Sakar murli du lundi 21 octobre 1963

> >

` 21-10-1963 bambai praatah murli saakaar baba om shanti madhuban

helo, good morning, ham bambai se bol rahen hain। aaj shanivaar hai san 1963 aktoobar ki ikkees taareekh hai, praatah class mein baapdaada ki murli sunte hain।

record :-

bada khushansheeb hai. jise tu naseeb hai, use aur chaahiye kya jiske tu kareeb hain…

baap poochhte hain bachchon se, kyonki is samay mein baap bhi jeev-aatma hai । vo kehte hain- is samay mein is jeev mein mujh param-aatma maana paramatma ne pravesh kiya hai । isko ham jeev-paramatma to nahin kahenge na! shobhta nahin hai kabhi । vo to phir bhi kehte hain ki mujhe bhi to yeh shareer chaahiye na, jo main baith karke tum bachchon ko aisa banaaoon, kyonki kalhayug mein koi bhi vishwa ka mahaaraajan ya vishwa ki mahaaraani nahin hai । vishwa to chhodo; parantu koi gaanv ka bhi mahaaraaja-mahaaraani nahin hai । agar koi hai to vo bichaara paisa de karke khareed liya hai । kyon? law nikla tha, to koi bhi apan ko mahaaraaja-mahaaraani kahlaay nahin sakte hain । phir bhi kuchh na kuchh rakam dene se, unko mahaaraaja aur mahaaraani ka title chalaane ke liye chhutti milti hai । aise hi, jaise jab european government ka raajya tha, to paisa dene se raaja-raani ya mahaaraaja-mahaaraani ka title mil sakta tha । ab bhi, kya hua? kaangres ne sabka jo mahaaraaja-mahaaraani, raaja-raani title tha vo to sab chheen liya, phir bhi paisa to baantate hain na sab kuchh । paisa dene se koi ka bhi phir mahaaraaja-mahaaraani title rinyu ho sakta hai । jaise kashmeer ka jo kuran sinh tha, to unko aage mister kehte the । abhi unhonne title khareed kar liya, usko mahaaraaja kah sakte hain । phir bhi, vo koi vishwa ke to nahin hain na । vo to bhaarat ke bhi nahin, ek gaanvade ke hain । abhi ye kaun hain! bhaaratvaasi kahenge ki ye bhaarat mein shri lakshmi vishwa-mahaaraani, shri naaraayan vishwa-mahaaraajan the । vishwa kaha hi jaata hai yeh srishti ko । vishwa mein sookshm vatan aur mool vatan nahin aate hain । dekho, baap bachchon ki mahima kaise karte hain! bolte hain- dekho, tum bachche yahaan is school mein aae hue ho aisa vishwa-mahaaraajan vishwa-mahaaraani banne ke liye । abhi aisa koi doosra poochh sakega! aur tum bhi barobar kehte ho ki baba, ham agar shri seeta aur raamchandra ka bhi chitra saath mein rakhenge aur poochhenge- aisa banna chaahte ho ya aisa? haath uthaao, kaun aisa banna chaahte ho? poochhenge to shri seeta aur raamchadra ke liye haath hi nahin uthaaenge । poochha tha na us din, to bola- nahin, ham to vishwa ka, pahle-pahle svarga ka, satayug ka mahaaraani-mahaaraajan banenge; kyonki hain vo bhi vishwa ka mahaaraani-mahaaraajan; parantu treta ke । 14 kala ho gaya na । hai beshak vishwa ka । abhi tum bachche brahmaanda ke bhi maalik bante ho aur vishwa ke bhi maalik bante ho । dekho, baap tumhaara martaba kitna ooncha karte hain । aisa koi baap kab dekha! aise baap ko sirf ek dapha dekha jaata hai, jaana jaata hai, unse vishwa ke mahaaraani-mahaaraajaapne ka inhereetensa liya jaata hai । so bhi koi ek dapha thode hi, kalpa-kalpa । to abhi dil mein kahenge- kalpa-kalpa ham baba se inhereetensa lete aae hain । sirf baba akshar hai, doosra to koi akshar nahin । parampita sirf yeh kahenge, parambaaba । pita akshar kuchh shreshtha hai, baba akshar unse kuchh kam hai, parantu pita, parambaaba akshar shobhta nahin hai । parampita param-aatma maana paramatma । hai aatma, parantu param hai, isliye unko paramatma kaha jaata hai; kyonki paramdham mein rehte hain । param ko supreme bhi kaha jaata hai; kyonki baap supreme baap hai aur supreme teacher hai, supreme sadguru hai । supreme kaha, to guru kaha, to sadguru hi thahra । to barobar bachche jaante hain ki baap hamko aise lakshmi naaraayan banaate hain । em-object yeh hai na- nar se naaraayan naari se lakshmi banne ki । gaaya bhi jaata hai-is samay mein nashan sab mein hai nuksaan' । is samay mein manushyon mein jo bhi nashe hain, main kashmeer ka mahaaraaja hoon phalaane ka hoon main karodapti hoon main padmapti hoon mere paas to 10 phaiktriyon ka ya 10 koi badi karobaar ka maalik hai, un logon ko nasha hai na । uf, baat mat poochho unke nashe ki, parantu yahaan koi raaja-vaaja to hai nahin । yeh raat poori hoti hai brahma ki aur din hota hai satayug । kalhayug poora hota hai । usmein ye vishwa-mahaaraajan aur vishwa-mahaaraani, bas । kabhi bhi doosra koi vishwa-mahaaraajan ya