Murli du jour du lundi 22 septembre 2025

22-09-2025 praatahmurli om shanti "baapdaada"' madhuban

“meethe bachche - apni dil par haath rakhkar poochho ki baba jo sunaate hain kya ham sab pahle jaante the, jo suna hai use arth sahit samajhkar khushi mein raho''

prashn:- tumhaare is brahman dharma mein sabse adhik taakat hai - kaun-si aur kaise?

uttar:- tumhaara yeh brahman dharma aisa hai jo saare vishwa ki sadgati shreemat par kar dete hain। brahman hi saare vishwa ko shant bana dete hain। tum brahman kul bhooshan devtaaon se bhi oonch ho, tumhein baap dvaara yeh taakat milti hai। tum brahman baap ke madadgaar bante ho, tumhein hi sabse badi prize milti hai। tum brahmaanda ke bhi maalik aur vishwa ke bhi maalik bante ho।

om shanti। meethe-meethe roohaani sikeeldhe bachchon prati roohaani baap baith samjhaate hain। roohaani bachche jaante hain roohaani baap ek hi baar har 5 hazaar varsha ke baad aate hain zaroor। kalpa naam rakh diya hai jo kehna padta hai। is drama ki athva srishti ki aayu 5 hazaar varsha hai, yeh baaten ek hi baap baith samjhaate hain। yeh kabhi bhi koi manushya ke mukh se nahin sun sakte hain। tum roohaani bachche baithe ho। tum jaante ho barobar ham sabhi aatmaon ka baap woh ek hai। baap hi bachchon ko baith apna parichay dete hain। jo koi bhi manushya maatra nahin jaante। koi ko pata nahin god va eeshvar kya vastu hai jabki unko god father baap kehte hain to bahut pyaar hona chaahiye। behad ka baap hai to zaroor unse varsa bhi milta hoga। angreji mein akshar achha kehte hain heavenly god father। heaven kaha jaata hai nai duniya ko aur hell kaha jaata hai puraani duniya ko। parantu svarga ko koi jaante nahin। sannyaasi to maante hi nahin। woh kabhi aise nahin kahenge ki baap svarga ka rachayita hai। heavenly god father - yeh akshar bahut meetha hai aur heaven mashhoor bhi hai। tum bachchon ki buddhi mein heaven aur hell ka saara chakra srishti ke aadi-madhya-ant ka buddhi mein phirta hai, jo-jo serviceable hain, sabhi to ekras serviceable nahin bante।

tum apni raajdhaani sthaapan kar rahe ho phir se। tum kahenge ham roohaani bachche baap ki shreshtha te shreshtha mat par chal rahe hain। oonch te oonch baap ki hi shreemat hai। shreemad bhagvad geeta bhi gaai hui hai। yeh hai pahle number ka shaastra। baap ka naam sunne se hi jhat varsa yaad aa jaata hai। yeh duniya mein koi bhi nahin jaante ki god father se kya milta hai। akshar kehte hain praacheen yog। parantu samajhte nahin ki praacheen yog kisne sikhaaya? vo to shreekrishna hi kahenge kyonki geeta mein shreekrishna ka naam daal diya hai। abhi tum samajhte ho baap ne hi raajayog sikhaaya, jisse sab mukti-jeevanmukti ko paate hain। yeh bhi samajhte ho ki bhaarat mein hi shivbaaba aaya tha, unki jayanti bhi manaate hain parantu geeta mein naam gum hone se mahima bhi gum ho gai hai। jisse saari duniya ko sukh-shanti milti hai, us baap ko bhool gaye hain। inko kaha hi jaata hai ekaz bhool ka naatak। bade te badi bhool yeh hai jo baap ko nahin jaante। kabhi kehte woh naam-roop se nyaara hai phir kehte kachchha-machchha avtaar hai। thikkar-bhittar mein hai। bhool mein bhool hoti jaati hai। seedhi neeche utarte jaate hain। kala kam hoti jaati hai, tamopradhaan bante jaate hain। drama ke plan anusaar jo baap svarga ka rachayita hai, jisne bhaarat ko svarga ka maalik banaaya, unko thikkar-bhittar mein kah dete hain। abhi baap samjhaate hain tum seedhi kaise utarte aaye ho, kuchh bhi kisko pata nahin hai। drama kya hai, poochhte rehte hain। yeh duniya kab se bani hai? nai srishti kab thi to kah denge laakhon varsha aage। samajhte hain puraani duniya mein to abhi bahut varsha pade hain, isko agyaan andhiyaara kaha jaata hai। gaayan bhi hai gyaan anjan satguru diya, agyaan andher vinaash। tum samajhte ho rachayita baap zaroor svarga hi rachenge। baap hi aakar narka ko svarga banaate hain। rachayita baap hi aakar srishti ke aadi-madhya-ant ka gyaan sunaate hain। aate bhi hain ant mein। time to lagta hai na। yeh bhi bachchon ko samjhaaya hai gyaan mein itna samay nahin lagta hai, jitna yaad ki yaatra mein lagta hai। 84 janmon ki kahaani to jaise ek kahaani hai, aaj se 5 varsha pahle kinhon ka raajya tha, woh raajya kahaan gaya?

