Avyakt murli du samedi 3 mars 2007

>

03-03-07 om shanti avyakt baapdaada madhuban

‘‘parmaatma sang mein, gyaan ka gulaal, gun aur shaktiyon ka rang lagaana hi sachchi holi manaana hai’’

aaj baapdaada apne luckiest aur holiest bachchon se holi manaane aaye hain। duniya vaale to koi bhi utsav sirf manaate hain lekin aap bachche sirf manaate nahin,manaana arthaat banna। to aap holi arthaat pavitra aatmaayen ban gaye। aap sabhi kaun si aatmaayen ho?holi arthaat mahaan pavitra aatmaayen। duniya vaale to shareer ko sthool rang se rangate hain lekin aap aatmaon ne aatma ko kaun se rang mein ranga hai? sabse achhe te achha rang kaunsa hai? avinaashi rang kaunsa hai?aap jaante ho,aap sabne parmaatma sang ka rang aatma ko lagaaya jisse aatma pavitrata ke rang mein rang gai। yeh parmaatma sang ka rang kitna mahaan aur sahaj hai isliye parmaatma sang ka mahatva abhi ant mein bhi satsang ka mahatva hota hai। satsang ka arth hi hai parmaatma sang, jo sabse sahaj hai। sang mein rehna aur oonche te oonche sang mein rehna kya mushkil hai kya? aur is sang ke rang mein rahne se jaise paramatma oonche te ooncha hai vaise aap bachche bhi oonche te oonche pavitra mahaan aatmaayen poojya aatmaayen ban gai। yeh avinaashi sang ka rang pyaara lagta hai na! duniya vaale kitna prayatna karte hain param aatma ka sang to chhodo sirf yaad karne mein bhi kitni mehnat karte hain। lekin aap aatmaon ne baap ko jaana, dil se kaha mera baba। baap ne kaha ‘‘mere bachche’’ aur rang lag gaya। baap ne kaun sa rang lagaaya? gyaan ka gulaal lagaaya,gunon ka rang lagaaya, shaktiyon ka rang lagaaya, jis rang se aap to devta ban gaye lekin ab kaliyug ant tak bhi aapke pavitra chitra dev aatmaon ke roop mein pooje jaate hain। pavitra aatmaayen bahut bante hain,mahaan aatmaayen bahut bante hain,dharma aatmaayen bahut bante hain lekin aapki pavitrata dev aatmaon ke roop mein aatma bhi pavitra banti aur aatma ke saath shareer bhi pavitra banta hai। itni shreshtha pavitrata bani kaise? sirf sang ke rang se। aap sabhi phalak se kehte ho, agar koi aap bachchon se poochhe, paramatma kahaan rehta hai?paramdham mein to hai hi lekin abhi sangam mein paramatma aapke saath kahaan rehta hai? aap kya javaab denge? paramatma ko abhi ham pavitra aatmaon ka diltakhta hi achha lagta hai। aise hai na?aapke dil mein baap rehta,aap baap ke dil mein rehte। rehte hain? haath uthaao jo rehta hai? rehte hain? achha। bahut achha। phalak se kehte ho paramatma ko mere dil ke sivaae aur kahaan achha nahin lagta hai kyonki combined rehte ho na! combined rehte ho na! kai bachche combined kehte hue bhi sada baap ki company ka laabh nahin lete hain। companion to bana liya hai,pakka hai। mera baba kaha to companion to bana liya lekin har samay company ka anubhav karna,ismen antar pad jaata hai। ismen baapdaada dekhte hain nambarvaar phaayda uthaate hain। kaaran kya hota, aap sabhi achhi tarah se jaante ho।

