Murli du jour du jeudi 8 mai 2025

08-05-2025 praatahmurli om shanti "baapdaada"' madhuban

“meethe bachche - dehi-abhimaani ban baap ko yaad karo to yaad ka bal jama hoga, yaad ke bal se tum saare vishwa ka raajya le sakte ho''

prashn:- kaun-si baat tum bachchon ke khyaal-khvaab mein bhi nahin thi, jo practical hui hai?

uttar:- tumhaare khyaal khvaab mein bhi nahin tha ki ham bhagwan se raajayog seekhkar vishwa ke maalik banenge। raajaai ke liye padhaai padhenge। abhi tumhein athaah khushi hai ki sarvashaktimaan baap se bal lekar ham satayugi svaraajya adhikaari bante hain।

om shanti। yahaan bachchiyaan baithti hain practice ke liye। vaastav mein yahaan (sandali par) baithna unko chaahiye jo dehi-abhimaani ban baap ki yaad mein baithe। agar yaad mein nahin baithengi to woh teacher kahla nahin sakti। yaad mein shakti rehti hai, gyaan mein shakti nahin hai। isko kaha hi jaata hai - yaad ka bal। yogbal sanyaasiyon ka akshar hai। baap difficult akshar kaam mein nahin laate। baap kehte hain bachchon ab baap ko yaad karo। jaise chhote bachche maa-baap ko yaad karte hain na। woh to dehdhaari hain। tum bachche ho vichitra। yeh chitra yahaan tumko milta hai। tum rahne vaale vichitra desh ke ho। vahaan chitra rehta nahin। pahle-pahle yeh pakka karna hai - ham to aatma hain isliye baap kehte hain - bachche, dehi-abhimaani bano, apne ko aatma nishchay karo। tum nirvaan desh se aaye ho। woh tum sabhi aatmaon ka ghar hai। yahaan part bajaane aate ho। pahle-pahle kaun aate hain? yeh bhi tumhaari buddhi mein hai। duniya mein koi nahin jisko yeh gyaan ho। ab baap kehte hain shaastra aadi jo kuchh padhte ho un sabko bhool jaao। shri krishna ki mahima, phalaane ki mahima kitni karte hain। gaandhi ki bhi kitni mahima karte hain। jaise ki woh raamraajya sthaapan karke gaye hain। parantu shiv bhagvaanuvaach aadi sanaatan raaja-raani ke raajya ka jo kaayda tha, baap ne raajayog sikhaakar raaja-raani banaaya, us eeshvareey rasma-rivaaj ko bhi tod daala। bola raajaai nahin chaahiye, hamko praja ka praja par raajya chaahiye। ab uski kya haalat hui! duhkh hi duhkh, ladte-jhagadte rehte hain। anek maten ho gai hain। abhi tum bachche shreemat par raajya lete ho। itni tumhaare mein taakat rehti hai jo vahaan lashkar aadi hota nahin। dar ki koi baat nahin। in lakshmi-naaraayan ka raajya tha, advet raajya tha। do the hi nahin jo taali baje। usko kaha hi jaata hai - advet raajya। tum bachchon ko baap devta banaate hain। phir dvet se daitya ban jaate hain raavan dvaara। abhi tum bachche jaante ho ham bhaaratvaasi saare vishwa ke maalik the। tumko vishwa ka raajya sirf yaad bal se mila tha। ab phir mil raha hai। kalpa-kalpa milta hai, sirf yaad ke bal se। padhaai mein bhi bal hai। jaise barrister bante hain to bal hai na। woh hai paai-paise ka bal। tum yogbal se vishwa par raajya karte ho। sarvashaktimaan baap se bal milta hai। tum kehte ho - baba, ham kalpa-kalpa aapse satayug ka svaraajya lete hain phir ganvaate hain, phir lete hain। tumko poora gyaan mila hai। abhi ham shreemat par shreshtha vishwa ka raajya lete hain। vishwa bhi shreshtha ban jaata hai। yeh rachta aur rachna ka gyaan tumko abhi hai। in lakshmi-naaraayan ko bhi gyaan nahin hoga ki hamne raajaai kaise li! yahaan tum padhte ho phir jaakar raajaai karte ho। koi achhe dhanvaan ke ghar mein janma lete hain to kaha jaata hai na isne aage janma mein achha karma kiya hai, daan-punya kiya hai। jaisa karma aisa janma milta hai। abhi to yeh hai hi raavan raajya। yahaan jo bhi karma karte hain woh vikarma hota hai। seedhi utarni hi hai। sabse bade oonch se oonch devi-devta dharma vaalon ko bhi seedhi utarni hai। sato, rajo, tamo mein aana hai। har ek cheez nai se phir puraani hoti hai। to abhi tum bachchon ko athaah khushi honi chaahiye। tumhaare khyaal-khvaab (sankalp-svapna) mein bhi nahin tha ki ham vishwa ke maalik bante hain।

