Avyakt murli du dimanche 8 octobre 2017

> 30-11-06 om shanti ''avyakt baapdaada'' madhuban

“jvaalaamukhi tapasya dvaara maimpan ki poonchh ko jalaakar baapdaada samaan bano tab samaapti sameep aayegi”

aaj akhut avinaashi khajaanon ke maalik baapdaada apne chaaron or ke sampanna bachchon ke jama ka khaata dekh rahe hain। teen prakaar ke khaate dekh rahe hain - ek hai apne purushaartha dvaara shreshtha praalabdha jama ka khaata। doosra hai sada santushta rehna aur santushta karna, yeh santushtata dvaara duvaaon ka khaata। teesra hai mansa-vaacha-karmana, sambandh samparka dvaara behad ke nihsvaartha seva dvaara punya ka khaata। aap sabhi bhi apne in teen khaaton ko check karte hi ho। yeh teenon khaate jama kitne hain, hain va nahin hain uski nishaani hain - sada sarva prati, svayan prati santushtata swaroop, sarva prati shubh bhaavna, shubh kaamna aur sada apne ko khushnumah, khushanseeb sthiti mein anubhav karna। to check karo donon khaate ki nishaaniyaan svayan mein anubhav hoti hain? in sarva khajaanon ko jama karne ki chaabi hai - nimitta bhaav, nirmaan bhaav, nihsvaartha bhaav। check karte jaao aur chaabi ka number pata hai! chaabi ka number hai - teen bindi। three daat। ek aatma bindi, doosra baap bindi, teesra - drama ka full stop bindi, chaabi to hai na aap sabhi ke paas? khajaane ko kholkar dekhte rehte ho na! in sabhi khajaanon ke vriddhi ki vidhi hai - dridhta। dridhta hogi to kisi bhi kaarya mein yeh sankalp nahin chalega ki hoga ya nahin hoga। dridhta ki sthiti hai - hua hi pada hai, bana hi pada hai। banega, jama hoga, nahin hoga, nahin। karte to hain, hona to chaahiye, to to bhi nahin। dridhta vaala nishchaybuddhi, nishchint aur nishchit anubhav karega।

baapdaada ne pahle bhi sunaaya hai - agar jyaada se jyaada sarva khajaane ka khaata jama karna hai to manamnaabhav ke mantra ko yantra bana do। jisse sada baap ke saath aur paas rahne ka svatah anubhav hoga। paas hona hi hai, teen roop ke paas hain - ek hai paas rehna, doosra hai jo beeta so paas hua aur teesra hai paas with honour hona। agar teenon paas hain, to aap sabko raajya adhikaari banne ki full paas hai। to full paas le li hai va leni hai? jinhonne full paas le li hai woh haath uthaao। leni nahin hai, le li hai? pahli line vaale nahin uthaate, leni hai aapko? sochte hain abhi sampoorn nahin bane hain, iseelie। lekin nishchaybuddhi vijayi hain hi, ya hona hai? abhi to samay ki pukaar, bhakton ki pukaar, apne man ki aavaaj kya aa rahi hai? abhi-abhi sampanna aur samaan banna hi hai। va yeh sochte hain banenge, sochenge, karenge…! ab samay ke anusaar har samay ever ready ka paath pakka rehna hi hai। jab mera baba kaha, pyaara baba, meetha baba maante hi hain। to jo pyaara hota hai uske samaan banna mushkil nahin hota।

baapdaada ne dekha hai ki samay prati samay samaan banne mein jo vighna padta hai woh sabke paas prasiddha shabd hai, sab jaante hain anubhvi hain। woh hai ''main'', maimpan। isliye baapdaada ne pahle bhi kaha hai jab bhi main shabd bolte ho to sirf main nahin bolo, main aatma। judva shabd bolo। to main kabhi abhimaan le aata, body conscious vaala main, aatma vaala nahin। kabhi abhimaan bhi laata, kabhi apmaan bhi laata hai। kabhi dilshikasta bhi banaata। isliye is body conscious ke maimpan ko svapna mein bhi nahin aane do। baapdaada ne dekha hai sneh ki subject mein mejoriti paas hain। aap sabhi ko kisne yahaan laaya? sabhi chaahe plen mein aaye ho, chaahe train mein, chaahe bas mein aaye ho, lekin vaastav mein baapdaada ke sneh ke vimaan mein yahaan pahunche ho। to jaise sneh ki subject mein paas hai, ab yeh kamaal karo samaan banne ki subject mein bhi paas with honour banke dikhaao। pasanda hai? samaan banna pasanda hai? pasanda hai lekin banne mein thoda mushkil hai! samaan ban jaao to samaapti saamne aayegi। lekin kabhi-kabhi jo dil mein pratigya karte ho, banna hi hai। to pratigya kamjor ho jaati aur pareeksha majboot ho jaati hai। chaahte sabhi hain lekin chaahna ek hoti hai practical doosra ho jaata hai kyonki pratigya karte ho lekin dridhta ki kami pad jaati hai। samaanta door ho jaati hai, samasya prabal ho jaati hai। to ab kya karenge?