mahaaraani ban nahin sakte hain sivaay inke kul ke, kyonki kaha jaata hai- daivi kul । abhi tum is samay mein jaante ho ki ham braahman kul ke hain । ham barobar jo braahman kul ke hue hain so zaroor daivi kul ke bhi honge । dekho, yeh yaad bhi rakhni hai, baba jo nitya kehte hain- ek to apan ko light house samjho, bolta-chalta-karma karta manushya । light house to jad hote hai na, vo banaate hain jo port ka raasta bataate hai ki yahaan se chakkar lagaakar port mein aao । to light house tum bhi ho । tumhaari ek aankh mein hai muktidhaam, doosri mein hai sukhdhaam ya jeevanmuktidhaam kaho aur baithe ho yahaan duhkhadhaam mein । tum yeh jaante ho ki duhkhadhaam kabristaan hone ka hai । abhi hamko sukhdhaam chalna hai via shantidham । yeh to yaad rah sakti hai ya yeh bhi samjhaane ki koi badi baat hai? sirf yeh yaad rahne se ki barobar yeh duhkhadhaam hai, ham sukhdhaam ja rahe hain via shantidham ya ham shantidham se aate hain sukhdhaam, sukhdhaam se aate hain duhkhadhaam mein, kyonki 84 janma lene padte hain । yeh bhi to tum bachchon ko maaloom hai ki chakra kaisa phiraana chaahiye ki barobar aadha kalpa mein 21 janma ham sukhdhaam mein rehte hain; kyonki aayu badi hoti hai na । aadha kalpa to raajaai ke liye milta hai na aur abhi ham sangamayug par hain । sangamayug vaalon ko hi buddhi mein ye knowledge hai । jo kalhayug mein hain, unki buddhi mein yeh knowledge nahin hai । jo braahman bana vo sangamayug mein aa gaya । geeta mein likha hua hai kya? nahin, kuchh bhi aisi baaten nahin likhi hui hain aur ye samajhne ki bahut hai aur guhya hai । yeh samjhenge bhi vo jo barobar itna purushaartha karte hain ki ham barobar vishwa ka mahaaraajan ya mahaaraani banenge aur ham auron ko bhi aisa sukhi banaane ke liye purushaartha karenge । jo invention sikhlaate hain, jo seekhte hain, vo invention auron ko sikhlaate rehte hain, ye kaayda hai । vaastav mein jo koi nai invention nikalti hai to government ko bataaya jaata hai ki bhai, yeh nai invention nikli hai, yeh bahut achhi hai, phaaydedaar hai, bhaarat ko bahut maalaamaal ya sukhi karegi । to phir vo log apne haath mein le lete hain । peechhe vo shuru kar dete hain; kyonki government ke haath mein aisi invention aai, parantu yahaan to ye khud hi government hai । vo government hi alag hai, vo hai kuru government ye hai paandu government । kaurav government ye paandav government । government gaai hui hai । vaastav mein na vo government hai, na ye government hai । government kaha hi jaata hai raajdhaani ko । raajdhaani mein raaja-raani zaroor chaahiye । raajdhaani ka akshar hi raaja se nikla hua hai । raaja to yahaan koi hai nahin । na hai kaurvon ko taaj, na hai paandavon ko taaj । donon taajles hain aur vahaan mahaabhaarat mein ya bhaagvat mein likh diya hai ki donon ko taaj tha aur donon ne hi jua par taaj rakha tha । dekho, yeh deepmaala hai na । tum logon ne kal dialogue banaaya na ki dekho is samay jua to zaroor khelte honge । are bhai, jua kyon khelte hain? kehte hain ki nahin, isi samay mein to bhagwan ne paandavon ko kaurvon se jua khelaai thi । vo rahega to jua khelne ka iljaam to unke oopar rahega na, kyonki shreemat par the, parantu kya shreemat diya hoga paandavon ko ki jua khelo? kabhi nahin । shreemat se jo shreshtha banne vaale, vo ulti mat kaise denge? dekho, hain na shaastra sab dant-kathaaen । worth not A penny ham log likhte hain na । tum likh sakte ho, darna nahin hai, tumko baap authority dete hain । tum samajhte ho aur samjhaay sakte ho । bigar samajhne tum nahin likh sakengi । ham geeta ke liye bhi kah dete hai na, to ham jhoothi kyon kehte hain? shreemat bhagwan kaun? shri krishna । det is wrong । yeh jhooth ho gai । shri to ham krishna ko kah hi nahin sakenge । shreemat bhagwan krishna vahaan kahaan se aaenge! abhi tum jaante ho na, tumko shreemat kaun dete? shri-shri bhagwan shiv, kyonki krishna ko baap ne samjhaaya na । unko shri ka title hai, shri-shri krishna nahin kahenge । shri-shri raadhe nahin kahenge । inko kahenge shri-shri । kisko? shiv ko ya rudra ko; kyonki woh rudra baba bolta hai- dekho, mera naam rudra bhi hai । shiv bhi hai । mere ko to bahut hi naam dete hain; partu vaastav mein mujhe shiv maana ek puri bhi kehte hain, not । jab ginte hain na- ek, do, teen, chaar, paanch, chhah, phir puri । puri maana das ho gae । not bhi usko kaha jaata hai । abhi hai jaisa not, par not to hoti hai puri। yeh not ko phir star ke muaaphik