Avyakt murli du mercredi 20 février 2013

> > 20-02-13 om shanti avyakt baapdaadaamdhuban

“karmayogi jeevan mein teevra purushaartha dvaara har subject mein sada santushta aur khush raho, apne khushnuma, divya gun sampanna chehre dvaara khushi ka anubhav karaao”

aaj baapdaada apne khazaanon se sampan bachchon ko dekh harshit ho rahe hain। aadi se leke kitne khazaane mile hain। pahla khazaana gyaan ka mila jisse sabhi bachche svayan bharpoor ho auron ko bhi khazaane se bharpoor kar rahe hain। gyaan ka khazaana,har ek ke bandhan jo phansaane vaale hain, usse mukta kar bandhan mukta duhkh ashaanti mukta banaane vaala hai। doosra khazaana hai yog ka,jisse bahut shaktiyaan praapta hui hain aur teesra hai dhaarna ka khazaana jisse bahut-bahut gunon ki praapti hui hai। lekin sabse bade te bada khazaana hai is sangam samay ka khazaana। iska mahatva bahut bada hai kyonki sangam ke samay par hi baap shivbaaba baap roop mein bhi milta shikshak roop mein bhi milta aur satguru roop mein bhi milta। is sangam yug mein ek janma mein 21 janma ka varsa milta hai,jis varse mein janma-janma mein koi duhkh ashaanti nahin hoti hai। saath mein sambandh mein jo parivaar milta woh parivaar bhi nyaara aur pyaara hota hai। ek do ke dvaara eeshvareey sneh, jo aisa eeshreey sneh saare kalpa mein nahin mil sakta। to sarva khazaanon se bharpoor hue ho na!hue hain?haath uthaao।

to baapdaada aaj khazaanon ke maalik sampanna bachchon ko dekh rahe hain। dil se kya nikalta?vaah bachche vaah। har bachcha baap ka pyaara ban gaya hai। bachche to bahut hain,alag-alag jagah par baithkar bhi mil rahe hain। dekh rahe hain। lekin baapdaada aaj chaaron or door-door tak apne khazaanon se sampanna bachchon ko dekh khush ho rahe hain aur bachche bhi khazaanon ko dekh khush rehte hain। sada praaptiyon ke nashe mein khush rehte hain। baap bhi bachchon ko dekh,bachchon ke saubhaagya ko dekh khush ho rahe hain।

dekho aaj bhi baap ne suna ki sabhi khushi khushi mein bhaagkar pahunch gaye hain।(26hajaar se bhi adhik bhaai bahinen pahunch gaye hain) yeh bhi samaachaar suna kai bachchon ko andaaj jyaada hone kaaran tent mein sona pada hai। baapdaada ne sabhi taraph ke tent bhi dekhe lekin ek is group ki visheshta hai jo koi bhi hai,bada hai ya chhota hai vishesh hai ya saadhaaran hai lekin baap ne dekha sab tent mein nahin sote lekin khushi ke bistar par sote hain। sabke dil mein yahi geet bajta vaah baba vaah। koi-koi ko takleeph bhi hai lekin jahaan pyaar hai woh pharsha par sote hue bhi khushiyon ke arsha mein hain। to baapdaada is group ko vishesh badhaai dete hain। sabke chehre khushi mein nazar aa rahe hain। baapdaada ne dekha sab achhe umang-ulhaas se classes bhi achhe kar rahe hain। baapdaada sab sunte hain। yahaan jo bhi zone aaye hain unke mukhya zone head utho। zone head। aapke laaye hue bhaai behen khush hain? khush hain to haath uthaao। achha hai। baapdaada bhi khush hain aur aap sabko mubaarak vishesh de rahe hain। kisi ko aage ke liye to baapdaada attention dilaayega lekin baapdaada aap sabhi aaye hue bachchon ki sahan shakti dekh aap ek-ek bachche ko padamguna pyaar de rahe hain। abhi jo bhi bachche aaye hain,un sabhi bachchon ne apna sahan shakti ka khush rahne ka bahut achha record dikhaaya hai। koi beemaar hua। hua?ek do to hote hi hain vaise bhi। lekin baapdaada special un bachchon ko sahan shakti ka inaam dil ka ati pyaar de rahe hain। ab aage kya karna hai?

