Avyakt murli du vendredi 18 janvier 2013

> > 18-01-13 om shanti avyakt baapdaadaamdhuban

“baapdaada ki aash - ab brahma baap samaan sampanna aur sampoorn banne ka kadam umang-utsaah se teevra karo, iska vishesh plan banaao”

aaj baapdaada apne meethe-meethe pyaare-pyaare bachchon ko dekh khush ho rahe hain। sabke dil se vaah baba vaah nikal raha hai aur baap ke mukh se vaah bachche vaah!yahi bol nikal rahe hain। aaj chaaron or ke bachchon ko bhi baapdaada dekh rahe hain,sabke man mein brahma baap ke sneh ki jhalak dikhaai de rahi hai। sabke man mein pyaar ki lahar dikhaai de rahi hai। baap ke man mein bhi har bachchon ke prati pyaar ki lahren aa rahi hain। yeh pyaar alaukik pyaar hai। baapdaada ne dekha majority bachche pyaar ki shakti se hi chal rahe hain। baap ko bhi har bachche ke prati pyaar aa raha hai aur dil se har bachche prati yahi nikalta meethe bachche,pyaare bachche,har bachche ko baap ne teen takhta ke maalik banaaya hai। jaante ho na!saare kalpa mein koi bhi aatma teen takhta ke maalik nahin ban sakti lekin aap shreshtha aatmaayen teen takhta ke maalik ban kitne roohaani pyaar mein,nashe mein rehte ho!har ek apne se poochhe itni khushi,itna roohaani nasha sada smriti mein rehta hai?sada shabd sada yaad hai?baapdaada ko kabhi-kabhi shabd achha nahin lagta।

to aaj sabhi chaahe saamne baithe hain,chaahe apne-apne sthaanon par baithe hain lekin baap to dekh hi rahe hain,door hote bhi baap ke to saamne hi hain। to baap ne dekha har ek bachcha aaj vishesh brahma baap ke sneh mein samaaye hue hain। sneh mushkil baat ko bhi sahaj karne vaala hota hai। to baapdaada har ek bachche se ati sneh karte hain। chaahe purushaarthi hain lekin hain to baap ke bachche। to aaj baapdaada yahi chaahte hain ki har ek bachche ke mukh se sada shabd nikle। ho sakta hai?jo samajhte hain ki ab se sada shabd sahaj hai,lakshya rakhkar lakshan aa hi jaayenge kyonki baapdaada madadgaar hai,woh haath uthaao। vaah vaah!vaah bachche vaah!taali bajaao।

baapdaada bhi sirf saamne vaalon ko nahin lekin chaaron taraph ke bachchon ko dekh pyaar se kehte vaah bachche vaah!jaise majority bachche baapdaada se dil ke pyaar mein number one hain aise sada vijayi,isse bhi kabhi-kabhi shabd nikal jaae। yeh ho sakta hai?ho sakta hai?ismen haath uthaao। haath bada uthaao, hilaao। haath to bahut achhe hil rahe hain। baapdaada bachchon ko himmat mein dekh khush hote hain। ek-ek bachche se baap ka,donon baap,baapdaada donon ka dil ka pyaar sada hai aur sada rahega। agar chalte-chalte thoda sa maaya ka vaar ho bhi jaata hai to bhi baap ka pyaar samaapta nahin ho sakta। aur hi baapdaada saathi bachchon ko yahi kehte inko extra sahayog,pyaar de karke udaao। ab baapdaada yahi chaahte hain samay ko to sab jaante hi ho। samay kahaan ja raha hai,yeh sab jaante hain। to samay ko dekhte baapdaada ki achaanak ki baaten yaad karo। baapdaada ki yahi dil ki aash hai ek bhi bachcha peechhe na ho,saath rahe,saath chale। saath rehna sthool nahin,lekin dil se sada shreemat par chalna,yahi sada saath hai। to abhi samay pramaan jaise pyaar hota hai to samajhte hain saath rahen,saath rehna sthool mein to ho nahin sakta lekin jo baap chaahta hai,parivaar saathi chaahte hain usmein samaan aur saathi banke chalna yahi saath hai।

to jaise aaj ke din baapdaada ke paas pyaar ki lahar chaaron or ke har bachche ki pahunchi hai, aise hi baapdaada ki shubh aasha hai ki har roj amritvele se leke raat tak jo bhi man,vachan, karma mein kaarya karte ho,usmein check karo baap ka kehna aur mera karna samaan raha?yeh ho sakta hai!eeji hai?murli roj ki baap ka kehna hai। to har ek check kare baap ka kehna mera karna,ek raha?yeh mushkil to nahin kyonki har ek raat ko sone ke pahle apne roj ki result check to karte hi honge। baap abhi chaahte hain ki aap bachche svayan sampanna ban samay ko sameep laao। brahma baap bhi aavaahan kar rahe hain aao bachche saath chalen apne raajya mein। aatmaon ko bhi mukti ka get khulvaakar mukti ka part bajaane do। kisko raajya,kisko mukti।

