Sakar murli du dimanche 12 janvier 1964

> >

12-01-1964 madhuban aabu raatri murli saakaar baba om shanti madhuban

good evening ye baarah January ka raatri class hai।

ghar ko chhod kar aaen hain aur doosre, baapdaada ke ghar mein aae hain । to zaroor unko yaad karte honge, arthaat ghar chhoda to saara parivaar chhoda । phir yahaan aa karke khaana-peena-baithna ek ke ghar mein aur yaad karna doosre ko, ye to thagi ho jaaengi । kyon? to baap ne samjhaaya hai- ek hoti hai avyabhichaari yaad, doosri hoti hai vyabhichaari yaad । vyabhichaari maana bahut mitra-sabandhiyon ko yaad karna । theek hai na । koi hote hain jo koi ko bhi yaad karen aur koi hote hain nahin, hamko to ek, doosra na koi । kehte ho na barobar । to ek maana vo ho gaya avyabhichaari yaad । abhi doosre koi ki bhi yaad padti hai to ho jaati hai vyabhichaari yaad । sunna bhi aise hota hai । baap ne samjhaaya hai bahut dapha ki bhakti bhi avyabhichaari shiv ki aur phir auron ko yaad karna, vo ho jaati hai vyabhichaari bhakti । dekho, bhakti mein bhi aise hi hai । yaad karna to ek ko yaad karna, kyonki abhi tum bachchon ko gyaan mila vo ek to hamaara kamaal karke vishwa ka maalik kar dete hain, isliye jo yaad karte hain vo ek ko hi yaad karna chaahiye । tum to jaante ho bachche ki bahuton ko yaad karte hain । to yaad sirf devi-devtaaon ki ya eeshvar ki, baba iske pharka me nahin aate hain । maana mera to ek hai । to ek bhaktimaarga mein bhi bhakti karna, pooja karna, phalaana karna, kyonki bhakti mein yaad to padti hai aise hi । agar ek ki yaad hai to vo bahut achha hoga, kyonki baba bhi kehte hain ki hamne bhi to pahle-pahle hi shivbaaba ki bhakti ki hai । to hamne bahut bhakti ki hai । avyabhichaari se karke vyabhichaari mein chale aaen hain । abhi bachchon ko kya karna chaahiye jab anjaam karte ham ek ko hi yaad karenge, so to baap roj-roj! aise hi kehte hain । bachche kehte hain- baba, hamko shivbaaba yaad nahin padte hain । to baba kehte hain- vaah । tum jab bhaktimaarga karte the, tabhi bhi injaam karte the ham shivbaaba ko hi yaad karenge, avyabhichaari bhakti karenge, doosra koi ko nahin, kyonki doosra koi bhi phaayda pahunchaane vaala nahin hai, kyonki yahi hai patit-paavan । aur to kisko kaha nahin jaata hai । na brahma ko, na vishnu ko, na shankar ko, na lakshmi ko, na naaraayan ko, na amba ko, koi ko bhi patit-paavan nahin kaha jaata hai । ek ko hi kaha jaata hai । to vo bhi oonche te ooncha । bhakti mein bhi vo oonche te ooncha । abhi ye bhakti to nahin hai bachchon ko, abhi bachchon ko hai gyaan । usmein bhi hai yaad । kiski? gyaan ke saagar ki । to phir unko yaad karna padta hai, kyonki khud gyaan saagar kehte hain । to jo bhakti me kehte the, jab aaenge tab aapki yaad mein rahenge, kyonki us samay me aatma ko yeh samajh to hoti hai na ki baap hai, aaenge to unki hi yaad karenge, tabhi to unse varsa milega na । to ye sabhi baaten bachchon ko yaad karni chaahiye ki ham bhaktimaarga mein bhi kehte the…abhi to baap aae hue hain । ek ki yaad, phir doosre koi ki yaad nahin karni chaahiye । yahaan ke mitra-sambandhiyon se devtaaen to aur hi achhe hain । phir bhi in anekon ko yaad karne se, ye to sabhi vikaari chheeh chheeh hain na । to unko bhi yaad karne se phir vyabhichaari yaad ho jaati hai । agar shivbaaba ko yaad karen to use kaha jaata hai avyabhichaari । abhi harek apne apne se poochhe ki ham ek ko yaad karte hain ya anek mitra-sambandhiyon aadi ko yaad karte hain, kyonki anjaam to