Sakar murli du jeudi 13 février 1964

> >

13-02-1964 madhuban aaboopraatah murli saakaar baba om shanti madhuban

helo, good morning। ham madhuban se bol rahe hain। aaj guruvaar February ki terah taareekh hai, praatah class mein baapdaada ki murli sunte hain।

record :-

laut gaya gam ka jamaana…

om shanti! …

jabki raavan ka raajya hai, jis raavan ke raajya ko ye manushya maatra nahin jaante hain । raavan ka raajya kisko kaha jaata hai, raam ka raajya kisko kaha jaata hai, manushya mein itni bhi buddhi na rahi hai jaanne ki । sirf baap hi aa karke samjhaate hain । kinko samjhaate hain? bachchon ko, jinko abhi samajh padti hai ki gam kab hota hai aur khushi kab hoti hai । usko bhi kaha jaata hai asthaai । is raavan raajya mein gam bhi hai khushi bhi hai । abhi-abhi dekho khushi hogi, abhi-abhi dekho gam hoga । abhi-abhi kisko bachcha paida hua, abhi-abhi vo mar gaya । to dekho, wahin ki vaheen khushi, vaheen ka vaheen gam । ye duniya alpakaal kshanbhangur hai । sanyaasi log bhi aise hi kehte hain ki sukh yahaan ka kaagvishta samaan hai । to zaroor kahenge ki ye duniya gam ki hai; kyonki vo khud bhi to aise samjhaate hain na । unko maaloom to hai nahin ki sada sukh, gam ka naam-nishaan bhi nahin, vo to hota hi hai raamraajya kaho ya satayug kaho ya vaikuntha mein kaho । so to tum bachchon ko hi abhi maaloom hua hai ki barobar yeh raat hai aur barobar raat duhkh ki hi hoti hai; kyonki isko kaha jaata hai raavan ki raat । raavan jab aate hain to raat shuru ho jaati hai, bhakti shuru ho jaati hai, vikaar shuru ho jaate hain । abhi tum bachchon ko to ye maaloom hai ki ham sada sukh mein rahne, sada khushi mein rahne ke liye purushaartha kar rahe hain । bachche ye bhi jaante hain baap aaya hi hai isliye samjhaane ke liye ki bachche, bhavishya ke liye tum prayatna karo, purushaartha karo, kyonki ab baap raaj to bahut sahaj bataate hain aur to baba kuchh nahin kehte hain । aur to baba mein koi aashaayen nahin rakhni hain inmen baap mein ya teacher mein । bachchon ko maaloom nahin hai ki behad ke baap se kya milta hai । baap aa karke bataate hain । duniya nahin jaanti hai ki eeshvar se bhi kuchh milta hai । vo samajhte hain ki eeshvar se sukh bhi milta hai, duhkh bhi milta hai । eeshvar sukh bhi dete hain, duhkh bhi dete hain; parantu abhi bachche yeh samajh gae hain ki eeshvar to sada ke liye sukh dete hain aur kehte bhi hain bachchon ko ki bachche, sukh ke liye shreemat par prayatna karo; kyonki main aaya hi hua hoon bachchon ko raasta bataane । kahaan ka? mool vatan ka aur vishnupuri ka ya sukhdhaam ka aur us raaste par bachchon ko chalna hai । aur bachchon ko apne grihastha vyavhaar mein kya jhanjhat aate hain । vo to jhanjhat hai hi hai sabhi bachchon ko । in jhanjhaton mein to sabhi manushya hain, gareeb bhi hain to saahookaar bhi hain । baap kehte hain main to seedha-soodha raasta bataane aaya hua hoon, jo chaaho to muktidhaam ka raasta le lo, so bhi bahut sahaj bataata hoon । baaki tumhaare paas jo vipdaaen aati rehti hain, beemaar padte ho, duhkhi hote ho, divaale nikaalte ho, to ye to hai sabhi tumhaara apna past ka karma । vo karma ka hisaab-kitaab to bachchon ko bhogna hi hai । baap kehte hain inse mera koi taalluk nahin hai । ye to tumhaare paap kie hue hain ya is samay mein bhi koi aise paap karte ho, isliye tumko duhkh bhogna padta hai । abhi baap kehte hain main to aaya hoon in bachchon ko samjhaane ke liye ki bachche, abhi baap ko yaad karo; kyonki vaapas jaana hai । bas । abhi aur to kuchh nahin kehte hain । jab ghar mein ja karke jhagadte ho, kuchh karte ho, ye tumhaare karma thahre । baap kehte hain ki nahin, hamne jhagadne karne mein bahut aayu ganvaai, janma-janmaantar ganvaae hain । ab to baap bilkul hi seedha, bhola-bhaala; dekho, kaha bhi jaata hai baap bholaanaath । bachchon ko raasta bahut sahaj bataate hain ki bachche, ek to mujhe yaad karo । koi bhi prakaar se mujhe yaad karo aur… .bhi karo; kyonki baap jaante hain ki striyon ka purushon me, purushon ka striyon mein moh bhi to bahut rehta hai na । ye sambandh bhi to hai na । to in sambandho se chhutkaara paana yeh bachchon ka kaam hai । baap sirf raasta bataate hain ki bachche । agar tumko mere se varsa lena hai to ek to tumko pavitra banna hai । vo raasta bata dete hain ki kaise pavitra banna hai । yog mein rehna hai aur vikaar mein nahin jaana hai । abhi agar tumhaare se koi ladaai hoti hai, to ye to tumhaare karma ka hisaab-kitaab hai, to tumhaare se ladte rahenge । baaki tum pavitra raho, iske liye kabhi bhi koi government bhi tumko kuchh nahin kah sakti hai । bachchiyaan kehti hain, likhti hain ham maar khaati hain, vo ghar ka bandhan hai । vo to baap samjhaate rehte hain koi janaavar to nahin ho jo koi ne tumko rassi se bodha hua hai । ismen to bahut bahaaduri chaahiye । bilkul hi bahaaduri chaahiye । so bhi baap samjhaate rehte hain ki bachche jaao, koi bhi takleeph ho tumko koi takleeph deta hai, to government ke ophisron ko pakdo । ye tum logon ka kaam hai । baap to raasta bataate hain । baaki vo bandhan se chhooto ye tum bachchon ka kaam hai । tumko koi bhi haalat mein grihastha-vyavhaar mein pavitra rehna hai aur yog mein rehna hai । baap ki yaad mein rehna hai, pavitra rehna hai । abhi pavitrata ka question hi bhaari hota hai, jiske liye manushya kehte hain yeh to bada mushkil hai; kyonki yeh shiksha aur koi ne di nahin hai na । sanyaasi to yeh shiksha nahin dete hain ki grihastha-vyavhaar mein rahkar ke kamal-phool ke samaan raho । bhale koi brahamchaari rehte hon । dekho, kitne sanyaasi baahar mein rehte hain, parantu nahin, ye to kaayda hi hai grihastha-vyavhaar mein rehte hue । to dekho, bachchon ko bhi kehte hain, bachchiyon ko bhi kehte hain tum vahaan apne grihastha vyavhaar mein rahkar ke kamal-phool ke samaan pavitra raho । aise kanyaaon