Avyakt murli du samedi 31 décembre 2011

31-12-11om shanti avyakt baapdaada madhuban

“naye varsha mein teevra purooshaarthi bhav ke vardaan dvaara apne chehre se pharishta roop dikhaao,light might swaroop jvaalaamukhi yog se vyartha ko jalaao, duhkhi ashaanta aatmaon ko shaktiyon ka daan do”

aaj brahman parivaar ke rachta apne chaaron or ke parivaar ko dekh rahe hain। hai chhota sa parivaar,chhota sa sansaar hai lekin bahut pyaara hai kyonki koton mein se koi hai। kyon pyaare hain?kyonki baap ko pahchaana hai। baap se varse ke adhikaari bane hain। to jaise baap pyaare hain vaise yeh brahman parivaar bhi pyaara hai। baapdaada ne janmate hi har bachche ke mastak mein bhaagya ke sitaare ko chamkaaya hai isliye yeh chhota sa sansaar ati pyaara hai। aap sabhi bhi apna itna svamaan jaante ho na! baapdaada bhi ek-ek bachche ko dekh khush hote hain aur kya geet gaate hain?vaah bachche vaah!

aaj to sabhi is shreshtha din par baap se milne aaye hain। aaj ka din hai sangam ka din। vidaai bhi hai aur badhaai bhi hai। vaise bhi sangam ka mahatva hai। jahaan bhi saagar aur nadi ka sangam hota hai uska bahut mahatva hota hai। to aaj ke din ka bhi mahatva bahut gaayan yogya hai। puraana varsha samaapta aur naya varsha aarambha hona hai। aaj ke din sabhi ke dil mein aage aane vaale varsha ke liye kitna umang hai! har ek ne apne-apne dil mein plan banaaya hai kya chhodna hai aur kya banna hai, donon hi plan banaaya hai? banaaya hai? jisne aane vaale varsha ke liye apne aage badhne ka,teevra purooshaartha ka plan banaaya hai woh haath uthaana। banaaya hai! mubaarak ho। kyonki sab jaante hain ki baapdaada har bachche ke liye kya chaahta hai। baapdaada har bachche ke liye yahi shubh bhaavna rakhte hain ki har bachcha baap samaan sampanna aur sampoorn ban jaaye। ab to samay bhi saath de raha hai। to har ek ne apne man mein apne prati naya plan banaaya hai na! kuchh chhodna hai aur kuchh aage badhna hai। to chhodna kya hai? baapdaada ne dekha ki puraane sansaar aur sambandh mein chhodne mein sabka purooshaartha par attention bhi hai। ek baat jo chhodne bhi chaahte hain lekin ab tak baapdaada ne dekha ki puraane sanskaar usko chhodne mein thodi mehnat lagti hai। to baapdaada yahi chaahte hain ki is naye varsha mein har ek bachcha apna nizi sanskaar ka sanskaar kar le। aap sab bhi isi sankalp ko poora karne chaahte hain na! kyonki puraana sanskaar jisko aap log kehte ho meri nature hai, bhaav nahin hai lekin nature hai। to nature is janma ke brahman ki nahin hai lekin puraani hai। to us puraane sanskaar ka aaj ke din,har ek apne ko to jaante hain to aaj varsha ki vidaai ke saath-saath us puraane sanskaar ko chhodne ka dridh sankalp kar sakte ho? kar sakte ho? chaahte bhi hain, aisa nahin hai ki chaahte nahin hain lekin phir bhi baar-baar purooshaartha mein teevrata laane mein vahi sanskaar bhinna-bhinna roop se vighna daalte hain to baapdaada yahi chaahte hain ki varsha ko vidaai dene ke saath aaj ke din usko bhi vidaai de do। iske liye taiyaar hain,jo taiyaar hain woh haath uthaao। iske liye kya karenge?apne liye koi plan bhi socha hai? iske liye sabse achhi baat hai dridh sankalp। sankalp hai, hona chaahiye lekin sankalp mein teevrata chaahiye। jaise brahman banne ke saath-saath yeh pratigya ki ki koi bhi ashuddha bhojan sveekaar nahin karna hai। to baapdaada ne dekha ismen dridh sankalp dvaara majority paas hain। jaise tan ke liye ashuddha bhojan ka sankalp kiya aur practical kar rahe ho, aise hi man ke liye yeh dridh sankalp karna hai ki kabhi bhi kisi ke prati bhi kisi bhi circumstance pramaan koi bhi vyartha sankalp na kar sada har aatma ke prati shubh bhaavna, shubh kaamna rakhni hi hai। man ka bhojan hai sankalp, to jaise tan ke liye dridh sankalp majority ne kiya hai, aise hi kya man ke liye vyartha sankalp, ashuddha bhaavna mita nahin sakte? har aatma ke prati dil ka sneh aur sahayog apne man mein nahin rakh sakte hain?

