Avyakt murli du lundi 31 décembre 2007

>

31-12-07 om shanti avyakt baapdaadaamdhuban

“naye varsha mein akhanda mahaadaani, akhanda nirvighna,akhanda yogi aur sada saphaltaamoorta banna’’

aaj baapdaada apne saamne double sabha ko dekh rahe hain। ek to saakaar mein sammukh baithe hain aur doosre door baithe bhi dil ke sameep dikhaai de rahe hain। donon sabhaaon ki shreshtha aatmaon ke mastak mein aatma deep chamak raha hai। kitna sundar chamakta hua najaara hai। itne sab ek sankalp,ekras sthiti mein sthit parmaatma pyaar mein lavleen ekaagra buddhi se sneh mein samaaye hue kitne pyaare lag rahe hain। aap sabhi bhi aaj vishesh naya varsha manaane ke liye pahunch gaye ho। baapdaada bhi sabhi bachchon ka umang-utsaah dekh chamakte hue aatma deep ko dekh harshit ho rahe hain।

aaj ka din sangam ka din hai। ek varsha ki puraane ki vidaai hai aur naye varsha ki badhaai hone vaali hai। naya varsha arthaat naya umang aur utsaah, sva parivartan ka umang hai, sarva praaptiyon ko svayan mein praapta dekh dil mein utsaah hai। duniya vaale bhi yeh utsav manaate hain, unhon ke liye ek din ka utsav hai aur aap lucky lovely bachchon ke liye sangamayug ka har din utsav hai kyonki khushi ka utsaah hai। duniya vaale to bujhe hue deepak ko jalaake varsha manaate hain aur baapdaada aur aap itne saare chaaron or ke jage hue deepkon ke saath naya varsha ka utsav manaane aaye hain। yeh to reeti rasam manaane ki nimitta maatra karte ho lekin aap sabhi jage hue deepak ho। apna chamakta hua deep dikhaai deta hai na! jo avinaashi deep hai।

