Sakar murli du samedi 26 octobre 1963

> >

` 26-10-1963 bambai praatah murli saakaar baba om shanti madhuban

helo, good morning ham bambai se bol rahe hain । aaj chhabbees aktoobar shaneecharvaar hai । praatah class mein baapdaada ki murli sunte hain ।

record :-

O door ke musaaphir, hamko bhi saath le le re…

baba kehte hain ki jaise baba ke notes lete ho na, vaise jab koi geet bajta hai to neeche likhte jaao aur unka arth bhi likhte jaao । arth kyon nahin likhenge? phir baba koi-koi se poochhenge tumne iska arth kya likha? ye door ka musaaphir kaun hai? kya koi jagat se aaya hua hai? koi landan se aaya hua hai? kaun hain door ke musaaphir kya likha tumne? main poochhoonga । dekho, yeh school hai । yeh vo satsang nahin hai । isko gaatu kaha jaata hai । inka arth likhte jaao, main koi se bhi iska arth poochhoonga yaad rakh lena । abhi roj aise karoonga । abhi suno record- humein maut bhi na aai । O door ke musaaphir, hamko bhi saath le le ham rah gae akele… । door ke musaaphir ka naam likho । record- toone vo de diya gam, bemaut mar gae ham 'bemaut mar gae ham' iska arth likho । (record- le chal humein yahaan se, kis kaam ki ye duniya, jo jindagi se khele re, hamko bhi saath le le, ham rah gae akele…) kaun-si duniya chaahte ho? bolte ho is duniya se hamko le chalo । kis duniya me jaana chaahte ho? ja rahe ho ya purushaartha kar rahe ho? (record- sooni hai dil ki raahen, khaamosh hain nigaahen । naakaam hasarton ka uthne ko hai janaaja…) arth likho 'naakaam hasarton ka uthne ko hain jinke janaaje' । hasrat kisko kaha jaata hai? kahaan mare pade hain? record- chaaro taraph lage hain barbaadiyon ke mele re…) arth likho, barbaadiyaan kisko kaha jaata hai? bachchon ne kaha- geet hi nahin sunte hain…) punah record chala- chaaron taraph lage hain barbaadiyon ke mele re…) dekho meethe bachche, door ke musaaphir shiv bhagvaanuvaach kahenge । shiv door ke musaaphir hain na । bahut door ke musaaphir hain । sabse door ke musaaphir hain shivbaaba । phir unse kam musaaphir hain brahma, vishnu shankar । unse kam hai phir yeh manushya srishti । manushya srishti se door hai sookshm vatan jaho ye brahma, vishnu, shankar rehte hain । usse door hai parampita paramatma । parampita param-aatma maana paramatma । vo door rehte hain । unko shareer bagair yaad to karte hain, parantu unko jaante koi nahi hain । kyon yaad karte hain? yaad karenge to kya hamko bulaayega ya khud aaenge, yeh koi ko pata nahin hai । yaad to sab karte hain । sabhi bhakta yaad karte hain । kisko? door ke musaaphir ko । vo kaun hai? vo parampita param-aatma, paramdham mein rahne vaala hai, jis paramdham se ham unke bachche aatmaaen yahaan is manushya srishti mein karmakshetra par part bajaane aate hain । yeh naatak hai na । to naatak mein part bajaana hota hai । isko srishti ka drama bhi kaha jaata hai; kyonki chakkar lagta hai na । satayug, treta, dvaapar, kalhayug phir sangamayug, phir satayug, treta । satayug aadi hai bhi sat, hosi bhi sat yaani phir-phir se yeh phirta rahega । isko hi chakkar kaha jaata hai । to baap aate hain । unko bulaaya jaata hai । sab bhakta baap ko bulaate hain । unko yeh maaloom nahin hai ki baap ek hota hai । anek bhakta, anek hi manushyon ki, devtaaon ki, bhittar ki, thikkar ki, kachchha ki, machchha ki, phalaane ki teere ki sabko bhagwan samajhkar karke, phir apne ko bhi bhagwan samajh karke pooja karte hain । bhala bhittar-thikkar ki pooja kyon karni chaahiye! vo bhi nahin samajhte hain । iseelie baap kehte hain ki ye kalhayugi manushya, saari srishti ke sabhi manushya maatra kaise