Sakar murli du samedi 28 septembre 1963

> >

28-09-1963 mumbaeepraatah murli saakaar baba om shanti madhuban

helo, goodmorning, ham bambai se bol rahe hain, aaj sanicharvaar hai san 1963 septembar ki athaaees taarikh hai । praatah class mein baapdaada ki murli sunte hain ।

record:-

nai umar ki kaliyon tumko. dekh rahi duniya saari । tum pay badi jimmedaari…

bhagvaanuvaach । bhagwan kisko kaha jaata hai, aaj baba yeh bhi thoda samjhaate hain । bhakta to sabhi hain । aise nahin kahenge ki sabhi bhagwan hain । jo bhi manushyamaatra hain, sabhi bhakta hain aur sabhi bhakton ko bhagwan ko phal dena hai । agar koi kahenge ki sabhi bhakta bhagwan hain, to ye to khora nahin lagega । agar sabhi bhakta bhagwan hain, to phir bandagi ya saadhna ya praarthana kiski ki jaati hai? bhagwan ek hai ye maanna to zaroor pade na । bhakta anek aur bhagwan bhi anek, to kuchh kaha hi nahin jaata hai । phir vahi bhagwan ban jaate hain । abhi baap baith karke achhi tarah se bachchon ko samjhaate hain aur sabhi bhakta kehte bhi hain ki bhagwan niraakaar hai arthaat unko manushya ke shareer jaisa aakaar nahin hai । manushya ke shareer jaisa to satayug se le karke, lakshmi naaraayan se le karke ab talak yeh to manushya hi hai na । yeh zaroor hai ki vo daivi gunon vaale the aur abhi is samay mein aasuri gun vaale hain । baaki unko bhagwan to nahin kahenge na । manushya hai na । manushya ko kabhi bhi bhagwan nahin kaha ja sakta hai, kyonki dekhne mein aata hai yeh bhi manushya ki shakla hai । to koi manushya ki shakla achhi hoti hai, koi ki buri hoti hai । koi gun vaale hote hain, koi begun hote hain । hain sabhi manushya । chola jisko manushya ka hai, usko manushya kaha jaave । unko bhagwan kaha hi nahin ja sakta hai, kyonki bhagwan ki mahima bilkul hi alag hai । bhagwan ko sabhi kehte hain-parampita । abhi koi bhi manushya, manushya ko, bachcha bhi unko parampita nahin kahenge । parampita, phir kya kehte hai? akshar achhi tarah se samjho । param aatma । yaani pare te pare rahne vaali aatma । usko bhi aatma kaha jaata hai jo pare te pare rahne vaali hai aur unko koi bhi aakaar aur saakaar ki soorat nahin hai, isliye unko phir kya kaha jaata hai? 'parampita । sab jo bhi bhakta hain, pita zaroor kahenge । unko yaad karo । kabhi bhi koi bhi baap ko parampita nahin kahenge । parampita ka arth hi hai parampita param aatma iska arth hota hai paramatma yaani pare te pare rahne vaala । na is sthool lok mein, na sookshm lok mein, parlok mein । usko kaha jaata hai mool vatan । vahaan rahne vaale ko sab bhakta yaad karte hain । sabhi bhakta yaad karte hain ek bhagwan ko । usko kaha jaata hai sabhi sajniyaan yaad karti hai ek saajan ko । yeh thoda achhi tarah se majboot rakho । isko kaha jaata hai paramatma । hai param aatma aur yeh bhi sabhi aatmaaen hain । unko chola mila hua hai । hai to aatmaaen na । aatma aur paramatma alag rahe bahukaal yaani paramatma alag hai aur aatmaaen yahaan hai । ye aatmaaen bahukaal paramatma se alag rahe hain । abhi dekho, baba achhi tarah se samjhaate hain । yeh samajhne ki baat hai । shaastron aadi ka kachda aur bhoosa jo bhara hua hota hai, yeh nikaal dena chaahiye । parampita param aatma maana paramatma । abhi unki mahima suno, aape hi karte hain । vo manushya srishti ka beejroop hai, isliye usko sabhi manushya god father kehte hain । agar sirf father kah denge, to father to bahut hai, kutte-bille ka bhi father hai । nahin । iska naam hi hai god father yaani parampita paramatma । paramatma maana bhagwan । asli akshar yeh hai-param aatma maana paramatma । krishna ko to nahin kahenge na । sabhi to nahin kahenge na । abhi unki mahima dekho, yeh star hai । baba ne samjhaaya na-aatma aur paramatma, vo bada nahin hai । aatma koi chhoti hai aur vo paramatma bada hai, nahin । vo bhi aatma hai । dekho, bhrikuti ke beech mein chamakta hai taara । ek star hai । abhi aatmaaen in shareer dvaara sab kuchh karti hain । agar kahen ki koi khaati hai, peeti hai, duhkh-sukh sahan karti hai, bolti hai, chaalti hai- to vo hai aatma । aatma agar alag ho jaati hai, to peechhe khaana-peena, uthna-baithna, sab banda ho jaata hai । unko murda kaha jaata hai yaani inmen se aatma nikal gai, doosre mein jaakar pravesh kiya, jo bhi unke karma ka hisaab-kitaab tha vo aatma le gai । yaani aatma hai । vo khud kehti hai ki main ek shareer chhod phir doosra shareer leti hoon yeh ho gai aatma । paramatma to nahin kahenge, main ek shareer chhod doosra leta hoon । aise kahenge koi? nahin kah sakte, isliye kabhi bhi kisko bhi, jo janma-maran mein aate hain, unko paramatma to kabhi nahin