaada ko khushi hai ki himmat vaale bachche hain। chaturaai se javaab dene vaale bachche hain। kyon?kyonki jaante hain ki ek kadam hamaari himmat ka aur hajaaron kadam baap ki madad ka to milna hi hai। adhikaari ho। hajaar kadam madad ke adhikaari ho। sirf himmat ko maaya hilaane ki koshish karti hai। baapdaada dekhte hain ki himmat achhi rakhte hain, baapdaada dil se mubaarak bhi dete hain lekin himmat rakhte phir saath mein apne andar hi vyartha sankalp utpanna kar lete,kar to rahe hain, hona to chaahiye, karenge to zaroor, pata nahin… pata nahin ka sankalp aana yeh himmat ko kamzor kar deta hai। to to aa jaata hai na, karte to hain, karna to hai… aage udna to hai…। yeh himmat ko hila dete hain। to nahin socho, karna hi hai। kyon nahin hoga! jab baap saath hai,to baap ke saath mein to-to nahin aa sakta।

to is naye varsha mein naveenta kya karenge?himmat ke paanv ko majboot banaao। aisi himmat ka paanv majboot banaao jo maaya khud hil jaaye lekin paanv nahin hile। to naye varsha mein naveenta karenge,ya jaise kabhi hilte kabhi majboot rehte,aise to nahin karenge na! aap sabhi ka kartavya va occupation kya hai? apne ko kya kahlaate ho? yaad karo। vishwa kalyaani, vishwa parivartak, yeh aapka occupation hai na! to baapdaada ko kabhi-kabhi meethi-meethi hansi aati hai। vishwa parivartak title to hai na! vishwa parivartak ho?ya london parivartak, india parivartak? vishwa parivartak ho na, sabhi?chaahe gaanv mein rehte hain chaahe london ya America mein rehte hain lekin vishwa kalyaankaari ho na? ho to kaandh hilaao। pakka na! ki 75percent ho। 75 percent vishwa kalyaani aur 25 percent maaph hai, aise?challenge kya hai aapki?prakriti ko bhi challenge ki hai ki prakriti ko bhi parivartan karna hi hai। to apna occupation yaad karo। kabhi-kabhi apne liye bhi sochte ho - karna to nahin chaahiye lekin ho jaata hai। to vishwa parivartak, prakriti parivartak, sva parivartak nahin ban sakte?to shakti sena kya sochte ho? is varsha mein apna occupation vishwa parivartak ka sva prati va apne brahman parivaar prati,kyonki pahle to charity begins at hom hai na! to apne occupation ka practical swaroop pratyaksha karenge na। sva parivartan jo svayan bhi chaahte ho aur baapdaada bhi chaahte hain, jaante to ho na! baapdaada poochhte hain ki aap sabhi bachchon ka lakshya kya hai? to ek hi javaab dete hain majority ki baap samaan banna hai। theek hai na! baap samaan banna hi hai na, ki dekhenge, sochenge…! to baap bhi yahi chaahte hain ki is naye varsha mein 70 varsha poore ho rahe hain ab 71varsha mein koi kamaal karke dikhaao। sab itni seva ke umang mein bhinna-bhinna programme banaate rehte hain, saphal bhi hote rehte hain, baapdaada ko khushi bhi hoti hai ki mehnat jo karte hain uski saphalta milti hai। vyartha nahin jaati hai lekin kislie seva karte? to kya javaab dete hain? baap ko pratyaksha karne ke liye। to baap aaj bachchon se prash> poochhte hain, ki baap ko pratyaksha to karna hi hai,karenge hi। lekin baap ko pratyaksha karne ke pahle sva ko pratyaksha karo। bolo, shiv shaktiyaan yeh varsha sva ko pratyaksha shiv shakti ke roop mein karenge? karenge?janak bolo?karenge? (karna hi hai) saathi,pahli line doosri line teachers। teachers haath uthaao jo is varsha mein karke dikhaayenge। karenge nahin,karke dikhaana hi hai। achha - sabhi teachers ne uthaaya ya koi ne nahin uthaaya। achha - madhuban vaale। karna hi hai, karna padega। madhuban vaale kyonki madhuban to najdeek hai na। taareekh note kar dena, 31 taareekh hai। time bhi note karna (9bajkar 20minute)। aur paandav sena,paandavon ko kya dikhaana hai! vijayi paandav। kabhi kabhi ke vijayi nahin, hai hi vijayi paandav। hain?dikhaana hai is varsha mein,ki kahenge kya karen? maaya aa gai na,chaahte nahin the aa gai! baapdaada ne pahle bhi kaha hai maaya apna last time tak aana banda nahin karegi। lekin maaya ka kaam hai aana aur aapka kaam kya hai? vijayi banna। to yeh nahin socho, chaahte thode hi hain lekin maaya aa jaati hai। ho jaata hai। ab yeh shabd baapdaada is varsha ke saath, in shabdon ko vidaai dilaane chaahte hain।

