Avyakt murli du dimanche 19 février 2012

19-02-12 om shanti avyakt baapdaada madhuban

“ghar ka get kholne ke liye behad ki vairaagya vritti dvaara deh-abhimaan ke main ka tyaag karo, birth de par dridhta dvaara kehna aur karna ek kar saphaltaamoorta bano”

aaj baapdaada chaaron or ke bachchon ko dekh harshit ho rahe hain। chaaron or se yahi dil ka aavaaj aa raha hai vaah baba vaah! aur baap ki dil se yahi aavaaj hai vaah bachche vaah! aaj sabhi umang-utsaah se divya janma ki khushi mana rahe hain। aaj khushi mana bhi rahe hain aur saath mein baap bhi bachchon ki khushi mana rahe hain। aaj ka hi yeh vichitra jayanti ka din hai jo baap aur bachchon ka ikaththa divya janma ka din hai। to aap sabhi bhi mubaarak de bhi rahe ho aur le bhi rahe ho kyonki baap ne janma liya hi hai yagya rachne ke liye। to yagya mein brahman bachche hi chaahiye। to yeh ek hi jayanti hai jo baap aur bachchon ki ikaththi jayanti hai iseelie is shiv jayanti ko heere tulya jayanti kaha jaata hai। to baap dekh rahe hain ki ek-ek bachcha kitne sneh se mubaarak dene aaye hain aur baap bhi mubaarak dene aaye hain। yeh jayanti ati sneh ki jayanti hai। snehi bachche,snehi baap aur snehi jayanti hai।

baapdaada ke paas chaaron or ke desh videsh sab bachchon ka sneh pahunch raha hai। baap ek-ek snehi bachche ko padamguna sneh bhari mubaarak de rahe hain। yeh sneh har bachche ko sahaj karmayogi banaane vaala hai। yeh sneh sada sahaj banaane vaala hai। shaktishaali banaane vaala hai। baapdaada ka akela janmadin nahin hai kyonki baap sada hi bachchon ke saath rahne vaale hain। saath rahenge, saath chalenge, saath raajya karenge। aap sabka bhi yahi vaayda hai na! saath rehna hai,saath udna hai aur saath raajya karna hai!

baapdaada ko aaj aapke bhakta bhi vishesh yaad aa rahe hain kyonki aapke bhakton ne jo aapne kiya hai woh copy bahut achhi ki hai kyonki dvaapar mein paramdham se pahle-pahle aaye hain to pahla janma sada satopradhaan hota hai isliye unhonne copy bahut achhi ki hai। to aaj ke din bachchon ke saath aapke bhakta bhi yaad aa rahe hain। vatan mein to aaj amritvele se bahut bachchon ki raunak thi। har bachcha samajhta tha ki main baapdaada ko apni mubaarak doon aur baapdaada ne bhi har bachche ki mubaarak ati sneh se sveekaar ki। to vatan mein aaj yeh mela laga hua tha। ek taraph aap bachche the, doosri taraph advance mein gaye hue aapke saathi saath mein aaye hue the। baapdaada ne dekha ki aapki daadiyaan aur ananya bhaai ki list bahut badi thi। ek-ek daadiyaan baapdaada ko bhi mubaarak de rahe the lekin saath mein aap sab bhaagyavaan bachchon ko bhi mubaarak de rahe the। to vatan mein aaj mubaarkon ka mela tha। sabhi advance party ke vishesh daadiyaan aur bhaai aap vishesh nimitta saathi rahne vaali aatmaon ko yaad karte hue bahut dil se mubaarak de rahe the। to aap sabko baapdaada sabki taraph se bhi mubaarken de rahe hain। sveekaar kiya?sabhi ka vishesh bahinen aur bhaaeeyon ka ek hi aavaaj tha ki abhi ghar ka get kab kholenge! to vishesh deedi daadi kah rahi thi ki hamaari sakhiyon ko, bhaaeeyon ko hamaare taraph se yahi kehna ki ghar chalne ke liye kaun si taareekh fix ki hai? sab ikaththe chalenge na! alag-alag to nahin jaayenge?darvaaja kholne ke liye sabhi ikaththe haazar ho jaayenge। to woh date maang rahe the। baapdaada muskaraaye kyonki baap bhi chaahte hain ki abhi get ko kholne ke liye sabhi bachchon ko behad ki vairaagya vritti chaahiye। yahi chaabi hai get kholne ki।baapdaada to sada kehte rehte hain ki behad ke vairaagi ban vesta sankalp aur vesta samay donon ko milkar jaldi se jaldi tyaag karna arthaat behad ke vairaagi banna kyonki baapdaada ne dekha hai ki sabse bada vighna deh abhimaan hai। is deh abhimaan ko tyaagna chalte-phirte dehi abhimaani banna,yahi behad ka vairaagya hai।

