Murli du jour du jeudi 1 janvier 2026

01-01-2026 praatahmurli om shanti "baapdaada"' madhuban

“meethe bachche - tum baap ke paas aaye ho refresh hone, baap aur varse ko yaad karo to sada refresh rahenge''

prashn:- samajhdaar bachchon ki mukhya nishaani kya hogi?

uttar:- jo samajhdaar hain unhein apaar khushi hogi। agar khushi nahin to buddhu hain। samajhdaar arthaat paarasbuddhi banne vaale। woh doosron ko bhi paarasbuddhi banaayenge। roohaani service mein busy rahenge। baap ka parichay dene bigar rah nahin sakenge।

om shanti। baap baith samjhaate hain, yeh daada bhi samajhte hain kyonki baap baith daada dvaara samjhaate hain। tum jaise samajhte ho vaise daada bhi samajhte hain। daada ko bhagwan nahin kaha jaata। yeh hai bhagvaanuvaach। baap mukhya kya samjhaate hain ki dehi-abhimaani bano। yeh kyon kehte hain? kyonki apne ko aatma samajhne se ham patit-paavan parampita paramatma se paavan banne vaale hain। yeh buddhi mein gyaan hai। sabko samjhaana hai, pukaarte bhi hain ki ham patit hain। nai duniya paavan zaroor hi hogi। nai duniya banaane vaala, sthaapan karne vaala baap hai। unko hi patit-paavan baba kah bulaate hain। patit-paavan, saath mein unko baap kehte hain। baap ko aatmaayen bulaati hain। shareer nahin bulaayega। hamaari aatma ka baap paarlaukik hai, vahi patit-paavan hai। yeh to achhi reeti yaad rehna chaahiye। yeh nai duniya hai ya puraani duniya hai, yeh samajh to sakte hain na। aise bhi buddhu hain, jo samajhte hain hamko sukh apaar hain। ham to jaise svarga mein baithe hain। parantu yeh bhi samajhna chaahiye ki kaliyug ko kabhi svarga kah nahin sakte। naam hi hai kaliyug, puraani patit duniya। antar hai na। manushyon ki buddhi mein yeh bhi nahin baithta hai। bilkul hi jadajdeebhoot avastha hai। bachche nahin padhte hain to kehte hain na ki tum to pattharbuddhi ho। baba bhi likhte hain tumhaare gaanv nivaasi to bilkul pattharbuddhi hain। samajhte nahin hain kyonki doosron ko samjhaate nahin hain। khud paarasbuddhi bante hain to doosre ko bhi banaana chaahiye। purushaartha karna chaahiye। ismen lajja aadi ki to baat hi nahin। parantu manushyon ki buddhi mein aadhaakalpa ulte akshar pade hain to woh bhoolte nahin hain। kaise bhulaayen? bhulvaane ki taakat bhi to ek baap ke paas hi hai। baap bigar yeh gyaan to koi de nahin sakte। goya sab agyaani thahre। unka gyaan phir kahaan se aaye! jab tak gyaan saagar baap aakar na sunaaye। tamopradhaan maana hi agyaani duniya। satopradhaan maana daivi duniya। farka to hai na। devi-devtaayen hi punarjanma lete hain। samay bhi phirta rehta hai। buddhi bhi kamjor hoti jaati hai। buddhi ka yog lagaane se jo taakat mile woh phir khalaas ho jaati hai।