baapdaada ko ek baat par bahut hansi aa rahi hai। kaun si baat? hain mahaaveer lekin jaise shaastron mein hanumaan ko mahaaveer bhi kaha hai lekin poonchh bhi dikhaaya hai। yeh poonchh dikhaaya hai maimpan ka। jab tak mahaaveer is poonchh ko nahin jalaayenge to lanka arthaat puraani duniya bhi samaapta nahin hogi। to abhi is main, main ki poonchh ko jalaao tab samaapti sameep aayegi।jalaane ke liejvaalaamukhi tapasya, saadhaaran yaad nahin।jvaalaamukhi yaad ki aavashyakta hai। iseelie jvaala devi ki bhi yaadgaar hai। shaktishaali yaad। to suna kya karna hai?ab yeh man mein dhun lagi hui ho - samaan banna hi hai, samaapti ko sameep laana hi hai। aap kahenge sangamayug to bahut achha hai na to samaapti kyon ho? lekin aap baap samaan dayaalu, kripaalu, merciful aatmaayen ho, to aaj ki duhkhi aatmaayen aur bhakta aatmaaonke oopar he merciful aatmaayen raham karo। merciful bano। duhkh badhta ja raha hai, duhkhiyon par raham kar unhon ko muktidhaam mein to bhejo। sirf vaani ki seva nahin lekin abhi aavashyakta hai mansa aur vaani ki seva saath-saath ho। ek hi samay par donon seva saath ho। sirf chance mile seva ka, yeh nahin socho, chalte phirte apne chehre aur chalan dvaara baap ka parichay dete hue chalo। aapka chehra baap ka parichay de। aapki chalan baap ko pratyaksha karti chale। to aise sada sevaadhaari bhav! achha। baapdaada ke saamne sthool mein to aap sabhi baithe ho lekin sookshm swaroop se chaaron or ke bachche dil mein hain। dekh bhi rahe hain, sun bhi rahe hain। desh videsh ke anek bachchon ne email dvaara, patron dvaara, sandeshon dvaara yaadapyaar bheji hai। sabhi ki naam sahit baapdaada ko yaad mili hai aur baapdaada dil hi dil mein sabhi bachchon ko saamne dekh geet ga rahe hain - vaah bachche vaah! har ek ko is samay emerge roop mein yaad rehti hai। sab sandeshi ko alag-alag kehte hain phalaane ne yaad bheji hai, phalaane ne yaad bheji hai। baap kehte hain, baap ke paas to jab sankalp karte ho, saadhan dvaara peechhe milti hai lekin sneh ka sankalp saadhan se pahle pahunch jaata hai। theek hai na! kaeeyon ko yaad mili hai na! achha।

achha - pahle haath uthaao jo pahle baari aaye hain। yeh seva mein bhi pahle baari aaye hain। achha baapdaada kehte hain, bhale padhaare, aapke aane ki mausam hai। achha abhi bolo।