to sabhi kehte to hain mera baba,meetha baba,pyaara baba। jab dil se kehte hain mera to yeh deh abhimaan jo ‘main’ ke roop mein aata hai, baap sada kehte hain ki yeh ‘main’ka bhaan jo aa jaata hai, main jo karta hoon,main jo kehta hoon, vahi theek hai। ek main hai common, main aatma hoon aur yeh mera shareer hai। doosra maheen main, jo sunaaya mainne yeh kiya, main yeh kar sakta hoon, main hi theek hoon,yeh maheen main isko khatma karna hai। yeh deh abhimaan is roop mein aata hai। to aaj baapdaada ne yeh maheen main jo kabhi baap ki visheshta ko bhi mera maankar ‘main’ ka bhaan rakhte hain,isko samaapta karna। dekho, yaadgaar jo banaate hain usmein bhi jab bali chadhaate hain to khud nahin bali chadhte hain lekin kisko bali chadhaate hain?bakre ko। bakre ko kyon dhoondha? kyonki bakra me me hi karta hai। bhakton ne copy to bahut achhi ki hai। to aaj ke din yeh deh abhimaan ka main kya purooshaartha karke samaapta kar sakte ho?birth de par aaye ho baap ke,to koi saugaat to denge na! to baap ko aur saugaat nahin chaahiye, yeh maheen maimpan,yahi baap kehte hain aaj ke janmadin par baap ko saugaat de do। de sakte ho? dena hai? hai himmat? himmat hai? haath uthaao। haath uthaake to khush kar diya। to haath uthaaya, to saugaat de di na! di hui saugaat koi vaapas leta hai kya? kai bachche kehte hain baba ham chaahte nahin hain lekin aa jaati hai। kaaran kya? kaaran agar poochhe to javaab bahut achha dete hain। kehte hain jaante bhi hain,maante bhi hain lekin kya karen vaapas aa jaata hai। socho! di hui cheez agar aapke paas aa jaae to kya di hui cheez apne paas rakhenge? to agar aapne dil se di, agar vaapas aa bhi jaati, to rakhenge apne paas? kaaran kya hai? baap se pyaar hai na to pyaar ke kaaran jo baap kehte hain woh karne chaahte hain, yeh baap ke paas bhi result aati hai lekin kya hai, dridhta kam hai, dridhta ko use karo। sankalp karte ho lekin ek hai sankalp karna,doosra hai dridh sankalp karna। to baar-baar kiye hue sankalp mein dridhta laana, yeh attention kam hai। dridhta saphalta ki chaabi hai। to aaj kya karenge? sankalp karenge ya dridh sankalp karenge? agar aapka dridh sankalp hai to uski nishaani hai dridhta saphalta ki chaabi hai। to chaabi lagaane mein koi kami rah jaati hai iseelie sampoorn saphalta nahin milti hai।

to aaj baapdaada bachchon ka bhi birth de hai,baap ka bhi birth de hai। to yeh to vishesh din hai na! saare kalpa mein baap bachchon ka ek samay janma yeh isi birth de ki visheshta hai। to aaj ke din baap yahi chaahte hain ki har bachcha aaj apne dil mein dridhta ko laake yeh dridh sankalp kare ki humein vyartha sankalp aur vyartha samay,kyonki agar saare din ko attention se check karo to beech-beech mein samay aur sankalp vyartha jaata hai। baapdaada to sabka register dekhte hain na! usko bachaana arthaat samaapti ka samay sameep laana। taiyaar ho? ki abhi bhi kahenge aa jaate hain kya karen? vyartha ka kaam hai aana,aapka kaam kya hai, bithaana?to bitha dete ho tabhi to usne bhi ghar bana diya hai। woh bhi samajh gaye hain ki dridhta nahin hai isliye aaj ke sneh ke din sabke dil mein abhi kya hai? amritvele se leke aaj dil mein baar-baar kya aa raha hai?mera baba,mera baba,mera baba। baap ke dil mein bhi hai mere bachche,mere bachche,mere bachche…। to jaise majority baap ki yaad mein rahe hain। din ka prabhaav hai,baapdaada ne note kiya। sneh ke din hone ke kaaran baar-baar sabhi ko mera baba,mera baba kaaphi samay yaad raha hai। aise hai? ismen haath uthaao। aaj ke din ki baat hai। mera baba yaad raha? aur kuchh yaad raha?nahin। aise aise haath kar rahe hain, bahut achha। to agar roz baar-baar check karo sangam ka har din baap ke sneh ka din hai। jaise aaj vishesh din hone ke kaaran jyaada yaad raha na! aise sada amritvele yeh smriti mein rakho ki yeh sangam ka ek-ek din kitna mahaan hai। ek chhote se janma mein21 janma ki praapti guarantee hai। to ek-ek din ka kitna mahatva hua! kahaan 21janma aur kahaan yeh chhota sa ek janma।

