Murli du jour du mardi 9 décembre 2025

09-12-2025 praatahmurli om shanti "baapdaada"' madhuban

“meethe bachche - baba aaye hain tumhein behad ki jaageer dene, aise meethe baba ko tum pyaar se yaad karo to paavan ban jaayenge''

prashn:- vinaash ka samay jitna najdeek aata jaayega - uski nishaaniyaan kya hongi?

uttar:- vinaash ka samay nazdeek hoga to 1- sabko maaloom padta jaayega ki hamaara baba aaya hua hai। 2- ab nai duniya ki sthaapna, puraani ka vinaash hona hai। bahuton ko saakshaatkaar bhi honge। 3- sannyaasiyon, raajaaon aadi ko gyaan milega। 4- jab sunenge ki behad ka baap aaya hai, vahi sadgati dene vaala hai to bahut aayenge। 5- akhbaaron dvaara anekon ko sandesh milega। 6- tum bachche aatma-abhimaani bante jaayenge, ek baap ki hi yaad mein ateendriy sukh mein rahenge।

geet:- is paap ki duniya se…

om shanti। yeh kaun kehte hain aur kisko kehte hain - roohaani bachche! baba ghadi-ghadi roohaani kyon kehte hain? kyonki ab aatmaon ko jaana hai। phir jab is duniya mein aayenge to sukh hoga। aatmaon ne yeh shanti aur sukh ka varsa kalpa pahle bhi paaya tha। ab phir yeh varsa repeat ho raha hai। repeat ho tab srishti ka chakra bhi phir se repeat ho। repeat to sab hota hai na। jo kuchh past hua hai so repeat hoga। yoon to naatak bhi repeat hote hain parantu unmein change bhi kar sakte hain। koi akshar bhool jaate hain to banaakar daal dete hain। isko phir bioscope kaha jaata hai, ismen change nahin ho sakti। yeh anaadi bana-banaaya hai, us naatak ko bana-banaaya nahin kahenge। is drama ko samajhne se phir unke liye bhi samajh mein aa jaata hai। bachche samajhte hain jo naatak aadi abhi dekhte hain, woh sab hain jhoothe। kaliyug mein jo cheez dekhi jaati hai woh satayug mein hogi nahin। satayug mein jo hua tha so phir satayug mein hoga। yeh had ke naatak aadi phir bhi bhakti maarga mein hi honge। jo cheez bhaktimaarga mein hoti hai woh gyaan maarga arthaat satayug mein nahin hoti। to abhi behad ke baap se tum varsa pa rahe ho। baba ne samjhaaya hai - ek laukik baap se aur doosra paarlaukik baap se varsa milta hai, baaki jo alaukik baap hai unse varsa nahin milta। yeh khud unse varsa paate hain। yeh jo nai duniya ki property hai, woh behad ka baap hi dete hain sirf in dvaara। inse adopt karte hain isliye inko baap kehte hain। bhaktimaarga mein bhi laukik aur paarlaukik donon yaad aate hain। yeh (alaukik) nahin yaad aata kyonki inse koi varsa milta hi nahin hai। baap akshar to barobar hai parantu yeh brahma bhi rachna hai na। rachna ko rachta se varsa milta hai। tumko bhi shivbaaba ne create kiya hai। brahma ko bhi usne create kiya hai। varsa creator se milta hai, woh hai behad ka baap। brahma ke paas behad ka varsa hai kya? baap in dvaara baith samjhaate hain inko bhi varsa milta hai। aise nahin ki varsa lekar tumko dete hain। baap kehte hain tum inko bhi yaad na karo। yeh behad ke baap se tumko property milti hai। laukik baap se had ka, paarlaukik baap se behad ka varsa, donon reserve ho gaye। shivbaaba se varsa milta hai - buddhi mein aata hai! baaki brahma baba ka varsa kya kahenge! buddhi mein jaageer aati hai na। yeh behad ki baadshaahi tumko unse milti hai। woh hai bada baba। yeh to kehte hain mujhe yaad nahin karo, meri to koi property hai nahin, jo tumko mile। jisse property milni hai unko yaad karo। vahi kehte hain maamekam yaad karo। laukik baap ki property par kitna jhagda chalta hai। yahaan to jhagde ki baat nahin। baap ko yaad nahin karenge to automatically behad ka varsa bhi nahin milega। baap kehte hain apne ko aatma samjho। is rath ko bhi kehte hain tum apne ko aatma samajh mujhe yaad karo to vishwa ki baadshaahi