Avyakt murli du lundi 18 janvier 2010

18-01-10 om shanti avyakt baapdaada madhuban

‘‘brahma baap samaan nashtomoha smriti swaroop banne ke liye, man ka timetable banaakar karma karte karmayogi ashareeri banne ka abhyaas karo’’

aaj chaaron or ke bachchon mein vishesh sneh samaaya hua hai। aaj ke din ko kehte hi hain smriti divas। baapdaada ne amritvele se chaaron or dekha, chaahe desh mein, chaahe videsh mein sabhi bachchon ke dil mein baap ke sneh ki tasveer dikhaai di। aur baap ke dil mein bhi har ek bachche ke sneh ki tasveer samaai hui thi। aaj ke din ko vishesh sneh ka, smriti ka divas kehte ho। baapdaada ne amritvele se bhi pahle bachchon ke taraph se anek sneh ke motiyon ki maalaayen dekhi। har ek bachche ke dil mein automatic yeh geet baj raha hai - mera baba, brahma baba, meetha baba। aur baapdaada ke dil mein yeh geet baj raha hai meethe bachche, pyaare bachche। aaj har ek ke andar aur shaktiyon ke sivaae sneh ki shakti jyaada samaai hui hai। yeh parmaatma sneh, eeshvareey sneh sirf sangamayug par hi anubhav hota hai। yeh parmaatma sneh jo anubhvi jaane, har ek bachche ko sahajyogi bana deta hai। baapdaada ne dekha sarva bachchon mein sneh ka anubhav bahut-bahut samaaya hua hai। aap sabka janma ka aadhaar sneh hai। aisa koi bhi bachcha nahin dikhaai deta, aur shaktiyaan kam bhi hon lekin baap ka sneh ya nimitta bani hui vishesh aatmaon ke sneh ka anubhav majority sabhi ke dil mein, chehre mein dikhaai deta hai। abhi aap sabko aaj vishesh yahaan tak kisne pahunchaaya? kis vimaan mein aaye? train mein aaye ya vimaan mein aaye? sabki soorat mein sneh ke plen se pahunch gaye। kuchh bhi karna pada lekin sneh ke plen mein sabhi pahunch gaye ho।