12 baje is varsha ko vidaai denge na। to jo ghante bajaao na, aaj jab ghante bajaao to kiska ghanta bajaayenge? din ka, varsha ka ya maaya ki vidaai ka ghanta bajaana। do baaten hain - ek to parivartan shakti, uski kamzori hai। plan bahut achhe banaate ho, aise karenge, aise karenge, aise karenge…। baapdaada bhi khush ho jaate hain, bahut achhe plan banaaye hain lekin parivartan shakti ki kami hone ke kaaran kuchh parivartan hota hai, kuchh rah jaata hai। aur doosri kami hai - dridhta ki। sankalp achhe achhe karte ho,aaj bhi dekho kitne card,kitne anjaam, kitne vaayde dekhe,baapdaada ne dekha hai। bahut patra achhe-achhe aaye hain। (card patra aadi sab stage par saje hue rakhe hain) to karenge, dikhaayenge,hona hi hai,banna hi hai,padam-padamguna yaadapyaar, sab baapdaada ke paas pahuncha hai,aap jo sammukh baithe ho, unhon ke dil ka aavaaj bhi baap ke paas pahuncha। lekin abhi baapdaada in do shaktiyon ke oopar underline kara raha hai। ek dridhta ki kami aa jaati hai। kami ka kaaran,albelaapan,doosre ko dekhne ka। ho jaayega, kar to rahe hain,karenge, zaroor karenge…। baapdaada yahi chaahte hain ki is varsha ek shabd ko vidaai do - sada ke liye। bataayen,bolen?deni padegi। is varsha baapdaada kaaran shabd ko vidaai dilaane chaahte hain, nivaaran ho,kaaran khatma। samasya khatma,samaadhaan swaroop। chaahe svayan ka kaaran ho, chaahe saathi ka kaaran ho, chaahe sangathan ka kaaran ho, chaahe koi circumstance ka kaaran ho,braahmanon ki dictionary mein kaaran shabd,samasya shabd parivartan ho,samaadhaan aur nivaaran ho jaae kyonki bahuton ne aaj amritvele bhi baapdaada se roohrihaan mein yahi baaten ki,ki naye varsha mein kuchh naveenta karen। to baapdaada chaahte hain ki yeh naya varsha aisa manaao jo yeh do shabd samaapta ho jaaen। par-upkaari। svayan kaaran bante hain ya doosra koi kaaran banta hai, lekin par-upkaari aatma ban, merciful aatma ban, shubh bhaavna, shubh kaamna ke dil vaale ban sahayog do, sneh lo।

