Sakar murli du jeudi 26 septembre 1963

> >

26-09-1963 mumbaeepraatah murli saakaar baba om shanti madhuban

helo good morning ham mumbai se bol rahi hain aaj guroovaar hai san 1963 septembar ki chhabbees taareekh hai praatah kaal mein baapdaada ki murli sunte hain

record:-

tumheen ho maata, pita tumheen ho, tumheen ho bandhu sakha tumheen ho…

vaastav mein yeh gaana bhaktimaarga ka manushyon ka banaaya hua hai । jahaan bhi jaaenge- 'tum maat-pita, ham baalak tere ya 'tvamev maata cha pita tvamev bandhu, aise kehte hain na । kahaan bhi jaate hai to bichaare arth ko jaante nahin hain । baba ne samjhaaya ki shiv ke mandir mein jaaenge to bhi yahi kahenge- 'tvamev maata cha pita, bandhushcha sakha sab kah denge । abhi vahi mahima phir ja karke lakshmi naaraayan ke mandir mein bhi karenge । anubhvi hai na baba । yeh sab bhakti kiya hua hai na । isko kaha jaata hai andhashraddha, blaaindapheth yaani kiska bhi parichay na ho aur unki baith karke mahima karte । parampita paramatma ka parichay ek bhi manushya mein nahin hai; kyonki parampita paramatma aae tab bachchon ko parichay de । jab koi ka baap hi nahin hai, to bachchon ko parichay kahaan se milega! to saari duniya mein yeh jo paramatma-paramatma kehte hain, ek ko bhi parichay nahin hai; parantu phir kah dete hain-kutte mein hai, bille mein hai, phalaane mein hai । parichay nahin hai to kya karen? to unko rulaay diya । abhi practical mein baap baith karke samjhaate hain- tumhaara vo maat-pita tumko pita aur maata dvaara samjhaate hain । vo khud samjhaate hain jisko hi 'tum maat-pita kaha jaata hai, inko nahin koi kahenge । brahma, vishnu aur shankar ko nahin kaha ja sakta hai । yeh bhool hai, jo agar yeh bhaaratvaasi log kehte hain । yeh hai sab gudiyon ki pooja । ek patthar bana diya hai, baithkar unko 'shiv- shiv ' karke pooja aur phir tod daala । aajkal ja karke unko to nahin dubaate hain । shiv ka kuchh jaloos vagairah nikalta nahin hai । uska nikalna nahin chaahiye । kiska nikalna chaahiye? devi-devtaaon ka । kyon? kyonki unko dubote hain । bhala oonche te oocha jo shiv hai, unko ja karke kyon nahin dubote hain? oonche te ooncha hai na । unka bhi patthar banaakar, phir unka bhi koi din manaana chaahiye । shivjayanti ke din shiv ka chitra nikalna chaahiye । phir unki pooja karaay kar phir jaakar samudra mein ya ganga nadi mein dubo dena chaahiye । unko kyon nahin dubote? kyonki kehte hain ki vo to hai hi immortal । vo janma-maran mein aate hi nahin hain । vo to marte nahin hain na । jo marte hain, janma-maran mein aate hain unke chitra banaate hain । usmein bhi kiska banaate hain? kya tum samajhte ho ki lakshmi naaraayan ka nahin banaate hai? lakshmi ka banaate hain । achha, phir naaraayan ka kyon nahin banaate hain? donon ko hi ikattha dubaana chaahiye na? lakshmi ko dubaate hain aur naaraayan ne kya gunaah kiya? unka bhi to banna chaahiye; parantu moorkha hai na । in logon ko maaloom to kuchh hai nahin । lakshmi ko bhi dubote hain, kaali ko bhi dubote hain, in sab deviyon ko dubote hain । usmein aage lakshmi aai, to naaraayan bhi aa gaya । naaraayan aa gaya to unmein vishnu bhi aa gaya । vishnu ka chitra hi nahin nikaal karke, jaakar dubote hain, parantu sirf lakshmi ko hi dubote hain । pata nahin lakshmi ne kya gunaah kiya । yoon to lakshmi se har deepmaala par vo bheekh maangate hain, phir aisi lakshmi ko dubote hain । vaastav mein vo lakshmi nahin banaate hain । yeh mahaalakshmi ko hi chaar bhujaaen de dete hain । to unmein naaraayan bhi aa gaya na । vo samajhte hain ki lakshmi ki hai, parantu nahin, vo jo mahaadevi hai, unko baanhen de deen to usmein samjho ki unki bhi bhujaaen aa gai । to vo jaise mahaalakshmi ho gai । unko jaakar dubote hain, parantu yeh gyaan koi bhi bachche to nahin jaante hain na । yeh kehte hain-parampara se chala aaya hua hai, so chalta rehta hai । abhi dashahre mein bhi to aise kehte hain, isliye ye chitra banaae gae hain samjhaane ke liye । abhi ye jo chitra hain, inmen vaastav mein gaandhi ka bhi chitra dena chaahta tha । kahaan? raavan ke neeche jo gola hai, yahaan । ek gaandhi ji ka bhi chitra lagaaya; kyonki gaandhi ji chaahte the ki raamraajya sthaapan ho । raavanraajya hai na । to zaroor raavanraajya mein yatha raaja-raani raavan tatha praja । yeh to hoga na । vahaan yatha raaja-raani raam ya devtaaen tatha praja । baba samjha dete hain yaad rakh lena yeh sab bhejo sabko do taaki jaakar samjhaaye jo- jo bhi chembarsa hain, sabka sangathan to hai na । sabka koi na koi head hota hai । secretary kaho ya koi leader kaho । ye sab jo bhi sanstha hai, un sabko tumko roobru aa karke dena hai aur gaandhi ka naam zaroor lena, kyonki gaandhi ko to avtaar maante hain na । bahut avtaar maante hain । bhala avtaar kyon maante hain? avtaar to sabko maante hai । jo- jo dharma ki sthaapna karte hai, unko yeh log avtaar maante hain । Christ ko kiska avtaar maanenge? Christian dharma ka । buddha ko kiska avtaar maanenge ? bauddha dharma sthaapan karne । yeh