Sakar murli du lundi 30 septembre 1963

> >

30-09-1963 mumbaeepraatah murli saakaar baba om shanti madhuban

helo, good morning ham bambai se bol rahe hain, aaj somvaar hai san 1963 septembar ki tees taarikh hai । praatah class mein baapdaada ki murli sunte hain ।

record :-

bachke najron se meri kahaan jaaoge?…

baap risponda karte hain ki tum bachchon ko phir se milne ke liye paramdham se aana pade । inka koi arth bhi to hoga na । bachche inka arth jaante hain ki barobar baba phir se aaya hai is drama ke plan anusaar । kai kai shaastron mein likha hua hai ki parampita paramatma ko sankalp utha- main jaakar srishti rachoon । aise koi mein likha hua hai । abhi srishti rachoon to nai srishti ho jaati hai । nahin, yahaan to gaaya jaata hai ki bhakton ko phal dene ke liye bhagwan ko aana pade, patiton ko paavan karne ke liye bhagwan ko aana pade । to zaroor koi srishti hai, aise nahin ki unko sankalp utha ki nai srishti rache । shaastron mein yeh jhooth baat likhi hui hai । yahaan jo pandit vagairah sunaate hain, woh jhooth hai । vo samajhte hain-pralay bhi hoti hai, ek dapha mahaapralay bhi hoti hai । agar mahaapralay ho to ye sabhi aatmaon mein janma-janmaantar ka, kalpa-kalpaantar ka jo ye record vagairah hai vo to sabhi khatma ho jaave । phir nai srishti kaun-si rachenge jinka kabhi bhi srishti par koi naam-nishaan hi nahin । baap bachchon ko baith karke samjhaate hain ki bachche, yeh to theek hai ki zaroor aatma ko apna part bajaane ke liye sankalp uthega । tum bachchon ko vahaan jaay karke to yeh sankalp uthega- abhi hamko jaana hai । sankalp to uthega na । aise nahin hai ki bas sankalp kiya- aa karke manushya srishti banaate hain, nahin । tumko automatically sankalp aaega ki abhi ham jaay karke apna raaj-bhaag karen aur aaenge hi satayug mein, svarga mein । baap baith karke sikeeldhe bachchon ko samjhaate hain- bachche, yeh zaroor hai ki mujhe automatically drama ke anusaar sankalp utha ki mera ye part hai । ab zaroor uthega ki ja karke patiton ko paavan bana len aur jo bhi mere meethe-sikeeldhe bhaaratvaasi bachche the, aise kahenge na; kyonki vo hai gyaan saagar । baba kehte hain-main hoon gyaansaagar । mujhe sankalp utha ki mere bachche maaya ki kaam-agni par baith bhasmeebhoot ho gae hain, kaale ho gae hain । abhi to drama banaaya so to vo jaante hain na । abhi phir jaaoon, jo kaale ho gae hain un bachchon ko phir ja karke unke oopar gyaanaamrit ki varsha barsaae, phir unko so devi-devta banaaoon, phir so gora banaaoon । barobar kaha bhi jaata hai ki aate hain ek bhaagyashaali rath mein । isko bhaageerath kaha jaata hai arthaat bhaagyashaali rath । chitra mein manushya dikhlaate hain bhaagyashaali rath ke roop mein aur phir jo goshaala ki baat nikli hai, to unmein mandir ke aage bail ko de diya hai । vahaan bhaagyashaali rath ko nahin diya hai । unka aage chitra banaay diya, vahaan ek bail ko rakh diya; kyonki goshaala ka naam aa gaya । dekho, bhoolen ho gai hai na! to phir abhool banaane ke liye bachchon ko aa karke sabhi raaz samjhaay rahe hain ki he mere laadle meethe bachche, dekho yaad kaise karte hain! tu vahi to ho na । tum 5000 varsha pahle bhi to mile the na । phir aae the tumko ye raajayog sikhlaane ke liye, tumko raajaaon ka raaja banaane ke liye । tumko koi se ladaai to nahin karaate hain na! nahin । tum ladaai kisse karenge? tumhaare paas hathiyaar vagairah kahaan se aaenge)! tumhaari alag koi paandavon ki raajdhaani thode hi hai । nahin । tum sab to aapas mein bhaai-bhaai ho । tum vo kaurav the, tumko paandav banaaenge । aise nahin ki kaurav alag the, paandav alag the । nahin, yeh zaroor hai ki kaurav baapu ke bachche the, ye paandav phir bade baapu ke bachche hain । abhi achhi tarah se samjha na । unko baba kehte hain । baapu hai gujraati akshar । gaayan hai barobar ki ek kaangresi baapu tha । abhi tum jaante ho, geeta mein bhi likha hua hai ki kaurav bhi the, paandav bhi the, yaadav bhi the, yooropvaasi bhi the aur kehte hain ki baap aate bhi hain ek dharma ki sthaapna, svarga ki sthaapna karne । usmein hai hi ek dharma, do dharma nahin hain । vo zaroor aaega hi puraani duniya