baapdaada ne pahle bhi sunaaya hai agar dil mein raavan ki koi puraani jaaydaad, puraane sanskaar ke roop mein rah gaye hai to raavan ki cheez paraai cheez ho gai na! paraai cheez ko kabhi bhi apne paas rakha nahin jaata hai। nikaal diya jaata hai। lekin baapdaada ne dekha hai, roohrihaan mein sunte bhi hain ki kya kehte bachche,baba main kya karoon, mere sanskaar hi aise hain। kya yeh aapke hain,jo kehte ho mere sanskaar?yeh kehna right hai ki mere puraane sanskaar hain,meri nature hai, right hai? right hai? jo samajhte hain right hai woh haath uthaao। koi nahin uthaata। to kehte kyon ho? galti se kah dete ho?jab marjeeva ban gaye, aapka abhi surname kya hai? puraane janma ka surname hai va bi.ke. ka surname hai। kya apna likhte ho? bi.ke. ya phalaana, phalaana…?jab marjeeva ban gaye to puraane sanskaar mere sanskaar kaise hue? yeh puraane to paraaye sanskaar hue। mere to nahin hue na! to is holi mein kuchh to jalaayenge na! holi jalaate bhi hain aur rang lagaate bhi hain to aap sabhi is holi par kya jalaayenge? mere sanskaar, yeh apne brahman jeevan ki dictionary se samaapta karna। jeevan bhi ek dictionary hai na! to abhi kabhi svapna mein bhi yeh nahin sochna,sankalp ki to baat hi chhodo lekin puraane sanskaar ko mere sanskaar maanna, yeh svapna mein bhi nahin sochna। ab to jo baap ke sanskaar woh aapke sanskaar,sabhi kehte ho na hamaara lakshya hai baap samaan banna। to sabhi ne apne dil mein yeh dridh sankalp ka apne se pratigya ki?galti se bhi mera nahin kehna। mera mera kehte ho na, to jo puraane sanskaar hain na woh phaayda uthaate hain। jab mera kehte hain to woh baith jaate hain, nikalte nahin hain।

baapdaada sabhi bachchon ko kis roop mein dekhna chaahte hain? jaante to ho, maante bhi ho। baapdaada har ek bachche ko bhrakuti ke takhtansheen,svaraajya adhikaari raaja bachcha, adheen bachcha nahin,raaja bachcha,controlling power, ruling power, master sarvashaktivaan swaroop mein dekh rahe hain। aap apna kaun sa roop dekhte?yahi na,raajya adhikaari ho na! adheen to nahin hain na?adheen aatmaon ko aap sabhi adhikaari banaane vaale ho। aatmaon ke oopar merciful ban adheen se unhon ko bhi adhikaari banaane vaale ho। to aap sabhi bhi holi manaane aaye ho na? baapdaada ko bhi khushi hai ki sabhi sneh ke vimaan dvaara,sabhi ke paas vimaan hai na! hai vimaan? baapdaada ne har brahman ko janmate hi gift di man ke vimaan ki। to man ka vimaan hai sabhi ke paas? achha haath utha rahe hain। theek hai?petrol theek hai? pankh theek hain? start karne ka aadhaar theek hai? check karte ho? aisa vimaan jo teenon lokon mein second mein ja sakta hai। agar himmat aur umang utsaah ke donon pankh yathaartha hain to ek second mein start ho sakta hai। start karne ki chaabi kya hai?mera baba। mera baba kaho to man jahaan pahunchna chaahe vahaan pahunch sakta hai। donon pankh theek hone chaahiye। himmat kabhi nahin chhodni hai। kyon? baapdaada ka vaayda hai, vardaan hai, ek kadam himmat ka aapka aur hajaar kadam madad baap ki। chaahe kaisa bhi kada sanskaar ho,himmat kabhi nahin haaro। kaaran? sarvashaktivaan baap madadgaar hai aur combined hai, sada haajar hai। aap himmat se sarvashaktivaan combined baap ke oopar adhikaar rakho aur dridh raho, hona hi hai, baap mera, main baap ki hoon,yeh himmat nahin bhoolo। to kya hoga? jo kaise karoon, yeh sankalp uthta hai woh kaise shabd badal aise ho jaayega। kaise karoon, kya karoon,nahin। aise hua hi pada hai। sochte ho,karte to hain,hoga, hona to chaahiye, baap madad to dega…। hua hi pada hai,baap bandha hua hai, dridh nishchaybuddhi vaale ko madad dene ke liye। sirf roop thoda change kar dete ho, hak rakhte ho baap ke oopar, lekin roop change kar dete ho। baba aap to madad karenge na! aap to bandhe hue ho na! to na laga dete ho। nishchaybuddhi,nishchit vijay hui padi hai kyonki baapdaada ne har bachche ko janmate hi vijay ka tilak mastak mein lagaaya hai। dridhta ko apne teevra purooshaartha ki chaabi banaao। plan bahut achhe banaate ho। baapdaada jab roohrihaan sunte hain, roohrihaan bahut himmat ki karte ho,plan bhi bade powerful banaate ho lekin plan ko jab practical mein karte ho to plen buddhi hoke nahin karte ho। usmein thoda sa karte to hain,hona to chaahiye…yeh svayan mein nishchay ke saath sankalp nahin,lekin vesta sankalp mix kar dete ho।

