Murli du jour du jeudi 3 décembre 2020

03-12-2020 praatahmurli om shanti "baapdaada"' madhuban

“meethe bachche - tumhein mansa-vaacha-karmana bahut-bahut khushi mein rehna hai, sabko khush karna hai, kisi ko bhi duhkh nahin dena hai''

prashn:- double ahinsak banne vaale bachchon ko kaun sa dhyaan rakhna hai?

uttar:- 1. dhyaan rakhna hai ki aisi koi vaacha mukh se na nikle jisse kisi ko bhi duhkh ho kyonki vaacha se duhkh dena bhi hinsa hai। 2. ham devta banne vaale hain, isliye chalan bahut royal ho। khaan-paan na bahut ooncha, na neecha ho।

geet:- nirbal se ladaai balvaan ki…

om shanti। meethe-meethe sikeeldhe bachchon ko baap roz-roz pahle samjhaate hain ki apne ko aatma samajh baitho aur baap ko yaad karo। kehte hain na attention please! to baap kehte hain ek to attention do baap ki taraph। baap kitna meetha hai, unko kaha jaata hai pyaar ka saagar, gyaan ka saagar। to tumko bhi pyaara banna chaahiye। mansa-vaacha-karmana har baat mein tumko khushi rahni chaahiye। koi ko bhi duhkh nahin dena hai। baap bhi kisi ko duhkhi nahin karte hain। baap aaye hi hain sukhi karne। tumko bhi koi prakaar ka kisko duhkh nahin dena hai। koi bhi aisa karma nahin karna chaahiye। mansa mein bhi nahin aana chaahiye। parantu yeh avastha pichhaadi mein hogi। kuchh na kuchh karmendriyon se bhool hoti hai। apne ko aatma samjhenge, doosre ko bhi aatma bhaai dekhenge to phir kisko duhkh nahin denge। shareer hi nahin dekhenge to duhkh kaise denge। ismen gupta mehnat hai। yeh saara buddhi ka kaam hai। abhi tum paaras buddhi ban rahe ho। tum jab paarasbuddhi the to tumne bahut sukh dekhe। tum hi sukhdhaam ke maalik the na। yeh hai duhkhadhaam। yeh to bahut simple hai। woh shantidham hai hamaara sweet hom। phir vahaan se part bajaane aaye hain, duhkh ka part bahut samay bajaaya hai, ab sukhdhaam mein chalna hai isliye ek-do ko bhaai-bhaai samajhna hai। aatma, aatma ko duhkh nahin de sakti। apne ko aatma samajh aatma se baat kar rahe hain। aatma hi takhta par viraajmaan hai। yeh bhi shivbaaba ka rath hai na। bachchiyaan kehti hain - ham shivbaaba ke rath ko shrringaarte hain, shivbaaba ke rath ko khilaate hain। to shivbaaba hi yaad rehta hai। woh hai hi kalyaankaari baap। kehte hain main 5 tatvon ka bhi kalyaan karta hoon। vahaan koi bhi cheez kabhi takleeph nahin deti hai। yahaan to kabhi toofaan, kabhi thandi, kabhi kya hota rehta hai। vahaan to sadaiv bahaari mausam rehta hai। duhkh ka naam nahin। woh hai hi heaven। baap aaye hain tumko heaven ka maalik banaane। oonch te oonch bhagwan hai, oonch te oonch baap oonch te oonch supreme teacher bhi hai to zaroor oonch te oonch hi banaayenge na। tum yeh lakshmi-naaraayan the na। yeh sab baaten bhool gaye ho। yeh baap hi baith samjhaate hain। rishiyon-muniyon aadi se poochhte the - aap rachayita aur rachna ko jaante ho to neti-neti kah dete the, jabki unke paas hi gyaan nahin tha to phir parampara kaise chal sakta। baap kehte hain yeh gyaan main abhi hi deta hoon। tumhaari sadgati ho gai phir gyaan ki darkaar nahin। durgati hoti hi nahin। satayug ko kaha jaata hai sadgati। yahaan hai durgati। parantu yeh bhi kisko pata nahin hai ki ham durgati mein hain। baap ke liye gaaya jaata hai liberator, guide, khivaiya। vishay saagar se sabki naiya paar karte hain, usko kehte hain ksheersaagar। vishnu ko ksheer saagar mein dikhaate hain। yeh sab hai bhakti maarga ka gaayan। bada-bada talaav hai, jismen vishnu ka bada chitra dikhaate hain। baap samjhaate hain, tumne hi saare vishwa par raajya kiya hai। anek baar haar khaai aur jeet paai hai। baap kehte hain kaam mahaashatru hai, un par jeet paane se tum jagatjeet banenge, to khushi se banna chaahiye na। bhal grihastha vyavhaar mein, pravritti maarga mein raho parantu kamal phool samaan pavitra raho। abhi tum kaanton se phool ban rahe ho। samajh mein aata hai yeh hai forest oph thaarnsa (kaanton ka jangal) ek do ko kitna tang karte hain, maar dete hain। to baap meethe-meethe bachchon ko kehte hain tum sabki ab vaanaprastha avastha hai। chhote-bade