Murli du jour du lundi 9 juin 2025

09-06-2025 praatahmurli om shanti "baapdaada"' madhuban

“meethe bachche - tum saare vishwa par shanti ka raajya sthaapan karne vaale baap ke madadgaar ho, abhi tumhaare saamne sukh-shanti ki duniya hai''

prashn:- baap bachchon ko kislie padhaate hain, padhaai ka saar kya hai?

uttar:- baap apne bachchon ko svarga ka prince, vishwa ka maalik banaane ke liye padhaate hain, baap kehte hain bachche padhaai ka saar hai duniya ki sab baaton ko chhod do, aise kabhi nahin samjho hamaare paas karod hain, laakh hain। kuchh bhi haath mein nahin aayega isliye achhi reeti purushaartha karo, padhaai par dhyaan do।

geet:- aakhir woh din aaya aaj…

om shanti। bachchon ne geet suna - aakhir vishwa par shanti ka samay aaya। sab kehte hain vishwa mein kaise shanti ho phir jo theek raay dete hain unhon ko inaam dete hain। nehru bhi raay dete the, shanti to hui nahin। sirf raay dekar gaye। abhi tum bachchon ki buddhi mein hai ki koi samay saare vishwa bhar mein sukh, shanti, sampatti aadi thi। woh abhi nahin hai। ab phir hone vaali hai। chakra to phirega na। yeh tum sangamayugi braahmanon ki buddhi mein hai। tum jaante ho bhaarat phir sone ka banna hai। bhaarat ko hi golden sparrow (sone ki chidiya) kaha jaata hai। bhal mahima to karte hain parantu sirf kahne maatra। tum to abhi practical mein purushaartha kar rahe ho। jaante ho baaki thode roj hain to yeh sab narka ke duhkh ki baaten bhool jaati hain। tumhaari buddhi mein ab sukh ki duniya saamne khadi hai। jaise aage vilaayat se aate the to samajhte the abhi baaki thoda samay hai pahunchne mein kyonki aage vilaayat se aane mein bahut time lagta tha। abhi to aeroplane mein jaldi pahunch jaate hain। abhi tum bachchon ki buddhi mein hai ki ab hamaare sukh ke din aane hain, jiske liye purushaartha kar rahe hain। baba ne purushaartha bhi bahut sahaj bataaya hai। drama anusaar kalpa pahle muaaphik, yeh certain hai। tum devta the, devtaaon ke kitne dher ke dher mandir ban rahe hain। bachche jaante hain yeh mandir aadi banaakar kya karenge! baaki din kitne hain! tum bachche knowledge ki authority ho। kaha bhi jaata hai parampita paramatma sarvashaktimaan almighty authority hai। tum gyaan ki authority ho। woh hai bhakti ki authority। baap ko kaha jaata hai almighty authority। tum bachche nambarvaar purushaartha anusaar ban rahe ho। tumko srishti ke aadi-madhya-ant ka gyaan hai। jaante ho ham purushaartha kar rahe hain baap se varsa paane ka। jo bhakti ki authority hain vo sabko bhakti hi sunaate hain। tum gyaan ki authority ho to gyaan hi sunaate ho। satayug mein bhakti hoti hi nahin। pujaari ek bhi hota nahin, poojya hi poojya hain। aadhaakalpa hain poojya, aadhaakalpa hain pujaari। bhaaratvaasiyon ke liye hi hai poojya the to svarga tha। abhi bhaarat pujaari narka hai। tum bachche ab practical life bana rahe ho। nambarvaar purushaartha anusaar sabko samjhaate rehte ho aur vriddhi ko paate rehte ho। drama mein pahle se hi noondh hai। drama tumko purushaartha karaate rehte hain, tum karte rehte ho। jaante ho drama mein hamaara avinaashi part hai, duniya in baaton ko kya jaanen। hamaara hi drama mein part hai। jo kahega vahi samjhega na ki kaise hamaara is drama mein part hai। yeh srishti chakra phirta hi rehta hai। yeh world ki history-geography tumhaare sivaae aur koi ko maaloom nahin hai। oonch te oonch kaun hai, duniya mein koi nahin jaante hain। rishi-muni aadi bhi kehte the - ham nahin jaante। neti-neti kehte the na। abhi tum bachche to jaante ho woh rachta baap hai aur hamko padha rahe hain। yeh bhi baba ne baar-baar samjhaaya hai ki yahaan jab baithte ho to dehi-abhimaani hokar baitho। ek baap hi raajayog sikhaate hain aur world ki history-geography samjhaate hain। baap kehte hain main koi thought reader nahin hoon, itni badi duniya hai, inko kya baith read karenge। baap to khud kehte hain main drama ki noondh anusaar aata hoon tumhein paavan banaane। drama mein mera jo part hai vahi bajaane aata hoon। baaki main koi thought read nahin karta hoon, batlaata hoon mera kya part hai aur tum kya part baja rahe ho। tum yeh knowledge seekhkar doosron ko sikhla rahe ho। mera part hi hai patiton ko paavan banaana। yeh bhi tum bachche jaante ho, tum tithi taareekh aadi sab jaante ho। duniya mein koi thode hi jaante hain। tumko baap sikhla rahe hain phir jab yeh chakra poora karenge tab phir baba aayenge। us samay jo scene chali woh phir kalpa baad chalegi। ek second na mile doosre se। yeh naatak phirta rehta hai। tum bachchon ko behad ke naatak ka pata hai। phir bhi tum ghadi-ghadi bhool jaate ho। baba kehte hain tum sirf yaad karo, hamaara baba, baba hai, vahi teacher hai, guru hai। tumhaari buddhi us taraph chali jaani chaahiye। aatma khush hoti hai baap ki mahima sunkar। sab kehte hain hamaara baba, baba hai, teacher hai, woh sachcha hi sachcha hai। padhaai bhi sachchi aur poori hai। un manushyon ki padhaai adhoori hai। to tum bachchon ki buddhi mein kitni khushi honi chaahiye। bada imtahaan paas karne vaalon ki buddhi mein jaasti khushi rehti hai। tum kitna oonch padhte ho to kitni kaapaari khushi honi chaahiye। bhagwan baba, behad ka baap hamko padha rahe hain। tumhaare romaanch khade ho jaane chaahiye। vahi episode repeat ho raha hai, sivaae tumhaare kisko pata nahin hai। kalpa ki aayu hi badha di hai। tumhaari buddhi mein ab 5 hazaar varsha ki saari stori chakra khaati rehti hai, jisko hi svadarshan chakra kaha jaata hai।