yahaan kiya hai, doosra koi bhi kaaran dene ki darkaar hi nahin hai । aur kaarnon ko daal dete hain paani mein, kyonki samajhte hain ki us baap ko yaad karenge to unse aur dil bhi lagaani hai, unse phal milne ka hai । agar buddhi vahaan se toot karke aur sambandhiyon ke paas gai to vyabhichaari yaad ho jaati hai । to har ek apne se poochhe ki ham avyabhichaari yaad mein rehte hain ya vyabhichaari mitra-sambandhi ya koi bhi guru-gosaaeen ki yaad mein rehte hain? abhi tum bachchon ke guru-gosaaeen to sab chhoot gae । ab unki pooja to chhod di । abhi baaki rahi yaad mitra-sabandhiyon ki । are, vo bhi mitra-sabandhiyon ki auron ki yaad ho jaati hai । baap kehte hain- nahin, mujhe hi yaad karo aur mitra-sambandhiyon ko chhod do, kyonki ye mitra-sambandhi bhi khatma ho jaaenge । peechhe is baari to tumko sabhi mitra-sambandhi daivi gunon vaale milenge । jo ban rahe hain unmein se milenge । isliye ye baap ko yaad karne se, nai duniya mein jaane se, phir tumhaare mitra-sambandhi sab ekdam nae milenge । puraane chhi:-chheeh nahin milenge, kyonki puraane to sab bhrashtaachaari hain na । to yeh jaanch karna hai ki mere ko jo shreshthaachaari banaate hain ya jo yaad hai, jisse shreshthaachaari bante hain, unko yaad karen ya mitra-sambandhiyon ko ya devtaaon ko yaad karen? yeh hamesha apne oopar jaanch rakhni hoti hai । kaha bhi tumne hai, baba se injaam bhi tumne kiya hai ki baba, jab aap aaenge tab aapka hi banenge । abhi apne se poochho ki hamaara bante ho ya doosre koi ka? to barobar tum jab yeh kehte ho, aapko itne samay yaad kiya, to baaki samay kisko yaad karte ho vo bataao । to dekho, us yaad me kitne aate honge? dher ke dher aate honge । yaad karni hai ek ki । baap bhi kehte hain na ki injaam hai, isliye tum mujh apne paarlaukik baap ko yaad karo, kyonki vo hai patit-paavan । to aise-aise samajh karke, koshish karke doosri jagah se hata karke phir baap ko hi yaad karna hai aur phir bhi mahima sahit । ye bhi samajhte hain ki baba ko jitna yaad karenge utna hamaare paap kat jaaenge । hai sirf yaad ki yaatra । aise nahin ki jitna ham yaad karenge utna baba yaad karenge । aise koi kaayda nahin hai । baba ko koi apna paap kaatne ka hai kya! shivbaaba ko koi paapaatma kaha jaata hai kya? paap aatma kaha jaata hai manushyon ko । yahaan devtaaen to hote hi nahin hain । baaki rahe manushya, vo sabhi paapaatma hain, kyonki ye duniya hi paapaatmaaon ki hai । punyaatmaaon ki duniya to doosri hoti hai na । yeh to tum achhi tarah se jaante ho । bhale jiske liye koi bhi manushya kehte hon…abhi satayug ke aane mein 40000 varsha deri hai, kyonki kalhayug ki aayu hi itni hai, to vo to baat hi doosri ho jaati hai । vo samajhte hain na ki baap aaenge, jab vo direction denge tab ham baap ko yaad karenge । abhi baap ko yaad karenge, kya karenge? kahaan jaaenge 40000 varsha pade hue hain । abhi se yaad karke karenge hi kya! samjha na bachche! vo unke liye hai jo jaante nahin hain । tum to achhi tarah se jaante ho । agar nahin jaante to tum yahaan aate nahin । yahaan aa karke baithte nahin । yahaan baithte bhi ho paavan banne ke liye aur ye bhi jaante ho, nishchay hai ki ham yahaan patit-paavan ke aage baithe hue hain, kyonki shivbaaba bhi to yahaan hi hai na । to dekho, unhonne loan liya hua hai । shareer to apna hai nahin । isliye ghadi ghadi bhool jaate hain । nahin to anjaam hai zaroor, vo baap se hi bhaktimaarga mein janma-janmaantar ka anjaam hai ki baba, jab aap aaenge to aapka