ka vinaash karaay nai duniya sthaapan karne aur nai duniya sthaapan karaay puraani duniya ka vinaash karne; isliye ye trimoorti nimitta bani hui hai । koi paalna karega na । jo rachna rachenge vo unki paalna karenge । to tum bachche abhi sthaapnaaye kar rahe ho । kiski mat par? shreemat par, bhagwan ki mat par । bhagwan hai niraakaar, unki mat kaise mile? sabhi niraakaar to saakaar mein aakar zaroor part bajaate hain । inko bhi saakaar mein aana pade । organs bigar ham bol kaise saken? zaroor mujhe yahaan organ chaahiye aur phir aana bhi hai patit duniya mein hi । aa karke mujhe 'baba' kehte hain zaroor, aise nahin ki nahin kehte hain । hamaara naam bahut achha naameegraami hai shivbaaba । shiv ke paas jaaenge to hamesha kahenge- shiv bhola bhandaari baba । abhi un bichaaron ne bhool kar di hai- shiv-shankar aur mahaadev teen chitra ikatthe banaay die hain ।… chitron ke bhi to janjeeron mein phanse ho । kitne chitra banaae hain! are, baat mat poochho । jaise bachchiyaan baith karke bhinna-bhinna prakaar ki gudiyaan banaati hain na, phir khalaas kar deti hain । kitne chitra banaae hain । baap ne baithkar samjhaaya hai meethe laadle bachche, ek to hai hi niraakaar parampita paramatma, jinka yaadgaar hai । yaadgaar ki taraph bhi to jaana chaahiye na aur phir unka occupation jaanna chaahiye, jeevan jaanna chaahiye । barobar abhi shivbaaba baith karke ek-ek ka jeevan spashta reeti se bataate hain ki bachche tum jaante ho ki bhaaratvaasi sabse ooncha niraakaar shiv ko rakhenge, unko paramatma kahenge, sookshmavtanvaasi devtaaon ko brahma-vishnu-shankar kahenge, manushya srishti ko manushya kahenge । sirf pharka kya ho gaya hai- vo hai devi-devtaaon ka dharma aur vo hai devi-devta । vo hain teen, ye devi-devtaaai bahut hain । 33 karod devtaaen hain aur vo hain sookshmavtanvaasi brahma vishnu shankar , jinhon dvaara baap kehte hain- main abhi brahma dvaara sthaapna kara raha hoon aur phir jab sthaapnaayen poori ho jaaegi tab vinaash bhi shuru ho jaavega) । ladaai to hai hi saamne, dekhte ho barobar । yaadav bhi hain, kaurav bhi hai, paandav bhi hai । kaurav aur paandav do bhaaiyon ne ikatthe janma liya hai, kyonki jab baapu ji ne kaangres sthaapna kiya, usi samay mein isne phaaundeshan lagaaya । pharka nahin raha hai । kaangres pahle nahin thi, peechhe jab unse raajya le liya tab kaangres raajya sthaapan ho gaya । unko hi shaastra mein kaha gaya hai-kuru । kuru sanskrit ka akshar hai , 'kaurav hindi akshar, 'kaangres angreji akshar । kaangres ko aur koi akshar. .nahin, angreji akshar hai na । unka aur akshar kahaan hain, kyonki sirf kogres- kogres karte hain । vo to english akshar hai na । koi hindi akshar bhi nahin hai । unka asal akshar hai hi kaurav aur paandav । kaurvon ko 'kuru kaha gaya hai aur hai bhi phir praja ka praja par raajya । aise nahin inko koi taaj hai । vaastav mein paandavon ko koi raajya nahin hai, na unko raajya hai, vo hai praja ka praja par raajya yaani panchaayti raajya । panchaayten bani hui hain na । theek se panch na chala aur nikla, doosra panch lagaay diya । baap baith karke achhi tarah se samjhaate hain, akshar bhi hoobhu samjhaate hain । akshar aise hi hain jaise kalpa pahle samjhaaya tha । koi shaastron ka reference nahin dete hain । bolte hain- bachche, jaise 5000 varsha pahle mainne tumko jo kuchh samjhaaya tha, jo aage bhi samjhaaya vo drama anusaar main repeat karta hoon । abhi bhi 5000 varsha pahle jo aaj samjhaaya tha, main vo hi tumko phir se repeat karta hoon kyonki drama mere se repeat karaay kara hai । abhi tu samjha! kyonki repetition hai na । doosra to koi in baaton ko samjhe nahin । bachchon ko samjhaate hain । tum bachchon ko jaasti takleeph nahin deta hoon । sab nambarvaar purushaartha anusaar ho, isliye dekhne ke liye, kaun teekhe purushaarthi hain? kaun baba ki bhaasha likh sakte hain? kyonki ablaaen bichaari bahut hain । na akshar jaanti hain, na phalaana jaanti hain va ablaaen, ganikaaen, ahilyaaen vo shlok kaise samjhengi, jiska phir arth karte-karte sabko museebat aa gai hai? koi poora arth nahin nikaal sakte hain । dekho! sanskrit mein 18 adhyaay ke