ko nahin kahenge । vo to grihastha-vyavhaar mein hain nahin । vo to grihasthi bani hi nahin hain । unke liye to bilkul hi sahaj hai ki tum grihastha-vyavhaar mein na ja karke, pavitra hi raho, jaise pavitra ho । abhi tumko koi aisa hai nahin ki pavitra raho aur koi tumko phaansi chadhaae । aise nahin tumko apvitra zaroor banna hai । yeh bhi koi kaayda nahin hai । ismen to badi himmat chaahiye । kanyaaon ka jhunda hona chaahiye । dekho, aajkal esosiyeshansa bahut banti hain । bahut hi committee banti hain । bahut hi kya-kya banti hain । baap to raay denge ki gai, kanyaaen hain, jisko pavitra rehna hai aapas mein sangathan karo aur government ko chitthi likho ki ham pavitra rehna chaahti hain; parantu sachche dil par to saahab raaji hoga na । agar un logon ko tum sachchi dil par likhengi to phir unki buddhi mein bhi aaega । buddhi ka taala unka dheela karega ki bhai ye sach par rehti hain । inki dil pavitra rahne ki achhi hai aur ye chitthi bhi likh sakti hain ki ham bhaarat ko pavitra banaane, svarga banaane, paavan banaane ke liye pavitra rehna chaahti hain । ismen bhaarat ka hi kalyaan hai; kyonki ham pavitra rahengi to pavitrata ka varsa hamko mil jaaega । jo na pavitra rahenge unko varsa nahin milega । ye hai varsa lene ke liye, jo karega so paaega । vo log bhale kuchh bhi samjhen ki kya iske pavitra rahne se koi duniya pavitra ho jaaegi? nahin, parantu agar unko samjhaaya jaae ki kyon? satayug mein to duniya pavitra thi । vo jo phir sangamayug mein pavitra bane vahi pavitra duniya ka maalik bane, phir saari duniya thode hi pavitra bani । saari duniyaan ka pavitra banne ka to question hi nahin uthta hai । … .vo to automatically ban hi jaaegi; kyonki vinaash ke baad sabhi aatmaaen apna hisaab-kitaab chuktu kar vaapas chali jaaengi । gaate bhi hain ki yeh kayaamat ka samay hai । har ek ko apna hisaab-kitaab chuktu kar pavitra ho vaapas jaana hai । to baap aa karke ye sabhi baaten samjhaate hain ki yeh to hai zaroor ki saari duniya bhi pavitra banegi; parantu aa karke koi varsa nahin lenge, gyaan nahin lenge । jo aakar gyaan lenge aur sahaj raajayog seekhenge vo hi varsa paaenge । baaki to zaroor jaante hain ki barobar jinhonne baap se raajayog seekha vo hi satayug mein honge । saari duniya seekh bhi nahin sakti hai । are, saara bhaarat bhi nahin seekh sakta hai । jo aate hain, sunte hain, unko baap do akshar hi saaph kehte hain ki grihastha-vyavhaar mein rah karke kamal-phool samaan pavitra rehna hai । peechhe purush rahe ya stri rahe, unmein aapas mein jhagda lage, baap kehte hain main kya kar sakta hoon । vo jhagda tum bachchon ko mitaana hai । agar female kehti hai main pavitra rahoongi to unko pavitra rahne do । kya karega, maar-maar ke bhi kitna maarega। aise maar to bahut khaani hai na । baap ko ghadi-ghadi likhna ki ham bandhan mein hain, hamko maarte hain । bandhan mein hain hi vo jinka mamatva hai ya pati mein ya bachchon mein ya ghar mein ya vo taakat nahin hai । nahin to baap sab baat achhi tarah se samjhaate hain, kyonki chitthiyon mein pukaare to bahut aai hain । raat ko tumne chitthi suni na ki vo baandheli hai na, ro-rokar mama ko bhi ghaayal kar diya । abhi unke rone se kya ho sakta hai? baap to kehte hain ki bachche ghar mein rehte ho, raasta to bataate hain, pati ko kaho ham pavitra rehna chaahti hain aur ham tumhaare paas rah sakti hain, bhale … …tum bhale aur stri rakh lo jo tumhaara; to kya hoga । yeh bhi yukti hai na । agar doosri stri aa jaae aur unse mil jaae to bolegi abhi ham kya karengi! phir unko to chhoot hai na । peechhe vo apne…class mein ja sakti hai aur chhod bhi sakti hain । to yuktiyaan chaahiye । pahle to dil ka mamatva jaana chaahiye; kyonki maataaon ka pati mein bachchon mein pyaar bahut rehta hai …isliye hi koi mujhe chhutaave-koi mujhe chhutaaye aise kehti rehti hain । baap to raay bataaenge na, chhutaaenge kya! inmen koi radiya maarne ki to darkaar hai nahin, rone ki bhi to koi darkaar nahin, yeh to samajh ki darkaar hai । apne aapse vichaar-saagar-manthan karna hai । ham misaal dete hain na । chalo main koi bade achhe aadmi ki stri hoon । abhi mujhe lagan lagi hai । mujhe bachche bhi achhe hain, bahut first class hain, phalaana hai । achha, abhi behad ke baap ne mujhe kaha ki grihastha-vyavhaar mein pavitra raho, mujhe yaad karo । raho bhale; parantu pavitra raho । baba aise to nahin kehte hain kaam-kaaj na karo । sirf pavitrata ke oopar hai ki grihastha-vyavhaar mein rehte hue pavitra ho karke dikhlaao aur is antim janma ke liye । abhi pavitra rehna ye unke oopar hai । pati ko samjhaave ya ekdam javaab de deve parantu javaab tab deve jabki unmein moh na ho nashtomoha ho । dekho, baap bhi kehte rehte hain nashtomoha banna hai । chaahen to ek second mein ban sakte hain, chaahe to hayaati tak bhi na ban saken । samjha na । abhi dekho, chhodte hain na to bhi nashtomoha nahin hote hain । phir bhi dekho .moh ke vash me ho karke kuchh na kuchh vo yaad padta rehta hai । phir bhi chillaate rehte hain । vo avastha nahin rah sakti hai । ismen baap kya kar sakte hain? vo to kehte hain dil se nashtomoha ho jaao, ek ke sivaay, jo tumko itna svarga ka sukh dete hain aur sab baaten bhool jaao । ye karma-karma kootte rahenge ya poochhte rahenge unse to baap kya karenge? ye itne saare bachche hain, ek-ek ka baith karke kya bataaenge? sabke liye baat ek hi hai, raasta ek hi hai- pavitra rehna hai । kanyaaon ko bhi pavitra rehna hai । agar koi pavitra nahin rahne dete to phir aa karke koi na koi service mein lag jaave । kanyaaen bhi to service kar sakti hain na । asylum bhi le sakti hain, parantu sachchi dil ho । phir aisa na ho ki yahaan aa karke braahman kulbhooshan mein aur phir vahaan aankhen milaati rahen ya ladaati rahen ya koi familiarity mein chali jaaven । dekho, baba ke paas bahut bachche hain jo