bhi avtaar maante hain । par kya avtaar maante hain? kya kiya? inhonne aa karke kaurav raajya sthaapan kiya yaani praja ka praja par raajya sthaapan kiya । hona chaahiye na । nahin to kaurav-paandav aae kahaan se? kaurav raajya ke pahle Europe to tha; par kaurav raajya to tha hi nahin । ab jab kaurav raajya tha, to paandav raajya bhi phat nikalna chaahiye । ye donon kaurav raajya sthaapan karne vaala gaandhi ji aur phir paandav raajya sthaapan karne vaala bada baapu ji । vo chhota baapu ji bhaarat ka, yeh hai bada baapu ji sabka, kyonki yeh samajhne ki baate hain । samajh karke samjhaao । jo na samajh karke samjhaate hain vo bhuttu jaise baithe hue hain, unna-paaji aise samjho । school mein jo koi na samajhte hain, na kisko samjhaay sakte hain, unko unna-paaji na kahenge to kya karenge? unke liye jagah, vo satsang hai । ye satsang nahin hai, ye school hai । ismen padhenge padhaaenge, padhna bhi hai, padhaana bhi zaroor hai । yeh school mein bas padha aur ja karke pad paaya, vo nahin hota hai, is school mein padhna hai aur padhaana hai, tab unko kuchh achha pad mil sakta hai । yeh sabke liye baba daayraikshan dete hain ki bade- bade ke paas jaao, bade-bade esosiyeshansa mein bhi jaao, unko ja karke samjhaao ki ye baapu ji ki duniya aur yeh us baapu ji ke liye, jo baapu ji bana sakte hain । yeh dekho, sabka bada baapu ji yahaan baithe hain na । abhi inke liye to kuchh nahin kehte hain na । yeh bada baapu ji, vo bhaarat ka baapu ji । vo bhi hai bhaarat mein janma lene vaala baapu ji parantu hai sabka । janma to ek jagah lenge na । sabhi jagah to janma nahin lenge । yeh nahin samjha jaata hai ki jahaan- jahaan shivbaaba vahaan janma liya hoga ya jahaan- jahaan shivbaaba ka chitra hoga, vahaan shivbaaba gaya hoga । aise nahin hota hai । vahaan baahar mein bahut mandir hai lakshmi ka । kya lakshmi ke vahaan gaya hoga kya? koi bhi nahin gaya hoga । vo to le jaate hain chitra jahaan-tahaan, baaki hai to yahaan bhaarat ke na । dekho baba baith karke samjhaate hain yeh muphta mein nahin bante hain । bahut kharcha lagta hai । abhi bachchon ko kya karna chaahiye? service karni chaahiye । jo bhi badi-badi sansthaaen hain, unke paas le jaana chaahiye aur ja karke roobru samjhaana chaahiye । baapu ji ka naam zaroor lena । gaandhi ji ka naam sabko bahut pyaara lagta hai । baba kehte hain shaastron mein bhi unka naam hai na, aise thode hi ki nahin hai । kaurvapti to baapu ji thahra na । abhi paandavapti ko krishna kehte hain । baap kehte hain-nahin, paandavapti yeh baapu । krishna ko baapu koi nahin kahenge, sab inko baapu kahenge । to yeh hua behad ka baapu yeh ho gaya had ka baap । vo hai manushya, yeh hai niraakaar parampita paramatma । gaaya jaata hai na । had ka baapu koi svarga ya raamraajya thode hi sthaapan karega । yeh to behad ka baap chaahiye na । to usi samay mein dekho, kaurav bhi hai, paandav bhi hain, yaadav bhi hai । kaurav raajya tha nahin yahaan, kaurav raajya kaurvapti ne sthaapan kiya । vo to baba ne samjhaaya hai-kaurvapti ne yaani jin-jin kaurvon ne yaani kaangres ne unko achhi-achhi madad di, tan-man-dhan diya to tan-man dene ka koi tan-man ka sukh unko mila? prashn hota yeh, achha bhaai, sukh to mila, parantu aise nahin kahenge tan-man-dhan ka sukh mila । nahin, dhan ka bhi beshak mila hai, baaki tan ka nahin, man ka nahin । dhan ka bhi kaun-sa? alpakaal kshanbhangur । dekho, baba kitna achha samjhaate hain । yeh baapu ji tumko tan, man aur dhan ka sukh dete hain । so bhi kiska? 21 janma ke liye svarga ka maalik banaate hain । jab tan sukhi, man sukhi, kyonki man bahut ghutka khaata hai na, toofaan lagte hain । vahaan toofaan to hota hi nahin । maaya hi nahin hai, to man ko toofaan kaise lagenge? man ka sukh, dhan ka sukh । maalaamaal । theek hai na? ever healthy ever wealthy ever happiness dete hain । abhi is baapu gaandhi ji ne to kaurvon ko yeh sab nahin diya । haan, itna zaroor hai ki jinhon-jinhon ne bahut madad di hai, vo bade-bade officer bane hain ya vo dhan bahut kama rahe hain । unko dhan kamaane ki madad bhi mil rahi hai । yukti hai ye sab lagi hui । jinhonne madad diya unke oopar taras khaae । inhonne to bichaare ne sab kuchh diya, bhale abhi kamaave । to laaisens bhi jo kamaave । to baba phir kya kehte hain? yeh sab baaten vahaan nahin hoteen । jo- jo achhi tarah se service karega, shivbaaba ka madadgaar ho jaaega, baba kehte hain-main phir tumko tan ka, man ka, dhan ka 21 janma ke liye sukh deta hoon । tan, man aur dhan se bali chadhna hota hai na । jaise, yeh the na? abhi phir se yeh aadi sanaatan devi-devta dharma ki sthaapna ho rahi hai । aadi sanaatan devi-devta dharma hai satayug mein । to kya satayug ko create karne vaala krishna hai? kaun kahega? satayug ka creation to sachcha baadshaah karta hai; kyonki sachkhanda hai aur vo hi phir abhi jhoothkhanda hai । sachcha baadshaah unko kaha jaata hai na । aur to koi ko nahin kaha ja sakta hai । creator vo hi hai । creator bhi hai, director bhi hai, kyonki yeh