Sakar murli du lundi 27 avril 1964 - 1

> >

27-04-1964 madhuban aabooraatri murli saakaar baba om shanti madhuban

good evening ye 27 April ka raatri class hai।

parampita paramatma, kyonki dikhlaate to hain ki brahma dvaara sabhi vedo-grantho-shaastron aur japo-tapo in sabka raaj samjhaate hain । kaun? baba । shivbaaba ko sab yahaan bhaarat mein kehte hi hain 'baba saani, shivbaaba । abhi jab baba, shivbaaba to bas phir vo ek raha, doosra hua 'laukik baba । abhi doosre baba saaeen, jo ye musalmaan ya phalaane log naam rakhte hain, to ye pattharbuddhi bhaaratvaasi yeh samajh nahin sakte hain, yeh 'baba saaeen' kaise ho sakte hain । baba saaeen to ek shivbaaba saaeen thahra । to khaas karke bhaarat ke, usmein bhi jo baahar mein gareeb log bhi hain, bade phanse rehte hain in saadhu-santon mein । paai-paise ka bas kuchh na kuchh padha । baba ne bataaya tha na ki koi bhi hove, kuchh bhi padha hua hove, koi bhi mandir-tikaana nikaal kar baithe, koi bhi koi chitra laga karke baith jaave, to bade-bade sab ja karke mattha tekte hain । baba ne samjhaaya tha, jab amarnaath par gae the to chhokra tha in jitna aur vo pujaari । kiska? amarnaath ka । abhi yeh kahaan teertha bada! dekho kitna jhunda jaate hain aur unko ja karke paanv padte hain । unko 30 rupaya… । ham poochha bhi unse, are kitna talak tumko milta hai? bola- 30 rupaya milta hai । vahaan 30 rupaya ka talabdaar rakh karke aur unse ye log kaam karaate hain । dekho kitni andhashraddha। aur ye sab jaate hain bade-bade prejident aur prime-ministers phalaana । ye thoda bhagat hain । jaate hain, aise-aise ko ja karke mattha tekte hain । nahin to shivbaaba yeh to sabhi samajhte hain ki niraakaar hai aur baba hai aur patit-paavan hai । aur yeh bhi samajhna bada sahaj hai ki satayug ki aadi, kalhayug ka ant, yeh jo sangam hota hai, sangam to sabka hota hai na । satayug ke baad treta, to hua sangam । treta ke baad dvaapar to hua sangam । to avastha girti jaati hai, duniya puraani hoti jaati hai । satayugi nai duniya, phir saari duniya do kala kam ho jaati hai to hua treta । phir treta se dvaapar, do kala aur hi kam । do nahin balki chaar । double ho jaati hai । dvaapar se kalhayug .vo to aath kala kam । patit to sabko banna hai । jo pahle hai satayug mein shri lakshmi aur naaraayan unko 84 janma bhog karke patit zaroor banna hai । to jab vo banna hai to baaki sab bhi banna hai, kyoki punarjanma to sabhi maante hain aur punarjanma to hai hi, nahin to vriddhi kahaan se hove! to abhi sabko buddhi mein yeh hai zaroor ki baba bhagwan hai, niraakaar hai aur baba hai sabka । jabki sabka baba hai to baba se varsa zaroor milta hoga । abhi buddhi se kaam lena chaahiye ki baba kya varsa dega? vivek kehte hain, kyoki baba buddhi ka taala kholte hain na । jo yahaan nae bhi aave, to unki buddhi ka taala kholte hain, kyonki...buddhi ka taala- maaya ne banda kar diya, lock up godrej ka taala laga hua hai । to baap aa karke buddhi ka taala bada sahaj kholte hain, parantu dekho baba to sab shiv ko kehte hain na । to zaroor shiv rachta hai । to sabka behad ka baap hua na । to behad ke baap se behad ka sukh । behad ka sukh kaun sa denge? baap satayug sthaapan karte hain । satayug mein yeh lakshmeenaaraayan hain । barobar hua na । behad ke baap se shri lakshmi aur naaraayan ko behad duniya ka maalik banaaya । kisne banaaya? kalhayug mein to koi behad ka maalik nahin hoga na । dekho, kalhayug