Murli du jour du jeudi 24 novembre 2022

24-11-2022 praatahmurli om shanti "baapdaada"' madhuban

“meethe bachche - tumhein shreemat par poora-poora dhyaan dena hai, baap ka pharmaan hai bachche mujhe yaad karo aur knowledge ko dhaaran kar doosron ki seva karo''

prashn:- baba bachchon ki unnati ke liye kaun si raay bahut achhi dete hain?

uttar:- meethe bachche, apna hisaab-kitaab (potaamel) rakho। amritvele pyaar se yaad karo, laachaari yaad mein nahin baitho, shreemat par dehi-abhimaani ban poora-poora merciful bano to bahut achhi unnati hoti rahegi।

prashn:- yaad mein vighna roop kaun banta hai?

uttar:- past mein jo vikarma kiye hue hain, vahi yaad mein baithne samay vighna roop bante hain। tum bachche yaad mein baap ka aahvaan karte ho, maaya bhulaane ki koshish karti hai। tum yaad ka chart rakho, mehnat karo to maala mein piro jaayenge।

geet:- tu pyaar ka saagar hai…

om shanti। yahaan jab baithte ho to baba ki yaad mein baithna hai। maaya bahuton ko yaad karne nahin deti kyonki deh-abhimaan hai। koi ko mitra sambandhi, koi ko khaan-paan aadi kya-kya yaad aata rehta hai। yahaan jab aakar baithte ho to baap ka aahvaan karna chaahiye। jaise jab lakshmi ki pooja hoti hai to lakshmi ka aahvaan karte hain। lakshmi koi aati nahin hai। yahaan bhi kaha jaata hai tum baap ko yaad karo athva aahvaan karo, baat ek hi hai। yaad se vikarma vinaash honge। dhaarna nahin ho sakti hai kyonki vikarma bahut hain। baap ko bhi yaad nahin kar sakte hain। jitna baap ko yaad karenge utna vikarmaajeet, nirogi banenge। hai bahut sahaj। parantu maaya athva past ke vikarma saamne aate hain jo yaad mein vighna daalte hain। baap kehte hain tumne hi aadhaakalpa aythaartha reeti se yaad kiya। abhi to tum practical mein aahvaan karte ho kyonki tum jaante ho ki baba aaya hua hai। parantu yeh yaad ki aadat pakki ho jaani chaahiye। tumko ever nirogi banne ke liye avinaashi surgeon davaai dete hain ki mujhe yaad karo phir tum mere se aakar milenge। mere dvaara mere ko yaad karne se hi tum mera varsa paayenge। baap aur sweet hom ko yaad karna hai, jahaan jaana hai, woh buddhi mein rehta hai। baap vahaan se aakar sachcha paigaam dete hain aur koi bhi eeshvareey paigaam nahin dete। woh to yahaan stage par part bajaane aate hain aur eeshvar ko bhool jaate hain। lakshmi-naaraayan yahaan aate hain to eeshvar ka pata nahin rehta। unko bhi paigambar nahin kah sakte। yeh to manushyon ne naam laga diye hain। woh aate hi hain part bajaane। woh yaad kaise karenge? unko part bajaate-bajaate patit banna hi hai, phir ant mein patit se paavan banna hai। woh to baap hi aakar banaate hain। baap ki yaad se hi paavan banna hai। baap kehte hain bachche mere paas paavan banaane ka ek hi upaay hai। deh sahit jo bhi deh ke sambandh hain unko bhool jaana hai। tum jaante ho mujh aatma ko baap ko yaad karne ka pharmaan mila hua hai। us par chalne vaale ko hi pharmaanvardaar kaha jaata hai। jo kam yaad karte hain, woh kam farmaanvardaar। farmaanvardaar pad bhi ooncha paate hain। baba ka ek farmaan hai yaad karo, doosra hai knowledge ko dhaaran karo। yaad nahin karenge to sazaayen bahut khaani padegi। svadarshan chakra phiraate rahenge to dhan bahut milega। bhagvaanuvaach, mere dvaara mujhe bhi jaano aur srishti chakra ke aadi-madhya-ant ko bhi jaano। yeh do baaten mukhya hain jis par dhyaan dena hai। shreemat par poora dhyaan denge to oonch pad paayenge phir merciful banna hai, sabko raasta bataana hai, sabka kalyaan karna hai। mitra sambandhiyon aadi ko bhi sachchi yaatra par le jaane ki yukti rachni hai। woh hai jismaani yaatra, yeh hai roohaani yaatra। yeh spiritual knowledge koi ke paas nahin hai। woh hai sab shaastron ki philosophy। yeh hai roohaani knowledge, supreme rooh yeh knowledge dete hain roohon ko। roohon ko hi vaapis le jaana hai। amritvele jab aakar baithte hain, koi to laachaari aakar baithte hain। unhon ko apni unnati ka kuchh bhi khyaal nahin hai। bachchon mein deh-abhimaan bahut hai। dehi-abhimaani ho to merciful ban shreemat par chalen।

