Sakar murli du mardi 14 janvier 1964

> >

14-01-1964 madhuban aaboopraatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aajmangalvaar January ki chaudah taareekh hai praatah class mein baapdaada ki murli sunte hain।

paavan duniya kaha jaata hai satayug ko, nai duniya ko aur patit duniya kaha jaata hai puraani duniya ko, kalhayug ko । abhi kahaan baithe ho? kalhayug ke ant mein baithe ho; kyonki jisko pukaara hai baba, aa karke ham sabko paavan banaao । hamko kisko? aham aatma ko; kyonki aatma ko hi pavitra banna hai । jab aatma pavitra ban jaaegi to shareer bhi pavitra milega । aatma patit hai to shareer bhi patit milega । ye jo paanch mitti ka putla banta hai na, parantu aatma to avinaashi hai । vo aatma khud in organs jo mouth hai, unse kehti hai । pukaarti hai ki ham patit ban gae hain, aa karke paavan banaao । baap paavan banaate hain, paanch vikaar roopi raavan patit banaate hain । paavan satayug ko kaha jaata hai, patit kalhayug ko kaha jaata hai । abhi kalhayug hai na bachche । abhi tumko smriti dilaai ki tum paavan the. phir aise-aise neeche utarte, 84 janma le karke, tum bahut janma ke ant ke janma ke bhi ant mein aa pade ho । abhi 84 janma poora hua hai । ye jo manushya srishti ka jhaad hai, jiska abhi baap kehte hain, main beejroop hoon kyonki main oopar mein rehta hoon na । to mujhe aise bulaate hain- he parampita paramatma! angreji mein bhi kehte hain- O god father! liberate me । abhi aise nahin kehte hain । harek apne liye hi maangate hain- liberate me and guide me । mujhe chhudaao bhi aur mera panda ban karke ghar mein le jaao, shantidham le jaao । yahaan jo bhi sanyaasi vagairah aate hain… vo kehte hain sthaayi shanti kaise mile? abhi shanti to mool vatan mein hi hoti hai, jahaan hamaara nivaas hai, jahaan se ham part bajaane aate hain । vahaan shareer to nahin hota hai na । vahaan nange rehte hain arthaat shareer nahin hota hai । nangi hone ka matlab aise nahin ki kapda(chola) nahin pahante hain ।… (baba) kehte hain bachchon ko, jab tum apne ghar shantidham ya niraakaar duniya mein rehte ho, vo bhi duniya hai na, aatmaon ki duniya । ye meethe-meethe sikeeldhe bachche jo aae hain inko ye seedhi par samjhaao ki kaise ham seedhi se utarte hain । hamko 84 janma lag gae hain । abhi sabko 84 janma nahin milte hain । yeh hai maximum behad 84 janma । phir koi ek janma bhi lete hain । hamesha one tu eti four; kyonki aatma aati hi rehti hai । abhi baap kehte hain main aaya hoon tum bachchon ko paavan banaane; kyoki inko kya kehte hain? sabhi chitthi kya likhte hain? shivbaaba care oph brahma baba । donon baba । shivbaaba hai sabhi aatmaon ka baba aur phir brahma ko kaha jaata hai aadidev, Adam, daada । to dekho, ye daada mein baap aate hain । mukh chaahiye । baap kehte hain ki tumne jab mujhe bulaaya ki he patit paavan baba! kisne bulaaya? aatma ne bulaaya na । aatma ne in shareer se bulaaya, mukh se bulaaya । aatma to ismen sabhi kuchh karti hai na । shareer to paanch tatvon ka bana hua ek pinda hai । vo to mitti ho jaata hai । aatma to mitti nahin hoti hai na । to baba ko aatmaon ne bulaaya jeev aatmaon ne bulaaya hai; kyonki is samay mein duhkh hai, kalhayug hai । akaale mrityu bhi ho jaati hai । kaal jab chaahiye tab drama ke plan anusaar apna kaarya karta hai । yeh hai drama । chhote bhi mar padte hamm । woh satayug mein kisko akaale mrityu bilkul hoti nahin hai । yahaan to koi bhi baithe-baithe