to naye varsha mein har ek ne dil mein sva prati,vishwa ki aatmaon prati koi naya plan banaaya hai? 12 baje ke baad naya varsha shuru ho jaayega to is varsha ko vishesh kis roop mein manaayenge?jaise puraana varsha vidaai lega to aap sabne bhi puraane sankalp, puraane sanskaar unhon ko vidaai dene ka sankalp kiya?varsha ke saath-saath aap bhi puraane ko vidaai de naye umang-utsaah ke sankalpon ko practical mein laayenge na! to socho apne mein kya naveenta laayenge? kaun se naye umang-utsaah ki lahar phailaayenge?kaun se vishesh sankalp ka vibration phailaayenge?socha hai? kyonki aap sabhi brahman saare vishwa ki aatmaon ke liye parivartan nimitta aatmaayen ho। vishwa ke foundation ho,poorvaj ho,poojya ho। to is varsha apni shreshtha vritti dvaara kya vibration phailaayenge?jaise prakriti chaaron or kabhi garmi ka, kabhi sardi ka, kabhi bahaar ka vibration phailaati hai। to aap prakriti ke maalik prakritijeet kaun sa vibration phailaayenge?jisse aatmaon ko thode samay ke liye bhi sukh-chain ka anubhav ho। iske liye baapdaada yahi ishaara de rahe hain ki jo bhi khazaane praapta hue hain un khazaanon ko saphal karo aur saphalta swaroop bano। vishesh samay ka khazaana kabhi bhi vyartha na jaaye। ek second bhi vyartha ko kaarya mein lagaao। samay ko saphal karo, har shvaans ko saphal karo, har sankalp ko saphal karo, har shakti ko saphal karo, har gun ko saphal karo। saphaltaamoorta banne ka yeh vishesh varsha manaao kyonki saphalta aapka janma siddha adhikaar hai। us adhikaar ko apne kaarya mein lagaae saphaltaamoorta bano kyonki ab ki saphalta aapke anek janma saath rahne vaali hai। aapke samay saphalta ka praalabdha poora aadhaakalpa saphalta ka phal praapta hoga। ab ke samay ki saphalta ka praalabdha poora samay hi praapta hoga। shvaans ko saphal karne se bhavishya mein bhi dekho aapke shvaans saphalta ka parinaam bhavishya mein sabhi aatmaayen poora samay svastha rehti hain। beemaari ka naam nahin। doctors ki department hi nahin kyonki doctors kya ban jaayenge? raaja ban jaayenge na! vishwa ke maalik ban jaayenge। lekin is samay aap shvaans saphal karte ho aur sarva aatmaon ko svastha rahne ka praalabdha praapta hota hai। aise hi gyaan ka khazaana,uska phal swaroop svarga mein aapke apne raajya mein itne samajhdaar,shaktivaan ban jaate jo vahaan koi vajeer se raay lene ki aavashyakta nahin, svayan hi samajhdaar shaktivaan hote hain। shaktiyon ko saphal karte ho,uski praalabdha vahaan sab shaktiyaan vishesh dharma satta,raajya satta donon hi vishesh shaktiyaan, sattaayen vahaan praapta hongi। gunon ka khazaana saphal karte ho to uski praalabdha devta pad ka arth hi hai divyagundhaari aur saath-saath abhi last janma mein aapki jad moorti ka poojan karte hain to kya mahima karte hain? sarvagun sampanna। to is samay ki saphalta ka praalabdha svatah hi praapta ho jaati। isliye check karo khazaane mile, khazaanon se sampanna hue hain lekin sva prati va vishwa prati kitna saphal kiya? puraane varsha ko vidaai denge to puraane varsha mein kya jama khazaana saphal kiya, kitna kiya? yeh check karna aur aane vaale varsha mein bhi in khazaanon ko vyartha ke bajaae saphal karna hi hai। ek second bhi aur koi khazaana bhi vyartha na jaaye। pahle bataaya hai ki sangam samay ka second, second nahin hai varsha ke baraabar hai। aise nahin samajhna ek second, ek minute hi to gaya, vyartha jaana isko hi albelaapan kaha jaata hai। aap sabka lakshya hai ki baap brahma samaan sampanna aur sampoorn banna hai। to brahma baap ne sarva khazaane aadi se antim din tak saphal kiya, iska pratyaksha pramaan dekha। sampoorn pharishta ban gaya। apni pyaari daadi ko bhi dekha saphal kiya aur auron ko bhi saphal karne ka sada umang utsaah badhaaya। to draamaanusaar vishesh vishwa seva ke alaukik part ke nimitta bani।

to is varsha, kal se har din apna chart rakhna - saphal aur vyartha… kya hua kitna hua?amritvele hi dridh sankalp karna, smriti swaroop banna ki saphalta mera janma siddha adhikaar hai। saphalta mere gale ka haar hai। saphalta swaroop hi samaan banna hai। brahma baap se pyaar hai na। to brahma baap ka sabse jyaada pyaar kisse tha? jaante ho? kisse pyaar tha? murli se। last din bhi murli ka paath miss nahin kiya। samaan banne mein yeh check karna - brahma baap ka jisse pyaar raha, brahma baap ke pyaar ka saboot hai - jisse baap ka pyaar tha usse mera pyaar svatah hi sahaj hona chaahiye। brahma baap ki aur visheshta kya rahi? sada alert, albelaapan nahin। last din bhi kitna alert roop mein apne seva ka part bajaaya। shareer kamzor hote bhi kaise alert hoke,aadhaar leke nahin baithe aur alert karke gaye। teen baaton ka mantra deke gaye। yaad hai na sabko। to jitna alert rahenge,follow karenge, albelaapan khatma hoga। albelepan ke vishesh bol baapdaada bahut sunte rehte hain। jaante ho na! agar in teen shabdon ko (niraakaari, nirvikaari aur niranhakaari) sada apne man mein revise aur realise karte chalo to automatically sahaj aur svatah samaan ban hi jaayenge। to ek baat saphal karo saphaltaamoorta bano।