to aaj baapdaada is puraane varsha ke saath is vritti va drishti ko har bachche se vidaai chaahte hain। yeh dridh sankalp kar sakte ho? kar sakte hain? bolo,maataayen,teachers, sab bhaai bhi chaahte hain। haan haath uthaao। kal se kisi bhi aatma ke prati agar koi bhi vyartha hai, vyartha bhaavna va vyartha bhaav uski aaj samaapti samaaroh manaane chaahte hain। bolo, teachers sab taiyaar hain? teacher do do haath uthaao। uthaao। achha। jinhonne nahin uthaaya woh uthaao। jinhonne nahin uthaaya woh thoda sa uthke khade ho jaao। achha hain! jo purooshaartha karenge lekin dridh sankalp nahin karenge, aise hain? jo uthe hain woh lakshya aur purooshaartha karenge to haath uthaao। kyonki samay ka attention rakhen, yeh socho ki sabhi ko is sangam samay mein bhavishya bahut samay ki saphalta praapta karni hain। 21 janma ka varsa lena hai। to kahaan yeh ek janma aur kahaan 21janma। to is ek janma mein bhi kaaphi samay apna purooshaartha teevra karna pade tabhi bahut samay ki jo praapti karni hai, baap se pyaar hai na to saath rehna hai na! najdeek rehna hai na! brahma baap ke saathi banke raajya adhikaari banna hai na! to ab bhi itna samay baap samaan to banna pade। brahma baap ka ek-ek bachche se kitna pyaar hai woh to jaante hi ho। har ek kehta hai mera baba। baba ko jitna mere se pyaar hai utna kisse nahin hai, mere se pyaar hai। to yeh pyaar,baapdaada donon ka pyaar is janma mein hi anubhav kar rahe ho। aur jisse pyaar hota hai uski baat kabhi bhi taali nahin jaati hai। to brahma baap se sabka pyaar hai, kitna pyaar hai? bahut pyaar hai। chaahe dikha nahin sakte hain lekin baap jaante hain ki pyaar sabhi bachchon ka hai,nambarvaar hai lekin pyaar hai ismen baapdaada bhi sabhi bachchon ko certificate dete hain ki pyaar hai। pyaar to hai lekin baap ne dekha ki kabhi-kabhi natkhat ho jaate hain,to baap us samay kya karta?baap dekh-dekh vishesh shakti deta rehta kyonki baap yahi chaahte hain ki har bachcha raaja bachcha hai, duniya mein jo laadla bachcha hota hai usko raaja bachcha kehte hain। hota raaja nahin lekin kehte hain raaja bachcha lekin aap sabhi baapdaada ke ab bhi raaja bachcha ho aur bhavishya mein bhi raaja bachcha ho। abhi svamaan hai, svaraajya hai। abhi aatma ka raajya sarva karmendriyon ke oopar hai। to svaraajyadhaari abhi ho aur vishwa raajyadhaari bhavishya mein ho। to raaja bachche ho na! hain to kaandh hilaao।

