Murli du jour du vendredi 17 octobre 2025

17-10-2025 praatahmurli om shanti "baapdaada"' madhuban

“meethebachche - jaise baap bhavishya 21 janmon ke liye sukh dete hain vaise aap bachche bhi baap ke madadgaar bano, preet-buddhi bano, duhkh dene ka kabhi khyaal bhi na aaye''

prashn:- tum roop-basanta bachchon ka kartavya kya hai? tumhein baap ki kaun-si shikshaayen mili hui hain?

uttar:- tum roop-basanta bachchon ka kartavya hai mukh se sadaiv ratna nikaalna, tumhaare mukh se kabhi patthar nahin nikalne chaahiye। sarva bachchon prati baap ki shiksha hai ki bachche 1. aapas mein kabhi ek-do ko tang nahin karna, gussa nahin karna, yeh aasuri manushyon ka kaam hai। 2. mansa mein bhi kisi ko duhkh dene ka khyaal na aaye। 3. ninda-stuti, maan-apmaan sab kuchh sahan karna। agar koi kuchh bolta hai to shant rehna। haath mein law nahin uthaana।

geet:- tu pyaar ka saagar hai…

om shanti। gyaan aur agyaan। tum bachchon mein abhi gyaan hai - bhakta log mahima kiski karte hain aur tum bachche jo yahaan baitheho tum kiski mahima sunte ho? raat-din ka farka hai। vo to aise hi sirf mahima gaate rehte hain। itna pyaar nahin hai kyonki pahchaan nahin। tumko baap ne pahchaan di hai main pyaar ka saagar hoon aur tumko pyaar ka saagar bana raha hoon। baap pyaar ka saagar kitna sabko pyaara lagta hai। vahaan bhi sab ek-do ko pyaar karte hain। yeh tum yahaan seekhte ho। kiske saath bhi virodh nahin hona chaahiye, jisko baba loon-paani kehte hain। andar mein kiske liye naphrat nahin honi chaahiye। naphrat karne vaale kaliyugi narkavaasi hain। jaante ho ham sab bhaai-behen hain। shantidham mein hain to bhaai-bhaai hain। yahaan jab karmakshetra par part bajaate hain, to behen-bhaai hain। eeshvareey santaan hain। eeshvar ki mahima hai vo gyaan ka saagar, prem ka saagar hai,yaani sabko sukh dete hain। tum sab dil se poochho - jaise baap bhavishya 21 janmon ke liye sukh dete hain vaise ham bhi woh kaarya karte hain? agar baap ke madadgaar nahin bante, pyaar nahin karte, ek-do se preet nahin hai, vipreet buddhi hokar rehte hain to vinshanti ho jaate hain। vipreet buddhi hona asuron ka kaam hai। apne ko eeshvareey sampradaay kahlaakar phir ek-do ko duhkh dena unko asur kaha jaata hai। tum bachchon ko kisi ko bhi duhkh nahin dena hai। tum ho hi duhkh harta, sukh karta baap ke bachche। to duhkh dene ka khyaal bhi tumko nahin aana chaahiye। woh to hain hi aasuri sampradaay, na ki eeshvareey sampradaay kyonki deh-abhimaani hain। woh kabhi yaad ki yaatra mein rah na saken। yaad ki yaatra bigar kalyaan hona nahin hai। varsa dene vaale baap ko to zaroor yaad karna hai to vikarma vinaash honge। aadhaakalpa to ek-do ko duhkh dete aaye ho। ek-do mein ladte tang karte rehte hain, woh aasuri sampradaay mein gine jaate hain। bhal purushaarthi hain to bhi kab tak duhkh dete rahenge isliye baba kehte hain apna chart rakho। chart rakhne se maaloom padega - hamaara register sudharta jaata hai ya vahi aasuri chalan hai? baba sadaiv kehte hain kabhi kisko duhkh na do। ninda-stuti, maan-apmaan, thandi-garmi sab sahan karna hai। koi ne kuchh kaha to shant rehna chaahiye। aise nahin ki unke liye do vachan aur kah dena hai। koi kisko duhkh dete hain to unko baap samjhaayenge na। bachche, bachche ko kah nahin sakte। apne haath mein law nahin lena hai। kuchh bhi baat hai to baap ke paas aana hai। government mein bhi kaayda hai - koi ek-do ko ghoonsa nahin maar sakte। complain kar sakte hain। law uthaana government ka kaam hai। tum bhi government ke paas aao। haath mein law nahin lo। yeh to hai hi apna ghar isliye baba kehte hain roz kachahri karo। yeh bhi samajhte nahin hain - shivbaaba order karte hain। baba ne kaha hai hamesha samjho shivbaaba sunaate hain। aise mat samjho brahma sunaate hain। hamesha shivbaaba hi samjho to unki yaad rahegi। yeh shivbaaba ne rath liya hai, tumko gyaan sunaane ke liye। satopradhaan banne ka raasta baap samjha rahe hain। woh hai gupta। tum ho pratyaksha। jo bhi direction nikalte hain, samjho shivbaaba ke hain to tum safe rahenge। tum baba-baba shiv ko hi kehte ho। varsa bhi unse milta hai। unke saath kitna regard, royalty se chalna chaahiye। tum kehte ho na - baba ham to lakshmi-naaraayan banenge। phir second,third banen, sooryavanshi nahin banen to chandravanshi banen। aise to nahin ham bhal daas-daasi banen। praja banna to achha nahin। tumko to yahaan daiveegun hi dhaaran karne hain। aasuri chalan to nahin honi chaahiye। nishchay nahin hai to phir baithe-baitheyah kah dete, inmen shivbaaba aate hain - ham to nahin samajhte। maaya ka bhoot aane se aapas mein aise kah dete। aapas mein aasuri svabhaav vaale milte hain to phir aise bolne lag padte hain, aasuri baaten hi mukh se nikalti hain। baap kehte hain tum aatma roop-basanta bante ho। tumhaare mukh se ratna hi nikalne chaahiye। agar patthar nikalte hain to goya aasuri buddhi thahre।