bhaaratvaasi jaante hain ki in lakshmi-naaraayan ka saare vishwa par raajya tha। poojya the so phir pujaari bane hain। gaaya bhi jaata hai aapehi poojya, aapehi pujaari। ab tumhaari buddhi mein yeh hona chaahiye। yeh naatak to bada wonderful hai। kaise ham 84 janma lete hain, unko koi nahin jaante। shaastron mein 84 laakh janma laga dete hain। baap kehte hain yeh sab bhakti maarga ke gapode hain। raavan raajya hai na। raam raajya aur raavan raajya kaise hota hai, yeh tum bachchon ke sivaae aur koi ki buddhi mein nahin hai। raavan ko har varsha jalaate hain, to dushman hai na। 5 vikaar manushya ke dushman hain। raavan hai kaun, kyon jalaate hain - koi bhi nahin jaante। jo apne ko sangam-yugi samajhte hain unki smriti mein rehta hai ki abhi ham purushottam ban rahe hain। bhagwan hamko raajayog sikhlaakar nar se naaraayan, bhrashtaachaari se shreshthaachaari banaate hain। tum bachche jaante ho hamko oonch te oonch niraakaar bhagwan padhaate hain। kitni athaah khushi honi chaahiye। school mein student ki buddhi mein rehta hai na - ham student hain। woh to hai common teacher, padhaane vaala। yahaan to tumko bhagwan padhaate hain। jab padhaai se itna oonch pad milta hai to kitna achha padhna chaahiye। hai bahut easy sirf savere aadha-pauna ghanta padhna hai। saara din dhandhe aadi mein yaad bhool jaati hai isliye yahaan savere aakar yaad mein baithte hain। kaha jaata hai baba ko bahut prem se yaad karo - baba, aap hamko padhaane aaye hain, abhi hamko pata pada hai ki aap 5 hazaar varsha baad aakar padhaate hain। baba ke paas bachche aate hain to baba poochhte hain aage kab mile ho? aisa prashn koi bhi saadhu-sanyaasi aadi kabhi poochh na sake। vahaan to sat-sang mein jo chaahe jaakar baithte hain। bahuton ko dekhkar sab andar ghus jaate hain। tum bhi abhi samajhte ho - ham geeta, raamaayan aadi kitna khushi se jaakar sunte the। samajhte to kuchh nahin the। woh sab bhakti ki hi khushi hai। bahut khushi mein naachte rehte hain। parantu phir neeche utarte aate hain। kisma-kisma ke hathayog aadi karte hain। tanduroosti ke liye hi sab karte hain। to baap samjhaate hain yeh sab hai bhakti maarga ki rasma-rivaaj। rachta aur rachna ko koi bhi nahin jaante। to baaki raha hi kya। rachta rachna ko jaanne se tum kya bante ho aur na jaanne se tum kya ban padte ho? tum jaanne se solvent bante ho, na jaanne se vahi bhaarat-vaasi insolvent ban pade hain। gapode maarte rehte hain। kya-kya duniya mein hota rehta hai। kitne paise, sona aadi lootte hain! ab tum bachche jaante ho - vahaan to ham sone ke mahal banaayenge। bairistari aadi padhte hain to andar mein rehta hai na - ham yeh imtahaan paas kar phir yeh karenge, ghar banaayenge। tumko kyon nahin buddhi mein aata hai ham svarga ka prince-princess banne ke liye padh rahe hain। khushi kitni rahni chaahiye। parantu baahar jaane se hi khushi gum ho jaati hai। chhoti-chhoti bachchiyaan is gyaan mein lag jaati hain। sambandhi kuchh bhi samajhte nahin, kah dete jaadu hai। kehte hain ham padhne nahin denge। is haalat mein jab tak sageer hain to maa-baap ka kehna maanna pade। ham le nahin sakte। bahut khitpit ho padti hai। shuru mein kitni khitpit hui। bachchi kahe ham 18 varsha ki hain, baap kahe nahin, 16 varsha ki hai, sageer hai, jhagda kar pakad le jaate the। sageer maana hi baap ke hukm mein chalna hai। baalig hai phir jo chaahe so kare। kaayde bhi hain na। baba kehte tum jab baap ke paas aate ho to kaayda hai apne laukik baap ka certificate (chitthi) lekar aao। phir manners bhi dekhne hote hain। manners theek nahin hain to vaapis jaana padega। khel mein bhi aise hota hai। theek nahin khelte to unko kahenge baahar jaao। aabru (ijjat) ganvaate ho। abhi tum bachche jaante ho ham yuddha ke maidaan mein hain। kalpa-kalpa baap aakar hamko maaya par jeet pahnaate hain। mool baat hi hai paavan banne ki। patit bane hain vikaar se। baap kehte hain kaam mahaashatru hai। yeh aadi-madhya-ant duhkh dene vaala hai। jo brahman banenge vahi phir devi-devta dharma mein aayenge। braahmanon mein bhi number-vaar hote hain। shama par parvaane aate hain। koi to jal marte hain, koi pheri pahankar chale jaate hain। yahaan bhi aaye hain, koi to ekdam phida hote hain, koi sunkar phir chale jaate hain। aage to blood se bhi likhkar dete the - baba, ham aapke hain। phir bhi maaya hara leti hai। itni maaya ki yuddha chalti hai, inko hi yuddha sthal kaha jaata hai। yeh bhi tum samajhte ho। parampita paramatma brahma dvaara sabhi vedon-shaastron ka saar samjhaate hain। chitra to dher bana diye hain na। naarad ka bhi misaal is samay ka hai। sab kehte hain - ham lakshmi athva naaraayan banenge। baap kehte hain apne andar mein dekho - ham laayak hain? hamaare mein koi vikaar to nahin hain? naarad bhakta to sab hain na। yeh ek misaal likha hai।