Indore zone (aarti behen) ke sevaadhaari aaye hain:- (sabke haath mein ''mera baba'' ka dil ke shape mein symbol hai) haath to bahut achhe hila rahe hain, lekin dil ko bhi hilaana। sirf sada yaad rakhna, bhoolna nahin mera। achha chance liya hai, baapdaada sada kehte hain, himmat rakhne vaalon ko baapdaada padamguna madad deta hai। to himmat rakhi hai na! achha kiya hai। Indore zone hai। achha hai Indore zone saakaar baba ka last smriti ka sthaan hai। achha hai। sabhi bahut khush ho rahe ho na! golden lottery mili hai। zone ki seva milne se sabhi sevaadhaariyon ko chhutti mil jaati hai aur vaise sankhya mein milti hai itne laao aur abhi dekho itne hain। yeh bhi zone zone ko achha chance hai na, jitne laane ho laao। to aap sabhi ka thode samay mein punya ka khaata kitna bada ikaththa ho gaya। yagya seva dil se karna arthaat apne punya ka khaata teevragti se badhaana kyonki sankalp, samay aur shareer teenon saphal kiya। sankalp bhi chalega to yagya seva ka, samay bhi yagya seva mein vyateet hua aur shareer bhi yagya seva mein arpan kiya। to seva hai ya meva hai? pratyaksha phal kisi ke paas yagya seva karte koi vyartha sankalp aaya? aaya kiske paas? khush rahe aur khushi baanti। to yeh jo yahaan golden anubhav kiya, is anubhav ko vahaan bhi emerge kar badhaate rehna। kabhi bhi koi maaya ka sankalp bhi aave to man ke vimaan se shaantivan mein pahunch jaana। man ka vimaan to hai na! sabhi ke paas man ka vimaan hai। baapdaada ne har brahman ko janma ki saugaat shreshtha man ka vimaan de diya hai। is vimaan mein jyaada mehnat nahin karni padti। start karna hai to mera baba, bas। chalaana aata hai na vimaan! to jab bhi kuchh ho madhuban mein pahunch jaao। bhakti maarga mein chaar dhaam karne vaale apne ko bahut bhaagyavaan samajhte hain aur madhuban mein bhi chaar dhaam hain, to chaar dhaam kiye? paandav bhavan mein dekho, chaar dhaam hain। jo bhi aate ho paandav bhavan to jaate ho na, ek shanti stambha mahaadhaam। doosra baapdaada ka kamra, yeh sneh ka dhaam। aur teesra jhopdi, yeh snehmilan ka dhaam aur chautha - history haal, to aap sabhi ne chaar dhaam kiye? to mahaan bhaagyavaan to ho hi gaye। abhi kisi bhi dhaam ko yaad karlena, kab udaas hojaao to jhopdi mein roohrihaan karne aajaana। shaktishaali banne ki aavashyakta ho to shanti stambha mein pahunch jaana aur vesta thoughts bahut tej ho, bahut fast hon to history haal mein pahunch jaana। samaan banne ka dridh sankalp utpanna ho to baapdaada ke kamre mein aa jaana। achha hai, sabhi ne golden chance liya hai lekin sada vahaan rehte bhi golden chance lete rehna। achha। himmatvaan achhe hain।CAD group (dil vaale baithe hain, bahut achhi conference sabne milkar ki):-achha kiya hai, aapas mein meeting bhi ki hai aur president jo hai uski bhi ichchha hai yeh kaarya hona chaahiye। to jaise uski bhi ichchha hai, usko bhi saath milaate hue aage badhte raho aur saath-saath jo brahmanon ki meeting hai, usmein bhi apne programme ka samaachaar suna karke raay le lena to sarva brahmanon ki raay se aur shakti bhar jaati hai। baaki kaarya achha hai, karte chalo, phailaate chalo aur bhaarat ki visheshta pragat karte chalo। mehnat achhi kar rahe ho। programme bhi achha kiya hai, aur dil vaalon ne apni badi dil dikhaai, uski mubaarak ho। achha।

double videshi bhaai bahinen:- achha hai har tarna mein double videshiyon ka aana is sangathan ko chaar chaand laga deta hai। double videshiyon ko dekhkar sabhi ko umang bhi aata hai, sab double videshi double umang utsaah se aage ud rahe hain, chal nahin rahe hain, ud rahe hain, aise hai। udne vaale ho ya chalne vaale ho? jo sada udta rehta hai, chalta nahin woh haath uthaao। achha। vaise bhi dekho vimaan mein udte hi aana padta hai। to udne ka to aapko abhyaas hai hi। woh shareer se udne ka, yeh man se udne ka, himmat bhi achhi rakhi hai। baapdaada nedekho kahaan kone-kone se apne bachchon ko dhoondh liya na! bahut achha hai, double videshi hai kahlaane mein, vaise to original bhaarat ke hain। aur raajya bhi kahaan karna hai? bhaarat mein karna hai na! lekin seva arth paanch hi khandon mein pahunch gaye ho। aur paanch hi khandon mein bhinna-bhinna sthaan mein seva bhi achhi umang-utsaah se kar rahe hain। vighna vinaashak ho na! koi bhi vighna aave ghabraane vaale to nahin ho na, yeh kyon ho raha hai, yeh kya ho raha hai, nahin। jo hota hai usmein hamaari aur himmat badhaane ka saadhan hai। ghabraane ka nahin, umang utsaah badhaane ka saadhan hai। aise pakke ho na! pakke ho? ya thoda-thoda kachche? nahin, kachcha shabd achha nahin lagta। pakke hain, pakke rahenge, pakke hoke saath chalenge। achha।

