Avyakt murli du lundi 16 février 2015

> 16-02-15 om shanti “avyaktabaapdaada” madhuban

“jaise baap aur bachchon ka pyaar amar aur alaukik hai,aapko baap ki pahchaan ke saath praaptiyaan hui hain, aise seva mein aage badhte sabko umang-ulhaas dilaao, ab kisi ka bhi ulhana na rahe”

om shanti। sabhi bachchon ko chaahe sammukh hain,chaahe kisi bhi sthaan par hain lekin chaaron or ke bachchon ko aaj ke din ki mubaarak ho, mubaarak ho, mubaarak ho। yeh mubaarak ka din bada pyaara hai aur drama mein aap bachchon ke special pyaar ki nishaani baap aur bachchon ka sammukh saakaar mein milan ho raha hai isliye pahle to jo saamne baithe hain unhon se milan aur mubaarak ho,mubaarak ho। yeh din vishesh is sthaapna ke kaarya ka vishesh din hai jo bachchon ne baap ko jaana,baap ne bachchon ko jaana। baap kehte mere bachche aur bachche kehte hain mere baba। ek-ek aage ya peechhe baithe hue bachchon ko baapdaada aaj ke din ki sammukh milan mele ki mubaarak de rahe hain। har ek ke chehre par aaj milan ka bhaagya,har ek ke chehre par khushnuma roop mein dikhaai de raha hai aur baapdaada bhi ek-ek bachche ko sanmukh milne ke bhaagya ko dekh harshit ho rahe hain। har ek bachche ke mastak mein mera baba,pyaara baba, meetha baba, yeh lahar milan ki chehre par dikhaai de rahi hai। baap bhi ek-ek bachche ko aage peechhe sabhi ko dekh kitna harshit ho rahe hain। woh baap jaane aur aap jaano। baap ke dil se ek-ek bachche prati vaah bachche vaah! nikal raha hai। sammukh milan ho raha hai।

baapdaada aage peechhe kone mein bhi baithe hue bachche ko dekh vaah bachche vaah ka geet ga rahe hain। baapdaada dekh rahe hain ki har ek bachcha kitni meethi yaad mein baithe hain। kone-kone mein aage peechhe ek-ek bachcha baap ko dekh kitne harshit ho rahe hain aur baap bhi ek-ek bachche ko dekh vaah vaah bachche vaah ke geet ga rahe hain kyonki baap jaante hain ki aisa milan bhi sada nahin ho sakta। lekin aaj yeh saath ka anubhav ek-ek bachche ke sneh ko dekh sabhi ki dil gadgad ho rahi hai। baap ko bhi yeh saakaar mein kabhi-kabhi ka milan bahut dil ko aakarshit karta hai। baap bhi vaah bachche vaah ke geet ga rahe hain aur bachche bhi yahi geet ga rahe hain vaah baba vaah! kitna is sangamayug ka drama mein part hai jo bachche baba ko dekh rahe hain,jaan rahe hain aur baap bachchon ko dekh kitne khush ho rahe hain। har ek ke dil se yahi bol nikal raha hai,mera baba pyaara baba aur baap ke mukh se bhi yahi nikal raha hai vaah bachche vaah! ek-ek bachcha kaise apna janma siddha adhikaar sanmukh milne ka anubhav kar rahe hain। baap ko bhi bahut-bahut-bahut ek-ek bachche ka mukhda dekh khushi ho rahi hai।