to baapdaada aaj amritvele chaaron or,chaahe videsh chaahe desh, chaaron or chakra lagaane gaye। to kya dekha? yog mein amritvele baithte majority hain lekin sneh mein baithte hain,baapdaada se baaten bhi karte hain, aatmik smriti mein bhi baithte, baapdaada se shakti bhi lete hain lekin abhi baapdaada aane vaale naye varsha mein naveenta chaahte hain kyonki abhi samay dinapratidin naazuk aana hi hai। to aise samay par abhi jvaalaamukhi yog chaahiye। woh jvaalaamukhi yog ki aavashyakta abhi aavashyak hai। jvaalaamukhi yog arthaat light might swaroop shaktishaali,kyonki samay pramaan abhi duhkh, ashaanti,halchal badhni hi hai isliye apne duhkhi,pareshaan aatmaon ko vishesh jvaalaamukhi yog dvaara shaktiyaan dene ki aavashyakta padegi। duhkh ashaanti ke return mein kuchh na kuchh shakti, shanti apne mansa seva dvaara deni padegi। jo aapne is samay ki topic rakhi hai, ek parivaar। uske pramaan jab ek parivaar hai, to ashaanta aatmaon ko kuchh to anchali denge iseelie baapdaada agla varsha jo aaya ki aaya uske liye vishesh attention khinchava rahe hain ki abhi jvaalaamukhi yog ki aavashyakta hai। jvaalaamukhi yog dvaara hi jo bhi sanskaar rahe hue hain woh bhi bhasma hone hain।

abhi aapki advance party ke saathi aap sabse yeh chaahte hain ki abhi samay ko,samaapti ke samay ko saamne laao। ab return journey yaad rakho। aapki deedi yaad dila rahi hai ki mujhe sada yeh yaad rehta tha “ab ghar jaana hai”, ab ghar jaana hai। aapki daadi yahi yaad dila rahi hai ki jaise mujhe yaad raha abhi sampanna banna hai, sampoorn banna hai, dhun lagi rahi। to aaj vishesh amritvele vatan mein baapdaada se milan manaate kah rahe the ki abhi hamaare taraph se, jo bhi daadiyaan gai hain sab milke kah rahi thi ab jvaalaamukhi yog ki bahut aavashyakta hai,chaahe auron ko shakti dene ke liye, chaahe apne brahman parivaar ko sampanna banaane ke liye। abhi samay ko sameep laane vaale aap nimitta ho isliye aane vaale varsha mein kya karenge?vishesh kya karenge? ek do ke snehi sahayogi ban har ek centre, sevaasthaan jvaalaamukhi yog ka vibration aur karma mein ek do ke snehi sahayogi ban har ek ko aap attention mein rakhte jo bhi kami hai usmein sahayog do। mansa dvaara anya aatmaon ki seva karo aur apne sahayog dvaara brahman saathiyon ki vishesh seva karo, tabhi ham logon ki dil ki aash poori hogi।

to aaj vatan mein advance party agle saal ke liye aap sabko yaad bhi de rahi thi aur apne dil ki aashaayen bhi bata rahi thi। to bolo,baapdaada ka sankalp to suna hi lekin saath mein apne daadiyon ki bhi agle varsha ke liye shubh bhaavnaayen bhi suni na! baapdaada to sabhi bachchon ko chaahe koi kamzor hai, chaahe teevra purooshaarthi hai sabko teen mubaarak de rahe hain - ek nav jeevan ki mubaarak, doosri nav varsha ki mubaarak aur teesri nav duniya mein saathi ban chalne ki mubaarak।

