Murli du jour du dimanche 27 juillet 2025

27-07-25 praatahmurli om shanti' 'avyakt-baapdaada'' revise 14-03-06 madhuban

“parmaatma milan ki anubhooti ke liye ulte main pan ko jalaane ki holi manaao, drishti ki pichkaari dvaara sarva aatmaon ko sukh, shanti, prem, aananda ka rang lagaao''

aaj holiest baap apne holi bachchon se milan mana rahe hain। chaaron or ke holi bachche door baithe bhi sameep hain। baapdaada aise holi arthaat mahaan pavitra bachchon ke mastak par chamakta hua bhaagya ka sitaara dekh rahe hain। aise mahaan pavitra saare kalpa mein aur koi nahin banta। is sangamayug par pavitrata ka vrat lene vaale bhaagyavaan bachche bhavishya mein double pavitra, shareer se bhi pavitra aur aatma bhi pavitra banti hai। saare kalpa mein chakra lagaao chaahe kitni bhi mahaan aatmaayen aaye hain lekin shareer bhi pavitra aur aatma bhi pavitra, aisa pavitra na dharma aatma bane hain, na mahaatma bane hain। baapdaada ko aap bachchon ke oopar naaz hai vaah! mere mahaan pavitra bachche vaah! double pavitra, double taajdhaari bhi koi nahin banta, double taajdhaari bhi aap shreshtha aatmaayen banti hain। apna woh double pavitra, double taajdhaari swaroop saamne aa raha hai na! isliye aap bachchon ki jo is sangamayug mein practical jeevan bani hai, us ek-ek jeevan ki visheshta ka yaadgaar duniya vaale utsav ke roop mein manaate rehte hain।

aaj bhi aap sabhi sneh ke vimaan mein holi manaane ke liye pahunch gaye ho। holi manaane aaye ho na! aap sabhi ne apne jeevan mein pavitrata ki holi manaai hai, har aadhyaatmik rahasya ko duniya vaalon ne sthool roop de diya hai kyonki body conscious hain na! aap soul conscious hain, aadhyaatmik jeevan vaale hain aur woh body conscious vaale hain। to sab sthool roop le liya। aapne yog agni dvaara apne puraane sanskaar svabhaav ko bhasma kiya, jalaaya aur duniya vaale sthool aag mein jalaate hain। kyon? puraane sanskaar jalaane ke bina na parmaatma sang ka rang lag sakta, na parmaatma milan ka anubhav kar sakte। to aapke jeevan ki itni value hai jo ek-ek kadam aapka utsav ke roop mein manaaya jaata hai। kyon? aapne poora sangamayug utsaah umang ki jeevan banaai hai। aapki jeevan ka yaadgaar ek din ka utsav mana lete hain। to sabhi ki aisi sada utsaah, umang, khushi ki jeevan hai na! hai ya kabhi-kabhi hai? sada utsaah hai va kabhi-kabhi hai? jo samajhte hain ki sada utsaah mein rehte hain, khushi mein rehte hain, khushi hamaare jeevan ka vishesh parmaatma gift hai, kuchh bhi ho jaae lekin brahman jeevan ki khushi, utsaah, umang ja nahin sakta। aise anubhav hota hai, woh haath uthaao। baapdaada har bachche ka chehra sada khushnumah dekhne chaahte hain kyonki aap jaisa khushanseeb na koi bana hai, na ban sakta hai। bhinna-bhinna varga vaale baithe ho to aisa anubhvi moorta banne ka sva prati plan banaaya hai?