aaj ke din ko smriti divas kaha jaata hai lekin smriti divas ke saath-saath samarthi divas bhi kaha jaata hai। aaj ke din ko taajposhi ka din bhi kaha jaata hai kyonki aaj ke din baapdaada ne vishesh brahma baap ne nimitta bane hue mahaaveer bachchon ko vishwa seva ka taaj pahnaaya। baap, brahma baap khud unknown hue aur bachchon ko vishwa seva ke smriti ka tilak diya। bachchon ko karanhaar banaaya aur svayan karaavanhaar banen। apne samaan pharishte roop ka vardaan dekar light ka taaj pahnaaya aur baapdaada ne jo taaj, tilak ka vardaan diya, usi pramaan bachchon ka kartavya dekh khush hai। bachchon ne seva ka vardaan kaarya mein laaya, yeh dekh baapdaada khush hai। abhi tak jo part bajaaya hai aur aage bhi bajaana hai, uski padamguna brahma baap vishesh mubaarak de rahe hain। vaah bachche vaah! videsh mein bhi chakkar lagaaya to kya dekha? har bachcha sneh mein samaaya hua hai। jo baap dvaara samaarthiyaan mili hain kyonki yeh din vishesh sneh se samaarthiyon ka vardaan praapta karne ka din hai। baapdaada ne dekha koi-koi bachche bahut achhe lagan mein yaad mein, seva mein lage hue hain। amritvela bahut achhi reeti se anubhav karte hain। ashreereepan ka bhi anubhav karte hain lekin jab karmayogi banne ka samay aata hai to donon kaam yogi ka bhi aur karma ka bhi, do kaam ikaththa karne mein pharka pad jaata hai। purooshaartha karte hain ki karma aur yog ka balance ho lekin jaise amritvele shaktishaali avastha ka anubhav karte hain, vaise karma mein pharka pad jaata hai, mehnat karni padti hai aur baapdaada ne sabhi bachchon ko kah diya hai ki vishwa ka vinaash achaanak hona hai, agar saara din attention ke bajaae, kisi bhi dhaarna ki kami hone ke kaaran karmayogi ki stage mein pharka aata hai to vishwa ke vinaash ki date to baapdaada announce nahin karenge lekin apna jeevan kaal samaapta kab hona hai, yeh maaloom hai? koi ko maaloom hai ki mera mrityu phalaani date par hona hai, hai maaloom? woh haath uthaao। achaanak kuchh bhi ho sakta hai, koi prakriti ka kaaran banta hai to kitne ka mrityu saath mein ho jaata hai। to vishwa ke date ke sankalp se albela nahin banna। aapki jagdamba ka slogan tha - to kabhi bhi kab nahin kaho, ab। kal kuchh bhi ho jaae lekin mujhe ever ready rehna hi hai। to itni taiyaari sabke attention mein hai? apna karmon ka hisaab chuktu kiya hai? chaar hi subject gyaan, yog, seva aur dhaarna, chaar hi taraph, chaaron mein aisi taiyaari hai? poora behad ke vairaagya ka anubhav check kiya hai? apni dil mein yeh check kiya hai ki ever ready hain? nashtomoha smriti swaroop kyonki brahma baap ne bhi svayan ko purooshaartha karke aisa banaaya jo anubhvi bachchon ne dekha, koi bhi taraph yeh vaataavran nahin tha, koi hisaab kitaab ka, achaanak ashareeri banne ka abhyaas ashareeri banaakar ud gaye। koi ne samjha ki brahma baap jaane vaale hain! lekin nashtomoha, bachchon ke haath mein haath hote kahaan aakarshan rahi? pharishta ban gaye। bachchon ko pharishte banaane ka tilak de gaye। iska kaaran bahut samay ashreereepan ka abhyaas raha। kai anubhvi bachche jo saath rahe hain unhonne anubhav kiya, karma karte karte aise ashareeri ban jaate। to yeh jo karmayog mein antar pad jaata hai, iska kaaran karma karte yeh smriti mein emerge nahin