to is naye varsha ko kya naam denge? pahle har varsha ko naam dete the,yaad hai na?to baapdaada is varsha ko shreshtha shubh sankalp, dridh sankalp, sneh sahayog sankalp varsha - yeh naam nahin, lekin aisa dekhne chaahte hain। dridhta ki shakti, parivartan ki shikta ko sada saathi banaao। koi kuchh bhi negative de lekin jaise aap doosron ko course karaate ho negative ko positive mein badli karo, to kya aap svayan negative ko positive mein change nahin kar sakte? doosra parvash hota hai,parvash par raham kiya jaata hai। aapke jad chitra,aapke hi chitra hai na। bhaarat mein double foreigners ke bhi chitra hain na, jo pooje jaate hain?dilvaala mandir mein to apna chitra dekha hai na! bahut achha। jab aapke jadchitra merciful hain,koi bhi chitra ke aage jaate hain to kya maangate hain?daya karo,kripa karo,raham karo, mercy,mercy… |to sada pahle apne oopar raham karo,phir brahman parivaar ke oopar raham karo, agar koi parvash hai,sanskaar ke vash hai, kamzor hai, us samay besmajh ho jaata hai, to krodh nahin karo। krodh ki report jyaada aati hai। krodh nahin to uske baal bachchon se bahut pyaar hai। rob, rob krodh ka bachcha hai। to jaise parivaar mein hota hai na, bade bachchon se pyaar kam ho jaata hai aur potre dhotron se pyaar jyaada hota hai। to krodh baap hai aur rob aur ulta nasha, nashe bhi bhinnabhinna hote hain, buddhi ka nasha, duty ka nasha, seva ke koi vishesh kartavya ka nasha, yeh rob hota hai। to dayaalu bano,kripaalu bano। dekho, naye varsha mein ek do ka mukh meetha bhi karte hain, badhaai denge, to mukh meetha bhi karaate hain na! to saara varsha kaduvaapan nahin dikhaana। woh mukh meetha karte aap sirf mukh meetha nahin karaate lekin aapka mukhda bhi meetha ho। sada apna mukhda roohaaniyat ke sneh ka ho,muskaraane ka ho। kaduvaapan nahin। majority jab baapdaada se roohrihaan karte hain na to apni sachchi baat suna dete hain aur to koi sunta hi nahin hai। to majority ki result mein aur vikaaron se krodh ya krodh ke baal bachche ki report jyaada hai। to baapdaada is naye varsha mein is kaduvaais ko nikaalne chaahte hain। kaeeyon ne apna vaayda bhi likha hai ki chaahte nahin hain lekin aa jaata hai। to baapdaada ne kaaran sunaaya ki dridhta ki kami hai। baap ke aage sankalp dvaara vachan bhi lete hain, lekin dridhta aisi shakti hai jo duniya vaale bhi kehte hain shareer chala jaae lekin vachan nahin jaae। marna pade, jhukna pade, badalna pade, sahan karna pade, lekin vachan mein dridh rahne vaala har kadam mein saphaltaamoorta hai kyonki dridhta saphalta ki chaabi hai। chaabi hai sabhi ke paas, lekin samay par gum ho jaati hai।