baapdaada khush hote hain, aaj phalaana varga, phalaana varga aaye hain, welcome। mubaarak ho aaye hain। seva ka umang utsaah achha hai। lekin pahle sva ka plan, baapdaada ne dekha hai plans sabhi varga vaale ek do se aage banaate hain aur bahut achhe banaate hain, saath-saath sva unnati ka plan banaana bahut aavashyak hai। baapdaada yahi chaahte hain har varga sva-unnati ke practical plan banaaye aur number leve। jaise sangathan mein ikatthe hote ho, chaahe foreign vaale, chaahe desh vaale meeting karte ho, plan banaate ho, baapdaada usmein bhi raazi hai lekin jaise umang-utsaah se sangathit roop mein seva ka plan banaate ho aise hi itne hi umang-utsaah se sva-unnati ka number aur attention deke banaana hai। baapdaada sunne chaahte hain ki is maas mein is varga vaalon ne sva-unnati ka plan practical mein laaya hai? jo bhi varga vaale aaye hain, sab varga vaale haath uthaao। achha itne aaye hain, bahut aaye hain। suna hai 5-6 varga aaye hain। bahut achha bhale aaye। abhi ek last tarna raha hua hai, baapdaada ne hom work to de hi diya tha। baapdaada to roz result dekhte hain, aap samjhenge baapdaada last tarna mein hisaab lega lekin baapdaada roz dekhte hain, abhi bhi aur 15 din hain, is 15 din mein har varga vaale jo aaye hain woh bhi, jo nahin bhi aaye hain un varga ke nimitta bane hue bachchon ko baapdaada yahi ishaara dete hain ki har varga apne sva-unnati ka koi bhi plan banaao, koi vishesh shakti swaroop banne ka va vishesh koi gun moorta banne ka va vishwa kalyaan prati koi na koi light-might dene ka har ek varga aapas mein nishchit karo aur phir check karo ki jo bhi varga ke member hain, member bane bahut achha kiya hai lekin har member number one hona chaahiye। sirf naam note ho gaya phalaane varga ke member hain nahin, phalaane varga ke sva unnati ke member hain। yeh ho sakta hai? jo varga ke nimitta hain woh nimitta vaale utho। foreign mein bhi jo 4-5 nimitta hain woh utho। baapdaada ko to sabhi bahut shaktishaali moorten lagti hain। bahut achhi moorten hain। to aap sabhi samajhte ho 15 din mein kuchh karke dikhaayenge। bolo, ho sakta hai? (poora purushaartha karenge) aur bolo, kya ho sakta hai? (prashaasak varga ne plan banaaya hai ki koi bhi gussa nahin karenge) unki inkvaayri bhi karte ho? aap bahnen (teachers se) himmat rakhti ho - 15 din mein inkvaayri karke result bata sakte hain। foreign vaale to haan kar rahe hain। aap kya samajhte ho, ho sakta hai? bhaarat vaale bataao ho sakta hai? baapdaada ko to aap sabhi ki soorten dekh lagta hai ki result achhi hai। lekin agar 15 din bhi attention rakhne ka purushaartha karenge to yeh abhyaas aage bhi kaam mein aayega। abhi aise meeting karna jo jisko lakshya lena ho kisi bhi gun ka, kisi bhi shakti roop ka, ismen baapdaada number denge। baapdaada to dekhte rehte hain। number one varga sva seva mein kaun-kaun hain? kyonki baapdaada ne dekha ki plan bahut achhe bante hain lekin seva aur sva-unnati donon agar saath-saath nahin hain to seva ke plan mein jitni saphalta chaahiye, utni nahin hoti hai isliye samay ki sameepta ko saamne dekhte hue seva aur sva-unnati ko combined rakho। sirf sva-unnati bhi nahin chaahiye, seva bhi chaahiye lekin sva-unnati ki sthiti se seva mein saphalta adhik hogi। seva ke ya sva-unnati ke saphalta ki nishaani hai - svayan bhi donon mein svayan se bhi santushta ho aur jinki seva karte hain, unhon ko bhi seva dvaara santushtata ka anubhav ho। agar sva ko va jinki seva ke nimitta hain unhon ko santushtata ka anubhav nahin hota to saphalta kam, mehnat jyaada karni padti hai।