bachche kehte hain baba toofaan bahut aate hain, ham bhool jaate hain। baba kehte hain tum kisko bhool jaate ho? baap jo tumko double sirtaaj vishwa ka maalik banaate hain unko tum kaise bhoolte ho! doosre kisko nahin bhoolte ho। stri, baal-bachche, chaacha, maama, mitra-sambandhi aadi sab yaad hain। baaki is baat ko tum bhoolte kyon ho। tumhaari yuddha is yaad mein hai, jitna ho sake yaad karna hai। bachchon ko apni unnati ke liye savere-savere uth baap ki yaad mein sair karni hai। tum chhaton par va baahar thandi hava mein chale jaao। yahaan hi aakar baithna koi zaroori nahin hai। baahar bhi ja sakte ho, savere ke time koi dar aadi ki baat nahin rehti hai। baahar mein jaakar paidal karo। aapas mein yahi baaten karte raho, dekhen kaun baba ko jaasti yaad karte hain, phir bataana chaahiye kitna samay hamne yaad kiya। baaki samay hamaari buddhi kahaan-kahaan gai। isko kaha jaata hai - ek-do mein unnati ko paana। note karo kitna samay baap ko yaad kiya। baba ki jo practice hai woh batlaate hain। yaad mein tum ek ghanta paidal karo to bhi taange thakengi nahin। yaad se tumhaare kitne paap kat jaayenge। chakra ko to tum jaante ho, raat-din tumko ab yahi buddhi mein hai ki ham abhi ghar jaate hain। purushaartha karte ho, kaliyugi manushyon ko zara bhi pata nahin hai - mukti ke liye kitni bhakti karte rehte hain। anek maten hain। tum braahmanon ki hai hi ek mat, jo brahman bante hain, un sabki hai shreemat। tum baap ki shreemat se devta bante ho। devtaaon ki koi shreemat nahin hai। shreemat abhi hi tum braahmanon ko milti hai। bhagwan hai hi niraakaar। jo tumko raajayog sikhlaate hain, jisse tum apna raajya-bhaagya le kitna oonch vishwa ka maalik bante ho। bhakti maarga ke ved-shaastra aadi kitne dher ke dher hain। parantu kaam ki sirf ek geeta hi hai। bhagwan aakar raajayog sikhlaate hain। unko hi geeta kaha jaata hai। abhi tum baap se padhte ho, jisse svarga ka raajya paate ho। jisne padha usne liya। drama mein part hai na। gyaan sunaane vaala gyaan saagar ek hi baap hai। woh drama plan anusaar kaliyug ke ant satayug ke aadi ke sangam par hi aate hain। koi bhi baat mein moonjho nahin। baap ismen aakar padhaate hain aur koi bhi padha na sake। yeh (daada) bhi aage koi se padha hua hota to aur bhi bahut unse padhe hue hote। baap to kehte hain in gurooon aadi sabka uddhaar karne main aata hoon। abhi tum bachchon ki em object saamne khadi hai। ham yeh bante hain, yeh hai hi nar se naaraayan banne ki satya katha। inki phir bhakti maarga mein mahima chalti hai। bhakti maarga ki rasam chalti aati hai। abhi yeh raavan raajya poora hona hai। tum abhi dashahra aadi mein thode hi jaayenge। tum to samjhaayenge yeh kya karte hain। yeh to babies ka kaam hai। bade-bade aadmi dekhne jaate hain। raavan ko kaise jalaate hain, yeh hai kaun, koi bata na sake। raavanraajya hai na। dashahre aadi mein kitni khushi manaate hain, jismen raavan ko jalaate aate hain। duhkh bhi chala aata hai, kuchh bhi samajh nahin hai। abhi tum samajhte ho ham kitne besmajh the। raavan besmajh bana dete hain। abhi tum kehte ho baba ham lakshmi-naaraayan zaroor banenge। ham koi kam purushaartha thode hi karenge। yeh ek hi school hai, padhaai bahut sahaj hai। budhi budhi maataayen aur kuchh nahin yaad kar sakti to sirf baap ko yaad karen। mukh se he raam to kehte hain na। baba yeh bahut sahaj bataate hain tum aatma ho, paramatma baap ko yaad karo to tumhaara beda paar ho jaayega। kahaan chale jaayenge? shantidham-sukhdhaam। aur sab kuchh bhool jaao। jo kuchh suna hai, padha hai woh sab bhool kar apne ko aatma samajh baap ko yaad karo to baap se varsa zaroor milega। baap ki yaad se hi paap kat jaate hain। kitna sahaj hai। kehte bhi hain bhrakuti ke beech chamakta hai sitaara। to zaroor itni chhoti aatma hogi na। doctor log bahut koshish karte hain, aatma ko dekhne ki। parantu woh bahut sookshm hai। hath aadi se koi dekh na sake। baap bhi aise hi bindi hai। kehte hain - jaise tum saadhaaran ho, ham bhi saadhaaran ban tumko padhaata hoon। kisko kya pata ki inhon ko bhagwan kaise padhaate honge। shreekrishna padhaate to saare America, jaapaan aadi sab taraph se aa jaaen। unmein itni kashish hai। shreekrishna ke saath pyaar to sabka hai na। abhi to tum bachche jaante ho ham so ban rahe hain। shreekrishna hai prince, unhein god mein lena chaahte hain to purushaartha karna pade, koi badi baat nahin hai। baap apne bachchon ko svarga ka prince, vishwa ka maalik banaane ke liye padhaate hain।