baap kehte hain apna chart likho - kitna samay yaad karte hain? aage chart rakhte the। achha baba ko na bhejo apne paas to rakho। apni shakla dekhni hai। ham lakshmi ko varne laayak bane hain? vyaapaari log apna potaamel rakhte hain। koi-koi saare din ki dincharya rakhte hain। hobby hoti hai likhne ki। yeh baba bahut achhi raay dete hain ki apna hisaab-kitaab rakho। kitna samay yaad kiya? kitna samay kisko samjhaaya? aisa chart rakhen to bahut unnati ho jaaye। baba mama ko to nahin likhna hai। maala ke daane jo bante hain unhon ko purushaartha bahut karna hai, baba ne kaha braahmanon ki maala abhi nahin ban sakti, ant mein banengi, jab rudra ki maala banengi। braahmanon ki maala to badalti rehti hai। aaj 3-4 number mein hain, kal last 16108 mein chale jaate hain। koi girte hain to bilkul durgati ko pa lete hain। maala se to gaye, praja mein bhi chandaal jaakar bante hain। agar maala mein pirona hai to mehnat karo। baba sabke liye bahut achhi raay dete hain। bhal goonga ho, koi ko bhi eeshaare se baba ki yaad dila sakte hain। andhe, loole kaise bhi hon - tandaroosta se bhi jyaada oonch pad pa sakte hain। second mein jeevanmukti gaai hui hai। baba ka bana aur varsa mil gaya। unmein nambarvaar pad hain। bachcha paida hua, varse ke hakdaar ban gaya। yahaan tum ho males bachche। baap se varse ka hak lena hai। saara madaar purushaartha par hai। phir kehte hain kalpa pahle bhi haar khaai hogi। boxing hai na। paandavon ki thi maaya raavan ke saath ladaai। koi to purooshaartha kar vishwa ke maalik double sirtaaj bante hain। koi phir praja mein bhi naukar chaakar bante hain। sabhi yahaan padh rahe hain। raajdhaani sthaapan ho rahi hai। attention aage vaale daanon taraph jaayega। 8 daane kaise chal rahe hain। purooshaartha se maaloom pad jaata hai। aise nahin antaryaami hai, sabki dil ko jaante hain। nahin, jaani-jaananhaar arthaat knowledgeful hai। srishti ke aadi madhya ant ko jaante hain। baaki ek-ek ke dil ko thode hi read karenge। mujhe thought reader samjha hai। vaastav mein main jaani jaananhaar arthaat knowledgeful hoon। srishti ke aadi-madhya-ant ki mere paas knowledge hai। yeh chakra phir se kaise repeat hota hai। main us repetition ke raaz ko jaanta hoon। woh sab raaz tum bachchon ko samjhaata hoon। har ek samajh sakte hain ki paramatma kaun hai aur kitni service karte hain! baaki baba ek-ek ki dil ko jaanne ka dhandha nahin karta hai। woh chaitanya manushya srishti ka beej, knowledgeful hai। jaani jaananhaar akshar bahut puraana hai। ham to jo knowledge jaanta hoon woh tumko padhaata hoon। baaki tum kya-kya karte ho woh saara din baith dekhoonga kya? main to sahaj raajayog gyaan sikhlaane aata hoon। baba kehte hain bachche to bahut hain, bachche hi patra aadi likhte hain aur main bhi bachchon ke aage hi pratyaksha hota hoon। phir woh saga hai va laga hai - so phir main samajh sakta hoon। har ek ki padhaai hai। shreemat par sabhi ko act mein aana hai। kalyaankaari banna hai।

tum jaante ho brahspati ko vrikshapti de bhi kaha jaata hai। vrikshapti somnaath bhi thahra, shiv bhi thahra। bachchon ko bahut karke guruvaar ke din school mein bithaate hain। guru bhi karte hain। tumko somnaath baap padhaate hain। roodra bhi somnaath ko kehte hain। kehte hain roodra gyaan yagya racha। yeh ek hi yagya chalta hai, jismen saari puraani duniya ki saamagri svaaha honi hai। tatva bhi uthal paathal mein aa jaate hain। sab ismen svaaha hue hain। saamne mahaabhaarat ladaai khadi hai। yeh sab shanti ke liye yagya rachte hain, parantu material yagya se shanti ho na sake। is yagya se vinaash jvaala pragat hoti hai। yeh bhrashtaachaari duniya ismen svaaha hone vaali hai। yeh sab bachchon ko dekhna hai। dekhne vaale bade mahaaveer chaahiye। manushya to haay-haay karenge। tumhaare liye likha hua hai - mirua maut malooka shikaar...satayug mein bahut thode manushya the, ek dharma tha। ab kaliyug ke ant mein dekho kitne manushya hain? kitne dharma hain? yeh sab dharma kahaan tak chalenge? satayug zaroor aana hai। ab satayug ki sthaapna kaun karenge? rachta baap hi karenge। kaliyug ka vinaash bhi saamne khada hai। tum bhool gaye ho ki geeta ka bhagwan kaun hai? bhagwan ne svarga ki sthaapna ki, ismen ladaai ki koi baat nahin। usne maaya par jeet pahnaai hai। is raaz ko na samajh unhonne asur aur devtaaon ki ladaai dikhaai hai। woh to hoti nahin। tum bachchon ko baap dvaara jo past, present, future ki knowledge mili hai, yeh svadarshan chakra tumko phiraana hai। baap aur rachna ko yaad karna hai। kitni sahaj baat hai।