aap sabhi jaante ho ki seva mein va sva-unnati mein saphalta sahaj praapta karne ki golden chaabi kaun si hai? anubhav to sabhi ko hai। golden chaabi hai - chalan chehre, sambandh samparka mein nimitta bhaav, nirmaan bhaav, nirmal vaani। jaise brahma baap aur jagdamba ko dekha lekin abhi kahaan-kahaan seva ki saphalta mein percentage hoti hai uska kaaran, jo chaahte hain, jitna karte hain, jitna plan banaate hain, usmein percentage kyon ho jaati hai? baapdaada ne majority mein kaaran dekha hai ki saphalta mein kami ka kaaran hai ek shabd, woh kaun sa? “main''। main shabd teen prakaar se use hota hai। dehi-abhimaani mein bhi main aatma hoon, main shabd aata hai। deh-abhimaan mein bhi main jo kehta hoon, karta hoon woh theek hai, main buddhivaan hoon, yeh had ki main, main deh abhimaan mein bhi main aata hai aur teesri main jab koi dilshikasta ho jaata hai to bhi main aata hai। main yeh kar nahin sakta, mere mein himmat nahin। main yeh sun nahin sakta, main yeh sama nahin sakta… to baapdaada teenon prakaar ke main, main ke geet bahut sunte rehte hain। brahma baap ne, jagat amba ne jo number liya uski visheshta yahi rahi - ulte main pan ka abhaav raha, avidya rahi। kabhi brahma baap ne yeh nahin kaha main raay deta hoon, main right hoon, baba, baba.. baba kara raha hai, main nahin karta। main nahin hoshiyaar hoon, bachche hoshiyaar hain। jagat amba ka bhi slogan yaad hai? puraanon ko yaad hoga। jagat amba yahi kehti “hukmi hukm chalaae raha''। main nahin, chalaane vaala baap chala raha hai। karaavanhaar baap kara raha hai। to pahle sabhi apne andar se yeh abhimaan aur apmaan ki main ko samaapta kar aage badho। natural har baat mein baba baba nikle। natural nikle kyonki baap samaan banne ka sankalp to sabhi ne liya hi hai। to samaan banne mein sirf is ek royal main ko jala do। achha krodh bhi nahin karenge। krodh kyon aata hai? kyonki main pan aata hai।

to holi manaane aaye ho na? to pahle holi kaun si manaate hain? jalaane ki। vaise bahut achhe ho, bahut yogya ho। baap ki aashaaon ke deepak ho, sirf yeh thoda sa main ko kat kar do। do main kat karo, ek main rakho। kyon? baapdaada dekh rahe hain, aapke hi anek bhaai bahinen, brahman nahin agyaani aatmaayen, apni jeevan se himmat haar chuki hain। abhi unhon ko himmat ke pankh lagaane padenge। bilkul beshaare ho gaye hain, naaummeend ho gaye hain। to he merciful, kripa daya karne vaale vishwa ki aatmaon ke ishta dev aatmaayen apni shubh bhaavna, raham ki bhaavna, aatma bhaavna dvaara unhon ki bhaavna poorn karo। aapko vibration nahin aata duhkh, ashaanti ka। nimitta aatmaayen ho, poorvaj ho, poojya ho, vriksha ke tana ho, foundation ho। sab aapko dhoondh rahe hain, kahaan gaye hamaare rakshak! kahaan gaye hamaare ishta dev! baap ko to bahut pukaaren sunne aati hain। ab sva-unnati dvaara bhinna-bhinna shaktiyon ki sakaash do। himmat ke pankh lagaao। apne drishti dvaara, drishti hi aapki pichkaari hai, to apni drishti ki pichkaari dvaara sukh ka rang lagaao, shanti ka rang lagaao, prem ka rang lagaao, aanand ka rang lagaao। aap to parmaatma sang ke rang mein aa gaye। aur aatmaon ko bhi thoda sa aadhyaatmik rang ka anubhav karaao। parmaatma milan ka, mangal mele ka anubhav karaao। bhatakti hui aatmaon ko thikaane ki raah bataao।

to sva-unnati ke plan banaayenge, ismen svayan ke checker bankar check karna, yeh royal main to nahin aa rahi hai kyonki aaj holi manaane aaye ho। to baapdaada yahi sankalp dete hain ki aaj deh-abhimaan aur apmaan ki jo main aati hai, dilshikasta ki main aati hai, isko jalaake hi jaana, saath nahin le jaana। kuchh to jalaayenge na। aag jalaayenge kya? jvaalaamukhi yog agni jalaao। jalaane aati hai? jvaalaamukhi yog, aata hai ya saadhaaran yog aata hai? jvaalaamukhi bano। light might house। to yeh pasanda hai? attention please, main ko jalaao।

