Murli du jour du vendredi 10 décembre 2021

10-12-2021 praatahmurli om shanti "baapdaada"' madhuban

“meethe bachche - deh-abhimaan mein aane se paap hote hain, isliye dehi-abhimaani bano, tumhaare manners bahut achhe hone chaahiye, kisi ko bhi duhkh nahin dena hai''

prashn:- 21 janmon ki praalabdha banaane ke liye baap kaun si sahaj yukti bataate hain?

uttar:- bachche, yeh eeshvareey bank hai, ismen jitna jama karenge utna 21 janma praalabdha paayenge। eeshvareey sthaapna ke kaarya mein saphal karne se hi jama hoga। baaki to sabka devaala nikalna hi hai। yeh hai hi duhkhadhaam। earthquake hogi, aag lagegi… sabko ghaata padna hai isliye kehte hain - kinki dabi rahegi dhool mein, kinki raaja khaae...

om shanti। bachchon ko abhi rachta aur rachna ke aadi madhya ant ka knowledge to buddhi mein hai, yeh bhi samajhte hain ki ham bhaaratvaasi pahle-pahle satayug mein satopradhaan the। yeh yaad bachchon ke liye bahut zaroori hai। hardam yaad ki yaatra mein rehna, ismen to badi mehnat chaahiye। parantu rachta aur rachna ka gyaan to buddhi mein hona chaahiye na। ham satayug mein devi-devta the, usko svarga kaha jaata hai। devi-devtaayen vishwa ke maalik the। ek hi dharma tha। aksharon ko bhi poora samajhna chaahiye। tum bachche jaante ho satayug aadi mein hi ham sooryavanshi gharaane mein the। rachta baba ne jo aadi madhya ant ka gyaan sunaaya hai woh to har ek ki buddhi mein rehna chaahiye। yeh kabhi bhoolna nahin chaahiye। yeh bhi tum jaante ho। ham punarjanma lete-lete phir treta mein aaye hain to do kala kam ho gai। srishti bhi puraani hoti jaati hai। yeh achhi reeti buddhi mein rakhna hai। jitna tum yaad karte rahenge utna khushi ka paara chadha rahega phir treta ke ant baad aata hai dvaapar। dvaapar shuru hone se doosre dharma sthaapan hote hain aur ham utarte-utarte bhakti maarga mein aate hain। aise nahin kahenge ki us samay aur dharma bhi bhakti maarga mein hain, nahin। yeh kahaani saari tum bhaaratvaasiyon ke liye hai। bhal raavan raajya hai parantu unhon ke liye raavan raajya nahin kahenge। woh apne samay par satopradhaan, sato, rajo, tamo mein aate hain। dharmon ki sthaapna honi hai phir vriddhi ko paate jaate hain phir girte bhi rehte hain। chakra to phirna hi hai। is samay tum jaante ho dvaapar ke baad bhakti maarga shuru hua hai aur bhi dharma sthaapan hue hain। abhi to hai kaliyug tamopradhaan duniya। srishti puraani hone ke kaaran sab tamopradhaan ho gaye hain। ab yeh gyaan tum bachche hi jaante ho। yeh hai sahaj te sahaj baat, jo bachcha bhi yaad kar le parantu woh yaad karenge tote muaaphik। tum bachchon ko to bhaasna aati hai, us anusaar tum samjhaayenge। tum jaante ho saara jhaad jadajdeebhoot avastha ko paaya hua hai। pahle-pahle jo aadi sanaatan devi-devta dharma tha unka foundation ab hai nahin। bhal hai bhi to woh apne ko hindu kahlaate hain isliye kaha jaata hai devi-devta dharma hai nahin, praayahlop hai। sab patit ban gaye hain isliye apne ko devta koi kahlaata nahin। na woh dharma hai, na karma hai। satayug mein to sabka karma akarma ho jaata hai। yahaan manushya jo karma karte hain, woh vikarma ban jaata hai। tamopradhaan hone ke kaaran apne ko devta koi kahla nahin sakte hain। drama plan anusaar yeh bhi noondh hai, jab dharma praayahlop ho tab to baba aakar sat dharma ki sthaapna kare aur anek dharmon ka vinaash karaaye। nai duniya mein ek hi aadi sanaatan devi-devta dharma tha। ab shivbaaba aakar phir se brahma dvaara devi-devta dharma ki sthaapna karte hain। tum ho mukh vanshaavli brahman। Christ dvaara jo Christian bane, unhein bhi mukh vanshaavli kahenge। bachche to nahin the na। vaise tum bhi brahma dvaara brahman bane ho। asul mein tum ho shivbaaba ke bachche। is samay tum brahma dvaara brahman bane ho। shivbaaba khud in dvaara devi-devta dharma ki sthaapna karte hain kyonki unko hi saari puraani duniya ka vinaash bhi karaana hai। woh vinaash ka kaarya aur koi karte nahin। woh to aakar apna-apna dharma sthaapan karte hain phir woh dharma vriddhi ko paata hai। abhi hai hi tamopradhaan duniya, kaliyug ka ant। shaastron mein to kalpa ki aayu laakhon varsha likh di hai। tum jaante ho yeh shaastra aadi sab bhaktimaarga ki saamagri hai, jo vahaan satayug mein nahin hogi। vahaan yeh anek dharma nahin honge। yeh islaami, Christian aadi sab dharma dvaapar mein sthaapan hote hain। phir har ek ne apna-apna shaastra baith banaaya hai। abhi saari srishti hai patit, isliye patit-paavan baap ko sab bulaate hain ki aakar hamaara duhkh haro aur sukh do। woh bhi kehte hain hamaara guide ban hamko ghar le chalo। guide to sabka hota hai na। tum abhi contrast ko samajh gaye ho। woh pande teertha yaatra par dhakke khilaate hain। tum ho roohaani pande। paandav sampradaay, shivbaaba ke bachche bhi pande। baap roohaani yaatra sikhlaate hain। he aatma tum apne baap ko yaad karo aur ghar ko yaad karo। baba ko yaad karne se ghar pahunch jaayenge। yaad nahin karenge to paap katenge nahin। bhal le to sabko jaayenge parantu saja khaakar hisaab-kitaab chuktu karenge athva yogbal se, chuktu to zaroor karna hai।