abhi talak, isko phaimiliyeriti ka halka nasha kaha jaata hai, bhale vikaar ka nahin .to bhi familiarity ke halke nashe ne bahuton ka khaana kharaab kar diya । unko maaloom nahin padta hai, parantu unki avastha chadhti nahin hai । vo service ke itne laayak nahin banti hain । bhale koi naami bhi hain, achhi achhi hain; parantu vo jo andarooni rog laga hua hai na, isko andar ka keeda kaha jaata hai । ek baahar ka keeda hota hai, ek andar ka keeda hota hai ।. .phaimiliyeriti mein bhi mel mein bhi hain phimel mein bhi hain । bhale ghar-baar chhoda hua hai, to bhi rehti hai । maaya hai na, chhodti nahin hai । yahaan bhi rehte hain, alag bhi rehte hain, to bhi chhodti nahin hai । dekho, sabhi likhte rehte hain na baba, toofaan bahut lagte hain । toofaan lagte hain to zaroor kahaan na kahaan toofaan ka halka nasha aa jaata hoga । ismen to adol rahne ki baat hai । bilkul laadle ho karke kamal ke phool ke samaan rehna hai । aap samaan banaana hai । vo avastha chaahiye । murjhaane ki to koi baat hi nahin rehti hai । jinko itna bada behad ka baap mila aur vo directions par chalaate rehte hain । har ek ki dava apni-apneeapni hoti hai । to kisko bhi koi bhi dava poochhni hai raay poonchhni hai, bhale kamaai ke liye bhi koi ko raay poonchhni hai; kabhi- poonchhni hain na kamaai ke liye bhi- bhai, hamaare kamaai mein bhi paap karna padta hai । so bhi to poonchhe kis prakaar ke paap hote hain? tumko kitni poonji hai? tumko paap karne ki jaroorat hai ya nahin hai, so bhi to samjhaana padta hai na । aise to nahin hai ki sabko hi paap karne bigar shareer nirvaah nahin ho sakta hai । aise bahut hote hain jinka shareer nirvaah nahin chal sakta hai agar thoda paap na kare to । samjha na । samay aisa ho gaya hai na । koi-koi aise hote hain unke paas paise bahut hain, unko koi paap karne ki darkaar nahin rehti hai, kyonki aajkal dhandhe-vyavhaar mein thagi lag hi gai hai, corruption, milaavat, jhooth, kaagjon ka jhootha banaana, phalaana yahaan bahut hota hai । to har ek ko baith karke apne liye pahle se dava poonchhni chaahiye ki mere ko ye-ye kaam karna padta hai, to raay denge- bachche, tumhaare paas dhan bahut hai, kyon karte ho? aakhir tumko kya darkaar padi hai? to ek-ek ke liye dava alag-alag hai । har ek apne-apne karmabandhan mein beemaar hai । aise nahin hai ki kuchh karma karke peechhe kehna ki baba, ye kaam mein ham phans gaya । kyon phansa? yeh to tumko baap se poochhna tha । to baba abhi tumko raay deven ki tumko kya lod lagi padi hai! dekho, bahuton ko dhan bahut hain-bahut hai । to bachche, abhi tumko kya dhan ki jaasti parvaah rakhi hui hai । tumhaare paas itna dhan hai jo tum apne bachchon ko bhi baithkar khilaao to bhi kaaphi hai, kyonki baap jaante hain na bachche jaante hain ki baaki yahaan kahaan tak rehna hai । jaasti rehna hi nahin hai to phir aamadni ke liye agar kaaphi dhan hai, to bas peechhe shant karke apne baap se varsa lena; kyonki phir dhandhe-dhori mein buddhi to jaati hai na । agar dhandhe-dhori mein na jaae to baat mat poonchho । dekho, bachche gorakh dhandhe se aakar yahaan rehte hain to yahaan bahut hi achhi avastha jam jaati hai । phir gorakh dhandhe mein jaao to zaroor kuchh na kuchh vikarma hote hi rehte hain । mansa mein aate hain aur karmana mein bhi aate hain bahut । to har ek ke liye dava apni-apni hai । to har ek ko poochh lena chaahiye, is haalat mein kya karna hai? baba poochhte rehte hai na । kadam-kadam par poochhte rehte hain, is haalat mein kya karna chaahiye? is haalat mein kya karna chaahiye? sabke liye to yeh davaai ek jaisi nahin hai na । shreemat par chalna bahut zaroori hai, usmein bhi baap kehte hain ki sadaiv meethe raho, koi se bhi jhagadna-vagadna, ladaaiyaan na hon । dekho, kitne jhagadte bhi to rehte hain na । aapas mein bahut jhagadte rehte hain । kitni takleeph hoti hai । …ghar mein to jhagda karte the, phir agar yahaan bhi aa karke jhagadte hain to aur hi unki avastha ko loda aata hai । bahut pad bhrashta ho jaate hain । bachchon ko dar nahin rehta hai । nahin to baap kehte hain bilkul meethe ho karke chalo । apne gyaanmaarga mein bilkul meetha rehna hai । nahin to kya hota hai bachche, baahar mein kuchh ulta-sulta karte hain, to badnaami bahut karte hain । bolte hain- kya । ye kehte hain ki hamko eeshvar padhaate hain, ham sachkhanda ka baadshaah bante hain, ham yahaan sach seekhte hain aur ham koi bhi paap nahin karte hain… … to goya kiske saath koi lada to paap hua na । lo, gai na aabru! baap ki aabru ganvaai । yeh to gaaya jaata hai na satguru ki ninda karaane vaala thaur nahin paaega । DOG to jaakar naaraayan ko nahin varenge ya lakshmi ko to nahin varenge । yahaan to sab GOD ka gun chaahiye । vo gun aana bada mushkil hota hai । kitna baap samjhaate bhi rehte hain bachche, ek - do mein pyaar se baatcheet karo । kuchh bhi ho to baap baitha hai na । koi ko bhi kisko kuchh bhi duhkh ho to phir dekho law yeh kehta hai na, vo government bhi bolti hai ki donta tek law in your on hand । yaani koi ne tumko gaali di to tum unko gaali nahin de sakte ho । tum report kar sakte ho, parantu vo government to in sab baaton mein jaati nahin hai । vo to badi government hai । bahut manushya hain । yahaan to baba ke bachche bahut thode hain । kahaan us government ki kitni sansthaae hain । karodon hain । baba ke bachche kitne hain? baba kehte hain tum thode ho । baar-baar samjhaate rehte hain ki bahut meethe bano । meethe na banne ke kaaran jo kadva bante hain to sabki aabru, baap ki aabru ko nahin, to kul ko hi kalank laga dete hain। eeshvareey kul mein kya aise manushya hote hain? to dekho, hai hi baap ke liye; kyonki baap ooncha hai na । satguru ki ninda karaane vaale ka akshar buddhi mein baithna chaahiye । bhale avastha harek ki apni-apni nambarvaar hai, to bhi bachchon ko to saavdhaan rehna hai na