abhi samay ke pramaan plen buddhi ban sankalp ko saakaar roop mein laao। jara bhi kamzor sankalp emerge nahin karo। smriti rakho ki abhi ek baar nahin kar rahe hain, anek baar kiya hua sirf repeat kar rahe hain। yaad karo kitni baar kalpa-kalpa vijayi bane hain! anek baar ke vijayi hain,vijay anek kalpa ka janma siddha adhikaar hai। is adhikaar se nishchaybuddhi ban dridhta ki chaabi lagaao, vijay aap brahman aatmaon ke bina kahaan jaayegi! aap braahmanon ka vijay janma siddha adhikaar hai, gale ki maala hai। hai na nasha?nasha hai?hoga,nahin hoga,nahin। hua hi pada hai। itne nishchaybuddhi ban har kaarya karo, vijay nishchit hai hi। aise nishchaybuddhi aatmaayen, hai hi, yeh nahin baapdaada kehte hai ya nahin, hai hi। yahi nasha rakho। the, hain aur honge। to aise holi ho na! holiest to ho। to baapdaada ke gyaan ke gulaal ki holi to khel li, abhi aur kya khelenge?

baapdaada ne dekha ki sabhi ko majority umang-utsaah bahut achha aata hai, yeh kar lenge, yeh kar lenge, yeh ho jaayega। baapdaada bhi bade khush hote hain lekin yeh umang-utsaah sada emerge rahe,kabhi-kabhi merge ho jaata hai, kabhi emerge ho jaata hai। merge nahin ho jaae, emerge hi rahe kyonki aapka utsav poora sangamayug hi utsav hai। woh to kabhi-kabhi utsav iseelie manaate hain, kyonki bahut samay tension mein rehte hain na,to samajhte hain utsaah mein naachen, gaayen, khaayen,to change ho jaae। lekin aap logon ke paas to naachna aur gaana hai hi,har second। aap sada man mein khushi se naachte rehte ho na! ki nahin! naachte hain, naachna aata hai khushi mein? naachna aata hai! jisko aata hai woh haath uthaao। naachna aata hai, achha,mubaarak ho,aata hai to। to sada naachte rehte ho ya kabhi kabhi?

baapdaada ne is varsha ka homework diya tha, do shabd kabhi nahin sochna, sometime,something। woh kiya hai? ki abhi bhi sometime hai? sometime,something khatma। is naachne mein thakne ki to koi baat hi nahin hai। chaahe lete rahe, chaahe kaam karo, chaahe paidal karo, chaahe baitho, khushi ka dance to kar hi sakte ho aur baap ke praaptiyon ka geet bhi ga sakte ho। geet bhi aata hai na,yeh geet to sabhi ko aata hai,mukh ka geet to kisko aata hai kisko nahin aata hai lekin baap ke praaptiyon ka, baap ke gunon ka geet woh to sabko aata hai na। to bas har din utsav hai, har ghadi utsav hai,aur sada naacho aur gaao aur kaam to diya hi nahin hai। yahi to do kaam hain na, naacho aur gaao। to enjoy karo। bojh kyon uthaate?enjoy karo, naacho gaao bas। achha। holi to mana li na! abhi rang ki holi bhi manaayenge? achha aapko hi to bhakta kaapi karenge na! aap bhagwan ke saath holi khelte ho to bhakta bhi holi koi na koi aap devtaaon ke saath khelte rehte hain।