hota, main aatma hoon, yeh to sab jaante hi hain lekin main aatma, kaun si aatma hoon? main karaavanhaar aatma hoon aur yeh karmendriyaan karanhaar hain, yeh karaavanhaar ka svamaan karma karte smriti swaroop mein rahe, chaahe karmendriyon se karma karaana hai lekin main karaavanhaar hoon, maalik hoon, is seat par agar set hai to koi bhi karmendriy order mein rahegi। bina seat par set hote koi kiska nahin maanta। to karaavanhaar aatma hoon, yeh karmendriyaan karanhaar hain, karaavanhaar nahin hai। jaise brahma baap ka anubhav suna ki brahma baap ne shuru mein yeh abhyaas kiya jo roz samaapti ke samay in karmendriyon ki raaj darbaar lagaate the। puraane bachchon ne woh diary dekhi hogi to roj darbaar lagaate the aur karaavanhaar maalik ban har karmendriyon ka samaachaar lete the, dete the। itna attention shuru mein hi brahma baap ne bhi kiya to aapko bhi karaavanhaar maalik samajh, kyonki aatma raaja hai yeh karmendriyaan saathi hain। to yeh check karna chaahiye ki aaj ke din vishesh man-buddhi sanskaar, svabhaav kaho sanskaar kaho inhon ka kya haal raha?aur phauran check karne se karmendriyon ko attention rehta hai ki hamaara raaja hamaara haalchaal lega, to aatma raaja karanhaar karmendriyon se karaavanhaar ban check karo। nahin to dekha gaya hai kai bachche kehte hain ki ham karmendriyon ko order karte hain lekin phir ho jaata hai। purooshaartha karte hain lekin koi-koi sanskaar ya svabhaav order mein nahin rehte। uska kaaran isi apne svamaan ki seat par set nahin rehte। bina seat par baithne ke order kitna bhi karo to order maanne vaale maante nahin hain। to karma karte apne karaavanhaar maalikpan ki seat par set raho। kai bachche yeh bhi baapdaada se roohrihaan karte ki baba aapne humein sarva shaktivaan banaaya, shaktivaan bhi nahin sarvashaktivaan ka vardaan har ek bachche ko brahman janma lete hue diya hai, yaad hai apne janma ka vardaan! har ek bachche ko baap ne master sarvashaktivaan bhav ka vardaan diya hai। kisne vardaan diya? almighty authority ne। lekin complain karte hain ki jis samay jo shakti chaahiye woh aati nahin hai। order nahin maanti hai। woh kyon? jab almighty authority ka vardaan hai, usse bada koi nahin। to vardaan ke sthiti mein sthit rahkarke agar order karo to ho nahin sakta ki aap order karo aur shakti nahin maanen। ek to aatma maalik hai, sarvashaktivaan ka vardaan mila hua hai, us swaroop mein sthit hoke maalik hoon, vardaan hai, donon swaroop ki smriti ke sthiti mein rahke order karo। shakti aapka nahin maanen asambhav kyonki vardaan aur baap ke property ka adhikaar sangamayug par aap sabko sarvashaktivaan ka title mila hai sirf us sthiti mein sthit nahin rehte। sada nahin rehte। kabhi-kabhi aa jaata hai। yeh kabhi shabd apne brahman dictionary se nikaal do। abhi abhi haajir। aap kehte ho na ki baba aapko ham yaad karte hain to aap haajir ho jaate hain। hai anubhav? haath uthaao। anubhav hai? abhi dekho, haath to utha rahe ho। baap haajir ho jaata। hajoor haajir ho jaata, to yeh shakti kya hai? yeh shaktiyaan bhi aapko baap ke property mein mili hain। to maalik banke order karo। maalik banke order nahin karte ho, shakti kho jaati hai na to usi sthiti mein rehte hue order karte ho, to maalik hi nahin hai order kyon maanen!