moorkha buddhiheen, besmajh bane hue hain । kuchh bhi samajhte nahin hain । besmajh to koi kaam ke nahin rehte hain । dekho, bhaarat koi kaam ka nahin raha hai । kaudi tulya ban gaya hai । vaishyaalay ban gaya hai । isko aise bhi kaha jaata hai । narka ban gaya hai । jahaan kaam hai, krodh hai, lobh hai, moh hai, maaya ka raajya hai, usko narka kaha jaata hai । aise to nahin, ise svarga kahenge aur usko narka kahenge । svarga mein ye rehte hain । main uthaaoon phir bhi ek bachche ko, bachchon ko, bachchon ko, aur phir kya kahoon, baap to phir bhi bachche bachche hi kahenge na । yeh baap ke bachche hain na! jaise lakshmi aur naaraayan inko satayug mein raajya kahaan se mila hoga? yeh svarga hai na । to svarga ka rachta kaun? zaroor kahenge- godphaadar, yaani parampita । to zaroor inko parampita se varsa mila hua hai । to kaise inko varsa mila tha? ab vo varsa tum sabko diya । varsa mila, 84 janma phir chakkar lagaaya । abhi phir se varsa le rahe hain । abhi ye hai nahin । is samay mein ye chaitanya mein hain? sirf mandir hain । lakshmi naaraayan ke mandir mein jo lakshmi naaraayan hain, vo kahaan hain? zaroor vo aur unka jo bhi kul hai vo 84 janma bhog karke abhi unka pichhaadi ka janma hoga; isliye inko uthaaya jaata hai । kul arthaat dynasty । ye phir kehte hain ham aa rahe hain । inke badle mein baap samjhaate hain- bachche, inki aatmaaen, jo yahaan bhaarat mein raajya karke gai, unhonne 84 janma lena tha zaroor । sabse jaasti janma । inka abhi antim janma hai । antim janma mein, jabki yeh saadhaaran vriddha tan mein inki baat karte hain । samajhne ka akla chaahiye na bahut achhi tarah se । 84vaan inka antim janma hain, kyonki ye satayug aadi mein ye the । ye madhuban mein hain na । lakshmi naaraayan ke mandir bahut hain, dher hain । vo satayug mein the । 84 janma bhogna hai, 84 laakh nahin । 84 janma bhog karke yeh ant ke janma mein hain । ab ye phir apna raajayog kisse seekh rahe hain? itna ooncha martaba kaun de sakta hai? vo hi gyaan saagar, parmapriy, parampita, param-aatma maana paramatma । abhi tum bachchon ko kaun padhaay rahe hain? vo parampita, param-aatma, door desh ke musaaphir । musaaphir kaha jaata hai na; kyoki part bajaane vahaan se ham musaaphir bankar aae hain na । to baap bhi aae hain part bajaane । sabse door desh ke rahne vaale aae desh paraaye । ab paraaye desh kyon aana padta hai? bolte hain- yeh jo svarga ke maalik the, jo is samay mein apni saari raajdhaani sahit narka ke maalik hain unko phir se svarga ka maalik banaane aata hoon । ab yeh to samajhte ho na ki yeh bhi nahin samajhte ho! nae nahin samajh sakenge । yahaan koi raamaayan, geeta ya bhaagvat aadi ki jhoothi kathaaen nahi hain । vo to jhoothi kathaaen hain, jo sunte- sunte jitna sunte aate hain, itna jhoothi maaya, jhoothi kaaya, jhootha sab sansaar banta jaata hai । abhi aisa to koi nahin hai tumko samjhaane vaala ki inhonne 84 janma liye, 5000 varsha pahle inka bhaarat mein raajya tha । raajya tha maana ye raaja-raani bhi the aur inki bahut dynasty prince aur prinsej bhi the । raajdhaani jaise landan mein- Edward the first, to zaroor unke prince-prinsej, raajdhaani hogi na । to aise hi yeh shri lakshmi naaraayan the first the, phir unki dynasty chali thi- lakshmi naaraayan di sekend, the third, the fourth । peechhe unke baad shri raamchandra ka, seeta aur raam ka raajya chala tha । ye bhool to nahin gae ho! dekho ham kya kehta hoon? don du daska । knowledge deta hoon । don du daska ka arth bataao । jo don tu daska jaante hain, haath uthaao । yaad rakhna, samjhaane ki badi baaten