bhakti maarga vaale kehte hain ham shri lakshmi ko var sakte hain? baap kehte hain ki nahin, jab gyaan sunen tab sadgati ko pa saken। main patit-paavan hi sabki sadgati karne vaala hoon। abhi tum samajhte ho baap hamko raavan raajya se liberate kar rahe hain। woh hai jismaani yaatra। bhagvaanuvaach - manamnaabhav। bas, ismen dhakke khaane ki baat nahin। woh sab hain bhakti maarga ke dhakke। aadhaakalpa brahma ka din, aadhaakalpa hai brahma ki raat। tum samajhte ho ham sab bi.ke. ka abhi aadhaakalpa din hoga। ham sukhdhaam mein honge। vahaan bhakti nahin hogi। abhi tum bachche jaante ho ham sabse saahookaar bante hain, to kitni khushi honi chaahiye। tum sab pahle rough patthar the, ab baap seeraan (dhaar) par chadha rahe hain। baba jauhri bhi hai na। drama anusaar baba ne rath bhi anubhvi liya hai। gaayan bhi hai gaanv ka chhora। shri krishna gaanv ka chhora kaise ho sakta hai। woh to satayug mein tha। unko to jhoolon mein jhulaate hain। taaj pahnaate hain phir gaanv ka chhora kyon kehte? gaanv ke chhore shyaam thahre। abhi sundar banne aaye ho। baap gyaan ki seeraan par chadhaate hain na। yeh sat ka sang kalpa-kalpa, kalpa mein ek hi baar milta hai। baaki sab hain jhooth sang isliye baap kehte hain hear no evil… aisi baaten mat suno jahaan hamaari aur tumhaari glaani karte rehte hain।

