Murli du jour du vendredi 20 février 2026

20-02-2026 praatahmurli om shanti "baapdaada"' madhuban

“meethe bachche - tumhein kamaai ka bahut shauk hona chaahiye, is padhaai mein hi kamaai hai''

prashn:- gyaan ke bigar kaun si khushi ki baat bhi vighna roop ban jaati hai?

uttar:- saakshaatkaar hona, yeh hai to khushi ki baat lekin agar yathaartha roop se gyaan nahin hai to aur hi moonjh jaate hain। samjho kisi ko baap ka saakshaatkaar hua, bindu dekha to kya samjhenge aur hi moonjhenge, isliye gyaan ke bigar saakshaatkaar se koi bhi phaayda nahin, ismen aur hi maaya ke vighna padne lagte hain। kaiyon ko saakshaatkaar ka ulta nasha bhi chadh jaata hai।

geet:- takdeer jagaakar aai hoon…

om shanti। meethe-meethe roohaani bachchon ne geet suna। nayon ne bhi suna, puraanon ne bhi suna। kumaaron ne bhi suna ki yeh paathshaala hai। paathshaala mein koi na koi takdeer banaai jaati hai। vahaan to anek prakaar ki takdeer hai। koi surgeon banne ki, koi barrister banne ki takdeer banaate hain। takdeer ko em-object kaha jaata hai। takdeer banaane bigar paathshaala mein kya padhenge। ab yahaan bachche jaante hain ki ham bhi takdeer banaakar aaye hain। nai duniya ke liye apna raajya-bhaagya lene aaye hain। yeh raajayog hai hi nai duniya ke liye। woh hai puraani duniya ke liye। woh puraani duniya ke liye barrister, engineer, surgeon aadi bante hain। woh bante-bante abhi puraani duniya ka to time bahut thoda raha hai। woh to khatma ho jaayenge। woh takdeer hai is mrityulok ke liye yaani is janma ke liye। tumhaari yeh padhaai hai nai duniya ke liye। tum nai duniya ke liye takdeer banaakar aaye ho। nai duniya mein tumko raajya-bhaagya milega। kaun padhaate hain? behad ka baap, jinse hi varsa paana hai। jaise doctor se doktari ka varsa paate hain, woh ho jaata hai is janma ka varsa। ek to varsa milta hai baap se, doosra varsa milta hai apni padhaai ka। achha, phir jab boodhe hote hain tab guru ke paas jaate hain। kya chaahte hain? kehte hain hamko shantidham mein jaane ki shiksha do। hamko sadgati do। yahaan se nikaal shantidham le jaao। ab baap se varsa milta hai, teacher se bhi varsa milta hai is janma ke liye, baaki guru se kuchh bhi milta nahin। teacher se padhkar kuchh na kuchh varsa paate hain। teacher banen, sewing teacher (silaai teacher) banen, kyonki aajeevika to chaahiye na। baap ka varsa hote hue bhi padhte hain ki ham bhi apni kamaai karen। guru se to kuchh bhi kamaai hoti nahin। haan koi-koi geeta aadi achhi reeti padhkar phir geeta par bhaashan aadi karte hain। yeh sab hain alpakaal sukh ke liye। ab to is mrityulok mein hain thoda samay। puraani duniya khatma honi hai।