sajaaya jaay । star ko to sajaaya jaata hai na । to baap ne samjhaay diya hai ki bachche, ham log vaastav mein hain hi jaise star, ek puri hai । phir light nikalti hai, jaise star ban jaate hain । ham log jab heeron ka star banaate hain na, to bhi aisa bana karke unmein points de dete hain, ho gaya class star । to yeh bhi light ki points nikaal dete hain to star ho gaya । vaastav mein aatma va param-aatma maana paramatma donon hai ek jaise sirf vo baap hai, vo rehte hai paramdham mein aur baap samjhaate hai । samjhaaenga bhi to vahi na, bachche thode hi samjha sakenge । unko kaha hi jaata hai baba, pita, god father । to zaroor bachche kahenge na aur itne to moorkha hain, ye sab kehte bhi hain- vi aar all brothers, brotherhood, phir jab ham brothers hain, to zaroor sabka ek baap hona chaahiye na । yoon to harek brother ka ek baba alag hai; parantu ye jo sab aatmaaen hain brothers, unka to baap ek hona chaahiye na । usko hi kaha jaata hai-parampita । phir kya kaha jaata hai? paramdham mein rahne vaali aatma yaani paramatma । abhi samjha? tum logon ko kisko samjhaane ke liye difficulty lagegi- jab itna bada unko dete hain to vo bachche bolte hain- to ham kiske saath kisko yaad karen! kya inko yaad karen? ye to yaad nahin aate hain । kabhi hamne yaad nahin kiya । hamesha sthool ko yaad kiya yaani krishna ko yaad kiya, brahma ko yaad kiya, vishnu ko, shankar ko, yeh soorya ko, chandrama ko, taaron ko, sabko dekha । ye ham kaise yaad karen? ye to kuchh bhi bada hai । baap bolte hai- main itna bada nahin hoon vaastav mein । yeh kyon hamne uthaaya hai; kyonki shivling so to itna hi dikhlaate hain aur saaligraam bhi isi shep ka dikhlaate hain । hai na tumhaara bhi । dekho, sookshm vatan mein saaligraam dikhlaate hain, shiv ko bada dikhlaaya hai; parantu vaastav mein aise hai bhi nahin, kyonki hai hi star param-aatma aur vo aatma । unko param kaha jaata hai, paramdham mein rahne vaali aur ye sabhi aatma, jo punarjanma mein aati hain । samjha na! vo param-aatma punarjanma mein nahin aati hai arthaat punarjanma milta hi hai yahaan vishwa mein । punarjanma koi sookshm vatan mein nahin milta hai । mool vatan mein nahin milta hai । milta hi hai sthoolavtan mein, vishwa mein । abhi dekho, tum achhe bachche, meethe bachche, laadle bachche, tumhaare saamne yeh kaun baitha hua hai? kaun baith karke samjhaate hain? abhi tum hi samajh sako na inko । barobar yeh jo parampita, paramdham mein rahne vaali param-aatma, vo khud kehte hain ki mujhe yeh prakriti ka loan lena pade, nahin to main bhala tumko kaise samjhaaoon! ham nar se naaraayan kaise banaaoon! krishna to vaastav mein hai hi naaraayan । krishna ko naaraayan nahin samajhte, par vaastav mein hai to naaraayan yaani svayanvar ke baad unka naam naaraayan rakha jaata hai । to baap baith karke ye sab baaten samjhaate hain achhi tarah se ki meethe bachche, nasha chaahiye । jab chalte-phirte ho, ghoomte ho, baba poochhte hain- vishwa ka mahaaraaja banne ke liye ham maaya par jeet pahan rahe hain । yeh bhaarat nahin, bombe nahin । vishwa ka jab mahaaraaja bante ho bombe nahin hota hai । to ye sabko nasha rehta hai barobar ya koi-koi ko rehta hai? kyonki jo-jo koi-koi ke shankaaon mein honge to yeh nasha nahin chadhta hoga । tumhaari mahima hai ki agar ati indriy sukhmay jeevan ki avastha poochhni ho to gopeevallabh ke gop aur gopiyon se poochho । gop aur gopiyaan aur gopeevallabh to satayug mein hota hi nahin hai । vahaan to hai hi shahjaade-shahjaadi, maalik aur raajaai । to zaroor yahaan ki baat hogi । ati indriy sukh poochhna ho, to likha hua hai- gop aur gopikaaon se poochho । yeh hai final ke samay ki baat । kyonki us samay mein tum phaainailiti mein aa jaate ho aur yeh nasha rehta hai । ab itna nasha nahin rehta, ab ghadi-ghadi bhool jaate ho । dekho, sabhi kehte hain ki ham vishwa ki mahaaraani aur mahaaraaja banenge aur ye itna bhi nahin kehte hain- achha, ham vishwa ki raani aur raaja banenge, kyonki seeta ko title hai raani' aur unko 'raaja' aur unko hai 'mahaaraani-mahaaraaja' । pharka hai । yahaan bhi kaayda aise hota hai- mahaaraaja-mahaaraani badi, raani aur raaja chhota । ye title milte hain । mahaaraani ka title British government se koi lete the to laakhon dena padta tha । bahut । kam se kam karod do karod denge tab unko milta tha, kyonki baba in sab baaton ka anubhvi hai na । jo raaja-raani ka title leta tha, to vo laakh do, paanch zaroor deta tha aur