achha,to aaj kai bachchon ke email bhi aaye hain, patra bhi aaye hain,phone bhi aaye hain, jo bhi saadhan hain usse holi ki mubaarak bheji hai। baapdaada ke paas to jab sankalp karte hain na tabhi pahunch jaata hai। lekin chaaron or ke bachche vishesh yaad karte hain aur kiya hai, baapdaada bhi har bachche ko padam padam duaayen aur padamguna dil ki yaadapyaar return mein har ek ko naam sahit visheshta sahit de rahe hain। jab sandeshi jaati hai na to har ek apne apne taraph ki yaaden dete hain। jinhonne nahin bhi di ho na, baapdaada ke paas pahunch gai hai। yahi to parmaatma pyaar ki visheshta hai। yeh ek ek din kitna pyaara hai। chaahe gaanv mein hain, chaahe bahut bade-bade shahron mein hain,gaanv vaalon ki bhi yaad saadhan na hote hue bhi baap ke paas pahunch jaati hai kyonki baap ke paas spiritual saadhan to bahut hain na!

achha - sabhi ne daadi ki yaad bhi bahut-bahut di hai। sabhi ka ek hi sankalp hai ki daadi jaldi se jaldi apne madhuban mein pahunch jaae। baapdaada bhi yahi chaahte hain। daadi bolti nahin hai lekin dil mein sankalp dvaara madhuban ki yaad, braahmanon ki yaad, apni behad seva ke jimmevaari ki yaad rehti hi hai। abhi pyaar se yaad to aap sabhi bahut karte ho। baapdaada dekhte hain ki baapdaada se to sabhi ka pyaar hai lekin daadi se bhi kam nahin hai। pyaar ki yaad to daadi tak pahunchti hai lekin abhi aise shaktishaali,jaise powerful davaai dete hain na,davaai mein bhi power ka pharka hota hai na! to aap sabne sneh ki davaai to bheji hai lekin abhi sab milkar shaktishaali tandaroosta bhav ke dridh sankalp ki kirnen aisi bhejo jo woh kirnen apna kaam shuru kar den। time to thoda lagega lekin yeh aap sab braahmanon ke dil ke sahayog ki kirnen apna kaam dikhaayengi। vahaan kamre ka vaayumandal bhi dil ke shaktishaali vibration kya hua, kya ho raha hai, nahin। ho raha hai। hona hi hai। is umang-utsaah ka,sarva brahman chaahe koi bhi sevaadhaari ka vaayumandal aisa shaktishaali ho,aap sabke dil ke pyaar ka vibration baapdaada ke paas bhi pahunchta hai। jo bhi sevaadhaari seva ke nimitta bante hain, unhon ka sada yahi vibration ho,nishchaybuddhi ban shaktishaali kirnon ki spiritual shakti sada dete raho। seva dil se kar rahe hain,bhaavna bahut achhi hai, abhi shaktishaali sankalp ki dua do। koi bhi vyartha sankalp dil mein laana nahin, kya hoga nahin, achha hona hi hai। achha।