to baapdaada aaj aap bachchon se birth de ki yahi saugaat chaahte hain। denge saugaat? denge? haath uthaao। dridh nishchay ka haath। dekhenge, karenge nahin। karna hi hai। kuchh bhi ho jaae tyaag to tyaag। yeh tyaag nahin lekin bhaagya hai। to aaj ka din agar sahi haath uthaaya to mahatva ka din hai na! abhi se aapke chehre par vyartha ki samaapti aur sada smriti swaroop ki jhalak chehre aur chalan mein aani chaahiye। yeh maaya ke jo shabd hain na! kya, kyon, kab, kaise… yeh samaapta ho jaaen tab chehra aur chalan seva karenge। abhi jyaada prabhaav bhaashnon ka hai। baapdaada khush hai bhaashan bahut achhe kar rahe hain lekin dinapratidin abhi jaise yeh bhaashnon dvaara, vaani dvaara seva ka umang achha rakha aur saphalta bhi paai। aise hi abhi samay pramaan aapki jyaada seva chehre aur chalan se hogi। uska abhyaas, jaise bhaashnon ka abhyaas karte-karte hoshiyaar ho gaye ho na! aise abhi chehre aur chalan se kisi ko khushi ka vardaan do, yeh abhyaas karo kyonki samay kam milega isliye samay aur sankalp ka mahatva rakhte hue aage badhte jaao। hona sab achaanak hai isliye birth de to yaad rehta hai na! birth de aana hai, aana hai kitna samay yaad aaya? baapdaada aana hai, aana hai, milna hai yeh kitne samay se yaad rakha? ab yeh sankalp karo, dridhta se vyartha samay aur sankalp ko samaapta karna hai। mera baba, mera baba dil mein samaate, kehna alag cheez hai lekin dil mein samaana, dil ki baat kabhi bhoolti nahin hai। mukh ki baat bhool sakti hai lekin dil ki baat achhi ya vyartha donon nahin bhoolti hai। to aaj baapdaada ko saugaat to di na baap ko। do-do haath uthaao। are vaah! yeh photo nikaalo। baapdaada sirf haath ko nahin dekhte, baapdaada aapke dil ko dekh rahe hain।

to aaj ke din ki saugaat apne ko bhi di aur baap ko bhi di। agar aapka vyartha samay aur sankalp bach gaya to aapka din kaise beetega? sada khushanseeb aur khushnuma ban jaayenge। to abhi sankalp ko amritvele baapdaada se milan manaane ke baad yeh roz smriti mein laana aur saare din mein beech-beech mein check karna। baapdaada time fix nahin karte lekin aap apna time fix karo। beech-beech mein check karna to jo baapdaada ke aage birth de par vaayda kiya woh vaayda nibha rahe hain? yeh apne aapse check karna। chaahte to sabhi hain। baapdaada aaj shaklen dekh rahe hain ki chaahte hain haan karenge, karenge, karenge lekin yeh vesta aa jaata hai na to baap se kiya hua vaayda bhi bhula deta hai। to vesta khatma। ek minute abhi bhi ek minute powerful aatma ban sankalp karo vesta ko khatma karna hi hai। achha।