tum jaante ho ham nai duniya ki takdeer banaane aaye hain। yeh puraani duniya khatma honi hai। baap ki va apni milkiyat bhi bhasma ho jaayegi। haath phir khaali ho jaayenge। abhi to kamaai chaahiye - nai duniya ke liye। puraani duniya ke manushya to woh kara nahin sakenge। nai duniya ke liye kamaai karaane vaala hai shivbaaba। yahaan tum nai duniya ke liye takdeer banaane aaye ho। woh baap hi tumhaara baap bhi hai, teacher bhi hai, guru bhi hai। aur woh aate bhi hain sangam par। bhavishya ke liye kamaai karna sikhaate hain। ab is puraani duniya mein thode roz hain। yeh duniya ke manushya nahin jaante। kahenge nai duniya phir kab aayegi, yeh gapoda maarne vaale hain। aise samajhne vaale bhi bahut hain। baap kahenge nai duniya sthaapan hoti hai। bachcha kahega yeh gapoda hai। tum bachche samajhte ho nai duniya ke liye yeh hamaara baap, teacher, satguru hai। baap aate hi hain shantidham, sukhdhaam mein le jaane। koi takdeer nahin banaate hain goya kuchh bhi samajhte nahin hain। ek hi ghar mein stri padhti hai, purush nahin padhega; bachche padhenge, maa-baap nahin padhenge। aise hota rehta hai। shuru mein kutumba ke kutumba aaye parantu maaya ka toofaan lagne se aashcharyavat sunanti, kathanti, baap ko chhod chale gaye। gaaya hua bhi hai aashcharyavat sunanti, baap ka banenge, padhaai padhenge phir bhi.... haay kudrat drama ki। baap khud kehte hain haay drama, haay maaya। drama ki hi baat hui na। stri-purush ek-do ko divorce dete hain। bachche baap ko phaarakti dete hain yahaan to woh nahin hai। yahaan to divorce de na saken। baap to aaye hi hain bachchon ko sachchi kamaai karaane। baap thode hi kisko khadde mein daalenge। baap to hai hi patit-paavan, merciful। baap aakar duhkh se liberate karte hain aur guide ban saath le jaane vaala hai। aise koi laukik guru nahin kahenge ki main tumko saath le jaaoonga। aise guru kabhi dekha, kabhi suna? guru logon se tum poochho - itne aapke jo followers hain, tum shareer chhod jaayenge phir kya in followers ko bhi saath le jaayenge? aise to kabhi koi nahin kahega ki main followers ko saath le jaaoonga। yeh to ho na sake। kabhi koi kah na sake ki main tum sabko nirvaandhaam va muktidhaam mein le jaaoonga। aisa prashn koi poochh bhi na sake ki hamko aap saath le jaayenge? shaastron mein hai bhagvaanuvaach, main tumko le jaaoonga। machchharon sadrishya sab jaate hain। satayug mein to manushya thode hote hain। kaliyug mein to dher manushya hain। shareer chhod baaki aatmaayen hisaab-kitaab chuktu kar chali jaayengi। bhaagna zaroor hai, itne manushya rah na saken।

tum bachche achhi reeti jaante ho - abhi hamko jaana hai ghar। yeh shareer to chhodna hai। aap muye mar gai duniya। apne ko sirf aatma samajh baap ko yaad karna hai। yeh puraana chola to chhodna hai। yeh duniya bhi puraani hai। jaise puraane ghar mein baithe hue naya ghar saamne taiyaar hota rehta to samjhenge hamaare liye ban raha hai। buddhi chali jaayegi naye ghar taraph। ismen yeh banaao, yeh karo। mamatva saara puraane se mitkar naye mein jut jaata hai। woh hui had ki baat। yeh hai behad ke duniya ki baat। puraani duniya se mamatva mitaana hai aur nai duniya mein lagaana hai। jaante hain yeh puraani duniya to khatma ho jaani hai। nai duniya hai svarga। usmein ham raajaai pad paate hain। jitna yog mein rahenge, gyaan ki dhaarna karenge, auron ko samjhaayenge, utna khushi ka paara chadhega। bada bhaari imtahaan hai। ham svarga ka 21 janma ke liye varsa pa rahe hain। saahookaar banna to achha hai na। badi aayu mili to achha hai na। srishti chakra ko yaad karenge, jitna jo aapasmaan banaayenge utna phaayda hai। raaja banna hai to praja bhi banaani hai। pradarshani mein itne dher aate hain। woh saari praja banti jaayegi kyonki is avinaashi gyaan ka vinaash to hota nahin hai। buddhi mein aa jaayega - pavitra ban pavitra duniya ka maalik banna hai। purushaartha jaasti karenge to praja mein oonch pad paayenge। nahin to kam darje vaali praja banenge। nambarvaar to hote hain na। raamraajya ki sthaapna ho rahi hai। raavan raajya ka vinaash ho jaayega। satayug mein to honge hi devtaayen।