doosri baat - baapdaada ne bachchon ki varsha ki result dekhi। kya dekha? mahaadaani bane ho, lekin akhanda mahaadaani, akhanda underline,akhanda mahaadaani, akhanda yogi, akhanda nirvighna abhi iski aavashyakta hai। kya akhanda ho sakta hai? ho sakta hai? pahli line vaale akhanda ho sakta hai? haath uthaao agar ho sakta hai to। jo kar sakta hai,kar sakte ho?madhuban vaale bhi utha rahe hain। baapdaada madhuban vaalon ko pahle dekhta hai। madhuban se pyaar hai। shaantivan ya paandav bhavan ya jo bhi daadi ki bhujaayen hain,sabko dhyaan se dekhte hain। agar akhanda ho gaya, mansa se shakti phailaane ki seva mein busy raho, vaacha se gyaan ki seva aur karma se gundaan va gun ka sahayog dene ki seva।

aajkal chaahe agyaani aatmaayen hain,chaahe brahman aatmaayen hain sabhi ko gun ka daan, gunon ka sahayog dena aavashyak hai। agar svayan sahaj simple roop mein sample banke rahe to automatic doosre ko aapke gunmoorta ka sahayog svatah hi milega। aajkal brahman aatmaayen bhi sample dekhne chaahti hain, sunne nahin chaahti hain। aapas mein bhi kya kehte ho?kaun bana hai?to pratyaksha roop mein gunmoorta dekhne chaahte hain। to karma se vishesh gunon ka sahayog, gunon ka daan dene ki aavashyakta hai। sunne koi nahin chaahta,dekhne chaahta hai। to abhi yeh vishesh dhyaan mein rakhna ki mujhe gyaan se,vaacha se to seva karte hi rehte ho aur karte hi rehna hai, chhodna nahin hai lekin abhi mansa aur karma, mansa dvaara vibration phailaao। sakaash phailaao। vibration va sakaash door baithe bhi pahuncha sakte ho। shubh bhaavna, shubh kaamna dvaara kisi bhi aatma ko mansa seva dvaara vibration va sakaash de sakte ho।

to abhi is varsha ek mansa shaktiyon ka vibration,shaktiyon dvaara sakaash aur karma dvaara gun ka sahayog va agyaani aatmaon ko gundaan, naye varsha mein gift bhi dete ho na। to is varsha svayan gunmoorta ban gunon ki gift dena। gunon ki toli khilaate ho na। milte ho to toli khilaate ho na। toli khilaane mein khush ho jaate hain na। koi aatmaayen, bhaaganti bhi toli ko yaad karte hain। aur bhool jaate hain lekin toli yaad aati hai। to is varsha kaun si toli khilaayenge?gunon ki toli khilaana। gunon ki picnic karna kyonki baap samaan samay ki sameepta pramaan aur daadi ke ishaare pramaan samay ki sampannata achaanak kabhi bhi hona sambhav hai। isliye baap samaan banna hai va daadi ko pyaar ka return dena hai to jo aavashyakta hai - mansa aur karma dvaara sahayogi banne ka, koi kaisa bhi hai yeh nahin socho, yeh banen to main banoon। number one banna hai to bane to banoon, to pahla number to banne vaala ban jaayega। aapka number to doosra ho jaayega। kya aap doosra number banne chaahte hain ki pahla number banne chaahte hain? vaise agar kisko kaho aap doosra number le lo to lenge?sabhi yahi kahenge pahla number lena hai। to pahla nimitta banna hai। doosre ko nimitta kyon banaate ho। apne ko nimitta banaao na। brahma baap ne kya kaha? har baat mein khud nimitta banke nimitta banaaya। he arjun ban part bajaaya। mujhe nimitta banna hai। mujhe karna hai। doosra karega,mujhe dekhke aur karenge। aur ko dekh main karoonga nahin। mujhe dekh aur karenge। yeh brahma baap ka pahla paath hai। to suna kya karna hai?saphalta moorta, saphal saphalta moorta,akhanda daani,maaya ko aane ki himmat hi nahin banengi। jab akhanda mahaadaani ban jaayenge, nirantar sevaadhaari rahenge, busy rahenge, man buddhi sevaadhaari rahega to maaya kahaan aayegi। to abhi is varsha kya banna hai? sabka ek aavaaj nikle dil se, yeh baapdaada chaahta hai, woh kya? no problem, complete। problem nahin lekin complete banna hi hai। dridh nishchaybuddhi,vijaymaala ke najdeek manka banna hi hai। theek hai na! banna hai na! madhuban vaale banna hai। no complain? no complain। haath uthaao himmat rakhne vaale। no problem। vaah! mubaarak ho, mubaarak ho, mubaarak ho।