tum jaante ho abhi ham jama kar rahe hain। jitna pavitra ban jaasti kamaai karenge utna jama hota hai। purooshaartha nahin karenge to kuchh bhi jama nahin hoga। ghaata pad jaayega। tum jaante ho aadhaakalpa ham ghaata paate hi aaye hain। abhi bilkul devaala ho gaya hai। har baat mein devaala। abhi bachchon ko 21 janmon ke liye jama karna hai, uske liye mukhya hai yaad ki yaatra। yeh to sadaiv smriti mein rakho। jab bhi phursat mile to is smriti mein raho। baba gyaan ka saagar hai to tumko bhi rachna ke aadi madhya ant ka knowledge hai। aap samaan banaate hain। jaise barrister, engineer aadi padhaakar aap samaan banaate hain na। aise baap bhi bachchon ko aap samaan dehi-abhimaani banaate hain। baap deh-abhimaan nahin rakhte, yeh to padhaai hai na। jo gyaan baap mein hai woh tumko dete hain। baap pavitrata ka saagar hai to tumko bhi aap samaan pavitra banaate hain। jo nahin banenge woh sajaayen khaayenge, phir pad bhi kam ho jaayega। is samay aise nahin ki dhan se tumko saahookaar banna hai। nahin, baba ne samjhaaya hai gareeb ki ek paai, saahookaar ka ek roopaya samaan। donon ko varsa itna hi milta hai। baap hai hi gareeb nivaaz isliye gaayan bhi hai ajaamil jaise paapi, ahilya.. saahookaar ka naam nahin gaaya jaata hai। yeh bhi samajhne ki baat hai। tum kahenge ham pahle-pahle sabse saahookaar the। phir yahaan gyaan bhi nambarvaar uthaayenge, to vahaan pad bhi nambarvaar paayenge। maa-baap ko poora follow karna hai। jaise baba purushaartha kar oonch pad paate hain। mama baba bhi service karte hain na। tumhaari yeh hai roohaani seva। ghar-ghar mein sandesh pahunchaana hai। jo koi aisa na kahe ki hamko to baap ke aane ka sandesh hi nahin mila to yaad kaise karen। aise kuchh kahaaniyaan bhi shaastron mein hain ki bhagwan ko bhi ulhana diya isliye sabko maaloom padna chaahiye। time thoda hai। din-pratidin pradarshani, mele aadi ki dhoom machti jaati hai। ab vilaayat ke akhbaaron mein padta hai। shuru mein jab bhatthi bani thi to vilaayat tak akhbaar mein naam gaya। ab phir yeh bhi padega ki khud god father aakar sabko liberate kar rahe hain। kehte hain aur sab taraph se buddhiyog todo। mujh ek baap ko yaad karo to tum paavan ban muktidhaam mein chale jaayenge। koi to achhi reeti samajh kar yaad karne lag padenge। dharma ke bade jo honge woh phir nambarvaar aate hain। sabhi dharmon ka jhaad niraakaari duniya se yahaan aakar vriddhi ko paata hai। phir patit duniya se chale jaayenge niraakaari paavan duniya mein। phir har ek apne-apne samay par dharma sthaapan karne aayenge। yeh buddhi mein rehna chaahiye। satayug mein ek hi dharma tha। phir vriddhi hote-hote anek dharma anek mat ho jaati hain। tum jaante ho yeh bhaarat avinaashi khanda hai, ismen pralay kab hoga nahin। in baaton ko simran karte raho।