shlok hain aur unki teeka karne ke liye koi ki buddhi mein baithta nahin hai । aaj phalaane ne) teeka kiya, aaj raamraaj ne teeka kiya, gyaaneshvar ne teeka kiya । sab teeka karte rehte hain, kiske buddhi mein baithta hi nahin hai । teeka karte, geetaaen bahut banaate hi jaate hain । kyon? doosra koi cheej jaasti nahin banaate hain, inmen kyon moonjh mare ho? kah dete hain ki krishna bhagvaanuvaach । sab moonjh pade । yeh to ho nahin sakta hai na । shiv bhagvaanuvaach hota to samajhte ki barobar parampita paramatma bigar. patit ko paavan kaun kare? svarga ki sthaapna kaun kare? abhi krishna ke naam par koi ko bhi vishvaas nahin aaega; isliye maante hi nahin hain । bas, geeta ki teeka karte rehte hain, samajhte kuchh nahin hain । nahin to teeka karna hota hai, bhai iski teeka theek nahin hai, taigor ki teeka theek nahin hai । abhi raadhaakrishna ka karte hain. aaj phalaana karte hai । din-pratidin koi na koi ki nai-nai teekaaen nikalti jaati hain । sab baith karke padhne ka to nahin hai । dekhte hai ki bahut geetaaon ke shlokon ka arth baith karke samajh nahin sakte hai, bhala jhoothe shlok । un shlokon mein koi thoda-thoda satya hai । is baap ki kehte hain praayah thoda, 5 percent bhi satya nahin hai; kyonki nishaan to chaahiye na । nishaani devtaaon ki bhi hai, dharma hai । phir koi se poochhen- devi-devta dharma ka shaastra kahaan? kyonki phalaane-phalaane sabhi granth vagairah banaay die । devi-devta dharma ka shaastra kahaan ? to unhonne baith karke ek gapode lagaay karke kuchh na kuchh banaaya hai, kyonki aage baap ne samjhaaya, aage jo rishi-muni the, kuchh buddhivaan the, buddhi unki satopradhaan thi । to unhonne khayaal karke kuchh banaaya hai aur phir bhi aise hi banaaenge, doosre koi nahin banaaenge । phir bhi vahi geetaaen vahi bhaagvat । abhi bhaagvat ki koi darkaar hai nahin । Christ ka Bible ek hai, islaamiyon ka vo shaastra ek hai । musalmaanon ka kuraan ek hai । sabka ek hi hai । unka koi doosra jeevan kahaani hai nahin । ek-ek dharma sthaapan karne vaale ka ek hi shaastra । yahaan to dekho, kitne bana die hain-geeta, phir bhaagvat, phir mahaabhaarat । mahaabhaarat mein bhi saari jhooth । bilkul hi saphed jhooth । yuddha ke maidaan mein baith karke gyaan de rahe hain । gyaan ekaant mein diya jaata hai ya yuddha ke maidaan mein? so bhi ghode-gaadi ke oopar! abhi ghode-gaadiyaan hain hi kahaan! so bhi kya shauk pada tha unko, jo baith karke chaar saphed ghodon ki gaadi banaai? chaar ghodon ki gaadi thi raajaaon ke paas; kyonki vo dekha hai na-krishna ghode-gaadi ke oopar savaar hote hain । to raajaaon ko bahut ghode gaadi mein hi dikhaate the; kyonki krishna ko bhi to raaja maante hain na । unke oopar chhatra hai na । tum sabhi gapode bilkul hi gapode baap aakar samjhaate hain । abhi sunte ho । hai na gapode- abhi koi sunege-yeh bhala kaun, kahaan se aaya । jo samajhte hain to bolte hain ye to daada hai, sindh ka daada hai । yeh to javaahri tha । abhi hai kaun, kisko pata nahin padta hai । shaastron mein to koi aisi baat hai nahin । barobar brahma vishnu shankar hain zaroor, par brahma yahaan kahaan se aaya ? prajaapita brahma to sookshm vatan mein hai! are, par bachche jab braahman kehte hain, brahma dvaara ham braahman rache jaate hain, to vo brahma yahaan hi hoga ya braahman sookshm vatan mein oopar se janma le karke yahaan gir pade? aise to nahin hua hoga na । brahma agar oopar mein hai aur brahma ke mukh dvaara braahman rache gae to kya ye sabhi aa karke gir pade? yeh bhi to nahin ho sakta hai । zaroor yahaan ki baat hai aur uske sivaay yahaan yaadgaar hai sab brahma vishnu shankar ka । baap baith karke meethe bachche ko samjhaate hain aur itna sahaj karke pyaar se samjhaate hain । aur moonjhate hain phir jo kaha jaata hai tum maat pita ham baalak tere, abhi agar shivbaaba aa karke brahma ke tan mein bachchon ko padhaate hain । are, vo to shivbaaba hai । yeh kyon gaaya jaata hai ki 'maat-pita, ham baalak tere'? shiv ho gaya baba । baba se pahle mama zaroor chaahiye । mama chaahiye na baba ke pahle । bachcha kahaan se paida ho । bhala kahaan se aa jaave । mama zaroor chaahiye । kitni wonderful baat hai । sab achhi tarah se samajhne ki buddhi chaahiye na । 