milegi। isko kaha jaata hai yaad ki yaatra। deh ke sab sambandh chhod apne ko ashareeri aatma samajhna hai। ismen hi mehnat hai। padhaai ke liye koi to mehnat chaahiye na। is yaad ki yaatra se tum patit se paavan bante ho। woh yaatra karte hain shareer se। yeh to hai aatma ki yaatra। yeh tumhaari yaatra hai paramdham jaane ke liye। paramdham athva muktidhaam koi ja nahin sakte hain, sivaae is purushaartha ke। jo achhi reeti yaad karte hain vahi ja sakte hain aur phir oonch pad bhi woh pa sakte hain। jaayenge to sab। parantu woh to patit hain na isliye pukaarte hain। aatma yaad karti hai। khaati-peeti sab aatma karti hai na। is samay tumko dehi-abhimaani banna hai, yahi mehnat hai। bigar mehnat to kuchh milta nahin। hai bhi bahut sahaj। parantu maaya ka opposition hota hai। kiski takdeer achhi hai to jhat ismen lag jaate hain। koi deri se bhi aayenge। agar buddhi mein theek reeti baith gaya to kahenge bas ham is roohaani yaatra mein lag jaata hoon। aise teevra veg se lag jaaen to achhi daudi pahan sakte hain। ghar mein rehte bhi buddhi mein aa jaayega yeh to bahut achhi right baat hai। ham apne ko aatma samajh patit-paavan baap ko yaad karta hoon। baap ke pharmaan par chalen to paavan ban sakte hain। banenge bhi zaroor। purushaartha ki baat hai। hai bahut sahaj। bhakti maarga mein to bahut difficulty hoti hai। yahaan tumhaari buddhi mein hai ab hamko vaapis jaana hai baba ke paas। phir yahaan aakar vishnu ki maala mein pirona hai। maala ka hisaab karen। maala to brahma ki bhi hai, vishnu ki bhi hai, roodra ki bhi hai। pahle-pahle nai srishti ke yeh hain na। baaki sab peechhe aate hain। goya pichhaadi mein pirote hain। kahenge tumhaara oonch kul kya hai? tum kahenge vishnu kul। ham asal vishnu kul ke the, phir kshatriy kul ke bane। phir unse biraadriyaan nikalti hain। is knowledge se tum samajhte ho biraadriyaan kaise banti hain। pahle-pahle roodra ki maala banti hai। oonch te oonch biraadri hai। baba ne samjhaaya hai - yeh tumhaara bahut oonch kul hai। yeh bhi samajhte hain saari duniya ko paigaam zaroor milega। jaise kai kehte hain bhagwan zaroor kahaan aaya hua hai parantu pata nahin padta hai। aakhreen pata to lagega sabko। akhbaaron mein padta jaayega। abhi to thoda daalte hain। aise nahin ki ek akhbaar sab padhte hain। library mein padh sakte hain। koi 2-4 akhbaar bhi padhte hain। koi bilkul nahin padhte। yeh sabko maaloom padna hi hai ki baba aaya hua hai, vinaash ka samay nazdeek hoga to maaloom padega। nai duniya ki sthaapna, puraani ka vinaash hota hai। ho sakta hai bahuton ko saakshaatkaar bhi ho। tumhein sannyaasiyon, raajaaon aadi ko gyaan dena hai। bahuton ko paigaam milna hai। jab sunenge behad ka baap aaya hai, vahi sadgati dene vaala hai to bahut aayenge। abhi akhbaar mein itna dilapsanda kaaydemuzeeb nikla nahin hai। koi nikal padenge, poochhtaachh karenge। bachche samajhte hain ham shreemat par satayug ki sthaapna kar rahe hain। tumhaari yeh nai mission hai। tum ho eeshvareey mission ke eeshvareey bhaati। jaise Christian mission ke Christian bhaati ban jaate hain। tum ho eeshvareey bhaati isliye gaayan hai ateendriy sukh gop-gopiyon se poochho, jo aatma-abhimaani bane hain। ek baap ko yaad karna hai, doosra na koi। yeh raajayog ek baap hi sikhlaate hain, vahi geeta ka bhagwan hai। sabko yahi baap ka nimantran va paigaam dena hai, baaki sab baaten hain gyaan shrringaar। yeh chitra sab hain gyaan ka shrringaar, na ki bhakti ka। yeh baap ne baith banvaaye hain - manushyon ko samjhaane ke liye। yeh chitra aadi to praayahlop ho jaayenge। baaki yeh gyaan aatma mein rah jaata hai। baap ko bhi yeh gyaan hai, drama mein noondh hai।