hamesha gaaya jaata hai ki karan-karaavanhaar hai । unki mahima bahut gaate hain sabhi । tum logon ki alag hai । gaayan sabka alag hai । tum log kahenge gyaan ka saagar hai, aanand ka saagar hai । manushya srishti ka beejroop hai, yeh bhi zaroor kahenge । abhi koi manushya ko tum log manushya srishti ka beej kahenge? na brahma ko, na vishnu ko, na shankar ko, na lakshmi ko, na naaraayan ko kahenge । tum log to ek ko kahenge na । phir unki hai yeh mahima, jisko kaha jaata hai beloved most baap । agar beloved baap hai tab to bhakta bhagwan ki bhakti karte hain । to bhagwan ek hona chaahiye na । to bhakton ka most beloved ek shiv, parantu na jaanne ke kaaran, lakshmi-naaraayan, phalaana sanyaasi-udaasi, guru, saari pati aadi yeh sab ho gaya । nahin to beloved most to unko kaha jaata hai । vo beloved most aa karke, jaisa khud beloved most hai vaise tumko beloved most banaay rahe hain, parantu jo-jo achhi tarah se dhaaran karenge aur auron ko karaayenge, vo beloved most svayan yeh lakshmi naaraayan ke vijaymaala mein piroy sakte hain । agar kuchh naapaas hote hain, to phir pahle unko daas-daasiyaan zaroor banna padega । gaaya hua hai-anapdhe padho ke aage bhari dhoyege । yeh to gaaya jaata hai ki raamchandra, seeta bhi unke saath thahri na, vo 14 kala bane । 16 kala na paas ho sake, treta mein aa gae । kahaan jaaega? aaega to zaroor satayug mein । phir kahaan jaaenge? unko kya pad milega? yeh bhi to samajh ki baat hai na । vo anapdhe poore paas na hue । isliye jo paas hue hai, unke aage bhari dhoenge । vo sabhi jo naapaas hote hain, pahle vahaan nambarvaar daas-daasiyaan banenge । daas-daasiyaan bhi to nambarvaar hoti hain na । koi to shrringaar karaati hain, saath mein rehti hain, koi to jhaadu lagaati hain, koi to saaph karne vaali hongi । naukar to nambarvaar hote hain na । yeh bhi aise hi hai phir, usmein bhi nambarvaar । chandravanshiyon mein bhi nambarvaar daas-daasiyaan hoti hain । yeh to baap baithkar samjhaate hain । harek apne se poochh sakte hain । students hote hain na, jab imtihaan ke din hote hain, to unki dil khaati hai ki ham kitne mark mein paas honge । jo aage hi baithte honge school mein, bahut karke jo achhe bachche hote hain vo oopar mein hi rehte hain । koi ekdam mushkil oopar chadhte hain । vahaan bhi to number rehte hain । to yahaan bhi to number hi banne hain । baba ki to maala hai । to baba kehte hain, iske oopar bahut service karo । yeh paisa kharcha karte hain kaam ka । bhale bhoolen ho jaati hain । inmen unka chitra aana chaahiye tha । inmen bhi krishna ka chitra beech mein to hai, parantu khula । jaise, jo draupdi ki saadiyaan utaarte hain to krishna ko dikhlaate hain saadiyaan dete rehte hain aur draupdi pukaarti hai । kehti hai na- 'he bhagwan! mujhe yeh duryodhan nangan kar raha hai । abhi krishna ko yaad kiya । krishna ko to yaad karne ka nahin na । vo naatak mein dikhlaate hain, ek saadi nikaal kar doosri, doosri saadi nikaala, tum logon ne draupdi ka naatak dekha hai? krishna charitra jisko kehte hain । draupdi pukaarti hai- he daat! he bhagwan! ye duryodhan meri saadi utaar raha hai, mujhe sabha mein nangan kar raha hai । abhi sabha to yeh hai na । hindu sabha hai na sabhi । yeh hindu sabha vaale to sabha mein nangan karte hain na barobar । sabha vaale ghar mein nangan karenge, yahaan thode hi aa karke nangan karenge । ek to draupdi nahin hai na । yeh to sabhi draupdiyon ke liye hua na । to pukaarti hain- he bhagwan aake…phir saadi ek-ek karke dete rehte hain uska arth to koi samajhte nahin hain । abhi tum jaante ho ki 21 janma tum nangan nahin hoti ho । baap aaya hua hai na । aa karke abhi tumhaari raksha karte hain । abhi striyaan nangan hongi, to purush kaise honge । kahaan ki baat naatkon mein tum logon ko kaha । yahaan abhi direct baap samjhaate hain na । yeh to nahin samjhaay sake na । baap samjhaate hain- abhi tumne yeh raaj samjha jo naatak mein pukaarte hai-he bhagwan, aa karke hamko nangan hone se bachaao? abhi ki baat hai na । abhi vahi tumko samjha rahe hain । yahi samay hai । baba ne us din poochha na । yeh to kahenge ki ham abhi duryodhan se ham so devta ban rahe hain । abhi ham kisko nangan nahin karte hain, isliye hamko baba duryodhan nahin kah sakte ho । jo nangan karte hain vo duryodhan zaroor hain । tum to purushaarthi ho gae na । zaroor agar tum fail hote ho, to phir duryodhan ban jaate ho aur phir narka mein chale jaate ho । tum logon ko vo pad to nahin mil sakta hai । vo to zaroor hai, isliye khabardaari karni hai । fail bhi to zaroor honge na । koi kaam mein fail hote hain, koi krodh mein fail hote hain, yeh to hota rahega । koi vo boxing to nahin hai us natki mein jo dikhlaate hain । ye to jahaan jeey tahaan boxing ke ring mein ho tum abhi । boxing ke chakkar mein tum log ko jahaan jiyo tumhaari boxing chal rahi hai । vo boxing hai alpakaal kshanbhangur ke liye । hoshiyaar ho karke lad-lad haar khaay halke se ooche-oonche ban karke vo bade pahalvaan ban jaate hain । nahin, par