Murli du jour du jeudi 17 juillet 2025

17-07-2025 praat:murleeom shanti"baapdaada"' madhuban

“meethe bachche - oonch banna hai to apna potaamel roz dekho, koi bhi karmendriy dhokha na de, aankhen bahut dhokhebaaj hain inse sambhaal karo''

prashnah- sabse buri aadat kaun-si hai, unse bachne ka upaay kya hai?

uttar:- sabse buri aadat hai - jabaan ka svaad। koi achhi cheez dekhi to chhipaakar kha lenge। chhipaana arthaat chori। chori roopi maaya bhi bahuton ko naak kaan se pakad leti hai। isse bachne ka saadhan jab bhi kahaan buddhi jaae to khud hi khud ko saza do। buri aadton ko nikaalne ke liye apne aapko khoob phatkaar lagaao।

om shanti। aatma-abhimaani hokar baithe ho? har ek baat apne aapse poochhni hoti hai। ham aatma-abhimaani ho baithe hain aur baap ko yaad kar rahe hain? gaaya hua bhi hai shiv shakti paandav sena। yeh shivbaaba ki sena baithi hai na। us jismaani sena mein sirf javaan hote hain, boodhe va bachche aadi nahin। is sena mein to boodhe, bachche, javaan aadi sab baithe hain। yeh hai maaya par jeet paane ke liye sena। har ek ko maaya par jeet paakar baap se behad ka varsa lena hai। bachche jaante hain maaya badi prabal hai। karmendriyaan hi sabse jaasti dhokha deti hain। chart mein yeh bhi likho ki aaj kaun-si karmendriy ne dhokha diya? aaj phalaani ko dekha to dil hui inko haath lagaayen, yeh karen। aankhen bahut nuksaan karti hain। har ek karmendriy dekho, kaun-si karmendriy bahut nuksaan karti hai? soordaas ka bhi is par misaal dete hain। apni jaanch rakhni chaahiye। aankhen bahut dhokha dene vaali hain। achhe-achhe bachchon ko bhi maaya dhokha de deti hai। bhal service achhi karte hain parantu aankhen dhokha deti hain। is par badi jaanch rakhni hoti hai kyonki dushman hai na। hamaare pad ko bhrashta kar deti hai। jo sensible bachche hain, unhon ko achhi reeti note karna chaahiye। diary pocket mein padi ho। jaise bhakti maarga mein buddhi aur taraph bhaagti hai to apne ko chutki kaatte hain। tumko bhi saza deni chaahiye। badi khabardaari rakhni chaahiye। karmendriyaan dhokha to nahin deti! kinaara kar lena chaahiye। khada hokar dekhna bhi nahin chaahiye। stri-purush ka hi bahut hangaama hai। dekhne se kaam vikaar ki drishti jaati hai isliye sanyaasi log aankhen banda karke baithte hain। koi-koi sanyaasi to stri ko peeth dekar baithte hain। un sanyaasiyon aadi ko kya milta hai? karke 10-20 laakh, karod ikattha karenge। mar gaye to khalaas। phir doosre janma mein ikattha karna pade। tum bachchon ko to jo kuchh milta hai woh avinaashi varsa ho jaata hai। vahaan dhan ki laalach hoti hi nahin। aisi koi apraapti hoti nahin, jiske liye maatha maarna pade। kaliyug ant aur satayug aadi mein raat-din ka farka hai। vahaan to apaar sukh hota hai। yahaan kuchh bhi nahin। baba hamesha kehte hain - sangam akshar ke saath purushottam akshar zaroor likho। saaph-saaph akshar bolne chaahiye। samjhaane mein sahaj hota hai। manushya se devta kiye... to zaroor sangam par hi aayega na devta banaane, narkavaasi ko svargavaasi banaane। manushya to ghor andhiyaare mein hain। svarga kya hota hai, pata hi nahin। aur dharma vaale to svarga ko dekh bhi nahin sakte isliye baba kehte hain tumhaara dharma bahut sukh dene vaala hai। unko kehte hi hain heaven। parantu yeh thode hi samajhte hain ki ham bhi heaven mein ja sakte hain। kisko bhi pata nahin hai। bhaaratvaasi yeh bhool gaye hain। heaven ko laakhon varsha kah dete hain। Christian log khud kehte hain 3 hazaar varsha pahle heaven tha। lakshmi-naaraayan ko kehte hi hain god-goddess। zaroor god hi god-goddess banaayenge। to mehnat karni chaahiye। roz apna potaamel dekhna chaahiye। kaunsi karmendriy ne dhokha diya? jabaan bhi koi kam nahin। koi achhi cheez dekhi to chhipaakar kha lenge। samajhte thode hi hain ki yeh bhi paap hain। chori hui na। so bhi shivbaaba ke yagya se chori karna bahut kharaab hai। kakh ka chor so lakh ka chor kaha jaata hai। bahuton ko maaya naak se pakadti rehti hai। yeh sab buri aadten nikaalni hain। apne par phatkaar daalni chaahiye। jab tak buri aadten hain tab tak oonch pad pa nahin sakenge। svarga mein jaana to badi baat nahin hai। parantu kahaan raaja-raani kahaan praja! to baap kehte hain karmendriyon ki badi jaanch karni chaahiye। kaun-si karmendriy dhokha deti hai? potaamel nikaalna chaahiye। vyaapaar hai na। baap samjhaate hain mere se vyaapaar karna hai, oonch pad paana hai to shreemat par chalo। baap direction denge, usmein bhi maaya vighna daalegi। karne nahin degi। baap kehte hain yeh bhoolo mat। gaphlat karne se phir bahut pachhtaayenge। kabhi oonch pad nahin paayenge। abhi to khushi se kehte hain ham nar se naaraayan banenge parantu apne se poochhte raho - kahaan karmendriyaan dhokha to nahin deti hain?