hi gir gaya, kya hua heart fail hua, mar gaya । vahaan aise koi beemaari nahin hoti hai । uska naam hi dekho kitna achha hai, kahne se hi khushi aati hai- svarga, heaven bahishta । ye angrej log paradise kehte hai, kyonki bhaashaaen alag-alag hain na । to yahaan bhaarat mein jisko svarga kehte hain usko Christian log paradise kehte hain । abhi unko ye bhi maaloom hai ki is Christian dharma ke 3000 varsha pahle paradise tha aur jo yahaan vaale hain unko yeh bhi maaloom nahin । kyon? jab bhaarat tamopradhaan hai bilkul hi; kyonki sukh bahut dekha hai na to duhkh bhi bahut dekhne ka hai । janma bhi poora lete hain bhaaratvaasi । aur koi bhi khanda mein koi bhi dharma vaale 84 janma nahin le sakte hain; kyonki jab aadha kalpa poora hota hai, is duniya ki jab aadha hoti hai, uske baad hi to pahle-pahle islaam aate hain, phir bauddha aate hain, phir Christ aate hain । yeh tum bhi abhi jaante ho ki barobar jab devi-devtaaen the tab aur koi nahin the । chandravanshi raamraajya bhi nahin tha । peechhe raamraajya aaya to koi islaami ya bauddhi aadi nahin tha । dekho, buddhi se kaam lena hota hai na । manushyon ko yeh maaloom nahin hai । ye baap samjhaate hain bachchon ko, kyonki manushya to ghor andhiyaare mein hain । yoon kah dete hain ki ye jo duniya ki aayu hai puraani aur nai hoti hai na-satayug aur kalhayug । to dekho, vo nai duniya ko satayug aur puraani duniya ko kalhayug kaha jaata hai । abhi to kalhayug hai । satayug ko kitna varsha hua? to ye jo shaastra hain, jinse ye saadhu-sant padh karke sunaate hain, vo bolte hain laakhon varsha hua । kalpa ki aayu laakhon varsha rehti hai । ek do laakh nahin, laakhon varsha; kyonki kalhayug ki aayu hi 40 hajaar varsha kehte hain । to kehte hain abhi kalhayug bachcha hai । chhota hai । yahaan kalhayug ki aayu aakar poori hui hai, jo tum aae ho phir se behad ke baap se svarga ka varsa lene; kyonki behad ka baap svarga ka varsa dete hain । 5000 varsha hua, to tum sabhi svarga ke vaasi the; kyonki baap jab aate hain to svarga hi sthaapan karte hain । baaki sabhi jo aate hain vo kahaan? sab shantidham mein rehte hain । usko kaha jaata hai sweet silence hom । us ghar mein baaki aatmaaen ekdam shant mein nivaas karti hain; kyonki shareer bigar koi kuchh bol nahin sakte hain । baaki itna zaroor hai ki jo bhi aatmaaen jahaan bhi rehti hain vo sabhi aatmaaen paartadhaari hain । us samay un logon ka part nahin hai । sab aatmaon ko part mila hua hai, par shareer nahin hone ke kaaran bol nahin sakti hain । aatma shant rehti hai । usko kaha hi jaata hai shantidham । usko mool vatan bhi kaha jaata hai । aatmaon ka vatan । ye kaun baith karke samjhaate hain? ye koi shaastron mein nahin hai । …bhale hai vo hi geeta; parantu vo jo shaastra hai, vo to manushyon ne banaae hain na । baap abhi sunaate hain aur vinaash ho jaata hai । vinaash ho jaaega to sab jalkar bhasma ho jaaega । koi shaastra vagairah kuchh bhi nahin rehta hai; kyonki satayug mein in shaastron ki darkaar nahin hai । satayug mein koi bhi bhakti nahin karte hain, isliye shaastron ki darkaar nahin hai । devta hi nahin hote hain, vo khud hi devta ban jaate hain । devtaaen to bhakti nahin karte hain na । peechhe devtaaon ki bhakti karte hain manushya । vo hai aadhaakalpa devtaaon ki duniya yeh hai manushyon ki duniya । yeh munashyon ki duniya kyon kahi jaati hai, kyonki yeh hai raavan ki duniya aur vo hai raam ki duniya । to