'tum maat-pita, ham baalak tere' abhi aur kisko nahin kah saken । lakshmi naaraayan ko kah na saken satayug ka pahla number, jinko sukh ghanere hain । unke to bachche takhta par baithne vaale, ke unko maat-pita kah sakte hain aur yahaan to ye sab ja karke mandir mein kehte hain)- 'tum maat-pita, ham baalak tere, tumhari kripa te sukh ghanere unki baith karke mahima karte hain । are, mahima bhi wonderful hai- 'achyutan keshvan shri raam naaraayan, krishna daamodran shreevaasudevam harim shreedhar maadhav-shri gopika vallabh shri jaanki naaykam shreeraamchandra har bhaje । arth kya? in sab baaton ka koi arth hai? wonderful hai । bas, jo koi ne baith karke banaaya । aarti bhi karenge jagdamba ki aur shiv ki । to kya-kya unko sabko mila hi dete hain । baap baith karke bachchon ko samjhaate hain- ye sab bhaktimaarga ki anek kriyaaen hain । karma-akarma kriya । baap ne aa karke paathshaala kholi ki main baith karke tumko manushya se devta banaata hoon । in nar se naaraayan banaata hoon । aise hi, jaise baith karke nar ko barrister banaate hain, naari ko barrister banaate hain na । aajkal vo bhi to fashion ho gaya hai na । aage nahin banti theen । baap bhi kehte hain- bachche, main aa karke tumko nar se naaraayan arthaat devta aur naari se shri lakshmi banaata hoon jo tumhaara em-object hai aur tumko baith karke padhaata hoon । to ho gai paathshaala । isko satsang thode hi kaha jaata hai । isko paathshaala, geeta-paathshaala kahenge । abhi ved paathshaala kabhi nahin kah sakenge, upnishad paathshaala kabhi kah nahin sakenge; kyonki em end objenkta koi hai nahin । nahin to koi jaao । baap kehte hain bachchon ko koi harja thode hi hai, tumko mana thode hi hai । vahaan ja karke vo ved jo sunaate hai, jinki mahima karte hai, vo ved is geeta ke patte hai । aise kaha jaata hai ki vaastav mein geeta hai sarvashaastramai shiromni bhagvadgeeta । number one shaastra । yeh to samajhna chaahiye, baap ki sab hai creation bachche । to bachchon se kya sukh milega? jaise un bachchon se varsa nahin mil sakega na! kyonki ye sabhi hai creation baap hai ek । creation se, bhaai-bahnon se thode hi varsa milta hai । vaise vaastav mein varsa milta hai shreemadbhagvadgeeta se । baaki hain unke bachche । unse kya varsa milega! phir bhi to geeta chaahiye tab varsa mile । samjha na । baap milte hain rachta se, na ki rachna vo ho gaye bhaai behen । bhaai ko bhaai se varsa nahin mil sakta hai, baap se varsa milta hai । yeh hai behad ka baap aur geeta hai behad ka shaastra । vo sab shaastron ka maai-baap hai । maai-baap se varsa milega ya unke peechhe jo bhinna-bhinna shaastra nikle hain unse varsa mil sakta hai? isliye dekho, koi ko bhi geeta se kuchh bhi varsa nahin milta hai; kyonki jhoothi hai aur agar jhoothi koi na kahe, sachchi hai to phir raaja ban jaae । jo doosre shaastra hain ke sabhi hai unke baal-bachche । baap aakar geeta sunaaenge, aur koi suna thode hi sakte hain! nahin । janma-janmaantar sanskaar le jaate hain na । inka sanskaar tha-chhote pan se geeta padhte the, geeta bigar baat nahin karte the । sanskaar le aae the geeta padhne ke, tab to geeta ko pakad liya tha, utha rahe the । sanskaar le aae the lakshmi naaraayan ki pooja karne ke, to phir lakshmi naaraayan ki hi pooja kar sanskaar to aatmaaen le aati hai na । sarkaar aatma mein bade teekhe । koi pandit, bada vidvaan shareer chhodte hai, doosre janma mein chhote pan se unke sanskaar aise hote hain, jo vidyut-mandali mein padhne jaaega, to phat-phat jhat padhne lagega aur chhotepan mein hi jaldi-jaldi bataate rahenge । bolenge- vaah! yeh to chhotepan mein hi jaise ki padh karke hi aae hain । to unko sanskaar kahenge । abhi tumhaare me daivi gunon ke sarkaar bhare jaate hain । tum jaante ho ki abhi hamko aisa banna hai । phir poochhenge na- kya tum pyaaj khaate hain? agar tum yeh bante ho to vahaan ja karke pyaaj khaana chhodenge ya yahaan chhodna hoga? vahaan thode hi jaakar chhodna hoga, vahaan to dharma ki sthaapna nahin hoti hai । ye jo bhi ashuddha khaan- paan hai sab kuchh yahaan bachchon