dekho,nishchay ka pratyaksha pramaan hai roohaani nasha। agar roohaani nasha nahin to nishchay bhi nahin hai। full nishchay nahin hai, thoda bahut hai। to nasha rakho kya badi baat hai! kitne kalpa aap hi baap samaan bane hain, yaad hai? anginat baar bane ho। to yeh nasha rakho ham hi bane hain,ham hi hain aur ham hi baar-baar bante rahenge। yeh nasha sada hi karma mein dikhaai de। sankalp mein nahin, bol mein nahin, lekin karma mein, karma ka arth hai chalan mein, chehre mein dikhaai de। to homework mil gaya। mila na? ab dekhenge nambarvaar mein aate ho ya number one mein aate ho। achha।

baapdaada ke paas card,patra, email,yaad-pyaar kampyatur dvaara bhi bahut aaye hain aur baapdaada door baithe diltakhtansheen bachchon ko, har ek ko naam sahit visheshta sahit yaadapyaar aur dil ki duaayen sammukh emerge kar de rahe hain। baapdaada jaante hain ki yaadapyaar,pyaar to sabko rehta hi hai aur baapdaada sada amritvele vishesh brahman aatmaon ko yaadapyaar ka respond vishesh karta hai। iseelie card bhi achhe achhe banaaye hain, baapdaada ke paas to vatan mein, yahaan rakhte hain lekin vatan mein pahle pahunchte hain। achha।

seva ka tarna yu.pi. zone aur pashchim nepaal ka hai:-baapdaada ne dekha hai, jis bhi zone ka tarna hota hai na to aadha group to vahaan ka hota hai। abhi aap baith jaao aur jo doosre hain is zone ke bina jo aaye hain woh utho। is zone ke bina, achha,aadha-aadha hai,baith jaao। achha chance milta hai na apne seva ke tarna mein kitne bhi laate ho na to khula nimantran milta hai। ek milan ka chance,doosra seva ka chance। to double chance lene vaale। yu.pi. ki visheshta kya hai? pata hai। yu.pi. sikeeldhi hai। kyon sikeeldhi hai?kyon hai sikeeldhi? mama baba ke jyaada chakkar lage hain। jaise baambe, dilli vaise yu.pi. mein bhi chakkar lage hain। yu.pi. mein brahma ka yaadgaar hai na। brahma ka hai। jaise raajasthaan mein pushkar mein brahma ka yaadgaar hai na, aise yu.pi. mein bhi brahma kunda hai aur practical mein brahma baap ne yu.pi. mein seva ki hai। bachchon ko bahut laadapyaar diya hai। jo us samay the, bahut laadapyaar pyaara hai। achha।