apni unnati karni hai to baap jo direction dete hain use amal mein laao। saare din ka potaamel dekho। bhoolen to bahut hoti rehti hain। aankhen bada dhokha deti hain। taras padega - inko khilaaoon, saugaat doon। apna bahut time vesta kar lete hain। maala ka daana banne mein badi mehnat hai। 8 ratna hain mukhya। 9 ratna kehte hain। ek to baba, baaki hain 8, baba ki nishaani to chaahiye na beech mein, koi grahchaari aadi aati hai to 9 ratna ki angoothi aadi pahnaate hain। itne dher purushaartha karne vaalon se 8 nikalte hain - paas with honours। 8 ratnon ki bahut mahima hai। deh-abhimaan mein aane se karmendriyaan bahut dhokha deti hain। bhakti mein bhi chinta rehti hai na, sir par paap bahut hain - daan-punya karen to paap mit jaaen। satayug mein koi chinta ki baat nahin kyonki vahaan raavanraajya hi nahin। vahaan bhi aisi baaten ho phir to narka aur svarga mein kuchh farka hi na rahe। tumko itna oonch pad paane ke liye bhagwan baith padhaate hain। baba yaad nahin padta hai, achha padhaane vaala teacher to yaad pade। achha bhala yeh yaad karo ki hamaara ek hi baba satguru hai। manushyon ne aasuri mat par baap ka kitna tiraskaar kiya hai। baap ab sab par upkaar karte hain। tum bachchon ko bhi upkaar karna chaahiye। kisi par bhi apkaar nahin, kudrishti bhi nahin। apna hi nuksaan karte hain। woh vibration phir doosron par bhi asar karta hai। baap kehte hain bahut badi manzil hai। roz apna potaamel dekho - koi vikarma to nahin banaaya? yeh hai hi vikarmi duniya, vikarmi sanvat। vikarmaajeet devtaaon ke sanvat ka koi ko pata nahin। baap samjhaate hain, vikarmaajeet sanvat ko 5 hazaar varsha hue phir baad mein vikarma sanvat shuru hota hai। raajaayen bhi vikarma hi karte rehte hain, tab baap kehte hain karma-akarma-vikarma ki gati main tumko samjhaata hoon। raavan raajya mein tumhaare karma vikarma ban jaate hain। satayug mein karma akarma hote hain। vikarma banta nahin। vahaan vikaar ka naam hi nahin। yeh gyaan ka teesra netra abhi tumko mila hai। abhi tum bachche baap ke dvaara trinetri-trikaaldarshi bane ho। manushya koi bana na sake। tumko banaane vaala hai baap। pahle jab aastik ho tab trinetri-trikaaldarshi banen। saara drama ka raaz buddhi mein hai। mool vatan, sookshm vatan, 84 ka chakra sab buddhi mein hai। phir peechhe aur dharma aate hain। vriddhi ko paate rehte hain। un dharma sthaapkon ko guru nahin kahenge। sarva ki sadgati karne vaala satguru ek hi hai। baaki woh koi sadgati karne thode hi aate hain। woh dharma sthaapak hain। Christ ko yaad karne se sadgati thode hi hogi। vikarma vinaash thode hi honge। kuchh bhi nahin। un sabko bhakti ki line mein kaha jaayega। gyaan ki line mein sirf tum ho। tum pande ho। sabko shantidham, sukhdhaam ka raasta bataate ho। baap bhi liberator, guide hai। us baap ko yaad karne se hi vikarma vinaash honge।