ki jabki baap aae hain padhaane ke liye, jab ham kehte hain ki ham eeshvar ke bachche hain aur phir unki shreemat par chalte hain aur vo kehte hain bachche, kisko bhi duhkh mat do, koi duhkh ki baat bhi na karo, kyonki tum ho sada saubhaagyashaali । yahaan se tumhaari shuruaat ho jaati hai sada saubhaagyashaali banne ki । to shuru mein hi agar unmein baadha padti jaaegi to phir sada saubhaagyashaali banne mein baadha padti jaaegi । tum bhi aise ban rahi ho । tum bachchon ko bahut-bahut pad milta hai, agar tum sirf shanti se subah ko baith karke baba ko yaad karo aur pad ko yaad karo । sirf raat ko uth karke 3 baje, 4 baje, 5 baje sirf baith karke yaad karen ki baba kitna achha hai । tum baba kaho, saajan kaho, jo chaahiye so kaho । shivbaaba kitne achhe ho, hamko svarga ka raajaaon ka raaja banaate ho aur ham aapki shreemat par zaroor chalenge । koi bhi aisi chalan na chalenge jisko aasuri chalan kaha jaae । aasuri chalan mein to sab kuchh aa jaata hai na । shaayad subah ko jaagte nahin hain, baith karke unse vaartaalaap nahin karte hain, neend mein aa jaate hain aur subah ko uth bhi nahin sakte hain । service par bhi nahin aa sakte hain, itni to bachche ki haalat hai । to vo achhe nahin lagte hain na । bolte hain- ye to koi GOD banne ke laayak nahin hain । inmen abhi talak DOG ke sanskaar bahut hain, koi kaam ke bachche nahin hain । to unko dekhne ki andar mein dil nahin hoti hai । maaloom to padta hai na dil par chadhne vaale bachche kaun hain । baap hote hain unko bachche hote hain to unke dil mein hota hai ki chalo yeh bachcha bada achha hai, yeh bahut bhala hai, bahut shreemat par chalne vaala hai । yeh bachcha to koi ka kaam nahin hai, yeh to laayak nahin hai, svarga mein bhi chalne ke laayak nahin hai । aise baba kah dete hain । to ye kya ho gaya? andar se unke liye shubhbhaavna nahin nikalti hai; kyonki karma unke aise hain । samajhte hain ye kya raajya lenge! vo mallayuddha hoti hai na to vahaan bhi kehte hain ki ye to dekho ghadi-ghadi haar khaate rahe । ye kya hai! are, jaao-jaao vaari jaao, aaya hai mallayuddha par 1 to baap bhi aise kehte hain are, maaya ko jeet nahin sakte hain jaao-jaao vaari jaao । jaao, jaakar paleet bano vahaan । tum kya jaano maaya par jeet pahan karke svarga ka raajya lene! ghadi-ghadi maaya thappad maarti rehti hai, tum kya raajya lenge! baap to zaroor aise samajhte rehte hain na । baap sab bachchon ke liye behad ka baap hai na to behad ki baat ki jaati hai । jab riportsa aati hain to bolte hain ki yeh kya hai? unko likh denge, jaao-jaao vaari jaao । tum kya chalenge! aae hain lakshmi-naaraayan ko varne ke liye! booti to dekho apna yaani munh to dekho apna । to chalan ekdam badi first class chaahiye । ghadi-ghadi bhoolen, ghadi-ghadi mistake, ghadi-ghadi naam badnaam karne se bachchon ko tev pad jaati hai । nahin to baap kehte hain tum bachchon jaisa takdeervaan va saubhaagyashaali is duniya bhar mein koi ho nahin sakta hai, parantu aise thode hi baap kahenge ki achha, praja mein jaate hain, yeh bhi inke liye achha hai । baap ye nahin kahenge । vo to common baat ho jaati hai । baap to kahenge jab bachche bane ho, sage bane ho to apne sagepne ki chalan dekhni hoti hai to baap dekhkar khush bhi hove, kyonki aise mat samjho ki baap sabko ek jaisa pyaar kar sakte hain । baahar se bhale karen; par andar mein unko maaloom hai ki ye hamaara badnaam karne vaala hai, inki chalan bahut gandi hai । ye kya hai, vo to dil mein aaega na । yeh to law kehta hai । eeshvar ke bhi dil mein aaega, kyonki behad ka baap hai na । koi bhi kiski chalan aisi dekhenge to kahenge ismen kya rakha hua hai । hoobhu jaise agyaan kaal ke bachche hain । ye behad ka baap hai । ye nai baat to nahin hai na । yeh to kalpa-kalpa baap kehte hain, daada bhi kehte hain, mama bhi kehti hain, tum bachche bhi kehte ho ki ham logon ne part bajaaya hai, purushaartha kiya hai । to apni-apni chalan ko apan ko har ek bachchon ko dekhna hai । mama sirf tum bachchon ko yahi kehti hai । aise bahut hi bachche hain jo vahaan bhi aashcharyavat pashyanti, sunanti kathanti traitor bananti bhaukanti bahut hote hain, kyonki manzil hai na । maaya bahut bachchon ko thappad maarti hai । jo yog mein nahin rehte hain unko thappad lagaati hi rehti hai । jo raat ko nahin jaagte hain baba to kehte hain na raat ko jaagte raho । aise nahin ki baba ko koi dhandha nahin, baba ko to sabse jaasti khayaalaat hai । to bhi raat ko ghanta dedh ghanta, are kabhi to saari raat bhi neend nahin aati hai । khayaalaat bhi rehti hai na । aise mat samjho ki raat mein nahin neend aati hai । isse is baba ko neend nahin aati hai to sirf baap ko hi yaad karte hain । are, phir aur hi phir maaya ke ye sabhi khayaalaat aate hain ki ye karna hai, vo karna hai, ye kaise ho, government ko kaise pakde? bachchiyon ko kya prabandh karke deven? kya inki esosiyeshan banaaven? ye kaise bichaari duhkh se chhoote? ye phalaani bichaari phasi hai… …saari raat ye sab chalta hi hai, kyonki baap ko nahin rahega to kisko rahega! to isliye vo bachchon ko raay bhi dete rehte hain, parantu bachche thode hain aur aksar anapdhe hain । padhe jo hote hain vo khare hote hain । vo government se bhi pahunch sakte hain । kaayde-kaanoon, yahaan-vahaan pakad lete hain । nahin to tumko maarne ka koi ko hak nahin hai । dekho, jab bachchiyon ko maarte hai, baba sunte hai to baap ko duhkh hota hai । to kyon inko maar khaani chaahiye? ye kya aisi government hai jo agar koi kanya aur maata jaave report kare to unki na madad kare?; parantu report nahin karti hain । report karti hain aur bolti hain pata nahin kuchh ho jaave, pati ko kuchh duhkh hota hai to bhi inke liye… । yahaan to bahut bahaadur chaahiye, mahaaveerni chaahiye । jaise bali chadhi jaati hai na, phat । yeh bhi aise hi hai, bas baap ka banna hai to masta