daadi jaanki Australia ka chakkar lagaakar aai hain, unhonne bahut yaad di hai:- baapdaada ke paas email mein bhi sandesh aaye hain, aur baapdaada dekhte hain ki aajkal bade programme bhi aise ho gaye hain jaise hue hi pade hain। sabhi seekh gaye hain। seva ke saadhnon ko kaarya mein lagaane ka achha abhyaas ho gaya hai। baapdaada ko Australia number one dikhaai deta hai lekin abhi, pahle-pahle number one liya abhi yu.ke. thoda number aage ja raha hai lekin Australia ko number one hona hi hai। yu.ke. number do nahin hoga, woh bhi number one hi hoga। puraane-puraane Australia ke bachche baapdaada ko yaad hain। aur baapdaada ki laadli nirmal aashram, aap log to kehte hain nirmala deedi, deedi kehte ho na, lekin baapdaada ne shuru se usko title diya hai nirmal aashram, jis aashram mein anek aatmaon ne sahaara liya aur baap ke bane hain aur ban rahe hain, bante jaayenge। to ek-ek Australia nivaasi bachchon ko vishesh yaad hai, yeh saamne baithe hain, Australia ke hain na! Australia vaale utho। bahut achhe। kitna achha umang aa raha hai inhon ko, vishwa ki seva ke liye khoob taiyaariyaan kar rahe hain। baapdaada ki madad hai aur saphalta bhi hai hi।

achha - abhi kya dridh sankalp kar rahe ho? abhi isi sankalp mein baitho ki saphalta hamaara janma siddha adhikaar hai। vijay hamaare gale ki maala hai। is nishchay aur roohaani nashe mein anubhvi swaroop hoke baitho।

achha। chaaron or ke phikar se phaarig bephikra baadshaahon ko, sada begampur ke baadshaah swaroop mein sthit rahne vaale bachchon ko, sarva khajaanon se sampanna richest in di world sarva bachchon ko, sada umangautsaah ke pankhon se udti kala vaale bachchon ko, sada samaapti ko sameep laane vaale baapdaada samaan bachchon ko baapdaada ka yaadapyaar, dil ki duvaayen, vardaata ke vardaan aur namaste।

daadiyon se:- kitna pyaar se sabhi dekh rahe hain। theek ho jaayegi। theek hai, theek hi hogi। achha - sabhi khush ho rahe hain। khush rehna yeh sabse bade te bade bhaagya ke praapti ki nishaani hai। khush rahne vaala apne chehre se aneko ko khushi ka anubhav karaate hain।

(daadi jaanki ne videsh ka samaachaar sunaaya) abhi to saara bhaarat aapke haath mein aana hai। khud hi offer karenge aao, abhi aapko thodi mehnat karni padti hai, parche aadi chhapaane padte hain, mehnat karni padti hai। abhi aapehi sab offer karenge। bas abhi yeh scene rahi hui hai ki sabke mukh se ek hi aavaaj nikle hamaara baba aa gaya। yeh bhi sameep aa raha hai, sirf aap udte raho, pharishte ban karke udte raho to unhon ko pharishton ka saakshaatkaar hoga।

da. ashok mehta:- achha kaarya ke nimitta ban gaye ho। anek aatmaaonka sahaj hi parichay hota rehta hai aur hospital ka jo laabh uthaaya, patient ko madhuban tak pahunchaaya, yeh seva bahut achhi ki। patient ko patience sikhla diya। achha hua na, sabhi ka phaayda hua। achha hai। is hospital se bhi kai vi.aai.pi sandesh lene aayenge। (health fair aur doctors ki conference karne ja rahe hain) achha hai, health ka naam sun karke attraction hoti hai, jaise yahaan bhi global hospital khulne ke baad vaayumandal change ho gaya na। aise health ka naam sunke, sab aajkal health conscious bahut hain na to unhon ko lagta hai double phaayda ho jaayega। yeh achhi seva hai।

bambai ke prasiddha geetkaar sameer bhaaeeh ab double geet gaana। mukh se to gaate ho bahut achha, banaate bhi ho na, achhe banaate ho, shabd kharaab nahin banaate ho, theek banaate ho। abhi man se baap ke gunon ke bhi geet gaate rehna। double geet। to aapka chehra khushmijaaj ho jaayega। aapke chehre se lagega kuchh pa liya hai। achha hai, time par pahunch gaye ho।

naaraayan daada:- (pardaadi se milne aaye the, pardaadi ahamdaabaad hospital mein hai) woh bhi theek ho rahi hai। badi aayu hai na। badi aayu ke kaaran thoda time lag jaata hai। aap theek hain, set ho? sab set hai na। sabhi ko yaad dena। achha।