hain । don kisko kaha jaata hai? kisi ne kaha- jaanna । buddhu angreji kahaan padhi ho! a bachchon, a officer! daan maana -javaab diya- sooryoday ka jab subah hota hai na vo । don maana subah । daska maana raat । itna bhi nahin samajhte ho । (kisi ne kaha- brahma baba raatri aur subah ka sangamkaal aur yeh din aur raat) aadhi raat vo hai sangamkaal । baba poochhte hain ki tum bachche abhi kahaan ho? don mein ho ya daska mein ho? ye prashn bade gambheer hain । baba poochhte hain ki don ke samay mein ho ya daska ke samay mein ho? sabhi yeh phat se likho । yahaan bahut din aise hi suna, kaan se nikaala aur baahar jaakar phenka । abhi tumhaara prashn-uttar roj poochhenge । sab koi jaante hain ki subah ko don kaha jaata hai, shaam ko, raat ko daska kaha jaata hai । baba poochh rahen hain tumhaara don and daska kya hai aur abhi kahaan ho? don par ho ya daska par ho? subah par ho ya raat par ho? kahaan ho, bolo? abhi bachcho ko samjhaaya hai na । yeh kaun samjhaay sakte hain! koi saadhu, sant, mahaatma thode hi samjhaay sakte hain । yeh to maalik hai na, jo inko raajya de rahe hain । jo inko phir se raajya de rahe hain, vo hi to kahenge na, doosra to koi ka naam nahin hai na । baap kehte hain ye raajya gumaay baithe hain । abhi sachchi- sachchi satya naaraayan ki katha ye sun rahe hain । ye donon lakshmi naaraayan bahut janma ke ant ke janma ke bhi at mein hain aur vaanaprastha avastha me hain । ye samajhte ho achhi tarah se ki nahin? ye don mein the aur ab daska mein hain । jaasti nahin bataata hoon kahaan hain; kyonki yeh tumko khud likhna hai । ye bhaarat ke maalik the । abhi hain nahin । jab ye bhaarat ke maalik the tab bhaarat ko svarga kaha jaata tha, heere tulya kaha jaata tha, vaikuntha kaha jaata tha । ye chhotepan mein raadhe-krishna the । nae- nae bachchon ko yeh maaloom nahin hota hai ki raadhe-krishna chhote bachche the aur svayanvar racha, peechhe lakshmi naaraayan ka raajya pada । ye satayug ke vishvamhaaraajan aur vishvamhaaraani the । vishwa ka mahaaraaja-mahaaraani in bigar koi bhi ban nahin sakta hai । manushya nahin ban sakte hain । ye devi aur devta kahe jaate hain; kyonki aadi sanaatan devi-devta dharma ke ye maalik the । yaani vishwa ke mahaaraajan vishwa ki mahaaraani theen । ab nahin hain । kahaan hain? abhi apna 84 janma poora karke antim janma mein hain । antim janma ke bhi vaanaprastha mein hain । ye vaanaprastha mein hain aur ye javaan hain । sirf bachche jaante hain । nae bachche yeh baat nahin samajh sakenge na । ismen bhi jo bilkul masta honga hoshiyaar honga jinke buddhi mein raat din daun end daska, down end daska, subah aur shaam ye chakra chalta rahega unka । chakkar phirta hoga na; kyonki subah se shaam tak ka chakkar hota hai na । usko kaha jaata hai 84 ka chakkar । to yeh 84 ka chakkar poora karke abhi yeh vaanaprastha avastha mein hai aur yeh jo vaanaprastha vaala hai, unki yeh beti hai aur javaan hai । ye brahma sarasvati yahi to lakshmi naaraayan hain । brahma mukhvanshaavli sarasvati, unko jagdamba kaha jaata hai । sabhi kaamnaaon ko poorn karne vaali arthaat svarga ka maalik banaane vaali । yeh jo amba hai na tumhaari mummy, phir vo mummy kaho ya isko mummy kaho । yeh tumhaari buddhi ki baat hai । vo tumhaari sabhi manokaamnaaen poorn kar rahi hain । kis dvaara? vo thode hi sabhi ki khud poori kar rahi hain । nahin, unki bhi manokaamnaaen poorn ho rahi hain, aise ban rahi hai । kis dvaara? baap dvaara । behad ke baap dvaara ye hai behad ka raaj aur bhaag । satayug ke aadi mein lakshmi aur naaraayan ko itna bada raaj aur bhaag kisne diya? jabki abhi kalhayug hai na । kaliyug mein to raaj-bhaag koi hai nahin । heere, javaahar, moti, sone ke mahal-vahal to kuchh nahin hain । 