seva ka tarna gujraat ka hai, gujraat ke 6500 aaye hain:-gujraat dar par hai na। gujraat ke saadhe chhah hajaar aa gaye hain, achha hai bhale aaye। gujraat mein baapdaada ne dekha hai ki majority ek to geeta paathshaalaayen bahut hain aur geeta paathshaalaayen chalaane vaale hands bhi bahut hain। aur saath mein gujraat mein seva bhi bahut hai, sevaadhaari hands bhi bahut hain। abhi gujraat kya karegi? sevaadhaari bhi bahut hain,seva bhi bahut hai, abhi nai seva kya karenge? jo kisne nahin ki ho, aisa koi plan banaaya hai? jo kisne nahin ki ho, woh gujraat karke dikhaave। plan banaaya hai? (thoda socha hai, aapas mein milkar karenge) vaise baapdaada sabhi zone ko kehte hain ki aisa koi speaker taiyaar karo, aap speech karo woh nahin,lekin aapki taraph se koi aisa speaker taiyaar ho jiska aavaaj bada ho,bulanda ho। jisko dekh karke anekon ka kalyaan ho jaae। aise hain,har ek zone mein aise hain lekin stage par nahin aaye hain। baapdaada abhi yeh chaahte hain ki brahman backbone hon aur saamne aisi aatmaayen nimitta hon jiska sun karke anekon ke dil mein woh aavaaj lag jaae। kyonki samay ke anusaar har zone ne, jis bhi vidhi se seva ki hai,woh achhi ki hai, baapdaada seva ke nimitta bane hue bachchon ka umang-utsaah dekh karke bhi khush hote hain lekin abhi koi naveenta ho। koi svayan hi nimitta bane aur plan deve ki yeh yeh kar sakte hain। kyonki vargeekran ki seva ko bhi kaaphi samay ho chuka hai। har ek varga se aise koi speaker taiyaar ho, aap topic dete ho us par bhaashan karte hain, nahin। khud umang aave mujhe yeh karna hai। aisa kuchh plan banaao। uska aadhaar hai, svayan nimitta banne vaale second mein vesta ko khatma kar best ka prabhaav vaayumandal mein phailaayen। vesta abhi bhi hai isliye mansa dvaara seva ka respond practical roop mein kam hai। jaise shuru-shuru mein sthaapna ke samay mein dekha brahma baap ka mansa vibration kaeeyon ko ghar baithe saakshaatkaar hone laga, aavaaj gaya koi aaya hai jaao। aise best thoughts ka vaayumandal najdeek la sakta hai। koi bhi vistaar mein nahin jaao, short। jo bhi kaarobaar ki baaten karni to padti hain lekin jahaan tak ho sake vistaar se short karte mansa shaktishaali seva ko badhaao। jaise shikaari jo hoshiyaar hote hain woh aisa teer lagaate jo panchhi teer sahit aake paanv mein padta। yahaan mansa seva aisi powerful ho, jo aatmaon ko praapti ki anubhooti ho,rah nahin sake। mansa shaktishaali se mansa seva ki siddhi praapta honi hai। to gujraat kya karega?mansa seva mein number one hoke dikhaao। sabhi ke liye hai। lekin gujraat ka tarna hai to gujraat ko kah rahe hain lekin abhi mansa svayan ki powerful hone se mansa seva ki result saamne aayegi। jaise vaacha ki pahle nahin thi, abhi vaacha seva ki result saamne aa rahi hai। mehnat to achhi ki hai। baapdaada mehnat, nimitta mehnat ki mubaarak bhi dete hain lekin samay fast hai, abhi bhi samay bahut fast ja raha hai। achha। mubaarak ho, gujraat ko title hai ki bilkul najdeek jaise desh ke hisaab se hain vaise baap ke dil mein bhi najdeek hain। achhe achhe hain, shuru se dekho to nikle bhi achhe achhe,paandav ya shaktiyaan achhe nikle hain। abhi aise speaker taiyaar karo। aap sakaash do aur woh bhaashan karen। achha। bahut achha। padamguna mubaarak hai।