baap kehte hain - bachche, padhaai ka saar hai - duniya ki sab baaton ko chhod do। aise kabhi nahin samjho ki hamaare paas karod hain, laakh hain। kuchh bhi haath mein nahin aayega isliye achhi reeti purushaartha karo। baap ke paas aate hain to baap ulhana dete hain, 8 maas se aate ho aur baap jinse svarga ki baadshaahi milti hai unse itna samay mile bhi nahin। kehte baba phalaana kaam tha। are, tum mar jaate phir yahaan kaise aate! yeh bahaane thode hi chal sakenge। baap raajayog sikha rahe hain aur tum seekhte nahin, jisne bahut bhakti ki hogi unko 7 roz to kya ek second mein bhi teer lag jaae। second mein vishwa ka maalik ban sakte hain। yeh khud anubhvi baitha hai, vinaash dekha, chaturbhuj roop dekha, bas samajhne laga oho, ham vishwa ke maalik bante hain। saakshaatkaar hua, umang aaya aur sab kuchh chhod diya। yahaan tum bachchon ko maaloom pada baap aaye hain, vishwa ki baadshaahi dene। baap poochhte hain nishchay kab hua? to kehte hain 8 maas। baba ne samjhaaya hai mool baat hai yaad aur gyaan। baaki to deedaar koi kaam ka nahin। baap ko pahchaan liya to phir padhna shuru karo to tum bhi yeh ban jaayenge। points milti hain jo koi ko bhi samjha sakte ho। bahut mithaas se samjhaao। shivbaaba jo patit-paavan hai, kehte hain mujhe yaad karo to paavan ban paavan duniya ka maalik ban jaayenge। yukti se samjhaana hai। tum chaahte ho na - god father liberate kar sweet hom vaapis le jaae। achha, ab tumhaare oopar jo kat (junk) chadhi hui hai uske liye baap kehte hain mujhe yaad karo। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) savere-savere uth paidal karte baap ko yaad karo, aapas mein yahi meethi roohrihaan karo ki dekhen kaun kitna samay baba ko yaad karta hai, phir apna anubhav sunaao।