baap bhi ek-ek bachche ko dekhte kya anubhav karte hain! ek-ek bachche ka kitna dil ka pyaar hai। agar baapdaada ek-ek bachche ke pyaar ka varnan karta to kai kitaab likh dete। lekin yeh dil jaane, baap aur bachche jaane। to baap abhi jo bachchon ke milan ki soorat hai usse har ek bachcha bhale yatha shakti hai lekin bachche aur baap ka pyaar amar aur alaukik hai। baap khush ho rahe hain ek-ek bachche ko vaah bachcha vaah! dil se kah rahe hain। baap ko bhi khushi ho rahi hai yeh thode samay ka sanmukh milan kitna pyaara lag raha hai। har ek ke dil mein umang utsaah hai ki duniya ka har ek bachcha baap ko pahchaan kitna apne ko aage badha rahe hain। to baapdaada aaj har ek bachche ke dil ka pyaar dekh rahe hain aur uske liye bahut-bahut-bahut dil ki duaayen, dil ki mubaarken ek-ek bachche ko de rahe hain। vaah drama vaah! yeh milan bhi kam nahin hai। baapdaada to dil mein hi bachchon se milan manaate rehte hain। bina bachchon ke rah nahin sakte। yeh milan ki kahaaniyaan to bahut hain lekin abhi to sammukh bachchon ko dekh bahut khushi ho rahi hai। baapdaada bhi dil mein bachchon ke pyaar mein geet ga rahe hain vaah bachche vaah!

aaj ka milan to hai hi milne ke din ka। baapdaada dekh rahe hain ki ek-ek bachcha is prakaar ka milan dekh kitna khush ho rahe hain,pahle baapdaada phir bachche। ek bachche ko bhi baapdaada dekhne bina rah nahin sakta। bhale peechhe bhi baithe hain lekin saakaar mein bachchon ko dekh baapdaada bhi khush,bachche bhi khush।

to abhi aage kya kamaal dikhaayenge?milan mela to manaaya ab aage kya kamaal dikhaayenge? har ek ke majority ke dil mein yeh pahchaan ho jaae, hamaara baba bachchon se milan ke bina rah nahin sakta। baapdaada ne dekha ki drama ke part ko dekh bachche yeh zaroor sochte ki woh din kya aur yeh din kya hain! lekin samajhdaar hoke seva ka part achha baja rahe hain। baapdaada seva ka part nibhaane vaale bachchon ko dekh khush hote rehte hain kyonki vishwa mein aakhreen mein “hamaara baba aa gaya”,yeh pahchaan zaroor aayegi। lekin jaise saakaar mein bhi vishwa mein se thode se bachchon ko pahchaanne ka adhikaar aur praapti mili, aise bachchon ko is bhaagya ke kaaran baap bachchon ka milan hota hai, yeh drama ka part bhi dil ko sukh deta hai। baap bhi khush bachche bhi khush। to baapdaada draamaanusaar saakaar mein milte hue bachchon ko dekh bahut khush hote hain। yeh milan bhi drama ka achhe te achha part noondha hua hai। aap log bhi khush ho jaate hain na! baap phir bhi milne ka part dekh bachche bhi khush aur baap bhi khush। lekin yeh milan aur woh milan kitna antar hai! drama ka part samajh har ek is part se apna shakti, pyaar aur umang le lete hain। baapdaada bhi bachchon se milkar kitna khush hoga,woh to bachche bhi jaante baap bhi jaante। to yeh chance bhi drama ne achha banaaya hai, baapdaada ek-ek bachche ko dekh kitna khush hote hain aur kitni mubaarken dil mein dete hain।

to yahi geet gaate vaah bachche vaah! sabhi khushraaji aur kadam aage badhaane vaale nimitta bane hue hain na! bhale pharka hai lekin milan to hota hai। baapdaada bhi bachchon ko dekh itna khush hota hai, bahut khush hota hai, ek-ek bachche ko dekh kya karne chaahta hai, woh baapdaada ki dil jaane। lekin baapdaada khush hai ki bachche chaahe nambarvaar hon lekin bachche aur baap ka milan to hota hai na! baap ne dekha ki bachche yaad mein to rehte hain, yaad karte bhi hain lekin maaya se saamna bhi karte hain to baapdaada sookshm mein ek-ek bachche ko mubaarak bhi dete ki vaah bachche vaah! yeh baap aur bachchon ka milan amar hai aur amar rahega।

