Murli du jour du mardi 11 août 2020

11-08-2020 praatahmurli om shanti "baapdaada"' madhuban

“meethe bachche - tumhaari em object hai wonderful rang-birangi duniya (svarga) ka maalik banna, to sada isi khushi mein harshit raho, murjhaaya hua nahin''

prashn:- takdeervaan bachchon ko kaun-sa umang sada bana rahega?

uttar:- humein behad ka baap nai duniya ka prince-prinsej banaane ke liye padha rahe hain। tum isi umang se sabko samjha sakte ho ki is ladaai mein svarga samaaya hua hai। is ladaai ke baad svarga ke dvaar khulne hain - isi khushi mein rehna hai aur khushi-khushi se doosron ko bhi samjhaana hai।

geet:- duniya rang rangeeli baba…

om shanti। yeh kinhonne kaha baba ko, ki duniya rang-birangi hai? ab inka arth doosra koi samajh na sake। baap ne samjhaaya hai yeh khel rang-rangeela hai। koi bhi bioscope aadi hota hai to bahut rang-birangi scene-scenery aadi hoti hain na। ab is behad ki duniya ko koi jaante hi nahin। tumhaare mein bhi nambarvaar purushaartha anusaar saare vishwa ke aadi-madhya-ant ka gyaan hai। tum samajhte ho svarga kitna rang-biranga hai, khoobsoorat hai। jisko koi bhi jaante nahin। koi ki buddhi mein nahin hai, woh hai wonderful rang-birangi duniya। gaaya jaata hai wonder oph di world - isko sirf tum jaante ho। tum hi wonder oph world ke liye apni-apni takdeer anusaar purushaartha kar rahe ho। em object to hai। woh hai wonder oph world, badi rang-birangi duniya hai, jahaan heere-javaahraaton ke mahal hote hain। tum ek second mein wonderful baikuntha mein chale jaate ho। khelte ho, raas-vilaas aadi karte ho। barobar wonderful duniya hai na। yahaan hai maaya ka raajya। yeh bhi kitna wonderful hai। manushya kya-kya karte rehte hain। duniya mein yeh koi bhi nahin samajhte ki ham naatak mein khel kar rahe hain। naatak agar samjhen to naatak ke aadi-madhya-ant ka bhi gyaan ho। tum bachche jaante ho baap bhi kitna saadhaaran hai। maaya bilkul hi bhula deti hai। naak se pakda, yeh bhulaaya। abhi-abhi yaad mein hain, bahut harshit rehte hain। oho! ham wonder oph world svarga ke maalik ban rahe hain, phir bhool jaate hain to murjha padte hain। aisa murjha jaate hain jo bheel bhi aisa murjhaaya hua na ho। zara bhi jaise ki samajhte hi nahin ki ham svarga mein jaane vaale hain। hamko behad ka baap padha rahe hain। jaise ekdam murde ban jaate hain। woh khushi, nasha nahin rehta। abhi wonder oph world ki sthaapna ho rahi hai। wonder oph world ka shreekrishna hai prince। yeh bhi tum jaante ho। krishna janmaashtami par bhi jo gyaan mein hoshiyaar hain woh samjhaate honge। shreekrishna wonder oph world ka prince tha। woh satayug phir kahaan gaya! satayug se lekar seedhi kaise utre। satayug se kaliyug kaise hua? utarti kala kaise hui? tum bachchon ki buddhi mein hi aayega। us khushi se samjhaana chaahiye। shreekrishna aa rahe