kaha jaata hai । baba achhi tarah se samjhaate hain । ek baat samajh jaae to jo samjhega, vo hi to svarga ka maalik ban sakega na, vo hi to baap ka varsa le sakega na । unki mahima sab karte hain-jaao, us shiv ke mandir mein ling rakha hua hai na । abhi baba kehta hai, koi vo roop hai nahin; parantu vo jo shivling ki pooja chali aati hai, to unke oopar samjhaaya jaae ki koi itni badi cheej to nahin hai jo bhrikuti ke beech mein chamakti hai । bhale yahaan samjhaaya jaata hai ki ling hai, kyonki ling sab jagah mein hai । somnaath ke mandir mein ling hai, shiv mandir mein ling hai, baboolnaath par jaao to ling hai । naam to dekho kya rakha hai- somnaath । unka naam kyon pada-somnaath? hai to ling । yeh do naam kyon pada? somras pilaane vaala । baboolnaath kyon pada? kaanton ko phool banaane vaala । to naam pad gaya baboolnaath । yaani yeh duniyaan kaanton ka jangal hai na । ek- do ko duhkh dete hain । aise to nahin kahenge ki svarga mein devi-devta ek - do ko duhkh dete honge । krishna aur raadhe, jo phir svayanvar baad lakshmi naaraayan bante hain, yeh kya koi ek- do ko duhkh dete honge? bilkul nahin । kya vo beemaar padte honge, svarga jiska naam hoga? nahin । abhi svarga ki sthaapna kaun karte hain, narka ki sthaapna kaun karte hain, yeh to koi jaante nahin hain । achha pahle baba aur bhi parampita ki mahima ke oopar samjhaate hain । dekho usko ek beej roop zaroor kahenge baba kehte-jaise tumhaari aatma hai, mera bhi aise hai । main bhi param pita to hoon param aatma hoon । param aatma ko manushya ne kah diya hai 'paramatma । main hoon param aatma, mila karke paramatma kah diya । abhi baithta hai buddhi mein’, unko kaha jaata hai gyaan ka saagar, manushya srishti ka beejroop hai aur kehte hain-sat hai, chaitanya hai, aanand hai । phir unki mahima- gyaan ka saagar hai । abhi beej thahra । beej oopar mein hai na । ulta jhaad hai । to beej hai aur chaitanya hai । phir zaroor beej jo chaitanya hai, unko kaha jaata hai gyaan ka saagar । us chaitanya beej mein kaun sa gyaan hoga? is srishti ke aadi-madhya-ant ka gyaan hoga । yeh srishti ka jo kalpavriksha hai, anek dharmo ka jhaad hai, uska main beejroop hoon । main jaanta hoon ki yeh srishti ka chakra kaise phirta hai । main sabhi bachchon ko yeh sikhlaay sakta hoon ki is srishti ka aadi-madhya-ant kya hai, yeh chakra kaise phirta hai aur main hi tumhaara sadguru hoon । yeh kalhayug hai । kalhayug mein koi ko bhi sadguru nahin kaha ja sakega yaani sat bolne vaala na kaha jaaega; kyonki anek guru hain, phir bhi andhiyaara hai yaani brahma ki raat hai । manushya bahut duhkhi hain । durgati mein hain । itne guru hone se bhi… athaah guru hain, anek guru hain । yahaan stri ke pati ko bhi guru kaha jaata hai । eeshvar bhi kaha jaata hai । in guruon ko bhi eeshvar kaha jaata hai; parantu itne eeshvar, itne guru hone se bhi yeh duhkh kyon? ghor andhiyaara kyon? bhaktimaarga kyon? kyonki bhakta dar-dar dhakka khaate hain na । kyon? phir yahaan koi ki sadgati hai kya? sadgati to kaha hi jaata hai svarga ko । vahaan sab sadgati mein hain va vahaan sab sukhi hai । yahaan to sab duhkhi hain, beemaar padte hain, rogi hain । guru koi rogi thode hi hona chaahiye । agar guru rogi hai to doosre ko nirogi kaise banaaega? yeh kalhayugi guru hai na । hai to anek, dher ke dher hain । ghor andhiyaara kyon? sojhra kisko kaha jaata hai, andhiyaara kisko kaha jaata hai? sojhra kaha jaata hai satayug ko, andhiyaara kaha jaata hai kalhayug ko । patit kaha jaata hai kalhayug ko, paavan kaha jaata hai satayug ko । abhi baba poochhte hain ki yeh kaliyug hai ya satayug hai? satayug mein to yeh lakshmi naaraayan raajya karte hain na । tumhaare bhaarat mein yeh raajya karte the na । tum bachche inko satayug kahenge । isko sadgati kahenge na, jeevanmukta kahenge na । yahaan koi raavan raajya to nahin hai, paanch vikaar to nahin hain । bhaarat mein paanch vikaar the kya? nahin । bhaarat to svarga tha । abhi narka bana hai । abhi yeh vichaar karna chaahiye ki aise narka ko svarga to bhagwan banaaega । srishti rachta to bhagwan hai na । manushya kaise srishti rachne vaala ya svarga rachne vaala ho sakta hai? tum chaahte ho na ki ham vaikuntha jaave, svarga jaave । aise to nahin hai, tum samajhte ho ki jo mara so svarga mein gaya । svarga to hota hi hai satayug । kalhayug ko narka kaha hi jaata hai । sabhi narkavaasi hai । samjha na! gaaya jaata hai-guru bigar ghor andhiyaara । are, par guru to yahaan bahut hain । dher ke dher hain । phir bhi yahaan andhiyaara kyon? duhkh kyon? to baap baithkar samjhaate hain-bachche, tum kehte ho na- ''iaaaan