to kya vichaar hai?naya varsha naveenta karni hi hai - sva ke,sahayogiyon ke aur vishwa ke parivartan ki। peechhe vaale sun rahe hain?to karna hai na, yeh nahin sochna pahle to bade karenge na, ham to chhote hain na। chhote samaan baap। har ek bachcha baap ke adhikaari hai,chaahe pahle baari bhi aaye ho lekin mera baba kaha to adhikaari hai। shreemat par chalne ke bhi adhikaari aur sarva praaptiyon ke bhi adhikaari। teachers aapas mein programme banaana, foreign vaale bhi banaana,bhaarat vaale bhi milkar banaana। baapdaada prize denge,kaun sa zone,chaahe foreign ho chaahe india ho,kaun sa zone number one leta hai, usko golden cup denge। sirf apne ko nahin banaana, saathiyon ko bhi banaana kyonki baapdaada ne dekha ki bachchon ke parivartan bina vishwa ka parivartan bhi dheela ho raha hai। aur aatmaayen naye-naye prakaar ke duhkh ke paatra ban rahi hain। duhkh ashaanti ke naye naye kaaran ban rahe hain। to baap abhi bachchon ke duhkh ki pukaar sunte hue parivartan chaahte hain। to he master sukhdaata bachche, duhkhiyon par raham karo। bhakta bhi bhakti kar karke thak gaye hain। bhakton ko bhi mukti ka varsa dilaao। raham aata hai ki nahin? apni hi seva mein,apni hi dincharya mein busy hain? nimitta ho, aise nahin bade nimitta hain,ek ek bachcha jisne mera baba kaha hai,maana hai woh sab nimitta hain। to naye varsha mein ek do ko gift bhi dete hain na। to aap bhakton ki aash poori karo usko gift dilaao। duhkhiyon ko duhkh se chhudaao,muktidhaam mein shanti dilaao - yeh gift do। brahman parivaar mein har aatma ko dil ke sneh aur sahayog ki gift do। aapke paas gift ka stock hai? sneh hai? sahayog hai? mukti dilaane ki shakti hai? jiske paas stock bahut hai, woh haath uthaao। hai stock। stock kam hai? pahli line vaalon ke paas stock kam hai kya? yeh brijmohan haath nahin utha raha hai। stock to hai na, stock hai? sabhi ne uthaaya? stock hai? to stock rakhke kya kar rahe ho? jama karke rakha hai! teachers stock hai na? to do na, phraakdil bano। madhuban vaale kya karenge? hai stock, madhuban mein hai? madhuban mein to chaaron or stock bhara hua hai। to abhi daata bano, jama nahin karo sirf। daata bano, dete jaao। theek hai।

achha - baapdaada dekhenge, har saptaah, har zone, apni result O.ke. ya O.ke. mein line lagaakar bheje। agar nahin hain O.ke. to, aur kuchh nahin likhna,patra koi nahin padhega। bahut lambe patra bhejte hain to padhne ki phursat nahin hoti hai isliye sirf O.ke. likhen aur O.ke. nahin hain, to beech mein line laga den, bas। usi se pata pad jaayega ki abhi margin hai। zone nahin to har ek centre likhe, sabhi seva mein, bhakton ki, duhkhiyon ki, braahmanon ki aapsi, teenon seva mein O.ke. ya line। parivartan shakti, dridhta ki shakti achhi tarah se use karna। achha।

seva ka tarna, dilli,aagra ka hai:-achha hai,dekho sthaapna ke kaarya mein nimitta pahle dilli bani,baambe bhi saath mein thoda-thoda bani,lekin dilli sthaapna ke kaarya mein nimitta bani to sthaapna vaale golden cup lene mein bhi nimitta banenge? banenge?is baari baapdaada golden cup banva rahe hain,kitne lete hain woh dekhenge। lekin dilli ko number one jaana hi hai,aise hai na! jaayenge nahin,jaana hi hai right bol rahe hain to haath uthaao। jaana hi hai ki dekhenge,sochenge,ge ge vaale to nahin hain?bahaadur hain। dekho, baapdaada aur aapki mama ne direct dilli aur baambe ki paalna ki hai। aur jagah gaye hain to thoda-thoda lekin dilli aur baambe mein direct baapdaada, maa ne paalna di hai। to dilli vaalon ko nasha hai na? to ismen bhi number one, kya nahin ho sakta hai! dridh nishchay, nishchit vijayi bana deta hai। dridhta ko use kam karte ho,dekhenge, karenge, ho jaayega, yeh ge ge aa jaati hai। achha hai,dilli vaalon ko example banna chaahiye,jo example banta hai usko final ekjaam mein extra marks mil jaati hain। to marks lene vaale ho na। ho? teachers lengi? achha। abhi kya patra aayega? O.ke. ka ya line vaala? line vaala nahin bhejna। O.ke. bhejenge kyonki dilli ke oopar sabki nazar to hai hi। sabhi braahmanon ko yahi hai ki dilli mein hi raajya karna hai। to aapko dilli ko to pahle poora karna padega na। achha hai। achha aur kya dilli vaale karenge? koi naya plan banaaya hai? kyonki dilli aur baambe donon aadi se abhi tak koi na koi naveenta ke nimitta bante aaye hain। to abhi bhi dilli vaale shortcut aur saphalta jyaada, aisa koi plan nikaalo, jo sabhi karke dikhaaven, kar saken। short bhi ho aur saphalta moorta bhi ho। achha aadhi sabha to dilli lag rahi hai। sankhya bhi bahut hai। to golden cup lene vaale ho na। baapdaada naam rakh de pahla number। rakhen? peechhe vaale, sahayog sabko dena padega। pahle hai sva parivartan, phir hai saathiyon ka parivartan, saathi maana aapas mein 4-5 nahin, dilli nivaasi saathi,phir hai vishwa parivartan, sahayog dena। to achha hai। ek do ko sahayog dete hue, dil ka sneh dete hue badhaate chalo,udaate chalo। achha hai, himmat hai dilli mein। himmat hai lekin sangathit roop mein himmat pratyaksha karke dikhaao। sabki nazar dilli ke oopar jaati hai। achha hai। seva ka shauk rakha hai, iski mubaarak hai। apne punya ka khaata jama kar liya hai। achha।

