Avyakt murli du lundi 7 mars 2016

> 07-03-16om shanti“avyaktabaapdaada”madhuban

‘‘sangamayug ka bhaagya jisne praapta kiya woh mahaan yogi hai, yeh yug parmaatma janma, parmaatma milan ka diamond yug hai jismen alaukik sukh, shanti, shreshtha janma aur bhaagyavaan parivaar ki praapti hoti hai’’

om shanti। sabhi ke mukhde bahut achha muskara rahe hain। sabhi khushi-khushi mein baap ka janma utsav mana rahe hain। sabke chehre bahut snehayukta meethe-meethe muskaan se, baap ka birth de bahut hi sneh mein mana rahe hain। baap bachchon ko manaate hue dekh khush ho rahe hain ki bachche baap aur apne divya janma ke din ko mana rahe hain। aap aur ados pados ke sabhi bachche baap ke janma din ki, vichitra din ki khushi mana rahe hain aur sabke dil mein is divya janma ki, janma divas ki khushi sabke chehre mein dikhaai de rahi hai। baap bhi bachchon ke is alaukik janma ke chehre dekh, bahut dil mein janma dinki yaad se khush ho rahe hain ki vaah har bachcha jo apne is birth right ko dekh haarshit ho rahe hain। sabhi ko yeh alaukik janma kitna pyaara hai, woh har ek ke chehre se dikhaai de raha hai। har ek ko is janma ki, isko kehte hain alaukik janma, iski bahut khushi hai kyonki yeh alaukik janma kitna sabka nyaara aur pyaara hai। sabhi is ek janma mein apna alaukik janma jaan apne is divya janma ko dekhte bahut khush ho rahe hain kyonki yeh janma svayan brahma baap dvaara brahmaakumaar brahmaakumaari ke naam se prasiddha hai। har ek ko is janma ki bahut khushi hai ki vaah mera yeh alaukik sukhmay janma hai aur har ek ke mukh par is shreshtha janma ki bahut khushi chehre se dikhaai deti hai isliye gaaya bhi jaata hai ki yeh sangamayug ka jo janma brahma baap ne diya, baap aur aap donon ka janma chhota hai lekin praapti sarva janmon se nyaari aur pyaari hai। har ek bachcha apne is divya janma, alaukik janma ki mahima bhool nahin sakta kyonki yeh chhota sa janma hai lekin visheshta yeh hai jo is chhote se janma mein saare janma ki baaten jaante ho aur is ek janma mein apna bhavishya bhi jaante ho isliye sangamayug ko diamond yug kaha jaata hai। parmaatma milan, parmaatma janma, ischhote se yug mein anubhav hota hai। sabse chhota sa yug hai lekin praapti saare kalpa mein is sangam ke janma mein hoti hai। alaukik sukh, alaukik shanti aur janma bhi shreshtha, parivaar bhi bahut bhaagyavaan to aisa janma is sangamayug ke ek janma ka hai। baapdaada bhi sangam par hi bachchon se milta hai, pahchaan se। alaukik baap jisko brahma baap kehte hain woh baap anubhav mein aata hai। hai chhota sa yug lekin sab janmon se yeh sangam ka yug bahut-bahut bhaagyavaan hai। chhota sa yug hai lekin praapti bahut hai। itni praapti aur koi yug mein, janma mein nahin hoti aur saath-saath yeh sangamayug aisa mahaan hai jo saare yugon mein mukhya yug yeh sangam ka gaaya hua hai aur sangamayug mein saare chakra ko jaanne ka bhaagya praapta hota hai।saare chakra ka jo rahasya hai, woh bhi sangamayug par hi praapta hota hai।