hain। krishna ka raajya phir sthaapan ho raha hai। yeh sunkar bhaaratvaasiyon ko bhi khushi honi chaahiye। parantu yeh umang unhon ko aayega jo takdeervaan honge। duniya ke manushya to ratnon ko bhi patthar samajhkar phenk denge। yeh avinaashi gyaan ratna hain na। in gyaan ratnon ka saagar hai baap। in ratnon ki bahut value hai। yeh gyaan ratna dhaaran karne hain। abhi tum gyaan saagar se direct sunte ho to phir aur kuchh bhi sunne ki darkaar hi nahin। satayug mein yeh hote nahin। na vahaan L.L.bi., na surgeon aadi banna hota hai। vahaan yeh knowledge hi nahin। vahaan to tum praalabdha bhogte ho। to janmaashtami par bachchon ko achhi reeti samjhaana hai। anek baar murli bhi chali hui hai। bachchon ko vichaar saagar manthan karna hai, tab hi points niklengi। bhaashan karna hai to savere uthkar likhna chaahiye, phir padhna chaahiye। bhooli hui points phir add karni chaahiye। isse dhaarna achhi hogi phir bhi likhat muaaphik sab nahin bol sakenge। kuchh na kuchh points bhool jaayenge। to samjhaana hota hai, krishna kaun hai, yeh to wonder oph world ka maalik tha। bhaarat hi paradise tha। us paradise ka maalik shreekrishna tha। ham aapko sandesh sunaate hain ki shreekrishna aa rahe hain। raajayog bhagwan ne hi sikhaaya hai। ab bhi sikhla rahe hain। pavitrata ke liye bhi purushaartha kara rahe hain, double sirtaaj devta banaane ke liye। yeh sab bachchon ko smriti mein aana chaahiye। jinki practice hogi woh achhi reeti samjha sakenge। krishna ke chitra mein bhi likhat badi first class hai। is ladaai ke baad svarga ke dvaar khulne hain। is ladaai mein jaise svarga samaaya hua hai। bachchon ko bhi bahut khushi mein rehna chaahiye, janmaashtami par manushya kapde aadi naye pahante hain। lekin tum jaante ho ki abhi ham yeh puraana shareer chhod naya kanchan shareer lenge। kanchan kaaya kehte hain na arthaat sone ki kaaya। aatma bhi pavitra, shareer bhi pavitra। abhi kanchan nahin hai। nambarvaar ban rahi hai। kanchan banengi hi yaad ki yaatra se। baba jaante hain bahut hain jinko yaad karne ka bhi akla nahin hai। yaad ki jab mehnat karenge tab hi vaani jauhardaar hogi। abhi woh taakat kahaan hai। yog hai nahin। lakshmi-naaraayan banne ki shakla bhi chaahiye na। padhaai chaahiye। krishna janmaashtami par samjhaana bahut sahaj hai। krishna ke liye kehte hain shyaam-sundar। krishna ko bhi kaala, naaraayan ko bhi kaala, raam ko bhi kaala banaaya hai। baap khud kehte hain, mere bachche jo pahle gyaan chita par baith svarga ke maalik banen phir kahaan chale gaye। kaam chita par baith nambarvaar girte chale aaye। srishti bhi satopradhaan, sato, rajo, tamo banti hai। to manushyon ki avastha bhi aisi hoti hai। kaam chita par baith sab shyaam arthaat kaale ban gaye hain। ab main aaya hoon sundar banaane। aatma ko sundar banaaya jaata hai। baba har ek ki