agar koi chaahe mujhe koi doosra raayabhaadur ka title mile, to 10-20 hajaar dena padta tha; kyonki yeh baba ka anubhav hai, kisko dilaaya tha । samjha na! dilaaya tha, to koi 10-12 hajaar diya nahin hai । ek saugaat de di 200 rupaye ki aur vo mil gaya । nahin to lete itne hain । to yahaan bhi government se koi bhi agar maange aur paisa deve to kya nahin mil sakta hai । jo kuchh chaahe to government de denge । ab dekho is samay mein, vishwa ka to koi hai nahin aur tum bachche baithe ho । to ye guhya baat ho gai na tumhaari ab koi doosre satsang mein to ye baaten nahin hongi na। vo satsang jo puraane hain, vo to chale aate hai dvaapar se; parampara ka arth yeh nahin hai ki satayug se chale aate hain । nahin, ye satsang yaani bhaktimaarga । aise to nahin ki bhaktimaarga satayug se chala aata hai । are, gyaan aur bhakti । aadha kalpa gyaan, aadha kalpa bhakti । aadha kalpa din, aadha kalpa raat । zaroor aadha kalpa gyaan vaalon mein to ye bhakti nahin hogi na । peechhe pichhaadi mein hai bhakti । to vahaan se le karke yeh ved-shaastra-granth vagairah padhte aae hue hain । padhte-padhte aa karke tamopradhaan bane hain । kyon? bhakti avyabhichaari se vyabhichaari banni hai zaroor । dvaapar mein pahle avyabhichaari bhakti, peechhe neeche utarte-utarte durgati ki bilkul hi tamopradhaan bhakti । dekho, bhakton ko kitna nasha hai! vo gyaan ki baat sunenge nahin । bolenge- nahin-, gyaan se thode hi bhagwan milta hai, bhakti se bhagwan milta hai । unse poonchhe ki gyaan se kahenge nahin nahin, bhakti se bhagwan aaenge milne ke liye । gyaan se thode hi milega । to sachmuch jo shaastron ka gyaan dete hain unse bhagwan nahin milta hai । bhakton ko bhagwan milte hain, kyonki unko saakshaatkaar karaate hai । shaastra padhne se kabhi kisko saakshaatkaar nahin hoga; parantu bhakton ko agar baith karke koi ki bhi, krishna ki ya kiski bhakti, naudha bhakti usko kaha jaata hai, karenge to unko saakshaatkaar ho jaaega । to vo khush ho jaate hain । vo samajhte hain hamko bhagwan mila । bas, itne tak hi vo khushi hai, baaki doosra kuchh bhi nahin । koi aise nahin ki bhagwan mila to mukti mili va jeevanmukti mili । nahin, kuchh bhi nahin mili । sirf bhagwan ka deedaar hua aur bahut achhi tarah se khush hua । phir bhi baba kehte hain na bhakton ko bhakti karne se saakshaatkaar ho sakte hain । tum kitna bhi baith karke shaastra padho, kiska saakshaatkaar ho? kya shaastron ka saakshaatkaar? ye baat hai bhaavna ki to dekho, khud hai na, jo bhakton ki manokaamna poorn karte rahe alpakaal kshanbhangur, so baith karke samjhaate hain । phir koi bhi devta banaao, bhale gudiyon ki banaao, bhale poonchh vaala banaave, sheesh vaala banaave, bhagwan ko kutte ki poonchh vaala banaave, machchha banaave, kachchha banaave, haan, unki aasha poorn karne ke liye main unko saakshaatkaar zaroor karaata hoon । isliye manushya samajh sakte hain ki machchha mein bhi hai, kachchha mein hai ya thikkar mein, bhittar mein, isliye unhonne yeh samajh liya, par nahin, yeh to alpakaal kshanbhangur ke liye unka dil khush kar deta hoon । abhi to tum bachche jaante ho, tumhaari dil kitni khush karte hain; kyonki tum bachche ho, so bhi sachche bachche; kyonki sachche bhi hain, kachche bhi hain । sachche ko kaha jaata hai maatela aur kachche ko kaha jaata hai sautela । jo maatela hoga, vo pratigya karenge aur photo bhej denge aur kadam-kadam par shreemat par chalta rahega, jo bilkul pakka hoga । jo unse thoda kachcha hota hai, maatela bhi hota hai, to bhi vo kadam-kadam par mat nahin lega । phir bhatakte rahenge, girte rahenge, langadaate rahenge; parantu nahin, yahaan to supreme panda, usko kaha jaata hai roohaani panda, paramdham mein le jaane vaala aur paramdham se aane vaala paramdham se aaya hai, jo kadam- kadam par shreemat deta hai । bolta hai- main aaya hoon panda ban karke tum bachchon ko kahaan le jaaoonga? phir apne muktidhaam, nirvaandhaam le jaaoonga; kyonki main rahvaasi hi nirvaandhaam ka hoon । main aaya hoon tumko nirvaandhaam le chalne ke liye; isliye to kehta hoon na ki he bachche, apne nirvaandhaam ko phir se yaad karo aur ye saari duniya uske liye bhakti karti rehti hai । jeevanmukti ke liye koi karte nahin hai; kyonki unko koi mat dene vaala hai nahin । koi devta to hai nahin, baaki hain sanyaasi, vo to mukti vaale hain । abhi vo kehte hain ki dekho, main sabko sadgati aur gati dena vaala hoon । sadgati to. thode ko milegi na, kyonki sadgati