banenge, aapka ban karke phir nai duniya ke maalik banenge । to hamesha dil se poochhte raho । aise poochhte- poochhte, aise nahin ki connection, link koi jut jaati hai । yeh to sabhi bachche jaante hain ki baap se buddhiyog ki link ghadi- ghadi toot jaati hai । baap kehte hain phir bhi koshish karke, yahaan-vahaan se phir aay karke phir bhi baap ki yaad mein lag jaao, kyonki vo baba jaante hain ki link tootni hai zaroor । ghadi ghadi tootegi । aur jo bhi jagah se hat karke phir baap ko yaad karenge, phir bhool jaaenge । isko hi kaha jaata hai na ki is samay mein ye 'bhoolbhulaiya ka khel' hai, kyonki abhi chal raha hai practical mein aur baap phir samjha rahe hain ye jo bhool hoti hai vo jitna jo baap ko yaad karenge utna paap katenge । yaad ka arjan karne ki bhi to baba margin dete hain, kitni mahima karte hain ki yaad karte karte tumhaare sab paap kat jaaenge । phir nambarvaar purushaartha to karte hi hain aur agar achhi tarah se yaad mein rahen to phir is dynasty mein aa jaaenge । to apni jaanch karte raho । tabhi baba kehte hain na raat ko baithkar ke, apni diary rakho aur smriti me baitho ki saare din mein kahaan-kahaan hamaari buddhi gai? phir vo bhi agar likh diya to baba samajh jaaenge aur tum bachchon ko samjhaaenge । ki bhai, kahaan kyon chale gae? tum jab bhaktimaarga mein the tab bhi to kehte the ham aapko yaad karenge । abhi list bataao, kahaan chale gae? to phir baba samjhaaenga । jab ye chart vagairah bahut aate hain na to unmein ye likhna chaahiye । vo to theek hai, jo likhte ho ki ham do minute, 10 minute, do ghanta, dedh ghanta baba ki yaad mein raha । baaki yaad kahaan gai, vo likho । samay sabka likho to baba unke oopar bhi, khaali ek do drishtaant likhenge to main sabki bataay doonga? kyonki kin-kin ki aisi dasha jaati hongi । do teen ki padhenge to bata denge kaho-kahaan jaate hain, aatma kahaan daudti hai । aatma nahin daudti hai, aatma mein jo man-buddhi hai vo bhaagti hai । kehte hain man bhaagta hai । itna jab apne oopar ghadi- ghadi khabardaari rakhenge na । tum jo baba ko yaad kar rahe ho na, vo kaun-sa baba? unko to hamne 84 janma yaad kiya । phir bhi 84 janma mein ghaata hi paaya na । thoda thoda thoda thoda ghaata aata gaya na । vo to tumhaara varsa tha, tabhi bhi din-pratidin ghaata to rehta hai na । nai jo jagah hai unko ghaata to roj ka lagta hai na । roj roj karte karte kahenge, haan paanch varsha hua, bhai itna ghaata hua । paanch varsha mein phat se to ghaata nahin hota hai na । kadam-kadam par ghaata, kadam-kadam par phaayda । baap kehte hain na, kadam-kadam par padam । phir vo padam kahaan chale gae? phir neeche utarte is samay kadam-kadam par kuchh kam, ghaata । to tum bachche agar apan se aise aise baat karte rahenge na, vichaar-saagar-manthan karte rahenge । yeh sabke liye hai vichaar-saagar-manthan kar gyaan ke ratna nikaalna । yeh gyaan hai na । baba gyaan sunaate hain na । to har ek ko phir apna apna buddhi chaahiye । agar baap ki yaad me rahenge to, baba ki yaad mein ekaagrachitta ho karke । abhi jaise vaada(carpenter) kaam karte hain । vo thode hi baap ko yaad karte honge । tum khade jo dekhte honge yaad kar sakte ho, kyonki unki buddhi kaam mein hai, unko finish karna hai, tumhaari buddhi baap mein hai, unse varsa le lena hai । to yaad me raat-din ka pharka hai na । to aisi aisi baaten aap apne se karte raho । samjha na! karte rahenge -chhoot gae to aise-aise bhi vichaar aaenge ye kya rakha hai, jaao ja karke