anjan us gyaan saagar sadguru diya । agyaan andher vinaash ।' ' abhi patit-paavan ek hai । usko bhi kaha jaata hai-sadagti daata ek । abhi yeh koi guru sadgati daata thode hi hai । nahin । vo to narkavaasi hai । vo to 5000 varsha pahle bhi tumko samjhaaya tha na । guru to dher ke dher hai aur bilkul hi tamopradhaan srishti hai । manushya ek- do ko duhkh dete rehte hai । tum kehte ho ki barobar yahaan shakar paarvati ke pichhaadi phida hua । yeh hain dant-kathaaen । phir bichchhu-tindan jaisi santaan paida hui । to yeh bichchhu-tindan jaisi paida hain na । ek- do ko duhkh dete hain na । ek- do ko kaanta lagaate hain na kaam ka, krodh ka, lobh ka, moh ka-yeh kaante hain na । vo manushya ko duhkh dete hain na । ek-ek yeh raavan ka roop hai । 5 sir unke, 5 sir uske । samjhaaya jaata hai na । achha, abhi baba phir bhi kehte hain ki vo hai parampita paramatma । vo bhi ek aatma hai, parantu unko kaha jaata hai parampita paramatma, kyonki vo to sarvashaktivaan hai । world almighty world authority । abhi aise thode hi is samay mein koi ko kehte hain-world almighty world authority । phir gyaan saagar, shanti ka saagar । kisko kaha jaata hai gyaan ka saagar? vo chhoti si star ko । zaroor us star aatma mein jisko ham log param-aatma kehte hain, koi cheej ka gyaan hai na । bolte hain unmein gyaan ka saagar hai । gyaan hai । ab jab vo gyaan saagar hai to unse hamko gyaan milna chaahiye na । gyaan to unmein hai; kyonki gyaan anjan us sadguru ne diya । yeh to gyaan nahin hai na । yeh hai bhakti । yeh karmakaand ke shaastra hain । vo baap ne baith karke samjhaaya, bhakti hai । satayug mein bhakti ka naamnishaan nahin, to kalhayug mein gyaan ka naamnishaan nahin । samjha na! kyonki aay karke gyaan ki varsha barsaate hain, to srishti svarga ban jaati hai । varsha koi barsaat to nahin hai na । yeh tumko baith karke gyaan sunaate hain । pahle sahjayog । yog kisse? parampita se । niraakaar se, na koi saakaar se । manushya bichaare bahut moonjhate hain । baba, yeh niraakaar se yog kaise lagaaven? hamne to sadaiv saakaar ki pooja ki hai-krishna ki, lakshmi ki, naaraayan ki, phalaane ki । ham to unko yaad karte hain । tum deh-abhimaani ho na । tum deh-abhimaani hone ke kaaran deh ki pooja karte ho । abhi tumko dehi-abhimaani banna pade yaani apan ko aatma samjho । phir tum paramatma ko yaad karo; kyonki tumko paramatma ke paas jaana hai । samjha na! abhi paramatma tumko kehte hain ki bachche, he meri aatmaaen, ham aaya hai tumhaara guide ban karke tumko vaapas le jaane ke liye; kyonki yeh duhkhadhaam hai na, tum bahut duhkhi hue ho । sabhi bhakta yaad karte hain ki bhagwan aao, sabko duhkh se mitaao । sab jo patit hain unko paavan banaao । sab jo duhkhi hain, sabko sukhi banaao । baap barobar kehte hain ki he bhaaratvaasiyo! jab satayug tha, lakshmi naaraayan ka raajya tha, tum sukhi the na! duhkh ka naamnishaan nahin tha na! bachche baba se poochhte hain vahaan thode bhaaratvaasi honge na । abhi bhaaratvaasi 33 karod hain । svarga mein 33 karod manushya to hote hi nahin hain । to baith karke samjhaate hain ki aise nahin hai ki sabhi svarga mein aaenge । nahin । main jab aata hoon to aa karke tumko raajayog sikhlaata hoon । tum raajaaon ka raaja banaavenge yaani nar se naaraayan banenge । satyanaaraayan ki katha yeh hui na । to tum bachche aate ho aur jaante ho ki ham yahaan aate hain nar se naaraayan banne । kahenge-sab banenge kya? are, sirf naaraayan hi hota hai, ki lakshmi bhi hoti hai, unki badi raajaai hoti hai । yeh raajdhaani sthaapan ho rahi hai । vo samjhaate hain ki jo achhi tarah se padhenge vo oonch pad paayenge । geeta mein hai na-bhagvaanuvaach । bhagwan kya sikhlaate hain? raajayog । yaani raajaaon ka raaja banaavenge । abhi krishna to bhagwan nahin thahra na । nahin! yeh to paramatma । tum bachche samajhte hain ki ham krishna ko koi cheej ho unmein yaad karen। are! aise thode hai, aatma to nangi hai na । aatma ne to shareer peechhe dhaaran kiya hai na । aatma jaanti hai- main nangi aati hoon phir ghadi-ghadi shareer chhod doosra leti hoon । vo jaanti hai ki main nangi hoon nanga hoon । aatma nanga kaho, nangi kaho । mera baap bhi nanga hai, unko bhi shareer nahin hai । to aatmaaen, paramatma ko bulaate hain । phir gaaya jaata hain-aatmaaen paramatma alag rahe bahukaal । abhi hisaab hua na , kaun si aatmaaen pahle-pahle satayug mein aai, jo phir unko 84 janma bhog pichhaadi mein poora part bajaana hai । vo to devi-devtaaon ki hui ki aatmaaen aur paramatma alag rahe bahukaal । aatmaaen to abhi bhi aati rehti hain । srishti badhti jaati hai । aatmaaen