geet bhi bachchon ne suna। bachche kehte hain - baba pyaar ka saagar, sukh ka saagar hai। shivbaaba ki hi mahima hai। baap kehte hain tum apne ko aatma samajh baap ko yaad karo। ismen bahut achhe-achhe bachche fail hote hain। dehi-abhimaani sthiti mein thahar nahin sakte। dehi-abhimaani banenge tab hi itna oonch pad paayenge। kai bachche phaaltu baaton mein bahut time vesta karte hain। gyaan ki baat hi dhyaan mein nahin aati। yeh bhi gaayan hai ghar ki ganga ka maan nahin rakhte। ghar ki cheez ka itna maan nahin rakhte hain। jabki krishna aadi ka chitra ghar mein bhi hai phir shreenaath dvaare aadi itna door-door kyon jaate ho। shiv ke mandiron mein bhi hai to patthar ka hi ling। pahaadon se patthar nikalte hain, woh ghis-ghis kar ling ban jaate hain, unmein koi-koi patthar mein sona bhi laga hua hota hai। kaha jaata hai sone ka kailaash parvat। sona pahaadon se nikalta hai na। to thoda-thoda sona lage hue patthar bhi hote hain jo phir bahut achhe-achhe gol ho jaate hain, woh bechte hain। maarbal ka bhi khaas banaate hain। ab bhakti maarga vaalon ko kaho ki tum baahar mein itna bhatakte kyon ho to bigad jaayenge। baap khud kehte hain tum bachchon ne bahut paise barbaad kiye hain। yeh bhi drama mein part hai jo tumko dhakka khaana padta hai। yeh hai hi gyaan aur bhakti ka khel। abhi tum bachchon ko saari samajh milti hai। gyaan hai sukh ka raasta, gyaan se satayug ki raajaai milti hai। is samay raaja raani tatha praja sab narka ke maalik hain। jab koi marta hai to kehte hain svargavaasi hua। in baaton ko abhi tumne samjha hai। abhi tum kehte ho ham svargavaasi banne ke liye svarga ki sthaapna karne vaale baap ke paas baithehain। gyaan ki boond milti hai। thoda bhi gyaan suna to svarga mein zaroor aayenge, baaki hai purushaartha par। samajhte hain gangaajal ki ek loti bhi mukh mein daalne se patit se paavan ban jaate hain। loti bharkar le jaate phir roz unse ek-ek boond paani mein milaae snaan karte hain। woh jaise ganga snaan ho jaayega। vilaayat mein bhi ganga jal bharkar le jaate hain। yeh sab hai bhakti।