(seva ke tarna mein bangaal, bihaar, aasaam,udeesa,nepaal,taamilnaadu ke 18hajaar aaye hain)

abhi baapdaada har bachche ko teevra purushaarthi dekhne chaahte hain। teevra purushaarthi arthaat sab subject mein apne purushaartha se santushta ho aur baapdaada bhi har bachche se yahi chaahte hain ki abhi samay anusaar har bachche ke chehre par shaktiyaan aur khushi nazar aani chaahiye kyonki din-pratidin duniya mein duhkh to badhna hi hai। lekin aise duhkh ke samay aap ka khushnuma divyagun vaala chehra dekh unhon ko thode samay ke liye bhi khushi ka anubhav ho। har ek bachche ke chehre mein woh eeshvareey sneh, eeshvareey pyaar,himmat badhaane ka pyaar,khush rahne ka anubhav ho। kai bachche kehte hain vaise to ham khush rehte hain lekin karmayogi jeevan mein thoda sa karma mein pharka pad jaata hai। karma mein pharka nahin aana chaahiye। karma karte bhi sada attention rahe main karmayogi aatma hoon। shareer ko chalaane vaali shareer ka bhi maalik hoon। to har samay chaahe karma karo,chaahe nahin karo lekin karma karne samay bhi yeh socho ki main karma karaane vaali aatma hoon aur aatma,kaun si aatma hoon?baap ki laadli bachchi hoon ya bachcha hoon। paramatma ki pyaari hoon। to maalik hoke is shareer ko chalaane vaali। sada baap ki yaad dil mein samaai hui ho। to har ek check karo karmayogi ban ke karma kar rahi hoon?karmayogi hoon to yog baap se hai। to baap sada follow father kehte hain। baap hamaare saath hai to yeh group kya karega?abhi apne-apne sthaan par jaake apne chehre se aise khushmijaaj chehre ka anubhav karaana kyonki aaj duniya mein khushi abhi kam hoti jaati hai aur aapka chehra unko khushi ka anubhav karaaye। aage chal ke duhkh ashaanti to badhni hi hai। samay nahin milega itna koi ko sunne va course karne ka lekin aapka chehra unhon ko khushi ka anubhav karaaye। ho sakta hai na। ho sakta hai?haath uthaao। agar itne ek-ek chehra jagah-jagah se aaya hua khushi baantane ka lakshya rakhe,sada khush,kabhi-kabhi nahin kyonki khushi ki visheshta hai,jitni aur koi bhi cheez kisko denge to aapke paas kam hogi। aapke paas do cheeje hain ek denge to ek kam hogi। lekin saare jahaan mein agar khushi aapko dete ho to kam hoti hai ya badhti hai?aisi khushi aapke paas hai। to sabhi aatmaon ko ab khushi baanto। double phaayda hai aapki bhi badhegi,unki bhi badhegi।

to aaj ka vishesh yeh kaam yaad rakhna khushi baantani hai। agar maano aapke paas khushi chali jaati hai,koi na koi baat se khushi chali jaati hai to aap baap se khushi leke aap bhi khush raho aur doosron ko bhi khushi do। to sabhi kya karenge abhi?pahle bhi sunaaya,teevra purushaarthi bano,chal rahe hain nahin ud rahe hain aur doosra baapdaada ne attention khinchavaaya hai kabhi-kabhi akshar khatma karo। khushi hai,kehte hain hain lekin kabhi-kabhi khatma ho jaati hai। to kabhi-kabhi shabd sada ke liye yahaan chhod ke jaana। chhod sakte ho?chhodenge? haath uthaao,chhodenge? baapdaada sabhi bachchon ko abhi se hi sadaakhush rahne ki mubaarak de rahe hain। phir kabhi-kabhi shabd nahin kehna। sada rehna। to sabhi khush hain na। khush hain? sadaakhush rahenge,yeh himmat hai?jo samajhte hain ki duhkh ashaanti jo bhi thodi kabhi-kabhi aati hai woh is baari ham yahaan chhod ke jaayenge,saath nahin le jaayenge,itni himmat samajhte ho to do-do haath uthaao। baapdaada bahut khush hai। himmate bachche madde baap to hai hi। to bada zone aaya hai na। baapdaada bhi dekh ke khush hai। thodi takleeph hui hai lekin aa to gaye। baapdaada ko bhi bachchon se milke khushi hoti hai aur baapdaada hamesha vaah bachche vaah!ka geet gaate hain। achha। abhi ek-ek zone uthaao।

taamilnaadu zone:- taamilnaadu ko baapdaada vishesh vardaan de rahe hain sada koi bhi kaarya karo to kaarya karne ke pahle baap se special kaarya ki saphalta ka vardaan leke baapdaada ke vardaani ban ke woh kaarya karo to saphalta aapka janma siddha adhikaar ho jaayegi। kaarya karne ke baad nahin karna pahle vardaan leke phir kaarya karenge to saphalta aapke saath ho jaayegi। achha hai,baapdaada ne dekha majority zone seva mein achhe umang-utsaah se aage badh rahe hain aur jitna busy rehte hain seva mein utna samay shakti milne se nirvighna rehte hain। agar koi-koi vighna aata bhi hai to vijayi ban karke taal bhi dete hain। purushaartha sabhi zone achha kar rahe hain। baapdaada lakshya har ek zone ka dekh khush hai aur sada khush karte rahenge। theek hai।