tum bachchon ko ab saari knowledge hai। tum ho kitne saadhaaran ajaamil jaise paapi, ahilyaayen, kubjaayen, bheelniyaan unko kitna oonch banaate hain। baap samjhaate hain - tum kya se kya ban gaye ho। baap aakar samjhaate hain - puraani duniya ka ab haal dekho kya hai? manushya kuchh bhi nahin jaante ki srishti ka chakra kaise phirta hai? baap kehte hain tum apni dil par haath rakhkar poochho - aage yeh kuchh jaante the? kuchh bhi nahin। abhi jaante ho baba phir se aakar hamko vishwa ki baadshaahi dete hain। koi ki buddhi mein nahin aayega ki vishwa ki baadshaahi kya hoti hai। vishwa maana saari duniya। tum jaante ho baap hamko aisa raajya dete hain jo hamse aadhaakalpa tak koi chheen nahin sakte। to bachchon ko kitni khushi honi chaahiye। baap se kitna baar raajya liya hai। baap satya hai, satya shikshak bhi hai, satguru bhi hai। kab suna hi nahin। abhi arth sahit tum samajhte ho। tum bachche ho, baap ko to yaad kar sakte ho। aajkal chhotepan mein hi guru karte hain। guru ka chitra banaae bhi gale mein daalte hain va ghar mein rakhte hain। yahaan to wonder hai - baap, shikshak, satguru sab ek hi hai। baap kehte hain main saath mein le chaloonga। tumse poochhenge kya padhte ho? bolo, ham nai duniya mein raajaai praapta karne liye raajayog padhte hain। yeh hai hi raajayog। jaise barrister yog hota hai to zaroor buddhi ka yog barrister taraph jaayega। teacher ko zaroor yaad to karenge na। tum kahenge ham svarga ki raajaai praapta karne ke liye hi padhte hain। kaun padhaate hain? shivbaaba bhagwan। unka naam to ek hi hai jo chala aaya hai। rath ka naam to hai nahin। mera naam hai hi shiv। baap shiv aur rath brahma kahenge। abhi tum jaante ho yeh kitna wonderful hai, shareer to ek hi hai। inko bhaagyashaali rath kyon kehte hain? kyonki shivbaaba ki praveshta hai to zaroor do aatmaayen thahri। yeh bhi tum jaante ho aur kisko to yeh khyaal mein bhi nahin aata। ab dikhaate hain bhaageerath ne ganga laai। kya paani laaya? abhi tum practical dekhte ho - kya laaya hai, kisne laaya hai? kisne pravesh kiya hai? baap ne kiya na। manushya mein paani thode hi pravesh karega। jataaon se paani thode hi aayega। in baaton par manushya kabhi khyaal bhi nahin karte hain। kaha hi jaata hai - religion is might। religion mein taakat hai। bataao, sabse jaasti kis religion mein taakat hai? (brahman religion mein) haan yeh theek hai, jo kuchh taakat hai brahman dharma mein hi hai, aur koi religion mein koi taakat nahin। tum abhi brahman ho। braahmanon ko taakat milti hai baap se, jo phir tum vishwa ke maalik bante ho। tumhaare mein kitni badi taakat hai। tum kahenge ham brahman dharma ke hain। kiski buddhi mein nahin baithega। viraat roop bhal banaaya hai parantu woh bhi aadha hai। mukhya rachta aur unki pahli rachna ko koi nahin jaante। baap hai rachta, phir brahman hain choti, ismen taakat hai। baap ko sirf yaad karne se taakat milti hai। bachche to zaroor nambarvaar hi banenge na। tum is duniya mein sarvottam brahman kul bhooshan ho। devtaaon se bhi oonch ho। tumko ab taakat milti hai। sabse jaasti taakat hai brahman dharma mein। brahman kya karte hain? saari vishwa ko shant bana dete hain। tumhaara dharma aisa hai jo sarva ki sadgati karte hain shreemat dvaara। tab baap kehte hain tumko apne se bhi oonch banaata hoon। tum brahmaanda ke bhi maalik, vishwa ke bhi maalik bante ho। saare vishwa par tum raajaai karenge। abhi gaate hain na - bhaarat hamaara desh hai। kabhi mahima ke geet gaate, kabhi phir kehte bhaarat ki kya haalat hai…! jaante nahin ki bhaarat itna oonch kab tha! manushya to samajhte hain svarga athva narka yahaan hai, jisko dhan motor aadi hain, woh svarga mein hai। yeh nahin samajhte svarga kaha hi jaata hai nai duniya ko। yahaan sab kuchh seekhna hai। science ka hunar bhi phir vahaan kaam mein aata hai। yeh science bhi vahaan sukh deti hai। yahaan to in sabse hai alpakaal ka sukh। vahaan tum bachchon ke liye yeh sthaai sukh ho jaayega। yahaan sab seekhna hai jo phir sanskaar le jaayenge। koi nai aatmaayen nahin aayengi, jo seekhengi। yahaan ke bachche hi science seekhkar vahaan chalte hain। bahut hoshiyaar ho jaayenge। sab sanskaar le jaayenge phir vahaan kaam mein aayenge। abhi hai alpakaal ka sukh। phir yeh bombs aadi hi sabko khalaas kar denge। maut ke bigar shanti ka raajya kaise ho। yahaan to ashaanti ka raajya hai। yeh bhi tumhaare mein nambarvaar hain jo samajhte hain, ham pahle-pahle apne ghar jaayenge phir sukhdhaam mein aayenge। sukh mein baap to aate hi nahin। baap kehte hain mujhe bhi vaanaprastha rath chaahiye na। bhakti maarga mein bhi sabki kaamnaayen poori karta aaya hoon। sandeshiyon ko bhi dikhaaya hai - kaise bhakta log tapasya pooja aadi karte hain, deviyon ko sajaae, pooja aadi kar phir samudra mein dubo dete hain। kitna kharcha hota hai। poochho yeh kab se shuru hua hai? to kahenge parampara se chala aaya hai। kitna bhatakte rehte hain। yeh bhi sab drama hai।

