Murli du jour du mardi 3 mars 2020

03-03-2020 praatahmurli om shanti "baapdaada"' madhuban

“ meethe bachche - padhaai hi kamaai hai , padhaai source oph income hai , is padhaai se hi tumhein 21 janmon ke liye khajaana jama karna hai ''

prashn:- jin bachchon par brahspati ki dasha hogi unki nishaani kya dikhaai degi?

uttar:- unka poora-poora dhyaan shreemat par hoga। padhaai achhi tarah padhenge। kabhi bhi fail nahin honge। shreemat ka ullanghan karne vaale hi padhaai mein fail hote hain, un par phir raahu ki dasha baith jaati hai। abhi tum bachchon par vrikshapti baap dvaara brahaspati ki dasha baithi hai।

geet:- is paap ki duniya se …

om shanti। yeh hai paap aatmaon ki pukaar। tumko to pukaarna nahin hai kyonki tum paavan ban rahe ho। yeh dhaaran karne ki baat hai। bada bhaari yeh khajaana hai। jaise school ki padhaai bhi khajaana hai na। padhaai se shareer nirvaah chalta hai। bachche jaante hain bhagwan padhaate hain। yeh badi oonch kamaai hai kyonki em object saamne khadi hai। sachcha-sachcha satsang yeh ek hi hai। baaki sab hain jhooth sang। tum jaante ho satsang ek hi baar hota hai saare kalpa mein। jabki pukaarte hain patit-paavan aao। ab woh pukaarte rehte hain, yahaan tumhaare saamne baithe hain। tum bachche jaante ho ham purooshaartha kar rahe hain nai duniya ke liye, jahaan duhkh ka naam-nishaan nahin hoga। tumko chain milta hai svarga mein। narka mein thode hi chain hai। yeh to vishay saagar hai, kaliyug hai na। sab duhkhi hi duhkhi hain। bhrashtaachaar se paida hone vaale hain isliye aatma pukaarti hai-baba ham patit ban gaye hain। paavan hone ke liye ganga mein snaan karne jaate hain। achha, snaan kiya to paavan ho jaana chaahiye na। phir ghadi-ghadi dhakke kyon khaate hain? dhakke khaate seedhi neeche utarte-utarte paap aatma ban jaate hain। 84 ka raaz tum bachchon ko baap hi baith samjhaate hain aur dharma vaale to 84 janma lete nahin। tumhaare paas yeh 84 janmon ka chitra (seedhi) bada achha bana hua hai। kalpa vriksha ka bhi chitra hai geeta mein। parantu bhagwan ne geeta kab sunaai, kya aakar kiya, yeh kuchh nahin jaante। aur dharma vaale apne-apne shaastra ko jaante hain, bhaaratvaasi bilkul nahin jaante। baap kehte hain main sangamayug par hi svarga ki sthaapna karne aata hoon। drama mein change ho nahin sakti। jo kuchh drama mein noondh hain, woh hoobhu hona hi hai। aise nahin, hokar phir badal jaana hai। tum bachchon ki buddhi mein drama ka chakra poora baitha hua hai। is 84 ke chakra se tum kabhi chhoot nahin sakte ho arthaat yeh duniya kabhi khatma nahin ho sakti। world ki history-geography repeat hoti hi rehti hai। yeh 84 ka chakra (seedhi) bahut zaroori hai। trimoorti aur gola to mukhya chitra hain। gole mein clear dikhaaya hua hai-har ek yug 1250 varsha ka hai। yeh hai jaise andhon ke aage aaina। 84 janma-patri ka aaina। baap tum bachchon ki dasha varnan karte hain। baap tumhein behad ki dasha batlaate hain। abhi tum bachchon par brihaspati ki avinaashi dasha baithi hai। phir hai padhaai par madaar। koi par brihaspati ki, koi par chakra ki, koi par raahu ki dasha baithi hai। naapaas hua to raahu ki dasha kahenge। yahaan bhi aise hain। shreemat par nahin chalte hain to raahu ki avinaashi dasha baith jaati hai। woh brihaspati ki avinaashi dasha, yeh phir raahu ki dasha ho jaati। bachchon ko padhaai par poora dhyaan dena chaahiye, ismen bahaana nahin dena chaahiye। centre door hai, yeh hai...... paidal karne mein 6 ghanta bhi lage to bhi pahunchna chaahiye। manushya yaatraaon par jaate hain, kitna dhakke khaate hain। aage bahut paidal jaate the, bailgaadi mein bhi jaate the। yeh to ek shahar ki baat hai। yeh baap ki kitni badi university hai, jisse tum yeh lakshmi-naaraayan bante ho। aisi oonch padhaai ke liye koi kahe door padta hai ya phursat nahin! baap kya kahenge? yeh bachcha to laayak nahin hai। baap oonch uthaane aate, yeh apni satyaanaash kar dete।