abhi tum bachche apne vikarma vinaash karne ka purushaartha kar rahe ho to tumhein dhyaan rakhna hai ki ek taraph purushaartha, doosre taraph vikarma na hota rahe। purushaartha ke saath-saath vikarma bhi kiya to sauguna ho jaayega। jitna ho sake utna vikarma na karo। nahin to addition bhi hogi। naam bhi badnaam karenge। jabki jaante ho bhagwan hamko padhaate hain to phir koi vikarma nahin karna chaahiye। chhoti chori ya badi chori, paap to ho jaata hai na। yeh aankhen bada dhokha deti hain। baap bachchon ki chalan se samajh jaate hain, kabhi khyaal bhi na aaye ki yeh hamaari stri hai, ham brahmaakumaar-kumaari hain, shivbaaba ke potre hain। hamne baba se pratigya ki hai, raakhi baandhi hai, phir aankhen kyon dhokha deti hain? yaad ke bal se koi bhi karmendriyon ke dhokhe se chhoot sakte ho। badi mehnat chaahiye। baap ke direction par amal kar chart likho। stri-purush bhi aapas mein yahi baaten karo - ham to baba se poora varsa lenge, teacher se poora padhenge। aisa teacher kabhi mil na sake, jo behad ki knowledge de। lakshmi-naaraayan hi nahin jaante to unke pichhaadi aane vaale kaise jaan sakte hain। baap kehte hain yeh srishti ke aadi-madhya-ant ka gyaan sirf tum jaante ho sangam par। baba bahut samjhaate hain - yeh karo, aise karo। phir yahaan se uthe to khalaas। yeh nahin samajhte ki shivbaaba hamko kehte hain। hamesha samjho shivbaaba kehte hain, inka photo bhi nahin rakho। yeh rath to loan liya hai। yeh bhi purushaarthi hai, yeh bhi kehte hain main baba se varsa le raha hoon। tumhaare sadrishya yeh bhi student life mein hai। aage chal tumhaari mahima hogi। abhi to tum poojya devta banne ke liye padhte ho। phir satayug mein tum devta banenge। yeh sab baaten sivaae baap ke koi samjha na sake। takdeer mein nahin hai to sanshay uthta hai - shivbaaba kaise aakar padhaayenge! main nahin maanta। maante nahin to phir shivbaaba ko yaad bhi kaise karenge। vikarma vinaash ho nahin sakenge। yeh saari nambarvaar raajdhaani sthaapan ho rahi hai। daas-daasiyaan bhi to chaahiye na। raajaaon ko daasiyaan bhi dahej mein milti hain। yahaan hi itni daasiyaan rakhte hain to satayug mein kitni hongi। aisa thode hi dheela purushaartha karna chaahiye jo daas-daasi jaakar banen। baba se poochh sakte ho - baba abhi mar jaayen to kya pad milega? baba jhat bata denge। apna potaamel aapehi dekho। ant mein nambarvaar karmaateet avastha ho jaani hai। yeh hai sachchi kamaai। us kamaai mein raat-din kitna busy rehte hain। satte vaale jo hote hain woh ek haath se khaana khaate hain, doosre haath se phone par kaarobaar chalaate rehte hain। ab bataao aise aadmi gyaan mein chal sakenge? kehte hain hamko phursat kahaan। are, sachchi raajaai milti hai। baap ko sirf yaad karo to vikarma vinaash honge। ashta devta aadi ko bhi yaad karte hain na। unki yaad se to kuchh bhi milta nahin। baba baar-baar har ek baat par samjhaate rehte hain। jo phir aise koi na kahe ki phalaani baat par to samjhaaya nahin। tum bachchon ko paigaam bhi sabko dena hai। aeroplane se bhi parche giraane liye koshish karni chaahiye। usmein likho shivbaaba aise kehte hain। brahma bhi shivbaaba ka bachcha hai। prajaapita hai to woh bhi baap, yeh bhi baap। shivbaaba kahne se bhi bahut bachchon ko prem ke aansu aa jaate hain। kabhi dekha bhi nahin hai। likhte hain baba kab aakar aapse milenge, baba bandhan se chhudaao। bahuton ko baba ka, phir prince ka bhi saakshaatkaar hota hai। aage chal bahuton ko saakshaatkaar honge phir bhi purushaartha to karna pade। manushya ko marne samay bhi kehte hain bhagwan ko yaad karo। tum bhi dekhenge pichhaadi mein khoob purushaartha karenge। yaad karne lagenge।