kahaan se aaegi? aatma ko to zaroor aana pade na । srishti bane to aatma ko oopar se aana pade । vo to abhi aati hai । achha, pahle kaun si aatmaaen aai yahaan baap se? pahle-pahle to baap khud kehte hai na-he mere laadle bhaaratvaasi, hamne pahle-pahle tumko yahaan svarga mein bheja । tum svarga mein jaaenge na? tum sabse sikeeldhi yaani aatmaaen, paramatma alag rahe bahukaal । ham bahut kaal bichhde hue hain । ham satayug mein aadi mein aae; kyonki ham devi-devtaaai the । phir kaha jaata hai-sundar mela kar diya, jab vo sadguru mile dalaal ke roop mein । abhi vo kaise dalaal bane? to bolta hai-dekho main boodhe tan mein baith karke phir dalaal ke maaphik tumko kehta hoon-he aatma, tum mere saath yog lagaao । kaun kehta hai? yeh nahin kehta hai । vo ismen pravesh karke bolta hai-main phir se pravesh karta hoon aur kalpa-kalpa main ismen pravesh karke tumko svarga ka maalik banaata hoon gaate to theek hain, samajhte thode hi hain । agar 84 laakh janma sabhi lete hon, to ek jaise ho jaate hain । sabhi to phat se nahin aa jaate hain na । thodi-thodi aatmaaen aati hain, srishti badhti jaati hai । pahle kaun-se aae? pahle bhaarat vaale । satayug mein aadi sanaatan devi-devta dharma, phir punarjanma lena pade । phir treta mein kshatriy dharma mein । phir vo hi aatmaaen dvaapar mein vaishya dharma mein । is chola se kaise poori hogi, chola chhodte aate hain । phir kalhayug mein vo hi aatmaaen, kyonki phir shoodra bhi banen । vahi aatmaaen phir braahman bane । to tum hue olraaunda 84 janma poora lene vaale aur sabse jaasti bichhude ho । tab baap aakar kehte hain na-he mere sikeeldhe bahut kaal se bichhude hue bachche! tum kalpa-kalpa bahut kaal se bichhude hue bachche aate ho aur aa karke phir se apna svarga ka raaj aur bhaag mere se lete ho । abhi kitna clear samjhaate hai aur phir vo kehte bhi hain-mera to ek, doosra na koi । abhi vo log krishna ka naam likh dene se phir kehte hain mera to giridhar gopaal doosra na koi । abhi giridhar gopaal to krishna ko kehte hain । abhi krishna ki to ismen baat hi nahin ho sakti hai । krishna to bataate hain abhi । krishna ki aatma bol sakti hai is samay mein । vo bolti hai meri aatma pahle-pahle krishna thi । sooryavanshi tha । tat tvam । samudra akela thode hi hoga । phir ham aur tum । 84 janma ka yaad hai na । kehta hai ki meri jo aatma hai, so svarga mein yeh baat nahin kar sakegi । abhi meri aatma ko parampita paramatma ne baith karke yeh 84 janma ka raaz bataaya hai, to main kah sakta hoon ki yeh aatma kaun-si? yeh krishna ki aatma bahut janma ke ant ke janma ke bhi ant vaali । vo kehte hain-main 84 janma le karke poora kiya hai । abhi mujhe baap ne bataaya hai ki tum 84 janma kaise lete ho aur tat tvam yeh tumhaari raajdhaani thi । achha । abhi aisi baaten koi doosra sanyaasi-udaasi thode hi bataaenge । vo koi sadguru thode hi hain । sadguru to ek kaha jaata hai na । jiske liye kaha jaata hai-guru bigar ghor andhiyaara । kalhayug ko kaha hi jaata hai-andhiyaara । guru to bahut hain, phir bhi kehte hain-guru bigar ghor andhiyaara । par kaun-sa vo guru? vo to sadguru hai na aur unko kaha bhi jaata hai-sach khanda ka sthaapan karne vaala । abhi sach khanda ka sthaapan karne vaala to vo hi hoga na aur phir tum aane vaale honge na । abhi sanyaasi thode hi sach khanda mein aaenge । yaani vo to peechhe aate hain na । vo koi bhagwan thode hi hain । manushya sabhi bhagwan, bhagwan, bhagwan hi bhagwan! kutte-bille mein bhagwan, kehte hain । kitne moorkha ho gae hain! achha, abhi tum jaante ho ki us ek aatma mein yeh saara gyaan ka saagar hai । gyaan deven to saagar ko mas banaao aur jangal ko kalam banaao, to bhi poora nahin hoga । aise hai na barobar । yeh shaastra to sab likhe hue hain । yeh dekho, gyaan hai na, saara srishti ke aadi-madhya-ant ko baith karke samjhaana । kab se yeh gyaan lete aae hain? itna to gyaan us aatma mein bhara hua hai na । cheej kya hai? ek star hai bilkul hi । abhi dekho kitni deep baaten hain । moti buddhi vaale thode hi samajh sakenge । yeh to jo roj aakar samjhen, unko samjhaaya jaata hai । gyaan saagar unko kaha jaata hai । aa karke sunaate hai na । yeh to doosra koi nahin sunaay sakta hai । srishti ka chakra kaise phirta hai kabhi koi nahin jaante hai; kyonki sanyaasi-udaasi jo hokar gae, jo satopradhaan the, vo to kehte the- eeshvar beant hai, unki rachna bhi beant hai । yaani ham nahin jaante । na eeshvar ko jaante, na unki rachna ko । agar jaante hote to tumko sunaate bhi, parantu koi nahin jaante hain । vo to baap aa karke apne bachchon ko apna parichay dete hain- main tumhaara baap