to baapdaada abhi kya chaahte hain? pata hai na! baap abhi yahi chaahte hain ki mera ek-ek bachcha karma karte hue bhi raaja bachcha ban, svaraajya adhikaari ban svaraajya ki seat ko nahin chhode। to raaja saara din raaja hi hota hai na! ki kabhi raaja hota hai kabhi nahin। takhta par baithna ya nahin baithna woh alag baat hai lekin ghar mein bhi rehte main raaja hoon, yeh to nahin bhoolta। to karmayogi aur amritvele ke yathaartha yog shaktishaali sthiti usmein pharka nahin padna chaahiye। double kaam hai lekin aap kaun ho? aap to vishwa ke parivartak ho, vishwa kalyaankaari ho। isliye baap yahi chaahte ki chalte-phirte raajaapan nahin bhoolo, seat ko nahin chhodo। bina seat ke koi order nahin maanta। aajkal dekho seat ke peechhe kitna kuchh karte hain? apna hak lene ke liye kitna prayatna karte। apna hak koi chhodne nahin chaahta। to aap apna parmaatma hak main kaun! har samay jo kaam karte ho to kaam karte bhi apne man ka timetable banaake rakho। yeh kaam karte hue man ka svamaan kya rahega? aaj ke din kaun sa lakshya rakhoonga? har kaam ke time jo bhi apne svamaan ki list hai, bhale bhinna-bhinna timetable banaao jaise sthool karma ka timetable fix karte ho vaise man ka timetable fix karo। maaloom to hai is samay yeh kaam karna hai, uske saath svamaan kaun sa rakhna hai? maalikpan ka adhikaar kis svamaan ke roop mein rakhna hai, yeh man ka timetable banaao। timetable banaane aata hai na! maataaon ko aata hai? maataayen apna aapehi programme banaao। achha khaana banaana hai us samay kaun sa svamaan apni buddhi mein emerge rakhna hai। bahut maala hai svamaan ki। itni badi maala hai jo svamaan ginti karte jaao aur maala mein sama jaao। to abhi bahutkaal ka bhi koi bachche kehte hain, abhi tak to vinaash ka kuchh dikhaai nahin deta hai। abhi to date fix nahin hai, kar lenge, ho jaayega, yeh albelaapan hai। sandesh dene mein bhi vishwa kalyaankaari hain, to kai bachche samajhte hain abhi samay pada hai, aage chalve sandesh de denge, lekin nahin। jinko peechhe sandesh denge woh bhi aapko ulhana denge kya ulhana denge? aapne pahle kyon nahin bataaya to ham bhi kuchh kar lete the, abhi aapne last mein bataaya। to ham to sirf pahchaan kar aho prabhu teri leela apaar hai, yahi kah sakenge। pad to pa nahin sakenge। kyon? bahut samay ka bhi sahayog chaahiye। aap sabhi vaaris baithe ho na! jo apne ko samajhte hain ham vaaris hain, woh haath uthaao, vaaris hain? achha, vaaris hain to aapko full varsa paana hai ya thoda? sabhi kahenge full varsa paana hai। to full varsa hai 21 janma poore, aadi se ant tak royal praja nahin, royal family mein aana। raajya family mein aana। takhta par to ek hi baithenge na। yugal baithenge। lekin vahaan ki sabha jab bhi lagti hai to royal family ke vishesh nimitta aatmaayen woh taajdhaari banke baithte hain। bina taaj nahin baithte hain। aur har kaarya mein salaah, raay dene vaale aise nahin ki sirf woh raajya karega, saath mein raay se hi karte hain isliye agar sampoorn varsa lena hai to pahle janma se leke ant tak 21 janma poore aadhe bhi nahin, beech mein to jaana nahin hai, akaale mrityu to hona nahin hai। to poora varsa lena hai ki thode mein khush hona hai? aapki maateshvari jagat amba sada yeh lakshya rakhti thi baapdaada ne jo shreemat, chaahe mansa chaahe vaacha chaahe karmana, jo bhi shreemat di woh humein karna hi hai। aise poora varsa lene vaale yahi lakshya buddhi mein rakho ki achaanak ever ready aur bahut samay, teenon hi shabd saath mein yaad rakho। isliye baapdaada ke sabhi aashaaon ke deepak bachchon prati yahi vardaan hai ki sada yeh teenon hi shabd yaad rakhkar sabhi aashaaon ke deepak banne ka pratyaksha saboot dikhaao।