sabhi shaareerik aur aatma roop se khush to ho na! haath hilaao। sabhi ke haath baapdaada dekh rahe hain। bahut achha। mubaarak ho। baapdaada ne dekha ki dil ka pyaar,sachcha pyaar kabhi mit nahin sakta। to baap bhi vaah bachche vaah ka geet gaate rehte hain। sabhi bachchon ke yaad mein rahne ka prayatna dekh baapdaada bhi khush hote hain। iske liye mubaarak ho,mubaarak ho, mubaarak ho। baap bhi aap bachchon ko yaad karte hain aise nahin hai ki bachche bhool gaye hain, nahin। ek-ek bachcha baapdaada ke dil mein hai। bhale nambarvaar hain lekin yaad mein rehte hain। to aaj baapdaada is din ko mahaan samajhte hain jo baap aur bachchon ka sammukh milan hota hai, baap bhi khush bachche bhi khush। abhi aage ke liye aavaaj phailaane ka koi naya naya programme banaao, jisse duniya vaale jaage rahen,so nahin jaayen। jagaate raho,aage badhte raho। baapdaada aap logon ke bhaagya ke aage unhon ko bichaare samajhte hain। lekin abhi aisa samay aane vaala hai jo in dinon ko yaad karenge isliye aap apna kaarya karte raho। woh bichaare hain। aap log to bhaagyavaan hain apna bhaagya praapta hua,usko anubhav kar rahe ho aur baapdaada bhi khush hai ki avyakt hote hue bhi bachchon ne pahchaana aur seva ka bhaagya bhi le rahe hain। achha।

sabse ab to isi vidhi se milna hota hai,woh mil rahe hain, ismen bhi baapdaada khush hota hai। aur kya geet gaate hain?vaah bhaagyavaan bachche vaah!

seva ka tarna Indore aur bhopaal ka hai :- (25 hajaar bhaai bahinon ka group hai,200 Indore hostel ki kumaariyaan aai hain) yeh bhi part noondha hua hai, woh chal raha hai। baapdaada bhi bachchon se milkar khush hote hain। kitne bhaagyavaan bachche hain, yeh bhaagya dekh baar-baar dil mein kehte, mukh se bhi kehte vaah bachche, vaah bhaagyavaan bachche vaah! achha। jo part chal raha hai draamaanusaar chalna tha, woh chal raha hai। abhi har ek ko baap ki yaad mein rehna hai, seva mein aage badhna hai aur jo bhi bichaare anjaan rah gaye hain,unhon ki seva chaaron or bahut khushi-khushi se karte rehna hai। koi ulhana nahin rah jaae ki aapko pata tha,hamko pata nahin pada। seva bhi karo aur unhon ko umang ulhaas de karke aage badhaao aur apna kaarya sandesh dene ka woh khoob yuktiyukta karte raho। koi aisa ichchhuk kone mein rah nahin jaae। sandesh abhi bhi chaaron or bhinna-bhinna prakaar se dete raho। seva, yaad donon ka balance rakh aage badhte aur auron ko bhi aage badhaate raho। baapdaada khush hai ki peechhe aane vaale bhi kam nahin hain jo chance milta hai woh karte rehte hain lekin apni avasthaaon ka dhyaan rakhna। bhale thode hain lekin thode powerful hain। sab kuchh dekh liya hai na, to hoshiyaar hain jaanne mein। baapdaada aise bachchon par khush hai।

double videshi,65 deshon se 1100 bhaai bahinen aaye hain :- achha hai। aate rehte aur seva ko badhaate rehte,iski mubaarak hai, mubaarak hai। koi na koi vidhi se saare world mein yeh phailaate raho। abhi bhi chaaron or aapke parivaar ke chhipe hue hain isliye seva ka part chaaron or ka chalaate raho। ulhana nahin mile aapko। aapne bhi hamko nahin jaana। phailaate raho, apne parivaar ki aatmaon ko apna banaate raho। baapdaada aap bachchon ko dekh khush hote hain ki bephikra hoke chal rahe ho,chalte rahenge।

