Murli du jour du mercredi 26 novembre 2025

26-11-2025 praatahmurli om shanti "baapdaada"' madhuban

‘meethe bachche - tum abhi world servant ho, tumhein kisi bhi baat mein deh-abhimaan nahin aana chaahiye''

prashn:- kaun si ek aadat eeshvareey kaayde ke virooddha hai, jisse bahut nuksaan hota hai?

uttar:- koi bhi philmi kahaaniyaan sunna va padhna, novels padhna… yeh aadat bilkul bekaayde hai, isse bahut nuk-saan hota hai। baba ki mana hai - bachche, tumhein aisi koi kitaaben nahin padhni hai। agar koi bi.ke. aisi pustaken padhta hai to tum ek-do ko saavdhaan karo।

geet:- mukhda dekh le praani.....

om shanti। meethe-meethe roohaani bachchon prati roohaani baap kehte hain - apni jaanch karo ki yaad ki yaatra se ham tamopradhaan se satopradhaan taraph kitna aage badhe hain kyonki jitna-jitna yaad karenge utna paap katte jaayenge। ab yeh akshar kahaan koi shaastra aadi mein likhe hue hain? kyonki jis-jis ne dharma sthaapan kiya, usne jo samjhaaya uske shaastra bane hue hain jo phir baith padhte hain। pustak ki pooja karte hain। ab yeh bhi samajhne ki baat hai, jabki yeh likha hua hai। deh sahit deh ke sarva sambandh chhod apne ko aatma samjho। baap yaad dilaate hain - tum bachche pahle-pahle ashareeri aaye the, vahaan to pavitra hi rehte hain। mukti-jeevanmukti mein patit aatma koi ja nahin sakti। woh hai niraakaari, nirvikaari duniya। isko kaha jaata hai saakaari vikaari duniya phir satayug mein yahi nirvikaari duniya banti hai। satayug mein rahne vaale devtaaon ki to bahut mahima hai। ab bachchon ko samjhaaya jaata hai - achhi reeti dhaaran kar auron ko samjhaao। tum aatmaayen jahaan se aai ho, pavitra hi aai ho। phir yahaan aakar apvitra bhi zaroor hona hai। satayug ko viceless world, kaliyug ko vicious world kaha jaata hai। ab tum patit-paavan baap ko yaad karte ho ki hamko paavan viceless banaane aap vicious duniya, vicious shareer mein aao। baap khud baith samjhaate hain - brahma ke chitra par hi moonjhate hain ki daada ko kyon bithaaya hai। samjhaana chaahiye yeh to bhaageerath hai। shiv bhagvaanuvaach hai - yeh rath mainne liya hai kyonki mujhe prakriti ka aadhaar zaroor chaahiye। nahin to main tumko patit se paavan kaise banaaoon। roz padhaana bhi zaroor hai। ab baap tum bachchon ko kehte hain apne ko aatma samajh maamekam yaad karo। sabhi aatmaon ko apne baap ko yaad karna hai। shreekrishna ko sabhi aatmaon ka baap nahin kahenge। unko to apna shareer hai। to yeh baap bahut sahaj samjhaate hain - jab bhi kisi ko samjhaao to bolo - baap kehte hain tum ashareeri aaye, ab ashareeri bankar jaana hai। vahaan se pavitra aatma hi aati hai। bhal kal koi aate to bhi pavitra hain, to unki mahima zaroor hogi। sannyaasi, udaasi, grihasthi jinka naam hota hai, zaroor unka yeh pahla janma hai na। unko aana hi hai dharma sthaapan karne। jaise baba guroonaanak ke liye samjhaate hain। ab guru akshar bhi kehna padta hai kyonki naanak naam to bahuton ka hai na। jab kiski mahima ki jaati hai to us matlab se kaha jaata hai। na kahen to achha nahin। vaastav mein bachchon ko samjhaaya hai - guru koi bhi hai nahin, sivaae ek ke। jiske naam par hi gaate hain satguru akaal... woh akaalmoorta hai arthaat jisko kaal na khaaye, woh hai aatma, tab yeh kahaaniyaan aadi baith banaai hain। philmi kahaaniyon ki kitaab, novels aadi bhi bahut padhte hain। baba bachchon ko khabardaar karte hain। tumhein kabhi bhi koi novel aadi nahin padhna hai। koi-koi ko aadat hoti hai। yahaan to tum saubhaagyashaali bante ho। koi bi.ke. bhi