Avyakt murli du vendredi 22 mars 2013

> > 22-03-13 om shanti avyakt baapdaadaamdhuban

“bhagwan aur bhaagya ki smriti se sada harshit raho, harshit banaao, vyartha baaton ko holi kar holi bano”

aaj baapdaada sarva bachchon ke bhaagya ko dekh harshit ho rahe hain। sabse bada bhaagya sabhi ke mastak mein chamakta hua sitaara,chamakta hua dikhaai de raha hai। sabka mastak chamak raha hai। saath mein sabke mukh mein gyaan vaani ki chamak dikhaai de rahi hai। sabke hothon mein muskuraahat kitni sundar chamak rahi hai। har ek ke dil mein dilaaraam baap ki lavleen moorta ki jhalak dikhaai de rahi hai। sabhi ke haathon mein gyaan ke khazaanon ki chamak dikhaai de rahi hai। har ek ke kadam mein(paanv mein)padam ki jhalak dikhaai de rahi hai। bolo,itne bade bhaagya,kitni jhalak se chamak rahe hain। socho,itna bada bhaagya kaise bana। svayan bhaagya vidhaata baap ne bhaagya banaaya hai। khud bhaagya vidhaata ne aapka bhaagya banaaya hai। to apne bhaagya ko dekh harshit hote rehte ho na!vaah bhaagya। aur roj amritvele apne bhaagya ko dekhte rehte ho na!sangamayug hai hi bhaagya banaane vaala।

aaj baapdaada ek shabd bachchon se vaapas lene chaahte hain। taiyaar hain। taiyaar hain?haath uthaao,denge। phir vaapas nahin lenge। haath uthaao, achhi tarah se soch samajh ke haath uthaao। baapdaada ko kai bachche kehte hain shakti swaroop ya khushmijaaj rehte to hain lekin kabhi-kabhi। yeh kabhi-kabhi ka shabd baapdaada ko pasanda nahin hai kyonki har bachche se baap ka ati pyaar hai। to kabhi-kabhi shabd baap ko pasanda nahin, sada baap samaan dikhaai de। aise bhi bachche hain lekin baap chaahte hain har bachcha sada khushi mein udta rahe। sada roohaaniyat mein muskaraata rahe, doosron ko bhi muskaraade। aapko pasanda hai,sada pasanda hai ya kabhi-kabhi?jisko sada shabd pasanda hai aur practical hai, woh haath uthaao। peechhe vaale haath hilaao kyonki aaj holi manaane aaye ho na। holi ka arth hi hai jo ho chuka woh ho li। bhavishya sada shreshtha hai aur rahega। har ek bachche ne sankalp kiya hai ham baapke saath hain, baap ke saath hi rahenge। baapdaada bhi khush hote hain। baapdaada ko bhi akela nahin achha lagta sab bachchon ke saath achha lagta hai। baapdaada ne kai baar kaha hai khushi kab ganvaana nahin aur sunaaya bhi hai khushi jaisi karaamat aur koi mein nahin hai। jaante ho na aur jo bhi vastu hoti hai woh dene se kam hoti hai,lekin khushi kisko bhi do to kam hogi ya badhegi? to aisi khushi jo sada badhti rehti hai usko kabhi nahi chhodna। aapka chehra koi bhi dekhe sada khushmijaaj। baate to aati hain,kaliyug ka arth hi kya hai!kaliyug kyon kehte ho। kalah-kalesh hoga tab to kaliyug kehte ho na। lekin humein usmein kya karna hai? parivartan। baaton mein nahin aana lekin baaton ko parivartan kar seva ke liye sada ever ready rehna। to sada apna bhaagya yaad rehta hai na?bhagwan aur bhaagya,isse sada harshit chehra, jo harshit chehre ko dekh aur bhi harshit ho jaaen।

