Murli du jour du lundi 28 octobre 2024

28-10-2024 praatahmurli om shanti "baapdaada"' madhuban

“meethe bachche - satguru ki pahli-pahli shreemat hai dehi-abhimaani bano, deh-abhimaan chhod do''

prashn:- is samay tum bachche koi bhi ichchha va chaahna nahin rakh sakte ho - kyon?

uttar:- kyonki tum sab vaanaprasthi ho। tum jaante ho in aankhon se jo kuchh dekhte hain woh vinaash hona hai। ab tumhein kuchh bhi nahin chaahiye, bilkul beggar banna hai। agar aisi koi oonchi cheez pahnenge to kheenchegi, phir deh-abhimaan mein phansate rahenge। ismen hi mehnat hai। jab mehnat kar poore dehi-abhimaani bano tab vishwa ki baadshaahi milegi।

om shanti। yeh 15 minute va aadha ghanta bachche baithe hain, baba bhi 15 minute bithaate hain ki apne ko aatma samajh baap ko yaad karo। yeh shiksha ek hi baar milti hai phir kabhi nahin milegi। satayug mein aise nahin kahenge ki aatma-abhimaani ho baitho। yeh ek hi satguru kehte hain, unke liye kaha jaata hai ek satguru taare, baaki sab bore (duboyen)। yahaan baap tumko dehi-abhimaani banaate hain। khud bhi dehi hai na। samjhaane ke liye kehte hain main tum sabhi aatmaon ka baap hoon, unko to dehi ban baap ko yaad nahin karna hai। yaad bhi vahi karenge jo aadi sanaatan devi-devta dharma ke bhaati honge। bhaati to bahut hote hain na, nambarvaar purooshaartha anusaar। yeh baat badi samajhne aur samjhaane ki hai। parampita paramatma tum sabka baap bhi hai aur phir knowledgeful bhi hai। aatma mein hi knowledge rehti hai na। tumhaari aatma sanskaar le jaati hai। baap mein to pahle se hi sanskaar hain। woh baap hai, yeh to sab maante bhi hain। phir doosri usmein khoobi hai, jo usmein original knowledge hai। beejroop hai। jaise baap tumko baith samjhaate hain tumko phir auron ko samjhaana hai। baap manushya srishti ka beejroop hai phir woh sat hai, chaitanya hai, knowledgeful hai, unko is saare jhaad ki knowledge hai। aur koi ko bhi is jhaad ki knowledge hai nahin। inka beej hai baap, jisko parampita paramatma kaha jaata hai। jaise aam ka jhaad hai to unka creator beej ko kahenge na। woh jaise baap ho gaya parantu woh jad hai। agar chaitanya hota to unko maaloom rehta na - mere se jhaad saara kaise nikalta hai। parantu woh jad hai, uska beej neeche boya jaata hai। yeh to hai chaitanya beejroop। yeh oopar rehte hain, tum bhi master beejroop bante ho। baap se tumko knowledge milti hai। woh hai oonch te oonch। pad bhi tum oonch paate ho। svarga mein bhi oonch pad chaahiye na। yeh manushya nahin samajhte hain। svarga mein devi-devtaaon ki raajdhaani hai। raajdhaani mein raaja, raani, praja, gareeb-saahookaar aadi yeh sab kaise bane honge। abhi tum jaante ho aadi sanaatan devi-devta dharma ki sthaapna kaise ho rahi hai, kaun karte hain? bhagwan। baap phir kehte hain - bachche, jo kuchh hota hai drama ke plan anusaar। sab drama ke vash hain। baap bhi kehte hain main drama ke vash hoon। mere ko bhi part mila hua hai। vahi part bajaata hoon। woh hai supreme aatma। unko supreme father kaha jaata hai, aur to sabko kaha jaata hai brothers। aur koi ko father, teacher, guru nahin kaha jaata hai। woh sabka supreme baap bhi hai, teacher, satguru bhi hai। yeh baaten bhoolni nahin chaahiye। parantu bachche bhool jaate hain kyonki nambarvaar purooshaartha anusaar raajdhaani sthaapan ho rahi hai। har ek jaise purooshaartha karte hain, woh jhat sthool mein bhi maaloom pad jaata hai - yeh baap ko yaad karte hain va nahin? dehi-abhimaani bane hain va nahin? yeh knowledge mein teekha hai, activity se samjha jaata hai। baap koi ko kuchh direct kehte nahin hain। funk na ho jaaen। aphsos mein na pad jaaen ki yeh baba ne kya kaha, aur sab kya kahenge! baap batla sakte hain ki phalaane-phalaane kaisi service karte hain। saara service par madaar hai। baap bhi aakar service karte hain na। bachchon ko hi baap ko yaad karna hai। yaad ki subject hi difficult hai। baap yog aur knowledge sikhaate hain। knowledge to bahut sahaj hai। baaki yaad mein hi fail hote hain। deh-abhimaan aa jaata hai। phir yeh chaahiye, yeh achhi cheez chaahiye। aise-aise khyaalaat aate hain।