novels padhte hain isliye baba sab bachchon ko kehte hain - kabhi bhi kisko novel padhta dekho to jhat uthaakar phaad do, ismen darna nahin hai। hamko koi shraap na de va gusse na ho, aisi koi baat nahin। tumhaara kaam hai - ek-do ko saavdhaan karna। film ki kahaaniyaan sunna ya padhna bekaayde hai। bekaayde koi chalan hai to jhat report karni chaahiye। nahin to sudhrenge kaise? apna nuksaan karte rahenge। khud mein hi yogbal nahin hoga to yahaan kya baith sikhlaayenge। baba ki mana hai। agar phir aisa kaam karenge to andar dil zaroor khaati rahegi। apna nuksaan hoga isliye koi mein bhi koi avgun dekhte ho to likhna chaahiye। koi bekaayde chalan to nahin chalte? kyonki brahman is samay servant hain na। baba bhi kehte hain bachche namaste। arth sahit samjhaate hain। bachchiyaan padhaane vaali jo hain - unmein deh-abhimaan nahin aana chaahiye। teacher bhi student ka servant hota hai na। governor aadi bhi chitthi likhte hain, neeche sahi karenge aai em obedient servant। bilkul sammukh naam likhenge। baaki klarka likhega - apne haath se। kabhi apni badaai nahin likhenge। aajkal guru to apne aapko aapehi shri-shri likh dete। yahaan bhi koi aise hain - shri phalaana likh dete hain। vaastav mein aise bhi likhna nahin chaahiye। na female shreemti likh sakti hai। shreemat tab mile jab shri-shri svayan aakar mat deve। tum samjha sakte ho ki zaroor koi ki mat se yeh (devta) bane hain na। bhaarat mein kisko bhi yeh pata nahin ki yeh itna oonch vishwa ke maalik kaise bane। tumko to yahi nasha chadhna chaahiye। yeh em object ka chitra sadaiv chhaati se laga hona chaahiye। kisko bhi bataao - hamko bhagwan padhaate hain, jisse ham vishwa ka mahaaraaja bante hain। baap aaye hain is raajya ki sthaapna karne। is puraani duniya ka vinaash saamne khada hai। tum chhoti-chhoti bachchiyaan totli bhaasha mein kisko bhi samjha sakti ho। bade-bade sammelan aadi hote hain, unmein tumko bulaate hain। yeh chitra tum le jaao aur baithkar samjhaao। bhaarat mein phir se inhon ka raajya sthaapan ho raha hai। kahaan bhi bhari sabha mein tum samjha sakte ho। saara din service ka hi nasha rehna chaahiye। bhaarat mein inka raajya sthaapan ho raha hai। baba hamko raajayog sikhla rahe hain। shiv bhagvaanuvaach - he bachchon, tum apne ko aatma samajh mujhe yaad karo। to tum yeh ban jaayenge 21 peedhi ke liye। daivi gun bhi dhaaran karne hain। abhi to sabke aasuri gun hain। shreshtha banaane vaala to ek hi shri shri shivbaaba hai। vahi oonch te oonch baap hamko padhaate hain। shiv bhagvaanuvaach, manamnaabhav। bhaageerath to mashhoor hai। bhaageerath ko hi brahma kaha jaata hai, jisko mahaaveer bhi kehte hain। yahaan delvaada mandir mein baithe hue hain na। jaini aadi jo mandir banaane vaale hain woh koi bhi jaante thode hi hain। tum chhoti-chhoti bachchiyaan koi se bhi visit le sakti ho। abhi tum bahut shreshtha ban rahe ho। yeh bhaarat ki em object hai na। kitna nasha chadhna chaahiye। yahaan baba achhi reeti nasha chadhaate hain। sab kehte hain ham to lakshmi-naaraayan banenge। raam-seeta banne ke liye koi bhi haath nahin uthaate। abhi to tum ho ahinsak, kshatriy। tum ahinsak kshatriyon ko koi bhi nahin jaante। yeh tum abhi samajhte ho। geeta mein bhi akshar hain manamnaabhav। apne ko aatma samjho। yeh to samajhne ki baat hai na aur koi bhi samajh nahin sakte। baap baith bachchon ko shiksha dete hain - bachche aatma-abhimaani bano। yeh aadat tumhaari phir 21 janma ke liye chalti hai। tumko shiksha milti hi hai 21 janmon ke liye।