ko chhodna pade । jaisa khaaega aisa banega । is samay mein tamogun hai na । baat mat poochho, sab kha jaate hai । aeroplane mein ek ghoda mara, so bhi munsipaaliti ko diya, to socha inka maans bech karke paisa paida karoon । tum padhte nahin ho akhbaar, baba akhbaar bhi padhte hain । koi poochhega-vaah! ye akhbaaren kyon padhte hai? ye to jaise manushya hain, aise manushya akhbaar padhte hain । nahin, baba kaise samjhaave! to baba samjhaate hain- ghoda aeroplane mein mara, aeroplane mein unko koi shoot kiya, tum log akhbaar to nahin padhte ho na । race ke ghode aajkal aeroplane ki savaari karte hain । ghode janaavar hain । tumko to aeroplane me bhi nahin chadhne dete, kutte-bille-badar-pakshi, sab aeroplane me savaari karte hai । koi 20 ghode le aae the, ek ghoda bahut chhrita ho gaya । masta ghode hote hain na । dekha, agar yeh tik-taak karenge to aeroplane hi gir jaaega; kyonki sab ghode aa karke masti karenge । bahut mattha maara, woh baaj na aaya । phir vahaan jo bade hote hain, unhonne bola- bhai, inko to yahin shoot karna chaahiye । to chalo shoot kar diya । jab neeche aaya, to itna bada ghoda darvaaje se nahin nikle । likha hua hai, jo baap bataate hain । likha hua hai- nikle kaise aeroplane se, jo doosre bhi ghode niklen । darvaaja band ho gaya, ghode kaise niklen! to boocharsa ko, kasaaiyon ko bulaaya । unhonne bahut paisa maanga ki hamko itna paisa chaahiye । time par to sab koi apna mogta hai na । baba jab paakistaan se aae the, majdooron ko bola- uthaao yeh saamaan, unhone bola-) ham 4000 rupaya lenge । 4000 kyo maanga? ab ham kya karen? steamer ja raha hai! abhi to unko chance mil gaya । phir 400 sau mein phaisla hua । unhonne jo bola nahin, to phir vo khud le karke kutaari kaatne lage, kaat karke unko nikaala tab vo doosre bhi ghode nikle । vo sab saamaan munseepaaliti ko diya, inko ja karke becho । khaate hain na sab kuchh । to maaloom hai bachche jab badi-badi ladaai hoti hai to ye ghode aadi vaale sabhi baandh ho jaate hain ghote mein pade rehte hain । phir bhookh lagti hai to kya khaaven! to ghode aadi sab kaat karke wahin paka karke kha jaate hain, kyonki pahle to apna shareer hota hai na । valuable hai na । dekho, jab bhukhhar padti hai to jeene ke liye ghaas bhi khaane lag padte hain । tum log itna padhe-likhe nahin ho, na koi akhbaaren dekhte ho । baba to sab kuchh dekhta hai, jaanch karta hai । ab bade- manushya khaaenge yeh । aajkal paise se cheej milti hai, bahut mahangi cheej ho jaati hai । to vo samajhte hai- race ka ghoda inki itelekta bahut achhi hogi, inka sab kuchh, inko khaan-paan bahut achha milta hai, inmen to bahut svaad hoga । vo jo do rupaye, chaar rupaye ser milta hoga na, vo 25 rupaye, 50 rupaye ser mein bechte hain । paise to bilaayat vaalon ke paas aur jo bhi officers ministers vagairah hai bahut hote hain na are! baat mat poochho । vo jo paisa kamaate hain, baat mat poochho । ek case kiya, laakh rupaya mila । judge ne ek case ka sunvaai kar diya laakh rupaya । yeh sab baba ko anubhav hai । main thoda bataata hoon- ek daphe kalkatta mein aa karke musalmaan aur pathaanon ka phasaad macha । maarvaadron ne governor ko phone kiya ki ham maare jaate hai, jaldi hamaari madad karo, koi bhej do, nahin to yeh pathaan hamko maar dega । usne bola-haan-haan, ham secretary bhej dete hain । secretary aaya, bolta hai-hamko 10 laakh rupaya do, dekho baba ko yeh sab maaloom padta hai unke ophisro se । baba ka un logon ke saath bahut vyavhaar tha । 10 laakh rupaya jab diya tab usne aadmi bheja aur itne mein bichaara aadha to khatma hi ho gaya । yeh rishvat koi abhi ki thode hi hai । yeh to beemaari chali aa rahi hai । din-pratidin badhti hi jaati hai । yeh jo kamaate hai, are baat mat poochho । ek ovar shear hoga aur patvaari hoga । unko talab sau rupaya, sau rupaya to kya, hajaar rupaya kya, do hajaar kamaate hain । yeh to bas rishvat hi rishvat hai । corruption hi corruption hai । edaltareshan(milaavat) hi edaltareshan hai । phir baap baith karke samjhaate hain- are dekho, shaastron me kitna edaltareshan jhooth bataai hai । are, usme so bhi hamaari, hamne koi geeta to banaai