baapdaada ek bhi bachche ko apne samaan banaane ke bina rahne nahin chaahta। pyaar hai na! dekho pyaar ki nishaani aaj ka din hai। baap aur bachche ka saare kalpa mein aisa din nahin hota jo baap aur bachche ka janma hi ek din ho। baap ka ek-ek bachche se dil ka pyaar hai ki mera bachcha,paramatma ka bachcha, jo sankalp karo woh sankalp saphal ho। ek-ek sankalp mein shakti ho,kehna aur karna ek ho। kaha arthaat hua। shuddh sankalp ho। to vyartha svatah hi khatma ho jaayega kyonki advance party date chaahti hai। to aapki badi-badi daadiyaan hain,bade-bade bhaai hain, pyaar to hai na unhon se। kitna yaad karte hain? daadi ko, deedi ko, chandramni ko। sabhi ke naam lete jaao। sabhi ko yaad karte hain। to woh jo chaahti hain woh karke bataao na। to aaj ka sankalp kya raha? kehna aur karna ek ho। theek hai! to aaj chaaron or ke bachchon ko baapdaada birth de ki saugaat yahi de rahe hain “kehna aur karna” ek karo। dridhta ki saugaat aaj ke din ki baapdaada har bachche ko de rahe hain। shubh kaarya dridhta se saphal karo।

baaki jo bhi aaj pahle baari aaye hain,woh utho। haath hilaao। baapdaada aane vaale bachchon ko aa gaye, jaan liya mera baba, iski bahut-bahut mubaarak de rahe hain। baapdaada ko khushi hai phir bhi halchal jo honi hai uske pahle pahunch gaye ho,iski mubaarak ho। abhi aane vaala har bachcha yeh sankalp karo dridh, saadhaaran sankalp nahin,dridh sankalp karo ki teevra purooshaarthi banna hi hai। teevra, saadhaaran nahin। to aane vaale apne raajya mein aa jaayenge isliye saadhaaran sankalp ka samay poora hua। abhi teevra purooshaartha ka samay hai, chance hai, phir bhi chance lene vaale chancellor to ban gaye। to baapdaada har bachche ko dekh khush hai aur har bachche ko kah rahe hain ki teevra purooshaartha karenge to saath jaayenge, saath rahenge। to mubaarak ho, mubaarak ho,mubaarak ho।

seva ka tarna yu.pi. banaaras aur pashchim nepaal:- yu.pi. vaale aadi sthaapna se bhaagyavaan hain kyonki brahma baap aur jagdamba jitna samay bachchon se milne gaye hain, utna auron ke paas sivaae baambe aur dilli ke, nahin gaye hain। to lucky hain jo brahma baap aur jagdamba ka paanv padte bachchon ko sneh mila hai। direct brahma baap aur jagdamba ki paalna mili hai iseelie yu.pi. bhaagyavaan hai aur baapdaada ne dekha ki seva ki ek visheshta hai ki sevaakendra bhi achhe khole hain। kai kumaariyon ko teacher banne ka bhaagya mila hai isliye anek teachers seva mein lagi hui hain aur saath mein aavaaj bhi phailaaya hai। baaki baapdaada jo abhi chaahta hai woh to jaante ho ki abhi baapdaada har zone ko yahi kehta hai ki abhi vaaris quality baap ke saamne laao। abhi baapdaada sabhi zone ko kehte hain har ek zone mein ya har ek centre mein vaaris quality kitne hain woh baapdaada ke paas har zone, double videshi bhi har sthaan ke vaaris bachchon ki list deve kyonki samay sameep aa raha hai isliye abhi seva ki gati fast karo। regular student to bahut hain har zone mein lekin vaaris quality arthaat tan-man-dhan se, sambandh-samparka se har kaarya mein sahayogi ho। sirf apne centre ke sahayogi nahin, lekin yagya snehi vaaris ho। vaaris maana centre ki seva mein bahut achha hai nahin, vaaris ka arth hi hai sneh sahayog aur sevaadhaari। aise har ek zone list bhejna। aap log madhuban vaale list dekhna, mangaana। phir baapdaada sunaayenge result vaaris kisko kaha jaata aur vaaris ko kya-kya karna hota hai! baaki yu.pi. vaale jo apna tarna bajaane aaye hain, to is tarna ka phaayda kaaphi uthaaya hai। har zone uthaata hai yu.pi. vaalon ne bhi achha chance liya hai। anek aatmaon ko chance dilaaya hai iski mubaarak ho, mubaarak ho।

baapdaada har ek bachche ko, jo bhi uthe ho har bachche ko birth de ki mubaarak de rahe hain aur saath mein bhavishya mein teevra purooshaarthi bhav ka vardaan de rahe hain। achha।