baapdaada ne yeh bhi kaha ki sabhi apne andar apne liye samay nishchit karo ki kab tak apne ko baap samaan banaayenge। apne andar apne liye nishchit karo। to nishchit karna aata hai na? baapdaada to aaj har bachche ko dekh yahi vardaan de rahe hain agle varsha mein har bachcha teevra purooshaarthi bhav। amritvele jab yaad mein baithte ho aur jab uthne ka samay hota hai us samay baapdaada ka yeh vardaan apne dil mein yaad rakhna teevra purooshaarthi bhav। jaise baapdaada ne do baaten pahle hi attention mein dilaai hain kyonki sangam ka samay achaanak samaapta hona hai। to ek samay,doosra sankalp,donon par har ghadi attention। baapdaada ki yeh bhi har bachche ke prati shubh bhaavna hai ki har bachcha is varsha mein kya banen?kya banenge? jo bhi aapke chehre mein dekhe aapke chehre se pharishta roop dikhaai de। phalaani hoon, phalaana hoon nahin। pharishta anubhav mein aave। iske liye jvaalaamukhi yog, koi vyartha nahin। light aur might swaroop yog se vyartha ko jalaao। samartha pharishta nazar aaye। jisko bhi dekhe, kyonki baap ke sikeeldhe bachche to ho। baap ne aapko khaas kahaan-kahaan se chun karke apna banaaya hai। to lakshya rakho main brahman so pharishta hoon। to amritvele apni dincharya mein yeh yaad rakhna main brahman so pharishta hoon। chalte phirte pharishta roop,pharishta swaroop to achha lagta hai na! brahma baap pharishta bana, follow father।

to is varsha ka vardaan jo diya teevra purooshaarthi,saadhaaran purooshaartha nahin, saadhaaran purooshaartha hai to raajya ke saathi nahin banenge। aur baap yahi chaahta hai jitne bhi student,baapdaada ki murli adhyayan karne vaale hain,godly student hain woh sabke sab kya banenge? pharishta। sab bojh utar jaayega। koi bhi sanskaar ka bojh samaapta ho jaayega। to is varsha ka homework kya raha? pharishta swaroop mein rehna hai, isko hi kaha jaata hai teevra purooshaartha। abhi har ek centre,har saptaah,har student ki result dekhe ki teevra purooshaarthi rahe? agar koi bhi baat aai,uske liye sahayogi ban karke, sneh se unko himmat de aur apne centre ko, student ko teevra purooshaarthi banaaye, har saptaah result dekhe kyonki samay halchal ka hona hi hai।

to aaj ke sangam din par vidaai aur badhaai ke din par chaaron or ke, jahaan bhi jo baithe hain bachche, baapdaada dekh rahe hain kaise sabhi science ke saadhnon dvaara dekh bhi rahe hain aur dekh-dekh kitne khush ho rahe hain। to chaaron or ke bachchon ko baapdaada vishesh vardaan de rahe hain sada santushtamni bhav। santushta rehna, santushta karna। achha।

seva ka tarna -eastern, taamilnaadu aur nepaal ka hai:- (15 hajaar aaye hain) bangaal:- bangaal mein service aur saath-saath purooshaartha har ek apna achha kar rahe hain aur baapdaada har bachche ko dekh khush ho rahe hain ki har ek ne apna bhaagya achha banaaya hai। seva bhi har ek yatha shakti kar rahe hain, isliye baapdaada bachchon ko dekh khush hai aur bachche bhi sada khush hain bhi aur khush rahenge।

sabhi sevaadhaariyon ko khada kiya:-pauna class to isi zone ka hai। baapdaada ne dekha to sabhi zone, jo bhi hain unse yeh bada zone hai। ek zone mein 5chhote-chhote zone hain। baapdaada ko khushi hai ki bachchon ne jo bhi jahaan nimitta hain un nimitta hue bachchon ne seva achhi ki hai। vriddhi bhi achhi ki hai kyonki baapdaada ne dekha ki is ek zone mein kitne chhote-chhote zone aa jaate hain lekin sab nirvighna,apne purooshaartha mein safe hain,uski baapdaada mubaarak de rahe hain aur agar koi bhi chhoti moti kami ho to aane vaale varsha mein yeh sabhi 5 hi zone ekdam baapdaada ke aage certificate bhejna ki ham sab nirvighna,ever ready,teevra purooshaarthi hain। yeh result 5 hi chhote-chhote zone bhejna। baaki baapdaada yeh result dekhke khush hain ki apne tarna mein pauna class to aa gaya hai। to itni vriddhi hai tab to pahunche ho na। koi naye bhi honge lekin naye bachche bhi teevra purooshaarthi bhav ka vardaan le teevra purooshaarthi ban auron ki bhi seva,teevra seva kar bhaagya banaayenge tab sabhi maanenge sachmuch yeh aatmaayen to sukhdaata ke bachche sukhdaata hain। bahut bada zone hai, baapdaada khush hai। dekho,aap log T.vi. mein dekho pauna class to yahi hai। baapdaada special is zone ko vardaan dete hain ki sada khushanseeb, khushnuma aatmaayen hain। achha।

