Sakar murli du samedi 2 mai 1964

> >

2-05-1964 madhuban aabooraatri murli saakaar baba om shanti madhuban

helo, yeh do mai ka raatri class hai

koi marte hain to samajhte hain ki vo koi vaikuntha ya svarga jaate hain । nahin, jo marega vo yahin punarjanma lega । jab svarga hoga to punarjanma vahaan svarga mein lenge । aisa ho nahin sakta hai ki koi kalhayug ka manushya svarga mein janma leve । le nahin sakte hain । jab parampita paramatma baap, jo rachta hai vo satayug ki sthaapna kare tab manushya satayug mein ja sake । to isliye tum satayug mein jaane ke liye purushaartha kar rahe ho । parampita paramatma hi satayug ki sthaapna kar rahe hain; kyonki kalhayug abhi khatma hone vaala hai । vinaash hone vaala hai । to satsang sirf yahin hota hai baaki jahaan bhi hai vahaan sabhi jhooth sang hai, kyonki saadhu sant mahaatma ye sabhi jhooth bolte hain । har ek baat jhooth bolte hain । baba ne samjhaaya hai ki pahli-pahli baat 'eeshvar sarvavyaapi hai', yeh jhooth hai । to bas, pahle number mein pahli baat jhooth to phir doosri, teesri, chauthi sab baaten jhooth । jab sach to phir sach hi sach । sach ki rachna sachchi kahi jaati hai । jhooth raavan ki rachna jhoothi kahi jaati hai । to aadhaakalpa hai raavan ki rachna jhooth aur aadhaakalpa hoti hai sach ki rachna sach । to dekho, yeh bhaarat sachkhanda tha, ab hai jhooth khanda । puraana khanda, tamopradhaan khanda hai । to yeh theek hai na har ek vastu jab pahle satopradhaan hai to phir ant mein tamopradhaan hoti hai । to is samay mein aise hi yeh kalhayug hai । to tamopradhaan । yahaan padhaai hai na । jahaan-tahaan jo bhi satsang hote hain- raavan ki katha phalaana use padhaai nahin kaha jaata hai । padhaai ki hamesha koi na koi em-object hoti hai ki humein yeh padhne se hamko kaun sa pad milega । barrister baith karke padhaaega, to vo jaante hain ki ham barrister banenge । jo jaisa hoga vaisa banaaega । engineer hoga to vo samjhega ki yeh padhne se main engineer banoonga । yahaan tum jaante ho ki bhagwan padhaate hain, ham manushya se devta banenge; isliye purushaartha karte hain । is satsang mein yeh hai । doosre koi satsang mein kabhi nahin koi kahenge ki ham satsang se, sanyaasi ya shaastra ya vidvaan se kya banenge । hota hi nahin hai । kabhi koi jaakar poochhe ki is satsang mein, bhale koi bhi hove, bade-bade vidvaan ho, bade-bade sanyaasi ho unse poochhe ki aapki yeh katha, vaarta vagairah sunne se hamko kya pad milega? kuchh bhi nahin kah sakenge । … kya kahen vo bichaare! na mukti ko jaante hain, na jeevanmukti ko jaante hain to kahenge kaise? agar koi jaanta ho tab to bahut jaan jaaen । ek se bahut jaan jaaen, parantu ek bhi nahin jaante hain to koi bhi nahin jaante hain । to ye sabhi samajhne ki baaten hain na । tum jaante ho ki ham purushaartha karte hain; naapaas ho sakte hain । vahaan satsang mein jaao to vahaan paas aur naapaas ki koi baat hi nahin hai । aise nahin kahenge ki main yahaan koi phalaana pad paane ke liye purushaartha karta hoon peechhe pa bhi saken aur na bhi pa saken । aisa koi satsang hai nahin kahin । yahin hai । tum jaante ho ki kitne marks se ham paas ho kitna oonch pad le lenge । kahaan? satayug mein । tum yahaan ke liye nahin padhte ho । tum vahaan ke liye padhte ho । yahaan aur vahaan ka bahut pharka hai । yeh hai manushya srishti aur woh hai muktidhaam aur jeevanmukti