ye to jahaan jeey vahaan tumko maaya se chot khaani hai । tum boxing mein ho, jab se baba ka bante ho । jo baba ka nahin bante hain, vo koi boxing mein nahin hain । unki baba bilkul raksha nahin karte hain । jo boksig mein hoga, unki kuchh na kuchh raksha hoti rahegi; parantu kaam ka ya krodh ka kuchh na kuchh thappad khaate rahenge । koi-koi baat par thoonsa lagta hai । in logon ne boxing shaayad dekhi nahin hai । bachchon ne to kaeeyon ne dekhi hogi । koi ko to yahaan aisa jor se thak lagta hai to aise gir jaate hain ekdam । to yahaan bhi aise hi hain । aise bachche bahut hain, jinko koi vakta mein maaya yahaan thausa maar deti hai, to yeh gira । yeh hai kaam ki chot । usmein agar gire, to paanch maal se gire । phir vo kisko kah nahin sakte hai paanch vikaar ko jeeto । ekdam murde ban jaate hain, mukh se gyaan nikal nahin sakega । ismen to mehnat hai na । maasi ka ghar thode hi hai । aise hi phir krodh hai । bachche bahut kehte hain-bachche gussa karte hain, bachchi tang karti hai । to misaal tumhaara hai krishna ka, krishna ne makkhan chori thode hi kiya hoga । yeh to unke oopar kalank hai । krishna makkhan churaay liya, phalaana karenge! vahaan unko makkhan ki kya parvaah rakhi hai, jo chori karenge? yeh sab bichaare krishna ke oopar kalank hain । yeh vastra chori, phalaana chori । krishna maryaada purushottam baalak, ekdam svarga ka raajkumaar । unki mahima jaasti kyon hai? kyonki bachche satopradhaan hote hain । peechhe sato peechhe rajo phir tamo । to vishnu ka roop yeh baalak hai । baalak jab satopradhaan hai to unki mahima zaroor hai । peechhe jab shaadi karte hain to jaise ki rajo mein aa jaate hain । isliye unki pooja phir nahin karte, krishna ki karte hain । kyon? lakshmi naaraayan ne gunaah kiya? unko jhulaate hain na । vo bachcha hota hai, bachcha hamesha jaasti pavitra hota hai । yeh shareer ki aayu bhi aisi hoti hai, pahle jab chhota bachcha hai to satopradhaan । peechhe oopar gaya sato peechhe oopar gaya rajo pichhaadi mein jadajdeebhoot avastha । phir shareer chhodna pade । baba samjhaate hain ye chitra vilaayat mein kuchh samjhaani de karke apne mitra-sambandhiyon ko bhejo । ye America tak bhejo jin-jin ke jo-jo bhi mitra-sambandhi hai । post mein daalne ke liye to koi kharcha nahin hai । yeh to sab chale jaate hain । kya lagega? das paisa, aana । jo nahin samartha hai, service kare paisa yahaan government se le leve । yeh paandav government hai, yeh gaai jaati hai । hain donon bigar taaj । vo government to hai hi kaurav government । yeh to paandav government hai jo gupta hai । paandav government ko kaha jaata hai-gupta । unknown roohaani warriors isko kaha jaata hai । koi ko thode hi maaloom hai duniya mein kya ho raha hai । tum jaanti ho bachche ki ham apne liye abhi svarga sthaapan kar rahe hain । hamaari ladaai hai, ham ladaai ke maidaan mein hain । ham kisse ladte hain? ham yeh raavan se ladte hain, paanch vikaaron par jeet pahan rahe hain । jeet pahan rahe hain yaani mere paas ye bhoot kabhi bhi nahin aa sakte hain । bhoot ko bhagaana hai na! tum logon ko maaloom hai ki shuru mein kismen bhoot aata tha to ham bolte the are! dekho, ismen krodh aaya bhoot aaya, badi door le jaao koi jhaad ke taraph mein, shok-vaatika mein । saamne nahin raho, bhoot saamne aaega to doosre mein bhi pravesh kar lega । bhagaao inhen, door-door rakho unko । bhoot aaya hai inmen । kaha bhi jaata hai-inme krodh ka bhoot hai । dushman to ye hain na । bhaarat ke bade te bade dushman hain ye, tumko jeet pahanni hai । chaahe raam ko varo chaahe naaraayan ko varo yaani usmein bhi to likha hai na dhanush todna hai ya bandar se mandir laayak banna hai, tab tum naaraayan ko varenge । vahaan bhi yahi baat hai । tumko agar seeta ko bhi varna hai, to pavitra to banna pade na । yeh jo raavan ka dhanush hai unko todna hai । ye paanch vikaar koi hamaare paas na aave । phir jo jitna purushaartha karte hain, utna vahaan ja karke raam ko bhi varenge ya seeta ko varege ya lakshmi naaraayan ko, baat to ek hi hai । ladaai ka maidaan hai yuddha to yahi baap sikhla dete hain । isko kaha hi jaata hai- roohaani yuddhasthal । yuddhishthir kaha jaata hai na, to yeh yuddhasthal hai । yuddhishthir naam nahin hai, yuddhishthir to likh diya hai। yudhishthir, dhritraashtra ye naam likha hua hai na । ye hai yuddhasthal yaani yuddha ke maidaan mein thaapooji sthaapan kar karke maaya pay jeet pahnaane vaala । dhritraashtra ki hai hinsa ki ladaai, yuddhishthir ki hai maaya par jeet pahanne ke liye, raavan par jeet pahanne ke liye roohaani ladaai । vo hai paraspar ki ladaai । ye sab akshar to hain na । hai geeta vo baap bhi aakar kehte hain-bachche, yeh gyaan praayahlop ho jaaega । yeh praayahlop kyon kehte hain? yaani baaki aate mein loon raha hai । baaki, nahin to devi-devta dharma praayahlop hai । 