ka imtahaan bada bhaari hai । sadgati hai jeevanmukti, vo hai mukti । mukti to kam hai na; kyonki jo mukti lenge vo svarga nahin dekh sakenge । jo bhi dharma peechhe aate hain sivaay sooryavanshi-chandravanshi ke, vo koi bhi svarga mein nahin ja sakte hain, svarga ke sukh dekh nahin sakte hain । ye wonderful vaikuntha nahin dekh sakte hain । unmein aa nahin sakte hain; kyonki yahaan to poora laayak banna pade । baap aakar ke khud jo laayak the sooryavanshi, unko maaya ne bilkul hi naalaayak banaay diya । to naalaayak ko phir laayak banaaven, tab to sooryavanshi bane na । naalaayak kaha jaata hai ye bandaron ko, ye bandar se badtar, manushya ko bandar se bhi badtar to abhi harek apan se poochhta rahe main lakshmi athva naaraayan ko varne laayak bana athva bani hoon ? nasha to chadhta hai sabko । kehte hain- ham naaraayan ko varenge ya lakshmi ko varenge । abhi apni sikal apne hi darpan mein dekho । usko kaha jaata hai andar ka darpan । yeh vaala darpan ya aaeena nahin । barobar jaante ho ki shri lakshmi mama naaraayan varengi। yeh to pakka jaante ho । abhi harek bachche poochhte hai, ek to nahin poochhte hain na । baba ham bhi poochhte hain, hamaari avastha aap samajhte ho, aisi hai jo ham lakshmi ko ya naaraayan ko var sakenge । jab naaraayan ko varna hai to baba bolte hain- tum apne darpan mein munh dekho ki yeh kaam, krodh, lobh, ashuddha ahankaar par tumne kahaan tak vijay paai hai? baaki kaun bhoot hain tumhaare mein? haan, baba mujhe krodh aata hai । phir tum shri naaraayan ko varne ke liye laayak samajhte ho? yeh apne dil se poochho, ismen kya baat hai! tumko yeh chhodna padega । ab ismen poochhne ki to darkaar nahin hai na । baap samjha dete hain apni darpan mein poochho ki tumhaare mein kaam ka bhoot hai? bhale is samay mein tum kachche ho । yeh to baith karke koi ne pichhaadi mein poochha hai na ki ham var sakenge । to dekho, baat kahaan ki baith karke kahaan, aur yahaan baba khud poochhte rehte hain- mere laadle bachche, haath to uthaate ho ki ham shri naaraayan ko varenge, nahin-nahin ham shri raamchandra ko nahin varenge va ham maaya se haarenge thode hi ya ham naapaas thode hi honge, 33 marks se bhi kam thode hi jaaenge, aapke aise naalaayak bachche thode hi hain, kyonki naalaayak bachche hue na, jo baap ko kahe ki baba, ham to 33 marks tak bhi paas nahin ho sakte । baba bolenge- tum to bade naalaayak ho । agyaan kaal mein koi school ka bachcha ho, baap poochhe- are, paas honge? nahin baba, ham 33 marks se bhi neeche chala jaaoonga yaani paas hooonga par yeh kachcha । are, tum to moorkha ho, bade naalaayak ho । yeh behad ka baap bhi bachchon se poochhte hain- are, bachche purushaartha karte ho? dekho, tum naaraayan ko varne ke liye kehte ho, apne dil se poochho- koi kaam hai? krodh hai? bhale agar hai to mitaate jaao । koi bhi aisa kaam karenge, koi ke oopar krodh karenge to kulaklankit banenge । kulaklank maana eeshvar ko bhi kalank lagaaenge, to unke kul ko bhi kalank lagaaenge aur agar kul ko kalank lagaaenge to tumhaara register kharaab ho jaaega aur tumko bada ghaata padega । to bilkul hi khabardaar chaahiye । kaam nahin, koi krodh nahin, lobh nahin, koi moh nahin । ye sabhi mitaana hota hai । manzil hai oonchi । aae hain padhne ke liye ki ham shri lakshmi naaraayan banenge, to bachche baap aur maa ko follow karo । bahut meethe bano । dekho, kitna meetha, kitna pyaara shivbaaba kehte ho na । baap kehte hain- tum apne dil roopi darpan se poochho- tum itne meethe ho? itne pyaare ho? tumko sab koi aisa pyaar karte hain? jaise mama-baba ko pyaar karte hain, vaise tumhaare mein se koi aise banen, jo inko pyaar karte hain? barobar aise hain jinko bahut pyaar karte hain । kisko? jo aap samaan banaane ka purushaartha karte hain, jaise baba naam bhi lete hain । kumaarka hai, vo bade dhanvaan ke ghar mein kile mein baithi hui hai । vahaan bade dhanvaan aate hain । bade-bade sanyaasi, kaangres vaale aate hain, unko baith karke vo samjhaate hain । phir dekho, kaanpur mein achhi-achhi gange hai । moomli bachchi hai । naam lenge na! jaise kaha jaata hai na- yeh paandav sena mein kaun- kaun mahaarthi hain । kaurav sena mein kaun- kaun mahaarthi hain, bataaoon tum bachcho ko kaurav sena mein oh! president raadhaakrishnan! tumko bataate hain kaun- kaun bade hain । phir dekho, nehru ji kitna bada hai । phir dekho, ye chief-ministers, ye phalaana, kaurav sena ke ek-ek raajdhaani ka chief-ministers