baba ghadi-ghadi mool baat samjhaate hain - apne ko aatma samajhkar baitho। paramatma baap ham aatmaon ko baith samjhaate hain, tum ghadi-ghadi deh-abhimaan mein aa jaate ho phir gharbaar aadi yaad aa jaata hai। yeh hota hai। bhakti maarga mein bhi bhakti karte-karte buddhi aur taraph chali jaati hai। ek tik sirf naudha bhakti vaale hi baith sakte hain, jisko teevra bhakti kaha jaata hai। ekdam lavleen ho jaate hain। tum jaise yaad mein baithte ho to koi samay ekdam ashareeri ban jaate ho। jo achhe bachche honge - vahi aisi avastha mein baithenge। deh ka bhaan nikal jaayega। ashareeri ho us masti mein baithe rahenge। yeh aadat pad jaayegi। sannyaasi hain tatva gyaani va brahm gyaani। woh kehte hain ham leen ho jaayenge। yeh puraana shareer chhod brahm tatva mein leen ho jaayenge। sabka apna-apna dharma hai na। koi bhi doosre dharma ko nahin maante hain। aadi sanaatan devi devta dharma vaale bhi tamopradhaan ban gaye hain। geeta ka bhagwan kab aaya tha? geeta ka yug kab tha? koi bhi nahin jaante। tum jaante ho is sangamayug par hi baap aakar raajayog sikhlaate hain। tamopradhaan se satopradhaan banaate hain। bhaarat ki hi baat hai। anek dharma bhi the zaroor। gaayan hai ek dharma ki sthaapna, anek dharmon ka vinaash। satayug mein tha ek dharma। abhi kaliyug mein hain anek dharma। phir ek dharma ki sthaapna hoti hai। ek dharma tha, abhi nahin hai। baaki sab khade hain। bad ke jhaad ka misaal bhi bilkul theek hai। foundation hai nahin। baaki saara jhaad khada hai। vaise ismen bhi devi devta dharma hai nahin। aadi sanaatan devi devta dharma jo tana tha - woh ab praayahlop ho gaya hai। phir se baap sthaapna karte hain। baaki itne sab dharma to peechhe aaye hain phir chakra ko repeat zaroor karna hai arthaat puraani duniya se phir nai duniya honi hai। nai duniya mein inhon ka raajya tha। tumhaare paas bade chitra bhi hain, chhote bhi hain। badi cheez hogi to dekhkar poochhenge - yeh kya uthaaya hai। bolo, hamne woh cheez uthaai hai, jisse manushya beggar tu prince ban jaayen। dil mein bada umang, badi khushi rahni chaahiye। ham aatmaayen bhagwan ke bachche hain। aatmaon ko bhagwan padhaate hain। baba hamko naynon par bithaae le jaayenge। is chhi-chhi duniya mein to hamko rahne ka nahin hai। aage chal traahi-traahi karenge, baat mat poochho। karodon manushya marte hain। yeh to tum bachchon ki buddhi mein hai। ham in aankhon se jo dekhte hain yeh kuchh bhi rehna nahin hai। yahaan to manushya hain kaanton misal। satayug hai phoolon ka bageecha। phir hamaare nayan hi thande ho jaayenge। bageeche mein jaane se nayan thande sheetal ho jaate hain na। to tum abhi padmaapadma bhaagyashaali ban rahe ho। brahman jo bante hain unke paanv mein padma hain। tum bachchon ko samjhaana chaahiye - ham yeh raajya sthaapan kar rahe hain, isliye baba ne badge banvaaye hain। saphed saadi pahni hui ho, badge laga ho, isse svatah seva hoti rahegi। manushya gaate hain - aatma paramatma alag rahe bahukaal...parantu bahukaal ka arth koi bhi samajhte nahin hain। tumko baap ne bataaya hai ki bahukaal arthaat 5 hajaar varsha ke baad tum bachche baap se milte ho। tum yeh bhi jaante ho ki is srishti mein sabse naameegraami hain yeh raadhe-krishna। yeh satayug ke first prince princess hain। kabhi kiske khyaal mein bhi nahin aayega ki yeh kahaan se aaye। satayug ke aage zaroor kaliyug hoga। unhonne kya karma kiye jo vishwa ke maalik banen। bhaaratvaasi koi inhon ko vishwa ka maalik nahin samajhte hain। inka jab raajya tha to bhaarat mein aur koi dharma tha nahin। abhi tum bachche jaante ho - baap hamko raajayog sikha rahe hain। hamaari em object yeh hai। bhal mandiron mein unhon ke chitra aadi hain। parantu yeh thode hi samajhte hain ki is samay yeh sthaapna ho rahi hai। tumhaare mein bhi nambarvaar samajhte hain। koi to bilkul hi bhool jaate hain। chalan aisi hoti hai jaise pahle thi। yahaan samajhte to bahut achha hain, yahaan se baahar nikle khalaas। service ka shauk rehna chaahiye। sabko yeh paigaam dene ki yukti rachen। mehnat karni hai। nashe se bataana chaahiye - shivbaaba kehte hain mujhe yaad karo to paap mit jaayenge। ham ek shivbaaba ke sivaae aur kisko yaad nahin karte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) em object ka chitra sada saath rakhna hai। nasha rahe ki abhi ham shreemat par vishwa ka maalik ban rahe hain। ham aise phoolon ke bageeche mein jaate hain - jahaan hamaare nayan hi sheetal ho jaayenge।