baap bachchon ko samjhaate hain bachche maaya bada jor se thappad lagaati hai, vikarma kara deti hai isliye kachahri karo, aapehi apni kachahri karna achha hai। tum apne ko aapehi raajtilak dete ho to apni jaanch karni hai। tamopradhaan se satopradhaan banna hai। baap shreemat dete hain aise-aise karo, daiveegun dhaaran karo। jo karenge woh paayenge। tumhaare to khushi mein romaanch khade ho jaane chaahiye। behad ka baap mila hai, unki service mein madadgaar banna hai। andhon ki laatheebanna hai। jitna jaasti banenge, utna apna hi kalyaan hoga। baba ko to ghadi-ghadi yaad karna hai। neshtha mein ek jagah baithne ki baat nahin। chalte-phirte yaad karna hai। train mein bhi tum service kar sakte ho। tum koi ko bhi samjha sakte ho ki oonch te oonch kaun hai? unko yaad karo। varsa unse hi milega। aatma ko baap se behad ka varsa milta hai। koi daan-punya karne se raaja ke paas janma lete hain so bhi alpakaal ke liye। sada to raaja nahin ban sakte। to baap kehte hain yahaan to 21 janmon ki guarantee hai। vahaan yeh pata nahin padega ki ham behad ke baap se yeh varsa le aaye hain। yeh gyaan is samay tumko milta hai to kitna achhi reeti purushaartha karna chaahiye। purushaartha nahin karte hain to goya apne paanv par kulhaada maarte hain। chart likhte raho to dar rahega। koi-koi likhte bhi hain, baba dekhenge to kya kahenge। chaal-chalan mein bahut farka rehta hai। to baap kehte hain gaphlat chhodo। nahin to bahut pachhtaana padega। apne purushaartha ka phir pichhaadi mein saakshaatkaar zaroor hoga phir bahut rona padega। kya kalpa-kalpa yahi varsa milega। daas-daasi jaakar banenge। aage to dhyaan mein jaakar sunaate the - phalaani daasi hai, yeh hai। phir baba ne band kar diya। pichhaadi mein phir tum bachchon ko saakshaatkaar honge। saakshaatkaar bigar saza kaise mil sakti। kaayda hi nahin।