abhi yu.pi. naya kya kar rahi hai? baapdaada ne last murli mein kaha tha ki naya koi plan nikaalo। yeh pradarshani,conference,yeh mela,yeh abhi common ho gaye hain। kai baar kai dekh chuke hain to jab sunte hain na mela laga hai, pradarshani lagi hai to kehte hamne dekha hai। samjha nahin samjha lekin dekh to liya na। abhi nai koi invention nikaalo। ab kam kharcha baalaansheen aisi invention nikaalo jo chhota centre bhi kar sake, bada centre bhi kar sake। dekhenge,kaun sa bachcha nai invention karne ke nimitta banta hai। yu.pi. vaale banenge। yu.pi. mein buddhivaan to bahut hain। nikaal sakte hain। yu.pi. ki visheshta doosri hai ki yu.pi. ke seva ke aarambha mein vaaris nikle। achhe achhe vaaris nikle। aise dilli mein bhi nikle hain, baambe mein bhi nikle hain lekin yu.pi. mein bhi nikle hain। abhi karnaatak mein bhi svaarnim karnaatak kar rahe hain baapdaada result dekhenge vaaris kitne nikle, mike kitne nikle?sandesh to mila uski mubaarak hai। aur yu.pi. mein bhakti ka yaadgaar bhi bahut hai। bhakta quality bhi bahut hain। andhashradha vaale bhi hain aur bhaavna vaale bhi hain, donon hain। abhi yu.pi. vaale kamaal dikhaana। sabse pahla number vaaris quality aap nikaalke last tarna par list bhejna phir yahaan se taareekh jaayegi tab le aana। vaaris banaane ki vidhi kya hai? jaante ho na! jo svayan har baat mein anubhav moorta ban unhon ke prati apna dil ka anubhav sunaata nahin hai, lekin apna anubhav ka swaroop unhon ko anubhav karaata hai। woh vaaris bana sakta hai। jo sirf gyaan deta hai woh achha banaata hai lekin achhe te achha nahin banaata hai। achhe te achha hai vaaris quality। to dekhenge last tarna mein kya koi list aati hai। koi bhi kare,nimitta yu.pi. hai lekin koi bhi zone vaaris ki list bheje। number one dekhen kaun banta hai! achha। mubaarak hai yu.pi. vaalon ko। baapdaada ne suna hai ki yagya seva ka part bahut achhi tarah se nibhaaya hai। isliye seva ki bhi mubaarak hai aur saath-saath ji haajir ka paath achha bajaaya,iski bhi mubaarak। achha।

double videshi:- (60deshon se 800bhaai bahinen aaye hain):-achha- bachchon ne to nishaani lagaai hai, achhe hain। bachchon ko chaaklet ki toli di hai। di hai? khilaai hai। kaun hai nimitta। bachchon ko chaaklet achha lagta hai na! aur apne aage udne ki vidhi bhi bataai hai? kaun hai nimitta? bachchon ke liye kaun nimitta hai haath uthaao। to agle varsha yeh bachche aayenge to aur change hoke aayenge na। haan bachche aage aao।

(bachchon ne geet gaaya - baba aap kitne achhe ho, kitne pyaare ho…) achhi mehnat ki hai। abhi doosre saal aayenge to isse bhi aage udte hue udne vaale pharishte banke aayenge। theek hai na! doosre varsha aur progress karke aayenge। achha - suno,kal baapdaada ke taraph se bachchon ko vishesh chaaklet banaake khilaana। achha। double videshi - baapdaada ne kaha tha ki double videshi nahin,abhi double purooshaarthi। to double hain?baapdaada ko yaad hai pahle ki baat ki baapdaada ne kaha tha kabhi bhi videshi jo hain na, woh vaah! vaah! ke bajaae,why why bahut karte hain। why aur aai… aap to nahin karne vaale ho na। aap why kahne vaale ho ya vaah! vaah! kahne vaale ho। vaah! vaah! sada?sada vaah! vaah! kabhi kisi baat mein why nahin। why maana haay। to haay haay nahin,why nahin vaah! vaah!। jo ho raha hai woh bahut achha,jo ho gaya woh usse bhi achha,jo hone vaala hai woh param achha। yeh hai double purooshaartha ki nishaani। no problem vaale ho na। no problem ki thodi-thodi problem hai। achha yahaan problem chhodke jaana,plen mein nahin le jaana kyonki baap ke paas aaye ho to baap ko kuchh to kamaal dikhaayenge na। to yeh kamaal dikhaao,kabhi-kabhi nahin, thoda-thoda hai yeh nahin,sada roohaani gulaab। khila hua gulaab। kyonki sabhi bhaaratvaasiyon ke foreign vaale baap ke bhi, daadiyon ko bhi foreign vaale bahut laadle hain, pyaare hain। foreign vaalon ko dekhke khush hote hain। to aap bhi sada khush rahenge na। sada shabd yaad kar lo। is varsha ki yeh saugaat le jaao। sada shabd kabhi nahin bhoolna। vighna aane mein sada nahin karna, nirvighna banne mein sada। achha hai, madhuban ka shrringaar ho। double videshi vishesh madhuban ka shrringaar ho। to shrringaar ki bahut value hoti hai। to valuable ho। achha hai। yeh bahut achha karte ho। baapdaada ne dekha hai har group mein international group hota hai। abhi kitne deshon ke hain? (60 deshon ke) to dekho raunak hai na! 60deshon se bhaag bhaagkar pahunch gaye ho। to baapdaada ke taraph se madhuban ke taraph se aapko padam padam mubaarak ho, mubaarak ho,mubaarak ho। achha।