to aaj ke din amritvele se leke sneh ki maalaayen to sab taraph se bahut pahunch gai। baapdaada sabko bhejne vaalon ko mubaarak de rahe hain। ab kya karna hai?ab jo baapdaada aur aapki bhi chaahna yahi hai ki sab sampanna aur sampoorn ban jaayen। is kadam ko aur teevra karo। aapko bhi pasanda hai na!duhkh ashaanti apne bhaai bahnon ki sunte achhi nahin lagti hai na!ab aapas mein milke aur baaton mein samay na deke yeh plan banaao। chaaron or sampanna sampoorn banne ka umang-utsaah ho। brahma baap yahi chaahte hain mera ek-ek bachcha mere samaan sampanna ban jaaye। yeh brahma baap ki aasha poorn to karenge na!to aaj brahma baap chaaron or ke bachchon par sneh aur shaktiyon ki lahar va shubh sankalp ki lahar phaila rahe the। baap bhi brahma baap se bachchon ka pyaar dekh karke aaj phool phailaane ka din hai na,to baap bhi shubh aashaaon ke phool “kaha aur kiya” is ummeedon ke nahin lekin teevra purushaartha ke phool aap chaaron or ke bachchon par daal rahe the। achha।

baapdaada har bachche ko chaahe naye bhi aaye ho,pahle baari jo aaye hain woh utho। dekho,sabhi majority aadha naye aaye hain। aane vaalon ko bahut-bahut baapdaada ka yaadapyaar sveekaar ho। baapdaada khush hai lekin kamaal karke dikhaana। achha। dekh rahe hain,har ek bachcha saamne dikhaai de raha hai,chaahe vahaan hai chaahe last hai lekin ismen(baapdaada ke saamne T. vi. rakhi hai)saamne hi dikhaai de raha hai to ek-ek bachche ko baapdaada ka yaadapyaar sveekaar ho। abhi parivartan jaldi-jaldi karna padega। aa gaye uski mubaarak,abhi purushaartha kar number aage leke phir mubaarak lena। achha,baith jaao,bhale padhaare।

seva ka tarna panjaab zone ka hai:- bhale padhaare। achha hai,panjaab mein brahma baap ka bahut pyaar tha। khaas panjaab mein chakkar lagaake raha। sabhi jagah nahin gaye brahma baap lekin thode sthaanon mein gaye, usmein bhi panjaab mein bhi gaye to panjaab ko baap ne apne direct vardaan diye hain aur panjaab ki visheshta kumaariyaan teachers bahut achhi nikaali hain। bahaadur,darne vaali nahin। theek hai na teachers। bahaadur ho na,darne vaali to nahin ho। nahi hain। aakhir bhi sabhi ko kitne bhi bade hain,kya bhi hain lekin aakhir to jay shiv shaktiyaan kehna hi padega। achha hai baapdaada seva mein to har ek ko dekhte hain ki kar rahe hain,karte rahenge lekin ek baat sabhi zone ke liye jo baapdaada ne kahi hai,certificate lene ke liye woh abhi tak kisi zone ne nahin li hai। abhi panjaab ko number one jaana chaahiye। ek ne kaha,sabhi ne pyaar se kiya aur jaise sthool mein ek do ko saath dete ho vaise saskaaron ke milan mein bhi pratyaksha phal dikhaao। theek hai na!abhi woh number nahin aaya hai,abhi tak koi bhi zone ki yeh result nahin aai hai। panjaab karega। karenge na?teachers haath uthaao। teachers to bahut hain। bahut achha,baapdaada khush hai।

double videshi:- videshi, lekin baapdaada videshi bachchon ka umang utsaah dekh khush hai aur baapdaada ko vishesh khushi hai ki madhuban mein aake har ek apne purushaartha mein addition karte hain। aap jo bhi sabhi aaye hain to vishesh koi na koi baat mein attention diya hai na!aage se yeh baat nahin karni hai aur yeh baat karni hai,donon ka spashteekran leke jaate hain aur baapdaada ne dekha attention dete bhi hain aur nimitta bane hue attention dilaate bhi hain isliye baapdaada khush hote hain ki attention deke kai parivartan bhi karte hain yeh result baapdaada ne dekhi hai aur aage ke liye yeh attention dena ki madhuban hain aana arthaat koi na koi baat ka progress karna। to aap sabhi ne kiya hai?haath uthaao। kuchh na kuchh parivartan karke hi jaana। hai theek hai,manzoor hai?baapdaada ka bhi pyaar hai kyonki baapdaada ne dekha hai double service karte bhi kai bachche bahut achhe teevra purushaarthi bhi hain। baapdaada khush hai aur number sada aage lete rehna। chal rahe hain,nahin। number kaun sa?aa rahe hain,class kar rahe hai nahin। har din progress kya kiya?murli sunna,dhaaran karna,iska proof hai parivartan karna। to achha hai baapdaada khush hai। karte hain aur aage bhi karte rahenge। achha hai। haath hilaao baapdaada sabhi ko dekh rahe hain kyonki ismen (TV mein)khaas aata hai। dekho draamaanusaar jab bachche aaye the unse 100 saal pahle yeh science ne tarakki ki,to abhi bhi dekho yeh science aapke kaam mein aa rahi hai। theek hai na!achha। sabhi bachchon se, ek-ek bachcha peechhe vaala bhi aise hi samjho ham baapdaada ke saamne hain aur baapdaada mere ko yaadapyaar de rahe hain।