tum abhi bhakti maarga paas kar gyaan maarga mein aaye ho। tum jaante ho hamaari aatma mein yeh part hai jo chal raha hai। noondh thi jo phir se ham raajayog seekh rahe hain baap se। baap ko hi aakar yeh knowledge deni thi। aatma mein noondh hai। vahaan jaae pahunchenge phir nai duniya ka part repeat hoga। aatma ke saare record ko is samay tum samajh gaye ho shuru se lekar। phir yeh sab band ho jaayenge। bhaktimaarga ka part bhi banda ho jaayega। phir jo tumhaari act satayug mein chali hogi, vahi chalegi। kya hoga, yeh baap nahin bataate hain। jo kuchh hua hoga vahi hoga। samjha jaata hai satayug hai nai duniya। zaroor vahaan sab kuchh naya satopradhaan aur sasta hoga, jo kuchh kalpa pahle hua tha vahi hoga। dekhte bhi hain - in lakshmi-naaraayan ko kitne sukh hain। heere-javaahraat dhan bahut rehta hai। dhan hai to sukh bhi hai। yahaan tum bhent kar sakte ho। vahaan nahin kar sakenge। yahaan ki baaten vahaan sab bhool jaayenge। yeh hain nai baaten, jo baap hi bachchon ko samjhaate hain। aatmaon ko vahaan jaana hai, jahaan kaarobaar saari band ho jaati hai। hisaab-kitaab chuktu hota hai। record poora hota hai। ek hi record bahut bada hai। kahenge phir aatma bhi itni badi honi chaahiye। parantu nahin। itni chhoti aatma mein 84 janmon ka part hai। aatma bhi avinaashi hai। inko sirf wonder hi kahenge। aise aashcharyavat cheez aur koi ho na sake। baba ke liye to kehte hain satayug-treta ke samay vishraam mein rehte hain। ham to all-round part bajaate hain। sabse jaasti hamaara part hai। to baap varsa bhi oonch dete hain। kehte hain 84 janma bhi tum hi lete ho। hamaara to part phir aisa hai jo aur koi baja na sake। wonderful baaten hain na। yeh bhi wonder hai jo aatmaon ko baap baith samjhaate hain। aatma mel-female nahin hai। jab shareer dhaaran karti hai to mel-female kaha jaata hai। aatmaayen sab bachche hain to bhaai-bhaai ho jaati hain। bhaai-bhaai hain zaroor varsa paane ke liye। aatma baap ka bachcha hai na। varsa lete hain baap se isliye mel hi kahenge। sab aatmaon ka hak hai, baap se varsa lene ka। uske liye baap ko yaad karna hai। apne ko aatma samajhna hai। ham sab brothers hain। aatma, aatma hi hai। woh kabhi badalti nahin। baaki shareer kabhi mel ka, kabhi female ka leti hai। yeh badi atapti baaten samajhne ki hain, aur koi bhi suna na sake। baap se ya tum bachchon se hi sun sakte hain। baap to tum bachchon se hi baat karte hain। aage to sabse milte the, sabse baat karte the। abhi karte-karte aakhreen to koi se baat hi nahin karenge। san shows father hai na। bachchon ko hi padhaana hai। tum bachche hi bahuton ki service kar le aate ho। baba samajhte hain yeh bahuton ko aapasmaan banaakar le aate hain। yeh bada raaja banenge, yeh chhota raaja banenge। tum roohaani sena bhi ho, jo sabko raavan ki janjeeron se chhudaae apni mission mein le aate ho। jitni jo service karte hain utna phal milta hai। jisne jaasti bhakti ki hai vahi jaasti hoshiyaar ho jaate hain aur varsa le lete hain। yeh padhaai hai, achhi reeti padhaai nahin ki to fail ho jaayenge। padhaai bahut sahaj hai। samajhna aur samjhaana bhi hai sahaj। difficulty ki baat nahin, parantu raajdhaani sthaapan honi hai, usmein to sab chaahiye na। purushaartha karna hai। usmein ham oonch pad paayen। mrityulok se transfer hokar amarlok mein jaana hai। jitna padhenge utna amarpuri mein oonch pad paayenge।