baapdaada ne dekha bachchon ne bhinna-bhinna prakaar ke course banaaye hain। achha hai। baapdaada mubaarak dete hain lekin ab samay pramaan course ke bajaae force ka course karaao। aisa force ka course karaao jo woh aatmaayen baap ke sirf snehi-sahayogi nahin banen lekin har shreemat ko paalan karne vaali force, sarva force bharne vaali aatma banen। sameep ka ratna banen। yeh ho sakta hai? abhi force ka course karaao। kyonki baapdaada dekh rahe hain ki abhi prakriti halchal mein aa gai isliye koi na koi kaaran prakriti ki halchal apna prabhaav dikha rahi hai aur dikhaati rahegi। jo khyaal khvaab mein baaten nahin hain woh practical dekhte chalenge। to prakriti ko bhi satopradhaan banaana hai। abhi to apne-apne prabhaav daal rahi hai, isliye samay prati samay nai-nai baaten hoti rehti hain। lekin aap sab to vaaris ho na!sirf snehi sahayogi nahin vaaris, full adhikaari। hai? vaaris hain na! vaaris hai! double foreigners bhi vaaris hain na!vaaris hai? full varsa lene vaale। adhoora nahin। paandav full varsa lene vaale ho?

to baapdaada ki aasha ka deepak hoon। to yahi yaad rakho - smriti divas par har ek bachcha chaahe aaye hain, chaahe abhi nahin aaye hain, chaahe door baithe dil mein samaaye hue hain, har ek ko baapdaada ki yeh aagya - banna aur maanna hai ki mujhe kabhi shabd nahin kehna hai। abhi-abhi, kal bhi kisne dekha, aaj। jo karna hai woh karna hi hai, sochna nahin। sochenge, karenge, ho jaayega, yeh baap ko bhi dilaasa dete hain। baba aap khyaal nahin karo ham samay par theek ho jaayenge। lekin baapdaada yahi chaahte ki abhi-abhi koi bhi paper aa jaae to har ek bachcha full paas ho jaae। ho sakta hai? ho sakta hai? full paas hona hai? achha। aaj jo pahli baar aaye hain woh utho। pahle baari aane vaalon ko baapdaada aane ki bahut-bahut mubaarak de rahe hain aur vardaan de rahe hain ki teevra purooshaarthi ban aap chaaho to aage se aage aa sakte ho। yeh vardaan practical mein laane chaahe to baapdaada ka vardaan hai। iske liye pahle aane vaalon ke liye baapdaada khushkhabri suna rahe hain ki last so fast, fast so first, yeh dil khush mithaai kha lo।

baapdaada ko yeh khushi hai ki phir bhi tu let ke board ke pahle aa gaye, yeh bahut khushi ki baat hai। aap log agar aage gaye to ham sab khush honge yeh nahin kahenge ki aap kyon, ham kyon nahin, nahin। pahle aap। achha - baith jaao, dilkhush mithaai khaai!

seva ka tarna Indore zone ka hai:- Indore ka arth hi hai, lakeer ke andar rahne vaale। to baapdaada ko har ek zone ki seva ka umang utsaah dekh khushi hoti hai aur chance bhi sabhi achhi tarah se lete rehte hain kyonki jaante ho ki seva ka meva milta hai। kaun sa meva milta hai? sabhi ki aasheervaad milti hai। log to samajhte hain ek brahman ko khilaaya, bahut punya jama hua। lekin aap kitne braahmanon ko khilaate ho। kitna punya aur sabhi sachche brahman hain। to aap sabhi ne seva ka meva khaaya? khaaya? to tandaroosta ho na! meva khaane se tandaroosta bante hain। to achha hai। har zone mein dekha gaya ki sankhya badhti jaati hai lekin baapdaada ne pahle bhi kaha hai ki sankhya badh rahi hai, yeh to bahut achha। sandesh mila, baap ka paigaam mila aur baap ke bane iske liye bahut-bahut mubaarak ho lekin abhi samay anusaar pahle bhi baap ne kaha hai ki vaaris banaao। Indore ne pakke vaaris, kyonki baapdaada un vaarison ka paper lenge। pahle naam bhejo phir baapdaada dekhenge ki vaaris quality kahaan tak vaarispan nibha rahi hain। aur doosra baapdaada ne kaha anubhvi naameegraami jinka anubhav sunkar auron ko umang aave, main bhi banoon, woh mike quality bhi taiyaar karni hai। to kiya, kaam kiya? Indore ne kiya? abhi baapdaada ke paas list nahin aai hai। achha। (chhateesgadh ki poori government yahaan aai, woh abhi mike bankar achhi seva kar rahe hain) achha hai। yeh saare Indore ke hain। kaaphi sankhya hai। achha hai। achha। baapdaada ki Indore mein ek vishesh ummeend hai kyonki yeh brahma baap ke antim samay par khud baapdaada ne Indore centre khulvaaya hai, isliye aaj smriti divas mana rahe hain to Indore ko koi aisi baat karni hai jo abhi tak nyaari aur pyaari ho। sabhi zone purooshaartha kar rahe hain achha, baapdaada ke paas samaachaar to sabka aata bhi hai। lekin baapdaada abhi fast aage badhne ka jo chaahna rakhte hain, nirvighna zone, har zone mein jitne bhi sevaakendra hain, upsevaakendra hain lekin har area nirvighna sevaakendra ho। har ek mein teevra purooshaartha ki lahar ho। to number Indore le leve। ismen number one koi bhi zone ne report nahin di hai ki saara zone nirvighna hai। purooshaartha kar rahe hain lekin chaaron or chaahe geeta paathshaala ho lekin nirvighna ho। yeh report baapdaada chaahte hain। achha।