kalkatta vaalon ne sabhi sthaanon par phoolon se kshringaar kiya hai:- achha karte hain,dil se karte hain,mehnat bhi karte hai hain iseelie inhon ko khaas baapdaada ki taraph se do do toli aur 6-6phal inhon ko dena। mehnat jinhonne ki hai, unhon ko phal to milna chaahiye na। baaki achha hai dil se karte hain aur dil ko achha lagta hai। mubaarak ho। seva ki,ek aane ki doosra seva ki to mubaarak ho। achha।

abhi chaaron or ke bachche baapdaada unhon ko dekh rahe hain,woh bhi baapdaada ko dekh rahe hain,to sabhi ko bahut-bahut teev purushaarthi,socha aur kiya,isko kehte hain teevra purushaarthi। to jo bhi teev purushaarthi bachche hain,un ek-ek ko baapdaada teevra purushaartha ke lakshya ki mubaarak bhi de rahe hain aur saath-saath aage badhne ki badhaai bhi de rahe hain। achha।

aaj to sabse mile na। dekho,ek-ek se alag saamne to mil nahin sakte lekin ek-ek ko door baithe bhi saath mein anubhav karte yaadapyaar de rahe hain। achha। abhi kya karna hai।

baapdaada ne daadi jaanki ji ko phoolon ka haar pahnaaya:- kya karoon,nahin kar rahi ho। sabhi achha kar rahe hain। jo bhi nimitta bane hain woh sab achha kar rahe hain। suna।(daadi jaanki ji ne kuchhek bhaai bahinon ki baba ko yaad hai) unko kehna baapdaada amritvele chakkar lagaate hain to inhon ke paas bhi chakra lagaate hain।(naaraayan daada hospital mein hain) seva dhyaan se karna aur yaadapyaar bhi dena।

mohini behen ne ahamdaabaad hospital se yaad bheji hai:- kitni bhi beemaari ho lekin baapdaada yaad hai to beemaari kam ho jaati hai। jitni koshish karke yaad mein rehte hain,to beemaari aadhi ho jaati hai। jaise woh davaai hai to pahli davaai yeh yaad ki hai,to kar rahe hain,karte rahenge। achhe hain। phir bhi itna sahan karne ki himmat hai। achha hai,theek ho jaayegi।

nirmal shaanta daadi kamre mein hain:- abhi bhi kamre mein sunegi। woh yaad karti hai aur baap bhi yaadapyaar dete hain। naaraayan ko baap ki taraph se toli bhej dena।

sabhi ko baap ki yaad dete hi rehna। achha hai। dilli vaale bhi achha purushaartha kar rahe va hain। (brijmohan bhaai ne shivjayanti ke programme ki jaankaari di) bahut achha milkar karne se aavaaj phailta hai। bhale kone kone mein to karna padta hai lekin ikatta karne se chaaron or phailta hai। achha hai,sabhi ko har ek dilli vaale samjhe,hamko yaadapyaar mila hai।(ramesh bhaai se) tabiyat theek hai। bahut achha।(studio ki seva kaise badhaayen)usmein koi group banaao। seva ki committee thodi banaao, uske oopar jise chaahiye usko rakho aur phir result poochho,jo socha woh kiya!agar koi problem ho to woh bhi unki hal karo। raat ko 5minute bhi baith karke mubaarak do,umang mein aaven। mehnat to karni padti hai। achha hai। sabhi ko yaad dena।

yagya nivaasi baapdaada ke bachchon se sabka bahut pyaar hai। baapdaada ke nimitta bane hue jo bhi bachche hain। daadiyaan nimitta bani hain,to unhon ko bhi baba vishesh duaayen dete hain। duaaon se hi woh chalti hain aur chalaate hain। vishesh duaayen special un nimitta bane huon ko,chaahe bhaai ho chaahe behen ho,lekin nimitta bane hue koi bhi kaarya ke liye hain,unho ko special duaayen milti rehti hain। milti rahengi। achha।

om shanti।