9 carat aur 14 carat, sone ki baat hi nikal rahi hai । is samay kalhayug ki aisi haalat aur phir satayug ki aadi hoti hai, usmein inko aisa raajya kaise diya, yeh kab aaya? heaven ka sthaapan karne vaala god father maana sabka baap । sabka jo baap hai, vo rachta hai na । vo rachta hai nai duniya svarga । to svarga mein hai inka raajya । to zaroor inhonne us baap se raajya liya tha । ab nahin hai, phir se le rahe hain । vo kahaan hai? yahaan maujood hai । yeh knowledge to baap bigar koi nahin sunaay sake । tumko chitra isliye banva kar dete hain ki bachche inko,yeh chitra kaisa seedha hai, bilkul accurate । vo shivbaaba niraakaar oonche te ooncha gaaya jaata hai । mahima hai oonche te ooncha bhagvat ki । zaroor jo oonche te ooncha hoga, unki mahima bahut achhi hogi । unki to mahima hai- gyaan saagar, shanti ka saagar, sukh ka saagar, aananda ka saagar, sabka saagar aur parampita hai । parampita param-aatma hai maana paramatma, paramdham mein rahne vaali aatma । isko koi bhi param-aatma nahin kahenge, bhale rahne vaali hai; parantu abhi thode hi paramdham mein rahne vaali hai, abhi yahaan hai aur ekdam patit hai । to phir patit ko paavan karne vaala kaun hua? yeh । dekho, aisa paavan tum ho rahi ho । manushya paavan ka arth bhi to nahin samajhte na । paavan duniya, patit duniya । abhi patit duniya hai na । kal hai paavan duniya; kyonki baap is patit duniya ko paavan bana rahe hain । paavan duniya mein rahne vaale bhi to hain na । to rahne vaalon ko, abhi patiton ko raajayog sikhlaay rahe hain । bahut sahaj । sirf kya kehte hai? ki bachche, abhi tum sabka maut hai । mujhe yaad karo aur mere varse ko yaad karo, inko yaad karo । manamnaabhav madyaaji bhav ka arth hi aise hai । shivbaaba ko, parampita paramatma baap ko yaad karo, jahaan se tum aae ho । aur phir apne bhavishya yaani aage jaakar kya banna hai usko yaad karo। abhi jo raavan ke do roop hain, 5 vikaar stri ke, paanch hain purush ke, to hua raavan । tum abhi raavan ke jode ho, peechhe tum daivi jode bante ho । abhi duhkhi ho barobar aur sabhi shok vaatika mein hain । tum samajhte ho jo bhi yahaan bade se bada hota hai na, vo shok mein jaasti rehta hai । sabse bahut shok mein rehta hoga raadhaakrishnan prejident aur unse kam jaasti phir yeh nehru ji । cheeni log aaenge, maarenge, yeh karenge, yeh karenge, agar ladaai hogi to neend bhi fit jaaegi, kyoki phir taras to aana chaahiye na ki hamaari praja maregi, hamaare javaan marenge, yeh hoga, yeh hoga । marte to hain na bahut । to dekho, sabhi phikra mein hain na aur tum jo sachche-sachche, pakke-pakke bachche hain, phakhur mein hain । bhale ye ladaaiyaan to lagni hain । ye ladaaiyaan to hamaare liye lag rahi hain, kyoki jab yeh patit duniya vinaash ho, ye bandar ki duniya vinaash ho tab svarga sthaapan ho । ye sabhi bandar sena hai na । dekhte ho bandar-bandariyo hain । bandar-bandariya kaho ya dropdi aur duryodhan kaho । har ek draupdi aur har ek duryodhan hain; kyonki sabko nangan karte hain । to dropdiyo bahut ho gaeen na । to dropdiyaan hui bhakti । kisko yaad karti hain? bhagwan ko । kyon? hamko svarga mein le chalo; kyonki vahaan koi bhi vikh nahin peete hain । seedhi baat hai na । sabhi bhagat nahin kehte hain । kya ek dropdi kehti hai mera cheer badhaao? mere ko nangan hone se bachaao? nahin । saari duniya mein ye sab dropdiyaan nangan zaroor hoti hain । phir to duryodhan zaroor chaahiye । is samay mein yeh hai