baap kehte hain yahaan to tum vanvaas mein ho na। tumko to ab vaanaprastha mein jaana hai। phir koi bhi aisi cheez nahin pahan sakte hain। agar aisi koi duniyaavi cheez hogi to kheenchegi। shareer bhi kheenchega। ghadi-ghadi deh-abhimaan mein le aate hain। ismen hai mehnat। mehnat bigar vishwa ki baadshaahi thode hi mil sakti hai। mehnat bhi nambarvaar purooshaartha anusaar kalpa-kalpa karte aaye ho, karte rehte ho। result pratyaksha hoti jaayegi। school mein bhi nambarvaar transfer hote hain। teacher samajh jaate hain phalaane ne achhi mehnat ki hai। inko padhaane ka shauk hai। feeling aati hai। usmein to ek class se transfer ho doosre mein phir teesre mein aa jaate hain। yahaan to ek hi baar padhna hai। aage chal jitna tum nazdeek aate jaayenge utna sab maaloom padta jaayega। yeh bahut mehnat karni hai। zaroor oonch pad paayenge। yeh to jaante hain, koi raaja-raani bante hain, koi kya bante hain, koi kya bante hain। praja bhi to bahut banti hai। saara activity se maaloom padta hai। yeh deh-abhimaan mein kitna rehte hain, inka kitna lav hai baap se। baap ke saath hi lav chaahiye na, bhaai-bhaai ka nahin। bhaaiyon ke lav se kuchh milta nahin hai। varsa sabko ek baap se milna hai। baap kehte hain - bachche, apne ko aatma samajh mujhe yaad karo to tumhaare paap kat jaaen। mool baat hi yeh hai। yaad se taakat aayegi। din-pratidin battery bharti jaayegi kyonki gyaan ki dhaarna hoti jaati hai na। teer lagta jaata hai। din-pratidin tumhaari unnati nambarvaar purooshaartha anusaar hoti rehti hai। yeh ek hi baap-teacher-satguru hai jo dehi-abhimaani banne ki shiksha dete hain, aur koi de na sake aur to sab hain deh-abhimaani, aatma-abhimaani ki knowledge koi ko milti hi nahin। koi manushya baap, teacher, guru ho na sake। har ek apna-apna part baja rahe hain। tum saakshi ho dekhte ho। saara naatak tumko saakshi ho dekhna hai। act bhi karna hai। baap creator, director, actor hain। shivbaaba aakar act karte hain। sabka baap hai na। bachche athva bachchiyaan sabko aakar varsa dete hain। ek baap hai, baaki sab hain aatmaayen bhaai-bhaai। varsa ek baap se hi milta hai। is duniya ki to koi cheez buddhi mein yaad nahin aati hai। baap kehte hain jo kuchh dekhte ho yeh sab vinaashi hain। abhi to tumko ghar jaana hai। vo log brahm ko yaad karte hain goya ghar ko yaad karte hain। samajhte hain brahm mein leen ho jaayenge। isko kaha jaata hai agyaan। manushya mukti-jeevanmukti ke liye jo kuchh kehte hain woh wrong, jo kuchh yukti rachte hain, sab hai wrong। right raasta to ek hi baap batlaate hain। baap kehte hain ham tumko raajaaon ka raaja banaata hoon drama plan anusaar। kai kehte hain