yeh tumhaari eeshvareey mission hai। centres khulte jaate hain। ab vinaash bhi saamne khada hai। in aankhon se jo kuchh dekhte ho woh satayug mein kuchh bhi nahin rahega, jangal ho jaayega। aabu thode hi satayug mein hoga, darkaar hi nahin। yeh mandir aadi sab baad mein bhakti maarga mein banenge। kitni oonchi pahaadi par mandir banaate hain। phir thandi mein banda kar neeche utar aate hain। tum to pahaadi par baithe ho। ant mein sab pahaadi par hi saakshaatkaar honge। baba batlaate hain - mujhe bhi jab saakshaatkaar hua tha to main pahaadi par tha। ab bhi pahaadi par aakar anaayaas hi baithe hain। yahaan baithe-baithe tum sab kuchh sunenge aur dekhenge। yahaan baithe saakshaatkaar ho sakta hai ki kaise aag lagti hai। kya-kya hota hai। radio se, akhbaaron se sab kuchh tum sunenge। T.vi. mein bhi tum dekh sakte ho। aage chalkar aisi-aisi cheejen niklengi jo ghar baithe sab dikhaai padega। radio mein kahaan-kahaan ka aavaaj sunaai padta hai। yeh sab hai maaya ka pomp, tab manushya samajhte hain yeh to svarga hai। svarga to tab ho sakta hai jab vinaash ho। vahaan meethe paani par mahal honge। kahaan pahaadiyon par jaane ki darkaar nahin। vahaan sadaiv bahaari mausam rehti hai। aaj garmi hai, thandi hai.. sabmen duhkh hai। svarga mein duhkh ka naam nahin hoga। tum aisi jagah chalte ho। yeh buddhi mein hai ki hamko yeh shareer chhod jaana hai baba ke paas। ab ham baba dvaara raajayog seekh rahe hain। 5 hajaar varsha pahle bhi seekha tha। kehte hain baba aap to vahi ho। baba jaante hain jinhonne kalpa pahle raajya bhaagya paaya hoga, woh ab bhi lenge। yeh chakra buddhi mein hona chaahiye। barobar 5 hajaar varsha pahle bhaarat mein devi-devtaaon ka raajya tha phir aadha samay ke baad maaya ki praveshta hui phir aur dharma aaye phir bhakti-maarga shuru hua arthaat raavan raajya shuru hua। yeh chitron par saaph samjha sakte ho। yeh bhaarat ki hi kahaani hai ki satopradhaan se tamopradhaan kaise bante hain। phir jab vinaash ka samay hota hai to sab vinaashkaale vipreet buddhi ho jaate hain। mele, pradarshani mein badi yukti se chitra rakhne chaahiye। tumhaara yeh gyaan hai gupta, yahaan hathiyaar aadi ki koi baat nahin। tum bahut saadhaaran ho। tum chalte phirte ghoomte baap ki yaad mein rehte ho। koi tumhaare se poochhe tum vedon shaastron ko maante ho। bolo haan ji, ham unhon ko achhi reeti jaante hain ki inse bhagwan ki praapti nahin ho sakti hai। yeh sab bhakti maarga ki saamagri hai। satayug mein sab paavan aatmaayen theen। geet bhi hai na - jaag sajniyaan jaag। nai duniya mein