abhi tumko baap samjhaate hain to tum kitne refresh hote ho। tum refresh the aur vishraam mein the। baap bhi likhte hain na - bachchon aakar refresh bhi ho jaao aur vishraam bhi paao। refresh hone baad tum satayug mein vishraampuri mein jaate ho। vahaan tumko bahut vishraam milta hai। vahaan sukh-shanti-sampatti aadi sab kuchh tumko milta hai। to baba ke paas aate hain refresh hone, vishraam paane। refresh bhi shivbaaba karte hain। vishraam bhi baba ke paas lete ho। vishraam maana shant। thak kar vishraami hote hain na! koi kahaan, koi kahaan jaate hain vishraam paane। usmein to riphreshmenta ki baat hi nahin। yahaan tumko baap roz samjhaate hain to tum yahaan aakar refresh hote ho। yaad karne se tum tamopradhaan se satopradhaan bante ho। satopradhaan banne ke liye hi tum yahaan aate ho। uske liye kya purushaartha hai? meethe-meethe bachche baap ko yaad karo। baap ne saari shiksha to di hai। yeh srishti chakra kaise phirta hai, tumko vishraam kaise milta hai। aur koi bhi yeh baaten nahin jaante to unhon ko bhi samjhaana chaahiye, taaki woh bhi tum jaisa refresh ho jaae। apna farja hi yeh hai, sabko paigaam dena। avinaashi refresh hona hai। avinaashi vishraam paana hai। sabko yeh paigaam do। yahi yaad dilaana hai ki baap ko aur varse ko yaad karo। hai to bahut sahaj baat। behad ka baap svarga rachte hain। svarga ka hi varsa dete hain। abhi tum ho sangamayug par। maaya ke shraap aur baap ke varse ko tum jaante ho। jab maaya raavan ka shraap milta hai to pavitrata bhi khatma, sukh-shanti bhi khatma, to dhan bhi khatma ho jaata hai। kaise dheere-dheere khatma hota hai - woh bhi baap ne samjhaaya hai। kitne janma lagte hain, duhkhadhaam mein koi vishraam thode hi hota hai। sukhdhaam mein vishraam hi vishraam hai। manushyon ko bhakti kitna thakaati hai। janma-janmaantar bhakti thaka deti hai। kangaal kar deti hai। yeh bhi ab tumko baap samjhaate hain। naye-naye aate hain to kitna samjhaaya jaata hai। har ek baat par manushya bahut soch karte hain। samajhte hain kahaan jaadu na ho। are tum kehte ho jaadoogar। to main bhi kehta hoon - jaadoogar hoon। parantu jaadu koi woh nahin hai jo bhed-bakri aadi bana denge। jaanvar to nahin hain na। yeh buddhi se samjha jaata hai। gaayan bhi hai surmandal ke saaj se… is samay manushya jaise ridh misal hai। yeh baaten yahaan ke liye hain। satayug mein nahin gaate, is samay ka hi gaayan hai। chandika ka kitna mela lagta hai। poochho woh kaun thi? kahenge devi। ab aisa naam to vahaan hota nahin। satayug mein to sadaiv shubh naam hota hai। shri raamchandra, shreekrishna.. shri kaha jaata hai shreshtha ko। satayugi sampradaay ko shreshtha kaha jaata hai। kaliyugi vicious sampradaay ko shreshtha kaise kahenge। shri maana shreshtha। abhi ke manushya to shreshtha hai nahin। gaayan bhi hai manushya se devta......phir devta se manushya bante hain kyonki 5 vikaaron mein jaate hain। raavan raajya mein sab manushya hi manushya hain। vahaan hain devtaayen। unko deity world, isko human world kaha jaata hai। deity world ko din kaha jaata hai। human world ko raat kaha jaata hai। din sojhre ko kaha jaata hai। raat agyaan andhiyaare ko kaha jaata hai। is farka ko tum jaante ho। tum samajhte ho ham pahle kuchh bhi nahin jaante the। abhi sab baaten buddhi mein hain। rishi-muniyon se poochhte hain rachta aur rachna ke aadi-madhya-ant ko jaante ho to woh bhi neti-neti kar gaye। ham nahin jaante। abhi tum samajhte ho ham bhi pahle naastik the। behad ke baap ko nahin jaante the। woh hai asul avinaashi baba, aatmaon ka baba। tum bachche jaante ho ham us behad ke baap ke bane hain, jo kabhi jalte nahin hain। yahaan to sab jalte hain, raavan ko bhi jalaate hain। shareer hai na। phir bhi aatma ko to kabhi koi jala nahin sakte। to bachchon ko baap yeh gupta gyaan sunaate hain, jo baap ke paas hi hai। yeh aatma mein gupta gyaan hai। aatma bhi gupta hai। aatma is mukh dvaara bolti hai isliye baap kehte hain - bachche, deh-abhimaani mat bano। aatma-abhimaani bano। nahin to jaise ulte ban jaate ho। apne ko aatma bhool jaate ho। drama ke raaz ko bhi achhi reeti samajhna hai। drama mein jo noondh hai woh hoobhu repeat hota hai। yeh kisko pata nahin hai। drama anusaar second by second kaise chalta rehta hai, yeh bhi knowledge buddhi mein hai। aasmaan ka koi bhi paar nahin pa sakte hain। dharti ka pa sakte