2) baap ko pahchaan liya to phir koi bahaana nahin dena hai, padhaai mein lag jaana hai, murli kabhi miss nahin karni hai।

vardaan:- sarva ke gun dekhte hue svayan mein baap ke gunon ko dhaaran karne vaale gunmoorta bhav

sangamayug par jo bachche gunon ki maala dhaaran karte hain vahi vijay maala mein aate hain isliye holeehans ban sarva ke gunon ko dekho aur ek baap ke gunon ko svayan mein dhaaran karo, yeh gunmaala sabhi ke gale mein padi hui ho। jo jitne baap ke gun svayan mein dhaaran karte hain unke gale mein utni badi maala padti hai। gunmaala ko simran karne se svayan bhi gunmoorta ban jaate hain। isi ki yaadgaar mein devtaaon aur shaktiyon ke gale mein maala dikhaate hain।

slogan:- saaksheepan ki sthiti hi yathaartha nirnay ka takhta hai।

avyakt ishaare- aatmik sthiti mein rahne ka abhyaas karo, antarmukhi bano

antarmukhi hokar kaarya karne se vighnon se, vyartha sankalpon se bach jaayenge aur samay bhi bahut bach jaayega। jo antarmukhi rehte hain unmein smriti ki samarthi bhi aati hai aur aatma roopi netra powerful banta jaata hai jisse yadi koi bhi vighna aane vaala hoga to yeh mahsoosta aayegi ki aaj koi paper hone vaala hai aur jitna pahle se maaloom padta jaayega to hoshiyaar hone ke kaaran saphalta pa lenge।