medical wing:- is wing mein practical doctors kitne hain? doctors haath uthaao। achha itne doctors hain kyonki baapdaada ne dekha ki samay pramaan doctors ki seva aur aage badhegi kyonki aajkal ke samay mein chinta aur bhay phaila hua hai। to doctors yeh to double doctors honge hi। doctors jo double doctor hain woh haath uthaao। man ke bhi tan ke bhi। kyonki aajkal man ka rog aur badhta jaayega isliye double doctors ki seva aur badhti jaayegi। prakriti ki halchal ke kaaran naye-naye rog nikalte hain to aise samay par double doctors ki aavashyakta hai। to aap sabhi ever ready ho, kahaan bhi bulaava ho to seva de sakte ho? jo seva de sakte hain woh haath uthaao। bahut achha। naam note karke dena kyonki nimantran to aate hain to samay nikaalenge? nikaalenge? jo samay ke liye bhi taiyaar hain woh haath uthaao। achha। bahinen kam utha rahi hain। sevaakendra chalaana hai। inka naam note karke dena। baapdaada doctors ki mahima karte hain kyon mahima karta hai? kyonki doctors bhi baapdaada ke samaan duhkh leke sukh to de dete hain। lekin alpakaal ke liye dete hain। baap sadaakaal ke liye dete hain iseelie kaha ki double doctor honge aur samay nikaalenge to aap logon ko aage chal karke double doctors ki value hogi। baapdaada ne suna ki doctors ko phursat nahin hoti hai lekin doctors har ek busy hote bhi bahut badi seva kar sakte hain। pahle bhi baapdaada ne sunaaya ki har ek doctor apna card to chhapaate ho। chhapaate ho na card? to ek taraph to apna parichay dete ho aur doosra taraph khaali hota hai, to us khaali taraph aap man ki davaai ke liye phalaani address hai, yeh agar card jitne bhi patient hain unko do to aapki ghar baithe seva ho jaayegi। kyonki doctors ka sabhi maante hain। koi kitna bhi kahega nahin yeh nahin khaao phir bhi khaate rahenge। lekin doctors agar kahenge ki yeh ho jaayega, yeh ho jaayega। to kar lete hain। majboori se karen ya pyaar se karen lekin karte hain iseelie baapdaada kehte hain ki doctors bahut seva kar sakte hain aur achha hai। dekha gaya hai to programme karte rehte hain lekin thoda aur teji se hona chaahiye। aapke bhinna-bhinna zone ke doctors apne zone mein aisa programme banaao jo vahaan hi programme ikaththa hoke karte rahen to aap bahut seva kar sakte ho। baapdaada ko doctors ki seva aavashyak lagti hai kyonki yeh to beemaariyaan badhni hi hain। man ki beemaari to chaaron or phaili hui hai to aap logon ke occupation ke dar se sabhi maan sakte hain। achha hai। baapdaada ko pasanda hai is varga ki seva aur jor-shor se badhaao। achha।

double videshi:- (40 deshon se aaye hain) :- aaj to vishesh ceremony manaane bhi aaye hain। baapdaada ko khushi hai ki madhuban mein ceremony manaane ke nimitta sabhi ko umang-utsaah aata hai। haath uthaao jo ceremony manaane aaye hain? achha। jinki ceremony hai woh haath uthaao। do haath uthaao। bahut achha kiya। nimantran dene ka, aabu ki yaatra karaane ka yeh chance bahut achha liya kyonki baapdaada ki padhraamni sindha mein hui। foundation sindha hai। to sindha vaale apna hak rakhte hain ki ham to sindhi hain। achha hai yeh bhi ek vidhi hai sabhi ko yaatra karaane ki। to baapdaada vishesh mubaarak de rahe hain। achha laga na। apna ghar। achha laga? kyonki yahaan dekha hoga kisi bhi kamre mein kiska naam nahin। kyonki yeh baap ka ghar hai। to aap baap ke bachche kahaan aaye ho? apne ghar mein।