98 deshon se 1200 videshi bhaai bahinen aaye hain:-achha। videshi utho। achha aap bhi haath hilaao। baapdaada ko jab videsh ke bachche aapas mein ikatthe hoke sva-unnati aur seva ki vriddhi donon saath-saath plan banaate hain to baapdaada ko achha lagta hai kyonki videsh mein to bahut alag alag rehte hain lekin yahaan ek to free hoke aate hain doosra sangathan bhi achha hota hai,to sva-unnati aur bhavishya plan achha banaate hain। baapdaada ke paas report to aati hai। samaachaar pahunchta rehta hai। to jo bhi alag alag group banke, kyonki chhote group mein attention jaata hai, najdeek aane ka chance milta hai, to yeh group banaake jo seva ki hai, yeh achhi ki hai। abhi double videshiyon mein purooshaartha ki raphtaar bhi achhi chal rahi hai lekin abhi bhi thodi thodi complain hai,purooshaartha ki taraph attention achha hai, attention dilaate bhi achha hai aur attention dete bhi achha hai sirf usko avinaashi banaane ke liye koi aisa plan banaao jo refreshment vahaan jaane ke baad bhi badhti rahe। seva ke saadhan bhi achhe nikaalte hain,vi.aai.pi. va bhinna-bhinna prakaar ki sevaaon ke jo plan banaate ho woh bhi achha banaaya hai। abhi doosre saal jab aao, abhi to najdeek aa gai hai na season ka। lekin jab doosri baar aao to yeh result dikhaai de ki sabhi itne mansa seva, vaacha seva, sambandh-samparka dvaara seva karmana ho gai na yeh, chehre aur chalan dvaara seva karne mein itne sab busy rehte jo vesta baaton ko aane ke liye margin hi nahin hai। full busy। busy rehte hain lekin full busy। maaya ka aane ka koi margin hi nahin rahe। chaahe sankalp mein,chaahe ek do ke saath sahayog mein aisi result nikal sakti hai। ho sakta hai aise! itne busy ho sakte ho? ho sakte ho? ki time chaahiye?ek saal hai। baapdaada to india mein bhi yahi chaahte,videsh mein bhi yeh chaahte yeh aavaaj ho ki maaya aa nahin sakti। mehnat nahin karni pade। dekho kaun sa zone karta hai? baapdaada ne to pahle hi kaha hai, ki baapdaada diamond cup dene chaahte hain lekin problem proof ho। problem kya hoti hai yeh naamnishaan nahin ho। (baba ne kaha hai to hua hi pada hai) dekho hona to hai hi। aap nahin honge to kaun honge। hona to hai, sirf najdeek laao usko। theek hai na। double foreigners? diamond cup lene vaale ho। baapdaada to sada offer karte hain। lekin ek do ke saathi bhi hon, sirf main theek hoon,nahin। saathi bhi theek hon। (bhaarat aur videsh milkar hi diamond cup lenge) aapke mukh mein gulaabjaamun। hona hi hai। sirf samay ko thoda najdeek laao। result achhi hai। result pahle se kaaphi pharka hai, iski mubaarak hai lekin abhi full nahin hai thodi-thodi feeling hai। abhi full ho jaayenge। baapdaada vatan se bahut badhiya pharishtepan ki saugaat denge। har ek aise anubhav karenge main hoon pharishta, chamakta hua। hona hi hai। achha hai,baith jaao,thak jaayenge। achha।