to baapdaada aaj sabhi bachchon ko yahi yaad dilaate hain ki sada harshit raho aur harshit banaao। sabhi bachche madhuban mein pahunche hain baapdaada ne dekha ki tent mein bhi sona pada hai। lekin tent mein sone vaale haath uthaao। jo tent mein soye hain woh haath uthaao। bahut thode hain, peechhe vaale hain। achha। to tent mein rehte khushi gum hui ki khushi rahi? tent vaale haath uthaao,khush rahe?baahar bhi baithe hain। bachchi ne chakkar lagaaya to kahaan-kahaan rahe hain। lekin baapdaada unhon ko kehte hain ki baapdaada ke dil mein rehte ho। dilaaraam aur aapki dil dilaaraam aapke saath soya hai। dekho kisko aane ki na to nahin kar sakte। welcome karni padti hai। lekin tent vaalon ko koi takleeph hui,jisko takleeph hui hai woh haath uthaao। koi nahin haath utha raha hai। to sabke taraph se tent vaalon ko padamguna sukh aur shanti ki duniya mein hak milega। achhe himmat vaale hain। baapdaada ne dekha baap se pyaar hai, us pyaar mein takleeph anubhav nahin hui। baaki hui to hogi। baapdaada khush hai, bhale aaye, ji aaye,apne ghar mein bhale aaye।

abhi yeh kamaal karna,yeh bhi sahanshakti ki kamaal ki uske liye thanks। lekin aage ke liye har ek ko baap se pyaar hai, baap ka bhi bachchon se pyaar hai to baap samajhte hain ki har bachcha kam se kam brahma baap samaan tyaag,tapasya aur seva,yeh manjoor hai। bahma baap ko follow karna hai, taiyaar hain, ismen do-do haath uthaao। bahut achha। mubaarak hai।

abhi sabhi milkar yeh dridh sankalp karo, taiyaar to hain na, ghadi-ghadi haath nahin uthvaate hain। baapdaada ko nishchay hai ki bachche achhe hain,chaahe thoda purushaartha mein kabhi-kabhi vighna aate bhi hain lekin baba aur main combined hain, combined rahenge, yeh pakke nishchaybuddhi hain। theek bola। kaandh aise karo। jo bhi apne-apne sthaan se aaye hain, un ek-ek bachche ko naam leke unki soorat aage laake baapdaada vardaan de rahe hain sada koi bhi baat aave na jo kaayde pramaan honi nahin chaahiye lekin aa jaae to jo aisi baat aaye,usko us samay hi apne dil se nikaal baap ko de do। baap aape hi sambhaal lega। dena to aata hai na। aata hai dena? ismen kaandh hilaao dena aata hai। lena aata hai dena bhi aata hai?

to aaj holi,holi manaane aaye ho na! holi ka arth kya hai?holi। jo aisi baat hoti hai ho li। dil mein nahin rakho। to holi ki saugaat yahi hai jo vyartha baat aave,holi karna। sada holi karna aur holi banna। woh hindi woh english। do akshar hain। ho li karna aur holi banna। apne dil mein vaayda karo ki ham kabhi bhi khushi nahin ganvaayenge। kar sakte ho?khushi nahin ganvaayenge jo kar sakte hain woh haath uthaao। jinhonne bhi vaayda kiya unhon ko baapdaada ki taraph se dil ki mubaarak hai, mubaarak hai,mubaarak hai। achha। holi ka kya banaaya hai! kuchh banaaya hai?

seva ka tarna –yu.pi.banaaras, pashchim nepaal ka hai:- bhale padhaare apne ghar mein। sabhi sada yeh sankalp karna ki mujhe brahma baap samaan banna hi hai। follow brahma baba। koi bhi kaarya aisa ho usmein check karo brahma baap ne kiya। aapki woh 10 points nikli hui hain। us 10 points mein dekhna ki brahma baap ne kya-kya kiya!aur follow brahma baap karna। to jo bhi group aaye hain baapdaada har group ko vishesh mubaarak de rahe hain। baapdaada ne dekha har group ko umang-utsaah bahut hai, ham karke dikhaayenge aur har group mein aisi shakti hai jo karke dikha sakte hain। baapdaada har group ko bahut-bahut-bahut-bahut badhaaeeyaan dete hain। aur yeh bhi vardaan dete hain ki har group har seva ki subject mein aage se aage badhte rahenge। yeh badhne ka vardaan baapdaada sabhi group ko de rahe hain। aaye last hain lekin jaayenge fast। himmat hai na! achhe hain, baapdaada dekh rahe hain umang utsaah vaale hain। baapdaada khush hai ki har ek group yahaan se vishesh umang utsaah bhar ke ja rahe hain aur yeh umang utsaah kaayam rahega to kamaal karke hi dikhaayenge। baapdaada sabhi group ko ummeedvaar vijayi roop mein dekh rahe hain। ek-ek ko baapdaada apne shubh bhaavna aur shubhkaamna ka vardaan de rahe hain।