jurist wing:-baapdaada ne aapke meeting ki agenda dekhi thi, bachchi ne bataai thi to abhi aage jo baapdaada ne kaarya diya hai ki prasiddha karo geeta ka bhagwan kaun? abhi is seva mein lag jaao। group-group banaao aur uski result aani chaahiye ki kya-kya vichaar hue। dilli vaalon ne bhi achha kiya tha। brijmohan bachche ne kiya na, aapne kiya na to result kya nikli? result nikli? bataao। (dharmagurooon ke saath try kiya tha, abhi jurist wing ke saath milkar ise karenge) (mumbai mele mein 3stall geeta ke bhagwan ke rakhe the) achha। jo bhi purooshaartha kiya hai, woh kar to rahe hain lekin iski thodi summary banaao, sab ikaththe hoke, jinhonne bhi thoda-thoda kiya hai woh achha kiya hai lekin abhi is point ko vishesh attention deke,kyonki abhi jo bhi aapne yeh 75varsha ka manaaya hai, ismen aapke saathi bahut bane hain। bade-bade parichay vaale bhi bane hain isliye abhi is point ko achhi tarah se siddha karo jaise jagah-jagah par yeh jubilee ke function viye hain na vaise har sthaan par kuchh na kuchh group banaao laayak ho group,jo is point ko purooshaartha karke aap logon ko samaachaar dete rahen aur samaachaar sunke unko aap log direction dete raho। do teen ko nimitta banaao। iski committee banaao। sirf judge nahin agar koi bhi ismen roochi rakhta ho aur aap samajhte ho ki yeh kar sakte hain to aisa group taiyaar karo kyonki abhi sabhi ki buddhi mein yeh aa gaya hai ki brahmaakumaariyaan jo kartavya kar rahi hain usse hi kuchh badal sakta hai। in function se yeh result nikli hai isliye abhi isi point ko aur thoda attention deke, group banaake koi bhi ho judge ho ya koi bhi ho। jaise yeh brijmohan karta rehta hai na aise group banaake result nikaalo। aur yeh point aavashyak hai isse hi parivartan aayega। to kya karenge abhi? (abhi aapke yeh direction zaroor paalan karenge)। achha,jo bhi wing aaye hain un sabhi ko baapdaada mubaarak de rahe hain।

double videshi group:- (bachche aur youth group, bachchon ne geet gaaya)bahut achha,baapdaada ne aap sabka yaadapyaar bhi dekha। aap sabki yaad aur pyaar baba ne sveekaar kiya। abhi jinhonne bhi yeh training ki hai woh apne apne hamjinsa ko, bachche chhote hain to chhote bachchon ka group banaake laana। beech vaale hain to woh group banaake laana aur bade hain to bade apna group banaake laana। seva karna aur proof madhuban mein le aana। hai na himmat। himmat hai? achha hai। training ki result bhi baapdaada ne dekhi hai, umang se ki hai aur madhuban mein ki hai। kitne achhe vaayumandal mein ki hai to is training ka result avashya nikalna hi hai। isliye baapdaada ki padam padam padamguna mubaarak ho, mubaarak ho।