draupdi aur duryodhnon ki duniya । baap aa karke sabko nangan hone se bachaate hain । satayug mein unke raajya mein koi bhi nangan nahin hota hai । abhi yeh koi maanega nahin । bolte hain- agar nangan hone se, yeh kaise hoga? vahaan maaya nahin hoti hai । tum kehte ho na, sarvagun sampanna, 16 kala sampoorn, sampoorn nirvikaari, phir usmein ye vikaar kahaan se aayenge! hoga koi vikaar? ab yeh tum bachche maanenge, aur to kab bhi koi nahin maanenge; kyonki jaisi hai srishti, taisi hai sabki drishti । tum is srishti ke nahin ho । tum kalhayugi nahin ho, na satayugi ho । tum kahaan ho? tum don and daska ke beech mein ho । abhi samjha? likha hai tum bachchon ne? abhi ham daska se don taraph ja rahe hain । baaki thoda samay hai । don kaha jaata hai svarga ko, daska kaha jaata hai narka ko । dasta kaho bhala, dhool kaho ekdam, dhool mein phirte hain na । khodre ke bachche khodre kabhi akshar suna hai? sau- sau karees singaar, tab bhi khodre ka bachcha khodra । yeh sabhi yahaan ki baat hai na । inko aisa banaane ke liye ham aa karke gyaan se singaarte hain, pavitra banaate hain । dekho, kitna singaari banaate hain! ham unko singaari banaaven, peechhe maaya unko jhat pakad karke khodre ka bachcha khodra bana deve phir vikaar mein chale jaave । to main kabhi-kabhi aise koi-koi ko likhta bhi hoon । are, tumhe itna gyaan se singaar raha hoon phir bhi tum yeh vikaar mein chale jaate ho aur kaam, krodh mein ke vasheebhoot ho jaate ho । usmein kaam hai bahut । tum to koi khodre ka bachcha khodra dekhne mein aate ho । sudharte hi nahin ho । itna singaarte hain phir tum ye karke bigad jaate ho । ham likhte hain । to unko badi kadi dose deni padti hai na । koi-koi ko kada dose dena padta hai, nahi to dose to bahut meetha hai । vo kada bhi meetha hi hai । in geet ka arth to tum samjhe ho । jo pichhaadi ka hajrat hai, hajrat kisko kaha jaata hai? jo dharma ki sthaapna karne aate hain । hajrat kaho, paigambar kaho, maisenjar kaho, jo-jo dharma sthaapan karte hain । jaise sikkha dharma sthaapan hua, buddha dharma sthaapan hua, Christian dharma sthaapan hua । ye parampita paramatma ne brahma dvaara braahman, devi-devta aur kshatriy dharma, teen dharma sthaapan kie । abhi vo sabhi kahaan hain? unka dharma sthaapak kahaan hai? aur unke jo bhi followers va praja kahen, kahaan hain? vo sabhi narkavaas mein hain, kabradaakhil hain । isko kaha jaata hai kabradaakhil hain, phir aate hain, aa karke sabko jagaate hain । barobar sabhi jo bhi paigambar hain, vo jo kehte hain buddha nirvaandhaam mein chala gaya, Christ chala gaya, yeh gurunaanak bhi chala gaya, yeh shankaraachaarya gaya, nahin, shankaraachaarya aadi sab yahaan kabradaakhil hain yaani apne sabhi praja sahit patit duniya mein narkavaasi hain । shankaraachaarya ke jo bhi sanyaasi hain, abhi sabhi narkavaasi hain । abhi koi svarga hai! narkavaasi sab hain । vo lakshmi naaraayan bhi narkavaasi hain । abhi bataao, narkavaasi kisko kaise svargavaasi banaayenge? mukti kaise denge? narkavaasi manushya, manushya ko kabhi bhi mukti-jeevanmukti de nahin sakte hain । shanti aur sukh de nahin sakte hain । manushya kehte hain ham sanyaasi ke paas jaate hain, hamko shanti milti hai, duaaen milti hain, achchhaai milti hai । shanti milti hai । sthaayi shanti dene vaala hai hi ek । shanti va sukh, gati va sadgati, mukti va jeevanmukti dene vaala hi ek hai । sadgati daata ek hai । phir unko raam nahin kehna chaahiye । raam kaho to bhale; partu asul unka naam hai parampita param-aatma maana paramatma । 