baapdaada kehte hain aajkal ke jamaane mein doctors kehte hain davaai chhodo, exercise karo। to baapdaada bhi kehte hain ki yuddha karna chhodo, mehnat karna chhodo, saare din mein 5-5 minute man ki exercise karo। one minute mein niraakaari,one minute mein aakaari, one minute mein sab tarah ke sevaadhaari, yeh man ki exercise 5 minute ki saare din mein bhinna-bhinna time karo। to sada tandaroosta rahenge, mehnat se bach jaayenge। ho sakta hai na! ho sakta hai? madhuban vaale, madhuban hai foundation,madhuban ka vibration chaaron or na chaahte bhi pahunch jaata hai। jo madhuban mein ek din koi baat hoti hai na,saare bhaarat mein, jagah jagah mein doosre din pahunch jaati hai। itna madhuban mein koi saadhan lage hue hain, koi baat nahin chhipti, achhi bhi to purooshaartha ki bhi। to madhuban jo karega woh vibration svatah aur sahaj phailega। pahle madhuban nivaasi vesta thoughts ka stop karen, ho sakta hai? ho sakta hai? yeh aage-aage baithe hain na! madhuban nivaasi haath uthaao। to madhuban nivaasi aapas mein koi aisa plan banaao vesta khatma। baapdaada yeh nahin kehte hain ki sankalp hi banda karo। vesta sankalp finish। phaayda to hai nahin। pareshaani hi hai। ho sakta hai? jo samajhte hain madhuban nivaasi,aapas mein meeting karke yeh karenge, woh haath uthaao। karenge karna hai to lamba haath uthaao। do-do haath uthaao। mubaarak ho। baapdaada dil se duaayen de rahe hain। mubaarak dete hain। himmat hai madhuban mein,jo chaahe woh kar sakte hain। kara bhi sakte hain। madhuban ki bahnen bhi hain,bahnen haath uthaao। bada haath uthaao। meeting karna। aap meeting karaana daadiyaan। dekho haath sabhi utha rahe hain। abhi haath ki laaj rakhna। achha।

abhi abhi second mein jo baap brahma ne last mein vardaan diya,niraakaari,nirvikaari,niranhakaari,yeh brahma baap ke last vardaan, ek bahut badi saugaat bachchon ke prati rahi। to kya second mein brahma baap ki saugaat man se sveekaar kar sakte hain? dridh sankalp kar sakte ho ki baap ki saugaat ko sada practical life mein laana hai? kyonki aadi dev ki saugaat kam nahin hai। brahma great-great grand father hai। uski saugaat kam nahin hai। to apne-apne purooshaartha pramaan sankalp karo ki aaj ke din holi arthaat jo beet chuki, ho li, ho gai। lekin ab se saugaat ko baar-baar emerge kar brahma baap ko seva ka return denge। dekho brahma baap ne antim din,antim samay tak seva ki। yeh brahma baap ka bachchon se pyaar, seva se pyaar ki nishaani hai to brahma baap ko return dena arthaat baar-baar jeevan mein di hui saugaat ko revise kar practical mein laana। to sabhi apne dil mein brahma baap se sneh ke return mein sankalp dridh karo, yeh hai brahma baap ke sneh ki saugaat ka return। achha।

chaaron or ke luckiest,holiest bachchon ko sada dridh sankalp ki chaabi practical mein laane vaale himmat vaale bachchon ko, sada apne man ko bhinna-bhinna prakaar ki seva mein busy rakhne vaale, kadam mein padmon ki kamaai jama karne vaale bachchon ko,sada har din utsaah mein rahne vaale, har din ko utsav samajh manaane vaale,sada khushanseeb bachchon ko baapdaada ka yaadapyaar aur namaste।

mohini behen, eeshu behen se:- abhi vahaan bhi (hospital mein bhi) programme banaana, jo bhi kamre mein baitho ya baahar bhi baitho vahaan aur koi baat nahin। aisa vaayumandal banaana jaise woh log saadhnon dvaara kamre ka vaayumandal banaate hain na,to vahaan bilkul aisa shaktishaali vaayumandal ho,jo aave woh second mein ashareeri sthiti ka anubhav kare। isse yeh davaai shaktishaali hai। (kuchh din tabiyat theek rehti hai, phir kuchh na kuchh neeche oopar ho jaata hai) abhi to khel chal raha hai na, abhi yeh vaayumandal,davaai aur dua donon saath-saath ho। (chaaron or centre mein bhi yog chal raha hai) sab taraph vishesh yog mein baithen ya busy bhi hon lekin lakshya woh ho। samjhen hamko yeh seva karni hai। pyaar ka return to yahi hai।