2) service ka bahut-bahut shauk rakhna hai। bade dil va umang se bade-bade chitron par service karni hai। beggar tu prince banaana hai।

vardaan:- karmo ki gati ko jaan gati-sadgati ka phainsala karne vaale master duhkh harta sukh karta bhav

abhi tak apne jeevan ki kahaani dekhne aur sunaane mein busy nahin raho। balki har ek ke karma ki gati ko jaan gati sadgati dene ke phainsale karo। maastarduhkh harta sukh karta ka part bajaao। apni rachna ke duhkh ashaanti ki samasya ko samaapta karo, unhein mahaadaan aur vardaan do। khud facilities (suvidhaayen) na lo, ab to daata bankar do। yadi salvation ke aadhaar par svayan ki unnati va seva mein alpakaal ke liye saphalta praapta ho bhi jaaye to bhi aaj mahaan honge kal mahaanta ki pyaasi aatma ban jaayenge।

slogan:- anubhooti na hona - yuddha ki stage hai, yogi bano yoddhe nahin।

avyakt ishaare - ashareeri va videhi sthiti ka abhyaas badhaao

jaise brahma baap avyakt ban videhi sthiti dvaara karmaateet bane, to avyakt brahma ki vishesh paalna ke paatra ho isliye avyakt paalna ka respond videhi bankar do। seva aur sthiti ka balance rakho। videhi maana deh se nyaara। svabhaav, sanskaar, kamjoriyaan sab deh ke saath hain aur deh se nyaara ho gaya to sabse nyaara ho gaya, isliye yeh drill bahut sahayog degi, ismen controlling power chaahiye।