baapdaada jab main-main ka geet sunta hai na to switch banda kar deta hai। vaah! vaah! ke geet hote hain to aavaaj bada kar dete hain kyonki main-main mein khinchaavat bahut hoti hai। har baat mein khinchaavat karenge, yeh nahin, yeh nahin, aisa nahin, vaisa nahin। to khinchaavat hone ke kaaran tanaav paida ho jaata hai। baapdaada ko lagaav, tanaav aur svabhaav, ulta svabhaav achha nahin lagta। vaastav mein svabhaav shabd bahut achha hai। svabhaav, sva ka bhaav। lekin usko ulta kar diya hai। na baat ki khinchaavat karo, na apne taraph koi ko khinchaao। woh bhi bahut pareshaani karta hai। koi kitna bhi aapko kahe, lekin apne taraph nahin kheencho। na baat ko kheechon, na apne taraph kheencho, khinchaavat khatma। baba, baba aur baba। pasanda hai na! to ulte main ko yahaan chhodkar jaana, saath nahin leke jaana, train mein bojh ho jaayega। aapka geet hai na - main baba ki, baba mera। hai na! to ek main rakho, do main khatma। to holi mana li, sankalp mein jala diya? abhi to sankalp karenge। sankalp kiya? haath uthaao। kiya ya thoda-thoda rahega? thoda-thoda chhutti deven? jo samajhte hain thode-thode ki chhutti honi chaahiye woh haath uthaao। thoda to rahega na, nahin rahega? aap to bahut bahaadur ho। mubaarak ho। khushi mein naacho, gaao। tanaav mein nahin। kheenchaataan mein nahin। achha।

abhi ek second mein apne man se sab sankalp samaapta kar ek second mein baap ke saath paramdham mein oonche te oonche sthaan, oonche te ooncha baap, unke saath oonchi sthiti mein baith jaao। aur baap samaan master sarvashaktivaan ban vishwa ki aatmaon ko shaktiyon ki kirnen do। achha।

chaaron or ke holiest, highest bachchon ko sarva vishwa kalyaankaari vishesh aatmaon ko, sarva poorvaj aur poojya aatmaon ko, sarva baap ke diltakhtansheen bachchon ko baapdaada ka yaadapyaar aur dil ki duaayen sahit, dil ki dulaar aur namaste।

door-door se aaye hue patra, card, email, computer dvaara sandesh baapdaada ko mile aur baapdaada un bachchon ko sammukh dekh padam-guna yaadapyaar de rahe hain।

vardaan:- apne poorvaj swaroop ki smriti dvaara sarva aatmaon ko shaktishaali banaane vaale aadhaar, uddhaarmoorta bhav

is srishti vriksha ke mool tana, sarva ke poorvaj aap brahman so devta ho। har karma ka aadhaar, kul maryaadaaon ka aadhaar, reeti rasma ka aadhaar aap poorvaj sarva aatmaon ke aadhaar aur uddhaarmoorta ho। aap tana dvaara hi sarva aatmaon ko shreshtha sankalpon ki shakti va sarvashaktiyon ki praapti hoti hai। aapko sab follow kar rahe hain isliye itni badi jimmevaari samajhte hue har sankalp aur karma karo kyonki aap poorvaj aatmaon ke aadhaar par hi srishti ka samay aur sthiti ka aadhaar hai।

slogan:- jo sarva shaktiyon roopi kirnen chaaron or phailaate hain vahi master gyaan-soorya hain।

avyakt ishaare - sankalpon ki shakti jama kar shreshtha seva ke nimitta bano

teen shabdon ke kaaran controlling power, ruling power kam ho jaati hai। woh teen shabd hain - 1. why (why kyon), 2.(what kya), 3.(want chaahiye)। yeh teen shabd khatma kar sirf ek shabd bolo। “vaah'' to controlling power aa jaayegi, phir sankalp shakti dvaara behad seva ke nimitta ban sakenge।