aadhaakalpa mein hain devi-devta । sooryavanshi aur chandravanshiyon ko devi-devta kaha jaata hai । abhi jo bhi manushya hain dvaapar aur kalhayugi unko manushya kaha jaata hai । unko devta, inko manushya । to dekho, manushyon(devtaaon) ka bhi raajya tha, jisko sooryavanshi aur chandravanshi raajdhaani ya dynasty kaha jaata tha । abhi vo to nahin hai na । abhi kahaan gae yeh kisko maaloom nahin hai । dekho, inke liye koi bhi poochhenge ye lakshmi aur naaraayan kahaan se aae? kahaan gae? yahaan the na, yahaan unka raajya tha, usko svarga kaha jaata hai । ye svarga ke raajaae the, peechhe raamchandra treta ke raajaaai the । jaise vo angrej log bolte hain na- Edward the first, the second, the third… … inki bhi aise hi dynasty thi- lakshmi naaraayan the first, the second, the third, aath tak । peechhe aata hai raam-seeta ka raajya । unki 12 tak dynasty chalti hai । isko knowledge kaha jaata hai । manushya mein nahin hoti hai । yeh baap mein hoti hai, jab manushyon ko dete hain to manushya devta ban jaate hain । tum yahaan aate ho kya banne ke liye? maanush te devta banne ke liye । devtaaen to bahut pavitra hote hain । vo koi gand khaate honge? sharaab peete honge? beedi peete honge? krishna ko kabhi bhog lagaate ho aise? bilkul nahin । kyon? vo hain devtaaen ye hain manushya । vo paavan, ye patit । jo kuchh…aate hain, vo. .devtaaon ko kabhi bhi nahin khilaaenge । kaayda nahin hai, kyonki vo to vaishnav yaani vishnu ki dynasty hai । vishnu kaha jaata hai lakshmi aur naaraayan combined ko । baba ne samjhaaya hai na- yeh hai drama । sat-treta mein hote hain devtaaen । abhi yaad karna pade na । to kaun the devtaaen? tum the devtaaen kyonki tumko maaloom hona chaahiye ki ham 84 janma kaise lete hain aur 84 janma hamko kaun bataate hain? baap bataate hain । he bachchon, vo kisse baat karta hai? aatmaon se baat karte hain । vo shareer ke oopar najar nahin karte hain; kyonki vo jaante hain ki shareer to sabhi mitti mein mil jaaenge । aatma thode hi mitti mein milti hai । sunti hai aatma, shareer thode hi sunta hai । aatma in shareer yaani organs dvaara sunti hai । abhi yeh samajhte ho na barobar aatma saskaar le jaati hai । ye saadhu-sant log jo shaastra padhte hain vo hain bhakti ke shaastra । gyaan ka shaastra hota hi nahin hai । gyaan hota hi hai satayug aur treta mein । dvaapar aur kalhayug mein bhakti hai । baap ne samjhaaya hai na- aadhaakalpa bhakti, aadhaakalpa gyaan । gyaan sukh, bhakti duhkh । gyaan satayug aur treta ko sukhdhaam kaha jaata hai । peechhe dvaapar aur kalhayug ko duhkhadhaam kaha jaata hai । buddhi se ye vichaar karo ki barobar satayug yaani sooryavanshi aur chandravanshi raamraajya, in donon mein raavan hota nahin hai, jo duhkhi banaate hain, vikaar mein le jaate hain । to vahaan sukh aur phir jab vikaar mein jaate hain phir aahiste-aahiste duhkh shuru hota jaata hai; kyonki us samay mein to pahle-pahle rajogun ki bhi aadi hai, to itna duhkh nahin hai । paise bahut hain; kyonki baap samjhaate hain ki jab satayug-treta poora hota hai to dvaapar mein tumhaare paas athaah dhan rehta hai । us samay mein koi mohammad gajanvi nahin aae the jo loot kare ya kuchh bhi kare । aisi koi baat nahin । ye baap baith karke samjhaate jab tum bhaktimaarga mein gae, peechhe pooja shuru hui, raavan ka raajya shuru hua । peechhe tum pujaari banne ke kaaran mandir banaane lage । abhi dhan tum logon ke paas bahut, dher tha । pahle-pahle naami-graami hai ujjain ki taraph me somnaath ka mandir । ye somnaath ke mandir mein bahut milkiyat thi । saara mandir sone ka, usmein bade-bade heere aur javaahar lage hue the । us mandir ki kabhi koi keemat nahin laga sakte hain । dekho, tum jaante ho ki barobar jab mohammad gajanvi aaya lootne ke liye, ye jo gop hain unhonne history-geography to padhi hogi । inmen bhi koi ooncha padha hoga unhone jaana hoga mohammad gajanvi aaya tha, phir aakar ke oont bhar karke sone-javaahron ke vo aphgaanistaan ki taraph le gaya । to kitne mandir loote honge, yeh to history me likha hai ki ek ye somnaath ka mandir, mukhya mandir parantu mandir jab raajaaen banaate hain to sab banaate hain, kyonki unko pooja karni hoti hai na । to pahle-pahle pooja shiv ki hoti hai । yeh somnaath bhi shiv ka mandir hai । naam somnaath diya hai । somnaath ka arth hi hai- somras pilaane vaala arthaat gyaan sunaane vaala । to barobar abhi shivbaaba tumko gyaan suna rahe hain na । shaastron me gyaan nahin hota hai, unmein bhakti hoti hai । bhakti ki aise hi atal-patal baaten sab baith karke likhi hui hain । usko phir baap baith karke samjhaate hain ki shuruaat mein hi jo ye shaastra hain sarvashaastramai shiromni geeta, vo hi jin manushyon ne banaai hai na। devtaaon ke paas shaastra nahin the, na banaate the । manushyon ne ye sabhi shaastra banaae hain । raavan ke raajya me jhooth ka raajya ho gaya, kyonki bhaarat pahle sachkhanda tha । sachkhanda to sachche baba ne sthaapan kiya । sach to truth baap ko kaha jaata hai । to baap vo truth aakar bataate hain ki mujhe truth kehte hain । main is bhaarat ko, jo abhi jhoothkhanda hai, jhoothi maaya jhoothi kaaya, jhootha sab sansaar, unko sachkhanda banaata hoon । tumko sikhlaata hoon tum sachche devtaaen kaise bante ho । dekho, yahaan aate hain sabhi । yahaan to saikdo aate hain na । abhi season nahin hai, to thandi ke kaaran thode aate hain । nahin to yeh hall poora nahin hota hai na, isliye to makaan pichhaadi makaan bante hi rehte hain .bante hi rahenge । bahut banenge । …jaise pahle chhota makaan tha । abhi kitne makaan bante jaate hain । phir maadiyaan banaate hain । phir jo-jo bhi makaan milte hain khareed karne lag padte hain । abhi kaun khareed karte hain? shivbaaba brahma ke dvaara । brahma ho gaya saanvara kyonki yeh inka bahut janma ke ant ka janma hai । iske baad phir gora banega । abhi sovra hai । tum bhi sabhi gore the, abhi saanvare ban gae । abhi yahaan aae ho gore banne । dekho, krishna ka chitra bhi hai na । museum mein to sab bade-bade chitra banaate hain । yahaan baba museum nahin banaate hain, kyonki yahaan to sab andar ghus aaven । to yahaan kaayda nahin hai । isko kaha jaata hai tower oph silence shanti ka, kyoki tum bachche jaante ho ki ham ghar jaate hain shantidham mein । ham rahne vaale bhi sab shantidham ke hain । jahaan se aate ho, jaho sirf aatmaaen rehti hain, usko kaha jaata hai shantidham । usko tower oph silence bhi kaha jaata hai । vahaan manushya ko shareer to hai nahin । peechhe yahaan aa karke shareer le karke part bajaate hain । to jab nae aate hain nai duniya mein to vahaan sukh hi sukh hota hai, shanti hi shanti hoti hai । to bachchon ko pahle-pahle yeh nishchay hona chaahiye ye koi saadhu sant mahaatma nahin padhaate hain । ham inko to chhotepan se jaante hain । ye sindh ka rahne vaala, unke baapdaada vagairah ko jaante hain, parantu isme phir