nepaal:- baapdaada is zone ki bhi result ko dekh khush hai। seva ka umang achha hai isliye baapdaada sada ke liye sahayog dene ki aage badhne ki,vardaani banne ki mubaarak de rahe hain। badhte raho,badhaate raho baapdaada sada saath hai। sabhi khush hain?hain? achha hai,vriddhi hai aur vriddhi hoti rahegi।

bangaal, bihaar, udeesa,aasaam:- yeh bhi zone achha seva mein aur student ki vriddhi karne mein aage ja raha hai aur baapdaada ne dekha ki himmat ka vardaan inhon ko vishesh hai। himmat hone ke kaaran baap ki madad bhi hai aur aage bhi rahegi। baapdaada khush hai aur saath-saath sada amritvele chakra lagaate rahenge। baapdaada ne dekha sthaan sevaakendron ka achha vriddhi karne ka tareeka hai। baapdaada vishesh himmat par sada saathi banne ka vardaan de rahe hain।

SpARC, business, sports,education,media wing ki meeting hai:- aadha haal to yahi dikhaai de rahe hain। sabhi haath hilaao। dekho kitne hain। aadha haal to aap log hain। achha hai,baapdaada ne dekha hai ki har ek wing mein umang-utsaah hai aur umang-utsaah ke kaaran seva ke chance bhi achhe- achhe banaate hain। lekin baapdaada ki ek baat abhi bhi karni hai। har ek wing abhi tak jo mukhya nimitta banaaya hai,achhe-achhe madadgaar nikaale hain, to har ek wing pahle list bheje ki jab se wing ki sthaapna hui,ab tak kitne aur kaun-kaun nimitta bane hain। abhi pahle list bheje har ek phir sabhi ka sangathan karenge। kaun-kaun nikle hain kaun sa group jyaada hai,to bhinna-bhinna occupation vaalon ka phir alag-alag karenge lekin pahle list bhejo। har ek ne kitne regular student banaaye hain,kitne samparka vaale banaaye hain, kitne sahayogi banaaye hain,yeh list har ek wing ki aani chaahiye। chaahe sahayogi bhi bane hain,sahayogiyon ki bhi list aave। to zone ki result ka sabko pata pad jaayega। achhi baat hai na। karenge?list likhna padega। uske baad phir programme aapko milega kyonki mehnat to karte hain। baapdaada ne dekha wing vaale apne-apne subject ki seva achhi kar rahe hain aur result bhi achhi hai,baapdaada khush hai। bahut achha hai,achha rahega aur aapki result ko dekh aur bhi aage badhenge। sabko bahut-bahut yaad pyaar sveekaar ho।

double videshi:- abhi to bahut achha sangathan videsh vaalon ka dikhaai de raha hai। baapdaada ko videshiyon ko dekh baapdaada ka title ko spashta kiya hai,yeh dekh khushi hai kyonki jab tak bhaarat ki seva thi to vishwa sevaadhaari ka title nahin rakh sakte the lekin videsh ki seva ke kaaran baap ka naam vishwa sevak ka siddha ho gaya। aur videshiyon ki ek visheshta baapdaada ko majority ki achhi lagi,woh hai pahle woh apna culture badalne mein mushkil maante the lekin abhi ki result mein sab brahman kalvar ke aadti ho gaye hain। parivartan shakti achhi dikhaai hai। iske liye baapdaada sabhi double videshiyon ke sthaan ke bachchon ko mubaarak de rahe hain।

to chaaron or ke videshi apne apne area ki bhi seva mein badh rahe hain। chhote-chhote sthaan taraph bhi attention de rahe hain। aur sva-unnati ke liye attention hai aur aapas mein jo programme banaate hain,madhuban mein meeting ka yeh bhi baapdaada ko pasanda hai। abhi bhi itne sab aaye hain to baapdaada ek-ek bachche ko dekh khush hote hain aur sabhi brahman bhi baap ke saath yeh geet gaate hain vaah double purushaarthi vaah!baapdaada santushta hai aur aap bhi santushta maniyaan aage badh rahe hain,badhte rahenge,om shanti।

abhi jo sangathan aaya hai woh bhi planning achhi bana rahe hain। apni sthiti aur seva ki vriddhi dono ke plan baapdaada ke paas hain। attention hai aur aage badhne ka umang bhi hai। to baapdaada khush hai,khush hai,khush hai। achha।