baba ne samjhaaya hai - yaad ki yaatra se tum satopradhaan duniya ke maalik banenge। maalik to raaja praja sab hote hain। praja bhi kahegi bhaarat hamaara sabse ooncha hai। barobar bhaarat bahut oonch tha। abhi thode hi hai, tha zaroor। abhi to bilkul hi gareeb ho gaya hai। praacheen bhaarat sabse saahookaar tha। tum jaante ho - barobar ham bhaaratvaasi sabse oonch devi-devta kul ke the। doosre koi ko devta nahin kaha jaata। ab tum bachchiyaan yeh padhti ho phir auron ko samjhaana hai। manushyon ko samjhaana to hai na। tumhaare paas chitra bhi hain, tum siddha kar batla sakte ho - inhonne yeh pad kaise paaya? ange akshare (tithi-taareekh sahit) tum siddha kar sakte ho। ab phir se yeh pad pa rahe hain shivbaaba se। unka chitra bhi hai। shiv hai parampita paramatma। baap kehte hain brahma dvaara tumko yogbal se 21 janma ka varsa milta hai। sooryavanshi devi-devta vishnupuri ke tum maalik ban sakte ho। shivbaaba daada brahma dvaara yeh varsa de rahe hain। pahle inki aatma sunti hai, aatma hi dhaaran karti hai। mool baat to hai hi yeh। chitra to shiv ka dikhaate hain। yeh chitra parampita paramatma shiv ka hai। brahma-vishnu-shankar hain sookshm vatan ke devtaayen। prajaapita brahma to zaroor yahaan chaahiye। prajaapita brahma ke bachche brahmaakumaar-kumaariyaan dher hain। jab tak brahma ke bachche na banen, to brahman na banen, to shivbaaba se varsa kaise lenge। kukh ki paidaais to ho na sake। gaaya bhi jaata hai mukh vanshaavli। tum kahenge ham prajaapita brahma ki mukh vanshaavli hain। woh gurooon ke followers hote hain। yahaan tum ek ko hi baap-teacher-satguru kehte ho। so bhi inko nahin kehte ho। niraakaar shivbaaba bhi hai। gyaan ka saagar hai। srishti ke aadi-madhya-ant ka gyaan dete hain। teacher bhi woh niraakaar hai jo saakaar dvaara gyaan sunaate hain। aatma hi bolti hai। aatma kehti hai mere shareer ko tang mat karo। aatma duhkhi hoti hai to samjhaani di jaati hai jabki vinaash saamne khada hai, paarlaukik baap aate hi hain ant mein sabko vaapis le jaane। baaki jo bhi kuchh hai, yeh sab vinaash hone ka hai। isko kaha jaata hai mrityulok। svarga to yahaan prithvi par hota hai। delvaada mandir bana hua hai। neeche tapasya kar rahe hain, oopar mein hai svarga। nahin to kahaan dikhaaven। oopar mein devtaaon ke chitra dikhaaye hain। woh bhi honge to yahaan na। samjhaane ki badi yukti chaahiye। mandiron mein jaakar samjhaana chaahiye - yeh shivbaaba ka yaadgaar hai, jo shivbaaba hamko padha raha hai। shiv hai vaastav mein bindi, parantu bindi ki pooja kaise ki jaae, phal phool kaise chadhaaye jaayen isliye bada roop banaaya hai। itna bada koi hota nahin hai। gaaya bhi jaata hai bhrikuti ke beech chamakta hai ajab sitaara। hai bhi ati sookshm, bindi hai। badi cheez ho to science aadi vaale jhat unko pakad len। na itna hazaar soorya se tej vaala hai, kuchh bhi nahin। koi-koi bhagat log bhi aate hain na, kehte hain bas hamko yeh chehra dekhne mein aata hai। baba samajhte hain, unko parampita paramatma ka poora parichay mila nahin hai। abhi takdeer hi nahin khuli hai। jab tak baap ko na jaanen, yeh na samjhen ki hamaari aatma bindi samaan hai, shivbaaba bhi bindi hai, unko yaad karna hai। aise samajh jab yaad karen tab vikarma vinaash hon। baaki yeh dekhne mein aata hai, aisa dikhta, vaisa dikhta..., isko phir maaya ka vighna kaha jaata hai।