jo gyaan ka saagar pravesh karke bolte hai, usko to koi bhi nahin jaante hain । pukaarte hain O god father। parantu god father ka roop kya hai, desh kya hai, kaal kya hai? shaastron mein likh diya hai ki uska naam roop desh kaal nahin hai । vo niraakaar hai arthaat kuchh nahin hai । usko koi bhi aakaar nahin hai, isliye kuchh nahin hai । kuchh nahin hai to phir kya hai? phir kah dete hain sarvavyaapi hai । are, paramatma kahaan hai? to kahenge ghat-ghat mein hai । vo ghat-ghat ke vaasi hain yaani sabke andar hai । vo andar kahaan baithe hain ? har ek ke ghat-ghat mein to aatma baithi hui hai । paramatma to ghat-ghat mein hai nahin । sab bhaai-bhaai hain । ghat-ghat mein paramatma kahaan se aaya? aise thode hi hai ki har ek manushya mein paramatma bhi hai, to aatma bhi hai । sirf ek shareer mein vo paramatma bhi hai, aatma bhi hai । jabki baap paramatma ko bulaate hain ki baba aa karke hamko patit se paavan banaao । baap khud kehte hain na ki bachchon, mujhe tum bulaate ho yahaan dhandha dene ke liye? yahaan seva karaane ke liye ki ham chhi-chhi moot paleeti ban gae hain, hamko aa karke shuddh banaao, isliye bulaate ho? mujhe bulaate kahaan ho? chhi-chhi duniyaan mein । patit duniya mein hamko nimantran dete ho । paavan duniya mein aise baap ko bulaate hi nahin ho । bolte hain ham patit hain, hamko …chaahiye paavan banaane ke liye baba । baba paavan duniya to dekhte hi nahin hain । baba patit duniya hi dekhte hain । tumhaari seva karne aate hain । moot-paleeti ho na, sabhi vikaari ho na । to aate hain । ham bulaate hain । bolte hai- abhi vikaari yaani raavan ka raajya khatma hota hai । ye sab vinaash ho jaaega । baaki kya jaakar bachega? bhaarat ka jo raajayog seekhte hain, vo bachenge । ye raajayog hai । raajaao ka raaja banne vaale ho । kalpa-kalpa har 5000 varsha tumko yeh padhaai padhaai jaati hai innumerable times anginat baar । ye band hone ki hi nahin hai । phir 5000 varsha ke baad phir tum dher aate ho …laakho-karodon aaenge, kyonki satayug aur treta ki raajdhaani sthaapan ho rahi hai । pahle braahman kul hota hai । dekho, tum sabhi brahmaakumaar ho na । prajaapita brahma ko gaaya jaata hai na brahma, jisko Adam kehte hain, aadidev kehte hain । unko maaloom nahin hai ki aadidev kya karte hain? …abhi prajaapita brahma ke itne karod braahman honge, kyonki unko hi devta aur kshatriy banna hai, satayug-treta ki raajaai leni hai । to yahaan itne sabhi banne vaale hain aur dher hain । is samay mein bhi laakhon hai, kyoki bhale jo aa karke sunkar bhi phir chale jaate hain, maaya vash ho jaate hain, punya aatma bante-bante phir paapaatma ban jaate hain । baba samjhaate hain na murli mein । murli padhte ho? ki maaya badi jabardasta hai । maaya sabko paapaatma bana deti hai । sab paapaatma hain । is samay mein koi bhi punya aatma nahin, koi bhi pavitra aatma nahin hai । pavitra aatmaaen devi-devta the । to duniya mein jab sab patit aatmaaen ban jaati hain, phir unko paavan kaun banaave? to baap ko bulaate hain । baap ek hi baar purushottam sangamayug par aate hai । isko purushottam kaha jaata hai । tum apne ko purushottam kahenge? nahin । tum to devtaaon ke oopar mattha tekte ho , kyoki uttam nahin ho, madhyam bhi nahin, kanishtha ho । paanch vikaaron se bhare hue… । aise yahaan bhi to hai na । bahut raaja-rajvaada bhi hai aur phir vajeer bhi hain, saahookaar bhi hain, gareeb bhi hain । phir dekho, kachre mein baithne