chaaron or ke bachche chaahe India ke hain, chaahe videsh ke hain, chaaron or ke bachche baapdaada dekh rahe hain kitne umang utsaah se time ka badli hote bhi pyaar se milte rehte hain। time ka antar hote bhi umang se aate hain isliye baapdaada khush hai। progress bhi hai aur progress hota rahega yeh vardaan baapdaada de rahe hain। achhi seva kar rahi hai,janak bachchi nimitta hai। attention achha de rahi hai। saathi bhi jo nimitta hain woh bhi baapdaada ne dekha kam nahin hain। to jo bhi nimitta hain un sabko vishesh yaadapyaar baapdaada de rahe hain aur milta bhi rahega।

ratan mohini daadi se:- aap jimmevaari se kar rahi ho,uska phal aapko jaldi milega। baapdaada khush hai।

daadi jaanki se:- sab kuchh kar rahi ho।(gulzaar daadi bahut achhi hai)aapas mein phraindas achhe hain।

mohini behen:- mubaarak ho। (agli baari daudkar aayegi)hoga, koi badi baat nahin hai। (baapdaada ko guldasta diya)ham aapko dete hain।

nirmal shaanta daadi se:- bahut achha muskaraati hai। seva ka bal aur apne purushaartha ka phal kha rahi ho। achha kar rahi ho। zone dekha zone se mili। haan zone se milna।

do. guptaaji se:- achha hai,seva maana meva। seva nahin hai meva hai।

nirvair bhaai se:- kamaal ki hai। aapki himmat,baap ki madad। achha।

brijmohan bhaai:- (dilli mein bada programme kar rahe hain,ham chaahte hain donon daadiyaan aaven,samaachaar aaya hai ki us samay toofaan aane vaala hai,ham vahaan tent laga rahe hain)drama ko dekho,saakshi hoke aur sab nishchint raho। jo hona hoga woh hoga,lekin aap safe rehna। pahle se hi pata hai na to prabandha kar lo।(shanti behen beemaar hai unhone yaad di hai) usko khaas baapdaada ki taraph se yaadapyaar dena।(rookamni daadi ne bhi yaad di hai) dilli ki achhi seva ki hai,unhein bhi yaad dena।(aasha behen tatha saathi bahut achhi seva kar rahe hain) seva mein umang to sabhi ka achha hai,sabhi miljulkar kar rahe hain iski bhi mubaarak hai। (bade programme ke liye prerna)prerna yahi hai ki jo bhi aaye woh kuchh leke jaaye। kya leke jaave?vaayumandal se shanti ke vibration,aage badhne ke vibration leke jaave। sunte to hai hain achha to lagta hai lekin achha banne ki prerna leke jaaye। koshish to yahi hai।

ramesh bhaai se:- aapki bhi service ka baapdaada sunte hain, achha kar rahe ho aur chalta rahega jo plan bana rahe hain na woh practical mein karte-karte badhta rahega।

baapdaada sabhi ko yaadapyaar de rahe hain,sabhi ko pahunchaana। achha hai। baapdaada ne dekha service ka umang chaaron or achha chal raha hai। abhi sirf ismen addition ho ki jo bhi programme hota hai unse vaaris banen,sahayogi banen aur unhon ko aage kanaikshan rakh ke badhaate chalen। jab woh aage badhe hain to unke peechhe unko aage badhaate jaao,badh jaayenge।

bhoopaal bhaai se:- sab achha chal raha hai।

mrityunjay bhaai ne baapdaada ko sunaaya ki bhopaal ke vaais chancellor ne vahaan ki university mein value education shuru karne ke memorandum par sign kiya hai:- achha, umang-utsaah dikhaaya hai। baapdaada ne bhi suna aur uski pahle se hi mubaarak de rahe hain। anek aatmaon ka kalyaan hoga।

baapdaada ne akola centre ka udghaatan button dabaakar kiya:- sabhi ka umang achha hai। jahaan umang utsaah hai vahaan vriddhi avashya hai।

ekmodeshan ke sevaadhaari bhaaeeyon se:- bahut achha sambhaala। sabhi santushta hain,koi ki bhi complain nahin hai, yeh dhyaan achha rakha hai,iski mubaarak ho।

kunjadaadi beemaar hain, ahamdaabaad mein hain:- usko vishesh baapdaada ki taraph se toli bhejna। himmat vaali hai baap ki bhi madad hai। pahle thoda doordoor rahi hai na to badh rahi hai। sambhaalne vaale itne hoshiyaar nahin hain। abhi yahaan (ahamdaabaad)aai hain na, theek ho jaayegi।

neha behen se:- (sabhi ki bahut pyaar se seva karti hai)aapki seva se baapdaada bhi santushta hai। to apne ko santushtamni samajhna। aapka title hai hi santushtamni।

om shanti।