'praayah akshar likh dete hain, aise kyon nahi kehte-lop hai? lop nahi hai, chitra hai devtaaon ka, uski nishaani geeta bhi manushyon ne banaai hai, parantu unmein vo bhool kar di hai । sabhi shaastra, ved sab jhooth bana die hain । to samjhaate hain na, barobar brahma ke mukh kamal se parampita paramatma aa kar sabhi vedon, granthon aur shaastron ka saar samjhaate hain । usmein sabse pahle to aa jaati hai 'sarva shaastramai shiromni geeta । vo pahle hua na, uska saar baith karke samjhaate hain । mukhya hai hi geeta, bhaarat ka dharmashaastra । baaki raamaayan aadi ye sab jhoothe hain । phir ved-upnishad vagairah jo bhi banaae hain unmein hain yeh sansaar ki baaten । koi svarga mein le jaane vaali ya mukta -jeevanmukta banaane vaali nahin hain । vo bhakti ke kaam mein aati hain । ved padho, arth karo aur dhadha karo, dukaan nikaalo. । jo-jo jitna bada dhandha sikhlaate hain, vo paisa kamaate hain । kamaate-kamaate kya hua bhala? vo bhi to tamopradhaan ban gae na । khud bhi bane aur sabko banaaya । narkavaasi sabko banaaya, khud bhi bane aur sabko banaaya sabne; kyoki duniya so tamopradhaan banni hai na । to baap baith karke samjhaate rehte hain- judgement aati hai tumko barobar sabhi narkavaasi hai? yeh bhi to chitra mein likha hua hai na- yeh narka hai saara, yeh svarga hai । zaroor narka ke baad svarga sthaapan karega । isko narka to zaroor kahenge na । kehte hain tumhaara baap kahaan gaya? kahenge svargavaasi hua । zaroor narka mein the na । peechhe tum kyon kehte ho ki yeh narka nahin hai, svarga hai? kisi se bhi poochho । jaao, raadhaakrishnan se poochho, president se poochho ki narka hai ya svarga hai? agar svarga hai to jab koi marta hai to tum kyon kehte ho ki svargavaasi hua? punarjanma to yahaan narka mein lenge, phir tum kyon kehte ho-svargavaasi hua? tum logon ko akla chaahiye na poochhne-karne ka । jo service par honge, vo poochhenge । baaki yahaan bachche to bahut aate hain । makne haathi bhi aate hain । makne haathi kinko kaha jaata hai? kaan bade, sune kuchh bhi nahin aur aise kaan mein cheenti chali jaae to haathi behosh ho jaae । yeh maaloom hai tum logon ko? yahaan to makne haathi bhi bahut aate hain, jinko kuchh bhi samajh mein nahin aata hai, bilkul hi pattharbuddhi । hain to yahaan paarasbuddhi banne vaale na; parantu paarasbuddhi tab bane jab yeh gyaan sunkar phir auron ko bhi sunaayen । nahin to pattharbuddhi ka pattharbuddhi rah jaate hain । haan, yeh zaroor hota hai ki is avinaashi gyaan ka vinaash nahin hota hai, vo svarga mein aa jaaega । yeh zaroor hai । bachchon ko praja bhi to chaahiye na, nahin to kahaan se aaegi । aise hi phir praja mein aa jaate hain । baba baithe hain, inki service tum bachchon ko bahut karni hai । achhi-achhi jagah jahaan bade-bade aadmi bhi jaate hain na, yeh jo government house hai, yeh jo bade-bade ministers hain, ejukeshan minister, health minister, phalaana minister, un sabko bhej dena hai; kyonki yahaan is samay me bhaarat phir evarhelthi ever wealthy ever happy ban raha hai । vo to hai hi svarga ban raha hai । vo hi bichaare baapu ji maangate the । geeta bhi li thi haath mein, koi raamaayan nahin liya tha । haath mein geeta aur mantra raamaayan ka । haath mein geeta aur sunaate geeta the, kyonki baba ko maaloom hai, achhi tarah se jaante hain । aise mat samjho ki leedron ko nahin jaante hain । baba ek baras strikta kaangresi bana tha । vo bhi nahin khaana, yeh bhi nahin khaana, kapda bhi khaadi । ye plate nahin kaam mein laana pakka gaandhi bana tha, bahut achhe-achhe leedron ko jaante the; parantu nahi, abhi baba ne aa karke aankhe khol di, gyaan ka teesra netra de diya, jisse sab samajh mein aae, nahin to kya maaloom kaurav kisko kaha jaata hai, paandav kisko kaha jaata hai । yeh to padhte rehte hain shaastro mein । abhi to tum bachchon ko gyaan ka teesra netra mil gaya hai, so bhi nambarvaar purushaartha anusaar । baba kehte hain, school mein aise bhi baithe hue hain bilkul hi buddhu । phir bhi to sunte hain na । kuchh na kuchh madadgaar bhi to hain na, to baba unko madad zaroor dete hain, kyonki bachche paise ki madad dete hain to aspataalen kholi jaati hain । abhi government ko madad dete hain na, paisa nahin hai to public government ko madad deti hai । unko bhi kuchh milta hai na । vo to abhi bhi nahin milega un logon ko; kyoki vo chhi-chhi duniya mein nahin aane vaale hain । abhi jo ejukeshan kholte honge, aspataale kholte honge, bahut paise ka hai na, unko phal kahaan milega? vahaan satayug mein to koi rogi nahin bante hain, koi phalaana bante hi nahi hain । to abhi jo-jo bhi yeh karte rehte hain unse koi phal nahin milega; kyonki yeh narka mein phal milne ka hai । narka hi khatma ho jaaega to phal kahaan se milega! abhi to jo baapu ji ko kehte hain kya ? are bachche- jaao ghar mein, apna centre kholo teen pair prithvi le karke baith karke samjhaao । yeh bahut zaroori hai । har ek ke ghar mein, baba banaayega inko achha karke । bahut first class banega, baapu ji ko bhi yahin le aayenge । hai to yahaan hi chitra wahin le aaenge unka, aise to nahin koi kahenge ki vo chala gaya vaanaprastha mein ya vaikuntha mein । vaikuntha to