vaale bhi hain । aise hain na, parantu yeh hai duhkhadhaam aur vo hai sukhdhaam । vahaan sukh hi sukh hai, akaale koi marta nahin hai aur yahaan duhkh hi duhkh hai, koi bhi vakta mar sakte hain, pet me bhi mar sakte hain, baahar nikalne se mar sakte hain । isliye iska naam hi rakha hua hai 'mrityulok' aur satayug ko kaha jaata hai 'amarlok' । chakra phirta hai na- satayug tha, abhi kalhayug hai । amarlok tha, jisko svarga kaha jaata tha, abhi narka kaha jaata hai, phir abhi svarga ban raha hai । svarga ka banaane vaala to baap hi thahra । nai duniya ko banaane vaala baap hai । to dekho, yahaan kaun padhaate hain? baap । usko hi angreji mein knowledgeful kaha jaata hai, kyonki chaitanya beejroop hai na । to jo chaitanya beejroop hai vo chaitanya hai na । unko gyaan ka saagar bhi kaha jaata hai । kaun sa gyaan hai unmein? vo aise nahin hai ki jaise manushya samajhte hain ki sabke andar ki jaante hain, antaryaami hain । nahin, antaryaami nahin hain । manushya yeh baat jhooth bolte hain, baaki gyaan ka saagar theek hai । gyaan ka saagar kyon hai? kyonki beej hai, chaitanya hai na । vo is srishti ke aadi madhya ant ko jaante hain, isliye usko gyaan ka saagar kaha jaata hai । gyaan mil raha hai tum bachchon ko । abhi dekho baap aae hain 21 janma sada sukhi rahne ke liye ekdam shuru se । abhi aaenge, ye bhi aaengi । aise nahin samjho ki yeh svarga mein nahin aaengi, parantu svarga mein kab aaengi 7 jab yeh svarga bhi past ho jaaega । treta bhi past ho jaaega । jab pichhaadi hogi tab vo aaengi ।. vo krishna ko dekhenge, krishna ki baadshaahi dekhenge, vo to dekhenge bhi nahin । islaami, bauddhi Christian krishna ka paradise dekhte hain kya? bilkul nahin dekhte hai । manushya banna hai agar to svarga ka maalik bankar dikhlaana hai । banaane vaala hai । abhi chance milti hai to banna chaahiye, kyonki marna to hai hi । abhi to ladaaiyaan shuru ho jaaengi । ye baap ne samjhaaya hai na ki aitomik bombs tabhi chalaaenge jabki ham sab bachche karmaateet avastha mein laayak ban jaaenge svarga mein baadshaahi karne, tab talak thoda na thoda karte rahenge । pichhaadi mein ye chala, khel khatam । tab talak ye banaate rehte hain । aise banaate rehte hain, jo bolte hain ki ham ek to duniya ko bhi uda deven । unakri preet baap se nahin hai । tumhaari preet baap se hai । abhi jitni preet itna oonch pad, kyonki gaaya hua hai na vinaash kaale vipreet buddhi vinashyanti, vinaashkaale preet buddhi vijayanti । vaijayanti maala bhi to bahut badi hai na । tumhaare paap sab kat jaaenge । knowledge to sunenge hi zaroor, kyonki baba to sachchi knowledge hi sunaaenge । vahaan kaal nahin hota hai । kaal ko alaau nahin hai । yeh sabhi shaastron mein likha hua hai ki svarga mein kaal nahin hota hai । achha, meethe-meethe sikeeldhe 5000 varsha ke baad phir se aa karke mile hue,…milenge hi vo jo pahle-pahle aae hain । unko phir pahle hi jaana hai vaapas, to unko hi pahle padhna hai aur jaasti padh karke hoshiyaar hona hai । jo bahut hoshiyaar hote hain, phir auron ko bhi hoshiyaar karte hain । dekhte ho na museum mein gai thi, dekho kitne khade the ye sabhi braahman jo phir devta banne vaale hain । jitna buddhiyog baap se lagaaenge utna punya aatma bante jaaenge । to vo roohaani pita । donon ka yaadapyaar aur good morning । phir baap kehte hain ki roohaani bachchon! namaste । kyon? tum bachche mere se bhi bade bante ho, svarga ke maalik bante ho ।