geet:- tu pyaar ka saagar hai - aaj baba ne likha hai, tum ocean aaph knowledge, ocean aaph bliss likhte ho baaki ocean aaph lav bhi zaroor likhna hai। baap ki mahima bahut hai। parantu sarvavyaapi kahne se baap ki mahima gum kar di hai। shreekrishna ke liye bhi likha hai 16108 raaniyaan thi...janmaashtami ke din shreekrishna ko jhoole mein jhulaate hain। parantu kisko bhi pata nahin ki shreekrishna hi shreenaaraayan bante hain। raadhe phir lakshmi banti hai। lakshmi hi phir jagat amba banti hai, yeh koi nahin jaante। ab baap kehte hain mere ko jaanne se tum sab kuchh jaan jaayenge। parantu jo dehi-abhimaani nahin bante unko dhaarna bhi nahin hoti hai। aadha kalpa to deh-abhimaan chala hai। satayug mein bhi paramatma ka gyaan nahin rehta hai। yahaan part bajaane aate hain aur paramatma ko bhool jaate hain। yeh to samajhte hain aatma ek shareer chhod doosra leti hai। parantu vahaan duhkh ki baat nahin। yeh paramatma ki mahima hai। gyaan ka saagar, prem ka saagar...ek boond hai man-manaabhav, madhyaajeebhav। yeh milne se ham vishay saagar se ksheer saagar mein chale jaate hain। svarga mein ghi doodh ki nadiyaan bahti hain। yeh sab mahima hai। baaki ghi doodh ki nadi thode hi ho sakti hai। yeh bhi tum jaante ho svarga kisko kaha jaata hai। bhal ajmer mein model hai parantu jaante kuchh nahin। tum koi ko samjhaao to jhat samajh jaayenge। baaki yeh raas-vilaas to khel kood hai। jaise baba ke paas aadi-madhya-ant ka gyaan hai to tum bachchon ki buddhi mein phirna chaahiye। baap ki mahima accurate sunaani hai। unki mahima aparmaapaar hai। sab ek jaise nahin ho sakte। har ek ko apna-apna part mila hua hai। pope ka bhi agar drama anusaar part hoga to milega। agar doosra hoga to phir aage chal-kar dekhenge। jo divya drishti se dikhaaya tha, woh sab in aankhon se dekhenge। vishnu ka saakshaatkaar kiya hai। vahaan bhi practical jaayenge। phir saakshaatkaar hona banda ho jaata hai। satayug treta mein na saakshaatkaar, na bhakti। phir bhakti maarga se yeh sab baaten shuru hoti hain। kitni achhi-achhi baaten baba samjhaate hain। jo phir bachchon ko auron ko samjhaani hain। bahnon bhaaiyon aakar baap se varsa lo। us gyaan se paramatma ko sarvavyaapi kah mahima gum kar di hai aur glaani kar di hai। tum bachche yathaartha mahima ko jaante ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) har act shreemat par karni hai। sabka kalyaankaari merciful ban seva karni hai।

2) yaad ki aadat pakki daalni hai। yaad mein baithne samay koi bhi mitra sambandhi, khaan-paan aadi yaad na aaye, iska attention rakhna hai। yaad ka chart rakhna hai।

vardaan:- knowledgeful ban vyartha ko samajhne, mitaane aur parivartan karne vaale natural yogi bhav

natural yogi banne ke liye man aur buddhi ko vyartha se bilkul free rakho। iske liye knowledgeful ke saath-saath powerful bano। bhale knowledge ke aadhaar par samajhte ho ki ye wrong hai, ye right hai, ye aisa hai lekin andar woh samaao nahin। gyaan arthaat samajh aur samajhdaar usko kaha jaata hai jise samajhna bhi aata ho, mitaana aur parivartan karna bhi aata ho। to jab vyartha vritti, vyartha vibration svaaha karo tab kahenge natural yogi।

slogan:- vyartha se beparvaah raho, maryaadaaon mein nahin।