sindhi group:-sindhi group utho। aap logon ko ek special nasha hai, hai nasha? achha nasha, bura nahin achha nasha hai ki baapdaada ko bhi sindha mein aana pada, to sindhiyon ka kuchh bhaagya hai na। aadi ratna,aadi sthaapna sindh mein hui aur yeh group bada achha banaaya hai। jaise socha hai,to baapdaada ne dekha ki har varsha sangathan roop mein achha group bankar aata hai। vishesh ek do ko umang dilaane vaale achhe hain। ab aapka group kya karega?vishesh sindhi group kya karega?kya karenge?koi kamaal karke dikhaao na। sindhi sammelan to karte rehte ho। aapka group achha hai। aur is group ka ek-ek vishesh kaarya arth nimitta ban sakta hai kyonki majority yugal,yugal hain,akele kam hain। to jahaan yugal yugal aate hain, ekmat hain, woh seva bahut achhi kar sakte hain। example hain na। aap logon ne chhoda nahin hai, parivaar mein rehte hain,ekmat hoke chalte hain to aapke thode se bol bhi seva kar sakte hain। abhi apna group thoda badhaao। abhi chhota bhi nahin hai, beech ka hai, abhi thoda aur badhaao। umang ulhaas mein laao। jaise ek varsha mein ek baari aate ho aise aur naameegraami jo seva ke nimitta ban saken, aise aur bhi apne group mein add karo। (daadi jaanki ne sunaaya ki yeh daadaaraam, daada ratnachanda ka mostali parivaar hai jo saare vishwa mein phaila hua hai) haan yeh prasiddha parivaar hai aur dekho donon parivaar ke jo nimitta banen,ek ratnachanda ki visheshta - kuchh nahin socha, svaaha। umang-utsaah dikhaaya। brahma baap ko follow kiya। to aaj uska parivaar uski duaaon se bahut achha chal raha hai aur raam saavitri dil se seva ke nimitta banen। samay par gupta sahayogi banen, uski duaayen parivaar ko hain। kaam usne kiya aur naam parivaar ko diya hai। yeh unhon ka tyaag hai। uske tyaag ka bhaagya aapko praapta ho raha hai। sangathan achha hai, aapka group baapdaada ko pasanda hai। achha। mubaarak ho। sabhi parivaar ki taraph se bhi baapdaada ki taraph se bhi mubaarak ho, mubaarak ho। achha।