daada vishvartan ne 26 February ko achaanak apna puraana shareer chhod diya

kyonki drama mein koi-koi aatma ko achaanak aur ever ready ka paath pakka karaana hai। dekho, jab chandramni ne shareer chhoda to kuchh samay woh lahar achhi rahi। sabhi achaanak ke paath mein pakke rahe,phir dheere-dheere halka ho gaya। phir yeh jo drama mein part hua yeh vaayumandal mein achaanak aur ever ready ka paath phir se pakka karaane ke nimitta banen। vishvartan ka niraakaari sthiti ka dhyaan achha raha, gupta mein yeh paath pakka tha। iseelie jaldi second mein part poora ho gaya। yeh bhi samay sabhi ko attention khinchaane ke liye nimitta banta hai। sabhi thoda thoda abhi samajhte hain, abhi to time pada hai, yeh lahar abhi honi nahin chaahiye। ever ready rehna chaahiye kyonki bahutkaal ka bhi attention rehna chaahiye। achha।

(daadiyon se):- aapka group to attention vaala hai hi na। attention rehta hai na। achha। aapka attention to rehta hai na,ever ready hai?daada ke sevaadhaari manoj se :- drama ko dekhke khush ho na, drama mein jo bhi hota hai achha hota hai। (daada ki bahut yaad aati hai) yaad bhale aave, unke gun aur unke kartavya yaad aave aur phir follow karo। yaad to aayega hi। bas aagya yahi hai ki follow karo, khush raho khushi baanto।

nirvair bhaai ne daadi ji ka samaachaar sunaaya aur sabhi ki yaad di:-sabhi ko seva ki mubaarak aur yaad dena। (munni behen ne yaad di hai, daadi ji ko jaldi se jaldi madhuban laane ki ichchha hai) jaldi nahin kare,jaldi ka sankalp nahin,bas। vaayumandal ko shaktishaali banaaye। abhi yeh sankalp karo hi nahin। yeh karo - achha hai, achha hai, achha hai। ho jaayega koi baat nahin

ramesh bhaai se:-baambe kya karegi? koi naya plan nikaalo। vargeekran ke programme to hote hi rehte hain koi naya aisa ho jo pratyaksha dikhaai de। kiya aur nikla aur seva shuru kar de, aise abhi turat daan mahaapunya।

bhopaal bhaai, golak bhaai se:- madhuban ke chaaron or bhi powerful vaayumandal banaao। meeting karna, sabhi milke meeting karna। (daadi jaanki se) madhuban vaalon ki meeting karaana।

chandrahaas daada se:-tabiyat achhi hai। achha hai,apni tabiyat ko khud hi samajhke chalaate raho। bade mein bada doctor khud hain।

da.karsan bhaai patel (chairman nirma group):-abhi jaise apne laukik business mein unnati kar rahe ho na,aise abhi yeh aadhyaatmik business bhi karo। paramatma se business karo,bahut easy। jo avinaashi rahe। yeh business to ek janma rahega na lekin woh 21janma ki guarantee hai। to 21 janma karna nahin padega। sirf khaana peena mauj karna padega। to aisa business karo। karne chaahte ho? nimitta bano। aapko dekhkar phir auron mein bhi umang aayega। yahaan tak pahunche ho to avashya koi bhaagya chhipa hua tha jo yahaan pahunch gaye ho। jo bhaagya yahaan le aaya hai। nimitta to koi banega na! kitne baari socha jaana hai, jaana hai, aaj hi kaise pahunche?to yeh bhaagya aapko le aaya। bahut achha kiya।

svaami samarpanaanandagiri ji, puri:-bahut achha hai। saath-saath milke karenge na to aavaaj bulanda hoga। bulanda aavaaj bahuton ke kaanon mein jaayega। achha hai। sab dharma ke netaayen milke karen na to aavaaj bahut jaldi phaile। yeh bhi hona hai। thoda time lag raha hai lekin hona hai। sab milkarke ek hi jhanda lahraayenge।

raakesh mehta, aai.A.S. bijli board dilli:-yahaan bhi dekho aatma light hai aur light house hoke light deni hai। to double light ka gyaan lene vaale bhaagyavaan aatma ho। woh bhi light zaroori hai, yeh bhi light zaroori hai। abhi nimitta banke duhkhi aatmaon ko sukhi karo। tension free life banaao।