nahin hai । main jaanta hoon ki geeta banaaya hai in manushyon ne aur likha hai sabhi jhooth । dekho, kitna edaltareshan number one edaltareshan so bhi shiv bhagvaanuvaach, rudra gyaan yagya । isko to aise nahin kahenge-krishna gyaan yagya । rudra gyaan yagya se yeh jvaala prajvalit hui aur vahaan kahaan likha hua hai ki krishna ki geeta se jvaala prajvalit hui! mahaabhaarat ki to baat hai; parantu krishna ka to naam nahin hua na, rudra hua na । phir bhala krishna ka naam kyon rakh diya, jab akshar hai unmein-rudra gyaan yagya, inse yeh jvaala prajvalit hui, main raajayog sikhlaata hoon? main raajayog sikhlaata hoon yeh likha hai to yeh raajayog kaun sikhlaaega? svarga ka maalik sikhlaaega na! yahaan koi raajaai hai nahin । yahaan kaun-sa raaja? bachche, krishna kahaan se aaya, jo aa karke raajayog sikhlaate hain? krishna bhi agar koi raaja hota hai to unko raajdhaani sambhaalne ke liye apna ek bachcha ya bachchi chaahiye । main baith karke raajaaon ka raaja banaata hoon so kitne raajaaen banaate ho! are, 108, mere bachche 16108-prince and prinses । abhi yeh baat dekho kahaan ki kahaan jaakar udaay di hai! abhi talak baap ke saamne yeh sab kar rahe hain aur bichaara na jaanne ke kaaran ki inmen vo koi aaya hua hai, sachmuch vo aa hi nahin sakte । ye sirf apan ko jhootha krishna bataate hain । hai kahaan? aise-aise kehte rehte hai । phir unke oopar dosh nahin hai, kyonki vo bichaare jaante hi nahin hain-aisa kabhi hota ya bhagwan aise aate hain । hai zaroor ki gaiya charaai । bhagwan aa karke gaiya charaaenge! to sachmuch us bhagwan ko, jo geeta ka bhagwan hai, unko gaiya de karke, ek bheel ka patka baandh karke, laathi de karke, bolo to ham tum logo ke paas chitra bhej deven । bichaara laathi le karke, gaiya rakh karke patka baandh karke, bataaya-shri krishna ne gaiya charaai gokul mein । gaanv ka naam gokul rakh diya aur usme gaiya charaai aur bheel banaay diya । mere paas chitra hai, main wonder khaata hoon । bolta hoon-are bachche, tumko ye bhaaratvaasiyon ne bheel banaay diya hai, dekho! hasi-kudi bachchon ke aage karta hai । kahaan kya kiya hai, raadhe-krishna ke aur krishna ke chitra aise banaae hain, baat mat poochho aur baat mein paai bhi sachchaai nahin hai । jhoot saaf sab jhooth । baap aa karke bataate hain yeh samay hi aise hai, jhoothkhanda । gurunaanak bhi kehte hai ki sachkhanda ka sthaapan karne vaala, ooncha jinka naam, ooncha jinka dhaam, to unki mahima karte hai । unko hi yaad karne ke liye kehte hain । unki mahima karte hain । tum unko yaad karo jinhonne devi-devta dharma sthaapan kiya tha, manushya se devta banaaya tha, patit ko paavan banaaya tha, moot paleeti kapad dhoye the, yeh number one dhobi tha । gurunaanak ne to unko dhobi bhi banaay diya ki mrit paleeti kapad dhone vaala hai, parantu yeh to behad ki baat hai na । tum jaante ho ki barobar behad ke ye moot paleeti kapad, ye dhone ki to baat nahin hai na । ye yahaan paavan banaane ki yuktiyon hai, jo baith karke bachchon ko samjhaate hain ki mere meethe laadle bachche, sikeeldhe bachche, beloved most bachche । abhi hai zaroor rudramaala । to zaroor beloved most hue । usmein phir nambarvaar beloved most phir kehte hain-aath beloved most hai । 100 unse kam hain, 16100 unse kam । hai na aisi maala! iska bhi to arth samjhaaya jaata hai na । bachche hain beshak । 8 ratna manushya bahut kaanon mein yaho-yahaan banaate hai । kyon? vo to grahchaari ki bataay dete hain । nahin to arth to ye hai na । 8 paas vi the honour hote hain phir 100 kuchh na kuchh kam । phir to bahut hi hote hain । treta ke ant tak itni saari maalaaen kyon hoti hain? kyon iska itna naam hai? sab baba ko is srishti ko selvej karne mein ya inko phir beda paar karne mein madad dete hain । abhi samjha । achha, abhi paune aath, aaj somvaar hai । naukri par jaana hoga । toli baanto bachchi। pahle to dekho, barobar yaadav hain । moosal hoga to zaroor geeta ka bhagwan hona chaahiye na । mahaabhaarat ki ladaai honi chaahiye, to bhagwan hona chaahiye; par bhagwan kaun hai, vo bichaare kuchh jaante nahin । kabhi-kabhi kehte hain yeh to vahi mahaabhaarat ki ladaai hai । are