Murli du jour du lundi 12 mai 2025

12-05-2025 praatahmurli om shanti "baapdaada"' madhuban

“meethe bachche - dhandha aadi karte bhi sada apni godly student life aur study yaad rakho, svayan bhagwan hamko padhaate hain is nashe mein raho''

prashn:- jin bachchon ko gyaan amrit hazam karna aata hai, unki nishaani kya hogi?

uttar:- unhein sada roohaani nasha chadha rahega aur us nashe ke aadhaar par sabka kalyaan karte rahenge। kalyaan karne ke sivaae doosri koi baat karna bhi unhein achha nahin lagega। kaanton ko phool banaane ki hi seva mein busy rahenge।

om shanti। ab tum bachche yahaan baithe ho aur yeh bhi jaante ho ki abhi ham paartadhaari hain। 84 janmon ka chakra poora kiya hai। yeh tum bachchon ki smriti mein aana chaahiye। jaante ho ki baba aaya hua hai, hamko phir se raajya praapta karaane va tamopradhaan se satopradhaan banaane। yeh baaten sivaae baap ke aur koi nahin samjhaayenge। tum jab yahaan baithte ho to tum jaise school mein baithe ho। baahar ho to school mein nahin ho। jaante ho yeh oonch te oonch roohaani school hai। roohaani baap baith padhaate hain। padhaai to bachchon ko yaad aani chaahiye na। yeh bhi bachcha thahra। inko athva sabhi ko sikhlaane vaala woh baap hai। sab manushya maatra ki aatmaon ka baap woh hai। woh aakar shareer ka loan lekar tumko samjha rahe hain। roz samjhaate hain, yahaan jab baithte ho to buddhi mein smriti rahni chaahiye ki hamne 84 janma liye। ham vishwa ke maalik the, devi-devta the phir punarjanma lete-lete aakar pat pade hain। bhaarat kitna solvent tha। saari smriti aai hai। bhaarat ki hi kahaani hai, saath-saath apni bhi। apne ko phir bhool na jaao। ham svarga mein raajya karte the phir hamko 84 janma lene pade। yeh saara din smriti mein laana pade। dhandha aadi karte study to yaad aani chaahiye na। kaise ham vishwa ke maalik the phir ham neeche utarte aaye, bahut sahaj hai parantu yeh yaad bhi koi ko rehti nahin hai। aatma pavitra na hone kaaran yaad khisak jaati hai। hamko bhagwan padhaate hain yeh yaad khisak jaati hai। ham baba ke student hain। baba kehte rehte hain - yaad ki yaatra par raho। baap hamko padhaakar yeh bana rahe hain। saara din yeh smriti aati rahe। baap hi smriti dilaate hain, yahi bhaarat tha na। ham so devi-devta the, so ab asur bane hain। pahle tumhaari bhi buddhi aasuri thi। ab baap ne eeshvareey buddhi di hai। parantu phir bhi koi-koi ki buddhi mein baithta nahin hai। bhool jaate hain। baap kitna nasha chadhaate hain। tum phir se devta bante ho to woh nasha rehna chaahiye na। ham apna raajya le rahe hain। ham apna raajya karenge, koi ko to bilkul nasha chadhta nahin hai। gyaan amrit hazam hi nahin hota hai। jinhen nasha chadha hua hoga, unhein kiska kalyaan karne ke sivaae doosri koi baat karna bhi achha nahin lagega। phool banaane ki service mein hi lage rahenge। ham pahle phool the phir maaya ne kaanta bana diya। ab phir phool bante hain। aisi-aisi baaten apne se karni chaahiye। is nashe mein rah tum kisko bhi samjhaayenge to jhat koi ko teer lagega। bhaarat garden oph allaah tha। ab patit ban gaya hai। ham hi saare vishwa ke maalik the, kitni badi baat hai! abhi phir ham kya ban gaye hain! kitna gir gaye! hamaare girne aur chadhne ka yeh naatak hai। yeh kahaani baap baith sunaate hain। woh hai jhoothi, yeh hai sachchi। woh satya naaraayan ki katha sunaate hain, samajhte thode hi hai ki ham kaise chadhe phir kaise gire hain। yeh baap ne sachchi satya naaraayan ki katha sunaai hai। raajaai kaise ganvaai, yeh saari hai apne oopar। aatma ko abhi maaloom pada hai ki ham kaise ab baap se raajaai le rahe hain। baap yahaan poochhte hain to kehte hain - haan, nasha hai phir baahar jaane se kuchh bhi nasha nahin rehta। bachche khud samajhte hain bhal haath to uthaate hain parantu chalan aisi hai jo nasha rah na sake। feeling to aati hai na।