sab kuchh naya hoga। baba aakar nai duniya ke liye nai kahaaniyaan sunaate hain। scene seenriyaan sab nai hongi। pradarshani mein aate bahut hain, opinion bhi likhte hain। bahut achha hai yeh sabko samjhaana chaahiye parantu khud kuchh bhi samajhte nahin hain। koton mein koi mushkil hi nikalte hain। parantu service to honi hai। dher praja banegi। tum bachche is gyaan ka simran karte raho to bahut khushi rahegi। yeh duniya hi duhkh ki hai। ghaata pada, devaala nikla, earthquake hui, sabke paise khatma ho jaayenge। tab kehte hain kinki dabi rahi dhool mein... saphal kiski hogi? jo eeshvareey sthaapna ke kaarya mein laga rahe hain। yeh hai eeshvareey bank, jo ismen jitna daale utna jama hota hai। jitna jisne kalpa pahle daala hoga woh itna hi shivbaaba ki golak mein daalenge। iska return phir nai duniya mein 21 janmon ke liye milega। bhakti maarga mein shivbaaba ki golak mein daalte hain to alpakaal kshanbhangur sukh milta hai। yahaan to direct shivbaaba svarga ki sthaapna kar rahe hain, to 21 janmon ke liye milega। bhakti maarga mein alpakaal ka sukh narka mein milta hai। phir manners bhi achhe chaahiye, kisko bhi duhkh nahin dena chaahiye। nahin to naam badnaam kar denge। kabhi krodh nahin karna chaahiye। deh-abhimaan mein aane se paap to hote hain। baba ke bane ho to kehte ho baba yeh sab kuchh aapka hai। sachchi dil par saaheb raazi hoga। dil mein koi khot nahin hona chaahiye। nahin to aur hi girte rahenge। tum ho paigambar ke bachche, tum sabko paigaam dete ho ki baap aakar svarga ki sthaapna karte hain, uska sandesh sabko dena hai। nai duniya sthaapan ho rahi hai। uske liye jinko raajayog seekhna ho woh aakar seekhe। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) andar mein koi bhi khot (kami) ho to use nikaal dena hai। sachchi dil rakhni hai। deh-abhimaan mein aakar kabhi krodh nahin karna hai।

2) jab bhi phursat mile to yaad ki yaatra mein rah kamaai jama karni hai।

vardaan:- sampoorn samarpan ki vidhi dvaara apne pan ka adhikaar samaapta karne vaale samaan saathi bhav

jo vaayda hai ki saath rahenge, saath chalenge aur saath mein raajya karenge - is vaayde ko tabhi nibha sakenge jab saathi ke samaan banenge। samaanta aayegi samarpanta se। jab sab kuchh samarpan kar diya to apna va anya ka adhikaar samaapta ho jaata hai। jab tak kisi ka bhi adhikaar hai to sarva samarpan mein kami hai isliye samaan nahin ban sakte। to saath rahne, saath udne ke liye jaldi-jaldi samaan bano।

slogan:- apne samay, shvaans aur sankalp ko saphal karna hi saphalta ka aadhaar hai।