hamaari buddhi mein nahin baithta, baba hamaara mukh kholo, kripa karo। baap kehte hain ismen baba ko to kuchh karne ki baat hi nahin hai। mukhya baat hai tumko direction par chalna hai। baap ka hi right direction milta hai, baaki sab manushyon ke hain wrong direction kyonki sabmen 5 vikaar hain na। neeche hi utarte-utarte wrong bante jaate hain। kya-kya riddhi-siddhi aadi karte rehte hain। unmein sukh nahin hai। tum jaante ho yeh sab alpakaal ke sukh hain। unko kaha jaata hai kaag vishta samaan sukh। seedhi ke chitra par bahut achhi reeti samjhaana hai aur jhaad par bhi samjhaana hai। koi bhi dharma vaale ko tum dikha sakte ho, tumhaara dharma sthaapan karne vaala phalaane-phalaane samay par aata hai, Christ phalaane time aayega। jo aur-aur dharmon mein convert ho gaye hain unhon ko yeh dharma hi achha lagega, phat nikal aayenge। baaki koi ko achha nahin lagega to woh purooshaartha hi kaise karenge। manushya, manushya ko phaansi par chadhaate hain, tumko to ek baap ki hi yaad mein rehna hai, yeh badi meethi phaansi hai। aatma ki buddhi ka yog hai baap ki taraph। aatma ko kaha jaata hai baap ko yaad karo। yeh yaad ki phaansi hai। father to oopar rehte hain na। tum jaante ho ham aatma hain, hamko baap ko hi yaad karna hai। yeh shareer to yahaan hi chhod dena hai। tumko yeh saara gyaan hai। tum yahaan baith kya karte ho? vaani se pare jaane ke liye purooshaartha karte ho। baap kehte hain sabko mere paas aana hai। to kaalon ka kaal ho gaya na। woh kaal to ek ko le jaate hain, woh bhi kaal koi hai nahin jo le jaata। yeh to drama mein sab noondh hai। aatma aapehi samay par chali jaati hai। yeh baap to sab aatmaon ko le jaate hain। to ab tum sabka buddhiyog hai apne ghar jaane ke liye। shareer chhodne ko marna kaha jaata hai। shareer khatma ho gaya, aatma chali gai। baap ko bulaate bhi isliye hain ki baba aakar hamko is srishti se le jaao। yahaan hamko rehna nahin hai। drama ke plan anusaar ab vaapis jaana hai। kehte hain baba yahaan apaar dukh hain। ab yahaan rehna nahin hai। yeh bahut chhi-chhi duniya hai। marna bhi zaroor hai। sabki vaanaprastha avastha hai। abhi vaani se pare jaana hai। tumko koi kaal nahin khaayega। tum khushi se jaate ho। shaastra aadi jo bhi hain woh sab bhakti maarga ke hain, yeh phir bhi honge। drama ki yeh badi wonderful baat hai। yeh tape, yeh ghadi jo kuchh is samay dekhte ho woh sab phir hoga। ismen moonjhane ki koi baat hi nahin hai। world ki history-geography repeat ka arth hi hai hoobhu repeat। abhi tum jaante ho ham phir se so devi-devta ban rahe hain, vahi phir banenge। ismen zara bhi pharka nahin pad sakta hai। yeh sab samajhne ki baaten hain।