double videshi bachchon ki retreat chal rahi hai:-(bachche geet ga rahe hain - baba ka bachchon se,bachchon ka baba se pyaar hai na) achha hai। jaise bachche umang-utsaah mein apna programme yahaan kar rahe ho, vaise apne-apne shahron mein bhi bachchon ka group badhaao। jo bachcha jyaada mein jyaada bachchon ka group taiyaar karenge,usko prize denge। baapdaada ko bhi bachche achhe lagte hain kyonki bachche dil ke sachche hain। achha - kabhi krodh to nahin karte bachche,kabhi-kabhi karte ho? thoda thoda karte ho?to is varsha apne apne centre mein apni result likhaana phir woh teacher likh karke bhejegi ki in bachchon ne saara saal krodh nahin kiya। aur bahut achha purooshaartha kiya phir prize denge। achha।

double videshi:-foreigners vriddhi bhi kar rahe hain aur bhinna-bhinna desh jo rahe hue hain, usmein umang-utsaah se badh rahe hain,yeh baapdaada ko khushi hai ki practical merciful ban aatmaon ke oopar raham kar rahe hain। seva ka umang bhi hai aur seva ka pratyaksha roop bhi dikha rahe hain। abhi double teevra purooshaartha kar golden cup foreign vaale leven। le sakte hain। sabhi ki taraph se email aayega aapke paas, O.ke. O.ke, jyaada nahin aayega। padhna padta hai na aapko। (daadi jaanki ko), bas sirf O.ke. baap bhi O.ke. vaalon ko gupta mein bahut sneh ki duaaon ki varsha karte hain। vaah! bachche vaah! ka geet gaate hain। chaahe bhaarat vaale, chaahe videsh vaale lekin koi-koi bachche gupta reeti se teevra purooshaartha kar rahe hain aur baapdaada ke paas list bhi hai, bhaarat mein bhi hai videsh mein bhi hai lekin baapdaada abhi bahutkaal dekhne chaahta hai, kar rahe hain lekin bahutkaal chaahiye। to bahutkaal baapdaada note kar rahe hain,ki bahutkaal ke teevra purooshaarthi kaun kaun hain। beech-beech mein agar dheele ho jaate hain to bahutkaal to kat ho jaata hai na iseelie baapdaada list nikaal raha hai, abhi thode hain। banna to sabko hai। bhaarat vaalon ko bhi banna hai, videsh vaalon ko bhi banna hai lekin koi koi gupta achhe hai। baapdaada ginti karte rehte hain, kitne bachche hain aise। abhi bahutkaal par attention rakho। kyonki bahutkaal ke vijayi bahutkaal ka full aadha kalpa ke raajyabhaagya ke adhikaari banenge। agar beech beech mein kiya, aadha samay kiya, pauna samay kiya to praapti raajya bhaagya ki bhi itni hogi। iseelie baapdaada double videshiyon ko vishesh thanks bhi dete hain attention hai,lekin beech beech mein tension bhi aa jaata hai। abhi tension khatma,attention। aisi list mein aa jaao, bahutkaal ke teevra purooshaarthi। kabhi-kabhi vaale nahin, lagaataar। theek hai na। hain, baapdaada dekhte hain ki ummeendavaar sitaare hain। practical stage par aa jaayenge। theek hai na। hai na aise! ummeendavaar sitaare hain na। baap ki aashaaon ke sitaare bachche hain। achha। mubaarak ho, mubaarak ho।