mein kya hai! aur yeh bhaarat mein hi hai ki barobar satayug mein shri lakshmi aur naaraayan ka raajya hai । zaroor inko yeh varsa baap se mila hoga । to sirf lakshmeenaaraayan thode hi honge, vo to satayug me raajdhaani hogi na । to baba saaeen zaroor yeh saari raajaai dete hain । to zaroor raajaai dene ka laayak banaata hoga । to dekho tum bachchon ko laayak banaane ke liye raajayog sikhlaay rahe hain । tum yahaan raajayog seekh rahe ho । abhi koi manushya to nahin sunaay sakte hain । kitna bhi koi vidvaan-pandit hove, raajayog to nahin sikhlaate । vishwa ka maalik to nahin banaay sake na । vishwa ka maalik to baap banaaega na, shivbaaba jo maalik hai aur rachta hai । bhagwan ko baap bhi kehte hain । to jab baba hai to unse hamko varsa hona chaahiye । satayug mein tha, abhi nahin hai । to abhi phir milna chaahiye, kyonki sangamayug hai । abhi tum barobar jaante ho ki shivbaaba se varsa le rahe ho- shanti ka aur sukh ka । bhala aur baaki se kya milta hai? baaki se sab duhkh ka varsa milta hai । bhala sabse achha to guru hai na । bolta hai- vo to aur hi tumko dubaate hain, kyoki vo jaante to hain nahin । vo to shivoham sarvavyaapi kah dete hain । to baap kehte hain ki dekho, patit-paavan mujhe kehte ho । yeh samajh ki baat hai na । tum kehte ho ki patit-paavan aao । sabhi patit hua! achha, main paavan jab banaata hoon to zaroor paavan tumko rehna padega । satayug treta ko paavan kehte hain । phir tumko zaroor koi patit banaane vaala hoga, kyonki chakra to phirta rehta hai । to inko maaloom thode hi hai ki patit phir kaun banaate hain । ye 5 vikaar roopi raavan । to is samay mein sabhi patit, bandar hain । dekho, vo akhaani hai na ki lakshmi ka svayanvar hota tha to vo naarad khada tha । bhagat tha na । bola- ham var sakte hain lakshmi ko । ...apna munh dekho । munh dikhlaaya to bandar dekhne mein aaya । bandar tum lakshmi ko kaise varenge । to bhagat hain hi bandar । vo thode hi baap se varsa le sakte hain । naheen । phir baap bandaron ko laayak banaate hain । dekho, tum sabhi abhi shri lakshmi ko varne ke liye purushaartha kar rahe ho । koi lakshmeenaaraayan ek to nahin hote hain na । dynasty hai । aath hote hain- lakshmeenaaraayan the first, the second, the third । dekho, abhi tum banaate ho । to jab ye haath uthaate hain to baba khud poonchhte hain- dil roopi darpan mein dekha hai, koi bhoot to tumhaare mein nahin hai? kaam ka ya krodh ka? ya lobh ka ya ashuddha ahankaar ka koi bhoot to nahin? agar bhoot hai to tum laayak nahin ho sooryavanshi banne ka । yahaan to accurate samjhaaya jaata hai na । kaun baithkar samjhaate hain? shivbaaba । jab kehte ho shivbaaba to zaroor baba se to varsa milna chaahiye na । zaroor unko roop dhaaran karna hi pade, aana hi pade । to dekho vo aate hain, vo bolte hain ki main aata hi hoon unmein, jinko mainne varsa diya tha aur phir gumaaya hai । chakra khaaega na, jo pahle- hain । 84 janma to pahle vaale ka hoga na । isliye to gaaya jaata hai na ki aatmaaen aur paramatma alag rahe bahukaal । to baap kehte hain pahle-pahle hamne tumko svarga mein bhej diya । tum pahle-pahle bichhude, abhi phir tumko hi svarga ka maalik banaana pade । to kitna sahaj hai samajhna aur samjhaana, so bhi khaas karke bhaaratvaasiyon ko । baap samjhaate hain ki jo bhi devtaaon ka pujaari hove, geeta-veeta ka hove, unko thoda sunaane se sahaj hoga । baaki jo doosre math panth ye sabhi, aaryasmaaji, chidaakaashi. bahut