Murli du jour du jeudi 3 septembre 2020

03-09-2020 praatahmurli om shanti "baapdaada"' madhuban

''meethe bachche - yaad se satopradhaan banne ke saath-saath padhaai se kamaai jama karni hai, padhaai ke samay buddhi idhar-udhar na bhaage''

prashn:- tum double ahinsak, unknown warriors ki kaun-si vijay nishchit hai aur kyon?

uttar:- tum bachche jo maaya par jeet paane ka purooshaartha kar rahe ho, tumhaara lakshya hai ki ham raavan se apna raajya lekar hi chhodenge… yeh bhi drama mein yukti rachi hui hai। tumhaari vijay nishchit hai kyonki tumhaare saath saakshaat parampita paramatma hai। tum yogbal se vijay paate ho। manamna-bhav ke mahaamantra se tumhein raajaai milti hai। tum aadhaakalpa raajya karenge।

geet:- mukhda dekh le praani........

om shanti। meethe-meethe bachche jab saamne baithe rehte hain to samajhte hain barobar hamaara koi saakaar teacher nahin hai, hamko padhaane vaala gyaan ka saagar baba hai। yeh to pakka nishchay hai woh hamaara baap bhi hai, jab padhte hain to padhaai par attention rehta hai। student apne school mein baithe honge to teacher yaad aayega, na ki baap kyonki school mein baithe hain। tum bhi jaante ho baba teacher bhi hai। naam ko to nahin pakadna hai na। dhyaan mein rakhna hai - ham aatma hain, baap se sun rahe hain। yeh to kabhi hota hi nahin। na satayug mein, na kaliyug mein hota hai। sirf ek hi baar sangam par hota hai। tum apne ko aatma samajhte ho। hamaara baap is samay teacher hai kyonki padhaate hain, donon kaam karne padte hain। aatma padhti hai shivbaaba se। yeh bhi yog aur padhaai ho jaati hai। padhti aatma hai, padhaate paramatma hain। ismen aur hi jaasti phaayda hai jabki tum sammukh ho। bahut bachche achhi reeti yaad mein rahenge। karmaateet avastha mein pahunchenge to woh bhi jaise pavitrata ki taakat milti hai। tum jaante ho shivbaaba hamko padhaate hain। yeh tumhaara yog bhi hai, kamaai bhi hai। aatma ko hi satopradhaan banna hai। tum satopradhaan bhi ban rahe ho, dhan bhi le rahe ho। apne ko aatma zaroor samajhna hai। buddhi bhaagni nahin chaahiye। yahaan baithte ho to buddhi mein yeh rahe ki shivbaaba padhaane ke liye teacher roop mein aaya ki aaya। vahi knowledgeful hai, hamko padha rahe hain। baap ko yaad karna hai। svadarshan chakradhaari bhi ham hain। light house bhi hain। ek okh mein shanti-dhaam, ek okh mein jeevanmuktidhaam hai। in aankhon ki baat nahin hai, aatma ka teesra netra kaha jaata hai। abhi aatmaayen sun rahi hain, jab shareer chhodenge to aatma mein yeh sanskaar honge। abhi tum baap se yog lagaate ho। satayug se lekar tum viyogi the arthaat baap se yog nahin tha। abhi tum yogi bante ho, baap ke samaan। yog sikhlaane vaala hai eeshvar isliye unko kaha jaata hai yogeshvar। tum bhi yogeshvar ke bachche ho। unko yog lagaana nahin hai। woh hai yog sikhlaane vaala parampita paramatma। tum ek-ek yogeshvar, yogeshvari bante ho phir raaj-raajeshvari banenge। woh hai yog sikhlaane vaala eeshvar। khud nahin seekhta hai, sikhlaate hain। krishna ki hi aatma ant ke janma mein yog seekh phir krishna banti hai, isliye krishna ko bhi yogeshvar kah dete hain kyonki unki aatma abhi seekh rahi hai। yogeshvar se yog seekh krishna pad paati hai। inka naam phir baap ne brahma rakha hai। pahle to laukik naam tha phir marjeeva bane hain। aatma ko hi baap ka banna hai। baap ke bane to mar gaye na। tum bhi baap dvaara yog seekhte ho। in sanskaaron se hi tum jaayenge shantidham mein। phir naya part praalabdha ka emerge hoga। vahaan yeh baaten yaad nahin rahengi। yeh abhi baap samjhaate hain। abhi part poora hota hai। phir naye-sir shuru hoga। jaise baap ko sankalp utha ki main jaaoon to baap kehte hain main aata hoon aur meri vaani chalni shuru ho jaati hai। vahaan to shanti mein hain। phir drama anusaar unka part shuru hota hai। aane ka to sankalp uthta hai। phir yahaan aakar part bajaate hain। tumhaari aatmaayen bhi sunti hain। nambarvaar purooshaartha anusaar kalpa pahle misal। din-pratidin vriddhi ko bhi paate jaayenge। ek din tumko bade royal haal bhi milenge, jismen bade-bade log bhi aayenge। sab ikatthe baith sunenge। din-pratidin saahookaar bhi rank hote jaayenge, pet peeth se lag jaayega। aisi aaphten aani hain, mooslaadhaar barsaat padegi to saari kheti aadi paani mein doob jaayegi। natural kailaamiteez to aani hi hai। vinaash hona hai, inko kaha jaata hai kudarti aapdaayen। buddhi kehti hain vinaash hona zaroor hai। us taraph ke liye bombs bhi taiyaar hain, natural calamities aadi phir hai yahaan ke liye। usmein badi himmat chaahiye। angad ka bhi misaal hai na, unko koi hila na saka। yeh avastha pakki karni hai-main aatma hoon, shareer ka bhaan tootta jaae। satayug mein to jab