to aap sabhi abhi kis yug mein ho? kya kahenge? sangamayug par ho na! jo samajhte hain ham sangamayug mein hain abhi woh haath uthaao। peechhe ka to dekhne mein nahin aata lekin aap sun rahe ho usse bhi jaan gaye। sangamayug sab yugon se shreshtha yug hai, chhota sa hai parantu bhaagya bahut bada hai। bhaagya sangam ka jisne praapta kiya woh mahaan yogi kahlaata hai। yeh mahaan yogi jeevan kitni mahaan hai! is sangamayug ki praapti se, sabse shreshtha satayug ke janmon ko bhagwan dvaara aap jaante ho। khud bhagwan sangamayug par aapko milta hai। saare kalpa mein agar sabse bhaagyavaan yug kahlaaye to sangamayug hi hai। aise yug mein aapne bhagwan ke divya janma ko paaya hai। aaj bhi kya manaane aaye ho? sangamayug ka jo bhaagyavaan samay hai woh paaya hai, pa rahe ho, paate rahenge। bhale satayug ke devtaayen bahut shreshtha hain lekin yeh sangam yug ki usse bhi jyaada balihaari hai। sangam par hi bhagwan apne original bachchon ko praapta hota hai। baap ka pyaar pratyaksha janma mein sangam par hi praapta hota hai। har ek ke mukh se yahi nikalta vaah sangamayug ka divya janma! aur janma din ko aap bhi manaate, man ki khushi ka anubhav karte ho। khushiyaan to bahut hoti hain lekin sangamayug ki khushiyaan aur uska gaayan sangam par hi hota hai। saath-saath sangamayug ki divya praaptiyaan, vaise aadamshumaari to sangam ki bahut hai lekin sangamayug ki jo mahaanta hai, woh praapti ka bhaagya aap thode se bachchon ko mila hai। sangamayug mein pahli praapti, bade te badi praapti aapko hai। svayan paramatma ka avatran sangamayug mein hi hota hai। sangamayug ke braahmanon ki mahima bahut shreshtha hai, jismen aap log aaj baithe ho yeh sangamayug ki praapti hai। sabhi kitne khush ho rahe hain। sangamayug aur aap, praapti dekho kitni oonchi praapti, sangamayug mein hi bhagwan khud aake saara gyaan de rahe hain। jaise abhi de raha hai, is den ko kam nahin samajhna। direct bhagwan sangamayug par saadhaaran roop mein pravesh ho de raha hai। yeh bhaagya kam nahin। yeh sangam ka ek janma mahaan hai। sabhi yugon ka gyaan, sab yugon se shreshtha kamaai, saare kalpa ka gyaan sab sangam par praapta hota hai। aapke paas list hogi sangam par kya kya praapta hota hai, jo koi yug mein nahin hota hai। to sangamayug ki praapti hui maana saare kalpa ka jo bhaagya hai na, woh yeh chhota sa yug praapta karaata hai। to baap har kalpa mein yeh sangamayug ki praapti karaate, khaas praapti kya hai? brahmaakumaar aur brahmaakumaari, yeh janma bahut shreshtha hai, ismen aap saare kalpa ka gyaan praapta karte ho। to yeh bhaagya sangam par hi praapta hota hai paramatma dvaara। to bolo, aap sabhi sangamayug ke bhaagya ko jaan aage badh rahe ho na! kyonki sangamayug ki mahima hai, jo sangamayug mein hi praapta hota hai woh aur kahaan nahin praapta hota hai। to baapdaada se milne aaye ho yeh bhaagya bhi sangam par milta hai। yeh milan kam nahin hai। bahut bada milan hai। achha। baap ke janma ka yaadgaar achha rakha hai। jo roobru aate hain, woh to aate hi hain lekin is praapti ka moolya bahut bada hai। baapdaada bhi ro॰ja aise bachchon ko dekh khush hote hain vaah kalpa ke bhaagyavaan bachche vaah! svayan bhagwan bhi sangamayugi braahmanon ki mahima karte hain। kitna shreshtha bhaagya hai jo kalpa mein ek baar paramatma dvaara praapta hota hai। hua hai na! jisko yeh bhaagya praapta hua hai, woh haath uthaao। hua hai? to yeh bhaagya kam bhaagya nahin hai। sunne mein nambarvaar zaroor hain lekin yeh sangamayug ka bhaagya saare kalpa ke andar first number hai। achha, abhi to samay bahut ho gaya hai।

seva ka tarna gujraat ॰zone ka hai, 14 hajaar gujraat ke aaye hain, total 22 hajaar aaye hain:-