shreemat kehti hai-pavitra bano, daiveegun dhaaran karo। ikatthe rehte bhi vikaar mein nahin jaana hai। beech mein gyaan-yog ki talvaar hai, hamko to pavitra duniya ka maalik banna hai। abhi to patit duniya ke maalik hain na। woh devtaayen the double sirtaaj phir aadhaakalpa baad light ka taaj ud jaata hai। is samay light ka taaj koi par bhi nahin hai। sirf jo dharma sthaapak hain, un par ho sakta hai kyonki woh pavitra aatmaayen shareer mein aakar pravesh karti hain। yahi bhaarat hai, jismen double sirtaaj bhi the, single taaj vaale bhi the। abhi tak bhi double sirtaaj ke aage single taaj vaale maatha tekte hain kyonki woh hain pavitra mahaaraaja-mahaaraani। mahaaraajaayen raajaaon se bade hote hain, unke paas badi-badi jaageer hoti hai। sabha mein bhi mahaaraajaayen aage aur raajaayen peechhe baithte hain nambarvaar। kaaydesir unhon ki darbaar lagti hai। yeh bhi eeshvareey darbaar hai, inko indra sabha bhi gaaya jaata hai। tum gyaan se pariyaan bante ho। khoobsoorat ko pari kaha jaata hai na। raadhe-krishna ki natural beauty hai na, isliye sundar kaha jaata hai। phir jab kaam chita par baithte hain to woh bhi bhinna naam-roop mein shyaam bante hain। shaastron mein koi yeh baaten nahin hain। gyaan, bhakti aur vairaagya, teen cheejen hain। gyaan oonch te oonch hai। abhi tum gyaan praapta kar rahe ho। tumko vairaagya hai bhakti se। yeh saari tamopradhaan duniya ab khatma hone vaali hai, unse vairaagya hai। jab naya makaan banaate hain to puraane se vairaagya ho jaata hai na। woh hai had ki baat, yeh hai behad ki baat। ab buddhi nai duniya taraph hai। yeh hai puraani duniya narka, satayug-treta ko kaha jaata hai shivaalay। shivbaaba ki sthaapna ki hui hai na। abhi is veshyaalay se tumko naphrat aati hai। kaiyon ko naphrat nahin aati hai। shaadi barbaadi kar gutter mein girna chaahte hain। manushya to sabhi hain vishay vaitarni nadi mein, gand mein pade hain। ek-do ko duhkh dete hain। gaaya bhi jaata hai amrit chhod vish kaahe ko khaae। jo kuchh kehte hain uska arth nahin samajhte hain। tum bachchon mein bhi nambarvaar hain। sensible teacher dekhte hi samajh lega ki inki buddhi kahaan bhatak rahi hai, class ke beech koi ubaasi lete ya jhutka khaate hain to samjha jaata hai inki buddhi kahaan gharbaar ya dhandhe taraph bhatak rahi hai। ubaasi thakaavat ki bhi nishaani hain। dhandhe mein manushyon ki kamaai hoti rehti hai to raat ko 1-2 baje tak bhi baithe