international youth group:-youth group ki visheshta yeh prasiddha hai ki youth jo chaahe woh kar sakte hain। to is varsha aap youth group kya sankalp poora karenge?jo baapdaada ne kaha hai - woh youth group karke dikhaayenge! karenge? nivaaran swaroop। kaaran nahin, nivaaran swaroop। samaadhaan swaroop। aapas mein len-den karte rehte hain na। to yeh lakshya rakhke jaao ki bahutkaal samaadhaan swaroop banke hi udna hai। kaaran aayenge lekin aap youth mein taakat hai kaaran ko nivaaran mein change karna। kya karen, kaaran hai na, yeh youth nahin bol sakta। shaktivaan ho। to theek hai yeh hom work karenge! karenge homework? achha result likhte rehna। O.ke. O.ke. ki result likhna। achha hai। baapdaada ko youth group mein bahut achhi aashaayen hain। kar rahe hain, plan bana rahe hain ab practical mein karke dikhaao,jo bhi aapko dekhe kahe yeh to pharishta hai। pharishta pharishta dikhaai do। pharishte ki chaal udti kala। neeche oopar nahin। udne vaale aur udaane vaale। kamzor ko bhi udaane vaale। neeche aane vaale nahin। to aisa plan banaaya hai! aisa socha hai? koi kamaal karke dikhaana। baaki achha hai har varsha milte ho,yeh bahut achha। umang ulhaas badhta hai। abhi ki result bhi suni hai,kuchh banaaya hai na, chitkiyaan likhi hain, woh bhi suna hai। yeh achha banaaya hai। achha purooshaartha kiya hai। abhi sabhi ki yeh chitki neeche gire ki achhe te achhe hain। percentage nahin, achhe te achhe। ho sakta hai badi baat nahin hai। achha। (sabne vaayda kiya hai ki baba ki aash poora karenge,videsh aur bhaarat mein saath-saath seva karenge, aisa sankalp hai, iska plan banaayenge) achha hai। achha - madhuban ke aap sabhi shrringaar ho। dekho aap jab aate ho madhuban mein to kitna madhuban saj jaata hai। madhuban mein aana achha lagta hai na ki mushkil lagta hai? mehnat lagti hai? lagti hai mehnat ya khushi hoti hai?

achha। abhi har ek apne ko man ke maalik anubhav kar ek second mein man ko ekaagra kar sakte ho? order kar sakte ho? ek second mein apne sweet hom mein pahunch jaao। ek second mein apne raajya svarga mein pahunch jaao। man aapka order maanta hai va halchal karta hai?maalik agar yogya hai, shaktivaan hai, to man nahin maane, ho nahin sakta। to abhi abhyaas karo ek second mein sabhi apne sweet hom mein pahunch jaao। yeh abhyaas saare din mein beech-beech mein karne ka attention rakho। man ki ekaagrata svayan ko bhi aur vaayumandal ko bhi powerful banaati hai। achha।

chaaron or ke ati sarva ke snehi, sarva ke sahayogi shreshtha aatmaon ko, chaaron or ke vijayi bachchon ko, chaaron or ke parivartan shaktivaan bachchon ko, chaaron or ke sada svayan ko pratyaksha kar baap ko pratyaksha karne vaale bachchon ko, sada samaadhaan swaroop vishwa parivartak bachchon ko baapdaada ka yaadapyaar aur dil ki duaayen sveekaar hon। saath mein sabhi bachchon ko jo baap ke bhi sirtaaj hain,aise sirtaaj bachchon ko baapdaada ki namaste।