baap bachchon ko smriti dilaate hain - bachche, tumko mainne raajaai di thi phir tumne ganva di। tum neeche utarte aaye ho kyonki yeh naatak hai chadhne aur utarne ka। aaj raaja hai, kal usko utaar dete hain। akhbaar mein bahut aisi-aisi baaten padti hain, jiska respond diya jaae to kuchh samjhen। yeh naatak hai, yeh yaad rahe to bhi sadaiv khushi rahe। buddhi mein hai na - aaj se 5 hazaar varsha pahle shiv-baba aaya tha, aakar raajayog sikhaaya tha। ladaai lagi thi। abhi yeh sab right baaten baap sunaate hain। yeh hai purushottam yug। kaliyug ke baad yeh purushottam yug aata hai। kaliyug ko purushottam yug nahin kahenge। satayug ko bhi nahin kahenge। aasuri sampradaay aur daivi sampradaay kehte hain, unke beech ka hai yeh sangamayug, jabki puraani duniya se nai duniya banti hai। nai se puraani hone mein saara chakra lag jaata hai। abhi hai sangamayug। satayug mein devi-devtaaon ka raajya tha। ab woh hai nahin। baaki anek dharma aa gaye hain। yeh tumhaari buddhi mein rehta hai। bahut hain jo 6-8 maas, 12 maas padhkar phir gir padte hain। fail ho padte hain। bhal pavitra bante hain parantu padhaai nahin karte to phans padte hain। sirf pavitrata bhi kaam nahin aati। aise bahut sanyaasi bhi hain, woh sanyaas dharma chhod jaae grihasthi ban jaate hain, shaadi aadi kar lete hain। to ab baap bachchon ko samjhaate hain - tum school mein baithe ho। yeh smriti mein hai hamne apni raajaai kaise ganvaai, kitne janma liye। ab phir baap kehte hain vishwa ke maalik bano। paavan zaroor banna hai। jitna jaasti yaad karenge utna pavitra hote jaayenge kyonki sone mein khaad padti hai, woh nikle kaise? tum bachchon ki buddhi mein hai ham aatma satopradhaan thi, 24 carat thi phir girte-girte aisi haalat ho gai hai। ham kya ban gaye! baap to aise nahin kehte ki ham kya the। tum manushya hi kehte ho ham devta the। bhaarat ki mahima to hai na। bhaarat mein kaun aate hain, kya gyaan dete hain, yeh koi nahin jaante। yeh to pata hona chaahiye na ki liberator kab aate hain। bhaarat praacheen gaaya jaata hai to zaroor bhaarat mein hi reincarnation hota hoga athva jayanti bhi bhaarat mein hi manaate hain। zaroor father yahaan aata hai। kehte bhi hain bhaageerath। to manushya shareer mein aaya hoga na। phir ghode gaadi bhi dikhaai hai। kitna farka hai। shri krishna aur rath dikhaaya hai। mera kisko pata nahin hai। abhi tum samajhte ho baba is rath par aate hain, inko hi bhaagyashaali rath kaha jaata hai। brahma so vishnu, chitra mein kitna clear hai। trimoorti ke oopar shiv, yeh shiv ka parichay kisne diya। baba ne hi banvaaya na। abhi tum samajhte ho baba is brahma rath mein aaye hain। brahma so vishnu, vishnu so brahma। yeh bhi bachchon ko samjhaaya hai, kahaan 84 janma ke baad vishnu so brahma bante, kahaan brahma so vishnu ek second mein। wonderful baaten hai na buddhi mein dhaaran karne ki। pahle-pahle samjhaana hota hai baap ka parichay। bhaarat svarga tha zaroor। heavenly god father ne svarga banaaya hoga। yeh chitra to bada first class hai, samjhaane ka shauk rehta hai na। baap ko bhi shauk hai। tum centres par bhi aise samjhaate rehte ho। yahaan to direct baap hai। baap aatmaon ko baith samjhaate hain। aatmaon ke samjhaane aur baap ke samjhaane mein farka to zaroor rehta hai isliye yahaan sammukh aate hain sunne liye। baap hi ghadi-ghadi bachche-bachche kehte hain। bhaai-bhaai ka itna asar nahin rehta jitna baap ka rehta hai। yahaan tum baap ke sammukh baithe ho। aatmaayen aur paramatma milte hain to isko mela kaha jaata hai। baap sammukh baith samjhaate hain to bahut nasha chadhta hai। samajhte hain behad ka baap kehte hain, ham unka nahin maanenge! baap kehte hain hamne tumko svarga mein bheja tha phir tum 84 janma lete-lete patit bane ho। phir tum paavan nahin banenge! aatmaon ko kehte hain। koi samajhte hain, baba sach kehte hain, koi to jhat kehte baba ham pavitra kyon nahin banenge!