pahli baar vahut bachche aaye hain :- dekho,kaaphi log first time aaye hain। to jaise abhi seva chalaate rehte ho, vaise seva mein aage badhte raho। abhi bahut aise rahe hue hain jo rah gaye hain,chaahte hain lekin pahunch nahin paaye hain,seva apni badhaate raho, sandesh dete raho। programme karte raho aur jitni seva badhaayenge utna aapka ulhana khatma ho jaayega isliye seva aage badhaate chalo। abhi bhi aisi bahut aatmaayen hain jinko sandesh nahin mila hai। aisi aatmaon ko seva dvaara jagaate raho। jaise aap log umang ulhaas se programme banaate, sandesh dete rahe hain aise hi aur himmat rakh aage se aage badhte raho। ulhana nahin rah jaae ki aapne hame chance nahin diya hai। seva ka chance badhaate jaao। itni badi world hai koi ka bhi ulhana nahin rah jaae। chaaron or ki seva badhaate hue aage badhte chalo। achha।

chaaron or ke bachchon ko baapdaada teevra purushaarthi bhav kehte hue yaadapyaar de rahe hain। sada amritvele uthte teevra purushaarthi bhav ka yaadapyaar yaad rakh aage badhte chalna kyonki baap ka har bachche se pyaar hai। bhale stage par thode aate hain lekin baapdaada sabhi bachchon ko door se hi dil ka yaadapyaar de rahe hain।

daadi jaanki ji baapdaada se mil rahi hain,london ka samaachaar suna rahi hain :-theek hai।

nyooyorka ki mohini behen ne aapko bahut yaad bheji hai :- bahut achha shuru se umang-utsaah mein rahne vaali hai। seva ka chance lene vaali hai aur seva kar kaeeyon ko aage badhaane vaali hai। baapdaada bachchi ko vishesh yaadapyaar dete hain। tabiyat ke kaaran aana jaana nahin kar sakti lekin baap ki yaad mein bachchi bhi rehti hai aur baap bhi yaad bhejta hi rehta hai। aage badh rahi hai aur badhti rahegi।

mohini behen se :-(tabiyat thodi dheeli hai) nahin,tabiyat ka baap ko de do। baap ki taraph se abhi stage par aao। kar sakti ho, ismen taakat hai। sabhi se haath mila rahe hain।

(daadi jaanki ne kaha gullaar daadi ko videsh mein ek baar zaroor jaana hai, sabhi yaad kar rahe hain) dekh karke phir banaana। (poona mein jagdamba bhavan banaane ke liye jameen le li gai hai) poone vaalon mein pahle josh jagaao। woh thode aise maje se soye hue hain। jaante hain seva se shauk bhi hai lekin thoda jagaao। poona mein ho sakta hai।

(brijmohan bhaai ne bhi yaad bheji hai,shivjayanti ki sevaaon ke kaaran nahin pahunche hain) usko bhi yaad bhejna।

teenon bhaaeeyon ke prati :- kaarobaar theek chal rahi hai! (abhi tak theek chal raha hai, daadi london mein chakra lagaakar aai hai) himmat hai na,sankalp hota hai karna hi hai to ho jaata hai। sabhi khush hain na। ek do mein raay karke jo bhi karna ho,meeting karke aage badhte chalo। baap khush hai।

(naya diamond lotas bana hai uska udghaatan hai) achha hai। (baapdaada ko nimantran diya hai) baapdaada to hoke aa gaye hain।

bhoopaal bhaai se :- seva mein aage badhte raho। (tabiyat gadbad rehti hai) koi achhe pahchaan vaale ko dikhaaya hai! koi pahchaan vaale se parichay karaake aage badho।

(baapdaada ne apne haston se shivadhvaj phahraaya):- aaj shivraatri ka jhanda lahra rahe hain। sabhi shivraatri par dil mein sankalp karo ki aage se aage badhte hue vishwa mein vijay ka jhanda lahraayenge। saare vishwa mein jayjaykaar ho jaae ki baba aa gaya, mera baba aa gaya।