(himaachal pradesh ke mukhya mantri saamne baithe hain)

yeh bhi abhi aaye hain na? to kahaan aaye ho? apne ghar mein aaye ho। apne parivaar mein aaye ho। baapdaada yahi kehte hain ki raajya aur aadhyaatmikta agar donon milkar vishesh baapu gaandhi ji ke sankalp ko poorn karne chaahen to kar sakte hain। sahaj kar sakte hain aur karte ja rahe hain। baapdaada ko khushi hai ki kisi na kisi sang ke saath abhi netaaon mein bhi naam phail raha hai। teenon shaktiyaan science, aadhyaatmikta aur raajya satta, teenon hi sattaayen milkarke ek sankalp karen, sahayogi banen to ham baapu gaandhi ji aur baapu ka bhi baapu paramatma donon baap ki aashaayen poorn karenge to bahut sahaj ho jaayega। achha।

double videshi - videsh mein bhi bhinna-bhinna prakaar ki sevaayen chal rahi hain aur chalti rahengi। baapdaada ne dekha ki naye-naye plan banaate rehte hain aur practical mein kar bhi rahe hain, foreign vaale India vaalon ko apna anubhav sunaake seva kar rahe hain aur India vaale foreign vaalon ko apne anubhav suna karke desh videsh mein aavaaj phaila rahe hain, abhi bhi programme kar rahe hain na। achha hai। abhi doosra number hai। (abhi sarva India programme chennai mein hai) baapdaada ke paas sabhi ka umang utsaah ka patra aur yaadapyaar advance mein mili hai, jo bhi karte hain, aarambha karte hain to pahle chhota hota hai phir badhta jaata hai kyonki aajkal ke samay mein sabhi ko aavashyakta lagti hai, teen satta hote bhi dharma satta bhi hai, aadhyaatmikta alag hai, dharma satta alag hai lekin satta to hai। to bhi jo chaahte hain woh nahin ho raha hai। to sabhi sochne lagte hain ki kami kiski hai? teen to kaam kar rahi hain, to bhi jo chaahte hain woh nahin ho raha hai। to abhi chaahte hain lekin samay ka bahaana dete hain। samay nahin hain। kya karen, kya nahin karen… lekin aise agar ek do group apne ko sahayogi banaayen to baapdaada ka vardaan hai ki bhaarat svarga banna hi hai। donon baapu ki aashaayen poorn honi hi hai। to foreign vaale bhi mansa seva se sahayogi hain na! baapdaada ne dekha ki vriddhi sab dharmo mein ho rahi hai, ek dharma nahin sirf hindu nahin lekin muslim, Buddhist sab dharma, Christian, sab dheere dheere aadhyaatmikta mein roochi le rahe hain। pahle dekho brahmaakumaariyon ka naam sunke darte the, vinaash-vinaash kya kehti hain। aur abhi kya kehte hain? abhi kehte hain bataao vinaash kab hoga, kaise hoga aur kya karen? isliye hona to hai hi yeh to guarantee hai। aap sabko guarantee hai na chaahe videsh vaale chaahe bhaarat vaale guarantee hai na, aapka sahayog hai hi hai। hona hi hai। taali bajaao। sabhi ko umang achha hai। aur nimitta bani hui aatmaayen chaahe paandav, chaahe shaktiyaan donon mein umang utsaah hai। sirf abhi baapdaada ne jo ishaara diya purooshaartha ko teevra karo। purooshaartha nahin, purooshaartha ka samay gaya abhi teevra purooshaartha ka samay hai। aur kabhi-kabhi par nahin thahro, abhi। abhi karna hai, abhi banna hai। to hona hi hai। achha।