hoon । behad ka sabka baap hoon । tum abhi bhaktimaarga mein duhkhi hue ho । tum mujhe yaad karte ho, main aaya hua hoon । phir tum bhaaratvaasiyon ko yeh sachchi katha baba sunaay rahe hain । tum bachchon ko phir se nar se naaraayan ya manushyon ko devta banaane ke liye main aata hoon । meri mahima doosre nahin karte hain । guru naanak nahin kehte ki maanush ko devta kiye karat na laagi vaar । kiski mahima hai? yeh kya naanak ki mahima hai? nahin, vo to unki karte hain na । bolta hai-moot paleeti kapad dhoye । barobar tumhaara yeh chola badli ho karke moot paleeti se phir tumhaara svarga ka shareer tumko milega । to sabka dhoega na । dhobi thahra na । dekho, mahima kaise karte hain! to patit ko paavan karna, kapde maile hote hain to dhobi dhote hain na । yaani achhe kar dete hain । to yeh bolta hai-bachche main aa karke tum patiton ko paavan banaata hoon । patiton ko paavan karne vaala to unko kaha jaaega ya patit-paavni ganga kahenge? ek hi mistake itni badi ki ganga hai patit-paavni । ganga patit-paavni kyon ho sakti hai? vo to us paani ke saagar se nikli hai na । tum ho gyaan saagar se nikli hui gyaan gangaaen । yeh hayooman ki baat hai । vo to paani ki baat hai na । baba bachchon ko kehte hain- bachche, kitne moorkha! are, patit-paavni ganga kaise ho sakti hai? patiton ko paavan kaise karegi? yeh sanyaasi jo kehte hain patit-paavni, phir unko jab koi apoj karte hain- are bhai, tum bhi to patit ho na । to vo bolte hain-nahin, patit baith karke yeh ganga mein snaan karte hain, to ganga bhi patit ban jaati hai । ham unko pair dhar karke paavan banaate hain । dekho, yeh ek shaitaani! baap baith karke samjhaate hain । jaate bade dhaamdhoom se hain । uph! bahut bade-bade sab jaate hain ekdam । to kya sabhi sanyaasi patiton ko paavan banaane vaale hue? so bhi kaha to unko jaata hai na । baap baith karke samjhaate hain tum bhaaratvaasiyon ki kitni andhashraddha hai । koi paani ki nadi patit-paavan thode hi ho sakti hai । to kya nadi ka hi smaran karna hai? nadi ka smaran karna hai, to nadi mein jaakar padenge । so to padte hi ho । tum nahin padte ho, tumhaari raakh nadi mein padti hai । yeh sab bhaktimaarga hai । ghor andhiyaara, sab duhkhi hi duhkhi । koi ek manushya bhi sukhi nahin । baba kehte hain-ham tumko 21 janma ke liye ever healthy yaani nirogi banaata hoon । vo to baap kehte hain yeh to nahin kehte hain na । baap kehte hain-bachche, main tumko phir se svarga ka maalik banaata hoon । vahaan tum ever healthy ever wealthy ever happy । wealth to sabko ek jaisi nahin hoti hai na । jo-jo gyaan achhi tarah se dhaaran karte hain, zaroor vo wealthy bante hain । phir jholi bharni chaahiye na । yeh hai daan karna । abhi ham avinaashi gyaan ratnon ka daan lete hain । phir hamko sabko daan karna pade । tum karti ho na । vriddhi kaise hoti hai! yeh sabhi jo itni vriddhi hoti hai, to sab to daan dete hain na । daan kiska lete hain? avinaashi gyaan ratnon ka । vo koi gyaan thode hi hain, vo to bhakti hai । gyaan saagar sirf ek hai; kyonki yeh sabhi tamopradhaan hain । manushya srishti ka saara jhaad. ekdam tamopradhaan hai । ye jag, ye samaaj, sabhi duniya puraani hai na । kalhayug maana puraani srishti । satayug maana nai srishti । yeh ghar jab naya hoga, to first class hoga na । jab puraana hota hai unko to bhanju kehte hai । unmein choohe-billi-kutte-ye sab aakar pravesh karte hain । chimre-vimre baith jaate hain na । yahaan ke ye sabhi manushya kaun hain? ye to sabhi chimre-chamre hain । ek -do ko kehte hain- a kutte ka poonchh, a ullu ka bachcha, a suar ke bachche । yeh to sabhi ek- do ko gaali dete rehte hain na । yeh kisne kaha? aatma ne kaha । aatma kehti hai ki abhi ham jo yahaan hain, so ham koi baap ke bachche thode hi hain । ham kutte, billi, suar, gadhe ke bachche hain na । kaun kehte hain ham baap ke bachche hain । ham baap ke bachche hote to svarga ke maalik hote; kyonki vo rachta hai । vo to ek- do ko kehte hain-are kutte ke bachche, ullu ke bachche, gadhe ke bachche । chhote-chhote bachchon ko gaali dete hain । kya satayug mein koi aisi baaten hongi? nahin । to bhaaratvaasi satayug ke naamnishaan ko bhool gae । naamnishaan ko kyon bhoole? lakshmi naaraayan ka chitra abhi-abhi banaate rehte hai aur satayug ko kah deve ki laakhon varsha ho gaya hai । satayug ko hue 5000 varsha । yeh dilli ko paristaan kehte the । abhi vo hi paristaan, jismen yeh raadhe-krishna raajya karte the kabristaan ban gaya hai । lakshmi naaraayan bhi vo hi the na । itna pata nahin hai unko ki raadha krishna svayanvar ke baad lakshmi naaraayan bane । vo bhi koi