baap ko pyaar bhi karna hota hai kyonki yeh hai bahut pyaare te pyaari vastu। pyaar ka saagar bhi hai, ekras pyaar ho na sake। koi yaad karte hain, koi nahin karte hain। kisko samjhaane ka bhi nasha rehta hai na। yeh bada temptation hai। koi ko bhi bataana hai - yeh university hai। yeh spiritual padhaai hai। aise chitra aur koi school mein nahin dikhaaye jaate। din-pratidin aur hi chitra nikalte rahenge, jo manushya dekhne se hi samajh jaaen। seedhi hai bahut achhi। parantu devta dharma ka nahin hoga to unko samajh mein nahin aayega। jo is kul ka hoga unko teer lagega। jo hamaare devta dharma ke patte honge vahi aayenge। tumko feel hoga yeh to bahut roochi se sun rahe hain। koi to aise hi chale jaayenge। din-pratidin nai-nai baaten bhi bachchon ko samjhaate rehte hain। service ka bada shauk chaahiye। jo service par tatpar honge vahi dil par chadhenge aur takhta par bhi chadhenge। aage chal tumko sab saakshaatkaar hote rahenge। us khushi mein tum rahenge। duniya mein to haahaakaar bahut hona hai। rakta ki nadiyaan bhi bahni hain। bahaadur service vaale kabhi bhookh nahin marenge। parantu yahaan to tumko vanvaas mein rehna hai। sukh bhi vahaan milega। kanya ko to vanvaah mein bithaate hain na। sasurghar jaakar khoob pahanna। tum bhi sasurghar jaate ho to woh nasha rehta hai। woh hai hi sukhdhaam। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) maala mein pirone ke liye dehi-abhimaani ban teevra veg se yaad ki yaatra karni hai। baap ke pharmaan par chalkar paavan banna hai।

2) baap ka parichay de bahuton ko aap samaan banaane ki service karni hai। yahaan vanvaah mein rehna hai। antim haahaakaar ki scene dekhne ke liye mahaaveer banna hai।

vardaan:- bandhanon ke pinjade ko todkar jeevanmukta sthiti ka anubhav karne vaale sachche trustee bhav

shareer ka va sambandh ka bandhan hi pinjada hai। pharjaadaai bhi nimitta maatra nibhaani hai, lagaav se nahin tab kahenge nirbandhan। jo trustee bankar chalte hain vahi nirbandhan hain yadi koi bhi meraapan hai to pinjade mein band hain। abhi pinjade ki maina se pharishte ban gaye isliye kahaan jara bhi bandhan na ho। man ka bhi bandhan nahin। kya karoon, kaise karoon, chaahta hoon hota nahin - yeh bhi man ka bandhan hai। jab marjeeva ban gaye to sab prakaar ke bandhan samaapta, sada jeevanmukta sthiti ka anubhav hota rahe।

slogan:- sankalpon ko bachaao to samay, bol sab svatahbach jaayenge।

avyakt ishaare - ab sampanna va karmaateet banne ki dhun lagaao

karmaateet arthaat karma ke kisi bhi bandhan ke sparsha se nyaare। aisa hi anubhav badhta rahe। koi bhi kaarya sparsha na kare aur karne ke baad jo result nikalti hai uska bhi sparsha na ho, bilkul hi nyaaraapan anubhav hota rahe। jaise ki doosre koi ne karaaya aur mainne kiya। nimitta banne mein bhi nyaaraapan anubhav ho। jo kuchh beeta, fullstop lagaakar nyaare ban jaao।