baap kehte hain mujhe yaad karo to tumhaare paap kat jaayenge। tum sachcha sona ban jaayenge। main sabhi ka patit-paavan baap hoon to baap ki samjhaani aur aatmaon ki (bachchon ki) samjhaani mein kitna farka hai। samjho koi naye aa jaate hain, unmein bhi jo yahaan ka phool hoga to unko touch hoga। yeh kehte theek hain। jo yahaan ka nahin hoga to samjhega nahin। to tum bhi samjhaao ham aatmaon ko baap kehte hain tum paavan bano। manushya paavan banne ke liye ganga snaan karte hain, guru karte hain। parantu patit-paavan to baap hi hai। baap aatmaon ko kehte hain ki tum kitne patit ban gaye ho isliye aatma yaad karti hai ki aakar paavan banaao। baap kehte hain main kalpa-kalpa aata hoon, tum bachchon ko kehta hoon yeh antim janma pavitra bano। yeh raavan raajya khatma hona hai। mukhya baat hai hi paavan banne ki। svarga mein vish hota nahin। jab koi aate hain to unko yeh samjhaao ki baap kehte hain - apne ko aatma samajh mujh baap ko yaad karo to paavan ban jaayenge, khaad nikal jaayegi। manamnaabhav akshar yaad hai na। baap niraakaar hai ham aatma bhi niraakaar hain। jaise ham shareer dvaara sunte hain, baap bhi is shareer mein aakar samjhaate hain। nahin to kaise kahen ki maamekam yaad karo। deh ke sabhi sambandh chhodo। zaroor yahaan aate hain, brahma mein pravesh karte hain। prajaapita ab practical mein hai, in dvaara hamko baap aise kehte hain, ham behad ke baap ki hi maante hain। woh kehte paavan bano। patitapna chhodo। puraani deh ke abhimaan ko chhodo। mujhe yaad karo to ant mati so gati ho jaayegi, tum lakshmi-naaraayan ban jaayenge।