95 deshon se 1300 double videshi aaye hain:- bahut achha madhuban ka shrangaar madhuban mein pahunch gaya hai। double videshiyon ka madhuban se pyaar kitna hai aur madhuban vaalon ka bhi double foreigners se pyaar hai। double foreigners madhuban ka shrringaar hain। sabhi ne achhi reeti se jo bhi conference programme karna tha, woh aaraam se kiya। jagah thodi kam mili hai, yeh bhi ho jaayega aage। baaki double foreigners ko baapdaada yahi vardaan de rahe hain ki jagat amba ke do shabd baap ka kehna aur bachche ka karna, yeh sada jagat amba ki saugaat yaad rakhna। baapdaada jaanta hai murli se pyaar sabka hai, baaki parivaar se bhi pyaar hai। baap se to hai hi, abhi apne mein har dhaarna, har seva mein saphaltaamoorta ek-ek mein yeh donon hi visheshta ho, jo baapdaada seva mein aap logon ka drishtaanta dekar auron ko bhi umang mein laaye। aisa purooshaartha kar example bano। karne mein dridh sankalp se saphalta ke adhikaari ho isliye example bano। teevra purooshaarthi banne ka example bano, saadhaaran to sabhi hain lekin aap teevra purooshaartha ka sample bano। ummeedvaar hain। baapdaada ne dekha double videshiyon mein nizi sanskaar hota hai ki jo socha woh karna hi hai। to abhi teevra purooshaarthi ka aise sample bano, jo baapdaada aapka drishtaanta dekarke auron ko bhi umang-ulhaas mein laaye। ummeedvaar ho। jo sankalp karo woh kar sakte ho isliye baapdaada aaj ke din ki padam padam padam mubaarak de rahe hain।

baapdaada sunte hain kya-kya karte ho? khush hote hain baapdaada aur madhuban ke vaayumandal mein pahunch jaate ho iski bhi mubaarak ho, mubaarak ho, mubaarak ho।

(desh sambhaalne vaale, centre sambhaalne vaalon ki meeting hui aur 150 puraane 25 saal se samaarpit teachers ki ceremony thi) sab department ne jo kuchh final kiya hai mil karke aur daadiyon ke sahayog se uske liye khush hai ki phaisla yathaartha kiya hai aur aage badhte chalenge। om shanti। aapki daadi om shanti bahut karaati hai na। achha।

baapdaada har bachche ko dekh chaahe peechhe baithe hain chaahe kone mein baithe hain, lekin ek-ek bachche ko sada teevra purooshaarthi ban auron ko bhi teevra purooshaarthi apne sang se bhi bana sakte hain। kisi bhi aatma ko koi sahayog chaahiye woh dil se sahayog de teevra purooshaarthi banaate chalo। har bachcha teevra purooshaarthi ho। nambarvaar nahin, teevra purooshaarthi। kam se kam apne samparka mein rahne vaale, aane vaale har sthaan teevra purooshaarthi sthaan ho। yahi sankalp har ek rakhe aur phir baapdaada iski result dekhenge। jahaan centre vaale sab teevra purooshaarthi swaroop mein hai unko baapdaada koi-koi nahin, sabhi saathi ho unko ek gift denge। ho sakta hai na! ki mushkil hai? nahin। kam se kam apne sthaan ko to bana sakte hain। apne sevaakendra ko to bana sakte hain। aisa example abhi baapdaada dekhne chaahte hain। jaise mohjeet ki kahaani hai na, jise bhi mile mohjeet। to sunne mein achhi lagti hai na। aise jise bhi dekhen teevra purooshaarthi group। lakshya rakho, lakshya se lakshan aa hi jaayenge। har ek centre santushtamniyon ka centre ho। achha।

baapdaada dil se chaahte hain ek bachcha bhi peechhe nahin rah jaae। saath mein chale। peechhe-peechhe aane vaale achhe nahin lagte hain। saath ho, haath ho, chalna hai na ghar mein। return journey hai। uske liye jaise brahma baap pharishta hai, aise follow father। saakaar mein hote pharishta, jisko bhi dekho pharishta hi pharishta, tab get khul jaayega। achha। sabhi bachchon ko sada khushanseeb, khushnuma swaroop ki yaadapyaar।