tum jaante ho woh behad ka baap bhi hai, teacher-satguru bhi hai। aisa koi manushya ho na sake। inko tum baba kehte ho। prajaapita brahma kehte ho। yeh bhi kehte hain mere se tumko varsa nahin milega। baapu gaandhi ji bhi prajaapita nahin tha na। baap kehte hain in baaton mein tum moonjho mat। bolo ham brahma ko bhagwan va devta aadi kehte hi nahin hain। baap ne bataaya hai bahut janmon ke ant mein, vaanaprastha avastha mein main inmen pravesh karta hoon saare vishwa ko paavan banaane ke liye। jhaad mein bhi dikhaao, dekho ekdam pichhaadi mein khada hai। ab to sab tamopradhaan jadajdeebhoot avastha mein hain na। yeh bhi tamopradhaan mein khade hain, vahi features hain। ismen baap pravesh kar inka naam brahma rakhte hain। nahin to tum bataao brahma naam kahaan se aaya? yeh hai patit, woh hai paavan। woh paavan devta hi phir 84 janma le patit manushya bante hain। yeh manushya se devta banne vaala hai। manushya ko devta banaana - yeh baap ka hi kaam hai। yeh sab badi wonderful samajhne ki baaten hain। yeh, woh bante hain second mein, phir woh 84 janma le yeh bante hain। inmen baap pravesh kar baith padhaate hain, tum bhi padhte ho। inka bhi gharaana hai na। lakshmi-naaraayan, raadhe-krishna ke mandir bhi hain। parantu yeh kisko bhi pata nahin hai, raadhe-krishna pahle prince-princess hain jo phir lakshmi-naaraayan bante hain। yeh beggar tu prince banenge। prince so beggar bante hain। kitni sahaj baat hai। 84 janmon ki kahaani in donon chitron mein hai। yeh woh bante hain। yugal hai isliye 4 bhuja dete hain। pravritti maarga hai na। ek satguru hi tumhein paar le jaate hain। baap kitna achhi reeti samjhaate hain phir daiveegun bhi chaahiye। stri ke liye pati se poochho va stri se pati ke liye poochho to jhat bataayegi inmen yeh khaamiyaan hain। is baat mein yeh tang karte hain ya to kahenge ham donon theek chalte hain। koi kisko tang nahin karte hain, donon ek-do ke madadgaar saathi hokar chalte hain। koi ek-do ko giraane ki koshish karte hain। baap kehte hain ismen svabhaav ko achhi reeti badalna padta hai। woh sab hai aasuri svabhaav। devtaaon ka hota hi hai daivi svabhaav। yeh sab tum jaante ho, asuron aur devtaaon ki yuddha lagi nahin hai। puraani duniya aur nai duniya ke aapas mein mil kaise sakte hain। baap kehte hain past baaten jo hokar gai hain unko baith likha hai, unko kahaaniyaan kahenge। tyohaar aadi sab yahaan ke hain। dvaapar se lekar manaate hain। satayug mein nahin manaaye jaate। yeh sab buddhi se samajhne ki baaten hain। deh-abhimaan ke kaaran bachche bahut points bhool jaate hain। knowledge to sahaj hai। 7 roz mein saari knowledge dhaaran ho sakti hai। pahle attention chaahiye yaad ki yaatra par। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is behad naatak mein act karte hue saare naatak ko saakshi hokar dekhna hai। ismen moonjhana nahin hai। is duniya ki koi bhi cheez dekhte hue buddhi mein yaad na aaye।

2) apne aasuri svabhaav ko badal daivi svabhaav dhaaran karna hai। ek-do ka madadgaar hokar chalna hai, kisi ko tang nahin karna hai।

vardaan:- svayan mein sarva shaktiyon ko emerge roop mein anubhav karne vaale sarva siddhi swaroop bhav

laukik mein kisi ke paas kisi baat ki shakti hoti hai, chaahe dhan ki, buddhi ki, sambandh-samparka ki … to use nishchay rehta hai ki yeh kya badi baat hai। woh shakti ke aadhaar se siddhi praapta kar lete hain। aapke paas to sabhi shaktiyaan hain, avinaashi dhan ki shakti sada saath hai, buddhi ki bhi shakti hai to position ki bhi shakti hai, sarva shaktiyaan aapmen hain, inhen sirf emerge roop mein anubhav karo to samay par vidhi dvaara siddhi praapta kar siddhi swaroop ban jaayenge।

slogan:- man ko prabhu ki amaanat samajhkar use sada shreshtha kaarya mein lagaao।