vidvaan-aachaarya ko pata nahin hai । yaani yug to chaar hain na । sat-treta sooryavanshi-chandravanshi । sooryavanshi-chandravanshi do gharaane hue । ek hua solah kala, doosra hua chaudah kala । chaudah kala, solah kala kaun? koi ko pata nahin hai । solah kala aur chaudah kala- do banaay diya । kisko banaay diya? lakshmi naaraayan ko to udaay diya । raam ko so le gae treta mein aur shreekrishna ko le gae dvaapar mein । satayug mein kaun? koi ko pata nahin । satayug ko kyon bhulaay diya? satayug mein to lakshmi naaraayan hai na । solah kala to unko kahenge । krishna dvaapar me aur unko solah kala kehna, treta me raamchandra ko chaudah kala kehna, yeh ulta hisaab kaise? koi samajh nahin aur yahaan samjhaate rehte hain, buddhi mein baithta nahin hai । buddhi me baithe kaise? jabki baba ke saath yog ho, to buddhi mein baithe । yog nahin to buddhi mein kabhi nahin baithega; kyonki yog hai na baba ke saath । saajan vo hai sabhi sajniyon ka । ek ko pukaarte hain na । sabhi hain sajniyaan । isko angreji me kaha jaata hai-brides aur vo hai bridegroom ek । abhi vo ek bridegroom to parampita paramatma hai । samajh liya- guru log hai bridegroom । kya guru tumhaara pati hai? unko pati kaha jaae? patiyon ka pati vo hai na । yeh thode hi tumhaare kuchh lagte hain aur yeh bhi samjhaaya na baap kehte hain- main tumhaara baap bhi hoon aur baap se varsa milta hai । kaahe ka? sampatti ka । guru se sampatti ka varsa mil nahin sakta hai; kyonki gurulog to ghar-baar chhodte hain । vo sampatti tumko kaise denge? yeh sampatti ki baat hai na । unse nahin kahenge, parampita sampatti dete hain । sampatti to kaag vishta samaan sukh deti hai । vo aise kahenge, partu nahin । kya tum samajhte ho-svarga mein kaagvishta samaan sukh hai? svarga mein to athaah sukh hai na । vo kya sanyaasi bhogenge, jo ghar-baar chhodkar jaate hain? vo kehte hi hain ki naari naagin hai aur yeh jo sukh hai, vo kaagvishta samaan hai; parantu kya svarga mein kaagvishta samaan sukh hota hai? svarga ke liye to marte hain । isliye to kaha gaya ki svargavaasi hua । vaikuntha gaya । vahaan sukh hai na athaah । vo sukh koi sanyaasi thode hi denge, jo ghar chhodkar jaate hain । yahaan sindh mein jo thoda hua na; kyonki bhatthi banni thi zaroor । yeh to drama mein part tha । vo to jo part bajaave, unko maaloom । bichaari duniya kya jaane ki inki bhatthi banni hai, jo shaastron mein likhi hui hai, jinmen likh dete hain-billi ke poongare the, phalaane the । chariyaai bhi likh diya hai । billi ke poongare thode hi hai । bhatthi banni thi aur inke oopar sitam hue; isliye yeh phir ja karke vahaan unko mile । bhagaane-vagaane ki to koi baat hi nahin hai । are! yahaan koi ek ko bhagaave to government court mein khada kar deve aur yahaan itni saari dher ki dher aur ek baith karke sambhaale । naam to inka karte the na । par vo kehte the-bhai main nahin hoon mainne inko nahin bhagaaya hai, na main koi krishna hoon na main kiska matki phodta hoon ya makkhan churaata hoon । yeh to tumhaari nonsensa hai । main kisko bhi nahin bhagaaya । mera yeh kaam nahin hai । yeh to aur baat hai, jo in bachchon ko bhatthi banaane ka tha, to drama mein banaana tha, nahin to bhala gaiya kahaan se aai? zaroor bhaagi theen । krishna ke liye kehte hai ki krishna ne phalaane ko bhagaaya । to gaooshaala banaai thi na । bhala kyon bhagaai thi? bolte hain-patraani banaane ke liye । are! patraani to tum ban sakti ho, parantu banaane vaala to paramatma hai na । krishna ki koi thode hi baat hai । krishna to satayug ka laadla bachcha । vo in bakhedon se kya jaane? krishna jo satayug ka laadla bachcha, dekho, yahaan krishna ki kitni mahima karte hain aur vo to kehte hain krishna ko 84 janma me kyon le aate ho? par mahima hi unki ham karte hain । phir zaroor 84 janma to lena pade na । jab pahle vaala leve tab doosra bhi punarjanma mein aana pade na । vo to samjhaana padta hai na । krishna aa rahe hain । satayug ka maalik aa rahe hain । abhi to yahaan nahin hain na । aaega to paavan duniya mein aaega ya is patit duniya mein aaega? usi naam-roop se svarga mein aaega ya narka mein aaega? devtaaen yahaan narka mein aate hi nahin hain । jab nai duniya hogi, tab phir ham sab aaenge । ham padhaai bhi padhte hain, na ki is janma ke liye, balki janma-janmaantar ke liye । to baap abhi samjhaate hain pahle ek baat samjho- kutte-bille mein bhagwan ko, saadhu-sant-mahaatma mein bhagwan ko, yeh mat samjho । bhagwan to bhagwan hai । bhakta bhagwan ko yaad karte hain, to yahaan thode hi bhakta kehte hain-he bhagvan, he parampita, O god father । yeh kaun kehte hain? aatma