maangata tha, nai duniya mein aana chaahta tha; parantu abhi to nahin aaega । vo nai duniya sthaapan kahaan hui? zaroor yahin hoga । yeh to samajhne ki baat hai na । ham log poochhte hain kabhi-kabhi, to bolta hai-haan yahaan hai, raajkot ke taraph mein inka janma hua hai । abhi jaakar dekhenge to bachcha dekhenge, vo gaandhi thode hi dekhenge । bachche poochhte hain kabhi kabhi -baba kaha hai yeh? kahaan gaya-to bata dete hain, yeh phalaani jagah mein gaya । unhonne mehnat to ki na, gaandhi achhe ghar me gaya । saahukaar ghar mein gaya, aur kaha jaaenge । yeh samjha na-baba kya bolten hain, service karo । ek paisa barbaad nahin hona chaahiye । vilaayat mein bhejo haangakaang mein bhejo jo-jo bhej saken apne mitra-sambandhiyon ko । vahaan sab esosiyeshan ko baandhate hain, jahaan –jahaan bhi ho sindhi । vilaayat me kisko bhej dena hai to bhej die । english mein aaegi abhi । aaj aa jaaegi, party let ho gai hai । dashahra bhi do ho gae hai na । government mein aage tha abhi ye bhaarat mein । kabhi bhi aisa hua hi nahin hai । yeh kaurav government praja ka andheri nagri, chaupat raaja, take ser bhaaji, take ser khaaja-yeh baat ho jaati hai । kehte hain ki jab mahaabhaarat ki ladaai lagi thi, tabhi yeh baat hui thi । abhi bahut kehte rehte hain । aage bhi jab vinaash hota tha, tab bhi aise kehte the । ladaai to hone vaali hai, tab shaayad yeh do bani hain । do deepmaala kabhi hoti nahi hai । vyaapaariyon ka khaata rakhne ka hota hai, to ek mein sab rakhenge, nahin to un bichaaron ka khaata hi, hisaab-kitaab mein hi gadbad ho jaaegi । naya khaata rakhte hain na । vo deepmaala ka khaata rakhte hain, tum apne paapon ka saara khaata udaay karke aur hisaab chuktu karte ho । tum ho vikarmon ka hisaab chuktu karne vaali aur tum phir vikarmaajeet raajaaen bante ho । abhi tumhaara pichhaadi ka khaata khalaas hota hai । tumko abhi bahut jama karna hai । jama kaise hoge? jab sunenge-sunaayenge, aap samaan banaayenge, bhaarat ko svarga banaane mein madad karenge । jaise kaangres raajya sthaapan karne mein us baapu ko madad diya, aise yeh baapu kehte hain ki main hoon tumko svarga banaane vaala, abhi tum ,mujhe madad karo । jaise vo hospitals kholte hain vaise tum ye hospitals aur ye university ghar mein, teen pair prithvi mein kholo । teen pair prithvi mein tum manushya ko 21 janma ka sukh de sakte ho । ever healthy ever wealthy ever happy bana sakte ho । abhi yeh kaam nahin karengi? har ek ko yeh karna chaahiye na । jo na karega so na paaega । achha, abhi aaj bhog bhi hai, isliye phir tumko bataaenge, parantu tumko bahut mehnat karni hai । jaao apne mitra-sambandhiyon ko yeh kaagaj likh karke, jaakar samjhaao ki piyar aur sasur ghar ka uddhaar karna hai na । jaao, lajja nahin karo । jo sasurghar ko chhoda bhi hai, jaao sasur ghar mein, unko ja karke samjhaao । daro mat, tum logon ko koi maarega nahin । achha, aao bhog le aao bachchi । service karte hain - ye bade- bade jo bhi bhala hai sabke paas chale jaao, un logon ko to time hai bahut । vo bhej bhi sakte hain । tum bachchon ko to time nahin hai, thoda time hai । isliye poster bhi lagaao aisa । aajkal aasuri duniya hai na । poster dekhenge aaryasmaaji, ye saadhu-sanyaasi log, ye samjha karke unko ishaara dege ye phaad karke, tod karke khalaas kar denge; kyonki aise karte hai । tum logon ko yukti se kaam karna hai । bade-bade jo esosiyeshansa ya bade-bade jo sabhaaen hain, un sabmen jaakar samjhaakar ke aao । hindu mahaasbha me to pahle jaao । unke leedron ko zaroor jaakar samjhaao, baba mana thode hi karte hain । baaki mehnat karo, ismen mehnat hai । jo karega so paaega । gaandhi log, congress log bhi aise kehte hain na- aaraam haraam । yeh to tum svarga banaate ho, mehnat chaahiye । nambarvaar purushaartha anusaar vo baba jaante hain jo-jo mujhe yaad karte hain, main unko utna hi yaad karta hoon । vo to law hai aisa । jo nahi yaad karega, main unko poochhoonga nahi । na hi main unko madad doonga, na main unko itna varsa doonga । automatically nahin milega, kyonki yahaan samajh ki baat hai । ye to sab besmajh hain na । baba aakar samjhaaya-tum sab besmajh ban gae ho । bilkul hi jat ban gae ho, jangali ban gae ho । dekho, mainne tum bachchon ko kya banaaya tha । tumko bataay diya tha ki tum 21 janma svarga mein maalik banenge । vo gyaan tumko vahaan nahin hoga । tum 63 janma phir raavan-raajya mein aaenge । ab main phir aaya hoon tumko raamraajya dene ke liye । main inyoomerebal times yaani anginat baar aaya hoon aur tumko yeh raajya aur bhaagya deta hoon aur phir lakshmi naaraayan bhi zaroor hai । bhaktimaarga mein bhool hi jaana hai । baba kehte hain bhoolbhulaiya ka to khel hai hi । dekha hai tumne baaraadri lakhnau mein? yahaan bhi bhoolbhulaiya banaate hain, jo jaao aur phir darvaaja banda । maatha phat gaya, phir yahaan se doosre mein jaao to phir maatha phatega । bahut thode ne dekha hoga । beech mein ek jhanda lekar khade rehte hain । tum logon ne kabhi dekha hai egjibishan mein? yeh