ban jaana hai । peechhe to koi parvaah nahin hai । bhale saahookaar pati ho, suhena pati ho, suhene bachche hon, to bhi koi ki parvaah nahin hai । yahaan to kiska suhena pati hai aur bahut pyaar hai to vo chhod bhi nahin sakti hain, khud bhi nahin chhod sakti hai । bas chatak padti hain, kyonki barobar hain to bandar aur badriyaan ek do ko chatke pade hue hain ekdam । dekho, baap aaya hai, aa karke chhudaate hain । jaise, pati ko stri se chhudaaenge stri ko pati se chhudaaenge bachchiyon ko baap se chhudaaenge । … .chalo aao, hamaare bano, to ham tumko bandar se svarga ka maalik banaaven । dekho, kitna chhudaane ke liye prayatna karte hain bahut chhootna hi nahin chaahte hain । nahin to chhootne ke liye to koi parvaah hi nahin hai bilkul hi । chhootne ke liye koi deri thode hi lagti hai । dekho, shuruaat mein chhoote hain, to jhat chhoot gaya ekdam । jhat aa gae us samay mein । yeh bhi drama ka raaj tha jo bahut chhoot gaeen । bahut-bahut dher chhoot gai । phir kaiyon ko maaya kha gai । maaya hai to prabal na bachche, to isliye jitna-jitna jo-jo baap se baat karega, subah ko hi uthkar aadha ghanta pauna ghanta, paav ghanta se ek ghadi, aadhi ghadi, aadhi ki punah aadhi to baap ki madad zaroor milegi । din mein to gorakh dhandha rehta hai । raat ko sannaata rehta hai । sab so jaate hain । isliye isko kaha hi jaata hai brahammuhoorta yaani amritvela । yeh eeshvareey vela hai । braham eeshvar ko kaha jaata hai na । to ye eeshvareey vela hai, is samay mein sabko eeshvar ko yaad karna hai । tum dekhenge bhagat bhi subah ko 3 baje, 4 baje, 5 baje bhajan karte rahenge, yaad karte rahenge, bhakti karte rahenge । tumko phir kya hai? tumko to koi bhajan, bhakti nahin karna hai, sirf baap se meethi-meethi baaten karni hai । baba ki mahima karni hai- baba aap to kamaal kiya । hamko 21 janma ke liye sukh dete ho । baba, balihaar jaaoon aap par । to balihaar jaaenge ya sirf mukh se kehte rahenge? balihaari jaaoon maana balihaar jaana hai । ye saara bhaktimaarga mein gaate hain ki tum aao to ham balihaari jaaenge । phir mera to ek, doosra koi na hoga । yeh gaayan chala aata hai । jaise aur parva aate hain na, achhe-achhe din, kya kehte hain unko? bade din aate hain yaad karne ka । to baap kehte hain ki bachche, abhi to tumhaare hain hi bade din bahut । tumko koi duniya ke maaphik nahin manaana hai kuchh bhi । tumhaare to sabse bade din hain, kyonki jisko manaate hain vo varsha phir se bhool jaate hain । tumhaare to sammukh baithe hue hain shivbaaba । sab sammukh hi hain । har ek baat ko jaise tum jaan gae ho । ye kaun hain raamchandra? ye ham jaante hain । ye yahaan naapaas ho jaaenge । yeh naapaas hua hai । dekho, jaante ho na । barobar maaya ko jeetne ke liye jo baap ne aakar yuddha ke maidaan mein yeh sunaaya । to dekho, raamchandra aur seeta vagairah jo bhi kshatriy kul hain, vo naapaas ho gae the isliye । to dekho, kitni raaj hai । ye sabhi raaj aur koi bachchon mein thode hi rehta hai । jin-jin mein baba kehte hain । sabme nahin hai । koi to ekdam khaali-khaali hain । abhi samajhte hain ki jitna tum din mein rahenge unka asar rahega । to savere mein tum logon ko ye tev honi chaahiye ki uth karke baith jaana chaahiye । baba anubhav karte hain ki khaane par baithte hain na to yaad mein khaate-khaate ek do minute ke peechhe bhool jaate hain । baba apni bhi to baat bataate hain na ki bhool jaate hain । usmein bhi bhool jaate hain । raat ko bhi baba ko yaad karte-karte bachche bhool jaate hain । phir bhi unmein koshish karna chaahiye; kyonki maaya chhodti nahin hai, na din, na raat , iseelie ismen purushaartha bahut chaahiye । usmein bhi sabse achha purushaartha kaam mein aata hai savere ka । amritvele raat ko baba se baat karna । service kaise karen, kaise bataaven? hamaare service mein kitne hangaamen hain? nai baaten hain, kaise samjhaayen? to raat ko baith karke chintan karne se makkhan bhar jaata hai । jab makkhan raat ko bharega tab subah ko dileeviri karega, nahin to bada mushkil hai । bahut brahmaakumaariyaan raat ko to achhi tarah se so jaati hain, din mein kha leti hain । vichaar-saagar-manthan hota nahin hai, phir vo point dhaarna nahin hoti hai । baba khud anubhav se bataate hain ki kitni point raat ko badi achhi-achhi aati hain ki subah ko ham bataaenge; parantu subah ko bhool jaate hain । phir kitna bhi mattha maarte hain to koi ek- do aa jaati hain, kitni gum ho jaati hain । kabhi-kabhi pencil rakhi rehti hai to do chaar note kar leta hoon । aise bombe mein bahut karte the, kyonki vahaan bahut hote the na । bahuton ko drishti deni padti thi, un logon ki avasthaaen vagairah bahut sunte the yahaan-vahaan । aate the bahut unko samjhaane ke liye । abhi ye points baith karke likhen, ye to jo service par honge vo hi karenge, baaki to mushkil hi hai । nahin to ismen phaayda bahut hai । her pad jaaegi, tev pad jaaegi । peechhe dekho kitne first class serviceable ban jaate hain । koi bhi aaega, jhat unko khaich lenge, kyonki yog mein rahenge na । yog mein rahne se hi koi ko khaincha ja sakta hai । phir unko baith karke baap ka parichay do ki tum apne baap ko jaante ho? baap to svarga ka varsa dene vaala hai, svarga ki rachna rachne vaala hai । kuchh chaahiye bachchi?. koi bhi aave unko yahi samjhaana padta hai ki bhai, behad ke baap ko jaante ho? behad ka baap to svarga ki sthaapna karne vaale hain । dekho, ham anubhvi hain na, jaante hain । behad ke baap se ham svarga ka varsa le rahe hain । baap kehte hain sirf mujhe yaad karo । ye geeta ke akshar jo manushya sunaate hain, abhi baap baith karke samjhaate hain । vo manushya pichhaadi mein bhaktimaarga mein sunaate hain aur baap suna kar gaya tha, vo ab hamko suna rahe hain । vo khud kehte hain ki tum mere ko yaad karo to tumhaare vikarma vinaash ho jaaenge aur svarga ko yaad karo to svarga