koi apna dhandha-dhori karen, yeh karen, vo karen । aise-aise bhi khayaalaat aa jaaenge । duniyaavi chheeh chheeh khayaalaat bhi aa jaaenge । kabhi-kabhi kaudiyaan kamaane ki bhi phir vaasna aa jaaengi । sunte to rehte ho na ki ye dhandha karte hain kamaate hain, phalaana karte hain । ye to jo dhanvaan honge, unko to bahut aate hain । abhi baba kya karen? baba kya abhi kahenge ki ham phalaana dhandha karen? hamaara javaahraat ka dhandha itna meetha tha । aisa sahaj tha । are, kuchh bhi nahin karen । ham sirf khareed karen aur phat se bench deven । koi bhi dhakka khaane ki darkaar nahin । dhakka bhi dalaalon ko khaana pade । ham sirf table par baith karke, vyaapaari aave unse ham heera yukti se leven । yukti hamaari yahi thi ki sadaiv chhaant karke lena । yeh ek mere ko hobby thi । to bas chhaant karke lena, dalaalon ko dena । ja karke bench karke aao, paisa le karke aao । aur kuchh nahin । abhi ye cheej aisi hai, jo koi lene vaale hon, bechne vaale hon, sojhra chaahiye । raat ko is samay mein koi heere ki cheej lenge? raat ko nahin le sakenge । raat ko agar lenge to vishvaas par lenge । to isliye bas, thodi shaam hui, yeh bhaaga baba, yeh samajh karke ki shaam ko kaun aakarke lenge । koi dalaal ko ham heera denge to kya hamko benchakar denge? abhi lenge to de hi denge, so to kabhi bhi din me le aakar denge । shaam ko kyon aaenge mere paas? shaam ko mere paas aaenge hi nahin । shaam paanch baje tum chaay peeti ho na । to vahaan ka bhi hamaara time chaay peene ka hi hota tha, chaay piya aur yeh bhaaga । to dalaal-vyaapaariyon ko sabko maaloom hota tha ki baba, yeh shaam ko barsaat hogi, to bhi ja karke phutbaal, match ya jo-jo bhi barsaat mein hoti hai na । na hogi to hoki par jaaenge । thandi hogi to kriket par jaaenge । hobby sabki thi । suna match maichej… aise to roj hoti rehti hai । match dekhne yeh bhaaga, kyonki phakhur tha ki yeh to koi badi baat thode hi hai heera koi se lena, lena bhi hai to achhi tarah se lena । vyaapaari bhi samjhe, yeh garam vyaapaari hai । vo aisa koi bhi takleeph nahin leta tha । yeh hamaari private takleeph hai । jo bhi vyaapaari aaenga poochhoonga bataao, agent ho ya maalik ho? kyonki agar ejent ho to vo galat salat milaay de bana de vo bench to sakenge hi nahin । kaayda hi nahin hai । dhani hoga to dhani se to jo chaahiye so bhi kar sakte hain । bhale vo heere vaale sab jaante hain, parantu unko hukum nahin hai । vo ek heera bhi doosre me milaay nahin sakte hain । samjho ki jo dhani hoga, vo aaenga to ham kahenge unse kitna hai? das pudiya hai । achha, kitne carat hue? bhai, do sau carat hue ya teen sau carat hue । ham bolenge- achha, chhod karke jaao । ham dekh karke rakhenge । so to sabhi chhod kar jaate hi hain । jo achhe vyaapaari hote hain to koi raseed-vaseed lene ki darkaar nahin rehti hai । are gai, isme hai buddhi ka yog । jaise tum bhi mehnat karte ho, yeh bhi mehnat karte hain । jab bhi bachchon ko samjhaana hai to baap ka hi parichay dena hai yahaan । are bhaai, baap to do hain na । ek had ka, ek hai behad ka । abhi had ka chal raha hai । aadha kalpa hua । aadha kalpa behad ka mila tha, jisko svarga aur treta kehte the । usko dvaapar aur kalhayug kehte the । dekho, do baap ka varsa hai na । abhi yeh kalhayug poora hota hai .abhi satayug aata hai । satayug mein patit to nahin jaaenge । bas, baba ko achhi tarah se yaad karo to tumhaare paap kat jaaenge aur gul-gul ho jaaenge, achhe ho jaaenge । phir jitni yaad karenge