hote hain na, vo kabhi nahin samjhenge ekdam, kyonki vo devi-devta dharma ke hain hi nahin । haan, koi devta vaala convert ho karke gaya hua hoga unko kuchh touch hoga । vo le sakte hain, kyonki saimpalig lag rahi hai । to jo bhi hindu dharma vaale, unmein jo pujaari athva religious maainded hain, vo bahut aaenge aur baaki koi-koi kahaan-kahaan se niklenge । musalmaan bhi nikal aaenge to sanyaasi bhi nikal aaenge aur koi dharma se bhi nikal aaenge, kyoki dharma vaale ye sabhi convert ho gae hain । devi-devta dharma vaale sab praayah gum ho gae hain, convert ho gae । koi apan ko hindu kahlaane lag pade hain, koi kya, koi kya । to jo yeh dharma vaale honge na, vo bade dhaaran karenge aur jo doosre dharma vaale hain unki buddhi me baithega hi nahin ekdam । samjha, kyoki jaise vo patthar buddhi hain । kabhi buddhi mein baithega bhi nahin ekdam । tum dekhenge na jo yeh marte hain. ..jo egjibishan hote hain, usko kya kehte hain? pradarshan । unmein bahut likhenge ki bahut achha । bahut likhenge ki kuchh samajh me nahin aata hai । bahut likhenge ki ismen kuchh samajh mein aata hi nahin hai । ye sabhi vaahyaat hai । koi likhenge ki bada achha hai । tum dekhte nahin ho na । baba dekhta tha । vahaan to chhoot hi hai, jo chaahiye so likh deven । koi to gaaliyaan bhi likhkar jaate hain । to dekho, dekhne mein aata hai na, koi bada achha samajhte hain, koi gaaliyaan likh dete hain । koi to kehte hain- main samajhne ko aaya hoon । koi to aata hai samajhne ke liye । haan chalo, bahut hain na । kitne aae ho? baba, 30 hajaar aae hain । unmein se kitne aae baba 5-7 aate hain samajhne ke liye । kahaan se bolega, 20 samajh rahe hain । baba, aae 5-7 roj samajh karke, phir abhi aate hi nahin । to baba kehte hain na- koto mein kou kou mein kou, phir kou mein kou । to dekho barobar aise hota hai na । jo is dharma ka nahin hoga uski buddhi mein bilkul nahin baithega । ud jaaega । thoda baithega to nambarvaar praja me aa jaaenge । jitna achha samjhenge itna achha praja mein aa jaaenge । thoda samjhenge, thoda praja me aaenge । bahut samjhenge to achhi praja mein aaenge, kyoki yeh naya phir se vahi devi-devta dharma sthaapan ho raha hai, jiska jo phaaundeshan tha vo sad gaya hai । jaise kalkatte mein yeh baniyan tree, bad ka jhaad dekh karke aae na । ekdam bada-bada hai na । foundation jad sad gaya hai । to uska misaal dete hain ki vo jo sthaapna karne vaala dharma hai, vo praayahlop ho gaya hai, baaki sabhi dharma khade hain । to phir jab repeat hona hai, to phir vo dharma ho jaaega to baaki sabhi dharma ud jaaenge । abhi kitni samajhne ki baate hain, parantu baba kehte hain jo is dharma vaale honge so kuchh na kuchh samjhenge । baaki kiski buddhi me baithega nahin, yahaan se suna, yahaan se chala gaya । aise bachche yahaan bahut aate hain । achha, aaj bahut deri bhi ho gai hai । chalo, baaja bajaao । jab koi sakhta beemaar hote hain na to hopeless ho jaate hain । shivbaap khud kehte hain- bachche, tum sab hopeless ho, sab marne vaale ho । main tum sabhi aatmaon ko vaapis le jaane ke liye aaya hua hoon । vo to zaroor hoga na । sabko machchharon muaaphik le jaaega na । vo to khud kehte hain- main tumhaara roohaani panda hoon । abhi samajhte ho? yeh tum sabhi aatmaon ko ham machchharon ke muaaphik vaapis le jaane ke liye aae hain, kyoki ye sabhi patit hain । kehte hain na patit-paavan duniya । paavan duniya mein to thode hote