bachchon ko yuktiyaan bhi bahut samjhaai jaati hain tum apne pati ko bolo, baba kehte hain bachche kaam mahaashatru hai, in par jeet pahno। maaya jeete jagatjeet bano। ab ham svarga ke maalik banen ya tumhaare kaaran apvitra ban narka mein jaayen। bahut pyaar, namrata se samjhaao। mujhe narka mein kyon dhakelte ho। aisi bahut bachchiyaan hain - samjhaate-samjhaate aakhir pati ko le aati hain। phir pati kehta ki yeh hamaara guru hai, isne hamko bahut achha raasta bataaya। baba ke aage charnon mein aae girte hain। kabhi jeet kabhi haar bhi hoti hai। to bachchon ko bahut-bahut meetha banna hai। jo service karenge vahi pyaare lagenge। bhagwan baap aaye hain bachchon ke paas, unki shreemat par chalna pade। shreemat par nahin chalte hain to toofaan lagne se gir padte hain। aise bhi hain - woh kya kaam ke rahenge। yeh padhaai koi common nahin hai aur sab satsangon aadi mein to hai - kanras, jisse alpakaal sukh milta hai। yeh baap dvaara to 21 janmon ka sukh milta hai। baba sukh-shanti ka saagar hai, hamko bhi baap se varsa milna hai। seva karenge tab to milega, isliye badge sada laga rahe। hamko aisa sarvagun sampanna banna hai। jaanch karni hai ki ham kisko duhkh to nahin dete hain? aasuri chalan to nahin chalte hain? maaya aise kaam karaati hai, baat mat poochho। achhe-achhe ghar vaale bhi batlaate hain, maaya ne yeh vikarma kara liya। koi sach bataate, koi sach nahin bataane se sauguna danda pa lete। phir woh aadat badhti jaayegi। baap ko sunaayenge to baba saavdhaan karenge। baba kehte hain paap kiya hai to register mein likho aur bata do to tumhaare paap aadha khalaas ho jaayenge। sunaate nahin, chhipa lenge to phir karte hi rahenge। shraap mil jaata hai। na batlaane se ek baar ke badle 100 baar karte rahenge। baba kitni achhi raay dete hain parantu koi-koi ko zara bhi asar nahin hota hai। apni takdeer ko jaise laat maarte rehte hain। bahut-bahut nuksaan karte hain। ant mein sabko saakshaatkaar hoga। yeh-yeh banenge, class mein transfer hote hain to marks nikalti hain na। transfer hone pahle result nikalti hai। tum bhi apne class mein jaate ho to marks ka pata padega phir bahut zaar-zaar royenge। phir kya kar sakenge? result to nikal gai na। jo takdeer mein tha vo le liya। baap sab bachchon ko saavdhaan karte hain। karmaateet avastha abhi ho na sake। karmaateet avastha ho jaae to phir shareer chhodna pade, abhi kuchh na kuchh vikarma rahe hue hain, hisaab-kitaab hai isliye yog poora nahin lagta hai। abhi koi bhi nahin kah sakte ki ham karmaateet avastha mein hain। nazdeek aane se phir bahut nishaaniyaan dikhaai padengi। saara madaar tumhaari avastha par aur vinaash par hai। tumhaari padhaai poori hone par hogi to phir dekhenge ladaai sir par khadi hai। achha!

meethe-meethesikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) maaya ke vash hokar koi bhi aasuri chalan nahin chalni hai। apni chalan ka register rakhna hai। aisa koi karma nahin karna hai jo pashchaataap karna pade।

2) bahut-bahut pyaar aur namrata se seva karni hai। meetha banna hai। mukh se aasuri bol nahin nikaalne hain। sang ki bahut-bahut sambhaal karni hai। shreemat par chalte rehna hai।

vardaan:- sangathit roop mein ekras sthiti ke abhyaas dvaara vijay ka nagaada bajaane vaale ever ready bhav

vishwa mein vijay ka nagaada tab bajega jab sabhi ke sab sankalp ek sankalp mein sama jaayenge। sangathit roop mein jab ek second mein sabhi ekras sthiti mein sthit ho jaaen tab kahenge ever ready। ek second mein ekmat, ekras sthiti aur ek sankalp mein sthit hone ki hi nishaani anguli dikhaai hai,jis anguli se kaliyugi parvat uth jaata, isliye sangathit roop mein ekras sthiti banaane ka abhyaas karo tab hi vishwa ke andar shakti sena ka naam baala hoga।

slogan:- shreshtha purushaartha mein thakaavat aana - yeh bhi aalasya ki nishaani hai।

avyakt ishaare - svayan aur sarva ke prati mansa dvaara yog ki shaktiyon ka prayog karo

aap apni aatmik drishti se apne sankalpon ko siddha kar sakte ho। woh riddhi siddhi hai alpakaal, lekin yaad ki vidhi se sankalpon aur karmon ki siddhi hai avinaashi। woh riddhi siddhi use karte hain aur aap yaad ki vidhi se sankalpon aur karmon ki siddhi praapta karo।