itna pavitra banenge aur itna hi darja milenga, kyonki saja khaaenge । bahut yaad karenge, yaad karte-karte jaakar milenge aur koi bhi yaad nahin aaenga us samay mein to bada phaayda hai, bahut phaayda hai । tum bachche yeh achhi tarah se jaante ho, parantu beech me ladaai hai maaya ki । pure bhi rahega, to jo vaani hai, murli hai, vo dhaaran bhi hoti rahegi aur sahaj te sahaj point ko khaichenge to chali aaengi । agar na yaad karte honge, patit honge, to phir un points ki bhi itni jaldi yaad nahin aaengi । to yaad mein bhi aur gyaan me bhi kachche pad jaaenge । to yeh tum bachchon ka purushaartha yahaan yahi chalta hai । phir kinko takdeer ke anusaar samay milta hai aur to purushaartha karte hain । koi ko samay nahin milta hai to purushaartha nahin karte hain । vo apne aap se poochh len ki dekho- ham kahaan tak yaad karte hain? to jahaan tak yaad karenge, khushi ka paara bhi tumhaare oopar chadhega । automatically zaroor chadhega, kyonki chadha hua tha so utra hai, phir us point par aaenge to phir bhi chadhta hi jaaega । baba bachchon ko samjhaani bahut achhi dete hain, parantu paartadhaariyon ka part to noondha hua hai । to bechaare jitni kalpa pahle koshish ki hai itni koshish karte hain । peechhe koi ki practice achhi hoti hai, kinki kam hoti hai, kinki kam hoti hai kyonki yeh bhi samajh ki baat hai, school hai, to zaroor yaad kiski kam, kiski usse kam, kiski usse jaasti ho sakti hai na । abhi bhi purushaartha karte ho, nahin jutti hai, yeh bhi kalpa-kalpa aise hi hua hai । peechhe bhale tum kitna bhi koshish karo, parantu agar kalpa pahle tumhaari agdam-bagdam ho jaati hai, to abhi bhi agdam-bagdam hoti jaaengi । hai aakhir drama kalpa kalpa ka jo bhi । peechhe tum kitna bhi ginti karo । aprampaar tum aa karke yeh purushaartha karte ho na to aprampaar yeh purushaartha ek jaisa hi chalta rahega । jaasti yaad baba ki, vo hai shreemat । jitni kam yaad baba ki, vo hai maaya ki mat । ye ladaai chalti rehti hai । isliye is ladaai me jeet pahanne ke liye vichaar-saagar-manthan karo। tum vaastav me parvash ho aur eeshvar apne vash mein kar raha hai । maaya apne vash karti hai, eeshvar apne vash karte hain- ye khel hai । ghrina aadi ki koi baat nahin aati hai, khel hai jo baap samjhaate hain । kai gir padte hain, kyonki ye to anek baar yeh sab part bajaate hain । to unko jara bhi nahin, apan ko hota hai zaroor । kuchh na kuchh hota hai । na ho to jhat karmaateet avastha ho jaae । phir to hamko nai duniya chaahiye । yahaan ham ek second me nahin rah saken, parantu nahin, yeh drama bana hua hai, kyonki karmaateet avastha tak aa jaate hain to phir tumhaare liye nai duniya chaahiye kyonki time to milta hai na abhi shaam hai, raat hai, baithkar kya karenge? baith jaao, baba ko yaad karo, jaanch karo- buddhi kahaan jaati hai, kahaan hamko koi anguli lagaati hai । jaise jab yuddha karte hain to bada khabardaar rehte hain । mallayuddha karte hain, badi khabardaari rakhte hain । yahaan to nahin lagaate hain, yahaan to nahin lagaate hain… .vo pair aise-aise karte rahenge । apan ko aise hataate rahenge । koi ne mallayuddha nahin dekhi hogi, koi ne boxing nahin dekhi hogi, koi ne kushti nahin dekhi hogi, koi ne kabaddi-kabaddi aadi… kitna ustaadi se bhaagte rehte hain । haar-jeet ka khel hai na । sikeeldhe roohaani bachchon prati roohaani baap va daada ka dil va jaan, sik va prem se yaadapyaar aur good night । meethe-meethe roohaani bachchon prati roohaani baap ki namaste ।