sindhi group tatha double videshi:-double foreigners ka lakshya hi hai teevra purooshaartha karna। baapdaada ko khushi hai ki double foreigners ke jo sanskaar hai,jo karna hai woh poora hi karna hai। aadha,pauna nahin karna hai, karna hai to poora hi karna hai, yeh visheshta baap ne dekha ki videsh seva mein aage badh gaya hai aur kone-kone mein bhi sthaan khol rahe hain। to baapdaada umang utsaah dekh mubaarak to sada dete hain, double videshiyon ko padam padamguna mubaarak hai। baba seva mein santushta hai। baaki har ek videshi har ek centre nirvighna,yeh bhi report foreign ki aani hai। centre nirvighna hai,yeh jo bhi centre samajhte hain ki centre nirvighna hai to woh report bheje phir baba usko prize dega। lekin nirvighna sab hon। sabko nirvighna banaake report do। agar hai to abhi se mubaarak hai। agar banna hai to phir report aane par mubaarak denge। baaki baapdaada yeh to kahenge ki foreign, phauran karne mein hoshiyaar hai। jo banaaya woh phauran kiya, foreign phauran। achha hai। sindhi group bhi aaya hai, mubaarak ho। dekho, aap sabhi jo bhi sindhi hain woh baba ke bhaarat ke sikeeldhe hain kyonki foreign mein jaake bhi bhaarat ka jo khoon bhara hua hai uski laaz rakhi hai। baapdaada khush hote hain aur amar hain। amar hain, isliye amar bhav ka bhi vardaan hai। aaj yeh khaas aaye hain achha hai,jis programme se aaye hain na woh baapdaada ko pasanda hai। achha kiya hai। abhi aap sindhi jo regular student hain woh to hain hi lekin abhi doosre baari aao to jo naye-naye aapne banaaye hain woh leke aana। group to bana hoga na। to woh leke aana kyonki baapdaada yeh vishwa ko dikhaane chaahta hai ki baap ne bhaarat mein janma liya,uska kaaran yeh nimitta banen। to jinhon ki bhi seva ki hai unhon ko saath laana। naye nayon ko saath laana, group banaake laana। baaki baapdaada khush hai ki seva mein bhi aage badh rahe hain,apne par attention dene mein bhi aapki nimitta bani hui janak bachchi attention achha rakh rahi hai isliye result achhi hai। aur baapdaada ko bhi foreign mein chakra lagaane ka samay milta hai। kaun sa samay milta hai? amritvela। videsh ke bhi centre par baapdaada chakra lagaata hai lekin abhi addition jvaalaamukhi yog। yeh jvaalaamukhi yog sabhi ko sameep laayega kyonki shakti milegi na। aap bhi light might roop banenge। chalte phirte bhi light might swaroop honge to logon ko bhi vibration aayega। phir mehnat kam aur phal jyaada niklega। jaise bhaarat mein anubhav kiya ki abhi jagah-jagah jo bhi function kiye hain, usmein result pahle se achhi nikli hai। aur baap bachchon ko jo bhi nimitta bani hain daadiyaan ya deediyaan unhon ko vishesh mubaarak dete hain ki baapdaada ke sang saathi bankarke 75varsha poore karke maidaan par aaye hain, iski bahut-bahut-bahut-bahut mubaarak hai। daade bhi hain,sirf deediyaan daadiyaan nahin,daade bhi hain। achha।