hain। aakaash sookshm hai, dharti to sthool hai। kai cheejon ka paar pa nahin sakte। jabki kehte bhi hain aakaash hi aakaash, paataal hi paataal hai। shaastron mein suna hai na, to oopar mein bhi jaakar dekhte hain। vahaan bhi duniya basaane ki koshish karte hain। duniya basaai to bahut hai na। bhaarat mein sirf ek hi devi-devta dharma tha aur khanda aadi nahin tha phir kitna basaaya hai। tum vichaar karo। bhaarat ke bhi kitne thode tukde mein devtaayen hote hain। jamuna ka kantha hota hai। dehli paristaan thi, isko kabristaan kaha jaata hai, jahaan akaale mrityu hoti rehti hai। amarlok ko paristaan kaha jaata hai। vahaan bahut natural beauty hoti hai। bhaarat ko vaastav mein paristaan kehte the। yeh lakshmi-naaraayan paristaan ke maalik hain na। kitne shobhaavaan hain। satopradhaan hain na। natural beauty thi। aatma bhi chamakti rehti hai। bachchon ko dikhaaya tha krishna ka janma kaise hota hai। saare kamre mein hi jaise chamatkaar ho jaata hai। to baap bachchon ko baith samjhaate hain। abhi tum paristaan mein jaane ke liye purushaartha kar rahe ho। nambarvaar to zaroor chaahiye। ek jaise sab ho na sake। vichaar kiya jaata hai, itni chhoti aatma kitna bada part bajaati hai। shareer se aatma nikal jaati hai to shareer ka kya haal ho jaata hai। saari duniya ke actors vahi part bajaate hain jo anaadi bana hua hai। yeh srishti bhi anaadi hai। usmein har ek ka part bhi anaadi hai। unko tum wonderful tab kehte ho jabki jaante ho yeh srishti roopi jhaad hai। baap kitna achhi reeti samjhaate hain। drama mein phir bhi jiske liye jitna samay hai utna samajhne mein samay lete hain। buddhi mein farka hai na। aatma man-buddhi sahit hai na to kitna farka rehta hai। bachchon ko maaloom padta hai hamko scholarship lene ki hai। to dil andar khushi hoti hai na। yahaan bhi andar aane se hi em object saamne dekhne mein aati hai to zaroor khushi hogi na! abhi tum jaante ho yeh banne ke liye yahaan padhne aaye hain। nahin to kabhi koi aa na sake। yeh hai em object। aisa koi school kahaan bhi nahin hoga jahaan doosre janma ki em object ko dekh sake। tum dekh rahe ho yeh svarga ke maalik hain, ham hi yeh banne vaale hain। ham abhi sangamayug par hain। na us raajaai ke hain, na is raajaai ke hain। ham beech mein hain, ja rahe hain। khivaiya (baap) bhi hai niraakaar। boat (aatma) bhi hai niraakaar। boat ko kheenchakar paramdham mein le jaate hain। incorporeal baap incorporeal bachchon ko le jaate hain। baap hi bachchon ko saath mein le jaayenge। yeh chakra poora hota hai phir hoobhu repeat karna hai। ek shareer chhod doosra lenge। chhota bankar phir bada banenge। jaise aam ki guthli ko jameen mein daal dete hain to unse phir aam nikal aayenge। woh hai had ka jhaad। yeh manushya srishti roopi jhaad hai, inko variety jhaad kaha jaata hai। satayug se lekar kaliyug tak sab part bajaate rehte hain। avinaashi aatma 84 ke chakra ka part bajaati hai। lakshmi-naaraayan the jo ab nahin hain। chakra lagaae ab phir yeh bante hain। kahenge pahle yeh lakshmi-naaraayan the phir unhon ka yeh hai last janma brahma-sarasvati। abhi sabko vaapis zaroor jaana hai। svarga mein to itne aadmi the nahin। na islaami, na bauddhi.... koi bhi dharma vaale actors nahin the, sivaae devi-devtaaon ke। yeh samajh bhi koi mein nahin hai। samajhdaar ko title milna chaahiye na। jitna jo padhta hai nambarvaar purushaartha se pad paata hai। to tum bachchon ko yahaan aane se hi yeh em object dekh khushi honi chaahiye। khushi ka to paaraavaar nahin। paathshaala va school ho to aisa। hai kitni gupta, parantu jabardasta paathshaala hai। jitni badi padhaai, utna bada college। vahaan sab facilities milti hain। aatma ko padhna hai phir chaahe sone ke takhta par, chaahe lakdi ke takhta par chadhe। bachchon ko kitni khushi honi chaahiye kyonki shiv bhagvaanuvaach hai na। pahle number mein hai yeh vishwa ka prince। bachchon ko ab pata pada hai। kalpa-kalpa baap hi aakar apna parichay dete hain। main inmen pravesh kar tum bachchon ko padha raha hoon। devtaaon mein yeh gyaan thode hi hoga। gyaan se devta ban gaye phir padhaai ki darkaar nahin, ismen badi vishaalbuddhi chaahiye samajhne ki। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is patit duniya ka buddhi se sannyaas kar puraani deh aur deh ke sambandhiyon ko bhool apni buddhi baap aur svarga taraph lagaani hai।