rehte hain, kabhi ubaasi nahin aati। yeh to baap kitna khajaana dete hain। ubaasi dena ghaate ki nishaani hai। devaala maarne vaale ghutka khaate bahut ubaasi dete hain। tumko to khajaane ke pichhaadi khajaana milta rehta hai to kitna attention hona chaahiye। padhaai samay koi ubaasi de to sensible teacher samajh jaayega ki inka buddhiyog aur taraph bhatakta rehta hai। yahaan baithe gharbaar yaad aayega, bachche yaad aayenge। yahaan to tumko bhatthi mein rehna hota hai, aur koi ki yaad na aaye। samjho koi 6 din bhatthi mein raha, pichhaadi mein kiski yaad aai, chitthi likhi to fail kahenge phir 7 roz shuru karo। 7 roz bhatthi mein daalte hain ki sab beemaari nikal jaae। tum aadhaakalpa ke mahaan rogi ho। baithe-baithe akaale mrityu ho jaati hai। satayug mein aise kabhi hota nahin hai। yahaan to koi na koi beemaari zaroor hoti hai। marne ke samay beemaari mein chillaate rehte hain। svarga mein zara bhi duhkh nahin hota। vahaan to samay par samajhte hain-abhi time poora hua hai, ham yeh shareer chhod bachche bante hain। yahaan bhi tumko saakshaatkaar honge ki yeh bante hain। aise bahuton ko saakshaatkaar hote hain। gyaan se bhi jaante hain ki ham beggar tu prince ban rahe hain। hamaari em object hi yeh raadhe-krishna banne ki hai। lakshmi-naaraayan nahin, raadhe krishna kyonki poore 5 hazaar varsha to inke hi kahenge। lakshmi-naaraayan ke to phir bhi 20-25 varsha kam ho jaate hain isliye krishna ki mahima jaasti hai। yeh bhi kisko pata nahin ki raadhe-krishna hi phir so lakshmi-naaraayan bante hain। abhi tum bachche samajhte jaate ho, yeh padhaai hai। har ek gaanv-gaanv mein centre khulte jaate hain। tumhaari yeh hai university kam hospital। ismen sirf 3 pair prithvi chaahiye। wonder hai na। jinki takdeer mein hai to ve apne kamre mein bhi satsang khol dete hain। yahaan jo bahut paise vaale hain, unhon ke paise to sab mitti mein mil jaane hain। tum baap se varsa le rahe ho bhavishya 21 janmon ke liye। baap khud kehte hain-is puraani duniya ko dekhte hue buddhi ka yog vahaan lagaao, karma karte hue yeh practice karo। har baat dekhni hoti hai na। tumhaari ab practice ho rahi hai। baap samjhaate hain hamesha shuddh karma karo, ashuddha koi kaam na karo। koi bhi beemaari hai to surgeon baitha hai, usse raay karo। har ek ki beemaari apni hai, surgeon se to achhi raay milegi। poochh sakte ho is haalat mein kya karen? attention rakhna hai ki koi vikarma na ho jaae।