abhi daadiyaan bhi mil karke koi naya plan banaao। kya kehti hain? (daadi jaanki ne kaha - baba January maas ka bahut mahatva hai। January maas mein agar sabhi milkar purooshaartha karen, aisi seva ka koi plan ban jaae,jo sabke dil se jigar se nikle ki mera baba, aisi meri bhaavna hai। nirvair bhaai ne kaha - aapas mein baithkar kuchh naya plan banaayenge, jaisa daadi chaahti hain, aap chaahte hain, sabke dil se mera baba nikle, uske anusaar yojna banaayenge।) sab apne andar ek sankalp rakho,hamko nirvighna banna hi hai,banaana hi hai। jisko bhi jo dekhe, aise lage yeh kaun mere saamne aa gaya hai। dekh dekhke khush hota rahe। baapdaada naye varsha mein naveenta chaahte hain, vahi sanskaar nahin chaahte hain। ek-ek bachcha baap samaan dikhaai de। follow brahma baap। circumstance,baaten sab kuchh baap ke aage aai lekin pharishta ban gaye। to pharishta banna hi hai yeh dridh sankalp har ek apne aapse kare kyonki apne aapse karenge to attention rahega। mujhe banna hai bas। aur aapke banne se natural vibration phailega। to abhi kya lakshya rakha?pharishta banna hi hai,bolo। pakka hai na! peechhe vaale banna hi hai। aaj 12 baje sab yahaan chhod ke jaana। jo bhi kami ho na chhodke jaana। achha।

sabhi ko bahut bahut baapdaada ke dil ka pyaar aur mubaarak ho।

daadi jaanki se:- (kunj ne bahut yaad bheji hai)bahut achhi bachchi hai lekin hisaab kitaab ke kaaran aa nahin saki। (aunty uncle ki yaad di) baapdaada ke dil ki dibbi mein rehte hain। yeh ek example hain aur bachche bhi kitne achhe nikaale hain। (jayanti behen kuvet mein gai hain, vajeeha ke paas) vajeeha bachchi himmat vaali hai। iske kaaran parivaar ka kalyaan hua hai। (shanti behen, dilli ne yaad bheji hai) jo bhi tabiyat ke kaaran ya drama ke kaaran nahin pahunch sake hain unko baapdaada naam sahit, apna naam yaad rakhna aur baapdaada naam sahit bahut bahut bahut bahut yaadapyaar de raha hai।

pardaadi se:- mubaarak ho,aapka zone kitna bada hai dekha। sabse bada zone hai। badi dil hai isliye bada zone hai।

(brijmohan bhaai se)sabhi jagah seva ki hai, iski mubaarak ho। jahaan bhi programme hua hai vahaan pahunche ho iski mubaarak ho। (ramesh bhaai,santosh behen se) baambe ne mil karke kiya iski bahut mubaarak। har ek ne haath daala। yeh achha hai aur isse vibration achha। (jaanki daadi se) jahaan seva hai vahaan jaana to padta hai। london vaalon ne pyaar se tyaag kiya hai to unko samay par to madad deni padegi। baaki aap khud samajhdaar ho apni tabiyat ka khyaal rakho।

naye varsha 2012 ke shubhaarambha par sabhi bachchon ko badhaai

chaaron or ke parivaar,eeshvareey parivaar ko baapdaada aur sarva madhuban mein aaye hue braahmanon sahit sabko padam padamguna mubaarak ho, mubaarak ho। abhi naye varsha mein baapdaada ne jo homework diya, woh karke sabhi baapdaada ko pharishta roop dikhaana। abhi-abhi aaj ke din dridh nishchay karo, main kaun, main pharishta, main pharishta, main pharishta hoon,yahi sabhi chehra aur chalan baap ke saamne,vishwa ke saamne dikhaana hai। to sabhi baapdaada ke is mubaarak ko “main kaun” bolo,pharishta। pakka yaad rahega। amritvele yog karne ke baad phir se yaad karne ke baad phir se yaad karna,main kaun?main pharishta। pharishta hoon aur pharishta roop se baap samaan sampanna sampoorn banoonga hi। pakka। pakka! achha। to sabhi ko padam padamguna mubaarak ho, mubaarak ho। goodnight।

mohini behen ka 71 vaan janma din hai:- sada khushnumah ho aur sabhi ko khushi ki mubaarak dete rehna।

jaanki daadi ka 96 vaan janma din hai:- aap to chakravarti raaja ho। chakra lagaate sabhi ko pharishta banaate jaana।