banaate hain kabhi-kabhi । kahaan bhi jaaen lekin vo paar ja nahin sakte hain । aise bhaktimaarga mein bhi maatha phatta jaata hai, paar koi ja nahin sakte hain, jab talak vo aa karke svarga ka aur muktidhaam ka get na khole । mahaabhaarat ke baad phir mukti-jeevanmukti ke gates khulte hain । tum vahaan kaise chale jaaenge! daudi pahan karke chale jaaenge । dekho, bachchiyaan abhi bhi aaj aati-jaati rehti hain na, kyonki inke liye gates khule hue hain । ye jaaengi sookshm vatan mein, get khule honge । koi naalaayak hoga, jaaega to darvaaja banda hoga । baba kahenge laayak nahin hai । peechhe chala aaega । yeh kaayda bhi hai na । phir vahaan jaaenge, phir add karenge bhala vaikuntha mein jaaen । phir vaikuntha me bhi chale jaaen, to get khule hain tab to jaate hain na । ye sab saakshaatkaar ki baaten hain । achha, chalo sevaartha । jaao, go soon, kam soon । are bhaai kahaan hai ye , thahro । kyonki satsang mein raamaayan aur phalaana baat, yahaan raamaayan aadi ki baat nahin hai । are bhai, uthaao in bachchi ko । sambhaalo bhai ye tape dete hain । kitna yahaan, makaan dekho kitna chhota mila hai! vo sabha lagaao amrit ka kalash mila aur sabko pilaati thi । phir yahaan aa karke koi aasuri sampradaay bhi baith jaati hai । vo pi kar karke, ulta samajh karke phir jaakar hangaama machaate hain । aise kehte hai inke liye to traitor ban jaate hain । to aise bhi yahaan bahut aate honge, jo samajhte nahin hain, phir bolenge yahaan to bas yeh sanyaasi aur guru log ke oopar to laathiyon hai । are, nahin, yeh to bhagvaanuvaach- in guruon ko goli maaro । bhagvaanuvaach hai na ki yeh guruon ko deh sahit aur sabko bhi bolo aur jo tumhaare khaas guru log athva saadhu log hain unka bhi uddhaar karna hai । jab sadguru mile tab kalayugi guru ko kya karenge? baba humein mana nahin karte hain । ismen likha hua hai shabd- guruon ki janjeer, shaastron ki janjeer, raavan ki janjeer । tum logon ne na samjha ho shaayad, usmein sab likha hua hai । yeh jo kaathiya ke muaaphik dikhlaate hain, yeh sabhi janjeeren hain । stri aur purush raavan ki janjeer mein baandhe hue hain । raavan ki janjeer, guruon ki janjeer, shaastron ki janjeer, sab janjeer, ganga nadi ki janjeer, yeh sab janjeeren hain ekdam । bas, unmein kaid kar diya aur raavan chhodne nahin dete hain । baap aae hain chhudaane ke liye । raavan ki un janjeeron se bada koi mushkil chhootte hain । achha, jaao bachchi । (geet:- mera salaam le ja) hota hai to vo bada right hota hai । salaam vaale kam abhi practical mein । bolte hai na-hamaara salaam vaale kam dena । baba phir kehte hain-main to tumko srishti ka maalik banaane aaya hua hoon । main hoon zaroor saari srishti ka maalik; par tumko to svarga ka maalik banaane aaya hua hoon । to tumko bhi namaste । haan, shaabaash । bhaarat ki bhoomi, vahi svarga banne vaali hai na । yeh bhaarat ki bhoomi hi svarga thi । bhaarat ki bhoomi badi pavitra hai । yeh sabka bade te bada teertha hai; parantu geeta ko khandan karne se bhaarat ki aabru hi chat ho gai hai aur barobar practical mein bhaarat ki aabru chat hui padi hai, sirf ek mistake, ekajbhool । ek khel hota hai ekajbhool ka । baap ki jayanti manaate bhi yahin hain । bas, uska naam nikaal karke manushya ka rakh diya, jo 84 janma leta hai । vo janma-maran rahit, janma to leta hai; parantu alaukik divya janma । baba kehte hain na-bachche mujhe prakriti ka to aadhaar lena pade na । jo garbha mein ek dapha aaya unko punarjanma to lena pade । main garbha mein to nahin aa sakta hoon na । isliye kehte hain mujhe prakriti ka aadhaar lena pade । mainne bataaya hua hai ki main saadhaaran boodhe tan mein pravesh karta hoon । vo boodha tan apne janma ko nahin jaante hain । vo kaun hai, jiska naam main phir brahma rakhta hain । yaani brahma aur brahma kumaariyaan koi bhi apne janma ko nahin jaante hai, main janma bataata hoon । to vo baith karke samjhaate hain ki yeh brahma tumhaara din tha । ab tumhaari raat poori hoti hai । tum din mein devta the aur peechhe devi-devta sooryavanshi the, kshatriy the, itna janma usmein liya । vo baith karke bataaya hai, jo phir likha bhi hai । bataaega to zaroor, shri krishna ka bhi to vo hi hua, naaraayan ka bhi to vo hi hua, jagdamba ka bhi to vo hi hua, thoda pharka sangam ka pad jaata hai । usko mila karke, inmen moonjho nahin kabhi । koi bolta hai ek hi hai yeh, 84 ke badli mein 21 kisko deven 20 kisko deven? ismen moonjhane ki darkaar nahin hai । 84 janma ka hisaab mil jaata hai । 