kehti hai na । aatma unko kahegi aur phir vo us father ko kahenge । unko, is father ko nahin kahenge । he god father to nahin kahenge baap ko । dekho, ye sab duhkhi hain । raham karo । bhakta yaad karte rehte hain na । to baap aa karke samjhaate hain ki bhaktimaarga aadha kalpa chalta hai । dvaapar se lekar phir hai bhaktimaarga । pahle bhakti avyabhichaarini, peechhe vyabhichaarini । pahle tum sab hamko poojte the । peechhe neeche utre, utrenge phir devtaaon ki pooja, kyonki bhakti ko vyabhichaari banni thi । phir manushya jo daivi gunon vaale the, utarte-utarte abhi kutte-bille ki pooja karte hain । unko tum kehte ho ki kutte mein, bille mein bhagwan, to barobar tum machchha-kachchha ko poojte ho । dekho, tumhaari yeh haalat ho gai hai । thikkar-bhittar ko poojte ho । isko kaha jaata hai-vyabhichaari bhakti aur bade duhkhi ho gae ho ekdam । kahaan svarga, kahaan yeh narka! kiske paas paisa hua, to bolte hain-ham svarga mein hain । tumhaara baap bhi mar jaaega, jisne tumko paisa diya, tum unke liye kehte ho-svargavaasi bhaya । to narka mein tha na । tum bhi narka me ho na । tumko apan ko narkavaasi kahne ke liye lajja aati hai kya? koi bhi ho, tum unko kah sakte ho na sab saadhu-sant-mahaatmaaen raadhaakrishnan prejident, nehru, ye jo bhi hain is samay mein narkavaasi hain । svarga satayug ko kaha jaata hai, narka kaliyug ko kaha jaata hai । yeh bhi buddhi mein nahin baithta hai ki svarga, svarga hai; narka, narka hai । kalhayug narka hai, satayug svarga hai । abhi kalhayug ko palta svarga banaana, yeh to srishti ke rachta ka kaam hai na, creator ka ya saadhuon ka kaam hai? nahin । to baap aakar kehte- main is patit kalahyug ko, patit kalahyugi bhaaratvaasiyon ko, sabhi bhaaratvaasiyon ko kyonki main janam leta hoon bhaarat mein । tum bachchon ko phir so devi-devta banaane sahaj raajayog sikhlaane aaya hua hoon । mere sivaay tumko koi bhi raajayog sikhlaay nahin sakte hain । yeh dekho, satyanaaraayan ki katha, sat bolte hain- main tum bachchon ko phir se vo raajya le karke, tumko raaj-bhaag de karke, sukhi karke, main phir nirvaandhaam mein baith hi jaata hoon । phir mere ko koi bhi yaad nahin karte hain । tum bachche jab svarga mein sukhi ho jaaenge, tumko koi bhi yaad karne ki darkaar nahin hoti hai, kyonki yaad karte ho tab jab tumko duhkh milta hai । tabhi kehte ho-- god father, mercy me । he parampita, raham karo । yeh sabhi karte hain na । to abhi vo parampita hi kehte hain-bachche, main aaya hua hoon tumko svarga ka maalik banaane । jo ab padhega-likhega, jo sahaj raajayog seekhega, yeh seekhne ka school hua na । bhagvaanuvaach-tumko raajaaon ka raaja banaaoonga । raajayog sikhlaata hoon । bhagwan hi sikhlaaega to niraakaar ko saakaar to chaahiye na । tum sabhi niraakaar ho, jo saakaar mein aae hue ho । tum sabhi incorporeal ho, so corporeal mein aae ho । tum do ho । incorporeal aatma bhi ho aur corporeal shareer bhi ho' isliye tumko jeev-aatma kaha jaata hai । incorporeal, corporeal । jab incorporeal, corporeal se alag ho jaata hai, usko marna kaha jaata hai; parantu vo incorporeal kehte hain ki mujhe ek shareer chhod karke doosra part bajaana hai । main jaata hoon doosra part bajaane । mujhe bajaana hi hai । rote kyon ho? yeh drama mein noondh hai । tumko rone ki kya darkaar! baap ne baith karke yeh baaten samjhaaya hai; isliye hamaare paas kabhi koi rote nahin hai । samajh gae hain- aatma jo shareer chhodti hai, unko part mila hua hai । kab se? are । anaadi part mila hua hai । yeh samajhte nahin hain । tum kahenge ki ham shareer chhod karke phir doosra shareer satayug mein le karke part bajaaye । dekho, yeh aatma kitni katha sunaati hai! main ek part satayug mein bajaay, aath janma le, shareer pichhaadi shareer le, din, naam-roop, desh-kaal shareer le, phir main janma leta jaaoonga । sooryavanshi mein bhi 8 janma loonga, chandravanshi me bhi 12 janma loonga, vaishya vansh mein bhi aur shoodra vansh bhi milaakar 63 janma loonga, phir yeh mera ant ka janma, main aa karke phir baba ki god mein baithoonga । abhi kitna seedha bataate hai bilkul hi । eeshvareey god ke baad, tum jaante ho ki tumko 21 janma daivi god milegi । phir tum jaante ho ki daivi god ke baad jab raavan raajya yaani maaya ka raajya, vikaaron ka raajya hoga, tumko aasuri god milni shuru hogi । aasuri god milte- milte. tum is samay mein kaudi tulya ho jaaenge । mahaan duhkhi । koi bhi sukhi nahin । agar sukh kehte hain alpa kaal, to kehte hain na-kaagvishta samaan, vo sukh hai । baaki svarga mein to koi kaag vishta samaan sukh nahin hota । abhi vo koi sanyaasi thode hi de sakte