baap baar-baar bachchon ko samjhaate hain ham tumko bahut meetha banaane aaye hain। yeh devtaayen kitne meethe hain। abhi to manushya kitne kaduve hain। jinhonne baap ko bahut madad ki thi, unhon ki pooja karte rehte hain। tumhaari pooja bhi hoti hai, pad bhi tum oonch praapta karte ho। baap khud kehte hain main tumko apne se bhi oonch banaata hoon। oonch te oonch bhagwan ki hai shreemat। geeta mein bhi shreemat mashhoor hai। shreekrishna to is samay baap se varsa le rahe hain। shreekrishna ki aatma ke rath mein baap ne pravesh kiya hai। kitni wonderful baat hai। kabhi kiski buddhi mein aayega nahin। samajhne vaalon ko bhi samjhaane mein badi mehnat lagti hai। baap kitna achhi reeti bachchon ko samjhaate hain। baba likhte hain sarvottam brahma mukh vanshaavli brahman। tum oonch service karte ho to yeh prize milti hai। tum baap ke madadgaar bante ho to sabko prize milti hai - nambarvaar purushaartha anusaar। tumhaare mein bhi badi taakat hai। tum manushya ko svarga ka maalik bana sakte ho। tum roohaani sena ho। tum yeh badge nahin lagaayenge to manushya kaise samjhenge ki yeh bhi roohaani military hai। military vaalon ko hamesha badge laga hua hota hai। shivbaaba hai nai duniya ka rachayita। vahaan in devtaaon ka raajya tha, ab nahin hai। phir baap kehte hain manamnaabhav। deh sahit sab sambandh chhod maamekam yaad karo to shreekrishna ki dynasty mein aa jaayenge। ismen lajja ki to baat hi nahin। baap ki yaad rahegi। baap inke liye bhi bataate hain yeh naaraayan ki pooja karte the, naaraayan ki moorti saath mein rehti thi। chalte phirte unko dekhte the। abhi tum bachchon ko gyaan hai, badge to zaroor laga rehna chaahiye। tum ho nar ko naaraayan banaane vaale। raajayog bhi tum hi sikhlaate ho। nar se naaraayan banaane ki service karte ho। apne ko dekhna hai hamaare mein koi avgun to nahin hai?