84 laakh ka jo ghotaala tha, vo to nikaal diya na । baaki agar kisko ek janma ka ghotaala hota hai to kaho kyon moonjhate ho to baap sab baat samjhaate hain na । kabhi bhi koi phaaltu prashn poochhe to unko bolo-pahle shivbaaba ko bataao tum shivbaaba ke bachche ho ya nahin? vo paramatma hai ya nahin hai? agar vo hai to behad ka sukh unka varsa hai । bas, tum manamnaabhav madyaajeebhav doosri baat chhodo । detail mein samjhaaya to bhale, par yeh baat bhoolo nahin ki vo hamaara baba hai, unki rachna svarga hai, main baba ke paas jaaoonga, svarga ka varsa denge, phir baba yahaan hai, shreemat de rahe hain, us mat par mujhe zaroor । mat par chalte raho, phir bhi yaad shivbaaba ko karte raho । shivbaaba ko yaad karo, varse ko yaad karo । mat par chal karke vikaaron par jeet pahno । yaad karte raho । yeh hai mantra jisko kaha jaata hai । phir hai sab samajhne ki baaten । sirf mantra se to kaam nahin hoga । guruon se mantra to sabko bahut kisma ka mil jaata hai । nahin, yahaan tumko yaad karna hai । baba kehte hain-jitni yaad ho sake, itni achhi; kyonki vo jo putla bhi ham denge, angoothi bhi denge, to bhi usko yaad karne ke liye । isliye in sabhi yaadgaar ki cheejon ki bhi bilkul hi koi darkaar nahin hai, kyonki yeh to hai buddhi ka hi gyaan । tumhaari hai buddhi ki yaatra, roohaani yaatra, na ki jismaani । roohaani yaatra ka panda sivaay roohaani baap ke kabhi koi ho nahin sakte hain । isliye koi bhi mukti va jeevanmukti de nahin sakte hain । abhi bachchon ko eksapleneshan milti hai na । jabki hamko bhagwan ke paas jaana hai to bhagwan panda chaahiye na । to bhagwan panda bankar aate hain । jisko guide kaha jaata hai । aur koi bhi mukti aur jeevanmukti ka raasta jaante hi nahin hain । sivaay ek baap ke koi bhi guide ban nahin sakte hain । bolta hai-main tum bachchon ka guide ban karke aata hoon । koi ek baat nahin hai, main kalpa-kalpa tum bhaaratvaasi jo devi-devta dharma vaale hain, unka aa karke guide banta hoon, raasta bataane ke liye । na guide balki saath mein jaata hoon jaise vo anek jismaani pande saath mein jaate hain, vaise ham akela hoon aur phir saath mein yeh bante hain, parantu ham sab saath mein chale jaate hain । kahaan? brahmaanda, braham mahaatatva mein, jismen ande rehte hain, yeh yaad kar lo achhi tarah se । sunaate hain ki ek tha । usne jinna ko naukar lagaaya । jinna ne kaha ki agar tum mujhe kaam nahin dega, main tumko kha jaaoonga । hai, suna hai koi ye akhaani ? to vo jinna kaam karke aaya, phir bola kaam do, phir kaam karke aaya bola kaam do । bola-aage jaldi kaam nahin dega, to main tujhe kha jaaoonga । bichaara gaya koi ustaad ke paas, bola-yeh to hamko kha jaaega, abhi ham kya kaam den ? nahin to kha jaaega । bola-achha-achha, ham tumko bataaen kya karo? seedhi lagaay do aur usko bolo is par chadho aur utro । dekha kaam de diya unko, chhoot gaya na । baba kehte hain tum bachchon ko- tumko bahut achha kaam deta hoon tum baba ko yaad karo । baba yahaan bhi aate hain, vahaan bhi aate hain । tumhaari buddhi kabhi yahaan jaani chaahiye kyonki baba yahaan suna rahe hain, phir tumhaari buddhi vahaan bhi jaani chaahiye; kyonki vahaan se baba ismen aaya hai sunaane- yeh kaam tumhaare oopar rakhna chaahiye raat aur din, nahin to tumko kaal kha jaaega । abhi samjha yeh kahaani ka arth? jisne banaai hai, vo log to arth nahin jaante hain, baap baith karke arth samjhaate hain ki agar tum baba ko yaad na karte rahenge to tumko kaal kha jaaega । yeh to jaante ho abhi tumko murli suna rahe hain । rahne vaala wahin hai, wahin se yahaan aaya hai । phir wahin jaaenge, hamko bhi wahin jaana hai, abhi hamko suna rahe hain, to yeh kaam hua na? baba bolte hain-aise baba ko yaad karte raho । phir tumko vichaar aaenge baba to aaj dilli mein hain, baba bombe mein hain, parantu baba to wahin rahne vaala hai । to tumhaara buddhiyog oopar bhi jaaega, neeche mein bhi aaega । yeh tumko kaam hai ki oopar mein bhi unko yaad karo, phir yahaan bhi unko yaad karo, yahaan aaya hua hai । phir vahaan gae hain, abhi yahaan hain । abhi madhuban mein hain, abhi vo vahaan hi hain । yeh bhi to yaad hui na । yaad meri ek ki vahaan ki rahni padti hai । usko yaad karte rahenge, to phir tumko kaal nahin khaaega । nahin to kaal kha jaaega । baba ko bhi kaam to bahut hai na । aise to nahin unka kaam nahin hai । nahin, kaam to bahut hai । tum sabse jyaada inko kaam hai । chitthiyaan likhna, yeh karna, yeh likhna; parantu nahin, phir bhi likhne ko baith jaata hoon, jinko likhta hoon unko yaad karta hoon, parantu phir bhi jhat baba ko yaad zaroor karta hoon । chhutti mili hai ki bachche karmayogi ho, isliye itna ghanta maaph hai । phir bhi jitna purushaartha ho, itna unko yaad karo । phaayda hai, kamaai hai । uthte, baithte, chalte, khaate, peete, svadarshan chakradhaari bano, maana kamaai karte raho । peechhe jitna jo purushaartha karen । health and wealth, dono taaj hue । pyooriti ka taaj, wealth ka taaj । phir to happiness hai hi hai । yahaan koi ne bhi jinhonne gaandhi ko bahuton ne tan-man-dhan diya to unko tan–man-dhan ka sukh thodi hai । nahin! yahaan baba kehte hain- main tumko tan-man-dhan ka guarantee karta hoon tumko 21 janma sukh milega । 21 janma tum pavitra rahenge, koi tumko nangan nahin karega । vahaan naatak mein to dikhla dete hain krishna baith karke saadiyaan dete rehte hain । dekha hai kabhi naatak? nahin to jahaan yeh naatak hote hain, jaakar dekho, । baapdaada, meethi mama ka meethe-meethe sikeeldhe bachchon ko yaadapyaar good morning ।