mein aa jaaenge । aisi main pratigya karta hoon । dekho, tumhein baap ko yaad karna hai । to niraakaar ki taraph mein koi bhi geeta vaala nahin le jaaega, vo krishna ki taraph le jaate hain । to kisko samjhaane ko hai bahut sahaj ki apne aatma ke baap ko jaante ho? shareer ke baap ko jaante ho? bas, samjhaane ke do akshar aise achhe hain । ab zaroor behad ke baap se bhi varsa milta hoga । dekho, yeh chitra rakha hai na, yeh varsa kiska mila hua hai? abhi ham jaante hain ki baap yeh varsa dene vaala hai । abhi diya tha । abhi inka varsa 84 janma mein poora ho gaya hai, phir se ye varsa le rahe hain । aisi-aisi baaten dhyaan mein le aa karke service karni padti hai । to jisko service ka shauk hota hai, vo peechhe rehta thode hi hai । are, kahin bhi rahenge service ka jisko shauk hoga; tum log kahenge aabu mein service nahin hai । main bolta hoon aabu mein jahaan-tahaan service hai । service karne ka dhang chaahiye, yukti chaahiye aur gaali bhi to khaani padti hai na । aise thode hi hai ki nahin khaani padti । koi bhi harja nahin hai । to bhi chitra aise-aise nikalte hain jo kahaan bhi jaao, kiske paas bhi jaakar samjhaao, kyonki baap ka parichay dena hai । vo svarga ki rachna rachta hai । baap ko yaad karna hai; kyonki ye akshar geeta mein bahut prasiddha hain । vo manushya sunaate hain, yahaan baap sunaate hain । to bolo, baap abhi sunaate hain, bhagwan aa karke bachchon ko sunaate hain, manmanaabhav । krishna nahin, ye baap । agar jinko shauk ho to kahin bhi jaakar thodi service karke dekhen । bhale gaali-gaali khaaen । sau mein se ek ko bhale pakad leven zaroor; parantu itna purushaartha to koi mein mushkil hi hai । itna shauk bhi bahut kam hai kisko samjhaane karne ka nahin to kya tum log samajhte ho yahaan service nahin hai? vaah! jo bhi service mein rehte hain; dekho, bombe mein madhu tha, kapil maarket mein rehta tha । kapil maarket mein abhi chitra bana rahe hain । sabko jaakar do aur samjhaao ki ham abhi is behad ke baap se varsa le rahe hain । kaise? manushya nahin de sakte hain, manushya to bhaktimaarga mein jo karke gae hain yo gaate hain; parantu kya karen । unmein vo mehnat chaahiye । ismen lajja-vajja ki baat nahin hai । koi thukraaega to phir koi stuti ninda karega, koi do baaten ham kah denge, to ye sabhi sahan karna pade । aise nahin ki koi ne kaha aur aa karke kitaab rakh diya । nahin । vo to geeta vaale ko to koi nahin kuchh kah sake, tumko to kahenge kuchh । to ismen kuchh thak nahin jaana hota hai । service bahut hai; parantu apan ko koi service laayak bhi banaave । aisa kehna to bada sahaj hai, ham naaraayan ko varenge phalaane ko varenge ye karenge । to mehnat bahut chaahiye । aise kab bhi nahin koi samajh sake ki kahaan bhi service na ho । nahin bachche, service to bahut hai, dher hai । ek ne chhoda, doosre ko pakdo । pata nahin hai ye hamaare kul ka na hoga to phir hamko to dhoondhana padta hai na । jisko kuchh na kuchh lage unko apna dena । to jaise ki tum bachche daan karte ho । yeh shauk rehta hai daan dene ka… avinaashi gyaan ratnon ka daan । achha, aaj kya hai? abhi deri hai kuchh? … yahaan bahut achhi seedhi service hai । bhai, ye zaroor samajhte hain ki 10, 20, 50 mein ek koi haath mein aaega । yeh to baba khud bhi kehte hain ki aise nahin ki sab koi samjhenge । bhale kahaan bhi koi jaao, granth mein jaaen, tikaane hain na yahaan,, vahaan bhi koi jaakar achhi tarah se samjhaave ki bhai, abhi vaapas jaane ka samay hai aur sachche baadshaah ko yaad karna hai, tabhi to sachche baadshaah ke paas ja sakenge । uske liye pavitrata zaroor chaahiye । pavitrata bigar to tum sachche baadshaah ke paas pahunch nahin sakenge । to sachche baadshaah koi guroonaanak ke paas nahin jaana hai । tumko jaana hai shivbaaba ke paas । vahaan se aana phir guroonaanak ke panth mein chale jaana । yuktiyaan to dher samjhaai jaati hain, par public mein baap nahin ja sakte hain । dekho, maa to jaati hai na । maa jaateen hai to bahut se aate hain । aise to baba nahin jaate the yahaan । bahut sipaahi bhi aate the, bahut public aati thi । sabhi dharmo ke liye ek baat bahut achhi hai ki bhai baap kehte hain, ab ye naatak poora hota hai, abhi deh ka sambandh chhod karke maamekam yaad karo । tum nange aae the, nange jaana hai । abhi sabka part poora hota hai । sabhi dharmon ka part poora hota hai । sabko vaapas jaana hai isliye baap ko yaad karne se tum vikarmo ko vinaash karenge aur unke varse ko paay lenge । … dekho, chadhna chaahiye । wonder hai । hai to ye naaraayni nasha chadhne ka, gaaya jaata hai na- nashan shan mein hai nuksaan, bigar nashe nar ko naaraayan ke । nar ko naaraayan banne ka gyaan ka nasha to abhi baap dete hain । manushya ke paas to yeh gyaan ka nasha hai nahin । ek hai bhakti ka nasha । gyaan ka nasha chadhaane vaala ek hai, jo naaraayni kul ko rachne vaala hai । dekho, kitne samay se yeh gaaya bhi jaata hai- nashan shastra mein hai nuksaan, bigar ek nashe nar ko naaraayan ke । abhi ye naami-graami to hai zaroor na । lakshmi-naaraayan bane to hain na । to kaise vo bane hain, vo tum bachche achhi tarah se samajh gae ho ki barobar ye nasha sirf baap se mil sakta hai । behad ke baap se gyaan ka nasha milta hai, jisse itni oonchi sadgati hoti hai ।