sabki vaanaprastha avastha hai। tum vaani se pare jaane ke liye padhte ho na। tumko abhi sadguru mila hai। woh to vaanaprastha mein tumko le hi jaayenge। yeh hai university। bhagvaanuvaach hai na। main tumko raajayog sikhlaakar raajaaon ka raaja banaata hoon। jo poojya raajaayen the vahi phir pujaari raajaayen bante hain। to baap kehte hain - bachche, achhi reeti purushaartha karo। daiveegun dhaaran karo। bhal khaao, piyo, shreenaath dvaare mein jaao। vahaan ghi ke maal dher milte hain, ghi ke kuen hi bane hue hain। khaate phir kaun hain? pujaari। shreenaath aur jagannaath donon ko kaala banaaya hai। jagannaath ke mandir mein devtaaon ke gande chitra hain, vahaan chaaval ka haanda banaate hain। woh pak jaane se 4 bhaag ho jaate hain। sirf chaaval ka hi bhog lagta hai kyonki abhi saadhaaran hai na। is taraph gareeb aur us taraph saahookaar। abhi to dekho kitne gareeb hain। khaane-peene ko kuchh nahin milta hai। satayug mein to sab kuchh hai। to baap aatmaon ko baith samjhaate hain। shivbaaba bahut meetha hai। woh to hai niraakaar, pyaar aatma ko kiya jaata hai na। aatma ko hi bulaaya jaata hai। shareer to jal gaya। unki aatma ko bulaate hain, jyoti jagaate hain, isse siddha hai aatma ko andhiyaara hota hai। aatma hai hi shareer rahit to phir andhiyaare aadi ki baat kaise ho sakti hai। vahaan yeh baaten hoti nahin। yeh sab hai bhakti maarga। baap kitna achhi reeti samjhaate hain। gyaan bahut meetha hai। ismen aankhe kholkar sunna hota hai। baap ko to dekhenge na। tum jaante ho shivbaaba yahaan viraajmaan hai to aankhe kholkar baithna chaahiye na। behad ke baap ko dekhna chaahiye na। aage bachchiyaan baba ko dekhne se hi dhyaan mein chali jaati thi, aapas mein bhi baithe-baithe dhyaan mein chale jaate the। aankhen banda aur daudti rehti thi। kamaal to thi na। baap samjhaate rehte hain ek-do ko dekhte ho to aise samjho - ham bhaai (aatma) se baat karte hain, bhaai ko samjhaate hain। tum behad ke baap ki raay nahin maanenge? tum yeh antim janma pavitra banenge to pavitra duniya ke maalik banenge। baba bahuton ko samjhaate hain। koi to phat se kah dete hain baba ham zaroor pavitra banenge। pavitra rehna to achha hai। kumaari pavitra hai to sab unko maatha tekte hain। shaadi karti hai to pujaari ban padti hai। sabko maatha tekna padta hai। to purity achhi hai na। purity hai to pees prosperity hai। saara madaar pavitrata par hai। bulaate bhi hain he patit-paavan aao। paavan duniya mein raavan hota hi nahin। woh hai hi raamraajya, sab ksheerkhanda rehte hain। dharma ka raajya hai phir raavan kahaan se aaya। raamaayan aadi kitna prem se baith sunaate hain। yeh sab hai bhakti। to bachchiyaan saakshaatkaar mein dance karne lag padti hain। sach ki bedi ka to gaayan hai - hilegi lekin doobegi nahin। aur koi satsang mein jaane ki mana nahin karte। yahaan kitna rokte hain। baap tumko gyaan dete hain। tum bante ho bi.ke.। brahman to zaroor banna hai। baap hai hi svarga ki sthaapna karne vaala to zaroor ham bhi svarga ke maalik hone chaahiye। ham yahaan narka mein kyon pade hain। abhi samajh mein aata hai ki aage ham bhi pujaari the, abhi phir poojya bante hain 21 janmon ke liye। 63 janma pujaari bane, abhi phir ham poojya svarga ke maalik banenge। yeh hai nar se naaraayan banne ki knowledge। bhagvaanuvaach main tumko raajaaon ka raaja banaata hoon। patit raajaayen paavan raajaaon ko naman vandan karte hain। har ek mahaaraaja ke mahlon mein mandir zaroor hoga। woh bhi raadhe-krishna ka ya lakshmi-naaraayan ka ya raam-seeta ka। aajkal to ganesh, hanoomaan aadi ke bhi mandir banaate rehte hain। bhakti maarga mein kitni andhashraddha hai। abhi tum samajhte ho barobar hamne raajaai ki phir vaam maarga mein girte hain, ab baap samjhaate hain tumhaara yeh antim janma hai। meethe-meethe bachche pahle tum svarga mein the। phir utarte-utarte pat aakar pade ho। tum kahenge ham bahut oonch the phir baap hamko oonch chadhaate hain। ham har 5 hazaar varsha baad padhte hi aate hain। isko kaha jaata hai world ki history-geography repeat।