baap se bemukh karne vaala mukhya avgun hai - ek doosre ka parchintan karna। evil baaten sunna aur sunaana। baap ka direction hai tumhein evil baaten sunni nahin hai। inki baat unko, unki baat inko sunaana yeh dhooteepna tum bachchon mein nahin hona chaahiye। is samay duniya mein sabhi vipreet buddhi hain na। sivaae raam ke doosri koi baat sunaana, usko dhooteepna kaha jaata hai। ab baap kehte hain - yeh dhooteepna chhodo। tum sabhi aatmaon ko bataao ki he seetaayen tum ek raam se yog lagaao। tum ho messenger, yeh message do ki baap ne kaha hai mujhe yaad karo, bas। is baat ke sivaae baaki sab hai dhooteepna। baap sab bachchon ko kehte hain - dhooteepna chhod do। sabhi seetaaon ka ek raam se yog judvaao। tumhaara dhandha hi yeh hai। bas, yeh paigaam dete raho। baap aaya hua hai, kehte hain tumko golden ej mein jaana hai। ab is iron ej ko chhodna hai। tumko vanvaas mila hua hai, jangal mein baithe ho na। one jangal ko kaha jaata hai। kanya ki jab shaadi hoti hai to one mein baithti hai phir mahal mein jaati hai। tum bhi jangal mein baithe ho। ab sasur ghar jaana hai, is puraani deh ko chhodna hai। ek baap ko yaad karo। jinki vinaash kaale preet buddhi hai woh to mahal mein jaayenge, baaki vipreet ka hai vanvaas। jangal mein vaas hai। baap tum bachchon ko bhinna-bhinna reeti se samjhaate hain। jis baap se itni behad ki baadshaahi li hai, unko bhool gaye ho to vanvaas mein chale gaye ho। vanvaas aur garden vaas। baap ka naam hi hai baagvaan। parantu jab koi ki buddhi mein aaye। bhaarat mein hi hamaara raajya tha। abhi nahin hai। abhi to vanvaas hai। phir garden mein chalte hain। tum yahaan baithe ho to bhi buddhi mein hai - ham behad ke baap se apna raajya le rahe hain। baap kehte hain mere saath preet rakho phir bhi bhool jaate hain। baap ulhana dete hain - tum mujh baap ko kahaan tak bhoolte rahenge। phir golden ej mein kaise jaayenge। apne se poochho ham kitna samay baba ko yaad karte hain? ham jaise ki yaad ki agni mein pade hain, jisse vikarma vinaash hote hain। ek baap se preet buddhi hona hai। sabse first class maashook hai jo tumko bhi first class banaate hain। kahaan third class mein bakriyon misal travel karna, kahaan air-condition mein। kitna farka hai। yeh sab vichaar saagar manthan karna hai to tumko maja aayega। yeh baba bhi kehte hain main bhi baba ko yaad karne liye bahut maatha maarta hoon। saara din khyaalaat chalti rehti hain। tum bachchon ko bhi yahi mehnat karni hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi ko bhi ek raam (baap) ki baaton ke sivaae doosri koi bhi baaten nahin sunaani hai। ek ki baat doosre ko sunaana, parchintan karna yeh dhooteepna hai, ise chhod dena hai।

2) ek baap ke saath preet rakhni hai। puraani deh ka abhimaan chhod ek baap ki yaad se svayan ko paavan banaana hai।

vardaan:- samaane ki shakti dvaara wrong ko bhi right banaane vaale vishwa parivartak bhav

doosre ki galti ko dekhkar svayan galti nahin karo। agar koi galti karta hai to ham right mein rahen, uske sang ke prabhaav mein na aayen, jo prabhaav mein aa jaate hain woh albele ho jaate hain। har ek sirf yeh jimmevaari utha lo ki main right ke maarga par hi rahoonga, agar doosra wrong karta hai to us samay samaane ki shakti use karo। kisi ki galti ko note karne ke bajaae usko sahayog ka note do arthaat sahayog se bharpoor kar do to vishwa parivartan ka kaarya sahaj hi ho jaayega।

slogan:- nirantar yogi banna hai to had ke main aur merepan ko behad mein parivartan karo।

avyakt ishaare - roohaani royalty aur purity ki personality dhaaran karo

vartamaan samay ke pramaan pharishte-pan ki sampanna stage ke va baap samaan stage ke sameep aa rahe ho, usi pramaan pavitrata ki paribhaasha bhi ati sookshm hoti jaati hai। sirf brahmachaari banna hi pavitrata nahin lekin brahmachaari ke saath brahma baap ke har karma roopi kadam par kadam rakhne vaale brahmaachaari bano।