chalan se samajh jaate hain - mansa, vaacha, karmana kaise chalte hain। karma kaise karte hain, usse pata pad jaata hai। bachchon ki chalan to badi first class honi chaahiye। mukh se sadaiv ratna nikalne chaahiye। krishna jayanti par samjhaane ka bahut achha hai। shyaam aur sundar ki topic ho। krishna ko bhi kaala to naaraayan ko phir raadhe ko bhi kaala kyon banaate hain? shivling bhi kaala patthar rakhte hain। ab woh koi kaala thode hi hai। shiv hai kya, aur cheez kya banaate hain। in baaton ko tum bachche jaante ho। kaala kyon banaate hain - tum is par samjha sakenge। ab dekhenge bachche kya service karte hain। baap to kehte hain - yeh gyaan sab dharma vaalon ke liye hai। unhon ko bhi kehna hai baap kehte hain mujhe yaad karo to tumhaare janma-janmaantar ke paap kat jaayenge। pavitra banna hai। kisko bhi tum raakhi baandh sakte ho। european ko bhi baandh sakte ho। koi bhi ho unko kehna hai - bhagvaanuvaach, zaroor koi tan se kahenge na। kehte hain maamekam yaad karo। deh ke sab dharma chhod apne ko aatma samjho। baba kitna samjhaate hain, phir bhi nahin samajhte hain to baap samajh jaate hain inki takdeer mein nahin hai। yeh to samajhte honge shivbaaba padhaate hain। rath bigar to padha na saken, ishaara dena hi bas hai। koi-koi bachchon ko samjhaane ki practice achhi hai। baba-mama ke liye to samajhte ho yeh oonch pad paane vaale hain। mama bhi service karti thi na। in baaton ko bhi samjhaana hota hai। maaya ke bhi anek prakaar ke roop hote hain। bahut kehte hain hamaare mein mama aati hai, shivbaaba aate hain parantu nai-nai points to mukrar tan dvaara hi sunaayenge ki doosre kisi dvaara sunaayenge। yeh ho nahin sakta। aise to bachchiyaan bhi bahut prakaar ki points apni bhi sunaati hain। magazine mein kitni baaten aati hain। aise nahin ki mama-baba unmein aate, woh likhvaate hain। nahin, baap to yahaan direct aate hain, tab to yahaan sunne ke liye aate ho। agar mama-baba koi mein aate hain to phir vahaan hi baith unse padhen। nahin, yahaan aane ki sabko kashish hoti hai। door rahne vaalon ko aur hi jaasti kashish hoti hai। to bachche janmaashtami par bhi bahut service kar sakte hain। krishna ka janma kab hua, yeh bhi kisko pata nahin hai। tumhaari ab jholi bhar rahi hai to khushi rahni chaahiye। parantu baba dekhte hain khushi koi-koi mein bilkul hai nahin। shreemat par na chalne ka to jaise kasam utha lete hain। serviceable bachchon ko to jaise service hi service soojhti rahegi। samajhte hain baba ki service nahin ki, kisko raasta nahin bataaya to goya ham andhe rahe। yeh samajhne ki baat hai na। badge mein bhi krishna ka chitra hai, is par bhi tum samjha sakte ho। koi se bhi poochho inhon ko kaala kyon dikhaaya hai, bata nahin sakenge। shaastron mein likh diya hai raam ki stri churaai gai। parantu aisi koi baat vahaan hoti nahin।