baba kehte hain main tum bachchon ko vishwa ka maalik banaata hoon। saare vishwa mein tumhaara raajya hoga। geet mein bhi hai na - baba aap aisa raajya dete ho jo koi chheen na sake। abhi to kitni partition hai। paani ke oopar, jameen ke oopar jhagda chalta rehta hai। apne-apne praanta ki sambhaal karte rehte hain। na karen to chhokre log (bachche log) patthar maarne lag paden। vo log samajhte hain yeh nav javaan pahalvaan ban bhaarat ki raksha karenge। so pahalvaani abhi dikhlaate rehte hain। duniya ki haalat dekho kaisi hai। raavan raajya hai na।

baap kehte hain yeh hai hi aasuri sampradaay। tum abhi daivi sampradaay ban rahe ho। devtaaon aur asuron ki phir ladaai kaise hogi। tum to double ahinsak bante ho। woh hain double ahinsak। devi-devtaaon ko double ahinsak kaha jaata hai। ahinsa parmo devi-devta dharma kaha jaata hai। baba ne samjhaaya - kisko vaacha se duhkh dena bhi hinsa hai। tum devta bante ho to har baat mein royalty honi chaahiye। khaan-paan aadi na bahut ooncha, na bahut halka। ekras। raajaaon aadi ka bolna bahut kam hota hai। praja ka bhi raaja mein bahut pyaar rehta hai। yahaan to dekho kya laga pada hai। kitne aandolan hain। baap kehte hain jab aisi haalat ho jaati hai tab main aakar vishwa mein shanti karta hoon। government chaahti hai - sab milkar ek ho jaaen। bhal sab brothers to hain parantu yeh to khel hai na। baap kehte hain bachchon ko, tum koi phikra nahin karo। anaaj ki abhi takleeph hai। vahaan to anaaj itna ho jaayega, bigar paise jitna chaahe utna milta rahega। abhi woh daivi raajdhaani sthaapan kar rahe hain। ham health ko bhi aisa bana dete hain jo kabhi koi rog hove hi nahin, guarantee hai। character bhi ham in devtaaon jaisa banaate hain। jaisa-jaisa minister ho aisa unko samjha sakte hain। yukti se samjhaana chaahiye। opinion mein bahut achha likhte hain। parantu are tum bhi to samjho na। to kehte hain phursat nahin। tum bade log kuchh aavaaz karenge to gareebon ka bhi bhala hoga।