bhai, vo mahaabhaarat ki ladaai kab? vo bhi kehte hain- 5000 varsha hua । jab aisi baat hai to phir tum log itna laakhon varsha satayug ko kyon le jaate hain ? kyon le jaate hain kyonki ye dvaapar mein le gae । achha, dvaapar mein bhi le gae, to bhi ekdam itna lambe kyon le gae? hisaab-kitaab to theek hai na । jagannaathpuri hai, vahaan handa rakhte hain । chaaval ka handa pakaate hain । phir jab pak jaata hai, to usmein 4 hisse ho jaate hain । vo siddha karte hain ki is srishti ke chaar yug mukhya hai aur ek jo sangamayug hai usko kaha jaata hai 'dharmaadaayug' । usko angreji mein kaha jaata hai leepayug yaani bahut chhota । so barobar dekhte ho ye bada hai । yeh sabse chhoti hai, kyonki thode manushya honge na । achha, yeh thoda bada devtaaen zaroor unse jaasti koi hoga; kyoki ye vahaan jaate hain । phir kshatriy yeh to bahut bada ho gaya । phir shoodra to aur bada, toge to lambi hai । zaroor shoodra bahut honge । to yeh bhi shareer se varnon ko dikhlaate hain aur varna to bhaarat mein hi dikhlaate hain । devta varna, kshatriy varna, vaishya varna, shoodra varna । yeh to sab bataate hain, 84 janma kis varna mein yeh chakkar khaate hain, vo bhi to bata dete hain । sirf braahman varna bhool gae hai । braahman varna unko maaloom pade ki vo janak brahma dvaara to srishti rachi jaati hai, so to zaroor braahamnon ki hogi । phir un braahamnon ko padhaaya jaata hai, tab vo braahman devta bante hain । gyaan ka teesra netra braahamnon ka khulta hai । so baap ne bahut achhi tarah se samjhaaya ki bachche, devtaaon ka koi bhi chitra athva chihan hai nahin । krishna ka kya chitra rakha, bhala dekho । maa ke garbha se nikla hai । unko kahaan hai? kuchh bhi nahin hai । yeh svadarshanchakra kahaan se laaya bhala yeh bataao koi! yeh to maa ka bachcha hai । vo paar ho gaya । geeta ka bhagwan paar ho gaya । paar to ham-tum hue । sarasvati nadi ko paar kiya tha na । vo kans-jaraasandhi ne duhkh diya । hamaare laakha bhavan ko aag lagaane lage । aag lagaai thi na । hain na, laakh bhavan ko aag lagaaeen । kisne? kaurvon ne । paandavon ke । to barobar paandavon ke baba ka bhavan tha, ghaaslet le aae the; parantu usmein baba tha nahin । jab yeh khaak hota tha, to baba vahaan nahin rehta tha । baba inko soya chhod karke raat ko hi chale jaate the । subah hokar, ''kahaan gaya-kahaan gaya' dhoondhe chhitar-bheetar dhoondhe baba the hi nahin । baba inme tha na । yeh baba ko bhagaay karke le jaata tha vahaan raat ko । koi ko pata nahin ekdam । 12 baje raat mein train gaya । dekho, nadi paar kiya hai na । abhi hai jari si baaten, par ulti । krishna ko paar gaya, phir doobta tha । krishna ka pair dhara, to vo ganga neeche chali gai-aise-aise baat karte hain । kitne gapode hain । achha, toli kahaan hai? are, ye kya chup hokar baithe hain! ophison mein jaana hoga । so phir jo doosre hain vo nahin sun paaya । aise ho jaata hai na । to bhala school mein agar yeh points na sunenge, kisko varnan karke kaise samjhaaenge kaise sunaaenge? to vo hai irregyular । bhale kehte hain karmabandhan hai; par is samay mein to koi karmabandhan ki baat hi nahin । baba to jhat chhod dete hai aur yeh padhaai hai । baap kehte hain- main itna door paramdham se aata hoon jo koi vahaan ja hi na sake । jab talak tumko par na aaye, kyonki jataay roopi maaya ne tumhaara par kaat diya । seeta ka par nahin kaata hai । hai seeta ka par, yaani aatmaon ka par kaat liya hai । koi shareer ka par nahin kaata hai, aatma ka par kaata hua hai maaya ne । to ud nahin sakti hai । abhi dekho, sab machchharon ke muaaphik udkar chali jaaengi, kyonki pavitra banne bigar vaapas to koi ja na sake । yeh holika jo banaate hai na to baba bolte hain ki barobar aatma amar ho chali jaaegi, holika to honi hai । aatma chali jaaegi, shareer yahaan bhasma ho jaaenge । khel bhi bada achha hai, parantu samajhte koi nahin । aage to ham log bhi aise hi karte the । jo regular nahin sunte hai vo kabhi uthaay nahin sakenge, ye bichaare paas na ho jaaenge । so bhi kehta hoon- drama । baaki bachchon ko baap jaisa merciful banna chaahiye । bahut service karni chaahiye, nahin to itna bada baap, kitna