paanch wings –graam vikaas,medical,transport,edministrer,youth group aaye hain:-

baapdaada ne dekha ki har ek wing bade umang utsaah se seva mein aage badh rahe hain। aur seva mein saphalta bhi mil rahi hai isliye ummeedvaar banke jitni seva ki hai, woh achhi ki hai aur aage bhi achhe te achhi umang utsaah se abhi vaaris nikaalo। abhi woh list nahin aai hai। jab se wings shuru hue hain tab se leke achhe-achhe sambandh samparka mein aaye hain, uski baapdaada mubaarak de rahe hain। lekin vaaris kyaaliti agar koi nikli hai to woh baapdaada ke aage laana। seva achhi hai yeh baapdaada ne dekha। seva mein koi peechhe nahin hatta, aage-aage badh rahe hain aur baapdaada khush bhi hote hain। busy ho gaye hain,har ek apna programme kuchh na kuchh bana bhi rahe hain। abhi bhi shivraatri par jahaan-jahaan programme kiye hain vahaan achhe hue hain,result achhi hai। bade bhi kiye hain to chhote bhi kiye hain। dilli aur bombe bade programme dil se kiye hain। baapdaada unko mubaarak de rahe hain।

nijaar bhaai se:- achha kar rahe ho। result baapdaada ko achhi lagti hai aur aage bhi jo plan bana rahe ho woh achhe hain,result achhi hai। umang utsaah se kar rahe ho,karte raho। nimitta to bane hain। karaane vaala bhale baap hai lekin nimitta banke karne vaale ko bhi baapdaada ki yaad pyaar milti hai।

double videshi 65deshon se 800bhaai bahinen aaye hain:- double videshiyon ko double mubaarak ho। baapdaada videshiyon par ek baat par bahut khush hai। videshi madhuban ka laabh badi achhi reeti se lete hain। chaahe door hain lekin madhuban ka laabh lene ka plan achha banaate hain। sab refresh bhi ho jaate, service ke plan bhi banaate aur service mein umang utsaah bhi achha dilaate hain। baapdaada ne result suni। baapdaada ko achha laga। group ko attention deke refresh achha kiya hai aur aise hi karte badhaate chalo। bhinna-bhinna deshon ke madhuban mein aake service plan aur avasthaaon mein umang utsaah milan ka milan bhi aur sva-unti ki lahar bhi achhi dikhaai de rahi hai isliye baapdaada ko double purushaarthi,double videshi nahin double purushaarthi achhe lagte hain। aise hi plan banaate videsh mein hote bhi madhuban ke najdeek banne ka jo plan banaate ho woh bahut achha hai, mubaarak ho, mubaarak ho, mubaarak ho। baapdaada ne dekha ki videsh bhi seva mein kam nahin hai। India jaise bhinna-bhinna programme se aage badh rahi hai aise videshi bhi har saal jo programme banaate hain woh bahut achha banaate hain aur bana hua plan practical mein bhi laate hain isliye baapdaada sab Indian bhaai bahinon ki taraph se aapko vishesh mubaarak de rahe hain।

is group mein 2000teachers bahinen aai hain - sabhi peechhe mudkar dekho,haath hilaao। achha hai। teachers nimitta bani hain service ko aage se aage badhaane ke liye। to baapdaada ne dekha majority seva ke plan banaate bhi hain lekin har zone ko milke ek do programme zaroor karne chaahiye। isse kya hota। ek do mein milne ka bhi chance achha banta aur ek do ko sahayogi banne ka bhi chance ho jaata hai। baaki kar rahe hain seva, aise nahin hai ki nahin kar rahe hain,kar rahe hain aur karte rahenge। baapdaada abhi yeh chaahte hain har ek zone milkar ke bada programme kare। chhote-chhote to karte rehte hain lekin sabko pata ho ki is taraph bhi seva chal rahi hai। koi na koi programme banaate raho aage badhte chalo। teachers ko baapdaada apna saathi kehte hain। jaise baap vaise teachers bhi baap samaan aage se aage badhti chalen, badhaati chalen।

sabha mein kuchh mehmaan vi.aai.pi.baithe hain,usmein vishesh bhraata anna hajaare bhi aaye hain:- apne ghar mein pahunch gaye, achha hai, sammukh aane se dekha,suna, usse najdeek aaye aur aage bhi najdeek aate rahenge। achha kiya। sabka suna bhi, sunaaya bhi। baapdaada vishesh yaad dete hain,sabhi ki। yeh nimitta hai lekin sabhi ko baapdaada dil ka pyaar aur apne ghar mein aane ki mubaarak de rahe hain। achha।