yeh bhi gaayan hai jaisa anna vaisa man। maans khareed karne vaale par, bechne vaale par, khilaane vaale par bhi paap lagta hai। patit-paavan baap se koi baat chhipaani nahin chaahiye। surgeon se chhipaaya to beemaari chhootegi nahin। yeh hai behad ka avinaashi surgeon। in baaton ko duniya to nahin jaanti hai। tumko bhi abhi knowledge mil rahi hai phir bhi yog mein bahut kami hai। yaad bilkul karte nahin hain। yeh to baba jaante hain phat se koi yaad thahar nahin jaayegi। nambarvaar to hain na। jab yaad ki yaatra poori hogi tab kahenge karmaateet avastha poori hui, phir ladaai bhi poori lagegi, tab tak kuchh na kuchh hota phir banda hota rahega। ladaai to kabhi bhi chhid sakti hai। parantu vivek kehta hai jab tak raajaai sthaapan nahin hui hai tab tak badi ladaai nahin lagegi। thodi-thodi lagkar banda ho jaayegi। yeh to koi nahin jaante ki raajaai sthaapan ho rahi hai। satopradhaan, sato, rajo, tamo buddhi to hai na। tumhaare mein bhi satopradhaan buddhi vaale achhi reeti yaad karte rahenge। brahman to abhi laakhon ki andaaz mein honge parantu usmein bhi sage aur lage to hain na। sage achhi service karenge, maa-baap ki mat par chalenge। lage raavan ki mat par chalenge। kuchh raavan ki mat par, kuchh raam ki mat par langadaate chalenge। bachchon ne geet suna। kehte hain-baba, aisi jagah le chalo jahaan chain ho। svarga mein chain hi chain hai, duhkh ka naam nahin। svarga kaha hi jaata hai satayug ko। abhi to hai kaliyug। yahaan phir svarga kahaan se aaya। tumhaari buddhi ab svachchha banti jaati hai। svachchha buddhi vaalon ko malechchha buddhi naman karte hain। pavitra rahne vaalon ka maan hai। sanyaasi pavitra hain to grihasthi unhon ko maatha tekte hain। sanyaasi to vikaar se janma le phir sanyaasi bante hain। devtaaon ko to kaha hi jaata hai sampoorn nirvikaari। sanyaasiyon ko kabhi sampoorn nirvikaari nahin kahenge। to tum bachchon ko andar bahut khushi ka paara chadhna chaahiye isliye kaha jaata hai ateendriy sukh poochhna ho to gop-gopiyon se poochho, jo baap se varsa le rahe hain, padh rahe hain। yahaan sammukh sunne se nasha chadhta hai phir koi ka kaayam rehta hai, koi ka to jhat ud jaata hai। sangadosh ke kaaran nasha sthaai nahin rehta। tumhaare centres par aise bahut aate hain। thoda nasha chadha phir party aadi mein kahaan gaye, sharaab, beedi aadi piya, khalaas। sangadosh bahut kharaab hai। hans aur bagule ikatthe rah na saken। pati hans banta to patni bagula ban jaati। kahaan phir stri hansani ban jaati, pati bagula ho padta। kahe pavitra bano to maar khaaye। koi-koi ghar mein sab hans hote hain phir chalte-chalte hans se badal bagula ban padte hain। baap to kehte apne ko sab sukhdaai banaao। bachchon ko bhi sukhdaai banaao। yeh to duhkhadhaam hai na। abhi to bahut aaphten aani hain phir dekhna kaise traahi-traahi karte hain। are, baap aaya, hamne baap se varsa nahin paaya phir to tu let ho jaayegi। baap svarga ki baadshaahi dene aate hain, woh ganva baithte isliye baba samjhaate hain ki baba ke paas hamesha majboot ko le aao। jo khud samajhkar doosron ko bhi samjha sake। baaki baba koi sirf dekhne ki cheez to hai nahin। shivbaaba kahaan dikhaai padta hai। apni aatma ko dekha hai kya? sirf jaante ho। vaise paramatma ko bhi jaanna hai। divya drishti bigar unko koi dekha nahin ja sakta। divya drishti mein ab tum satayug dekhte ho phir vahaan practical mein chalna hai। kaliyug vinaash tab hoga jab aap bachche karmaateet avastha ko pahunchenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is puraani duniya ko dekhte hue buddhi ka yog baap va nai duniya taraph laga rahe। dhyaan rahe - karmendriyon se koi vikarma na ho jaae। hamesha shuddh karma karne hai, andar koi beemaari hai to surgeon se raay leni hai।

2) sangadosh bahut kharaab hai, isse apni bahut-bahut sambhaal karni hai। apne ko aur parivaar ko sukhdaai banaana hai। padhaai ke liye kabhi bahaana nahin dena hai।

vardaan:- apna sab kuchh seva mein arpit karne vaale gupta daani punya aatma bhav

jo bhi seva karte ho use vishwa kalyaan ke liye arpit karte chalo। jaise bhakti mein jo gupta daani punya aatmaayen hoti hain vo yahi sankalp karti hain ki sarva ke bhale prati ho। aise aapka har sankalp seva mein arpit ho। kabhi apnepan ki kaamna nahin rakho। sarva prati seva karo। jo seva vighna roop bane use sachchi seva nahin kahenge isliye apna pan chhod gupta aur sachche sevaadhaari ban seva se vishwa kalyaan karte chalo।

slogan:- har baat prabhu arpan kar do to aane vaali mushkilaaten sahaj anubhav hongi।