bada! aur dekho, kinke saamne baithe hote hain- ablaaen, ganikaaen, kubjaaen maataaen, phalaane । dekho, kis shareer mein baithte hain, kahaan baith karke padhaate hain! aur baap kehte hain-hoobhu 5000 varsha pahle jo kuchh main samjhaata hoon vo drama anusaar meri aatma mein noondh hai aur baaki jo kehte hai- sarvashaktivaan hai, bhagwan kya bhi kar sakte hain, bhagwan agar chaahe to abhi ladaai lagaay deve aadi-aadi । bhagwan ka drama hai aur yeh baat tum kaise karte ho! drama ka bhi to creator ka part hota hai na । jo bhi film hain, unme achhe-achhe jo hain un sabka part hota hai । to baba hai sabse number one actor । unko raajhu ramajhbaaj kaha jaata hai । uska hai sabse first class part, phir unke saath hai tum hero and hiroin ka part । unko hero and hiroin nahin kahenge । tumko hero and hiroin yaani yatha maata-pita tatha bachcha; kyonki sab hero-hiroin ke bachche ho gae na । to tumhaara is drama mein sabse bada part hai- haarna aur jeetna । hero-hiroin kaha jaata hai, jabki kiske oopar vijay pahnen to hero kahen । to ham-tum, sabhi bachche, abhi raaja-raani to nahin sirf ladaai ke maidaan mein aate hain, tum bachche bhi ho । tum hero and hiroin ke bachche ho । tum yuddha karte ho aur maaya se jeet pahante ho, jaise mama-baba taise tum । tum bhaaratvaasiyon ka is saare drama mein hero and hiroin ka part hai । aur koi ka bhi nahin; kyoki tum haar bhi khaate ho aur jeet bhi pahante ho । kya haar khaate ho? raajaai ganvaate ho । phir tumko raajaai chaahiye; parantu kaise raajaai lete ho, yeh hai wonder! unko kehte hai baahubal vaale inko kehte hain yogbal vaale । isko kaha jaata hai ahinsa parmo devi devta dharmi । ahinsa se parmo devi-devta dharma ki sthaapna hoti hai । ahinsa do prakaar ki-ek kaam-kataari ki, jo sabse buri ekdam aur doosri phir kehte hain gala kaatna । iska naam hi hai 'ahinsa parmo devi-devta dharma' । bhale ab samajhte honge, phir bhi baithe hain kuchh na kuchh jholi le karke । baaki to dekhte hai stri ko to, jhat ek stri gai, doosri, doosri gai, teesri, teesri gai, chauthi । hai na! aise bahut hain । 10-10 bachcha hai, to bhi phir shaadi karte hain । baba ke paas ek aata hai vahaan 14 bachcha jo abhi le aate hain । bolte hain - yeh kya hai, ye kaun hain, kiske bachche hain? yeh sab hamaare bachche hai, bada khush hota hai । chaudah! uski nai stri bhi aati hai । maat-pita ka raaz phir kal samjhaaenge । tum maat-pita, abhi vandar ho gaya hai, pita to theek hai, maata kahaan , jisko god mein le aai, gaali jo khaai hui hai na । gaali khaane ka koi kaaran to hoga na । abhi baap kehte hain ki main brahma ke mukhakmal se bachcha paida karta hoon, phir yeh ho padti hai maata । abhi shivbaaba ki god mein ye maata ho gai, mukhvanshaavli ho gai । ab maat-pita ki god mein jaae kahaan , maata to hai nahin । yeh to pita hai । ye to ekdam bail hai । bhale shivbaaba ke god mein jaate hain, phir bhi to bail hai na । to drama mein gaali khaana pada na । yeh baba jaante hai na ki ye zaroor gaali khaane karne ki hai । gaali na khaaenge to phir tum thode hi raaj laaenge । gaali to zaroor khaana pade ।… ablaaon ko atyaachaar hue, parantu kitne gupta hain! kitne saare aarya samaajiyon ne hangaama machaaya hai । bachchiyaan bhi bahut theen । ek bachchi god mein liya, bahut khadi hain । unhonne phir ek shaitaani aur kar di, pahle to chitra banaaya tha, 2-3 bachchiyaan theen । phir 2-3 bachchiyon ka chitra nikaal karke ek ko god mein daal diya ki yeh akele mein hi god mein leta tha । yeh baith karke hangaama machaate hain । samjha! tum logon ne yeh chitra shaayad nahin dekha hai । tumko chitra dikhlaay sakte hain । kahaan se nikla jo phir inko haath mein aaya । vidhna zaroor padenge । koi nimitta to banenge na । kalpa pahle muaaphik yeh to jaante hain, inka kya dar hai । baap kehte hai ye edvartaaijment hai tumhaari । tum daro mat । is rudra gyaan yagya mein asuron ke vipna padte hain । ablaaon ke oopar atyaachaar hote hain । paap ka ghada jab poora bhar jaata hai tab phir vinaash shuru hone ka hai । achha, baapdaada, meethi mama ka meethe-meethe sikeeldhe bachchon ko yaadapyaar aur good morning ।