international youth group:-achha itna bada hai। youth group bhi bada hai। baapdaada ne youth group ka samaachaar suna। jo aapas mein plan banaaya hai woh achha plan banaaya hai lekin sva unnati ka plan pahle number practical mein laana kyonki youth group ko duniya vaale bhi kamaal karne ki aasha se dekhte hain। government bhi isi aasha se dekhti ki youth kuchh karke dikhaaye, banke dikhaaye aur banaake dikhaaye। programme to achha banaaya hai। system bhi achhi banaai hai। banaane vaalon ko mubaarak de rahe hain। abhi har samay apni result nimitta banne vaalon ko bhejte rehna kyonki checking karte rahenge na to change ho jaayenge। checking mein albelaapan aayega to change bhi nahin ho sakenge। iseelie jaise direction mile hain vaise apni report,ripaarta buri nahin achhi, apna chart dete rehna। ismen thakna nahin, albele nahin hona। phir foreign ke youth ko India mein dikhaayenge,government se milaayenge aur India ke group ko foreign government se milaayenge। to taiyaar ho jaao। unko chart dikhaayenge na ki yeh kaise apna purooshaartha karte hain, parivartan karte hain aur saphalta paai hai। to theek hai, bahut achha kiya hai,karte rehna। achha।

jurist aur cultural wing:- achha hai baapdaada ke paas samaachaar to sab pahunchta rehta hai। donon hi wing koi na koi plan banaate rehte hain aur achha progress bhi kar rahe hain। jo SpARC wing hai, usmein kya research kiya hai? kya example koi research karne ke baad practical proof banaaya hai, jaise heart patient nirogi ban gaye hain, woh saboot hai, youth ka bhi samaachaar suna, to achha government tak saboot ja raha hai। aise gaanv vaalon ki seva mein bhi pratyaksha centre geeta paathshaalaayen khul gaye hain,yeh record to achha hai,aise SpARC vaalon ne, SpARC vaale hain culture vaale khade hain to aisa koi vishesh example banaaya hai ki research se yeh parivartan ka sample bana hai, baapdaada woh sample dekhne bhi chaahte, sunne bhi chaahte। kya research kiya aur kitnon ne us research karne ka practical laabh uthaaya। yeh dekhne chaahte hain। culture vaalon ne kya cultural dipaartamenntas mein, koi aisi department taiyaar ki hai jo pratyaksha roop mein varnan karen ki hamnen aadhyaatmik culture dvaara yeh-yeh anubhav kiya hai। hamaari saari department parivartan hui hai। aise sabhi varga ko,sabhi varga ko baapdaada yahi kehte hain aise saat-aath, das-baarah example taiyaar karo jo phir government ko, vargeekran kya karta hai uska example sunaayen। to government ka bhi sahayog mil sakta hai। baapdaada ne suna tha ek department ne kaha hai ki paisa hamaare paas hai, kaam aapke paas hai। to kaam ka pratyaksha saboot dekhne se unhon ka bhi saphal karaao na,nahin to aise hi bichaara khazaana chala jaayega। unhon ko use karne nahin aata,aap saphal kara sakte ho, prabhaav se। to sabhi varga vaale milke aisa koi plan banaao jo practical mein har varga ka saboot dikhaai de। (oosha behen ne chandrapur,bhopaal ke cultural programme ka samaachaar sunaaya) programme achha kiya uski mubaarak hai, abhi achha banaake dikhaao।