…to hamaara bhi salaam le jaana, vo bhi geet hai yahaan । hamaara bhi yaadapyaar । abhi salaam to hua musalmaan ka akshar । (record- pitu-maat sahaayak, svaami-sakha tum hi sabke rakhvaare ho… .) baahar vaale gaate rehte hain । practical mein tumhaara rakhvaala bana hua hai । isko angreji mein kya kehte hain? kya koi akshar hai practical aur non practical ? dekho hamaare paas angreji padha hua itna achha nahin hai koi । (kisi ne kaha-practical aur thyoritikal) haan, thyoritikal kehte hain । to duniya sabhi hai thyoriteekal mein aur ham hain practical mein । hamko abhi baba ka haanth mila hua hai, khivaiya ka haath mila hua hai । vo to radiya maarte rehte hain । (record-pitu maat sahaayak … …) abhi duniya ka jo patit-paavan hai usko hi khivaiya kaha jaata hai; kyonki patit duniya se paavan duniya mein le jaata hai । abhi patit duniya kisko kaha jaata hai? paavan duniya kisko kaha jaata hai? koi bhi manushya maatra, vidvaan, aachaarya, pandit itne dekho kitne hain । karodon ke andaaj mein bade-bade padhe padhe । unko yeh maaloom hi nahin hai ki patit duniya kisko kaha jaata hai, paavan duniya kisko kaha jaata hai । to zaroor patit duniya mein patit aadmi honge, paavan duniya mein paavan aadmi honge । patit duniya mein zaroor patit gun aur lakshan honge, paavan duniya mein paavan lakshan honge । abhi yeh to bhaarat mein bilkul hi sahaj hai samajhna ki paavan duniya mein to devi-devtaaen rehte the so bhi yahaan । nahin to manushya devi-devtaaen kahkar pata nahin kahaan na kahaan oopar mein chale jaate hain । nahin, yahaan rehte the । aaj 5000 varsha ki baat hai, yahaan paavan mahaaraaja-mahaaraani tatha unki praja rehti thi) aur yahaan kalhayug mein aajkal patit mahaaraaja bhi koi nahin hai, bilkul nahin hai, to saari praja, kyonki gaayan kiya hi jaata hai raaja-raani । barobar ham jaante hain dvaapar se le karke patit mahaaraaja ya raaja-raani aur patit duniya hoti hai । patit sampradaay, aasuri sampradaay hoti hai, kyonki ye ham bhaaratvaasi jaante hain ki jo aasuri sampradaay vaale patit raajaaye-raaniyaan hain, vo barobar mandiron mein paavan duniya ke paavan mahaaraaja-mahaaraaniyo jo hokar gae hain, unko namte hain । hokar gae hain tab to namte hain na । pharka to hai na barobar । namte bhi unhon ko hi hain- shri lakshmi-naaraayan aur seeta-raam । vo treta ke, vo satayug ke । to zaroor samajhna chaahiye ki barobar satayug-treta mein paavan mahaaraaja-mahaaraani aur raaja-raani ho gae hain aur barobar ye zaroor patit hain । to zaroor patit duniya mein sabhi yatha raaja-raani tatha praja patit rehti hai । raaja-raani hote hain sabse bade । aise nahin kahenge raaja-raani se bade koi saadhu-sant hain । …vo bhi patit duniya me rehte hain, parantu phir vo sanyaas karte hain । sanyaas karke phir bhi grihastha mein patit hi janma lete hain । …patit grihastha ka anna khaate hain । to jaisa phir ham khaate hain to unka evja dena hota hai । phir dekho, patit duniya mein patit karne vaala kaun hai? ye kaam hai na, vikh hai na, to vikh se paida hote hain । ab ye duniya nahin jaanti hai ki vahaan kaise paida hote hain? mahima bhi dekho kitni karte hain shreekrishna ki । to aise thode hi kahenge ki vo vikaar se janma liya । vikaar se itne janma lete hain, unki to mahima hoti hi nahin hai । to unki dekho kitni mahima hai aur gaaya bhi jaata hai barobar । vo hai hi pavitra duniya paavan duniya । unmein patit kahaan se aae! to koi ko maaloom nahin hai ki ye raavan ki raajdhaani dvaapar se shuru hai । ye raavan roopi paanch vikaaron roopi ki maaya satayug-treta mein hote hi nahin hain । ye bhi baithkar agar koi kisko samjhaae to bhi unki buddhi mein baithe । tum bachchon ke paas samjhaane ke liye meethi-meethi baaten bahut hain । sikeeldhe bachchon prati yaadapyaar aur good morning । chalo bachche, kya bhog hai? bachche samajhte honge kitni guhya baaten hain । bataana to ek hai; par ye na bataaven to kya bataaven? agar vo cheez bataaven to koi bolenge… - yeh bhala aaya hoga, shiv jayanti aai hogi, uska mandir kahaan hai bhala vo bataao । uska to mandir hai nahin, yeh kabhi kya hai! gadbad ho jaaye ekdam । kitni mushkilaat hai ।. … hai na gadbad ki baat! abhi kya samajhti ho? yeh ling hai ya star hai? (logon ne kaha-star hai) abhi dekho, aaj baba ne samjhaaya । abhi aage bahut koi aate nahin hain । baap kehte hain aage bhi kaha tha ki bachche, main roj jo padhaane vaala hoon so roj kuchh na kuchh nai-nai baaten sunaata rahoonga । jahaan tum jeeyenge aur main sunaata rahoonga । koi na koi nai-nai baat nikalti hi rahegi । ye koi raamaayan, bhaagvat ya phalaana nahin hain, jo baith karke padha hua ho ya padhna hai । main tumko guhya te guhya baaten sunaata rahoonga । …gyaan saagar hai na । kitne bhi saagar ki mas banaao, kalam ki kalam banaao to bhi iska ant nahin aata hai । inhonne ek paai paise ki geeta banaay diya hai । abhi kitna duniya ko badalna pade । vo kahenge krishna bhagvaanuvaach, ye kahen nahin, shivbhagvaanuvaach । raat-din ka pharka ho gaya । so bhi shiv ke roop ka koi ko pata nahin hai । chalo, yahaan rakh do । kitne meethe-meethe sikeeldhe bachche ho । kahaan se mile itne so bhi sikeeldhe bachche? sikeeldhe usko kehte hain jo bahut kaal se bichhda hua koi ko milta hai । samjho koi bachche ka bachcha nikal jaata hai, gum ho jaata hai, vo na 5 varsha ke peechhe aa milte hain, 20 varsha ke baad bhi aakar ke aise milte hain । bas, phir usne dekha to unko ekdam se pakad lete hain । usko kaha jaata hai sikeeldha gum ho gaya tha । to tumko bhi to maaya ne gum kar diya na । ekdam mere se bichhud gae, yaad tak bhi nahin । abhi milte ho to baba kehte hain oh! kitne mere laadle, tum phir se aakar ke 5000 varsha ka chakkar lagaaya । uph । 5000 varsha ke baad tum chakkar lagaakar phir milte ho । koi se bhi poonchhe are, aage kab mile the? to kahenge- haan baba, ham 5000 varsha pahle mile the । yahaan kyon aae ho? baba aapse phir behad ka varsa lene ke liye । behad ka baap hai to behad ka varsa lenge । bhai, kaun sa varsa lenge? ham sooryavanshi varsa lenge । agar kahen ki thoda kam varsa le lena, chandravanshi varsa le lena to kahenge nahin-nahin, ham to sooryavanshi hi lenge, kam nahin lenge । dekho, yahaan aise kehte hain na । himmat dikhlaao । kitni guhya baaten hain । kya geetaaon mein likhi hain, shaastron mein likhi hain?