automatically samay poora hota hai to saakshaatkaar hota hai। abhi hamko yeh shareer chhod jaae bachcha banna hai। ek shareer chhod jaae doosre mein pravesh karte hain, sazaayen aadi to vahaan kuchh hain nahin। din-pratidin tum nazdeek aate jaayenge। baap kehte hain mere mein jo part bhara hua hai woh khulta jaayega। bachchon ko bataate rahenge। phir baap ka part poora hoga to tumhaara bhi poora ho jaayega। phir tumhaara satayug ka part shuru hoga। abhi tumko apna raajya lena hai, yeh drama bada yukti se bana hua hai। tum maaya par jeet paate ho, ismen bhi time lagta hai। vo log to ek taraph samajhte hain ki ham svarga mein baithe hain, yeh sukhdhaam ban gaya hai, doosri taraph phir geet mein bhi bhaarat ki haalat sunaate hain। tum jaante ho yeh to aur hi tamopradhaan ho gaye hain। drama anusaar tamopradhaan bhi zor se hote jaate hain। tum ab satopradhaan ban rahe ho। ab nazdeek aate jaate ho, aakhreen vijay to tumhaari honi hi hai। haahaakaar ke baad phir jayjaykaar hogi। ghi ki nadiyaan bahengi। vahaan ghi aadi khareed karna nahin padega। sabke paas apni gaayen first class hoti hain। tum kitne oonch bante ho। tum jaante ho world ki history-geography phir repeat hoti hai। baap aakar world ki history repeat karte hain isliye baba ne kaha yeh bhi likh do world ki history-jaagraaphi kaise repeat hoti hai, aakar samjho। jo sensible hoga kahega abhi iron ej hai to zaroor golden ej repeat hogi। koi to kahenge srishti ka chakra laakhon varsha ka hai, abhi kaise repeat hoga। yahaan sooryavanshi-chandravanshi ki history to hai nahin। ant tak yeh chakra kaise repeat hota hai। woh bhi jaante nahin ki inhon ka raajya phir kab hoga। raam raajya ko jaante nahin। abhi tumhaare saath baap hai। jis taraph saakshaat parampita paramatma baap hai unki zaroor vijay honi hai। baap koi hinsa thode hi karaayenge। kisko maarna hinsa hai na। sabse badi hinsa hai kaam kataari chalaana। abhi tum double ahinsak ban rahe ho। vahaan hai hi ahinsa parmo devi-devta dharma। vahaan na ladte hain, na vikaar mein jaate hain। abhi tumhaara hai yogbal, parantu isko na samajhne kaaran shaastron mein asuron aur devtaaon ki ladaai likh di hai, ahinsa ko koi jaante nahin। yeh tum hi jaante ho। tum ho incognito warriors। unknown but very well known। tumko koi warriors samjhenge? tumhaare dvaara sabko manamnaabhav ka paigaam milega। yeh hai mahaamantra। manushya in baaton ko samajhte nahin hain। satayug-treta mein yeh hota nahin। mantra se tumne raajaai paai phir darkaar nahin। tum jaante ho ham kaise chakra lagaakar aaye hain। abhi phir baap mahaamantra dete hain। phir aadhaakalpa raajya karenge। ab tumko daiveegun dhaaran karne aur karaane hain। baba raay dete hain-apna chart rakhne se bahut maza aayega। register mein good, better, best hote hain na। khud bhi feel karte hain। koi achha padhte hain, koi ka attention nahin rehta hai to fail ho jaate hain। yeh phir hai behad ki padhaai। baap teacher bhi hai, guru bhi hai। ikattha chalta hai। yeh ek hi baap hai jo kehte marjeeva bano। tum apne ko aatma samajh baap ko yaad karo। baap kehte hain main tumhaara baap hoon। brahma dvaara raajya deta hoon। yeh ho gaya beech mein dalaal, inse yog nahin lagaana hai। abhi tumhaari buddhi lagi hai us apne patiyon ke pati shiv saajan ke saath। in dvaara woh tumko apna banaate hain। kehte hain apne ko aatma samajh mujhe yaad karo। ham aatma ne part poora kiya ab baap ke paas jaana hai ghar। abhi to saari srishti tamopradhaan hai। 5 tatva bhi tamopradhaan hain। vahaan sab kuchh naya hoga। yahaan to dekho heere-javaahraat aadi kuchh bhi nahin hain। satayug mein phir kahaan se aate hain? khaaniyaan jo ab khaali ho gai hain woh sab phir se ab bhartu ho jaati hai। khaaniyon se khod kar le aate hain। vichaar karo sab nai cheejen hongi na। light aadi bhi jaise natural rehti hai, science se yahaan seekhte rehte hain। vahaan yeh bhi kaam mein aati hain। helicopter khade honge, button dabaaya yeh chala। koi takleeph nahin। vahaan sab phulaprooph hote hain, kabhi masheen aadi kharaab ho na sake। ghar mein baithe second mein school mein va ghoomne-phirne pahunchte hain। praja ke liye phir unse kam honge। tumhaare liye vahaan sab sukh hote hain। akaale mrityu ho nahin sakta। to tum bachchon ko kitna attention dena chaahiye। maaya ka bhi bahut zor hai। yeh hai maaya ka antim pomp। ladaai mein dekho kitne marte hain। ladaai banda hoti hi nahin। kahaan itni saari duniya, kahaan sirf ek hi svarga hoga। vahaan aise thode hi kahenge ganga patit-paavni hai। vahaan bhakti maarga ki koi baat hi nahin। yahaan ganga mein dekho saare shahar ka kichda padta rehta hai। bombe ka saara kichda saagar mein bah jaata hai।