baap samjhaate hain abhi sabke sir par kaal khada hai। aajkal karte-karte kaal kha jaayega। tum kumbhakran misal ban pade ho। bachchon ko samjhaane mein bahut maza bhi aata hai। baba ne hi yeh chitra aadi banvaaye hain। daada ko thode hi yeh gyaan tha। tumko varsa laukik aur paarlaukik baap se milta hai। alaukik baap se varsa nahin milta hai। yeh to dalaal hai, inka varsa nahin hai। prajaapita brahma ko yaad nahin karna hai। mere se to tumko kuchh bhi nahin milta hai। main bhi padhta hoon, varsa hai hi ek had ka, doosra behad ke baap ka। prajaapita brahma kya varsa denge। baap kehte hain - maamekam yaad karo, yeh to rath hai na। rath ko to yaad nahin karna hai na। oonch te oonch bhagwan kaha jaata hai। baap aatmaon ko baith samjhaate hain। aatma hi sab kuchh karti hai na। ek khaal chhod doosri leti hai। jaise sarpa ka misaal hai। bhramriyaan bhi tum ho। gyaan ki bhoon-bhoon karo। gyaan sunaate-sunaate tum kisi ko bhi vishwa ka maalik bana sakte ho। baap jo tumhein vishwa ka maalik banaate hain aise baap ko kyon nahin yaad karenge। ab baap aaya hua hai to varsa kyon nahin lena chaahiye। aise kyon kehte ki phursat nahin milti hai। achhe-achhe bachche to second mein samajh jaate hain। baba ne samjhaaya hai - manushya lakshmi ki pooja karte hain, ab lakshmi se kya milta hai aur amba se kya milta hai? lakshmi to hai svarga ki devi। unse paise ki bheekh maangate hain। amba to vishwa ka maalik banaati hai। sab kaamnaayen poori kar deti hai। shreemat dvaara sab kaamnaayen poori ho jaati hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) in karmendriyon se koi bhool na ho iske liye main aatma hoon, yeh smriti pakki karni hai। shareer ko nahin dekhna hai। ek baap ki taraph attention dena hai।

2) abhi vaanaprastha avastha hai isliye vaani se pare jaane ka purooshaartha karna hai, pavitra zaroor banna hai। buddhi mein rahe - sach ki naeeya hilegi, doobegi nahin... isliye vighnon se ghabraana nahin hai।

vardaan:- aham aur vaham ko samaapta kar merciful banne vaale vishwa kalyaankaari bhav

kaisi bhi avgun vaali, kade sanskaar vaali, kam buddhi vaali, sada glaani karne vaali aatma ho lekin jo merciful vishwa kalyaankaari bachche hain ve sarva aatmaon ke prati lophul ke saath loveful honge। kabhi is vaham mein nahin aayenge ki yeh to kabhi badal hi nahin sakte, yeh to hain hi aise....ya yeh kuchh nahin kar sakte, main hi sab kuchh hoon..yeh kuchh nahin hain। is prakaar ka aham aur vaham chhod, kamjoriyon va buraaiyon ko jaante hue bhi kshama karne vaale merciful bachche hi vishwa kalyaan ki seva mein saphal hote hain।

slogan:- jahaan braahmanon ke tan-man-dhan ka sahayog hai vahaan saphalta saath hai।