tum bachche to abhi khushi se kehte ho ki hamko baap mila hai। manushya to shreekrishna ka saakshaatkaar kar bahut khushi mein dance aadi karte hain parantu unse koi sadgati nahin hoti। yeh saakshaatkaar to anaayaas hi ho jaata hai। agar achhi tarah se padhenge nahin to praja mein chale jaayenge। saakshaatkaar ka bhi phaayda to milna hai na। bhakti maarga mein badi mehnat karte hain tab saakshaatkaar hota hai। yahaan thodi bhi mehnat karte hain to saakshaatkaar hota hai lekin phaayda kuchh nahin। shreekrishnapuri mein saadhaaran praja aadi jaakar banenge। abhi tum bachche jaante ho shivbaaba hamko yeh knowledge suna rahe hain। baap ka pharmaan hai pavitra zaroor banna hai। parantu koi-koi pavitra bhi rah nahin sakte hain, kabhi patit bhi yahaan chhipkar aa jaate hain। woh apna hi nuksaan karte hain। apne ko thagte hain। baap ko thagne ki baat hi nahin। baap se thagi karke koi paisa lena hai kya? shivbaaba ki shreemat par kaaydesir nahin chalte hain to kya haal hoga। samjha jaayega takdeer mein nahin hai। nahin padhte hain aur hi auron ko duhkh dete rahenge, to ek to bahut sazaayen khaani padegi aur doosra phir pad bhi bhrashta ho jaayega। koi bhi kaayde ke virooddha kaam nahin karna chaahiye। baap to samjhaayenge na ki tumhaari chalan theek nahin hai। baap to kamaai karne ka raasta bataate hain phir koi kare na kare, unki takdeer। sazaayen khaakar vaapis shantidham to jaana hi hai। pad bhrashta ho jaayega। kuchh bhi milega nahin। aate to bahut hain parantu yahaan to baap se varsa lene ki baat hai। bachche kehte hain baba ham to svarga ka sooryavanshi raajaai pad paayenge। raajayog hai na। student scholarship bhi lete hain na। paas hone vaalon ko scholarship milti hai। yeh maala unhon ki bani hui hai jinhonne scholarship li hai। jitna-jitna jaisa paas hoga aise-aise scholarship milegi। yeh maala bani hui hai। scholarship vaalon ki vriddhi hote-hote hazaaron ban jaate hain। raajaai pad hai scholarship। jo achhi reeti padhaai padhte hain woh gupta nahin rah sakte hain। bahut naye-naye bhi puraanon se aage nikal padenge। jaise dekho kai bachchiyaan aati hain, kehti hain hamko yeh padhaai to bahut achhi lagti hai, ham pran karti hain yeh jismaani padhaai ka course poora kar phir is padhaai mein lag jaayengi। apna heere jaisa jeevan banaayengi। ham apni sachchi kamaai kar 21 janmon ke liye varsa paayengi। kitna khushi hoti hai। jaante hain yeh varsa ab nahin liya to phir kabhi nahin le sakenge। padhaai ka shauk hota hai na। koi ko to zara bhi shauk nahin hai samajhne ka। puraanon ko bhi itna shauk nahin, jitna nayon ko hai। wonder hai na। kahenge drama anusaar takdeer mein nahin hai to bhagwan bhi kya karen। teacher to padhaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni kamiyon ko chhipaana bhi svayan ko thagna hai - isliye kabhi bhi apne se thagi nahin karni hai।

2) apni oonch takdeer banaane ke liye koi bhi kaam kaayde ke virooddha nahin karna hai। padhaai ka shauk rakhna hai। aap samaan banaane ki seva karni hai।

vardaan:- amritvele ki madad va shreemat ki paalna dvaara smriti ko samarthavaan banaane vaale smriti swaroop bhav

apni smriti ko samarthavaan banaana hai va svatah smriti swaroop banna hai to amritvele ke samay ki value ko jaano। jaisi shreemat hai usi pramaan samay ko pahchaan kar samay pramaan chalo to sahaj sarva praapti kar sakenge aur mehnat se chhoot jaayenge। amritvele ke mahatva ko samajhkar chalne se har karma mahatva pramaan honge। us samay vishesh silence rehti hai isliye sahaj smriti ko samarthavaan bana sakte ho।

slogan:- yaad aur nihsvaartha seva dvaara maayaajeet banne vaale hi sada vijayi hain।

ye avyakt ishaare - ekta aur vishvaas ki visheshta dvaara saphalta sampanna bano

sangathit roop mein aap brahman bachchon ki aapas ke samparka ki bhaasha avyakt bhaav ki honi chaahiye। jaise pharishte athva aatmaayen aatmaon se bol rahi hain। iske liye kisi ki suni hui galti ko sankalp mein bhi na sveekaar karna aur na karaana। aisi jab sthiti ho tab hi baap ki jo shubh kaamna hai - ekmat sangathan ki, woh practical mein hogi aur aapke dvaara baap pratyaksha hoga।