gujraat vaale aate theek hain। achha hai sangamayug ka bhaagya gujraat ne liya hai। aur bhi hain। bhinna-bhinna bhaagya, bhinna-bhinna desh vaalon ne liya hai। thode mein sunaaya ki aadhe hain gujraat vaale। achha hai। bolo। gujraat se jyaada kiska number hai? gujraat ko sang ka rang lagaana chaahiye। achha hai। gujraat ne jaise number liya hai vaise aur bhi number le sakte hain। bhale do number hon, lekin phir bhi do number mein aa to gaye। to baapdaada bhi gujraat ko kehta hai ki achhi mehnat karte ho aur aage bhi karte rahenge।

double videshi 100 deshon se 1200 bhaai bahinen aaye hain:- achha hai।

andaaj ke hisaab se 1200 achhe hain। saakaar baba jab the tab baba hamesha kehte the ki koi bhi jo bhi ॰zone hai, woh aise haath uthaate jaayen। aate to bahut hain, lekin chal rahe hain aur sevaadhaari bhi hain aur naam bhi achha baala kiya hai। to yeh result bataati hai to achhi mehnat karke badhe bhi hain, badhaate bhi hain। har ek koshish kar raha hai aage badhne ki aur badh sakte hain, chance hai।

yeh bhi maaloom padta hai ki gujraat vriddhi mein ab tak number aage gaya hai। achha hai। to vriddhi paana maana apne braahmanon ki sankhya ko badhaana। baba ko achha lagta hai ki jitni vriddhi hogi utna hi jaldi satayug bhi aayega। koi nai invention aisi nikaalo jo number one jaise gujraat hai usse bhi number aage aa jaao। number to aa sakte ho na। ismen to koi kisko rok nahin sakta। lekin vriddhi chaahiye zaroor। kyonki saari duniya ke hisaab se abhi hamaare hisaab mein koi itna jyaada nahin hai। gujraat jitna abhi aage gaya hai usse bhi jyaada ho sakta hai। jaise gujraat ne mehnat karke apne ko aage badhaaya hai, aise har ek jo bhi hain, bhinna bhinna ॰zone aaye hain, to jaise yeh mehnat kar rahe hain vriddhiki, vaise aur bhi kar sakte hain। number aage se aage jaao। ho to sakta hai na! jo samajhte hain nahin, gujraat se aage nahin ja sakte hain, woh haath uthaao। to abhi vriddhi aur jyaada karo।

daadi jaanki se:-

mehnat bahut karti ho inka lakshya hai ki gujraat ko aage karke dikhaayenge। bhale koi bhi kare, umang sabhi mein hain। abhi sabhi samajhte hain ki ham number aage jaayen to achha hai।

eeshu daadi ki yaad di, woh abhi ahamdaabaad mein checking ke liye gai hain:- beech-beech mein isko thoda hota hai, lamba nahin jaata hai। theek ho jaata hai।

(teenon bhaaeeyon ne baapdaada ko janma din ki badhaai dete hue guldasta bhent kiya)

achha hai, sab theek chal rahe hain! umang utsaah mein aage badh rahe hain। koi duty uthaave, itne mahaarthi ho to koi beechbeech mein unki result poochhe। result poochhne se sab baaton ka pata pad jaata hai। abhi purooshaartha to sab kar rahe hain ismen baba ne dekha hai to kaeeyon mein umang hai lekin thoda sa unhon ko bal chaahiye, jo thoda aage badhen। woh bhi ho jaayega। baaki hain sab theek। sab theek to hain na! thoda hoga to thoda mausam ka hoga। theek hai na sabhi! dava ki jaroorat to nahin hai! har ek purooshaartha kar raha hai aur baapdaada ne dekha ki purooshaartha ke baad kuchh time to achha chalta hai lekin thoda jyaada time hota hai to phir aur taraph jaata hai iske liye jaise koi classes karaate hain na, to usmein sab mil karke koi ko mukrar karo, maas mein ek baari ya do maas mein ek baari aapas mein mil karke yeh result nikaalen।

baapdaada ne 80 veen shivjayanti ke nimitta shiv dhvaj phahraaya aur sabko mubaarak di।

shiv jayanti ke din pahle to baba yaad aata hai। shivbaaba bhi aur brahma baba bhi aur sab badi daadiyaan bhi, sab yaad aati hain। saari sabha ko jo bhi sab hain, sabko janma din ki mubaarak ho।