bhakti mein tum bade-bade mandir banaate ho। heere-javaahraaton ka to sukh rehta hai na। pauna hissa sukh hai, baaki quarter hai duhkh। aadha-aadha ho phir to maza na rahe। bhakti maarga mein bhi tum bahut sukhi rehte ho। peechhe mandiron aadi ko aae lootte hain। satayug mein tum kitne saahookaar the to tum bachchon ko bahut khushi honi chaahiye। em object to saamne khada hai। maa-baap ki to certain hai। gaaya jaata hai khushi jaisi khuraak nahin। yog se aayu badhti hai।

abhi aatma ko sva ka darshan hua hai ki ham 84 ka chakra lagaate hain। itna part bajaate hain। sab aatmaayen actors neeche aa jaayenge to baap sabko le jaayenge। shiv ki baraat kehte hain na। yeh sab tum jaante ho nambarvaar purooshaartha anusaar। jitna tum yaad mein rahenge utna khushi mein rahenge। din-pratidin feel karte rahenge, kyonki sikhlaane vaala to woh baap hai na। yeh bhi sikhaate rehte hain। inko (brahma ko) poochhne ki darkaar nahin rehti। poochhte to tum ho। yeh to sunte hi hain। baap respond dete hain aur yeh bhi sunte hain, inki activity kitni wonderful hai। yeh bhi yaad mein rehte hain। phir bachchon ko varnan kar sunaate hain। baba hamko khilaate hain। main unko apna rath deta hoon, savaari karte hain to kyon nahin khilaayenge। yeh human ashva hai। shivbaaba ka rath hoon - yeh khyaal rahne se bhi shivbaaba ki yaad rahegi। yaad se hi phaayda hai। bhandaare mein bhojan banaate hain to bhi samjho ham shivbaaba ke bachchon ke liye banaate hain। khud bhi shivbaaba ke bachche hain to aise yaad karne se bhi phaayda hi hai। sabse jaasti pad unko milega jo yaad mein rah karmaateet avastha ko paate hain aur service bhi karte hain। yeh baba bhi bahut service karte hain na। inki behad ki service hai tum had ki service karte ho। service se hi inko bhi pad milta hai। shivbaaba kehte - aise-aise karo, inko bhi raay dete hain। toofaan to bachchon ko aate hain, sivaae yaad ke karmendriyaan vash hona mushkil hai। yaad se hi beda paar hona hai, yeh shiv-baba kehte hain ya brahma baba kehte hain, yeh samajhna bhi mushkil ho jaata hai। ismen badi maheen buddhi chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is samay poora-poora marjeeva banna hai। padhaai achhi tarah padhni hai, apna chart va register rakhna hai। yaad mein rah apni karmaateet avastha banaani hai।

2) antim vinaash ki scene dekhne ke liye himmatvaan banna hai। main aatma hoon-is abhyaas se shareer ka bhaan tootta jaae।

vardaan:- kisi bhi vikraal samasya ko sheetal banaane vaale sampoorn nishchaybuddhi bhav

jaise baap mein nishchay hai vaise svayan mein aur drama mein bhi sampoorn nishchay ho। svayan mein yadi kamjori ka sankalp utpanna hota hai to kamjori ke sanskaar ban jaate hain, isliye vyartha sankalp roopi kamjori ke germs apne andar pravesh hone nahin dena। saath-saath jo bhi drama ki scene dekhte ho, halchal ki scene mein bhi kalyaan ka anubhav ho, vaataavran hilaane vaala ho, samasya vikraal ho lekin sada nishchaybaddhi vijayi bano to vikraal samasya bhi sheetal ho jaayegi।

slogan:- jiska baap aur seva se pyaar hai use parivaar ka pyaar svatah milta hai।