hain । yeh to baap bigar koi de na sake na । abhi kitni sahaj baaten baap baith karke samjhaate hain । to students hain na । yeh to study hui । abhi study to god kehte hain ye bade te bada istahaan । manushya se devta banna hai na । svarga ka devta banna hai । kalhayugi narka se svarga ke devta banen, to padhna pade na । yaani barrister banne ke liye school mein jaaega ya bolega-hamko kaam hai, karmabandhan hai, dhur bandhan hai, chhudaai bandhan hai । master usko kya karega! yeh to tumhaare karma, tum jaano । ham tumko mat denge-aise karo, aise karo । ismen karmabandhan ki baat । yaani main aaya hua hoon tum bachchon ko 21 janma ka varsa dene । abhi tum kahenge, main kahaan se aaya hoon? paramdham se । aata hoon jaata hoon । yeh hamaara nandeegan hai । abhi nandeegan mein koi bail to nahin hoga, janaavar to nahin hoga । wonderful baat hai । isliye baba kehte hai-ye wonderful baaten hain sunne ki aur so bhi jo koi roj sune aur samjhe, jinko pahle vishvaas baithe । yahaan koi saadhu-sant-mahaatma nahin hai । yeh shareer patit hai । bahut janma ke ant ke janma ke bhi ant ka patit shareer hai, bata dete hain ' baap ne is patit shareer mein raavan ki duniya mein paraaya desh mein, paraaya desh hai na । door desh mein rahne vaale aae desh paraae । paraaya kyon kehte hai? koi matlab hoga na । yaani bhagwan, paraaye desh mein kyon? bhagwan ki to yeh rachna hai na । paraaya kyon kaha jaata hai so bhagwan aakar samjhaate hain-are! yeh raavan ka raajya hai to paraaya raajya hai । ek- do ko patit banaane vaala hai । yeh maaya ka hai । to main aaya hua hoon is paraae rath mein, vo bhi patit rath mein । phir poochhenge- bhagwan ko paavan rath kyon nahin? nahin, paavan kahaan se aae! kya ye sanyaasi paavan nahin? nahin । inhone to tumko mere se vimukh kiya hai । inhone to guru kahlaay tumko narkavaasi banaaya hai na । bhala main inmen bhi kaise aau? mujhe to grihasthi dharma chaahiye na । mujhe nivrittimaarga ka dharma nahin chaahiye; kyonki svarga mein jo pravrittimaarga tha, pavitra tha, vo ab patit bane hain । mujhe pravrittimaarga ko hi phir paavan banaana hai । vo to sanyaas dharma hi doosra hai । to itna samjhaata hoon । achha, aaj bachchon ko thodi deri ho gai hai । samajhne ka to bahut hi hota hai । bachchon ko bhi samjhaate hain ki bachche, tumko jo time mile mujhe yaad karo; kyonki bojha bahut hai । to bahut yaad karta hoon na, bachchon ko bhi sikhlaata hoon । yeh dekho, khaansi kitni hoti hai । karma ka hisaab tumhaara pichhaadi mein hai । jab bhi tum aur ye sabhi bachche nambarvaar purushaartha anusaar karmaateet avastha ko pahunchenge, tabhi tumko ye khaansi-vaasi nahin hogi, shareer hi chhod denge । yeh hui aatma ki puraani juli । chitta chikti lagte-lagte kaali ban karke koi kaam ki nahin bachi hai । abhi aisa chhodna hai shareer ko, jaise sarpa nai khal ke liye chhodte hain । vaise jab bhi yaad mein baithte hain na to jab bhi vo samay aaega baap ki yaad mein baith aise sanyaasi bahut baithe hote hain tatva mein , tatvayogi bhi aise baithe-baithe shareer chhod dete hai । aise gir jaate hai । aise hote hai bahut teekhe । abhi is samay me aatma bhi kaali, to shareer bhi kaala । abhi phir khushi hoti hai-baba ham aata hoon, yeh main jaanta hoon, to phir main aa karke gora shareer loonga aur raaj karoonga । poojya tha, abhi phir se pujaari ban raha hoon । achha, baap-daada, meethi-meethi mama ka, meethe-meethe sikeeldhe beloved most baba ka beloved most children abhi beloved most children vo hi hai jo baba ki service mein tatpar hai । yeh to bachche samajhte hain । laukik baap bhi aise hi kehte hain । bilevad aur non-bilevad । aise hoga na । baap kehte hain-tumhaare mein bhi vo hi mera most bilevad hai jo mere liye phir aur ko kaante se phool banaate rehte hain । abhi service me lagte hain, bahuto ko de jaate hain literature aadi । gaali to khaani hogi । gaali na khaaengi to kabhi bhi tum svarga ka maalik nahin banengi । nahin to kahenge chauth ka chadrama tum logo ne nahin dekha hai । ye to baaten hain; parantu jaakar service to karni hai na । achha, baap-daada, meethi mama ka, meethe-meethi sikeeldhe bachchon ko yaadapyaar aur good morning । yahaan bhaarat mein, kalhayug mein, na good morning na good eevning na good de, na good night । ismen bhi sabse dirty night raat ko kaha jaata hai । samjha! vahaan to olvej good hi good । vahaan kahne ki koi baat nahin rehti hai । yahaan to saare log chhutti lete hain । yeh unhon se seekha hai good morning । yahaan to namaste, morning, evening, kuchh kahne mein hi nahin aati thi । unka fashion hai । samjha na!