tum bhaaratvaasi hi paristaani the, ab kabristaani bane hain phir gyaan chita par baith daivi gun dhaaran kar paristaani bante hain। service to bachchon ko karni hai। sabko paigaam dena hai। ismen badi samajh chaahiye। itna nasha chaahiye - hamko bhagwan padhaate hain। bhagwan ke saath rehte hain। bhagwan ke bachche bhi hain to phir ham padhte bhi hain। boarding mein rehte hain to phir baahar ka sang nahin lagega। yahaan bhi school hai na। Christian mein phir bhi manners hote hain abhi to bilkul no manners, tamopradhaan patit hain। devtaaon ke aage jaakar maatha tekte hain। kitni unki mahima hai। satayug mein sabhi ke daivi character the, abhi aasuri character hain। aise-aise tum bhaashan karo to sunkar bahut khush ho jaaen। mukh chhota baat badi - yeh krishna ke liye kehte hain। abhi tum kitni badi baaten sunte ho, itna bada banne ke liye। tum raakhi koi ko bhi baandh sakte ho। yeh baap ka paigaam to sabko dena hai। yeh ladaai svarga ka dvaar kholti hai। ab patit se paavan banna hai। baap ko yaad karna hai। dehdhaari ko nahin yaad karna hai। ek hi baap sarva ki sadgati karte hain। yeh hai hi iron aged world। tum bachchon ki buddhi mein bhi nambarvaar purooshaartha anusaar dhaarna hoti hai, school mein bhi scholarship lene ke liye bahut mehnat karte hain। yahaan bhi kitni badi scholarship hai। service bahut hai। maataayen bhi bahut service kar sakti hain, chitra bhi sab uthaao। krishna ka kaala, naaraayan ka kaala, raamchandra ka bhi kaala chitra uthaao, shiv ka bhi kaala.... phir baith samjhaao। devtaaon ko kaala kyon kiya hai? shyaam-sundar। shreenaath dvaare jaao to bilkul kaala chitra hai। to aise-aise chitra ikatthe karne chaahiye। apna bhi dikhaana chaahiye। shyaam-sundar ka arth samjhaakar kaho ki tum bhi ab raakhi baandh, kaam chita se utar gyaan chita par baithenge to gora ban jaayenge। yahaan bhi tum service kar sakte ho। bhaashan bahut achhi reeti kar sakte ho ki inhon ko kaala kyon kiya hai! shivling ko bhi kaala kyon kiya hai! sundar aur shyaam kyon kehte hain, ham samjhaayen। ismen koi naaraaz nahin hoga। service to bahut sahaj hai। baap to samjhaate rehte hain - bachche, achhe gun dhaaran karo, kul ka naam baala karo। tum jaante ho abhi ham oonch te oonch brahman kul ke hain। phir raakhi bandhan ka arth tum koi ko bhi samjha sakte ho। veshyaaon ko bhi samjhaakar raakhi baandh sakte ho। chitra bhi saath mein hon। baap kehte hain maamekam yaad karo - yeh pharmaan maanne se tum gore ban jaayenge। bahut yuktiyaan hain। koi bhi naaraaz nahin hoga। koi bhi manushya maatra kiski sadgati kar nahin sakte sivaae ek ke। bhal raakhi bandhan ka din na ho, kabhi bhi raakhi baandh sakte ho। yeh to arth samajhna hai। raakhi jab chaahe tab baandhi ja sakti hai। tumhaara dhandha hi yeh hai। bolo, baap ke saath pratigya karo। baap kehte hain maamekam yaad karo to pavitra ban jaayenge। masjid mein bhi jaakar tum unko samjha sakte ho। ham raakhi baandhane ke liye aaye hain। yeh baat tumko bhi samajhne ka hak hai। baap kehte hain mujhe yaad karo to paap kat jaayenge, paavan ban paavan duniya ka maalik ban jaayenge। abhi to patit duniya hai na। golden ej thi zaroor, ab iron ej hai। tumko golden ej mein khuda ke paas nahin jaana hai? aise sunaao to jhat aakar charnon par padenge। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan ratnon ke saagar se jo avinaashi gyaan ratna praapta ho rahe hain, unki value rakhni hai। vichaar saagar manthan kar svayan mein gyaan ratna dhaaran karne hain। mukh se sadaiv ratna nikaalne hain।

2) yaad ki yaatra mein rahkar vaani ko jauhardaar banaana hai। yaad se hi aatma kanchan banengi isliye yaad karne ka akla seekhna hai।

vardaan:- puraani deh aur duniya ko bhoolne vaale baapdaada ke diltakhtansheen bhav

sangamayugi shreshtha aatmaon ka sthaan hai hi baapdaada ka diltakhta। aisa takhta saare kalpa mein nahin mil sakta। vishwa ke raajya ka va state ke raajya ka takhta to milta rahega lekin yeh takhta nahin milega - yeh itna vishaal takhta hai jo chalo, phiro, khaao-soo lekin sada takhtansheen rah sakte ho। jo bachche sada baapdaada ke diltakhtansheen rehte hain ve is puraani deh va deh ki duniya se vismrit rehte hain, ise dekhte hue bhi nahin dekhte।

slogan:- had ke naam, maan, shaan ke peechhe daud lagaana arthaat parchhaai ke peechhe padna।