… nambarvaar purushaartha anusaar bachchon ki jaagti jyot hoti hai । in sabki jaagti jyot hai na । peechhe nambarvaar । aise nahin hai ki sabki jaagti jyot hai । inki to jara bhi nahin jaagi hai ekdam । kuchh me nahin hai bilkul hi । thodi… pichdi; kyonki praja mein aaenge na । nambarvaar jo honge na… । abhi samajhte ho? dekho, baba kitni yukti se bataate hain ki 10-20 dapha aate to hain, sunte hain । jab mama aati hai, aa karke sunkar phir chale jaate hain । baba aate hain sunte hain, kabhi-kabhi aa jaate hain । to unka kya haal hoga? pichdi । laayak banega svarga ka to unka ahobhaagya । usko kehte hain aho bhaagya unka bhi । unka aho saubhaagya so bhi nambarvaar purushaartha anusaar । ahobhaagya so bhi nambarvaar purushaartha anusaar । achha! chalo, sabka yaad-pyaar dena । … .ikattha bhi kar sakte ho, kyonki holi de to hai, parantu jagah nahin । teen pair prithvi ka nahin । kya kare drama anusaar is samay tak to yahi haal hai । aage chalkar dekha jaaega । ho sakta hai ki bahut bade-bade makaanon me tum bhojan ikatthe paao । madhuban mein to paay sakte ho, vo to koi baat hi nahin hai, parantu is samay, phir tum madhuban me bhi ikatthe nahin paay sakenge । ham log itne bhojan ikatthe kabhi paay sakenge? nahin kar sakenge । ye to bahut ho jaaenge । itni badi jagah hi nahin hogi jitne bachche ho jaaenge । samajhte ho bachche । centre-centre par ki to baat alag hai । agar madhuban mein bol deve ki aao, abhi to mangaay sakte hain । itne bartan hain, prabadh hai, parantu aage chalkar tum vichaar to karo । bachchon ki ye vriddhi to hoti jaaegi, phir kitne bartan chaahiye । hoga vahi tak jaho tak ho sakega । bachche to vriddhi ko paate rahenge aur sabka photo bhi to hamko chaahiye hoga zaroor, kyonki tum ho bachche maa-baap ke । dekho, bachche hote hain to photo nahin rakhte hain? baap ka bhi rakhte hain .bachchon ka bhi rakhte hain । to vahaan chitrashaala bhi likhi hui hai, kyoki hamko bachchon ka maaloom nahin padta hai ki kiski chitthi aai hai, ye kya hai । to sab bachchon ka ye bhi banaana hai, kyoki passport to hai hi । ye to baba ke paas bhi jaate hain ki baba, inki aatma ka haal dekho । ye sab dikhlaate hain । abhi ye bachchi chaahe ki inki avastha kya hai? to jhat bata degi, baba se poochhkar aaegi । vo bata degi itna percent abhi kam hai । sampoorn brahma avyakt brahma aur vyakta brahma mein itna pharka hai । kismen? aatma mein । dekhenge to aatma dekhenge na । to jhatpat bataay denge, kyoki bachchon ke liye yeh drama mein hai । aise nahin ki ghadi-ghadi baith karke poonchhni hain । baaki ye ham khud bhi samajh sakte hain, har ek apni avastha ko samajh sakte hain ।. .jo kuchh paap kie hain, jo hote hain, vo sab likhkar de do to kuchh aadha khatma ho jaave aur phir doosre taraph me praalabdha ka khaata jama hota rehta hai । koi paanch vikaar mein phans kar koi paap karke is taraph mein… .to nahin karte ho? koi bhi kisko bhi duhkh dekar apne chaupde ko…mein nahin le aana, khaate mein nahin le aana । jama karte rehna । kya karte rehna? auron ko ye knowledge de karke, raasta bata karke andhon ki laathi bankar unko sukh dete rehna । baba bhi kehte hain- bachche, jo kisko duhkh deta hoga aur ye aadat padi hogi, vo duhkhi hokar ke marenge । yeh to shraap nahin hai, parantu yeh to law kehti hai । jisko tum sukh dete rahenge, sukhi hokar marenge aur apna 21 janma sukhdhaam mein raajbhaag karenge । yahaan bahut meetha banaate hain । koi ko bhi koi bhi duhkh nahin dena hai । ye bachchon ko badi sambhaal karni hai । aise bhi mukh se vachan na nikle jo koi ko duhkh ho jaave । itna meetha banna hai । time lagta hai । aise nahin ki fix time mein sab koi ho jaate hain । jahaan jeena hai tahaan purushaartha karna hai aur phir koi ko vahaan kachahri hoti hai । aaj kisi ne kisi ka dil dukhaaya? to vo haanth uthaate hain । bhai, kya kiya? to kahenge- vo aisa kiya । achha, phir aur aage nahin karna, register kharaab hota hai । apna register dekhna chaahiye na bachchon । tum school mein padhte ho na to zaroor register to hoga na । to apna register dekhte rehna hai । kahin hamaara register kharaab to nahin hota hai? maaya kahin thappad to nahin maarti hai? kinko duhkh to nahin dete hain? sukh dene aate hain baap, aise baap ka banne mein kitni aana-kaani karte hain । nahin to bhaktimaarga me kehte hain the… janma-janmaantar kehte the, vaari jaaoongi, kurbaan jaaoongi । mere to ek, doosra na koi । tum maat-pita, ham jab baalak aapka banenge aapse hi sukh ghanere lenge। granth mein ya kahin gaaya hua hai na । tum maat-pita ham baalak tere । tumhari kripa se sukh ghanere । kiske liye gaate hain? vo aakar kehte hain, jiske liye tum gaate the so main aaya hua hoon । to sabka sadgati daata sukh dene vaala ek hai । koi bhi manushya, manushya ko sukh nahin de sakte hain । devtaaen ek do ko sukh dete hain, parantu yahaan ki praalabdha hai । devtaaon ka ek do me bahut sukh hai, duhkh ka naam-nishaan nahin । vo praalabdha kahaan ki hai? abhi ki hai । jisko praalabdha banaani hai so banaave । achha । meethe-meethe baap-daada aur meethi-meethi mama ka meethe-meethe sikeeldhe bachchon ko yaadapyaar aur good morning । purushaartha anusaar yaadapyaar kahen, yeh to ek law hai । achha, sabhi bachchon ko, auron ko to koi bhi nahin, ham bachchon ko mubaarak dete hain apna deeva jagaane ke liye । puraana khaata chuktu karke aur naya khaata sukh ka jama karne ke liye । puraana khaata du kh ka chuktu kar, sadaiv ke liye phir sukh ka khaata jama karna hai । yeh jo sangamayug hai na. … … .yeh kalpa me tha bachchon ke । aadha kalpa duhkh ke chaupde paap ke yogbal se khatma karna hai । phir yogbal aur gyaan se hamko aisa naya chaupda rakhna hai, aisa unmein jama karna hai, jo ham 21 janma kabhi du kh nahin deve । isko kaha jaata hai kalpa ka sangamayug- paap ka khaata band, punya ka khaata jama । phir punya aatmaon ki duniya shuru, paap aatmaon ki duniya khatma ।