phalaana hai na । ye aise kyon bane? inhonne kaangres ko madad di thi, baapu ji ko, jo bichaare chaahte the ki ham raamraajya sthaapan karenge । vo chaahta tha; parantu vo to nahin kar sake na । to vo kuchh na kuchh kar diya, to kaurav raajya sthaapan kar diya । jo na tha, ye drama mein vo hone ka tha, jinhonne madad di, dekho, hain na unke oopar । achha, yahaan bhi dekho, paandav sena mein kaun-kaun mahaarthi hain । bataaya na- mama hai, baba hai । achha, phir inmen naam bataaya na- vo manohar beti hai । vo bahut achha sambhaalti hai । dekho, yeh hamaari deedi aai hui hai । achha hai na! kitne centres ko sambhaal baithi hai । yahaan dekho, hamaari ratan hai, yeh dekho devta hai । merath ka vo mahaarthi dekha hua hai na । aise-aise abhi kitne naam bataaenge । hai to sahi na! abhi baat yahaan ki hai na । dekho, hai yahaan ki baat aur geeta mein kya likha hai, bhaagvat mein kya likha hai, raamaayan mein kya likha hai? sabhi inki shaakhen banaai hain । raamaayan koi dharmashaastra nahin hai aur mahaabhaarat iska hi dharmashaastra banaaya hai । usmein bhi gapode lagaay diya hai । bhaagvat bhi iska hi banaaya hai । achha, paasbhaag bhi hai to yahaan ka hi banaaya hua, nahin to paasbhaag kahaan se aaya! koi raamchandra ke paas to tha hi nahin । is duniya mein raamchandra koi agyaani thode hi tha । vo to praalabdha bhog rahe hain, unko gyaan ki kya darkaar hai । to vashishtha bhi phaaltu । baap aakar ke bataate hain na । kaha na- main tumko sabhi vedon-granth aur shaastron ka saar bataata hoon । baba kehte hain yeh bhi bahut padhta tha । in log ke bhi dabbe mein theekri thi । yeh bhi theekar tha । abhi theekar se thaakur ban raha hai । tum bhi aise ban rahe ho na bachche- theekar se thaakur । pattharbuddhi se paarasbuddhi arthaat paarasnaath ban rahe ho । ham shri raamchandra aur seeta ko paarasnaath nahin kahenge । chaandi ka alloy pad jaata hai na । usko kaha jaata hai silver ej aur tum ho golden ej vaale । baap kehte hain- bachche, apne dil roopi darpan mein poochhte rehna ham barobar ashareeri hain? baba ke bachche hain? hamko deh ka abhimaan to nahin hai? deh ke abhimaani ho? apan ko ashareeri samajh karke, uthte-baithte, yaani uthna-baithna to shareer ke saath hoga na, parantu nishchay to hoga na । aise to nahin, hamko koi aatma ko realise karna hai । nahin, paramatma ko realise karna hai, bhagwan ko jaanna hai । are, aatma to sadaiv chaahti hai ki main baap ko jaanoon । aise kaha jaata hai । to aatma ko gyaan chaahiye, kiski? baap ki । shareer to hai aatma harek ki, aham aatma mam shareer । so to sab hai ham aatmaaen । abhi unko bhagwan se milna hai । bhagwan ko realise karna hai । to bhagwan aa karke bachchon ko realise karaaega na, nahin to kaise bhagwan! baap aae, tab bachchon ko aa karke janma de, mukhvanshaavli banaave, phir unko apna parichay deve । dekho, tum mukhvanshaavli bane ho, tumko sab parichay dete hain, saara raaj samjhaate rehte hain । abhi dil se poochho hamko nasha hai ki ham vishwa ke mahaaraajan banenge? abhi koi vishwa ke mahaaraajan hai! isko kaise mili vishwa ki mahaaraani aur vishwa ke mahaaraajan ka pad? kisse ladaai ki ya kisse inhereetensa liya? isne kaun-sa karma kiya jo ye itne bane? kisne vo karma sikhlaaya? inka maa-baap kaun tha? baap tha, guru tha, teacher tha? abhi tum jaan gae na, inka kaun hai! shivbaaba । abhi bachchon ko kitni achhi samjhaani milti hai bilkul hi roj-roj; parantu yahaan jo baith karke samajhte ho na, jab talak tumko yeh baith karke dose pilaate rehte hain, is samay mein tum logon ko bahut achha lagta hai । jo bichaare kuchh bhi na samajhte hon unko harek ko bhi bahut meetha lagta hai; parantu is samay ka nasha chadhta hai । baba kehte hain na, jaise vo bachcha garbhajel se nikalta hai, anjaam karta hai- baba, ham kabhi bhi paap nahin karenge । baahar nikalne se vahaan ki vahaan rahi । inmen bhi kai aise hi hain । baba sabke liye nahin kahenge । yahaan se seedhi utre, neeche gae, bas, ye baaten sab ud jaati hain । kisko sunaay nahin sakte । bhala kyon? jab kuchh suna jaata hai, to koi ko sunaane ke liye suna jaata hai । jaate hain katha sunne ke liye, kislie? sirf apne liye! nahin, auron ko bhi to sunaana chaahiye, kisko ghar mein ja karke sunaana chaahiye na । koi kuchh bhi nahin sunaay sakte, kyonki vahaan se suna aur baahar mein khalaas । yahaan bhi aise; parantu yahaan to aise nahin karna chaahiye na, yeh to study hai, parantu bahut nikalte