2) avinaashi vishraam ka anubhav karne ke liye baap aur varse ki smriti mein rehna hai। sabko baap ka paigaam de refresh karna hai। roohaani service mein lajja nahin karni hai।

vardaan:- sangathan mein ekmat aur ekras sthiti dvaara saphalta praapta karne vaale sachche snehi bhav

sangathan mein ek ne kaha doosre ne maana - yeh hai sachche sneh ka respond। aise snehi bachchon ka example dekh aur bhi samparka mein aane ke liye himmat rakhte hain। sangathan bhi seva ka saadhan ban jaata hai। jahaan maaya dekhti hai ki inki unity achhi hai, gheraav hai to vahaan aane ki himmat nahin rakhti। ekmat aur ekras sthiti ke sanskaar hi satayug mein ek raajya ki sthaapna karte hain।

slogan:- karma aur yog ka balance rakhne vaale hi saphal yogi hain।

sangamayugi sarva teevra purushaarthi bhaai bahinon ko naye yug ke saath naye varsha ki bahut-bahut shubh bandhaaeeyaan।

naye varsha ka yeh pahla January maas meethe saakaar baba ki smritiyon ka maas hai, ham sabhi baba ke bachche avyakt vatan ki sookshm leelaaon ka anubhav karne tatha svayan ko brahma baap samaan sampanna va sampoorn banaane ke liye poora hi maas apni bandhan-mukta, jeevanmukta sthiti banaane ke liye man aur mukh ka maun rakhen। buddhibal se avyakti vatan ki sair karen, isi lakshya se is maas ke avyakti ishaare bhej rahe hain:-

avyakt ishaare - is avyakti maas mein bandhanmukta rah jeevanmukta sthiti ka anubhav karo

baapdaada chaahte hain - mera ek ek bachcha mukti-jeevanmukti ke varse ke adhikaari banen। abhi ke abhyaas ki satayug mein natural life hogi lekin varse ka adhikaar abhi sangam par hai isliye agar koi bhi bandhan kheenchata hai to kaaran socho aur nivaaran karo।