jo kumaariyaan gyaan mein aati hain woh to kah sakti hain ki hamaara baap ki property mein hissa hai। kyon na ham unse bhaarat ki seva arth centre kholoon। kanya daan to dena hi hai। woh hissa hamko do to ham centre kholen। bahuton ka kalyaan hoga। aisi yukti rachni chaahiye। yeh hai tumhaari eeshvareey mission। tum pattharbuddhi ko paarasbuddhi banaate ho। jo hamaare dharma ke honge woh aayenge। ek hi ghar mein devi-devta dharma ka phool nikal aayega। baaki nahin aayenge। mehnat lagti hai na। baap sabhi aatmaon ko paavan banaakar sabko le jaate hain isliye baba ne samjhaaya tha - sangam ke chitra par le jaao। is taraph hai kaliyug, us taraph hai satayug। satayug mein hain devtaayen, kaliyug mein hain asur। isko kaha jaata hai purushottam sangamayug। baap hi purushottam banaate hain। jo padhenge woh satayug mein aayenge, baaki sab muktidhaam mein chale jaayenge। phir apne-apne samay par aayenge। yeh gole ka chitra bada achha hai। bachchon ko service ka shauk hona chaahiye। ham aisi-aisi service kar, gareebon ka uddhaar kar unko svarga ka maalik banaayenge। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne aapko dekhna hai ham shri lakshmi, shri naaraayan samaan ban sakte hain? hamaare mein koi vikaar to nahin hai? pheri lagaane vaale parvaane hain ya phida hone vaale? aise manners to nahin hain jo baap ki aabru (ijjat) jaaye।

2) athaah khushi mein rahne ke liye - savere-savere prem se baap ko yaad karna hai aur padhaai padhni hai। bhagwan humein padha-kar purushottam bana rahe hain, ham sangamayugi hain, is nashe mein rehna hai।

vardaan:- sarva gunon ke anubhvon dvaara baap ko pratyaksha karne vaale anubhvi moorta bhav

jo baap ke gun gaate ho un sarva gunon ke anubhvi bano, jaise baap aanand ka saagar hai to usi aanand ke saagar ki lahron mein lahraate raho। jo bhi samparka mein aaye use aandan, prem, sukh... sab gunon ki anubhooti karaao। aise sarva gunon ke anubhvi moorta bano to aap dvaara baap ki soorat pratyaksha ho kyonki aap mahaan aatmaayen hi param aatma ko apni anubhvi moorta se pratyaksha kar sakti ho।

slogan:- kaaran ko nivaaran mein parivartan kar ashubh baat ko bhi shubh karke uthaao।

avyakt ishaare - roohaani royalty aur purity ki personality dhaaran karo

braahmanon ki life, jeevan ka jeey-daan pavitrata hai। aadi-anaadi svarup hi pavitrata hai। jab smriti aa gai ki main anaadi-aadi pavitra aatma hoon। smriti aana arthaat pavitrata ki samarthi aana। smriti swaroop, samartha swaroop aatmaayen nizi pavitra sanskaar vaali hain। to nizi sanskaaron ko emerge kar is pavitrata ki personality ko dhaaran karo।