hain । jo achhe, meethe, laadle bachche hain, vo notes lete hain । notes le karke phir koshish karte hain ki achha, raat ko bhi ham ja karke phir bhi yeh baba ki murli sunoon । isliye tapes banaaya, dekho kitna kharcha hai tapes ke oopar! tapes milte hi nahin hain । aidvartaaij bhi nahin kar sakte hain । phir jisse lenge na, government aakar poochhti hai- tape kahaan se liya? vahaan se chori ka to nahin hai? bil bataao । bil nahin bataaenge, ye jabta hua । tumne zaroor kahaan se kuchh chori karke laaya ya chor vaalon se liya hai । bil chaahiye । abhi dekho, chaahiye to bahut tapes । dajan bhar to abhi chaahiye tapes । dajan bhar tapes koi badi baat thode hi hai । tape ka moolya kitna hai 1500 dajan । kitna hua? kharcha 15 hajaar, 20 hajaar, 25 hajaar । yeh to kuchh bhi nahin hai । shivbaaba ke aage kuchh mahatva thode hi hai iska; parantu milte nahin hain । agar aate hain bigar bil to duty bhi padti hai, to dande bhi padte hain, to phalaana bhi padta hai । baat mat poochho! achha, ab baap ne kaha na, bachchon ko chaahiye to do-do dapha sunen, teen-teen dapha sunen, jitni bhi phursat ho, kyonki 10 ghanta chaahiye । maataaon ko to bahut phursat hai । kanyaaon ko to sabse jaasti phursat hai । hai na! achha, jab subah ko office mein jaate hain, 10 baje jaaenge । 6 ghata kaam karte hain, 8 ghanta chalo । ek sato ek rajo ek tamo aise hota hai na । ek uttam, ek madhyam, ek kanishtha । tum yeh sahaj kar samajh jaaenge ki ismen uttam purushaarthi kaun hai, madhyam kaun hai, kanishtha kaun hai । yeh bhi to sabhi samajh sakte ho । baba kehte hain uttam bano । time bahut hai । jinko purushaartha karna hai । subah ko jaao, yeh tumhaari service par hai । shaam ko aa karke suno, 8 baje aao, 9 baje aao, phir apan ko refresh karo, kuchh dhaarna ho । jo purushaartha karega vo hi pa sakega na । achha, abhi baba samjhaaya na, tum vishwa ke aise bante ho! dekho yahaan ki knowledge, em-object kya hai? yeh, lakshmi naaraayan । seeta-raam ki nahin । ye bachche kehte hain hamaari em-object yeh hai । ham kyon naapaas honge? tum apne darpan mein dekhte raho ki koi raavan ka nasha to nahin hai? naaraayni nasha hai, raavan ka nasha to nahin hai? bachche raavan ki to baaten jaante hain ki kaun-se nashe hote hain । raam ke nashe aur raavan ke nashe, so to bachche jaan gae । ya to naaraayni nasha, ya to aasuri nasha । to vo nasha chaahiye । baba ghoomne jaate hain to bhi andar mein to rehta hai na ki dekho ham vishwa ke mahaaraaja banenge । us samay mein bombe-vombe nahin hoga । bahut thode honge । vishwa ke ye mahaaraajan banenge । jab seeta-raam banenge na, to manushya bahut honge । nahin, phir bhi jitne thode vishwa ke mahaaraaja, itne achhe । to bachchon ko hamesha oonch purushaartha karna chaahiye । school mein student hote hain so bhi hamesha purushaartha hota hai ki main monitor banoon yaani paas with honour banoon । to tum bachchon ko bhi yahaan purushaartha karna chaahiye aur yeh tumhaara purushaartha phir kalpa-kalpa ka purushaartha ban jaana hai; isliye baba aur hi kehte hain । vo school ka monitor banna hai aise nahin kehte hain । nahin, yeh abhi kalpa-kalpa ka banega, isliye purushaartha bahut poora chaahiye । ekdam lag padna chaahiye । shareer nirvaah ke liye vo bhale jaakar dhandha karen, vyavhaar karen, vo bhale ghar ka baal-bachcha sambhaale aur roti-voti pakaaven; partu bolte hain ek to kamal-phool ke samaan pavitra raho aur doosra, yeh puraani duniya hai, isse mamatva kya lagaana hai । puraani juttti mein mamatva kya lagaana hai! puraani aatma mein mamatva kya lagaana hai! mamatva lagaana hai ek shivbaaba se, jisko yaad karne se ham bilkul hi pure ho jaaenge । jyot bilkul jag jaaegi । yeh battery dheeli ho jaati hai, to battery ko bhi full karne ke liye masheen mein daalte hain na । to yeh bhi aisi hai । tumhaari aatma ki jo battery hai na, yeh ekdam bilkul hi dull ho gai hai । aise nahin hai ki ujhaani gai hai । nahin, baaki thodi ekdam । dekha hai kabhi? deeva jab pichhaadi ko hote hain to thodi chingaariyaan rah jaati hai, phir usmein vo tel daalo to jaag jaaegi; kyonki yeh aatma ekdam thandi nahin ho jaati hai, patthar nahin ho jaati hai । kuchh rah jaate hai । to jyot jagaane vaala hua na । he sajniyaan ab navayug aaya, jaago । O sajniyaan abhi apni aatma ki battery ko full bharo । kisse? yog se । yog se tumhaari jyoti jag jaaegi । achha, ab bachchon se vidaai । ab toli le aao । haan, shivbaaba ka geet sunaao । tum samajhte ho na, baap aur daada donon aapas mein baat karte hain । vo bhi karte hain, vo bhi karte hain । vo bhi samjhaate hain, vo bhi samjhaate hain । ismen donon ho gae na; isliye isko kaha jaata hai baapdaada; kyoki baap brahma dvaara baith karke shaastron ka raaz samjhaaenge । to unko brahma mein aana pade na aur phir bataate hain ki ye brahma ka hi gaaya hua- brahma ki raat, brahma ka din । kehna to sahaj hai, parantu koi jaante thode hi hai- brahma oopar vaala, sookshm vatan vaala, unka din-raat kahaan se aaya? zaroor prajaapita yahaan ka hoga, parantu yeh thode hi koi vidvaan-aachaarya samajhte hain । unke bhi dabbe mein theekriyaan hain । samjha na! vo bhi isliye ki vo bhi abhi thikkar ke bartan hain; parantu nahin, pavitra rehte hain na, isliye jo apvitra hain vo mattha tekte hain so to kanyaaon ko bhi tekte hain । jo kanya hoti hai unko bhi to mattha tekte hain । kanya aur kumaar ko ham raavan nahin kah sakte; kyonki yugal chaahiye na, 10 sheesh chaahiye na । 10 sheesh bante hain tab, jab shaadi karte hain vikaar mein jaate hain । to phir unko kaha jaata hai raavan ki sampradaay । jab bachche hain tab pavitra hain । phir bhi aisi sampradaay ban jaaegi । to isko kaha jaata hai 'raavan-sampradaay' athva 'aasuri-sampradaay' । mahima hai to ek ki hai । kyon? vo na hota, to ye jo lakshmi naaraayan the, jo abhi kabradaakhil hain unko jagaave kaun! to sabko, ye lakshmi naaraayan ko svarga ka sukh dene vaala kaun? vo baap । ye bhaarat ko paavan banaane vaala, svarga banaane vaala kaun? baap । to ek hi ki mahima hui na । doosre koi ki bhi mahima nahin hai । baaki paai-paise ki mahima to nambarvaar bahut hoti hi hai । harek ki nambarvaar hoti hai, kinki bahut, kinki thodi, kinki thodi । aur inki koi itni mahima hi nahin hai ki koi manaate hi nahin hain । koi jaante hi nahin, to manaave kaise! abhi ham gaate hain na, gaate to shiv baba ko hain parantu shivbaaba ke naam-roop, desh-kaal ko koi jaante thode hi hain । bilkul nahin; kyonki bhaarat mein bhi agar ling hai na, to yeh to bada hai inko to koi kahenge nahi । samjha na! partu nahin, pooja karte hain, hai zaroor; par koi raaz hai । to svayan aa karke samjhaate hain । phir bhi kehna to sabko pade na, shivbaaba ko yaad karo, shivbaaba ko yaad karo । agar ham unko kahen ki nahin, param-aatma ko yaad karo, to samjha nahin । param-aatma ka naam chaahiye na । so haath uthaao । vahaan bachchon ke paas aati hain bachchi । yahaan ek bachchi shaayad deti hai, jo vo nahin deti hai, deri padti hai, roj-roj bolta hoon । record :- kitna meetha kitna pyaara shiv bhola bhagwan… dekho, unki mahima hai । inko bhi vo meetha banaay rahe hain aur bahut meetha banaate hain । dekhte hain ki meetha hai na bahut! to tum sabko bhi meetha banna hai, koi ko duhkh nahin dena hai । duhkh denge, duhkhi hokar marenge, marenge, marenge । ab yeh shraap nahin hai । yeh to raay se baap samjhaate hain, are! bahut meethe bano । tumhein is bhaarat ko bahut meetha banaana hai । samjha na! svarga to meetha hai na । abhi yeh narka to bahut kaduva hai na, chhi-chhi! bahut meetha tum ho । tum meethe banenge tab to vahaan pahuchenge na, ekdam meethe । yeh sirf tumhaare rahne ka sthaan nahin, madhuban hai । one hai na .vo jangal hai । unka koi mahal thode hi hai! parantu one hai । bachchiyaan sunti ho? ghar mein bhi kisko tum dukh denge, naam badnaam karenge ki yeh vahaan jaati hai, jinke liye kaha jaata hai ki tum ekdam sabko sukh do । yeh to dekho, krodh karte hain, yeh to inse rooth gaya hai, yeh inse baat nahi karte hain । aisi- aisi hamaari brahmaakumaariyaan bhi hain, roothti hain । koi se ruthe, to unse baat na kare । to baba kehte hain na ki purushaarthi hain । yeh tumhaari mahima ant ki hai- ateendriy sukh poochhna ho, to gopeevallabh ke gopgopiyon se poochho । abhi tum purushaarthi ho, main jaanta hoon । khud braahamni bahuton ko naaraaj karti hai, roothi hai to unse baat nahin karegi । vo baat na kare, vo doosri baat hai; parantu braahamni khud bhi kisse roothti hai to unko tang karti hai । unse baat nahin karengi, yeh karengi, vo karengi । to aise to saari duniya hai na, khaari channel hai । loon aur paani, khanda ka naam hi nahin hai । vo loon aur paani, yeh khanda aur kheer । to itna to meetha banna hai । achha, baap-daada, meethi-meethi jagdamba ka, meethe-meethe sikeeldhe bachchon ko yaadapyaar good morning । jagdamba kisko kaha jaata hai- manokaamna poorn karne vaali!