hain । baaki aatmaon ko to vaapis le jaana hai । to dekho panda hai, isliye paandav hain । yaadav, kaurav paandav hain । tum pande ho । vo jismaani pande braahman, tum sachche-sachche brahmaavanshi roohaani pande । tum sabhi aatmaon ko vaapis le jaane vaale ho । yeh manushyon ka kaam nahin hai । yeh baap ka kaam hai sadgati dena । durgati dena manushyon ka kaam hai । ye jo guru? log hain na, ye sabhi durgati me daalte hain । koi bhi sadgati nahin de sakte hain । baba khud kehte hai- mainne kam se kam dajan guru? kie honge । worth not A paini ban gae । abhi baba ekdam paavan banaate hain । tat tvam tumko bhi aise hi banaate hain । achha, baaja bajaao bachchi । koi kitaab lete hain? achha, koi saakaar guru ke shishya hain jo baith karke jo guru sikhlaate hain, kehte- nahin, ! ham niraakaar baap ko jaante hain jo aakar ke.... to baap kehte hain, yeh bhi aise hi kehte hain na- ham niraakaar ko jaante hain । niraakaar kehte hain- main tum sab bachchon ko padhaata hoon । jo saakaar padhaate hain vo tumko dubaate hain aur main tumko paavan karta hoon paavan duniya me le jaata hoon । (geet ki dhun:- chalo chale maa, sapnon ke gov mein....) ..dekh rahi hai । ye pradarshani pichhaadi pradarshani bahut hoti jaaaigi । vilaayat tak bhi hoti jaaengi । ye duniya dekhti hai ki ye bhaarat ko svarga banaakar hi chhodengi । kalpa-kalpa jaise banaati ho । bolte hain ki jeevan mein ye kaam ki chingaari nahin lagaana । kabhi kaala munh nahin karna phir, jabki abhi tumhaara gora munh banaate hain । aise hain na । is samay mein sabka kaala munh hai, kyonki jo kaam chita par chadhte hain unko kaha hi jaata hai- kalmunhe bandar । to baap kehte hain khabardaar rehna । jab ek dapha pratigya karte ho ki hamko pavitra rehna hai, to munh kaala nahin karna । agar munh kaala karenge to phir pad bhrashta ho jaaega । phir aisa achha gora nahin ban sakenge । mool baat hai ye । samjha na। kyonki baap bhi kehte hain na- kaam mahaashatru hai । isliye in par poori jeet pahanni hai । shatru se ladaai hai । kam nahin hai bachche । bahut fail hote hain । to baba likh dete hain- kulaklankit baap se pratigya karke ki ham kaala munh nahin karenge, phir tumne kaala munh kar diya । to baba likh dete hain ki nailat hai tumhaare oopar । jaise laukik baap hote hain na, baap bachchon ko nailat daalte hain । parlaukik baap bhi nailat daalte hain, parantu tumko sharma aana chaahiye, kyonki braahman kul hai oonche te ooncha kyonki pavitra hai aur phir eeshvareey santaan hain । to dekho, baap jinke haath mein right haind dharmaraaj hai, vo to bahut kadi saja denge । to bolte hain ek to kadi saja bhi khaaenge aur pad bhrashta bhi ho jaaega । isliye pavitrata first pyooriti first । no pyooriti no mukti va jeevanmukti, no sukh । mool baat hai yahi pavitrata ke oopar aur usmein hi sab bahut fail hote hai, ghadi-? girte hain । to isliye baba bachchon ko saavdhaani dete rehte hain ki pratigya karke agar tum kaala munh kar diya, to phir vo garta hai na, usmein taamradhvaj aur moradhvaj ki kahaani ki dharmaraaj se aare se vo katvaate hain । ye tribunal baithti hai । isliye khabardaar rehna । baap se pavitrata ki pratigya karna hai to tod nibhaana hai, nahin to phir mare । achha, meethe-meethe sikeeldhe bachchon prati parlaukik maat-pita jisse sukh ghanere ka varsa lete ho, jinki shreemat par chalna hai, aise shreemat par chalne vaale bachchon ko yaadapyaar aur good night ।