kalkatta vaalon ne aaj phoolon ka shrringaar kiya hai:-baapdaada ne dekha ki dil se karte hain। shrringaar karna koi badi baat nahin hai, aapse bhi achhe karne vaale hain lekin aapko baap se pyaar hai, baap ki pahchaan thodi bahut hai isliye jo bhi shrringaar karte ho na, usmein sirf kaam nahin lekin pyaar bhi hai। to jahaan pyaar hai vahaan pyaar ki khushbu sabko achhi lagti hai। aur har saal aate hain। apni duty samajhkar nahin, lekin apna kaam samajh karke karte hain। to mubaarak ho aap sabko। nimitta bane hue umang hullaas dilaate hain। bahut achha karte ho। smriti divas aata hai aur kalkatta ko yaad karte hain, visheshta hai। mubaarak ho। achha।

chaaron or ke teevra purooshaarthi sada umang utsaah se kadam aage badhaane vaale jo sachchi dil se karte hain unke mastak par vijay ka tilak baapdaada dekh rahe hain, sabhi ko nishchay hai, nasha hai to ham vijayi hain, vijayi the aur vijayi rahenge, isliye har ek ke mastak mein baapdaada vijay ka tilak dekh rahe hain। chaaron or ke snehi bhi hain, aaj amritvele se bahut-bahut sneh ki maalaayen baapdaada ke paas aai aur baapdaada aap sabhi bachchon ko return mein sada vijayi banne ki maala daal rahe hain। to chaaron or ke bachche dekh bhi rahe hain kyonki science ne yeh sab saadhan aapke liye bhi banaaye hain, jo kahaan bhi baithe dekh sakte ho, sun sakte ho, to baapdaada dekh rahe hain, jagah-jagah par kaise dekh bhi rahe hain aur sun bhi rahe hain, to chaaron or ke bachchon ko baapdaada smriti divas ki yaadapyaar de rahe hain। baapdaada ke dil mein har bachcha samaaya hua hai aur har bachche ki dil mein baap samaaya hai, baap ki dil mein bachcha samaaya hai, to mubaarak ho, mubaarak ho aur mubaarak ke saath namaste bhi।

daadiyon se:- murabbi bachchon ka part baja rahi ho, isko dekh baapdaada khush hai। (mohini behen se) himmat vaali ho aur himmat hi aapki vishesh davaai hai।

daadi ratanmohini se:- yeh bhi achhi hai, har kaarya mein haan ji, haan ji haan ji milaake chal rahi ho aur chalti rahengi।

chennai mein sarva India programme hone ja raha hai, sabhi ne khaas yaad di hai:- mool baat to hai ki governor house mila hai aur woh bhi interested hai yeh seva ka saboot hai iseelie baapdaada sabhi bachchon ko ek beena ke saath sabhi nimitta bachchon ko laakh guna padamguna mubaarak de rahe hain aur nijaar bachcha bhi umang vaala hai। chaahta hai aur kya-kya karoon, plan banaata rehta hai usko bhi vishesh yaad dena। governor sahayogi to hai lekin jaise paanv aage badhaana hota hai na to pahle ek paanv badhaaya jaata hai aur aage badhna hota hai to doosra paanv badhaaya jaata hai to snehi aur sahayogi hai lekin abhi is programme ki result mein aur paanv aage badhaake aap logon ka saathi ban jaaye। abhi snehi hai, sahayogi hai, seva ka mahatva samajhta hai, abhi mahatva tak hai abhi aur doosra kadam aage badhaana hai।

maanneey mukhya mantri bhraata pro.premkumaar dhoomal, himaachal pradesh:- bahut achha kiya jo sankalp ko sampoorn poora kiya। apna ghar samajhte ho na! kyonki baap ka ghar hai to baap ka ghar apna ghar। jab bhi chaahe, jab chaahe thodi rest leni ho na to apne ghar aa jaao। aap bhi khush ho na। aap bhi aate rehna। abhi sirf inke saath aaye hain, nahin। vaise bhi aate rehna।