sabhi ko mind dance aati hai? man ki dance aati hai? to saare din mein kitna samay man mein khushi ki dance karte ho?ismen to thakne ki baat nahin। godon ke darda ki bhi baat nahin, busy ki bhi baat nahin, time dena padega yeh bhi nahin, kharcha bhi nahin। to kya karna chaahiye? jab bhi baapdaada T.vi. khole to kya dikhaai de?har bachcha man ki dance mein busy hai। to sada busy rahenge to baapdaada achaanak T.vi. kholega aur dekhega kaun-kaun dance kar raha hai। khushi ki dance to achhi hai na। to sada yeh dance karte rehna। achha - abhi kya karna hai?baapdaada to milan manaane mein hi busy ho gaye hain। achha।

chaaron or ke chamakte hue aatma deep bachchon ko,sada saphal karne vaale saphalta swaroop bachchon ko, sada akhanda mahaadaani, akhanda nirvighna,akhanda gyaan aur yogayukta,sada ek hi samay mein teen seva karne vaale mansa vibration dvaara vaayumandal dvaara, vaacha vaani dvaara aur chalan aur chehre karma dvaara, teenon seva ek hi samay ikattha ho tab aapka prabhaav achha kahne vaale nahin, lekin achha banne vaalon ke oopar padega। to aise anubhvi moorta dvaara anubhav karaane vaale bachchon ko baapdaada ka naye varsha ke liye padam padamguna yaadapyaar, duaayen aur dil ka takhta sada takhtansheen banaane vaala hai,isliye chaaron or ke bachchon ko jo sammukh hai, va door baithe diltakhta par hain, sabhi ko naam aur visheshta sahit yaadapyaar aur namaste।

achha - jo pahli baar aaye hain woh uthkar khade ho jaao। haath hilaao। dekho aadha class pahle baari ka aaya hai। peechhe vaale haath hilaao। dikhaai de raha hai T.vi. mein। bahut hain। achha pahle vaari aane vaalon ko baapdaada ki bahut-bahut dil se mubaarak bhi hai, aur dil ka yaadapyaar bhi hai। jaise abhi aaye ho, to abhi ke aane vaalon ko baapdaada ka vardaan hai amar bhav।

daadi jaanki se:-achha sambhaal rahi hain। aap santushta ho। beej santushta to sab santushta। daadi ki bhi chhatrachhaaya hai। unki bhi drishti hai। yeh sirf seva ke liye bulaaya hai baaki hai jaise seva par hi। (manohar daadi se) achha part baja rahi hai। class mein haajiri deti ho, yeh bahut achha svayan bhi refresh auron ko bhi refresh karti ho। yeh chhodna nahin। isne sankalp kiya hai, bina doctor ke theek rahoongi। ho jaayegi।

(teenon bhaaeeyon se):-achha trimoorti theek hai, trimoorti ho na। abhi jaise baap trimoorti roop mein prasiddha hai na, aise aap teenon bhi koi aisa vishaal kaarya karke dikhaao jo sab kahen vaah! sab vaah! vaah! ke geet gaayen। sva prati aur seva prati,donon। sva prati bhi teen nahin, ek। ek ne kaha doosre ne maana। vichaar diya, santushta kiya। yeh sab dekhne chaahte hain। karna to padega na। ek koi nimitta ban jaao। mujhe nimitta banna hai। har ek apne ko samjhe,mujhe nimitta banna hai। prize milegi na। dil ka pyaar yeh prize sabse badi hai। is baat par pyaar। vaise pyaar hai lekin is baat par pyaar kaun leta hai woh pyaar prize ke roop mein,theek hai na। achha।

2008 ke aagman par pyaare baapdaada dvaara naye varsha ki badhaaeeyaan (raatri 12baje ke baad)

chaaron or ke sabhi lucky aur lovely bachchon ko naye varsha ki bahut-bahut mubaarak bhi hai aur duaayen bhi hain। naye varsha mein sada naye umang-utsaah mein rehna aur naye sankalp seva ki vriddhi aur svayan ke teevra purooshaartha ki siddhi ko praapta karte udte rehna aur udaate rehna। abhi ke liye good night aur saath mein kal ke liye abhi-abhi shuru ho gaya to gudmaarnigan bhi good night bhi। achha।