tum bachche baapdaada ke paas aate ho, baap hai shivbaaba, daada hai unka rath। baap zaroor rath dvaara hi milenge na। baap ke paas aate hain, refresh hone। sammukh baithne se yaad padti hai। baba aaya hai le jaane ke liye। baap sammukh baithe hain to jaasti yaad aani chaahiye। apni yaad ki yaatra ko vahaan bhi tum roz badha sakte ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne ko dekhna hai ki hamaare mein koi avgun to nahin hain! jaise devtaayen meethe hain, aisa meetha bana hoon?

2) baap ki shreshtha te shreshtha mat par chal apni raajdhaani sthaapan karni hai। serviceable banne ke liye srishti ke aadi-madhya-ant ka, heaven aur hell ka gyaan buddhi mein phiraana hai।

vardaan:- khudaai khidmatgaar ki smriti dvaara sahaj yaad ka anubhav karne vaale sahajyogi bhav

khudaai khidmatgaar arthaat jo khuda va baap ne khidmat (seva) di hai, usi seva mein sada tatpar rahne vaale। sada yahi nasha rahe ki humein svayan khuda ne khidmat di hai। kaarya karte hue, jisne kaarya diya hai usko kabhi bhoola nahin jaata। to karmana seva mein bhi yeh smriti rahe ki baap ke direction anusaar kar rahe hain to sahaj yaad ka anubhav karte sahajyogi ban jaayenge।

slogan:- sada godly student life ki smriti rahe to maaya sameep nahin aa sakti।

avyakt ishaare - ab lagan ki agni ko prajvalit kar yog ko jvaala roop banaao

jitna sthaapna ke nimitta bane hue jvaala-roop honge utna hi vinaash-jvaala pratyaksha hogi। sangathan roop mein jvaala-roop ki yaad vishwa ke vinaash ka kaarya sampanna karegi, iske liye har sevaakendra par vishesh yog ke programme chalte rahen to vinaash jvaala ko pankha lagega। yog-agni se vinaash ki agni jalegi, jvaala se jvaala prajjavlit hogi।