'paramatma' naam zaroor chaahiye, nahin to manushya moonjh jaaenge । isliye shiv naam rakha hua hai । asul naam pakka- pakka shiv hai । peechhe naam pada hai rudra; kyoki yeh rudra gyaan yagya racha hai na । is samay mein unko phir rudra bhi kaha jaata hai । yeh rudra gyaan yagya, jisse vinaash jvaala prajvalit ho rahi hai vinaash ke liye, sabke marne ke liye । abhi kitna achhi tarah se bachchon ko samjhaate hain । abhi kaun arth samajh sakenge, yahaan itne sab baithe hue hain! bilkul thoda । koi na koi point mein haar jaaenge । abhi tumko don and daska daska aur don, raat-din, din-raat, yaad hai? achha, jo baahar vaala manushya hoga, woh bolega- vaah! yeh to koi ko bhi yaad hoga । are nahi, behad ka din aur behad ki raat । usko kaha jaata hai brahma ki behad ka din aur brahma ki raat । abhi koi bhi sanyaasi nahin jaante hain । kehte hain ki brahma ka din aur brahma ki raat, par jaanenge kabhi nahin । koi se ja karke poochho ki brahma ki raat kisko kaha jaata hai, brahma ka din kisko kaha jaata hai? shaastron mein likha hua hai na! ek bhi kuchh bataave, to le aa karke baba ke saamne kar do । isliye baba kehte hain- inke to jo bhi ved, shaastra, granth, upnishad, geeta vagairah hain, sabmen gapode ke gapode hain । haan, ye jo hai geeta, bhaagvat, mahaabhaarat, raamaayan ye, kyonki vashishtha nahin hai yahaan ka । vo to raamraajya ka, vo sanyaasiyon ka ki ye duniya bani hi nahi hai । duniya bani nahin hai to tum kahaan baithe ho - to vashishtha nahin hai । yoon to thoda-thoda bahut kuchh hai । ashtaavakra geeta, paadav geeta, aise to phir shiv puraan, naam to bahut hain; par hai kuchh bhi nahin । vaastav mein hai phir bhi ek geeta, kyonki sarva shaastramai shiromni hai, parantu vo geeta nahin । is samay mein jo baap baith karke samjhaave, sahjayog aur raajayog sikhlaave jisse tum nar se naaraayan naari se, lakshmi yaani aise bante ho, iska naam pichhaadi mein rakh diya hai geeta, par main to aa karke padhaata hoon । main to koi shaastra-vaastra nahin padhta hoon । main to gyaan ka saagar hoon na । mujhe thode hi koi kahenge ki yeh vashishtha jaante ho? poochhenge- vashishtha padha hai? raam-avtaar? nahin, main gyaan ka saagar hoon? main tumhaare se bhi jaasti achhi tarah se jaanta hoon । isliye to main tumko sabhi vedon, granthon vagairah ka saar samjhaane aaya hoon । mere buddhi me yaani aatma mein ye sabhi part pahle se noondha hua hai ki aa karke tumko in vedon, granthon vagairah ka saar bhi sunaave aur sahaj raajayog bhi sikhlaave aur tum sab bachchon ko aa karke mukti aur jeevanmukti deven । yeh hai mera part mere is param-aatma mein aur so bhi sthaayi hai । usme koi adal-badal nahi ho sakti hai, kyonki yeh hai imperishebal yaani avinaashi drama, preeordenta yaani yeh bana-banaaya hai । kabhi bhi iski and nahin hoti hai । aur tum raam ki sena ne svarga banaaya hai, raavan ne inko narka banaaya hai । phir raavan ki sena hi kaho । abhi samjha na! achha, abhi time hua hai, jab talak toli baanto । ek hota hai had ka don tu daska yaani subah se raat, doosra hota hai behad ka don tu daska satayug se le karke kalhayug ke ant tak । usko kaha jaata hai behad ka din, usko kaha jaata hai behad ki raat । behad ka din mein sukh, behad ki raat mein duhkh । vo sukhdhaam, yeh duhkhadhaam । abhi behad ki raat poori hoti hai, behad ka din uday hota hai । gyaan soorya pragta agyaan andheri raat vinaash । yaani abhi andhiyaara khalaas hota hai aur subah yaani satayug aata hai, kalhayug khatam hota hai । are, toli do । dekho ye kitne kaam mein aate hain; parantu inse vo kaam mein jaasti aaega । manushya vo krishna-raadhe ko jo dvaapar mein