daadiyon se:- (daadi ji se):-sabhi aapka muskaraata hua chehra dekhna chaahte hain। dekho sabhi muskara rahe hain, aapko dekhkarke sab muskara rahe hain। achha hai,sabhi ko dil se sneh diya hai, isliye sabhi ke dil ka sneh hai aur sneh aapko lift maaphik aage badha raha hai। seedhi nahin chadhne vaali ho,lift mein pahunch jaaogi। sab daadiyon ko dekhkar khush hote hain na। kyonki daadiyon ne nihsvaartha seva ki hai। har ek ko dil ki duaaon se paalna ki hai। chaahe saath rehte hain, chaahe door rehte hain,lekin duaaon ki, sneh ki, ek second ki duaaon ki drishti ya duaaon bhara sankalp paalna kar deta hai। to aap sabhi ko dil hoti hai na daadiyon ki drishti mile,daadiyon ki drishti mile। to yeh visheshta jo daadiyon ne aapko di, usse aap bhi second mein kisi ko sneh dekar khush kar do। kaisa bhi koi ho lekin sneh dil ka,sirf bol ka nahin, baahar ka nahin lekin dil ka sneh kisi ko bhi snehi bana sakta hai। jaise daadiyaan jaldi se dilshikasta nahin hoti - yeh to badalna hi nahin hai, yeh to hona hi nahin hai। sada shubh ummeeden rakhti hain, baapdaada ko follow kiya। baapdaada ke paas pahle baari jab aap aaye to kaise aaye the, 63 janma ke paap ikatthe kiye hue aaye, lekin baapdaada ne aashaaon ke deepak samajh chamakta hua sitaaraabna diya। na ghrina rakhi, na dilshikasta hue, aise aap bhi is varsha kisi se bhi na dilshikasta hona, na thakna, sneh aur sahayog dete rehna। positive mein parivartan karte rehna, negative nahin dekhna। to dekhna is varsha mein hi samay ko sameep le aayenge। aisa vaayumandal banaao। kahaan bhi kisi ke prati koi bhaav aur nahin, shubh bhaavna shubh kaamna। gire hue parvash aatmaon ko apna sahayog deke uthaao। sab uthke udenge। sabko nazar aayenge pharishte hi pharishte ghoom rahe hain। yeh saakshaatkaar hona hai। anubhav karenge pata nahin kahaan pharishton ka jhunda srishti par aa gaya hai hamko uthaane ke liye। ek do ko dekho hi pharishte swaroop mein। yeh phalaana hai, phalaana hai nahin, pharishta hai। theek hai। daadiyon se yeh seekho। shubh bhaavna, shubh kaamna do, stock hai aapke paas,lekin dene mein daata kam bante ho। negative na dekho,na suno,na bolo, na socho। umang-utsaah ke pankhon se udte raho aur udaate raho। achha hai na, daadiyaan stage par aati hain, sabke chehre muskaraane lagte hain। achha। (daadi baba ko kah rahi hain - baba sabka aapse bahut pyaar hai) aapse bhi sabka hajaarguna jyaada pyaar hai।

teenon bade bhaaeeyon se:- madhuban ke bina to gati hi nahin hai। aapse bhi paandavon se, aise unhon ko feeling aaye,yeh daadiyon ko follow karne vaale hain। follow baap ko karte hain lekin nimitta aap sabse feeling aave ki yeh hamko dene vaale hain, sahayog dene vaale hain,dil ka sneh dene vaale hain। kabhi bhi koi dilshikasta ho, to samjhen yeh hamko sahayog dene vaale hain। abhi is roop ko pratyaksha karo। andar hoga lekin abhi pratyaksha karo। theek hai na। kamaal karenge, paandav kam thode hi hain। paandavon ka gaayan bhi vishesh hai। saathi paandav dikhaaye gaye hain। shaktiyon ko maidaan mein dikhaaya gaya hai lekin paandav saathi dikhaaye gaye hain। saath dene vaale aur saath rahne vaale,baap ke saath rahne vaale aur sarva ko saath dene vaale। theek hai। (ramesh bhaai se)tabiyat theek hai,sambhaal karo।(golak bhaai se)athak hai na ya thak jaate ho। khitkhit hoti hai lekin khitkhit ko khushi ke roop mein parivartan karo। maala hai na। number one aur last kuchh to antar hoga na, sab ek jaise to nahin honge। theek hai। theek chal raha hai।

2006 varsha ki vidaai aur 2007ki badhaai

(raatri12 baje ke baad baapdaada ne sabhi bachchon ko naye varsha ki badhaai va mubaarak di)

sabhi ko naye varsha ki padam-padamguna badhaaeeyaan bhi hon,dil ki duaayen bhi hain aur dilaaraam ke dil ki yaadapyaar bhi hai। sada is varsha mein udte rehna aur udaate rehna। sabhi aatmaon ko apne man ki kaamnaayen poorn karne vaale daata ke bachche master daata ban sukh, shanti,pyaar,duaayen dete rehna aur har ek ko baap ka parichay dete hue mukti ka varsa dete rehna। achha - vidaai aur badhaai ke sangam ka vishesh yaadapyaar।