dhaam । to tum padhte ho vahaan ke liye, na ki yahaan ke liye । nai duniya ke liye tum padhte ho aur nai duniya ke liye padhega bhi koi koton mein kou kou mein kou; kyonki vo hai svarga, sukhdhaam । sabhi to sukhdhaam mein aa hi nahin sakte hain ekdam । agar vichaar karo to sukhdhaam, satayug mein kitne manushya honge? abhi narka mein kitne manushya hain? dher ke dher hain, to sabhi thode hi svarga mein aaenge । jab bhaarat svarga tha to bahut thode manushya the । abhi bhaarat narka hai to bahut munashya hain, dher ke dher hain, kyonki multiplication hui hai । vaad khaai hai । punarjanma lete-lete vaad khaai gai hai । abhi itne badh gae hain jo unko khaane ke liye anna bhi nahin hai aur hain bhi nidhan ke bichchhu-tindan ke maaphik bachche-bachchiyaan, jo janma leti hain । paap hi karti hain । ek-do ko moot pilaati hain, vikh pilaati hain । bahut krodh karte hain, ye karte hain, isliye isko kumbhi paak narka bhi kaha jaata hai । ek, do ko duhkh bahut dete hain । bachche baap ko denge, bhaai bhaai ko denge, mitra mitra ko denge । dekho, chaaron taraph mein ek do mein dushmani hai na । to isko kalhayug kaha jaata hai । satayug mein ye sab baaten nahin hoti hain । satayug mein ham apni khushi se shareer chhodte hain । baba ne samjhaaya hai na ye jo satsang hote hain, ye shaastron ke aadhaar par hai । to shaastron ke oopar, mandiron ke oopar aur. teerthon ke oopar bahut paisa kharcha karke, abhi bhaarat mein paisa hi nahin hai । bhaarat kangaal ho gaya hai । bhaarat kitna saahookaar tha । heere aur sone ke mahal bante the । abhi dekho ekdam kuchh bhi nahin hai । khooteli government kangaal insolvent । bhaarat kitna saahookaar tha । bhaarat mein heere ke mahal bante the । aajkal bhaarat mein bheekh mogte rehte hain । (myujik baja) .jo aate hain so bana dete hain । vahaan samajh to kuchh hai nahin bilkul hi । to baap baith karke ye sabhi baaten bachchon ko samjhaate hain । har ek baat kismen bhi koi na samjhe to baap se poochhe aur na samajhne ki to koi baat nahin hai । yeh to drama ke aadi madhya ant ka question hai, jo samajhna hai । so to samajhna hi hai na । baap to yathaartha reeti aakar samjhaaenge na, kyonki manushya srishti ka beejroop gaaya jaata hai । phir unko sat, chaitanya aur aananda swaroop kehte hain । zaroor sat bhi to hai, chaitanya bhi hai; parantu jab vo yahaan aaenge tab to hamko satya banaane ka varsa denge na; kyonki tumko sachcha banna hai; kyonki sachkhanda mein chalna hai । vahaan devi-devtaaen bilkul hi sachche hote hain । vahaan jhooth hota hi nahin hai । to aae hain tum bachchon ko sachkhanda ka sachcha maalik banaane । so bhi dekho kitne । vishwa ka maalik । vahaan tumko koi dar nahin hoga, nidar raajya । yahaan to dekho kitna dar hai ki kahin koi hamaari raajaai chheen na leve ya chadhaai na kare । satayug mein tumhaare oopar kaun chadhaai karega? to dekho, tumko kitna nirbhay rehna chaahiye; kyonki tum aatmaaen ho । shareer ko maarte hain, tum aatma ko thode hi maarte hain jo tum aatma darti ho । to baba ko bhi nirbhay kehte hain । tumko bhi kitna nirbhay hona chaahiye । nirbhay hone ki ye badi mehnat hai, badi samajh hai; kyonki baap bhi nirbhay tum bhi nirbhay । apan ko nirbhay kyon samajhte hain? bolte hain- ye shareer ko maarte hain, goli lagti hai, mere ko thode hi koi goli lagni hai । main to abhi ja raha hoon baba ke paas । goli lagegi to mere shareer ko lagegi । abhi earthquake hoga to mera shareer jaaega । bhale earthquake ho ya kuchh bhi ho, ham to baba ko yaad karte hai । ham to baba ke paas hi jaane vaale hain । hamko in baaton ka kya dar hai- earthquake ho, phalaana ho । unko to dar rehta hai na । hamne kaha- ham to baithe hue hain । ham to baba ke paas jaate hain । achha, chhat gir jaave to gir jaave, ham to baba ke paas jaaenge । ant mate so gate । abhi aisa nirbhay bhi to hona hai na । aisa nirbhay hone mein time lagta hai । koi sab thode hi ban sakte hain । nambarvaar purushaartha anusaar । tum ho jagdamba ki bachchi । shivshakti sirf ek hi ki to mahima nahin hai na । unke saath tum bhi ho । ek thode hi kaam kar sakti hai । sena chaahiye । haan, sena ki kamaandar hai zaroor । tum sena ke commander in chief ho । yahaan bhi sena ka koi commander in chief to hoga na । shaktiyon ka bhi , kanyaaon ka ya maataaen hain to tumko yeh roohaani drill sikhlaane ki ye hai tumhaari commander । is yuddha ke maidaan mein maaya se kaise jeet pahni jaati hai, kaise baap se yog lagaana hota hai, vo sikhlaane vaali । to yeh badi hai, baaki tum bhi to vahi ho na, uski bachchiyaan । tumhaari bhi mahima hi hai । usmein bhi tumhaari mahima jaasti hai; kyonki tum ho lucky sitaare । sitaara to yeh bhi hai; kyonki brahma ki beti hai to yeh bhi sitaara ho gaya । chandrama aur baap to phir vo bhi ho gaya । unki to chandrama ye ho gai na । soorya ki baap ki chandrama to yeh hai na । is dvaara praja rachi, to yeh bachchi ho gai na parantu yeh mel hone ke kaaran phir inke oopar kalash rakha jaata hai । samjha bachchi! achha, toli khilaao bachchon ko । …achhi tarah se aur phir meetha mukh bhi hua .aajkal ke jo dharmaraaj hain na vo sabhi jaise hajjaam hain । vo judgement poori nahin dete hain, isliye pahle se hi unke oopar ooncha rakha hua hai । phir ooncha judgement na deven, to aur unse ooncha rakha hai । to neeche vaale hajjaam thahre na । hajjaam unko kaha jaata hai jinmen akla nahin hoti hai । gusse mein kehte hain na ki tum to koi hajjaam ho । tum to koi buddhu ho । bhains buddhi kisko kaha jaata hai? kehte hain na tum to koi bhains buddhi ho । tumko yeh dhaarna karne ki buddhi hi nahin hai । to usko kaha jaata hai bhains buddhi । aise hota hai na ।… abhi ye to actors hain । jaante hain ki zaroor actors mein koi to creator director principal hoga na । to creator director, karan-karaavanhaar kaha hi jaata hai shivbaaba ko । brahma dvaara karaate hain, vishnu dvaara karaate hain, shankar dvaara karaate hain । dekho, brahma dvaara sthaapna kar rahe hain । uske liye gaaya hi jaata hai karan-karaavanhaar । manushyon ke liye nahin । are, aho saubhaagya! yeh samajh mein ye gaayan karta rahe sirf isko hi srishti ka chakra kaha jaata hai ki mool vatan mein vo hai, sookshm vatan mein vo hain, sthoolavtan mein phir devtaaen hain । phir vo devtaaen 84 janma bhogte hain satayug, treta, dvaapar, kalhayug mein । phir chakkar phirta hai । are, yeh bhi yaad ho jaave to aho saubhaagya! meethe-meethe sikeeldhe brahmaamukhvanshaavli braahman kulbhooshan, svadarshan chakradhaari, abhi bataaya na tumko ki chakra ko kaise yaad karna hai, to svadarshanchakradhaari sikeeldhe meethe-meethe bachchon prati maat-pita baapdaada ka dil va jaan, sik va prem se nambarvaar purushaartha anusaar yaad pyaar aur good morning ।