le gae hain, vo bhi vahaan se uska poonchhana nikal jaaega; kyonki krishna hai satayug ka prince aur vahaan duhkh ki baat nahin hai । un bichaare ko bahut gaali khaai, unka munh kaala kar diya, dhakka khilaaya, tokri mein daalkar nand ko nadi paar le jaana pada, ye sab gapode hain । yaad rakh lena, ye school hai na, unmein jo-jo bhi head hoga, monitor hoga, number mein hoga, vo hi to teacher ko achha lagega na । phrom right tu left । yahaan ham rakh nahin sakte hain । ham agar tum bachchon ko kahen- are, nambarvaar bithaao, nahin bitha sakte hain । ho nahin sakta hai । ho sakega ? yeh vandarphul school hai na, vo ho nahin sakta hai । ab school mein aise hi bithaave vo dhamchakra mach jaaegi । abhi shaayad nae bhi aae honge । are bachche, jo nae aae hain so to haath uthaana । dekho, main pahle haath uthaata hoon kyonki sab koi aise seedha haath nahin uthaate hain । dekho, tum aise uthaate ho na, a haath uthaao । dekho kaise seedhe hai inka । in sabko shuruaat mein drill sikhlaai gai hai । itna haath uthaana chaahiye । tum logon ne yeh jo haath uthaaya hai na, govardhan parvat mein vahaan ka bhi aise uthaaya hai, aise nahin uthaaya hai । nai baaten hain na । ye to bichaare manushya moonjh jaate hain ki kya hai yahaan? koi bhi saadhu, sant, sanyaasi shaastron mein baat hi nahin hai । ye to sabko khandan kar dete hain । baba bolte hain- yeh sab jhoothe hain । 'sab jhoothe'- aisa kahne vaala bhi koi taakat rakhne vaala hoga na । manushya thode hi kah saken । jhat unke oopar case kar de । baba to kehte hain- mere oopar koi case kare । ham kehte rehte hain na- shivbhagvaanuvaach, ye jo bhi hai, 95% sab jhooth hai । geeta jhoothi, bhaagvat jhootha, raamaayan jhootha, mahaabhaarat jhootha । unmein 5% aate mein loon jaisa kuchh hai, baaki sab jhootha hai । itne ved-granth-shaastra ki beadbi! to bhai kisko case karna chaahiye na! mere oopar koi case hi nahin karta hai । ek din karenge । kabhi-kabhi uchhalte hain; parantu abhi unka bhi to koi bada head chaahiye na । to abhi koi karte nahin hai । baba to chaahte hain case kare । tum bhi radiyo maarte raho; kyonki bhaarat ka hai mukhya shaastra, jinka bahuton ne baith karke gaayan kiya hai aur tum kahenge ye sab geetaaen jhoothi, to usmein sab jhoothe ho gae । gaandhi ki geeta, taigor ki geeta, gange gyaaneshvar ki geeta, raajaaraam ki geeta, geetaaen to dher hain । tumhaara ye sab jhoothi bataate hain ekdam । to jhoothe log hain । jhoothi banaane vaale, jhootha bolne vaale, unko jhoothe log kaha jaata hai । gaaya jaata hai jhoothi maaya, jhoothi kaaya । kaaya yeh shareer hua na । poore phir sab sansaar, tumko siddha karke bataate hain na । sabse jhoothe phir kaun hain? jo kehte hain eeshvar sarvavyaapi hai । sab sansaar jhootha ho gaya । achha, sabko toli mili? jisko nahin mili hai haath uthaao । achha, tumko de rahe hain, inko nahin mili hai । achha aaj kya hai? setarde hai । jo nae bachche aate hain, daro mat, koi jaadu nahin hai, aankh mein daalne jaisa koi soorma nahin hai । gyaan anjan sadguru diya, agyaan andher vinaash । anjan ko sona bhi kaha jaata hai । yeh anjan koi vo nahin hai । vo to sab koi lagaate hain । anek prakaar ke anjan hote hain, vo to mainyoophaikchar hote hain । nahin, yeh gyaan ki baat hai । gyaan anjan sadguru diya । ye hain kalhayugi guru । kalhayugi guruon ke paas to koyla banaane ke liye, kaale banaane ke liye koyle ka kaala anjan hoga । dekho, sabhi kaale bante jaate hain na । achha, baapdaada, meethi mama ka meethe-meethe sikeeldhe nambarvaar purushaartha anusaar bachchon ko yaadapyaar good morning ।