daadiyon se:- (main baba ke saath rahoongi, satayug mein nahin jaaoongi) brahma baap saath mein hoga na। aapko praalabdha jo purooshaartha ki hai, uska anubhav karna hai। to shiv baap ne hi yeh time rakha hai।

aaj kuvet ki vajeeha vatan mein chali gai :- paramatma ki pyaari thi na to sarva ki bhi pyaari thi। aur sambandhiyon ka bhi luck hai jo unhon ka bhi connection jod diya। saphal karne aur karaane mein number one rahi hai। achha।

aaj neelu bachchi ko bhi pyaar kar rahe hain, kyon? sambhaal bahut achhi kar rahi hai। hai rath ki bhi kamaal lekin saath mein iski bhi kamaal hai isliye aapko sabki duaayen milengi।

(guljaar daadi ji ke liye) baapdaada ne jisko nimitta banaaya hai woh sada nimitta banke kaarya kar rahe hain, sabhi aatmaon ko sukh shanti aur shakti ka anubhav kara rahe hain। is aatma ka bhi drama mein part hai, vichitra part hai aur daadi jo hai hamesha is rath ko kehti thi ki raaste chalte phans gai hai। har ek ka part apna-apna amoolya hai। mubaarak ho, mubaarak ho।

(brijmohan bhaai aaj is tarna mein nahin aaye hain, yaad bheji hai) baap ki bhi yaadapyaar dena। usko padamguna mubaarak dena। (ramesh bhaai ne kaha studio ka saamaan aa gaya hai, kal recording karenge) achha hain, dheere-dheere sab theek ho jaayega। aap bephikra hoke karte chalo।

aaj naye bhandaare ka mahoorta kiya gaya:- ho jaayega, phir bhi sukh to milega na। (sabhi majdoor mistriyon ne bhi bahut mehnat ki hai) unhon ko yaadapyaar dena। baapdaada dekhte hain, chakra lagaate hain, unko toli dilaana। (brahma bhojan banaane vaale badi mehnat karte hain) brahma bhojan ki vaise hi mahima hai to jo brahma bhojan banaane ke nimitta hain woh to vishesh aatmaayen hain। kitna bhi koi bhi kaarya hai to haazir ho jaate hain, iski bahut bahut mubaarak hai, mubaarak hai, mubaarak hai।

(teenon bhaaeeyon ko janma din ki gift) mubaarak yeh hai ki sada samay par ek do ko sahayog de karke kaarobaar ko aise easy chalaao jo koi bhi mehnat nahin karni pade aur discuss koi baat mein nahin karni pade, sahaj hota jaae। ho raha hai aur thoda attention। sab milkar karte chalo। ek do ke vichaar ko regard dete hue final karte chalo kyonki vichaaron mein pharka to hota hai lekin vichaaron ko milaana hai, milaake santushta karna hai aur santushtata phailaani hai।

hansa behen se:- jeevan diya seva mein, to seva ka meva nahin mila! mubaarak to hai tumko। baapdaada ka milna maana mubaarak dena। kahne ki aavashyakta hi nahin hai। aapko mubaarak sookshm mein bahut mil rahi hai kyonki rath ko sambhaal rahi ho। yeh bhi (neelu behen) sambhaal rahi hai, aap bhi sambhaal rahi ho। to value hai na। aur mubaarak roz milti hai। amritvele roz baapdaada mubaarak dete hain। bahut achha kar rahi ho।

baapdaada ne 76 veen trimoorti shiv jayanti ke uplakshya mein apna jhanda phahraaya aur sabko mubaarak di

sabhi dil se vishwa seva prati jhanda lahraane vaale bachchon ko baapdaada ka bahut-bahut-bahut-bahut padam padam guna mubaarak ho, mubaarak ho। aapke to dil mein shiv baap baitha hai। dilaaraam hai, har ek ke dil ka dilaaraam hai aur yahi dil ke dilaaraam se sada amritvele mubaarak lete rehna aur chaaron or mubaarak dete rehna। yeh to logon ko seva ke arth jahaan tahaan jhanda lahraate hain to unke dil mein smriti aave mera baap kaun! pahchaante nahin hain na! to unhon ko pahchaan ke liye jhanda lahraate hain baaki aapke to dil mein svayan baap baitha hai। iska yaadgaar yahaan aabu mein hi dilvaala mandir hai। to sabhi ko padam padam padam guna mubaarak hai, mubaarak hai, mubaarak hai।