baap raay dete hain - bachche, jo samay mile usmein purushaartha kar make up kar lo। baap ki yaad mein rah vikarma vinaash karo to peechhe aate bhi aage ja sakte ho। jaise train let hoti hai to make up kar lete hain na। tumko bhi yahaan samay milta hai to make up kar lo। yahaan aakar kamaai karne lag jaao। baba raay bhi dete hain - aise-aise karo, apna kalyaan karo। baap ki shreemat par chalo। aeroplane se parche giraao, jo manushya samjhen ki yeh to barobar theek paigaam dete rehte hain। bhaarat kitna bada hai, sabko maaloom padna chaahiye jo phir aise na kahen ki baba hamko to pata hi nahin pada। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sensible ban apni jaanch karni hai ki aankhen dhokha to nahin deti hain। koi bhi karmendriy ke vash ho ulta karma nahin karna hai। yaad ke bal se karmendriyon ke dhokhe se chhootna hai।

2) is sachchi kamaai ke liye samay nikaalna hai, peechhe aate bhi purushaartha se make up kar lena hai। yeh vikarma vinaash karne ka samay hai isliye koi bhi vikarma nahin karna hai।

vardaan:- baalak so maalik ke paath dvaara niranhakaari aur niraakaari bhav

baalak banna arthaat had ke jeevan ka parivartan hona। koi kitne bhi bade desh ka maalik ho, dhan va parivaar ka maalik ho lekin baap ke aage sab baalak hain। tum brahman bachche bhi baalak bante ho to bephikar baadshaah aur bhavishya mein vishwa ke maalik bante ho। “baalak so maalik hoon'' - yeh smriti sada niranhakaari-niraakaari sthiti ka anubhav karaati hai। baalak arthaat bachcha banna maana maaya se bach jaana।

slogan:- prasannata hi brahman jeevan ki personality hai - to sada prasannachit raho।

avyakt ishaare - sankalpon ki shakti jama kar shreshtha seva ke nimitta bano

jo kaarya aaj ke anek padmapti nahin kar sakte hain woh aapka ek sankalp aatma ko padmaapadmapti bana sakta hai isliye shreshtha sankalp ki shakti jama karo। shreshtha sankalp ki shakti ko aisa svachchha banaao jo jara bhi vyartha ki asvachchhata bhi na ho tab yeh shakti kamaal ke kaarya karegi।