chaaron or ke taraph sab bachche dekh bhi rahe hain, sun bhi rahe hain। baapdaada ko khushi hoti hai ki yeh science ke saadhan bachchon ko sukh ka anubhav kara rahe hain isliye baapdaada ne bachchon ko pahle hi kaha tha ki yeh science aapko bahut sahayog degi। to de rahi hai aur, aur bhi aag deti rahegi। baba dekhte hain kaise sabhi sammukh dekhne ki koshish karte hain aur unhon ko anubhav hota bhi jaata hai isliye science vaalon ko bhi mubaarak ho,jo aap bachchon ko salvation mil gai hai। sab dekhte bhi hain, sunte bhi hain। majority iska laabh utha rahe hain isliye baapdaada bachchon ka umang-utsaah dekh khush hai। sabhi jahaan bhi bachche rehte hain,un sabko aaj ke holi ki mubaarak ho, mubaarak ho aur holi hai,holi rahenge aur holi duniya sthaapan kar rahe hain, usmein sabhi khush honge। sabhi ek-ek bachche ko door baithe najdeek anubhav karne vaalon ko bahut-bahut yaadapyaar aur jo science ke saadhan se mukta hokar baithe hain aur kuchh na kuchh tareeke apnaate hain unhon ko bhi bahut bahut yaadapyaar। sab bachche door baithe bhi baap ke najdeek hain, dekh rahe hain aur baapdaada bhi dekh rahe hain isliye holi ki mubaarak hai, mubaarak hai,mubaarak hai।

daadiyon se:- har ek laadla hai। har ek dil ke adhikaari hain, adhikaar le rahe hain।

(daadi jaanki ne bhaaki pahni) sabhi ko pyaar।

mohini behen:- achha kar rahi hai, himmat achhi hai। jahaan himmat hai vahaan madad hai hi।

rookamni behen se:- bahut bahaadur hai achha kiya hai। unki paalna ki result achhi hai। jo hua so drama। aayu bhi badi ho gai thi।

vidya behen (kaanpur) se:- bahut himmat karke aai hai,achha kiya। hisaab-kitaab poora hua। seva ke nimitta bani hui ho। achha hai। drama hua,drama se koi phikra nahin hota,bephikra।

sundarlaal bhaai (dilli hareengar)se:- aadi se nimitta bane ho। bephikra rehna। thoda phikra aata hai। yahaan aaye ho check karaao, ho sakta hai operation nahin bhi karna pade।

(teenon bhaaeeyon ne baapdaada ko guldasta diya)baba ne dekha baambe aur dilli donon ki seva achha rahi। jo lakshya tha woh theek raha।

(haidraabaad mein bhi achhi seva hui hai) haidraabaad vaalon ko mubaarak bhejna, toli bhejna। aur jo sevaadhaari bachcha hai (justice eeshvaraiya bhaai) woh achha hai,naam achha hai unka।

(science ke saadhan to achhe hain lekin vighna bhi aate hain) apna raajya to nahin hai, yeh thoda bahut to hota hai। milke koi saadhan bana do। bane hain to zaroor aage badhega। sabhi ko umang utsaah aur seva ka badhaao। chhote chhote centre hain, bade bhi hain।

(seva mein naveenta kya ho) nayaapan yeh laao jo aane vaale hain unhon ko najdeek laao, kam se kam student to bane,kabhi-kabhi aane vaale samparka khud badhaave। dil hove ham jaayen, aisi result aane vaalon ki honi chaahiye। abhi aaye achha hai, achha hai chale jaate hain। abhi najdeek laao। kam se kam student nahin banen lekin aane vaale milne vaale sunne vaale to banen, kam se kam murli to sunen।

(paramatma aa gaya,kya yeh topic rakh sakte hain) rakh sakte hain lekin koi baat deke phir। aise nahin baap aa gaya aa gaya। kis kaaran se kehte hain।(inar pees,haaramni topic rakh sakte hain)woh to koi bhi topic rakh sakte ho। phir bhi aapas mein baitho। kai topic aapas mein baithkar nikaal sakte ho।

nai bebsaaid banaai gai hai, jismen intarnet par koi bhi course kar sakte hain:- sabhi ne paas kiya hai to bhale chalaao। achha kiya baapdaada khush hai। jo bhi kiya phaayda hai।

(11hajaar murmure par om shanti likha hua hai,uski maala baapdaada ko di)

om shanti।